Author: អេបិល

អតីតពិធីការិនីប៉ុស្តិ៍ហង្សមាស ផាន វីរ៉ាទី ហៅរ៉ាប៊ី ដែលក្លាយទៅជាតារាចម្រៀងផលិតកម្មថោន នោះ ពេលនេះមានទីផ្សារចម្រៀងលេចធ្លោគ្រាន់បើ ឈរលេខ2 នៅថោន បន្ទាប់ពីមាស សុខសោភា ទៀតផង ហើយថែមទាំងមានព័ត៌មានថា ថ្មីៗនេះ ស្រីស្អាតរូបនេះបានធ្វើឱ្យលោកថៅកែថោន ពេញចិត្តស្តូក បន្ទាប់ពីនាងធ្វើឱ្យជោគជ័យខ្លាំងតាមរយៈបទ « មាន់ស្រែ » ដែលមិនត្រឹមតែក្នុងប្រទេសប៉ុន្នោះទេ ប៉ុន្តែក៏ត្រូវប្រជាជនក្នុងបណ្តាលប្រទេសជិតខាងខ្មែរ យកទៅរាំតាមទៀតផង។

ជាក់ស្តែង គ្រាន់តែត្រលប់មកពីបំពេញការងារនៅឯបរទេសភ្លាម កញ្ញា រ៉ាប៊ី មិនសម្ងំលាក់ខ្លួនពេលយូរទេ ក៏បានបញ្ចេញនៅបទថ្មី ដែលមានចំណងជើងថា « លុយ លុយ លុយ» ដែលមានចង្វាក់ភ្លេងពិរោះ និងមានក្បាច់រាំឡូយខ្លាំងទៀតផង ហើយមើលទៅគឺមិនចាញ់បទ “មាន់ស្រែ” ប៉ុន្មានដែរ។ ក្រោយបានមើលភ្លាម អ្នកទស្សនាពិតជាចង់មើល MV បទថ្មីរបស់ កញ្ញា រ៉ាប៊ី ថាតើប្លែកជាង បទ “មាន់ស្រែ” យ៉ាងណាខ្លាំង។

កុំឱ្យរង់ចាំយូរតោះរាំលេងកម្សាន្ត បទថ្មី « លុយ លុយ លុយ» ច្រៀងដោយ​ តារាចម្រៀងប្រចាំផលិតកម្មថោន កញ្ញា រ៉ាប៊ី ទាំងអស់គ្នា ទាំងបទភ្លេង និងទស្សនីយភាពក្បាច់រាំ ភ្លឺច្បាស់ត្រជាក់ភ្នែក ជាពិសេសមួយបទនេះ នឹងធ្វើឱ្យទស្សនិកជនប្លែកភ្នែក និងបានរីករាយ ឡើងរាំលេងកម្សាន្ត តាមចង្វាក់ភ្លេង ខាងក្រោមនេះ៖

ពិតជាកក្រើកវិស័យអចលនទ្រព្យនៅក្នុងប្រទេសកម្ពុជា បន្ទាប់ពីកំពូលតារាចម្រៀងល្បីល្បាញនៅក្នុងប្រទេសកម្ពុជា លោក ព្រាប សុវត្ថិ ស្រាប់តែបានប្រកាសចាប់ដៃជាមួយឧកញ៉ាវ័យក្មេង លោក ឡេង ណាវ៉ាតត្រា ដែលត្រូវគេស្គាល់ថា ជាអ្នកជំនួញវ័យក្មេង ដែលជោគជ័យលើវិស័យអចលនទ្រព្យទាំងលើជំនួញពុះដីឡូតិ៍លក់ និងសង់បុរីនោះ។ អ្នកទាំងពីរបានប្រកាសដាក់ទុនរួមគ្នាជាង5លានដុល្លារ ធ្វើជំនួញពុះដីលក់លើទំហំ​ដីជាង13ហិកតានៅម្ដុំផ្សារព្រៃទទឹង លើផ្លូវជាតិលេខ3 ។

ដើម្បីផ្ដល់ទំនុកចិត្តដល់អតិថិជនដែលជាអ្នកគាំទ្ររបស់លោកផ្ទាល់ និងជៀសវាងការបោកបញ្ឆោតពីជនខិលខូចបានយករូបថតរបស់លោកទៅចុះផ្សព្វផ្សាយដោយពុំមានការអនុញាត្តិ ទាំងដែលមិនមែនជាគម្រោងរបស់លោកនោះ កំពូលតារាចម្រៀងរូបនេះ បានសរសេរបញ្ជាក់នៅលើហ្វេសប៊ុករបស់លោកថា « ជំរាបសួរអ៊ុំប្រុសអ៊ុំស្រីពូមីង នឹងបងប្អូនយុវ័យទាំងអស់ ខ្ញុំបាទ ព្រាប សុវត្ថិ សូមថ្លែងអំណរ អរគុណយ៉ាងជ្រាវជ្រៅ ដែលបានគាំទ្រនឹងស្រលាញ់ខ្ញុំបាទកន្លងមកនៅក្នុងវិស័យសិល្បៈ ដោយនាពេលថ្មីៗនេះខ្ញុំបាទបានបង្កើតវិស័យអចលនទ្រព្យ ដើម្បីជាតម្រូវការនៃការស្រលាញ់ និងមានទំនុកទុកចិត្ត។

សូមជំរាបថា៖ គម្រោងខ្ញុំបាទមុនៗ បានលក់ដាច់អស់ហើយ​ ។ ដើម្បីឱ្យកាន់តែមានភាពជឿជាក់ និងទទួលបានព័ត៍មានកាន់តែច្បាស់លាស់ ហើយមិនយល់ច្រទ្បំនោះ ​ព្រោះថាមានបណ្តាញសង្គម (Pages) មួយចំនួននៅក្នុង Facebook និងបណ្តាព័ត៍មានមួយចំនួន ដែលបានយករូបថតនឹងសកម្មភាពរបស់ខ្ញុំបាទ ទៅចុះផ្សព្វផ្សាយដោយពុំមានការអនុញាត្តិ! ដែលមិនមែនជាគម្រោង របស់ខ្ញុំ ។ (សូមប្រុងប្រយ័ត្ន)
សូមបញ្ជាក់ម្តងទៀតថាៈ Page ដែល Post លក់បោកបញ្ឆោតតាមរយៈយករូបភាពនានា! ក្រុមការងាររបស់ខ្ញុកំពុងស្រាវជ្រាវនឹងរៀបចំឯកសារតាមនិតិវិធី ច្បាប់ ។ ថ្មីៗនេះ ខ្ញុំបាទកំពុងរៀបចំគម្រោងល្អៗ ពិសេសនោះគឺ ​គម្រោង (ព្រាប ​សុវត្ថិ នឹងទ្បេង ណាវ៉ាត្រា) ដែលជាទីតាំង ដ៏ល្អសម្រាប់ការជ្រើសរើសរបស់អតិថិជនរបស់យើង ដែលប្រកបទៅដោយភាពជឿជាក់។ (ប្រសិនបើគ្មានទីតាំងណាល្អ ដាច់ខាតខ្ញុំមិនជ្រើសរើសសម្រាប់អតិថិជនខ្ញុំឡើយ) »៕

ពិធីការិនី និងតារាសម្ដែង កញ្ញា ហ៊ិន ច័ន្ទនីរ័ត្ន ដែលមានប្រិយមិត្តជាច្រើនបាន ស្គាល់ថាជា តារាស្រីដែលមាន សម្លេងពិរោះ ព្រមទាំងមានសម្រស់ស្រស់ស្អាតដូចតារាកូនកាត់ ។ ដោយអាជីពជាអ្នកសិល្បៈ មានភាពជោគជ័យ ធ្វើឱ្យកញ្ញា មាន ភាពល្បីល្បាញក្នុងពេលបច្ចុប្បន្ន។ យ៉ាងណាមិញ គេសង្កេតឃើញថាកញ្ញា ហ៊ិន ច័ន្ទនីរ័ត្ន មានសន្ទុះក្នុងទីផ្សារសិល្បៈខ្លាំងមែនទែនមិនថាការ សម្ដែងខ្សែភាពយន្ដ ការថតស្ពតផ្សាយពាណិជ្ជកម្មផលិតផលធំផ្សេងៗ ជាច្រើនទៀត។

ដោយឡែក នៅពីពេលថ្មីៗនេះ បទ KiKi (KeKe) ឬ In My Feelings របស់តារាចម្រៀង Drake ដ៏ពិរោះ និងមានចង្វាក់រាំឡូយ កំពុងមានភាពពេញនិយមនៅលើបណ្ដាញសង្គម បានទាក់ទាញចិត្តតារាស្រីចរិតស្រគត់ស្រគំ ហ៊ិន ច័ន្ទនីរ័ត្ន ទ្រាំមិនបានក៏បង្ហាញក្បាច់រាំបែប Challenge សប្បាយៗជាមួយបទនេះផងដែរ ធ្វើឱ្យមហាជនសរសើរថាកញ្ញាពិតជារាំបានឡូយមិនធម្មតាមែន។ នាងក៏បានបង្ហោះវីដេអូនេះនៅលើបណ្ដាញអ៊ីនស្ដាក្រាមរបស់នាង ដែលមានអ្នកគាំទ្រដល់ទៅ 124 ពាន់នាក់ឯណោះ។

ចង់ដឹងថា កញ្ញា ហ៊ិន ច័ន្ទនីរ័ត្ន បង្ហាញក្បាច់រាំបែបណា សូមទស្សនាវីដេអូខាងក្រោមនេះ:

#kikidoyoulovemechallenge 😜 my break time #forfun

A post shared by Hinchanniroth🇰🇭 (@hin_channiroth) on Aug 5, 2018 at 2:44am PDT

កុមារា ពេជ្រ ថៃ មានអាយុត្រឹមតែអាយុ13ឆ្នាំ ប៉ុន្តែបានក្លាយទៅជាតារាចម្រៀងទាំងវ័យក្មេងក្នុងផលិតកម្មរស្មីហង្សមាស​ បន្ទាប់ពីប្រលងជាប់ក្លាយជាម្ចាស់ជ័យលាភីក្នុង កម្មវិធី The Voice Kids Cambodia 2017។ សព្វថ្ងៃ កុមារា ពេជ្រ ថៃ កំពុងតែទទួលបានការចាប់អារម្មណ៍កាន់តែខ្លាំងជាមុន ព្រោះតែរូបគេមានចរិតរស់រាយ កំប្លែង ស្គាល់ចាស់ស្គាល់ទុំ ជាហេតុធ្វើឱ្យរូបគេទៅណាមកណាទទួលបានការស្រលាញ់ រាប់អានពី សិល្បះករ សិល្បះការនីជាច្រើនរូបផងដែរ។

ប៉ុន្តែកាលពីពេលថ្មីៗនេះ ប្អូនប្រុស ពេជ្រ ថៃ បានជាប់ទុក្ខជាទំងន់ ដោយសារតែម៉ែចាស់ (លោកយាយ) ជាទីស្រលាញ់ ដែលខំចិញ្ចឹមបីបាច់ថែរក្សា ពេជ្រ ថៃ តាំងពីតូច បានលាចាកលោកទៅចោល ពេជ្រ ថៃហើយ។ ក្នុងនោះផងដែរ ពេជ្រ ថៃ ក៏បានបង្ហោះនៅលើបណ្តាញសង្គមឱ្យដឹងផងដែរថា “ម៉ែចាស់របស់ខ្ញុំបានទទួលមរណៈភាពហើយ សូមឱ្យម៉ែចាស់ទៅកាន់សុគតិភព ហើយចៅប្រាថ្នាជាតិណាណាសូមឱ្យក្លាយជាចៅលោកយាយជានិច្ច”។

ទើបតែតែងកំណាព្យជូនជីដូប៉ុន្មានថ្ងៃមុនសោះ ស្រាប់តែត្រូវឃ្លានពីជីដូនដែលបានមើលថែខ្លួនទាំងពីតូចពបាត់ទៅហើយ។ ចុងក្រោយក៏សូមចូលរួមរំលែកទុក្ខ និងសូមឱ្យដួងវិញាណក្ខន្ធលោកយាយទៅកាន់សុគតិភព កុំបី ឃ្លៀងឃ្លាតឡើយ៕

មួយរយៈចុងក្រោយនេះ គេសង្កេតឃើញថា តារាសិល្បៈល្បីៗចាប់ផ្តើមបោះទុនចូលប្រឡូកក្នុងវិស័យអចលនទ្រព្យច្រើន ជាពិសេសគឺប្រកាសលក់ដីឡូត៍ធំៗតែម្តង ដោយសារតែជាតារាល្បី​ មានកេរ្តិ៍ឈ្មោះ​ និងមានគេស្គាល់ច្រើនស្រាប់ផងនោះ ទើបវាជារឿងងាយស្រួលមួយក្នុងការផ្សព្វផ្សាយដើម្បីឱ្យដីឡូត៍របស់ខ្លួនឆាប់លក់ដាច់អស់។

ជាក់ស្តែង គេមើលឃើញគម្រោងលក់ដីឡូត៍ថ្មីរបស់តារាចម្រៀង ខេមរៈ សិរីមន្ត ដែលបានបង្ហាញខ្លួនជិះសុទ្ធតែ​​​ឧទ្ធម្ភាគ​ចក្រ​​ ឡៃហ្វវីដេអូពីលើអាកាសបង្ហាញពីទិដ្ឋភាពដីឡូត៍របស់ខ្លួនចែករំលែកដល់អ្នកទស្សនាឱ្យបានឃើញផ្ទាល់កាលពីព្រឹកថ្ងៃទី6 ខែសីហានេះ ដោយបានប្រកាសបោះទុនលើជំនួញដីធ្លីជាមួយលោក ឡេង ណាវ៉ាត្រា ដែលមានទុនវិនិយោគច្រើនរហូតដល់ទៅជាង 10លានដុល្លារ លើសការវិនិយោគរបស់លោក ព្រាប សុវត្ថិ ដល់ទៅ 2ដង។  

អ្វីដែលគួរឱ្យភ្ញាក់ផ្អើលនោះ គឺលោកថែមទាំងប្រកាសផ្ដល់កាដូដល់អតិថិជនដែលទិញដីរបស់លោកក្នុងមួយឡូត៍នូវសំបុត្រយន្តហោះដំណើរកម្សាន្តទៅលេងនៅប្រទេសសិង្ហបុរី 2យប់ 3ថ្ងៃ ដោយក្រុមហ៊ុននឹងចំណាយឱ្យមួយចប់តែម្ដង។ លោក ខេមរៈ សិរីមន្ត បានថ្លែងក្នុងវេទិកាសន្និសីទកាសែតថា លោកសម្រេចចិត្តបោះទុនទ្វេហ៊ុនជាមួយលោកឧកញ៉ា ឡេង ណាវ៉ាត្រា ម្ចាស់បុរី និងជាម្ចាស់អចលនទ្រព្យវ័យក្មេងនេះ គឺដោយសារតែលោកចាប់ផ្ដើមចង់រៀនធ្វើជំនួញដីធ្លី និងអះអាងថា លោកមានដើមទុនគ្រប់គ្រាន់ក្នុងគម្រោងវិនិយោគមួយនេះ ដែលលោកយល់ថា វាគួរតែដល់ពេលហើយដែលលោកត្រូវងាកមកធ្វើជំនួញវិញម្ដង។ មុនការចាប់ដៃជាមួយលោក ឡេង ណាវ៉ាត្រា លោកក៏មានជំនួញដីធ្លីជាលក្ខណៈឯកជនតូចៗផងដែរ ហើយដោយសារតែលោកយល់ថា ខ្លួនមានដើមទុនសមល្មមនឹងធ្វើការវិនិយោគលើគម្រោងនេះហើយ ទើបលោកសិក្សាស្វែងរកដៃគូ ហើយលទ្ធផលចុងក្រោយក៏បានចាប់ដៃជាមួយលោកឡេង ណាវ៉ាត្រា ដែលលោកបញ្ជាក់ថា «ជាអ្នកជំនួញដីធ្លីវ័យក្មេងដ៏ជោគជ័យម្នាក់»។  

លោក សិរីមន្ត បន្ដថា ដីសម្រាប់ពុះជាឡូត៍លក់ទាំងអស់មានទំហំ 40ហិកតា ដោយចូលគ្នាក្នុងទំហំដើមទុន 50ភាគរយម្នាក់ ហើយគម្រោងរកស៊ីរួមគ្នានេះមានតម្លៃជាង10លានដុល្លារនៅឃុំព្រះនិពាន្ត ស្រុកគងពិសី ខេត្តកំពង់ស្ពឺ ជិតផ្សារព្រៃទទឹង លើផ្លូវជាតិលេខ4 ចម្ងាយពីរង្វង់មូលចោមចៅ 11គីឡូម៉ែត្រ។ ចំពោះការស្វែងរកដីដែលមានទំហំធំដើម្បីពុះជាឡូត៍លក់នេះ គឺលោក និងលោកឡេង ណាវ៉ាត្រាបានប្រើពេលវេលាក្នុងការស្វែងរកយូរណាស់ និងលំបាករកជាខ្លាំង  ដូច្នេះហើយទើបលោកមានជំនឿយ៉ាងខ្លាំងថា ដីឡូត៍ដែលពួកលោកដាក់ហ៊ុនរួមគ្នានេះ ពិតជាទទួលបានការចាប់អារម្មណ៍ខ្លាំងពីសំណាក់អតិថិជន ដោយសារតែទីតាំងនោះ ពេលទិញភ្លាម គឺអាចសង់ផ្ទះនៅបានភ្លាមតែម្ដង ហើយបើនិយាយពីប្រព័ន្ធទឹក-ភ្លើងវិញ គឺបានដំឡើងឱ្យមានភាពងាយស្រួលដល់ការរស់នៅផងដែរ។

លោកបានបញ្ជាក់ជាចុងក្រោយថា ដីឡូត៍ដែលលោកសម្រេចចិត្តបោះទុនជាមួយលោក ឡេង ណាវ៉ាត្រា ជាលើកដំបូងនេះ លោកនឹងកំណត់ក្នុងតម្លៃចាប់ពី 5,800ដុល្លារឡើងទៅ ដោយអតិថិជនដែលទិញភ្លាមៗ គឺនឹងទទួលបានសំបុត្រយន្តហោះទៅលេង និងស្នាក់នៅ 2យប់នៅក្នុងប្រទេសសិង្ហបុរីតែម្ដង ក្នុងអំឡុងពេល15ថ្ងៃដំបូងក្រោយការប្រកាសលក់៕

ចំណង​ស្នេហ៍​របស់​តារាចម្រៀង Original Song លោក ម៉ា ច័ន្ទ​បញ្ញា និងស្រី​ស្អាត អូន​អ៊ីង បានកើត​ឡើង​ និងបាន​ប្រកាស​ឱ្យ​សាធារណជន​ដឹងឮ​អស់​រយៈពេល​ជាង​មួយឆ្នាំ​មកហើយ ហើយគូស្នេហ៍​វ័យក្មេង​មួយគូ​នេះ​តែង​បង្ហាញ​ពីភាព​ផ្អែមល្ហែម​ចំពោះ​គ្នា​ទៅវិញទៅមកដោយបានបង្ហោះ​តាមរយៈ​បណ្ដាញ​សង្គម​ហ្វេ​ស​ប៊ុ​ក​ធ្វើឱ្យ​មិត្តៗ​យុវវ័យ​ច្រណែនលេងទៀតផង។ តែមួយរយៈពេលថ្មីៗនេះ ស្រាប់តែមានសារព័ត៌មានក្នុងស្រុកជាច្រើនបានចុះផ្សាយថា តារាចម្រៀងល្បីឈ្មោះរូបនេះ និងគូស្នេហ៍ បានចែកផ្លូវគ្នាបាត់ទៅហើយ ធ្វើឱ្យសាមីខ្លួនមានប្រតិកម្ម និងចេញមុខមកបកស្រាយចំពោះរឿងនេះភ្លាមៗតែម្ដង។

ដើម្បីបញ្ចប់ពាក្យចចាមអារាមទាំងនោះ ម្ចាស់បទ “ម្ចាស់គ្រងសុបិនស្នេហ៍” រូបនេះបានបង្ហោះរូបថតមួយសន្លឹកជាមួយនិងគូស្នេហ៍របស់ខ្លួន ដោយភ្ជាប់មកជាមួយនូវសារយ៉ាងមានន័យថា «ទើបឃើញសារព័ត៌មានគាត់ចុះផ្សាយ យាយប៉ិនេះសូមខ្ញុំបែក ហើយនាំគេតាមដានរឿងយើង អ្នកខ្លះថាឱ្យ អ្នកខ្លះស៊ែដ (sad)  ថ្ងៃនេះមកកំដរគាត់នៅកន្លែងធ្វើការ តាមពិតរឿងដដែលៗទេ ប៉ុន្តែយ៉ាងណាសូមអរគុណ និងសូមទោសបងប្អូនអ្នកគាំទ្រទាំងឡាយផងដែលបារម្ភ។ ថ្ងៃនេះ ខ្ញុំសូមប្រកាសថា ពួកយើងអត់អីទេ»។ ក្រោយពីបានឃើញដូច្នេះ មានហ្វ៊ែនជាច្រើនសប្បាយចិត្ត និងចួលរួមត្រេកអរជាមួយនឹងគូស្នេហ៍មួយគូនេះផងដែរ៕