Author: អេបិល

សុខភាពរបស់កុមារជារឿងសំខាន់បំផុតសម្រាប់អនាគតរបស់ពួកគេ ព្រោះកុមារជាវ័យ​ដែលត្រូវការ​បញ្ចូលព័ត៌មានល្អៗឱ្យបានច្រើនបំផុតទៅក្នុងខួរក្បាល។ ប្រសិនបើពួកគេមានសុខភាពរាងកាយមិនល្អ នោះគេក៏មិនអាចក្លាយជាមនុស្សឆ្លាតវៃផ្នែកបញ្ញាបានដែរ នេះបើតាមការបញ្ជាក់របស់អង្គការសុខភាពពិភពលោក។

ដើម្បីឱ្យកុមារ​មានសុខភាពល្អ អាណាព្យាបាលបាន​បំប៉ន​តាមវិធីសាស្ត្ររៀងៗខ្លួនតាមចំណេះដឹងដែលធ្លាប់បានជួបប្រទះ តែទោះជាយ៉ាងនេះក្តី ក្នុងចំណោម​វិធីសាស្រ្តសំខាន់ៗដើម្បីជួយកុមារឱ្យក្លាយជាមនុស្សរឹងមាំ ការបំបៅដោះម្តាយត្រូវបានគេមើលឃើញថា​ជាចំណុច​ងាយស្រួល និង​អាចអនុវត្តបាន​នៅគ្រប់ទីកន្លែងមិនថានៅទីក្រុង ឬតំបន់ជនបទនោះទេ។

តាមការបញ្ជាក់របស់អង្គការ UNICEF បានឱ្យដឹងថា ការបំបៅដោះជាការជួយសង្គ្រោះជីវិត ហើយជារឿងចាំបាច់បំផុតក្នុងរយៈពេល6ខែដំបូងនៃជីវិតរបស់ទារក ព្រោះវាអាចជួយបង្ការជំងឺរាក និងជំងឺរលាកសួត។ ហេតុនេះហើយទើបការបំបៅដោះកូន​ត្រូវបានគេទទួលស្គាល់ថា ​ជាថ្នាំបង្ការដំបូងបំផុតសម្រាប់ទារក៕

ការប្រឡងមធ្យមសិក្សាទុតិយភូមិដែលនឹងត្រូវធ្វើឡើងនៅថ្ងៃទី20 ខែសីហា ឆ្នាំ2018 ប៉ុន្មានថ្ងៃទៀតនេះនឹងមានលក្ខណៈ​តឹងតែងមិនខុសពីឆ្នាំមុនៗនោះទេ។ មានសិស្សជាច្រើន​ព្រួយបារម្ភជាមួយនឹង​​ភាពហ្មត់ចត់​នៃការប្រឡងនេះដែលធ្វើឱ្យ​ពួកគេ​ប្រឹងប្រែង និងភ័យព្រួយកាន់តែខ្លាំងនៅពេលថ្ងៃប្រឡងកាន់តែខិតជិតមកដល់។

ទោះជាយ៉ាងនេះក្តី ការខិតខំប្រឹងប្រែងរៀន​បង្ខំពេក ឬភ័យស្លន់ស្លោ មិនមែនជាមធ្យោបាយល្អសម្រាប់​សិស្សត្រៀមប្រឡងនោះទេ ព្រោះដំណាក់កាលមួយសប្តាហ៍មុនពេលប្រឡងនេះជាដំណាក់កាលដែលត្រូវសម្រាក ឬ​ជាពេលមើលសេចក្តីសង្ខេបមេរៀនតាមដំណើរ​ ដើម្បី​ដកស្រង់យកចំណុចគួរចងចាំខ្លះៗ​ជំនួយដល់ការប្រឡងជាក់ស្តែង។

ពាក់ព័ន្ធនឹងបញ្ហានេះ លោក អ៊ឹង ង៉ោហុក ប្រធាននាយកដ្ឋាន​ប្រឡងបានលើកឡើងថា មុនពេលប្រឡងនេះ ក្រសួងអប់រំ យុវជន និងកីឡាបានបង្ហោះឯកសារសំខាន់ៗជាច្រើន​ទាំងមុខវិជ្ជា វិទ្យសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) និងមុខវិជ្ជាវិទ្យាសាស្រ្តសង្គមមួយចំនួន ដើម្បីជំនួយ​ដល់សិស្សត្រៀមប្រឡងមធ្យមសិក្សាទុតិយភូមិ។ នៅក្នុងឯកសារទាំងអស់នោះ គឺជា​សេចក្តីសង្ខេប​ និងចំណុចគន្លឹះសំខាន់ៗដែលអាចធ្វើឱ្យសិស្សងាយយល់ ឆាប់ចាប់បានចំណុចសំខាន់ៗដែលខ្លួនធ្លាប់បានរៀនរួចមកហើយ និង​ជាជំនួយដល់ការរំឮកមេរៀនសម្រាប់ពួកគេផងដែរ។

នៅដំណាក់កាលមុនប្រឡងនេះ សិស្សអាច​ចំណាយពេលវេលា​ប៉ុន្មានថ្ងៃដើម្បី​រំឭកមេរៀនសង្ខេបរបស់ខ្លួនឱ្យបានល្អ ហើយ​សម្រាកឱ្យបានគ្រប់គ្រាន់ ដើម្បីយកកម្លាំងប្រឡងឱ្យបានល្អ ព្រោះការរៀនបង្ខំពេកអាចធ្វើឱ្យប៉ះពាល់ទាំងសុខភាពផ្លូវកាយ និងផ្លូវចិត្ត ដែលអាចធ្វើឱ្យសិស្សភ្លេចភ្លាំងច្រើននៅពេលសរសេរលើសន្លឹកវិញ្ញាសា៕

ឡារ៉ែនជឿថា ដំណើរកម្សាន្ដលើកនេះច្បាស់ជាត្រូវចិត្តអ្នកនិយមដើរផ្សងព្រេងបែប Adventure  រុករកបទពិសោធជីវិតថ្មីៗប្លែកៗជាមួយនឹងធម្មជាតិមិនខាន។ ចូលមកដល់រដូវធ្លាក់ភ្លៀង មានមនុស្សជាច្រើនកំពុងតែធ្វើដំណើរទៅកាន់ទីជនបទដើម្បីសម្រាកលំហែកម្សាន្ដឱ្យសប្បាយចិត្ត…ចុះចំណែកយើងវិញ គួរទៅកម្សាន្ដនៅទីណាទៅហ្ន៎?។

បើមិនដឹងថាត្រូវទៅទីណានោះ ម៉ោះ! គេហទំព័រ ឡារ៉ែន សូមនាំលោកអ្នកទៅកម្សាន្ដនៅលើកំពូលធំៗក្នុងប្រទេសថៃ ដែលមានទេសភាពពណ៌បៃតងស្រស់ត្រកាល និងពេលបានទៅដល់ហើយ ច្បាស់ជាមិនចង់ចាកចេញពីទីនោះមកវិញឡើយ។ លោកអ្នកអាចសម្រាកដោយការបោះតង់ ដុតភ្នក់ភ្លើង និងទទួលទានអាហាររបស់បងប្អូនជនជាតិដើមភាគតិចដែលរស់នៅតំបន់ភ្នំនោះទៀតផង…បើអ៊ីចឹង កុំឱ្យរង់ចាំយូរ តោះយើងទៅស្គាល់តំបន់ទេសចរណ៍ភ្នំស្អាតៗដូចតទៅ!៖

1-ភ្នំ សាន់ ណក វួ ( เขาสันหนอกวัว )

ភ្នំដ៏ខ្ពស់មួយនេះ មានទីតាំងស្ថិតនៅខេត្ត កានចៈណៈប៊ុរី ស្រុកស័ង្ខៈលៈប៊ុរី មានកម្ពស់ 1,767 ម៉ែត្រ និងមានឧទ្យានជាតិ ទឺកជ្រោះ និងជ្រលងភ្នំច្នៃប្រឌិតដែលអាចទស្សនាសត្វព្រៃបានទៀតផង។

2-ភ្នំ ឆាងភឿក ( เขาช้างเผือก )

មានទីតាំងស្ថិតនៅក្នុងខេត្ត កានចៈណៈប៊ុរី ស្រុកថងផាភូមិ មានកម្ពស់ 1,249 ម៉ែត្រ ដែលមានឧទ្យានជាតិ ថងផាភូមិ និងទឹកសមុទ្រ នៅជម្រាលជើងភ្នំខាងក្រោយ ដោយលោកអ្នកអាចធ្វើដំណើរតាមស្ពានឈើអមចង្កេះភ្នំបាន។

3-ឧទ្យានជាតិភ្នំ លែមយ៉ា- មូកោះសៈម៉េត ( เขาแหลมหญ้า-หมู่เกาะเสม็ด )

មានទីតាំងស្ថិតនៅភូមិបានផេ ឆ្ងាយពីក្រុងកោះសៈម៉េត ប្រមាណ 20គីឡូម៉ែត្រ និងត្រូវធ្វើដំណើរទៅដល់ឧទ្យានជាតិចំនួន 3ជាមុនសិន ទើបត្រូវបន្ដដំណើរតាមទូកទៅកាន់ឧទ្យានកោះសៈម៉េត។ អ្វីដែលពិសេសនោះ នៅទីនេះគឺមានកសិដ្ឋានចិញ្ចឹមឃ្មុំបែបធម្មជាតិ ហើយលោកអ្នកអាចទិញទឹកឃ្មុំសុទ្ធៗនៅទីនេះបានទាំងថ្មីៗស្រស់ៗ ក្នុងតម្លៃសមរម្យទៀតផង។

4-ភ្នំក្រៈចូម ( เขากระโจม)

ភ្នំមួយនេះ មានទីតាំងនៅក្នុងស្រុកសួនផឹង ខេត្តរ៉ាតឆៈប៊ុរី ជាភ្នំដែលស្ថិតនៅក្នុងតំបន់ជាយដែនប៉ែកខាងលិចនៃប្រទេសថៃ ជាប់នឹងប្រទេសភូមា។ លោកអ្នកអាចបោះតង់សម្រាកនៅក្នុងឧទ្យានជាតិលើកំពូលភ្នំបាន រួមទាំងទស្សនាពពកវិល និងថ្ងៃលិច ដែលមើលឃើញវាលស្មៅមានពណ៌ដូចមាស។ ពិតជាអស្ចារ្យខ្លាំងមែនទែន តែលោកអ្នកត្រូវទិញសំបុត្រចូលកម្សាន្ដតម្លៃ 50បាត និងត្រូវបង់ថ្លៃការពារសុវត្ថិភាពនាពេលរាត្រី រួមទាំងថ្លៃអនាម័យ 100បាតទៀត។

5-កំពូលភ្នំ ថេវ៉ាដា ឬ ยอดเขาเทวดา

នៅភ្នំថេវ៉ាដានេះ សម្បូរទៅដោយចម្ការពោត ផ្កាឈូករ័ត្ន ម្នាស់ ផ្លែរ៉ៈកាំ…ពិតជាមិនខ្វះអីញ៉ាំទេ!។ ដូចគ្នានឹងភ្នំខាងលើដែលអាចបោះតង់ ទស្សនាថ្ងៃលិច និងអ័ព្ទពពកវិលបាន។ កាន់តែពិសេសទៅទៀត នៅលើកំពូលភ្នំ មានកន្លែងលេងកីឡាឡើងភ្នំ និងជិះកង់កម្សាន្ដតាមជម្រាលជើងភ្នំ ហើយកាន់តែរ៉ូមែនទិកទៅទៀតជាមួយធម្មជាតិ គឺមានទឹកជ្រោះ និងល្អាងភ្នំ ដែលធានាថា ត្រជាក់ស្រួលស្រៀវដល់ឆ្អឹង។ ភ្នំនេះមានទីតាំងស្ថិតនៅ ភូមិវ៉ាងយ៉ាវ ស្រុកដានឆាង ខេត្តសុផាន់ប៊ុរី៕

តារាកំប្លែង​ជើងចាស់លោក អ៊ូ បុណ្ណារ៉ាត់ ហៅ​នាយ​ក្រឹម​ បាន​ក្លាយជា​ឪពុក​របស់​កូនភ្លោះ​ស្រី​​ ដែល​ទើប​នឹង​កើត​ ​ក្រោម​ចំណង​​​ស្នេហា​លួចលាក់​​​​។

គួរ​រំឭក​ផងដែរ​ថា កាលពី​ប៉ុន្មា​ន​ខែ​មុន​ ​ស្នេហា​លួចលាក់ដែល​នាយ​ក្រឹម​តែងតែ​បដិសេធ​ជាមួយ​បណ្ដាញ​សារព័ត៌មាន​នានា​កន្លងមក ​បានដឹង​ដល់​ភរិយា​ដើមរបស់លោក​​ ដែល​កាលនោះ​បានធ្វើ​ឱ្យ​អ្នកស្រី​ និង​​កូនប្រុស​ឆួលចុងច្រមុះ​យ៉ាងខ្លាំង​ រហូតដល់​មានប្រតិកម្ម​ថា នឹងដាក់​ពាក្យ​ប្ដឹង​តារា​កំប្លែង​ ស្រីលាភ ​ហៅ​នាងព្រលិត នោះ​ទៀតផង។ យ៉ាងណាក៏ដោយ ​ជុំវិញកំណើត​កូនភ្លោះ​ស្រីក្រៅ​ខាន់ស្លា​របស់​នាយ​ក្រឹម និង​តារា​កំប្លែង​កូនក្រុមរបស់ខ្លួន គឺ​អ្នកនាងស្រី​លាភនោះ នៅ​​មិនអាច​សុំ​ការបកស្រាយ​ផ្ទាល់ពី​តារា​សិល្បៈ​មួយគូ​ដែល​បានផ្តល់​កំណើត​កូនភ្លោះថ្មីៗនេះ​បានទេ ខណៈ​នាយ​ក្រឹម ដែលចាប់តាំងពី​ល្បី​ថា​ ស្រី​លាភមានកូន​ជាមួយខ្លួនហើយ​នោះ លោក​ក៏​មិន​សប្បាយ​ចិត្តនឹង​ព័ត៌មានដែល​ផ្សព្វ​ផ្សាយ​​អំពីរឿង​នេះដែរ។

កន្លងមកអ្នកនាងព្រលិតតែងបង្ហាញរូបភាពជាលក្ខណៈក្រុមគ្រួសារជាមួយលោក អ៊ូ បុណ្ណារ៉ាត់ តែថ្មីៗនេះស្រាប់តែអ្នកនាងបានបង្ហោះរូបភាពជាច្រើនសន្លឹកនៅលើហ្វេសប៊ុក ខណៈដើរលេងកម្សាន្ដរួមគ្នាជាលក្ខណៈគ្រួសារជាមួយកូនៗ និងនាយក្រឹមយ៉ាងសប្បាយរីករាយជាមួយស្នាមញញឹមដ៏មានសុភមង្គលជាទីបំផុត។ សូមជម្រាបថា អ្នកទាំងពីរបានដាក់ឈ្មោះកូនភ្លោះរបស់ពួកគេថា អេលលីណា និងអេលលីសា។ អ្វីដែលគួរឱ្យចាប់អារម្មណ៍នោះ គឺនៅត្រង់ថា ចាប់តាំងពីទទួលដំណឹងថា មានកូនភ្លោះក្នុងផ្ទៃមក នាងស្រីលាភបានសម្ងំលាក់ខ្លួនបាត់មុខឈឹងពីវិស័យសិល្បៈ សូម្បីតែការដើរហើរតាមទីសាធារណៈ ក៏កម្រនឹងឃើញដែរ ពិសេសការទៅណាមកណាជាមួយនាយក្រឹម គឺមិនដែលសោះតែម្តង។ តែនៅពេលនេះ ហាក់បីដូចជាអ្នកនាងកំពុងតែចង់លាតត្រដាង និងបើកចំហអំពីទំនាក់ទំនងស្នេហាជាមួយនាយក្រឹមម្ដងទៀតហើយ។

បើទោះជាគេដឹងច្បាស់ថា រវាងនាយក្រឹម និងអ្នកនាងលាភមានទំនាក់ទំនងស្នេហា និងរស់នៅជាគូស្នេហ៍នឹងគ្នារហូតដល់មានកូនភ្លោះស្រីទៅហើយក្តី ប៉ុន្តែបើនិយាយពីគម្រោងរៀបការវិញ គឺហាក់គ្មានពន្លឺទាល់តែសោះ ខណៈដែលភរិយាដើមនាយក្រឹមវិញនៅតែមានកំហឹងមិនទាន់រលត់នៅឡើយ៕