Author: អេបិល

ប៉ុន្មានម៉ោងមុននេះបន្តិច ខាងផលិតកម្មរស្មីហង្សមាសបានបញ្ចេញ MV ថ្មី របស់តារាចម្រៀង កញ្ញា ឱក សុគន្ធកញ្ញា ដែលមានចំណងជាជើងថា «តស៊ូ» ដែលបទចម្រៀងមួយបទនេះ គឺពិតជាមានអត្ថន័យកម្សត់ ចាក់ដោតបេះដូងមនុស្ស ឱ្យចេះក្រោកឡើងតស៊ូ ទោះបីជាជួបបញ្ហាអ្វីក៏ដោយ ហើយក៏ជាបទចម្រៀងមួយអាចជួយជំរុញទឹកចិត្តប្អូនៗដែលទើបតែបញ្ចប់ការប្រលងនៅថ្ងៃនេះ ឱ្យតស៊ូបន្តទៀតទៅថ្ងៃអនាគត គ្មានមនុស្សណាម្នាក់ដែលកើតមកគ្មានកំហុសនោះទេ។

បទចម្រៀងដែលអន្លង់អន្លោចមួយនេះ បានទាក់ទាញអារម្មណ៍យុវវ័យឱ្យក្ដុកក្តួលអារម្មណ៍ទៅតាមទំនុកច្រៀង មិនធម្មតាឡើយ ដោយគ្រាន់តែបង្ហោះមិនបានប៉ុន្មានម៉ោងផង មានអ្នលចូលទស្សនារហូតដល់ទៅខ្ទង់ 75,284 ដងទៅហើយ។ អ្នកគាំទ្រខ្លះបានបង្ហើបអារម្មណ៍ពិតរបស់ខ្លួនចំពោះបទនេះថា « ពីរោះណាស់ កម្សត់ណាស់  មានអត្ថន័យអប់រំ និងលើកទឹកចិត្ត សម្តែងសក្តិសមបំផុត មើលហើយស្រក់ទឹកភ្នែក  តែមានកម្លាំងចិត្តក្នុងការតស៊ូ អរគុណសម្រាប់បទចម្រៀងមួយបទនេះ»។

ដើម្បីឱ្យកាន់តែជាក់ច្បាស់ថា បទចម្រៀងថ្មីរបស់កំពូលតារាស្រីប្រចាំទ្រនំហង្សមាសរូបនេះ ចាក់ដោតអារម្មណ៍យុវវ័យ ជាពិសេសប្អូនៗដែលទើបប្រលងបាក់ឌុបចប់ ដល់កម្រិតណានោះ សូមទស្សនាវីដេអូខាងក្រោម:

កន្លងទៅថ្មីនេះ ម៉ែចាស់ដ៏កម្សត់របស់លោកប្អូន ពេជ្រ ថៃ បានទទួលមរណភាពហើយនៅខេត្តបាត់ដំបង ដោយប្អូនបានទាំងប្រកាសថា នោះជាការបាត់បង់ដ៏ធំមហិមានៅក្នុងជីវិតរបស់លោកប្អូន ដោយសារតែរយៈពេលកន្លងមក ជីដូនមិនខុសពីម្ដាយរបស់លោកប្អូនឡើយនៅពេលដែលឪពុកម្ដាយរបស់លោកប្អូនចេញទៅធ្វើពលករនៅក្នុងប្រទេសថៃ។ លោកប្អូនបានចាកចេញពីរាជធានីភ្នំពេញទៅកំដរជីដូនពេលឈឺធ្ងន់ និងសម្ងំធ្វើបុណ្យនៅទីនោះទាំងអារម្មណ៍ក្ដុកក្ដួល។

ដើម្បីតបស្នងគុណដល់ម៉ែចាស់ តារាចម្រៀងវ័យក្មេងនៅក្នុងទ្រនំរស្មីហង្សមាសរូបនេះ បានបួសជាព្រះសង្ឃ ដើម្បីសាងកុសលផលបុណ្យជូនម្ដាយចាស់ និងតបស្នងគុណដែលម្ដាយចាស់មួយរូបនេះបានចំណាយពេលស្ទើរតែមួយជីវិតមើលថែរក្សា ថ្នាក់ថ្នម ប្រៀនប្រដៅ រហូតដល់ ពេជ្រ ថៃ បានជោគជ័យដូចសព្វថ្ងៃនេះ។

គួរបញ្ជាក់ផងដែរថា ក្រោយបញ្ចប់ការធ្វើបុណ្យ និងបួសសងគុណឱ្យម៉ែចាស់ ចំនួន7 ថ្ងៃ រួចរាល់ហើយ ពេលនេះតារាចម្រៀងវ័យក្មេង ពេជ្រ ថៃ បានសឹក និងត្រលប់ចូលមកបន្តសកម្មភាពជាអ្នកសិល្បៈជាថ្មីម្ដងទៀតហើយ តាមរយៈកម្មវិធីប្រគំតន្ត្រីរបស់ស្ថានីយទូរទស្សន៍រស្មីហង្សមាស ដែលធ្វើឱ្យមហាជនពិតជានឹកតារាចម្រៀងវ័យក្មេងរូបនេះជាខ្លាំង។ ជាមួយគ្នានោះដែរ នៅពេលដែល ពេជ្រ ថៃ បកស្រាយបទ ខ្លុយស្នេហ៍ត្នោតទេ ធ្វើឱ្យមហាជនជាច្រើនកម្សត់តាម ស្ទើរតែស្រក់ភ្នែក។ ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោមនេះ:

https://www.youtube.com/watch?v=kB91dmI72bM

ថ្មីៗនេះគេសម្គាល់ឃើញ អតីតបេក្ខនារីលេចធ្លោក្នុងកម្មវិធី Cambodian Idol រដូវកាលទី3 កញ្ញា សោភា ទេពី ហាក់បីដូចជាបោះជំហាននៅក្នុងវិថីសិល្បៈកាន់តែវែងឆ្ងាយទៅហើយ ពោលគឺនាងកំពុងតែមានសម្ទុះទីផ្សារសិល្បៈខ្លាំងជាងតារារួមជំនាន់ និងអតីតមិត្តរួមការប្រឡងក្នុងកម្មវិធីកំពូលនោះជាមួយគ្នា។ តារាស្រីរូបនេះបានព្យាយាមរិះរកអ្វីដែលថ្មីប្លែកសម្រាប់ចាប់យកអារម្មណ៍មហាជនឱ្យកាន់តែស្គាល់រូបនាងខ្លាំងឡើងៗ ទាំងការតុបតែងខ្លួន និងប្ដូរស្តាយល៍ច្រៀងបែបយុវវ័យ ជាពិសេស គឺស្តាយល៍រ៉េប ដែលនាងមិនធ្លាប់បានបង្ហាញពីមុនមក។

ភាពភ្ញាក់ផ្អើលដែលអ្នកគាំទ្រកំពុងបានឃើញក្នុងបណ្ដាញសង្គមហ្វេសប៊ុក និងយូធូបនោះ គឺបទចម្រៀង «I Know Who I Am» ដែលជាស្តាយល៍រ៉េបដ៏ថ្មីសន្លាងរបស់នាង ដែលធ្វើឱ្យមហាជនមិននឹកសរសើរពីស្តាយល៍បញ្ចេញតុងសំឡេងច្រៀងជាភាសាអង់គ្លេស ចំពោះទឹកដមសំឡេង និងបច្ចេកទេសរ៉េបរបស់នាងក្នុងបទចម្រៀងទាំងមូលមិនបាន។ តាមរយៈបទចម្រៀងប្លែកត្រចៀកមួយនេះ សោភា ទេពី ទទួលបានការចាប់អារម្មណ៍មិនធម្មតាឡើយ ដោយសារតែមានអ្នកចូលទៅស្ដាប់បទចម្រៀងរបស់នាង និងចែកចាយបន្តក្រោយការបង្ហោះភ្លាមៗ។

សោភា ទេពី រំពឹងទុកយ៉ាងខ្លាំងថា បទរ៉េប «I Know Who I Am» នេះនឹងជួយឱ្យនាងកាន់តែឈានឡើងក្នុងវិស័យសិល្បៈចម្រៀង ខណៈដែលនាងបានត្រៀមបញ្ចេញក្បាច់រាំប្លែកៗជាមួយក្រុមរាំ នៅពេលឡើងឆាកដោយផ្ទាល់ទៀតផង។ នាងបានបង្ហើបថា បើនិយាយពីផលិតកម្មចង់បាននាងឱ្យស៊ីញ៉េកុងត្រាជាមួយនោះមានច្រើនណាស់ ប៉ុន្តែមកពីនាងមិនចង់ហក់ចូលក្នុងផលិតកម្មណាដែលនាងយល់ថាពិបាកជួយឱ្យនាងល្បីល្បាញ និងពិបាករំពឹងពីទីផ្សារ ទើបនាងសម្រេចចិត្តនៅជាតារាឯករាជ្យសិន ហើយផលិតបទចម្រៀងល្អៗដោយខ្លួនឯងវិញ ដើម្បីចៀសពីការស៊ីញ៉េកុងត្រារួចហើយ ស្រាប់តែកប់ឈ្មោះបាត់ឈឹង៕

មួយរយៈចុងក្រោយនេះ តារាសម្ដែង និងច្រៀង ទូច ស្រីល័ក្ខ បានសាងប្រជាប្រិយភាពយ៉ាងច្រើនតាមរយៈបណ្ដាញសង្គមហ្វេសប៊ុក ដោយតារាស្រីរូបនេះបានបង្ហាញពីសកម្មភាពសប្បុរសធម៌ ការផលិតបទចម្រៀង Original Song ការបង្ហាញវីដេអូអប់រំ ជាពិសេសទៅទៀតនោះ គឺបានបង្ហាញពីការយកចិត្តទុកដាក់ចំពោះទុក្ខលំបាករបស់សិល្បករមួយចំនួន និងក៏មិនខុសពីសព្វមួយដងដែរ អ្នកនាង ទូច ស្រីល័ក្ខ តែងនិយមចូលចិត្តធ្វើអ្វីដែលប្លែកៗ និងបង្កភាពសប្បាយរីករាយជូនអ្នកគាំទ្របានទស្សនាកម្សាន្ដ។

ថ្មីៗនេះ អ្នកនាង និងក្រុមការងារ បានបង្ហាញស្នាដៃ​និពន្ធបទចម្រៀងថ្មីមួយទៀត ដែលបានដាស់អារម្មណ៍មហាជនឱ្យនឹករឭកដល់គុណមាតាបិតា ដែលស្របពេលជិតដល់រដូវបុណ្យភ្ជុំទៀតផងនោះ កាន់តែធ្វើឱ្យមហាជនលោកនឹកដល់ផ្ទះសំបែងនៅឯស្រុកកំណើត។

តាមរយៈគណនីហ្វេសប៊ុកប៉ុន្មានម៉ោងមុននេះ អ្នកនាង ទូច ស្រីល័ក្ខ និងក្រុមការងាររបស់អ្នកនាងបានបញ្ចេញស្នាដៃបទចម្រៀងដែលរៀបរាប់ពីការឃ្លាតឆ្ងាយពីអ្នកមានគុណដើម្បីមកធ្វើការចិញ្ចឹមជីវិត ហើយអ្នកនាងបានសរសេរសារថា៖ «អ្នកដែលធ្វើការឆ្ងាយពីឪពុកម្តាយ សួរថា ពេលពួកគាត់ឈឺម្តងៗ តើគាត់រងាយ៉ាងណា? អ្នកដែលបែកពីក្រុមគ្រួសារនឹងយល់ពីអារម្មណ៍មួយនេះ(ម្ចាស់ជីវិតកូនអ៊ើយ) នេះជាស្នាដៃទី2 របស់ក្រុមកម្សត់ស្រីល័ក្ខសម្រាប់ឱកាសបុណ្យភ្ជុំបិណ្ឌខាងមុខនេះ like&share ជាកម្លាំងចិត្ត»។

ចង់ដឹងថា តើបទចម្រៀងនោះមានអត្ថរស និងអត្ថន័យយ៉ាងណា សូមទស្សនាវីដេអូខាងក្រោម៖

ប្រសិនបើប្រិយមិត្តមានឱកាសបានធ្វើដំណើរកម្សាន្ដទៅកាន់កោះភូកេត និងមិនទាន់បានទស្សនាព្រះអាទិត្យពេលអស្ដង្គតទេនោះ ឡារ៉ែនសូមណែនាំតំបន់ទេសចរណ៍មួយកន្លែងដែលមានឈ្មោះថា «លែមភ្រំថេប ( แหลมพรหมเทพ )» ដែលអាចនិយាយបានថា ជាកន្លែងមើលព្រះអាទិត្យហៀបលិចដ៏ស្រស់ស្អាតបំផុតនាដែនឈូងសមុទ្រថៃ និងជាកន្លែងដែលសម្បូរបែបខាងអាហារសមុទ្រសម្រាប់ភ្ញៀវទេសចរដែលធ្វើដំណើរមកកាន់កោះភូកេតនេះ។ ទីនេះមានចម្ងាយប្រមាណជា 19គីឡូម៉ែត្រ ចេញពីទីក្រុងនៃកោះភូកេត វាមានឯកលក្ខណៈពិសេសដោយឡែកពីទីទួលខ្ពស់ពីទឹកសមុទ្រដទៃទៀត។

អត្តសញ្ញាណនៃទីតាំងនេះ គឺមិនមែនទឹកសមុទ្រ ឬដើមដូង និងឆ្នេរខ្សាច់ដ៏សក្បុសនោះទេ តែវាជាដើមត្នោតដែលដុះអមនៅលើទីទួលឆ្នេរសមុទ្រទៅវិញទេ។ ដូចលោកអ្នកបានដឹង និងឃើញហើយថា ដើមត្នោតភាគច្រើនតែងតែដុះនៅតាមទីជនបទក្នុងវាលស្រែខៀវខ្ចី តែនៅតំបន់ទេសចរណ៍ដ៏ប្លែកភ្នែកមួយនេះ បែរជាមានសុទ្ធតែដើមត្នោតដុះពាសពេញទីទួលឆ្នេរសមុទ្រទៅវិញ។

តំបន់ទេសចរណ៍ធម្មជាតិ លែមភ្រំថេប ត្រូវបានអ្នកស្រុកអ្នកភូមិបុរាណហៅថា លែមចៅ «แหลมเจ้า» ដែលហៅតាមជំនឿទាក់ទងនឹងរឿងព្រេងក្នុងតំបន់។ អ្នកទៅកាន់ទីនោះ មិនត្រឹមតែបានទស្សនា និងថតរូបពេលព្រះអាទិត្យហៀបអស្ដង្គតប៉ុណ្ណោះទេ ពួកគេនៅនិយមបន់ស្រន់ និងធ្វើពិធីតាមសាសនាទៀតផង។ ងាកមកខាងមុខឆ្នេរសមុទ្រវិញ យើងនឹងឃើញមានព្រះបរមចេតិយរបស់ព្រះមហាវិរក្សត្រថៃ ដែលបានគ្រងរាជ្យអស់រយៈកាល 50​ឆ្នាំ និងបានកសាងទីកន្លែងទេសចរណ៍មួយនេះឱ្យក្លាយជាឋានសួគ៌ាល័យទៀតផង។

កុំបាច់រៀបរាប់យូរ សូមទស្សនាឆ្នេរសមុទ្រ លែមភ្រំថេប ទាំងអស់គ្នា…តែសូមបញ្ជាក់ថា នៅកោះទេសចរណ៍ភូកេត គឺមានកន្លែងដើរកម្សាន្តជាច្រើនទៀត ដែលឡារ៉ែននឹងរៀបរាប់ជូននៅថ្ងៃក្រោយជាបន្ដបន្ទាប់៕

ពិតជាភ្ញាក់ផ្អើលខ្លាំងណាស់ចំពោះសារនៅលើហ្វេសប៊ុករបស់លោក សុវត្ថិ មុន្នីនាគ ដែលជាតារាចម្រៀងវ័យក្មេងរបស់ផលិតកម្មរស្មីហង្សមាស ដែលត្រូវចូលរួមប្រឡងបាក់ឌុបនៅក្នុងថ្ងៃនេះដែរ។ លោកបានបង្ហើបថា «បងប្អូនជាកម្លាំងចិត្តរបស់ខ្ញុំបាទ ខ្ញុំបាទនឹងព្យាយាមឱ្យអស់ពីសមត្ថភាពដែលខ្ញុំមាន មិត្តៗទាំងអស់គ្នានឹងទទួលបានភាពជោគជ័យនៅថ្ងៃប្រឡងបាក់ឌុប ថ្ងៃ20-21/08/2018 រួមទាំងខ្ញុំបាទដែរ»។

ដូចប្រិយមិត្តដឹងហើយថា លោក សុវត្ថិ មុន្នីនាគ ត្រូវបានគេដឹងថា ជាតារាប្រុសវ័យក្មេងមួយរូបដែលមានពន្លកពេញពីត្រកូលរបស់កំពូលតារាចម្រៀង ព្រាប សុវត្ថិ ហើយបានចូលមកជ្រកនៅក្នុងទ្រនំរស្មីហង្សមាស។ តារាចម្រៀងក្មេង ដែលមានទេពកោសល្យផ្នែកសិល្បៈរូបនេះ ក៏មានវត្តមានក្នុងការប្រឡងបាក់ឌុបនាព្រឹកនេះដែរ។ ក្នុងនោះ ទោះបីមិនបានឱ្យមហាជនដឹងច្រើនជាសាធារណៈក៏ពិតមែន ប៉ុន្តែបើយោងតាមបណ្តាញសង្គមហ្វេសប៊ុករបស់ មុន្នីនាគ មានអ្នកគាំទ្រជាច្រើនបានជូនពរឱ្យកំលោះសង្ហារូបនេះប្រឡងជាប់ជាស្ថាពរយ៉ាងសន្ធឹកសន្ធាប់៕