Author: អេបិល

ប្រិយមិត្តទាំងអស់គ្នាប្រហែលជាធ្លាប់បានទៅដើរកម្សាន្ដនៅប្រទេសថៃច្រើនកន្លែងមកហើយ តើប្រិយមិត្តធ្លាប់បានស្គាល់កោះមួយដែលមានទំហំមិនតូច ហើយក៏មិនធំប៉ុន្មាន និងមានចម្ងាយជិតបំផុតពីទីក្រុង បាងកក ដែរឬទេ?

កោះនោះគឺ កោះឡាន (  เกาะล้าน ) កោះដែលមានឆ្នេរខ្សាច់សក្បុស និងមានទឹកសមុទ្រពណ៌ខៀវស្រស់បំព្រង ដែលមានភាពងាយស្រួលទាំងការធ្វើដំណើរតាមរយៈរថយន្ដឈ្នួល និងចំណេញថវិកាទៀតផង។

កោះនេះមានចំណុចពិសេសខុសពីកោះដទៃគឺ ត្រង់ទឹកសមុទ្រមានពណ៌ខៀវស្រងាត់ ថ្លាដូចកញ្ចក់ ឆ្នេរខ្សាច់សក្បុសដ៏វែងលាតសន្ធឹងជុំវិញកោះ ដោយលោកអ្នកអាចជួលកន្លែងអង្គុយលេងនៅលើឆ្នេរខ្សាច់ ឬជួលម៉ូតូជិះកម្សាន្ដជុំវិញកោះបានដោយសុវត្ថិភាព។ កោះនេះ ទើបតែទទួលបានមណ្ឌលកម្សាន្ដថ្មីៗជាច្រើនដូចជា កន្លែងលេងកីឡាក្នុងទឹកសមុទ្រ កន្លែងលោតឆត្រយោងទស្សនាដែនសមុទ្រ កន្លែងជិះ Ski Boats និងកន្លែងគេងសំដិលថ្ងៃ ជាដើម។

កោះឡាន ជាកោះស្ថិតក្នុងឈូងសមុទ្រថៃ មានទំហំផ្ទៃដី 4គីឡូម៉ែត្រការ៉េលើមាត្រដ្ឋានអន្ដរជាតិ ស្ដិតនៅក្នុងទីក្រុង ប៉ាតាយ៉ា ក្នុងខេត្តឈុនបុរី ដោយមានចម្ងាយពីក្រុងប៉ាតាយ៉ា 7គីឡូម៉ែត្រ និងមានចម្ងាយពីទីក្រុងបាងកក 97.9គីឡូម៉ែត្រ ដែលត្រូវចំណាយពេលធ្វើដំណើរប្រមាណជា 2ម៉ោងតាមរយៈរថយន្ដឈ្នួលក្នុងតម្លៃតែ 350បាត(ប្រហែលជាជាង 10ដុល្លារតិចតួច)ប៉ុណ្ណោះ។ ភ្ញៀវទេសចរនឹងត្រូវចំណាយពេល 45នាទីទៀតដើម្បីបន្ដដំណើរតាមទូកទៅកាន់កោះឡាន។

ដើម្បីកុំឱ្យប្រិយមិត្តងឿងឆ្ងល់ សូមទស្សនារូបភាពទេសភាពទាំងស្រុងនៅលើកោះឡាននេះ ទាំងអស់គ្នា ៖

នៅពេលថ្មីៗនេះ តារាសម្ដែងលោក ហង្ស អច្ឆរិយា ទទួលបានការងារក្នុងស្រុកច្រើនជាងមុន​ និងកន្លងមកមានទាំងការសម្ដែងរឿងនៅក្នុងប្រទេសថៃទៀតផង ដែលសកម្មភាពសិល្ប:ទាំងអស់របស់លោកកំពុងដុតកម្តៅមហាជនឱ្យចាប់អារម្មណ៍ពីទេពកោសល្យដ៏ប៉ិនប្រសប់ និងការបង្ហាញសិល្បៈថតរូបអាក្រាតកាយរបស់លោកនៅលើបណ្ដាញសង្គមហ្វេសប៊ុក។ រូបអាក្រាតរបស់លោកនោះត្រូវបានគេសង្កេតឃើញថា បានកន្រ្តាក់អារម្មណ៍មហាជន(ពិសេសនារីៗ)ពេញបណ្ដាញហ្វេសប៊ុក និងទទួលបានការសរសើរថា លោកជាតារាចិត្តសឿង ហ៊ានថតរូបភាពអាក្រាតកាយខុសពីតារាភាគច្រើន។

តារាសិចស៊ីប្រុសរូបនេះ ធ្លាប់បានប្រាប់ថា ដោយសារតែលោកធ្លាប់ថតភាពយន្តស្រឡាញ់ភេទដូចគ្នាជាមួយផលិតករបរទេស ហើយលោកក៏ធ្លាប់ថតស្រាតដាក់ផ្សាយនៅលើទស្សនាវដ្ដីបរទេសផងដែរ ដូច្នេះហើយទើបលោកនៅតែជាប់ឈ្មោះថាជាតារាស៊ិចស៊ី រហូតដល់មានអ្នកខ្លះរើសអើងថា លោកជាតារាដែលប្ដូររូបកាយ ដើម្បីល្បីឈ្មោះ ហើយមិនសូវផ្ដល់នូវភាពជិតស្និទ្ធជាមួយ។ យ៉ាងណាមិញ គេកត់សម្គាល់ឃើញថា ការងារសិល្ប:របស់ ហង្ស អច្ឆរិយា មានការរីកចម្រើនជាងមុនច្រើន ដោយទទួលបានការសម្ដែងក្នុងរឿងធំៗជាហូរហែមិនចេះដាច់ បើទោះជាក្នុងពេលនេះលោកមិនទាន់មានឱកាសបានសម្ដែងតួឯកនៅឡើយក្ដី។

មុននេះបន្ដិចលោកបានប្រាប់សារព័ត៌មាន ឡារ៉ែនថា លោកបានទទួលការសម្ដែងភាពយន្ដភាគថ្មីមួយទៀតរបស់ស្ថានីយទូរទស្សន៍បាយ័ន ដែលមានចំណងជើងថា «គ្រូខ្មែរ​» ដែលជាវណ្ណកម្មថ្មី ត្រូវឱ្យលោកសម្ដែងជាគ្រូមន្ដអាគមអូមអាម បញ្ចេញមន្ដវិជ្ជាការតស៊ូជាមួយពពួកព្រាយ ធ្មប់ និងបិសាច។ លោកថា កាន់តែថ្មីសន្លាងសម្រាប់រូបលោកទៀតហើយ ដែលត្រូវសម្ដែងជាតួគ្រូមន្តអាគមបែបនេះ ព្រោះកន្លងមកលោកមិនធ្លាប់សម្ដែងតួបែបហ្នឹងទាល់តែសោះ តែលោកមានការតាំងចិត្តចំពោះរឿងនេះខ្លាំង។ លោកបន្ដថា រឿងនេះជារឿងដែលបានលើកតម្កើងពីវប្បធម៌ខ្មែរយ៉ាងខ្លាំង រួមមានការសម្ដែងរបាំអប្សរា មានការប្រើប្រាស់មន្ដវិជ្ជាខ្មែរបុរាណ និងទំនៀមទម្លាប់ប្រពៃណីបុរាណខ្មែរ ដែលពិភពលោកកំពុងចាប់អារម្មណ៍។ លោករំពឹងខ្ពស់ថា មហាជននឹងគាំទ្រស្នាដៃសម្ដែងរបស់លោក ហើយកាន់តែប្លែកអារម្មណ៍តាមរយៈរឿងភាគល្អឯកមួយនេះ៕

គួរបញ្ជាក់ផងដែរថា ក្រៅពីការសម្ដែងក្នុងរឿងភាគធំៗហើយនោះ លោកក៏ទទួលបានជោគជ័យក្នុងការងារដើរម៉ូដ និងសម្ដែងរឿងផ្សេងទៀតស្ទើរតែរកពេលទំនេរមិនបាន ជាពិសេសសម្រាប់ការដើរម៉ូដជាទម្រង់ដោះអាវ លែងខ្លួនមួយកំណាត់លើបញ្ចេញសាច់ដុំធំៗ ដែលតារាប្រុសៗមួយចំនួនមិនហ៊ានទទួល៕

ដូចដែលប្រិយមិត្តគ្រប់គ្នាបានដឹងហើយអំពីតារាចម្រៀងល្បីឈ្មោះលោក ហេង ពិទូ គឺជាតារាចម្រៀងមួយរូបដែលមានសមត្ថភាពខ្ពស់ក្នុងការនិពន្ធ និងផលិតបទចម្រៀងជាស្នាដៃកូនខ្មែរ ដែលមានមេឡូឌីពីរោះៗ និងចាក់ដោតអារម្មណ៍របស់យុវវ័យ ហើយបច្ចុប្បន្ននេះលោកក៏ទទួលបានការគាំទ្រជាខ្លាំងចំពោះការបង្ហាញបទពិសោធ និងគន្លឹះនិពន្ធបទចម្រៀងថ្មី តាមរយៈការធ្វើជាគណៈកម្មការក្នុងកម្មវិធីប្រកួតចម្រៀង The Melody។

តែដោយឡែក នៅពេលថ្មីៗនេះ លោក ហេង ពិទូ ស្រាប់តែបង្ហាញពីអារម្មណ៍ដ្រាម៉ានៅលើហ្វេសប៊ុករបស់ខ្លួនដែលស្ដែងឱ្យដឹងពីមិត្តភ័ក្តិរបស់លោកដែលបានបែកគ្នាអស់រយៈពេល 7ឆ្នាំហើយ និងក្រោយមកបានជួបគ្នាដោយចៃដន្យម្តងទៀត ស្រាប់តែមិត្តភ័ក្តិម្នាក់នេះបានបោះពាក្យសម្តីមិនពីរោះស្តាប់មកកាន់លោក  រហូតលោកមិនអាចទប់បាន ក៏សរសេររៀបរាប់ដ្រាម៉ាប្រាប់មហាជ​នអ្នកគាំទ្ររបស់លោកជាសំណេរបែបសន្ទនាថា:

ពួកម៉ាកខ្ញុំ៖ អីហា ច្រៀងចង់ងាប់ទៅវិញហើយអត់សល់អីសោះហា

ខ្ញុំ៖ ចុះឱ្យធ្វើម៉េចបើអត់

ពួកម៉ាកខ្ញុំ៖ អីហា អញមកនៅភ្នំពេញរកស៊ីមិនដល់​ 3ឆ្នាំផង សល់លុយដូរឡាន ឥឡូវជិតបង់រំលស់ផ្ទះទៀតហើយ

ខ្ញុំ៖ គ្នាគ្រាន់តែមិនបានជួលផ្ទះគេប៉ុណ្ណឹង មិនពិបាកត្រូវដល់ថ្ងៃបង់ភ័យ

ពួកម៉ាក់ខ្ញុំ៖ អើគ្នាឥឡូវជិះ Hybrid 07 ពួកម៉ាកឯងមានការអីចាំខលមកគ្នាមក ឥឡូវឯងរកចេញទៅមើលផ្ទះមួយ ហើយចង់ដូរឡានយក GS300 វិញ

ខ្ញុំ៖ អរគុណណាស់ពួកម៉ាក។

រឿងពិត មិត្តភ័ក្តិបែកគ្នា 7ឆ្នាំ ជួបគ្នាកន្លែងញ៉ាំអី អួតជារឿងធម្មតារបស់មនុស្ស តែបើអួតជ្រុលពេកវាក្លាយទៅជា អួតពិសេសៗ បានន័យថា ថែមពងទាសាច់ឌុប។ ហាហា DJ សូមបទ បែកគ្នាយូរហើយ ឯងនៅតែមិនផ្លាស់ប្តូរ»។

ពិតជាចម្លែកចិត្តគួរឱ្យកត់សម្គាល់មែន ព្រោះតារាចម្រៀងប្រុសរូបនេះ មិនដែលបង្ហាញអារម្មណ៍ដ្រាម៉ានៅលើហ្វេសប៊ុករបស់ខ្លួនបែបនេះឡើយ ភាគច្រើនលោកតែងតែបង្ហោះអំពីសកម្មភាពការងារ និងការនិពន្ធបទចម្រៀងតែប៉ុណ្ណោះ។ ក៏ប៉ុន្ដែ យ៉ាងណាមិញលោក ហេង ពិទូ ក៏ត្រៀមបង្ហាញស្នាដៃបទថ្មី ដែលជាបទចម្រៀងកូនខ្មែរ នាពេលខាងមុខឆាប់ៗនេះដែរ។ សូមកុំភ្លេចរង់ចាំគាំទ្រស្នាដៃបទចម្រៀងកូនខ្មែរមួយរូបនេះជាបន្ដទៀត៕

ម្ដងនេះរឿងរ៉ាវដ៏ក្តៅគគុកធំមួយនៅក្នុងសង្គមសិល្បៈខ្មែរ កំពុងធ្វើឱ្យមានការភ្ញាក់ផ្អើលចំពោះសារនៅលើហ្វេសប៊ុករបស់លោក ខេមរៈ សិរីមន្ត តារាចម្រៀងល្បីឈ្មោះប្រចាំផលិតកម្មហង្សមាស ដែលបានសម្រេចចិត្តដាក់វិធានការក្ដៅចំពោះ លោក ម៉ៃ សុគន្ធ ដោយដាក់ពាក្យបណ្ដឹង ពីបទញុះញង់មានជាអាទិ៍ និងធ្វើឱ្យប៉ះពាល់ដល់សិទ្ធិ និងផលប្រយោជន៍បុគ្គល ក្រោយពីលោក ម៉ៃ សុគន្ធ បានធ្វើការរិះគន់ចំពោះតារាចម្រៀងប្រុសរូបនេះ កាលពីថ្ងៃម្សិលមិញ។

គួររំឭកដែរថា កាលពីថ្ងៃម្សិលមិញនេះ លោក ម៉ៃ សុគន្ធ បានបញ្ចេញពាក្យរិះគន់យ៉ាងធ្ងន់ៗដោយមិនខ្លាចរអាចំពោះ លោក សិរីមន្ដ ថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកុកទែរ(ឧទ្ធម្ភាគចក្រ) មើលតែទៅលក់ពេជ្រនៅឌូបៃ Bodiaថ្មីជានិច្ច អ្នកមានជាន់ថ្មីជាន់ដីអាលាក់ហើយ ឃើញថាឧកញ៉ាល្បីៗមួយចំនួនធំ ដែលមានរបរបើកលក់ដី​​ ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើង បានអ៊ីចឹងគេប្រៀបធៀបទៅនឹងក្ងោក មិនខុសមែន»។

ដោយមិនបង្អង់យូរឡើយ តារាចម្រៀងប្រុសហង្សមាសរូបនេះ បានរៀបចំពាក្យបណ្ដឹង និងប្រកាសនៅលើហ្វេសប៊ុករបស់ខ្លួនថា «មេធាវីរបស់ខ្ញុំបានរៀបចំសំណុំបែបបទរួចអស់ហើយ បទល្មើស និងភ័ស្តុតាងមានគ្រប់គ្រាន់អស់ហើយ

-បទចោទ -បទញុះញង់មាន​ជា​អាទិ៍ -បទធ្វើឱ្យប៉ះពាល់សិទ្ធិ និងផលប្រយោជន៍បុគ្គល។ ខ្ញុំមិនដែលគិតចង់មានបញ្ហាជាមួយបុគ្គលម្នាក់ហ្នឹងឡើយ តែគាត់ចង់បានបែបនេះ ដូច្នេះទទួលយកអ្វីដែលខ្លួនបានសាងបទល្មើសនេះចុះ»។

គ្រាន់តែឃើញសាររបស់លោក សិរីមន្ដ ភ្លាម នៅព្រឹកនេះកំពូលតារាទើស ម៉ៃ សុគន្ធ ក៏បានតបជាពាក្យសម្ដីនៅលើហ្វេសប៊ុកខ្លួនវិញថា «ដោយក្តីរីករាយ ស្គាល់ពាក្យ “ប្រយោល” ទេ ចាស្ទីនកូពី ( នាមដែលហៅទៅកាន់ ខេមរៈ សិរីមន្ត) »។ ដូច្នោះហើយ មហាជនកំពុងរង់ចាំមើលថា តើដំណើររឿងនឹងឈានទៅដល់ចំណុចខ្លាំងបែបណាតទៀត?៕

នាពេលថ្មីៗនេះ លើបណ្ដាញទំនាក់ទំនងសង្គមហ្វេសប៊ុករបស់តារាប្រុសដែលមានរហស្សនាម «កំពូលទើស»​ នៅក្នុងពិភពសិល្បៈ គឺលោក ម៉ៃ សុគន្ធ បានបង្ហោះរូបភាពជាច្រើនសន្លឹករបស់កំពូលតារាចម្រៀងប្រុសនៅក្នុងផលិតកម្មរស្មីហង្សមាស លោក ខេមរៈ សិរីមន្ដ ដែលគេមើលឃើញថា ម៉ៃ សុគន្ធ បានឌឺដងផ្លែផ្កាឱ្យសិរីមន្តចំពោះរឿងដែលលោក ខេមរៈ សិរីមន្ដ ជិះឧទ្ធម្ភាគ​ចក្រមកបោះទុនចូលប្រឡូកក្នុងវិស័យអចលនទ្រព្យ ពុះដីឡូត៍លក់។

ម៉ៃ សុគន្ធ បានបញ្ចេញពាក្យរិះគន់យ៉ាងធ្ងន់ៗដោយមិនខ្លាចរអាថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកុកទែរ(ឧទ្ធម្ភាគចក្រ) មើលតែទៅលក់ពេជ្រនៅឌូបៃ Bodia ថ្មីជានិច្ច អ្នកមានជាន់ថ្មីជាន់ដីអាលាក់ហើយ ឃើញថាឧកញ៉ាល្បីៗមួយចំនួនធំ ដែលមានរបរបើកលក់ដី​​ ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើង បានអ៊ីចឹងគេប្រៀបធៀបទៅនឹង ក្ងោក មិនខុសមែន»។

តែយ៉ាងណាមិញ អ្នកគាំទ្ររបស់តារាចម្រៀង ខេមរៈ សិរីមន្ដ បាននិយាយតប Comment វិញថា «នេះគឺជាសិទ្ធិបុគ្គលទេ គេមានលុយ គេចង់ជិះអី ជារឿងរបស់គេហើយម៉េចក៏ទើសម្ល៉េះ?»៕

បើយោងតាមហ្វេសប៊ុកផ្លូវការរបស់ ទេព បូព្រឹក្ស នាងបានបង្ហោះរូបឪពុករបស់នាងមួយសន្លឹក ដោយភ្ជាប់ជាមួយនឹងសារថា «រីករាយថ្ងៃកំណើតលោកពុក សូមឱ្យពុកមានសុខភាពល្អ អាយុវែង»។

ជាមួយនឹងការបង្ហាញមុខឪពុកនេះផងដែរ ត្រូវបានអ្នកគាំទ្ររបស់នាងចាប់អារម្មណ៍យ៉ាងខ្លាំង ដោយសារមើលឃើញតាមរយៈរូបភាពថា ឪពុករបស់នាង គឺជាមន្ត្រីនគរបាលពាក់ស័ក្តិ5 ជាបុគ្គលមានមុខមាត់គួរសមក្នុងសង្គម តែអ្វីដែលសំខាន់ គឺកញ្ញា ទេព បូព្រឹក្ស បានបង្ហាញពីក្តីគោរពស្រឡាញ់ចំពោះឪពុកជាសាធារណៈ តាមរយៈការបង្ហោះសារជូនពរឪពុកក្នុងថ្ងៃខួបកំណើត។

ដូចប្រិយមិត្តបានដឹងហើយថា  ទេព បូព្រឹក្ស គឺជាតារាចម្រៀងបែបយុវវ័យមួយដួងដែលមានភាពល្បីល្បាញ និងទទួលបានការគាំទ្រច្រើនពីទស្សនិកជនជាពិសេសយុវវ័យ និងបច្ចុប្បន្នកំពុងតែជោគជ័យលើមុខជំនួញដែលសហការហ៊ុនគ្នាជាមួយនឹងលោក G-Devith ក្នុងការលក់គ្រឿងសម្អាង និងសម្លៀកបំពាក់ និងធ្វើឱ្យមហាជនកោតសរសើរគ្រប់គ្នាថា អ្នកទាំងពីរស័ក្តិសមគ្នាខ្លាំងណាស់ ព្រោះស្ទីលចេញមកបែបយុវវ័យដូចគ្នា៕

នៅពេលថ្មីៗនេះ តារាពហុជំនាញ ខាត់ សុឃីម ក៏បានចូលរួមយ៉ាងសកម្មផងដែរក្នុងការស្វែងរកការឧបត្ថម្ភនានាជួយដល់កុមារកម្សត់ខាងលើ ហើយអ្នកនាងក៏បានប្រកាសត្រៀមដាក់លក់សម្លៀកបំពាក់របស់អ្នកនាងផ្ទាល់ដើម្បីប្រមូលថវិកាបន្ដិចបន្ដួច ជួយឧបត្ថម្ភការព្យាបាលសង្គ្រោះជីវិតកុមារ លី ហេង ដែលត្រូវឡានកុងតឺន័រកិនដាច់ជើងមួយចំហៀងយ៉ាងគួរឱ្យអាណោចអាធម្ម និងកំពុងត្រូវការជំនួយបន្ទាន់ក្នុងការព្យាបាលនៅប្រទេសវៀតណាម។  

ដោយនឹកសោកស្តាយ និងអាណិតអាសូរកុមារាកម្សត់នោះខ្លាំងពេក អ្នកនាងខាត់ សុឃីម បានខំព្យាយាមប្រឹងប្រែងស្វះស្វែងរកជំនួយសប្បុរសធម៌ ទាំងអារម្មណ៍ក្ដុកក្តួលនៅពេលធ្វើការ​ Live Video លក់សម្លៀកបំពាក់។ តារាពហុជំនាញ អ្នកនាង ខាត់ សុឃីម បានបង្ហោះសារថា៖ សួស្តីអូនៗបងៗ នៅចាំក្មេងប្រុសដែលជួបគ្រោះថ្នាក់ចរាចរណ៍ត្រូវឡានកិនដែរឬទេ គាត់ត្រូវកាត់ជើងចោល គាត់ត្រូវកាត់ប្រដាប់ភេទទៀត អាសូរណាស់ កូនគេកូនឯង ហើយគាត់ឥឡូវកំពុងតែត្រូវការជំនួយខ្លាំងដើម្បីសង្គ្រោះឱ្យផុតពីមច្ចុរាជ100% អ៊ីចឹងមានតែសង្ឃឹមលើបងប្អូនយើងទាំងអស់គ្នា តិចក្តីច្រើនក្តីតាមសទ្ធា ម៉ាក់អូនយៀនធានា100% នៃថវិកានឹងទៅដល់ដៃអាណាព្យាបាលក្មេងដោយគ្មានបាត់មួយកាក់មួយសេនឡើយ បើអ្នកចង់ចូលរួមឆាតមក​ខ្ញុំនឹងធ្វើការឡាយផ្ទាល់ លក់ខោអាវ1ទឹករបស់ខ្ញុំ ដើម្បីជួយក្មួយ បានប៉ុន្មានយកប៉ុណ្ណឹង មក មក មហាមិត្ត រួមគ្នា ធ្វើបុណ្យ។

ខណៈអ្នកនាង ខាត់ សុឃីម កំពុងធ្វើការ Live លក់សម្លៀកបំពាក់ដើម្បីជួយដល់ក្មេងកម្សត់ខាងលើ ក្នុងនោះក៏មានអ្នកទស្សនា និងសប្បុរសជនជាច្រើនបានចូលជាវភ្លាមៗនូវសម្លៀកបំពាក់ដែលពួកគេស្រឡាញ់ ហើយក៏ជាចំណែកមួយដើម្បីជួយដល់កុមារកម្សត់ផងដែរ។

សូមជម្រាបបន្ថែមថា ក្មេង​ប្រុសកម្សត់មានវ័យ 8ឆ្នាំនោះត្រូវបានឡានធុនធ្ងន់បើកកិនពីលើជើង បណ្តាលឱ្យរងរបួសធ្ងន់ រហូតត្រូវខាងមន្ទីរពេទ្យសម្រេចកាត់ជើងដែលរងរបួសនោះចេញដើម្បីសង្រ្គោះជីវិតរបស់ប្អូន ហើយពេលនេះប្អូនកំពុងតែការទទួលការព្យាបាលសង្គ្រោះបន្ទាន់នៅឯមន្ទីរពេទ្យមួយក្នុងប្រទេសវៀតណាម។ ដោយសារតែក្រុមគ្រួសាររបស់ប្អូនមានជីវភាពខ្វះខាត មិនមានថវិកាគ្រប់គ្រាន់ក្នុងការព្យាបាលរបួសដ៏ធ្ងន់ធ្ងររបស់ប្អូន ធ្វើឱ្យមហាជនជាច្រើនមិនអាចមើលនឹងភ្នែកបាន ក៏នាំគ្នាជួយស្វះស្វែងរកការឧបត្ថម្ភពីសប្បុរសជននានាជាបន្តបន្ទាប់។ បើទោះជាមានការជួយឧបត្ថម្ភ ពីសប្បុរសជននានាហើយក្ដី ប៉ុន្តែការចំណាយផ្សេងៗក៏នៅតែត្រូវការបន្ថែមនៅឡើយ ព្រោះនៅពេលនេះប្អូនប្រុស លី ហេង កំពុងស្ថិតនៅក្នុងបន្ទប់សង្គ្រោះបន្ទាន់នៅឡើយ៕

តារាចម្រៀងស្រីវ័យក្មេងសម្លេងធ្ងន់ គឺជាកូនស្រីលោកគ្រូ ហួ ឡាវី គឺកញ្ញា វី ឌីណែត កំពុងតែឆក់បានការចាប់អារម្មណ៍ និងការពេញនិយមខ្លាំងពីសំណាក់មិត្តៗយុវវ័យនាពេលបច្ចុប្បន្ននេះ។ ទន្ទឹមនឹងការទទួលបានប្រជាប្រិយភាពខ្លាំងនេះ កញ្ញា វី ឌីណែត ត្រូវបានគេមើលឃើញថា នាងកំពុងព្យាយាមបង្កើតក្បាច់រាំថ្មីៗប្លែកៗ ដើម្បីទាក់ទាញអារមុ្មណ៍ទស្សនិកជនដែលបានទស្សនាកម្សាន្តឱ្យស្លុងអារម្មណ៍ទៅតាមនាង ក្រៅពីការបញ្ចេញសំឡេងស្រែកស្ទើរបែកអាកាសាហើយនោះ ។

បទ In My Feelings របស់តារាចម្រៀងកាណាដា Drake កំពុងទទួលបានការពេញនិយមខ្លាំងទូទាំងពិភពលោក និងត្រូវបានគេយកទៅរាំ Challenge បង្ហោះល្បីល្បាញពេញបណ្ដាញសង្គម ដោយក្នុងនោះមានទាំងតារាបរទេស និងតារាខ្មែរផងដែរ។ ជាក់ស្ដែង​ក្រៅពីតារាខ្មែរល្បីៗជាច្រើនដែលបានរាំ KiKi Challenge នេះហើយ ក៏មានតារាចម្រៀងប្រចាំផលិតកម្មរស្មីហង្សមាសម្នាក់ គឺកញ្ញា វី ឌីណែត បានចេញវីដេអូមួយដែលបង្ហាញពីការរាំមិនឱ្យចាញ់គេដែរ។ កញ្ញា វី ឌីណែត បានបង្ហាញក្បាច់រាំ Challenge ដោយទឹកមុខសប្បាយរីករាយតាមចង្វាក់ភ្លេង និងអ្វីដែលសំខាន់នោះ គឺគេមើលឃើញនាងបញ្ចេញសាច់ក្បាលពោះដ៏ស្រឡូន ពត់ពេនយ៉ាងល្វត់ល្វន់តាមចង្វាក់ភ្លេងថែមទៀតផង  ដែលធ្វើឱ្យមហាជនលាន់មាត់សរសើរថា កញ្ញាពិតជារាំបានឡូយមិនធម្មតាមែន និងមើលទៅពិតជាសិចស៊ីទៀតផង។

ចង់ដឹងថា ក្បាច់រាំរបស់ វី ឌីណែត សិចស៊ី និងខុសគេយ៉ាងណានោះ សូមទស្សនាវីដេអូខាងក្រោមនេះ: