Author: អេបិល

Christie ធ្វើឱ្យម្ចាស់ផ្ទះអបអរយ៉ាងខ្លាំងក្លា ខណៈមេដាយមាសរបស់ចិនឈានដល់ជិត100
កីឡាករ Jonatan Christie បានបញ្ចប់ការរង់ចាំដ៏យូរអង្វែងរបស់ឥណ្ឌូនេស៊ី សម្រាប់ការឈ្នះមេដាយមាសលើវិញ្ញាសាវាយសី ផ្នែកបុរស ក្នុងព្រឹត្តិការណ៍ Asian Games កាលពីថ្ងៃអង្គារ ខណៈដែលបារថាំង បានឈ្នះមេដាយមាសជាលើកទី1 របស់ពួកគេក្នុងវិញ្ញាសារត់បណ្តាក់ចម្រុះថ្មីចម្ងាយ 4×400ម៉ែត្រ។
Christie បានធ្វើឱ្យអ្នកគាំទ្ររបស់ម្ចាស់ផ្ទះផ្ទុះនូវការអបអរយ៉ាងខ្លាំងក្លា នៅពេលដែលរូបគេបានផ្តួលកីឡាករតៃវ៉ាន់ Chou Tien-chen ក្នុងលទ្ធផល 21-18, 20-22 និង21-15 ដើម្បីក្លាយជាម្ចាស់ជើងឯកដំបូងគេរបស់ឥណ្ឌូនេស៊ី បើគិតចាប់តាំងពីឆ្នាំ2006 មុនពេល Christie ហែកអាវខ្លួនឯងដើម្បីអបអរជ័យជម្នះដ៏អស្ចារ្យមួយនេះ។ ការដណ្តើមបានជ័យជម្នះដ៏រំភើបរបស់កីឡាករវ័យ 20ឆ្នាំរូបនេះ បានបំពេញជោគជ័យដ៏គួរឱ្យចងចាំមួយក្នុងវិញ្ញាសាបុរសរបស់ឥណ្ឌូនេស៊ី ក្រោយពីកីឡាករ Anthony SinisukaGinting បានយកឈ្នះលើក្រុមម្ចាស់ការពារតំណែងជើងឯក KentoMomota និងម្ចាស់មេដាយមាស Chen Long ដើម្បីឈ្នះមេដាយសំរឹទ្ធ។ Chen Long បានឱ្យដឹងថា៖ «ខ្ញុំមិនបានរំពឹងទុកថា ខ្ញុំអាចឈ្នះមេដាយមាសមួយក្នុង Asian Games ឡើយ។ ពិតណាស់ មានកីឡាករឆ្នើមៗជាច្រើននៅទីនេះ ហើយខ្ញុំមិនបានរំពឹងទុកថាខ្ញុំអាចក្លាយជាម្ចាស់ជើងឯកឡើយ»។
ជ័យជម្នះនេះ មានន័យថា ឥណ្ឌូនេស៊ី បានឈ្នះមេដាយមាស ក្នុងព្រឹត្តិការណ៍ Asian Games មកទល់ពេលនេះចំនួន24 ស្ថិតក្នុងចំណាត់ថ្នាក់លេខ4 ខណៈដែលចិនបានបន្តគ្រប់គ្រងលើតារាង ដោយឈ្នះមេដាយមាសសរុប97 និងដេញតាមពីក្រោយដោយជប៉ុនដែលទទួលបានមេដាយមាស43៕
ប្រភពពី៖ Channel News Asia
August 29, 2018
លី វាហេទ ពញ្ញាក់អារម្មណ៍ សុខ សោម៉ាវត្តី យ៉ាងផ្អែមល្ហែមក្នុងថ្ងៃខួបកំណើត
ពីមួយថ្ងៃទៅមួយថ្ងៃ ទំនាក់ទំនងរបស់ពិធីការិនីរូបស្រស់អ្នកនាង សុខ សោម៉ាវត្តី និងកីឡាករបាល់ទាត់លោក លី វាហេទ កាន់តែផ្អែមល្ហែមឡើងៗ បើទោះបីជាអ្នកទាំងពីរមិនបានប្រកាសជាសាធារណៈពីទំនាក់ទំនងស្នេហានេះក៏ដោយ។
អ្នកទាំងពីរកំពុងធ្វើឱ្យអ្នកគាំទ្រជាច្រើនច្រណែនខ្លាំងហើយ ខណៈពេលដែលពួកគេព្យាយាមបង្ហាញភាពស្អិតល្មួតជាងស្ករតាំងម៉ែ រហូតដល់ថ្នាក់ពោលពាក្យថាខ្វះគ្នាលែងបានហើយទៀតផង។
ជាក់ស្តែងលោក លី វ៉ាហេទ បានមក Surprise ខួបកំណើតរបស់អ្នកនាង សុខ សោម៉ាវត្តី រហូតដល់អ្នកនាងបានរៀបរាប់ថា «ទម្រាំតែដាច់ចិត្ត Post រូប និង Video នេះ ដោយសារម្ចាស់ខួប មុខក៏ស្អាត ឈុតក៏ស្អាតពេក ឡើងឈុតរាត្រី អគុណណាស់ដែលមកពីហត់មកពីស្វាយរៀងភ្លាម Surprise ឆ្លងថ្ងៃតែម្ដង អី្វដែលពិសេសនោះគឺ យកកាដូ 3ពិន្ទុមកឲ្យទៀត អគុណបងៗទាំងអស់គ្នាផងដែរ…. អគុណណាស់ Beungketfamily គាត់ថា ឆ្នាំមុនមិត្តភក្តិ យាយប៉ិអ្នករៀបចំ ឆ្នាំនេះBro សុំរៀបខ្លួនឯងម្ដង»។
ពិតណាស់តាមរយៈសារ និងវីដេអូនោះអាចបញ្ជាក់បានថា ទំនាក់ទំនងរបស់ពួកគេទាំងពីរនៅពេលនេះ គឺពិតជាស្និទ្ធស្នាលគ្នាខ្លាំងណាស់ លើសពីធម្មតា ព្រោះថាលោក លី វាហេទ ហាក់បីដូចជារួមរស់នៅក្នុងដំបូលគ្រួសារ សុខ សោម៉ាវត្តី ដូចជាគ្រួសារតែមួយអ៊ីចឹង៕
August 29, 2018
ជិតដល់ថ្ងៃរៀបការហើយ នី រតនា ដឹកដៃគូដណ្ដឹងទៅកម្សាន្ដនៅប្រទេសថៃ
បន្ទាប់ពីតារាចម្រៀងក្នុងផលិតកម្មរស្មីហង្សមាសលោក នី រតនា បានភ្ជាប់ពាក្យរួចមក ជីវិតស្នេហ៍លោកកាន់តែមានសុភមង្គលទ្វេដង ដោយគេឧស្សាហ៍ឃើញអ្នកទាំងពីរទៅដើរលេងជាមួយគ្នាច្រើនណាស់។
ជាក់ស្ដែងថ្មីៗនេះ លោកបានដឹកដៃគូដណ្ដឹងរូបស្រស់របស់លោកទៅដើរលេងកម្សាន្ដនៅឯប្រទេសថៃយ៉ាងរ៉ូមែនទិក ក្នុងនោះលោកក៏បានថតរូបស្អាតៗបែបស្និទ្ធស្នាលគ្នាជាច្រើន បង្ហោះឱ្យអ្នកគាំទ្របានឃើញក្នុងបណ្ដាញសង្គមហ្វេសប៊ុក និងអ៊ីនស្ដាក្រាម ដែលធ្វើឱ្យគ្រប់គ្នានឹកច្រណែនយ៉ាងខ្លាំងតែម្ដង។ ជាពិសេស មានអ្នកគាំទ្រជាច្រើននាក់បានជូនពរឱ្យគូស្នេហ៍មួយគូនេះកាន់តែស្រឡាញ់គ្នាខ្លាំងឡើង និងបន់ឱ្យឆាប់ដល់ថ្ងៃមង្គលឆាប់ៗទៀតផង។
គួររំឭកផងដែរថា ក្រោយពេលបង្កាត់ភ្លើងស្នេហ៍រយៈពេលប្រមាណជា 3ឆ្នាំ លោក នី រតនា បានសម្រេចចិត្តរៀបចំពិធីភ្ជាប់ពាក្យជាផ្លូវការ កាលពីថ្ងៃទី27 ខែមេសា ឆ្នាំ2018 កន្លងមកជាមួយអនាគតភរិយា កញ្ញា ហេង សុវណ្ណភក្តិណា និងបច្ចុប្បន្នគូស្នេហ៍ទាំងពីរនៅមិនទាន់សម្រេចជ្រើសរើសថ្ងៃរៀបអាពាហ៍ពិពាហ៍ជាផ្លូវការនៅឡើយទេ។
បើតាមប្រភពពីអ្នកសិល្បៈស្និទ្ធស្នាលជាមួយតារាប្រុសលោក នី រតនា បានបង្ហើបថា អំឡុងពេលនេះចាស់ទុំទាំងសងខាង និងសាមីខ្លួនទាំងពីរ បាននិងកំពុងតែស្វះស្វែងរកលោកអាចារ្យដើម្បីគន់គូរមើលថ្ងៃលាភថ្ងៃជ័យនៃមង្គលការតារាប្រុសរូបនេះ។ យ៉ាងណាមិញប្រភពដដែលបានបង្ហើបទៀតថា អ្នកទាំងពីរត្រៀមនឹងប្រាប់ដំណឹងល្អថ្ងៃរៀបមង្គលការនាដំណាច់ឆ្នាំ2018 ឬដើមឆ្នាំ2019 ខាងមុខនេះហើយ៕
តោះ! កុំឱ្យខាតពេលយូរ ទស្សនារូបភាពផ្អែមល្ហែមរបស់ នី រតនា និងគូដណ្ដឹងខាងក្រោមនេះទាំងអស់គ្នា៖
August 29, 2018
ហ្វេសប៊ុកលុបចោលគណនីហ្វេសប៊ុកផេចរបស់ប្រមុខយោធាមីយ៉ាន់ម៉ា
តាមរយៈសារព័ត៌មាន AFP ដែលចេញផ្សាយបានឱ្យដឹងថា ហ្វេសប៊ុកបានប្រកាសកាលពីថ្ងៃទី27 ខែសីហានេះថា បានខ្លួនបានលុបចោលនូវគណនីហ្វេសប៊ុកផេច របស់ប្រមុខយោធាមីយ៉ាន់ម៉ាចេញពីសង្គមអនឡាញន៍ និងអ៊ីនស្ដាក្រាម ដើម្បីការពារសុវត្ថិភាពនៃការបញ្ជូនព័ត៌មានមិនត្រឹមត្រូវ និងការបង្ហោះសារបែបរើសអើង បន្ទាប់ពីអង្គការសហប្រជាជាតិបានធ្វើការថ្កោលទោសយ៉ាងខ្លាំងចំពោះប្រតិបតិ្តការរបស់យោធាមីយ៉ាន់ម៉ាប្រឆំាងនឹងជនជាតិដើមភាគតិចរ៉ូហ៊ីងយ៉ា ដោយបានចោទប្រកាន់ពីបទប្រល័យពូជសាសន៍ និងបទឧក្រិដ្ឋប្រឆាំងនឹងមនុស្សជាតិ។
ហ្វេសប៊ុកបានបញ្ជាក់ថា «យើងកំពុងលុបចោលគណនីបុគ្គល និងអង្គភាពរបស់មីយ៉ាន់ម៉ា 20 ផេច (Page)ទៀត ចេញពីសង្គមហ្វេសប៊ុក ដែលរួមទាំងគណនីរបស់ប្រមុខយោធានៃប្រទេសមីយ៉ាន់ម៉ា លោក Min Aung Hlaing ដែលជាមេបញ្ជាការយោធាជាន់ខ្ពស់បំផុត និងបណ្ដាញប្រព័ន្ធផ្សព្វផ្សាយរបស់ស្ថានីយទូរទស្សន៍កងទ័ពមីយ៉ាន់ម៉ាផងដែរ យើងនឹងបន្តលុបគណនីហ្វេសប៊ុកផេចចំនួន18 និងគណនីអ៊ីនស្ដាក្រាម1 ព្រមទាំងហ្វេសប៊ុកផេច 52គណនី ដែលមានអ្នកតាមដានចំនួន 12លាននាក់ថែមទៀត»។
គួរបញ្ជាក់ផងដែរថា បើតាមទីភ្នាក់ងារសារព័ត៌មានបារាំង AFP លោក Min Aung Hlaing មានគណនីហ្វេសប៊ុកផេចចំនួន2 ក្នុងនោះ 1មានអ្នកគាំទ្រ និងតាមដានចំនួន 1.3លាននាក់ និង1ទៀតមានអ្នក Follow 2.8លាននាក់ ដែលបានបង្ហោះសារមានលក្ខណៈរើសអើងជាតិសាសន៍ អំពើហិង្សា និងបង្កការស្អប់ខ្ពើមចំពោះជនជាតិដើមភាគតិចរ៉ូហ៊ីងយ៉ា៕
August 29, 2018
ជិះរថភ្លើងខ្សែផ្លូវមរណៈក្នុងជ្រលងភ្នំ «ក្រៈឈែ»
រមណីយដ្ឋានទេសចរណ៍ រូងភ្នំក្រៈឈែ មានទីតាំងនៅក្នុងខេត្ត កានចៈណៈប៊ុរី ជាតំបន់ទេសចរណ៍ដែលជាប់នឹងខ្សែរថភ្លើងមរណៈ និងជាទីតាំងប្រវត្តិសាស្ត្រក្នុងសម័យសង្គ្រាមលោកលើកទី 2។ ផ្លូវរថភ្លើងជាប់នឹងជ្រលងភ្នំ ក្រៈឈែ នេះត្រូវបានកសាងឡើងក្នុងសម័យសង្គ្រាមលោកលើកទី2 ដែលតភ្ជាប់ប្រទេសថៃ ទៅប្រទេសភូមា(ឈ្មោះកាលពីសម័យនោះ) និងធ្លាប់ជាជំរំប្រមូលផ្ដុំរបស់អ្នកទោសសង្រ្គាមនាសម័យកាលនោះ។ បច្ចុប្បន្នវាជាស្ថានីយរថភ្លើងទេសចរណ៍ សម្រាប់ដឹកភ្ញៀវទស្សនាតាមជ្រលងភ្នំ ក្រៈឈែ ទៅកាន់តំបន់ទឹកជ្រោះ និងរូងភ្នំ «ព្រោង» ដែលមានរូបចម្លាក់ព្រះពុទ្ធបដិមាករដ៏ស័ក្ដសិទ្ធិនៅក្នុងរូងភ្នំនោះ។
រូងភ្នំ ក្រៈឈែ ជារូងភ្នំតូចមួយដែលមានភាពទាក់ទាញបំផុត ដោយសារតែនៅតំបន់ខាងមុខរូង មានបណ្ដុំផ្ទះប្រជាជនដែលនិយមត្បាញក្រណាត់តាមបែបប្រពៃណីបុរាណ ទើបធ្វើឱ្យទីតាំងនោះក្លាយទៅជាតំបន់សហគមន៍តម្បាញបែបបុរាណ។ គួរបញ្ជាក់ផងដែរថា ជ្រលងភ្នំ ក្រៈឈែ មានកម្ពស់ 450ម៉ែត្រ និងមានខ្សែរថភ្លើងរត់កាត់ប្រវែង 10គីឡូម៉ែត្រ និងផ្លូវមរណៈដែលគួរឱ្យស្រៀវឆ្អឹងខ្នងបំផុតមានប្រវែង 400ម៉ែត្រ នៅជាប់នឹងមាត់ស្ទឹង ក្រៈឈែ។ ចំពោះខ្សែរថភ្លើងមួយនេះ អាចផ្ទុកមនុស្សបានដល់ទៅ 60,000 នាក់ក្នុងមួយជើងៗ។
គួរជម្រាបដែរថា ចំពោះតម្លៃសំបុត្រចូលកម្សាន្ដនៅក្នុងតំបន់រមណីយដ្ឋានទេសចរណ៍ធម្មជាតិ និងប្រវត្តិសាស្ដ្រមួយនេះមានតម្លៃសមរម្យត្រឹមតែ 100-150បាតប៉ុណ្ណោះ ដោយមិនរួមថ្លៃជិះរថភ្លើងទេ។
អ៊ីចឹងតោះ! នៅចាំអីទៀត ទៅទស្សនាវីដេអូ និងរូបភាពទាំងអស់នោះទាំងអស់គ្នា៖
August 28, 2018
ភ្ញាក់ផ្អើល!! ម៉េង កែវពេជ្ជតា សម្ដែងបទ “កន្សែងក្រហម” ពេលប្រគំជាមួយវង់ភ្លេង Sin-phony
ពិតជាកក្រើកពេញបណ្ដាញសង្គមខ្លាំងមែន នៅពេលដែលអ្នកនាង បានលើកយកបទចម្រៀងភ្លេងការប្រពៃណីខ្មែរដែលមានចំណងជើងថា “កន្សែងក្រហម” មកធ្វើការបកស្រាយ ដោយមានការប្រគំអមដោយតន្ត្រីរបស់វង់ភ្លេង Sin-phony ជប៉ុន លាយជាមួយឧបករណ៍ភ្លេងខ្មែរដូចជា ទ្រសោ និងចាប៉ី ក្រោមការដឹកនាំរបស់ឯកឧត្តមបណ្ឌិត សំអាង សំ។ ក្នុងការលើកស្ទួយវប្បធម៌បុរាណដែលក្រុមសិល្បករខ្មែរល្បីៗបាននាំយកទៅសម្ដែង និងបង្ហាញជូនមហាជននៅឯប្រទេសជប៉ុនកាលពីថ្ងៃទី 21 កន្លងទៅនោះ គេសង្កេតឃើញមានការចូលរួមពីសំណាក់រាជិនីសំឡេងមាស អ្នកនាងម៉េង កែវពេជ្ជតា វិរសិល្បករចាប៉ីដងវែងដៃឯកលោកតា គង់ណៃ និងអ្នកជំនាញកូដទ្រសោលោក សយ តុលា។
បើតាមការបញ្ជាក់របស់អ្នកនាង ម៉េង កែវពេជ្ជតា នៅលើបណ្ដាញទំនាក់ទំនងសង្គមហ្វេសប៊ុកបានឱ្យដឹងថា បទ “ កន្សែងក្រហម“ ដែលជាបទចម្រៀងខ្មែរទម្រង់ភ្លេងការបែបប្រពៃណី ត្រូវបានឯកឧត្តមបណ្ឌិត សំអាង សំ កែច្នៃផ្គុំបញ្ចូល និងច្រៀងជាមួយឧបករណ៍ភ្លេងបរទេសបែប Sin-phony ជប៉ុនយ៉ាងពីរោះប្លែកត្រចៀកទាំងរសនិយម និងទឹកដមសំឡេង ដែលពិតជាគួរឱ្យកោតសរសើរដោយស្មោះចំពោះគំនិតអភិរក្ស និងអភិវឌ្ឍន៍ដ៏សម្បូរបែបនេះ និងសូមអរគុណដល់ការខិតខំរបស់ឯកឧត្តមដែលតែងដឹកនាំយកសិល្បៈផ្នែកចម្រៀង និងតន្ត្រីខ្មែរទៅបង្ហាញឱ្យពិភពលោកបានស្គាល់ ។ សូមអរគុណដល់ទស្សនិកជនជាតិ និងអន្តរជាតិគ្រប់ទិសទីដែលបានផ្តល់ស្នូរទះដៃយ៉ាងកងរំពង ស្តាប់ឡើងព្រឺសម្បុរ ។ សូមអញ្ជើញលោកអ្នក ទស្សនាផ្ទាំងទស្សនីយភាពនៃការប្រគំបទចម្រៀង “កន្សែងក្រហម“ ជាមួយនាងខ្ញុំ ពេជ្ជតា លោកតា គង់ណៃ ចាប៉ីរណ្តំ និងប្អូនប្រុស សយ តុលា កូនសិស្សដ៏ពូកែនៃត្រកូលស្តេចទ្រសោ ម៉េង ហ៊ុន ពីប្រទេសជប៉ុន និងសូមបួងសួងឱ្យព្រលឹងវិញ្ញាណនៃប្រពៃណីអរិយធម៌ វប្បធម៌ខ្មែរគ្រប់ទម្រង់នៅតែបន្តស្ថិតនៅយ៉ាងជ្រៅក្នុងក្រអៅបេះដូងកូនខ្មែរគ្រប់ជំនាន់កុំបីប្រែប្រួលឡើយ។ ផ្ញើក្តីស្រឡាញ់ពីនាងខ្ញុំ ពេជ្ជតា និងក្រុមគ្រួសា ម៉េង ដល់បងប្អូនទស្សនិកជនគ្រប់លំដាប់ថ្នាក់៕
August 28, 2018
ខ្វាន់ ឧស្សាមៈនី កំពុងបង្ហាញទំនាក់ទំនងស្នេហ៍ថ្មីជាមួយព្រះអង្គម្ចាស់រូបសង្ហាវ័យក្មេង
តាមរយៈសារព័ត៌មាន Tvpool ដែលទើបតែចេញផ្សាយមុននេះបន្ដិចបានឱ្យដឹងថា តារាឯកស្រីល្បីឈ្មោះប្រចាំស្ថានីយទូរទស្សន៍ប៉ុស្ដិ៍លេខ7 គឺនាង ខ្វាន់ ឧស្សាមៈនី ដែលទើបតែបែកបាក់ស្នេហាចែកផ្លូវគ្នាជាមួយតារាសម្ដែងប្រុស ហ្កហ្វ ភីតឆាយ៉ា និតិផៃសាកុន កាលពីពេលថ្មីៗនោះ នាងបានបង្ហាញទំនាក់ទំនងស្នេហ៍ថ្មីជាមួយទាយាទម្ចាស់សណ្ឋាគារលំដាប់ខ្ពស់ Renaissance Bangkok Ratchaprasong Hotel គឺ ព្រះអង្គម្ចាស់រូបសង្ហាវ័យក្មេង ព្រះនាម សៈរុស័ក្ដ ផានុផាន់ ( ศรุศักดิ์ ภาณุพันธ์ ) ឬនាមហៅក្រៅ ផេត គ្រីត។
បើតាមការបញ្ជាក់របស់សារព័ត៌មានដដែលនេះបានបន្ថែមថា ព្រះអង្គម្ចាស់វ័យក្មេងរូបនេះធ្លាប់ជាអតីតគូស្នេហ៍របស់បវរកញ្ញា គ្រីន អាប់សៈដាផន តែបានបែកគ្នាអស់រយៈពេលយូរក្រែលដែរមកហើយ និងបានចាប់អារម្មណ៍លើតារាឯកស្រី ខ្វាន់ ឧស្សាមៈនី ជាយូរមកហើយក្នុងនាមជាអ្នកគាំទ្រ។ តែនៅពេលនេះ តារាស្រី ខ្វាន់ ឧស្សាមៈនី បានបើកភ្លើងខៀវឱ្យព្រះអង្គម្ចាស់យ៉ាងពេញទំហឹងតែម្ដង។
សូមទស្សនារូបភាព គូស្នេហ៍ថ្មីរបស់តារាស្រី ខ្វាន់ ឧស្សាមៈនី ខាងក្រោមនេះ៖
August 28, 2018
នុន វរៈនុត តាំងចិត្តផ្គាប់ផ្គន់ម្ដាយក្មេក និងចងចិត្តស្វាមី
តាមរយៈសារព័ត៌មានថៃ Tvpool ដែលទើបចេញផ្សាយនាពេលថ្មីៗនេះ បានឱ្យដឹងថា នៅពេលនេះតំណែងកូនប្រសារស្រីដែលល្អបំផុត បានធ្លាក់មកលើតារាស្រីមុខស្រទន់ នុន វរៈនុត ហើយ!។ ព្រោះថា ថ្មីៗនេះនាងបានបង្ហាញរូបភាពផ្អែមល្ហែម និងស្និទ្ធស្នាលខ្លាំងបំផុតជាមួយក្រុមគ្រួសារខាងស្វាមី ហើយជាពិសេសទៀតនេះគឺ កាយវិការផ្គាប់ផ្គន់យកចិត្តយកថ្លើមម្ដាយក្មេកយ៉ាងខ្លាំងទៀតផង។ រឿងនេះពិតជាមិនធម្មតាឡើយ ដោយសារតែកន្លងមកតារាឯកស្រីល្បីឈ្មោះរូបនេះ មិនដែលបង្ហាញពីភាពល្អូកល្អិនដល់ថ្នាក់ហ្នឹងឡើយ ឬមួយក៏នាងមានគម្រោងការពិសេសអ្វីម៉្យាងទេដឹង?
បើតាមប្រភពមិត្តភ័ក្ដិជិតស្និទ្ធនឹងលោក តត ពិទិនុន ដែលជាគូស្នេហ៍ នុន វរៈនុត បានបង្ហើបឱ្យដឹងថា អ្នកទាំងពីរបានបណ្ដើរគ្នាចូលរួមក្នុងកម្មវិធីអាពាហ៍ពិពាហ៍មិត្តភ័ក្ដិជាច្រើនគូមកហើយ តែពុំធ្លាប់ប្រាប់ និងគិតពីថ្ងៃរៀបការរបស់ពួកគេឡើយ។ ទំនាក់ទំនង និងសម្ព័ន្ធភាពរបស់ពួកគេស្អិតល្មួតខ្លាំងណាស់ ដល់ថ្នាក់នៅថ្ងៃខួបកំណើតរបស់ម្ដាយលោក តត ក៏គេបានឃើញអ្នកនាង នុន វរៈនុត ទៅចូលរួម និងលើកអាហារជូនម្ដាយក្មេកផងដែរ។
គួរបញ្ជាក់ដែរថា រូបភាពដែលបានបង្ហោះនៅលើបណ្ដាញសង្គមអ៊ីនស្ដាក្រាមរបស់ នុន វរៈនុត បានបញ្ជាក់បានថា នាងពិតជាមានទំនាក់ទំនងល្អជាមួយក្រុមគ្រួសាររបស់ស្វាមីមែន មិនតែប៉ុណ្ណោះគេមើលឃើញថា នាងពិតជាយកចិត្តទុកដាក់ខ្លាំងចំពោះក្រុមគ្រួសារស្វាមី និងស្វាមីផ្ទាល់មែនទែន៕
សូមអញ្ជើញទស្សនារូបភាពខាងក្រោមនេះ៖
August 28, 2018
តារាស្រី ឈុំភូ អារីយ៉ា ដឹកនាំក្រុមតារាថៃល្បីៗទៅបង្ហាញម៉ូដនៅទីក្រុងប៉ារីស
តាមរយៈសារព័ត៌មាន Teenee របស់ថៃទើបចេញផ្សាយមុននេះបន្ដិចបានឱ្យដឹងថា នេះអាចនិយាយបានថា ជាការងារលំដាប់ថ្នាក់អន្ដរជាតិដែលកំពូលតារាសម្ដែងប្រចាំប្រទេសថៃបានចូលរួមជាច្រើននាក់ នៅក្នុងកម្មវិធី L’Officiel Fashion Destination Paris ដោយមានការអញ្ជើញ និងស្វាគមន៍ដោយទស្សនាវដ្ដីបង្ហាញម៉ូដដ៏ល្បីប្រចាំទីក្រុងប៉ារីស ប្រទេសបារាំងគឺ L’Officiel និងដឹកនាំក្រុមដោយតារាស្រី ឈុំភូ អារីយ៉ា ដែលជាតារាតំណាងរបស់ទស្សនាវដ្ដី L’Officiel Thailand ។
ការអញ្ជើញកំពូលតារាសម្ដែងថៃចូលរួមនៅក្នុងកម្មវិធីលំដាប់អន្តរជាតិមួយនេះ គេសង្កេតឃើញមានតារាសិល្បៈល្បីៗដូចជា នាង ទែវ ណៈថៈផន , នាង មីន សាលីតា , នាង ផេត រីហ្សៀហ្កូត , នាយ កត ជិរ៉ាយុ , នាង ផ្លយ ត្រ៊ីឆៈដា , នាយ កហ្វ , នាង យ៉ាយ៉ា និងតារាល្បីៗជាច្រើនដួងទៀត។ នៅក្នុងកម្មវិធីលំដាប់ខ្ពស់នេះ តារាស្រី ឈុំភូ អារីយ៉ា ក៏បានចូលរួមបង្ហាញម៉ូដ និងបង្ហាញការសម្ដែងពិសេសជាមួយតារាដទៃទៀតផងដែរ។
ចង់ដឹងថា ក្នុងកម្មវិធីលំដាប់ពិភពលោកមួយនេះ តើតារាថៃទាំងនោះមានឈុតបង្ហាញម៉ូដប្លែកៗយ៉ាងណាខ្លះនោះ សូមទស្សនារូបភាពទាំងអស់ខាងក្រោមនេះ៖
August 28, 2018
អស្ចារ្យ !! ដើរព្រៃនិងទស្សនាពពកវិលនៅលើភ្នំ « ផាហ៊ិនគូប»
« ផាហ៊ិនគូប» ជាឈ្មោះរមណីយដ្ឋានធម្មជាតិមួយកន្លែងនៃប្រទេសថៃដែលមានឈ្មោះល្បី ក្នុងការទស្សនាពពកវិលពីលើកំពូលភ្នំចខ្ពស់កប់អាកាស។ កន្លែងនៅមានទីតាំងស្ថិតនៅក្នុង ភូមិ ឆៈម៉ាំ ស្រុកមៈខាម ខេត្តចាន់ថៈប៊ុរី ដែលជាទីឋានដ៏ប្រណិត និងគួរឱ្យទាក់ទាញបំផុតសម្រាប់អ្នកនិយមដើរព្រៃ អ្នកស្រាវជ្រាវរុក្ខជាតិឱសថ អ្នករ៉ុកចូលក្នុងភ្នំ ផលិតករភាពយន្ដ និងកំពូលអ្នកប្រមាញ់រូបភាពក្នុងព្រៃ …ជាដើម។
រមណីយដ្ឋានធម្មជាតិមួយនេះ ត្រូវបានកំណត់ចំនួនមនុស្សក្នុងការចូលកម្សាន្ដ ដោយសារតែ ជាតំបន់ដែលមានភាពអាថ៌កំបាំងរបស់ព្រៃឈើ និងជាពិសេសត្រូវតែមានអ្នកនាំផ្លូវចូលទៅកាន់ព្រៃជ្រៅផងដែរ ដើម្បីឱ្យឡើងទៅដល់កំពូលភ្នំពពកវិល និងទស្សនាដុំងថ្មអណ្ដែតនៅលើកំពូលភ្នំ។ ក្នុងភាពងាយស្រួលសម្រាប់ភ្ញៀវទេសចរណ៍ក្នុងការមកកម្សាន្ដ ធ្វើការបោះតង់ និងដុតភ្នូកភ្លើង ក្រុមការងារអនុរក្សព្រៃឈើ និងមគ្គុទ្ទេសព្រៃឈើ ជាអ្នកសម្របសម្រួលដំណើរ និងអីវ៉ាន់របស់ភ្ញៀវ ដើម្បីផ្ដល់សុខសុវត្ថិភាព។
ភ្នំ « ផាហ៊ិនគូប» មានកំពស់ប្រមាណ 7-8 គីឡូម៉ែត្រ លោកអ្នកត្រូវចំណាយពេលពី 5-6 ម៉ោងក្នុងការឡើងភ្នំទៅកាន់កំពូលភ្នំដោយថ្មើរជើង ហើយក៏ត្រូវសម្រាកនៅក្នុងទីនោះមួយយប់តែម្ដង។ នាពេលរាត្រី ពួកគេអាចទស្សនាកាឡាក់ស៊ី រាប់សែនរាប់លាន បានអណ្ដែតនៅលើផ្ទៃមេឃ ព្រមទាំងធ្វើការផ្ដិតយករូបភាពបានច្បាស់ៗផងដែរ។ ក្រៅពី ថ្មអណ្ដែត និងពពកវិលហើយ លោកអ្នកក៏អាចហែលទឹកកម្សាន្ដយ៉ាងត្រជាក់បានទៀតផង ព្រោះថា នៅទីនេះមានទឹកជ្រោះ ច្រើនដំណាក់ បើសរុបទៅមិនតិចជាង 5 ជាន់នោះទេ។
នៅចាំអីទៀត តោះមកទស្សនាទាំងអស់គ្នា៖

August 27, 2018