Author: អេបិល

ថ្មីៗនេះ​លោ​ក​ ​ប៊ុន​ ​រ​ត​នា​ ​ហៅ​ សេ​ម​ ដែ​ល​ជា​នា​យ​ក​គ្រ​ប់គ្រ​ង​កា​រ​ផ​លិ​ត​​​រ​ប​ស់​ទូ​រ​ទស្សន៍​ថោ​ន​​ បានបង្ហោះរូបភាពបង្ហាញជាផ្លូវការ ដែលត្រូវបានមហាជនមើលឃើញថា លោកនឹងភ្ជាប់ពាក្យជាមួយពិធីការិនីទូរទស្សន៍ថោន កញ្ញា លីឈី ដែលធ្វើមានការភ្ញាក់ផ្អើលយ៉ាងព្រោងព្រាត នៅលើបណ្តាញសង្គមហ្វេសប៊ុក​។​

ក្រោយបង្កាត់ភ្លើងស្នេហ៍ជាមួយគ្នាជាច្រើនខែឆ្នាំមក លោក ប៊ុន រតនា និងលីឈី បានសម្រេចដឹកដៃគ្នាចូលរោងជ័យ និងបានធ្វើពិធីភ្ជាប់ពាក្យតាមប្រពៃណីដូនតាមុនរៀបការនៅថ្ងៃទី​9 ខែកញ្ញា ឆ្នាំ​2018 ។

បើតាមប្រភពច្បាស់ការមួយបានបញ្ជាក់ថា លោក ប៊ុន រតនា និង លីឈី បានស្វែងយល់ចិត្តថ្លើមគ្នា និងមានចំណុចត្រូវគ្នាច្រើនទាំងការរកស៊ី ការទុកដាក់ ដែលជាហេតុ​ធ្វើមានការពេញចិត្តពេញថ្លើមរវាងគ្នា​ និងគ្នា ទើបឈានដល់ដំណាក់កាលភ្ជាប់ពាក្យ និងត្រៀមចូលរោងជ័យអាពាហ៍ពិពាហ៍ក្នុងពេលខាងមុខនេះ។​

សូមទស្សនារូបភាពខាងក្រោម៖

កាលពីថ្ងៃទី 7 ខែកក្កដា ឆ្នាំ 2018 កន្លងទៅនេះ អ្នកម្ដាយវ័យក្មេងសម័យថ្មី គង់ ចាន់ស្រីមុំ បានប្រសូតបុត្រីដ៏គូរឱ្យស្រលាញ់ឱ្យឈ្មោះថា គឹម សីហ៍មរកត ហៅក្រៅថានាងតូច ម៉ូ ម៉ូ ដែលឈ្មោះនោះ គឺប្រិយមិត្តបានឃើញជាឈ្មោះប្រ៊េនហាងគ្រឿងសម្អាងរបស់អ្នកនាង។

ហើយថ្មីៗ នៅលើបណ្ដាញសង្គមហ្វេសប៊ុករបស់អ្នកនាង ក៏បានឱ្យដឹងថា អូនតូច ម៉ូម៉ូ មានអាយុ 2 ខែ 2ថ្ងៃ ហើយអ្នកនាង គង់ ចាន់ស្រីមុំ និងស្វាមីក៏បានរៀបចំពិធីសូត្រមន្តបង្ក់សិរីកូនស្រី តាមបែបប្រពៃណី និងជំនឿព្រះពុទ្ធសាសនា ព្រមទាំងរៀបចំពិធីជួបជុំដែលអញ្ជើញតារាល្បីៗ មកចូលរួមយ៉ាងច្រើនកុះករ នៅក្នុងនោះគែមើលឃើញមាន អ្នកនាង សុគន្ធ នីសា គ្រួសារលោក ជា វណ្ណារិទ្ធ និងតារាសម្ដែងស្រីល្បីឈ្មោះ មាន សូនីតា ។

គួររំឭកផងដែរថា នាងតូច គីម សីហ៍មរកត ទើបតែមានអាយុ 2ខែ ប៉ុណ្ណោះ តែអាចរកចំណូលបានខ្ទង់ម៉ឺនដុល្លារឱ្យអ្នកម្តាយស្រីមុំ តាមរយៈការចុះកុងត្រាធ្វើជាអ្នកតំណាងផលិតផលម្សៅទឹកដោះគោ និងជាមួយក្រុមហ៊ុនលក់របស់ប្រើប្រាស់សម្ភារសម្រាប់ទារកផ្សេងៗទៀត ដែលមានតម្លៃខ្លួនមិនក្រោមខ្ទង់ម៉ឺនដុល្លារនោះទេ៕

សិល្បករជើងចាស់ដ៏មានទេពកោសល្យ ដែលត្រូវបានអ្នកសិល្បៈជំនាន់ក្រោយ តែងតែហៅថា លោកគ្រូ នូ ស៊ិប ដែលមួយរយៈធំមកនេះ លោកកំពុងតែមានជីវភាពខ្វះខាត លំបាកលំបិន ដោយបច្ចុប្បន្នស្នាក់នៅក្នុងបន្ទប់ជួល  ព្រមទាំងមានជំងឺប្រចាំកាយផងនោះ ជានិច្ចកាល លោកគ្រូតែងតែត្រូវបានគេសង្កេតឃើញថា មានសិល្បករ-សិល្បការិនីជាច្រើន បានយកជំនួយផ្សេងៗទៅជួយ ដើម្បីសម្រាលទុក្ខលំបាករបស់លោកគ្រូបានមួយគ្រាៗដែរ និងខណៈពេលថ្មីៗនេះ លោក គ្រូ នូ ស៊ិប ក៏ត្រូវបានអភិបាលខណ្ឌមានជ័យ ផ្តល់ជំនួយជាថវិកាមួយចំនួនដល់លោកគ្រូក្នុងពេលដែលកំពុងលំបាកខ្លាំងដែរ។

ជាក់ស្តែងក្រោយពីបានដឹងបញ្ហាថ្មីៗនេះពីស្ថានភាពទុក្ខលំបាកដ៏កម្សត់របស់លោកគ្រូ នូ ស៊ិប រួចមក អ្នកនាង ទូច​ ស្រីល័ក្ខ បានចេញបង្ហោះសារសំណូមពរដល់ខាងទូរទស្សន៍ឱ្យជួយផ្តល់ការងារជូនលោក នូ ស៊ិប ក៏ដូចជាសិល្បករជើងចាស់ដទៃទៀតឱ្យបានឡើងសម្ដែងញឹកញាប់ផង ក្នុងនោះអ្នកនាងក៏បានប្រាប់ដែរថា អ្នកនាងនឹងទៅជួបលោក នូ ស៊ិប ដោយផ្ទាល់។ អ្នកនាង ទូច​ ស្រីល័ក្ខ បានសរសេរសារថា «នាងខ្ញុំគឺជាសិល្បការិនីជំនាន់ក្រោយពិតជាសូមកោតស្ញប់ស្ញែងចំពោះលោកគ្រូ នូ ស៊ិប ដែលជាវីរសិល្បករដ៏ឆ្នើមមួយរូបនៅក្នុងប្រទេសកម្ពុជា ហើយលោកគ្រូ ក៏ជាតារាចម្រៀងម្នាក់ដែលមានទឹកដមសំឡេងស្រទន់ដែលនាងខ្ញុំនៅចាំបានថា នៅក្នុងឆ្នាំ1999 លោកគ្រូបានច្រៀងបទ «ផ្សងជួបស្នេហ៍ពិត »គឺជាបទដែលល្បីបំផុតនៅក្នុងឆ្នាំ1999 ។ នាងខ្ញុំពិតជាចង់ឱ្យរាល់កម្មវិធី concert របស់ស្ថានីយទូរទស្សន៍ទាំងអស់មានកម្មវិធីសិល្បៈបុរាណ និងរួមជាមួយសិល្បៈសម័យ ដើម្បីឱ្យពួកគាត់បានបន្តសាងស្នាដៃរបស់ពួកគាត់ដែលខំប្រឹងថែរក្សាទម្រង់មរតកដើមតទៅទៀត។ បើគាំទ្រសូមជួយ share ទាំងអស់គ្នា កុំឱ្យដល់ពេលដែលបាត់បង់ទៅហើយ ទើបនាំគ្នាមកអង្គុយស្តាយក្រោយនោះ។ នាងខ្ញុំនឹងទៅជួបលោកគ្រូដោយផ្ទាល់ និងនាំយកថវិកាផ្ទាល់ខ្លួនទៅសួរសុខទុក្ខលោកគ្រូតាមលទ្ធភាពរបស់ខ្ញុំ។

គួរបញ្ជាក់ផងដែរថា តារាចម្រៀងជើងចាស់ លោកគ្រូ នូ ស៊ិប មានវ័យ 72ឆ្នាំ ហើយត្រូវបានគេដឹងថា លោកកំពុងធ្លាក់ខ្លួនឈឺ ដោយសារជើងរបស់លោកមានបញ្ហាអស់រយៈពេល 10ឆ្នាំជាងមកហើយ ខណៈពេលកន្លងទៅ មានសិល្បករ-សិល្បការិនី មួយចំនួន ដូចជាលោក អឹម ជីវ៉ា លោក សុះ ម៉ាច និងសិល្បករជាច្រើនទៀត បានទៅសួរសុខទុក្ខលោកគ្រូ ខណៈការជួយចែករំលែកជំនួយនេះ គឺប្រៀបបាននឹងការចេះជួយគ្នាទៅវិញទៅមក នឹងជាគំរូល្អមួយចំពោះមហាជនទូទៅផងដែរ ក្នុងស្មារតីខ្មែរចេះជួយខ្មែរ៕

លោកវេជ្ជបណ្ឌិត ប៊ីត រិចន័រ (Beat Richner) កើតនៅថ្ងៃទី13 ខែមីនា ឆ្នាំ1947 – (9 ខែកញ្ញា 2018) ជាជនជាតិ ស្វីស ។ គាត់ជាពេទ្យកុមារ, ជាអ្នកលេងសេឡូ, ជាអ្នកបង្កើត មន្ទីរពេទ្យកុមារ នៅព្រះរាជាណាចក្រកម្ពុជា និងជានាយក នៃមន្ទីរពេទ្យ គន្ធបុប្ផា ផងដែរ ។

បន្ទាប់ពីទទួលបាន បរិញ្ញាបត្រវិជ្ជសាស្រ្ត ក្នុងឆ្នាំ1973 លោកវិជ្ជបណ្ឌិត ប៊ីត រិចន័រ ធ្វើជាអ្នកឯកទេស ថែទាំកុមារ នៅឯមន្ទីរពេទ្យកុមារ នៅស៊ូរិច ។ បន្ទាប់មក លោក រិចន័រ បានធ្វើការអោយ កាកបាទក្រហមស្វីស និងត្រូវបានបញ្ជូន មកប្រទេសកម្ពុជា ជាទីដែលលោកបាន ធ្វើការនៅមន្ទីរពេទ្យ គន្ធបុប្ផា ទីក្រុងភ្នំពេញ ចន្លោះឆ្នាំ1974 និងឆ្នាំ1975 ។

មន្ទីរពេទ្យ គន្ធបុប្ផានេះ ត្រូវបានប្រសិទ្ធិនាម ដើម្បីទុកជាការចងចាំ ដល់ព្រះរាជបុត្រី នៃព្រះបរមរតនកោដ្ឋ សម្តេចព្រះ នរោត្តម សីហនុ ព្រះនាម នរោត្តម គន្ធបុប្ផា ដែលបានសោយទិវង្គត ក្នុងព្រះជន្ម នៅក្មេងវស្សានៅឡើយ (1948-1952) ។

នៅពេលខ្មែរក្រហម បានចូលកាន់កាប់ ប្រទេសកម្ពុជា លោក ប៊ីត រិចន័រ ត្រូវបានបង្ខំអោយ ចាកចេញទៅ ប្រទេសស្វីសវិញ ជាទីដែល លោកបានបន្ត ការងាររបស់លោក នៅទីក្រុងហ៉្សូរ៉ិច ។ ក្នុងដំណើរការ ស្វែងរកអាជីព វេជ្ជសាស្ត្ររបស់គាត់ និងចំណាប់អារម្មណ៍ ខាងតន្ត្រី និងការកម្សាន្ត វេជ្ជ. ប៊ីត រិចន័រ បានអភិវឌ្ឍ ចរិតលក្ខណៈនៃ “Beatocello” ត្លុកកំប្លែងសិល្បៈ ដែលលេងសេឡូ ។ ស្របគ្នាជាមួយ មុខនាទីនេះ លោក ប៊ីត រិចន័រ ក៏បានបោះពុម្ព សៀវភៅកុមារជាច្រើន ដែលផ្អែកលើ “Beatocello” ។

នៅខែធ្នូ ឆ្នាំ1991 ប៊ីត រិចន័រ បានត្រឡប់មកកម្ពុជា និងបានឃើញ ការបំផ្លិចបំផ្លាញ ដែលបានកើតឡើង ជាបន្តបន្ទាប់ ពីការប៉ះទង្គិចគ្នា ដែលជាលទ្ធផល ជម្លោះរវាងខ្មែរក្រហម និងវៀតណាម ។ លោកត្រូវ បានសុំអោយបើក និងសាងសង់ មន្ទីរពេទ្យគន្ធបុប្ផា ឡើងវិញ ដោយ រដ្ឋាភិបាលកម្ពុជា ។ ការបង្កើតមូលនិធិ គន្ធបុប្ផា នៅខែមីនា 1992 លោក ប៊ីត រិចន័រ បានត្រឡប់ មកកម្ពុជាវិញ ដើម្បីចាប់ផ្ដើមការ សាងសង់មន្ទីរពេទ្យ គន្ធបុប្ផា ដែលត្រូវបានបើកទ្វារ នៅខែវិច្ឆិកា 1992 ។

មន្ទីរពេទ្យ គន្ធបុប្ផា មានសាខាចំនួន ៥ ដែលបានបង្កើតឡើង ដោយ លោកវេជ្ជបណ្ឌិត ប៊ីត រិចន័រ ដែលមន្ទីរពេទ្យនេះ ព្យាបាលអ្នកជម្ងឺ ដោយពុំមានការ គិតកម្រៃឡើយ ។ សាខាគន្ធបុប្ផាទី1 និងទី2 ស្ថិតនៅក្នុង រាជធានីភ្នំពេញ និងទី3 ស្ថិតនៅមន្ទីរពេទ្យ ព្រះបាទជ័យវរ្ម័នទី7 ខេត្តសៀមរាប ។ សាខាគន្ធបុប្ផាទី4 ត្រូវបានបើក ដំណើរការនៅខែធ្នូ ឆ្នាំ2005 នៅភ្នំពេញ ហើយបានរួម បញ្ចូលគ្នាជាមួយ មន្ទីរពេទ្យគន្ធបុប្ផាទី 5 ដែលត្រូវបាន ស្ថាបនា រូចរាល់ និងបើកឱ្យដំណើរការ នៅក្នុងខែធ្នូ ឆ្នាំ2007 ។

រហូតមកដល់ឆ្នាំ 2015នេះ មន្ទីរពេទ្យ គន្ធបុប្ផា បានជួយព្យាបាល កូនចៅ ប្រជារាស្ត្រខ្មែរ ជាពិសេសអ្នកក្រីក្រ ដោយមិនគិតថ្លៃ បានប្រមាណជា ខ្ទង់លាន នាក់ហើយ… ហើយជនរួមជាតិខ្មែរ តែងតែបានផ្ដល់ការ គោរពស្រលាញ់ យ៉ាងជ្រាលជ្រៅបំផុត និងចាត់ទុកលោក វេជ្ជបណ្ឌិត ប៊ីត រិចន័រ ជាឪពុកធម៌ដ៍ល្អ របស់កូនចៅ ប្រជារាស្ត្រខ្មែរក្រីក្រ នៅទូទាំងប្រទេស ទៀតផង ៕

https://youtu.be/dNbsvFz4ufY

ដំណឹងចុងក្រោយដែលសារព័ត៌មានឡារ៉ែនទទួលបាន ឱ្យដឹងថា រដ្ឋមន្រ្តីក្រសួងសុខាភិបាលលោក ម៉ម ប៊ុនហេង បានប្រាប់អ្នកសារព័ត៌មានថា នៅនាព្រលប់ថ្ងៃទី9 ខែកញ្ញា ឆ្នាំ2018 ថ្មីៗនេះ ស្ថាបនិកមន្ទីរពេទ្យ គន្ធបុប្ផា លោកវេជ្ជបណ្ឌិត ប៊ីត រិចន័រ (Beat Richner) បានទទួលមរណភាពហើយ បន្ទាប់លោកបានធ្លាក់ខ្លួនឈឺរយៈពេលជាយូរមកហើយនោះ។

លោកទទួលមរណភាពនៅវេលាម៉ោង2 និង 45 នាទីព្រឹកថ្ងៃទី9 ខែកញ្ញា ឆ្នាំ2018 ក្នុងជន្មាយុ71ឆ្នាំ នៅប្រទេសស្វីស។ លោករដ្ឋមន្រ្តីក្រសួងសុខាភិបាល សូមចូលរួមរំលែកទុក្ខយ៉ាងក្រៀមក្រំជាទីបំផុត ចំពោះការទទួលមរណភាពរបស់លោក វេជ្ជបណ្ឌិត ប៊ីត រិចន័រ ។ យ៉ាងណាមិញ សារព័ត៌មានឡារ៉ែន ក៏សូមចូលរួមរំលែកទុក្ខយ៉ាងក្រៀមក្រំជាទីបំផុត ចំពោះការទទួលមរណភាពរបស់លោកបិតាស្ថាបនិកគន្ធបុប្ផា ដែលស្ថិតនៅក្នុងបេះដូងរបស់ប្រជាជនកម្ពុជាទាំងអស់៕

មានការភ្ញាក់ផ្អើលខ្លាំងណាស់ ដែលប៉ុន្មាននាទីមុននេះ តារាសម្ដែង និងជាពិធីការិនី កញ្ញា ណាក់ ស្រីណា ដែលកាលពីពេលមុនបានផ្ទុះជម្លោះយ៉ាងក្ដៅគគុកជាមួយផលិតកម្មមហាហង្សដោយសារតែនាងបង្ហោះសារម្ដងជាពីរដង វាយប្រហារផលិតកម្មនេះ និងលោក អ៊ិន សុភិន ជាម្ចាស់ផលិតកម្ម រហូតធ្វើឱ្យមានការភ្ញាក់ផ្អើលដល់ស្រទាប់មហាជន តែនៅទីបំផុតស្ថានការណ៍ដែលបានកើតឡើងទាំងអស់នោះត្រូវបានបញ្ចប់ទៅវិញដោយការសូមទោសរបស់តារាស្រីរូបស្អាតម្នាក់នេះ។

ណាក់ ស្រីណា ត្រូវបានគេឃើញថា បានបង្ហោះសារសុំទោសជាសាធារណៈចំពោះលោក អ៊ិន សុភិន ដោយបានបញ្ជាក់ថា អ្វីដែលនាងបានបង្ហោះកន្លងមក គឺជាការយល់ច្រឡំទាំងអស់។ ដើម្បីឱ្យកាន់តែជាក់ច្បាស់ សូមអានសារខាងក្រោមនេះតែម្ដង។

ទស្សនីយភាព​ល្ខោននិយាយ​រឿង​«​មរណភាពចម្លែក​» ត្រូវបានលើកយកមកសម្ដែងជូន​សាធារណជន​ទស្សនាកាលពីរសៀលថ្ងៃព្រហស្បតិ៍ ទី​6 ខែកញ្ញានេះ ក្នុងបរិវេណសាល ​CKCC​ ជារឿងផ្តល់នូវចំណេះដឹង ផ្នែកទម្រង់សិល្បៈឱ្យយុវជនខ្មែរបានស្គាល់ពីប្រវត្តិ និងមូលដ្ឋានគ្រឹះនៃទម្រង់សិល្បៈល្ខោននិយាយ និងបានជំរុញឱ្យយុវជន យុវនារីចេះស្រឡាញ់ និងថែរក្សាទម្រង់សិល្បៈប្រភេទនេះទៀតផង។

ដោយសារតែ​មើលឃើញ​សិស្ស​នៅ​វិទ្យាល័យភាគច្រើន មិន​ស្គាល់ពី​ល្ខោននិយាយ ទើប​ញ៉ាំង​ឱ្យ​យុវជន​ស្ម័គ្រចិត្តមួយក្រុម​រៀបចំ​ការសម្ដែង​រឿង «​មរណភាព​ចម្លែក​» នេះ​ឡើង​។ ប្រធាន​ក្រុម​លោក ណេ​ន ភា​រិ​ទ្ធ បានបញ្ជាក់​ប្រាប់ថា «​ខ្ញុំ​បាន​ទៅ​សម្ដែង​នៅតាម​វិទ្យាល័យ​ជាច្រើន នៅតាម​ខេត្ត​នានា សិស្ស​ថ្នាក់​ទី​11-12 សឹងតែ​ទាំងអស់​អត់ដែល​ស្គាល់​ល្ខោននិយាយ​ទេ គេ​ស្គាល់​តែ​ល្ខោន​វិទ្យុ​។ ដូច្នេះហើយ​ទើបបានជា​ខ្ញុំ​ធ្វើ​កម្មវិធី​ល្ខោននិយាយ​នេះ​ឡើង​»​។​ ក្រុម​ល្ខោននិយាយ​របស់លោក ភា​រិ​ទ្ធ ធ្លាប់បាន​សម្ដែង​រឿង​ «​កុលាប​ប៉ៃលិន​» «​ចិញ្ចៀន​បញ្ចាំចិត្ត​» និង​រឿង​ជាច្រើន​។ ជោគជ័យ​ពី​ការសម្ដែង​កន្លងមក​បាន​នាំ​ឱ្យលោក ភា​រិ​ទ្ធ មាន​ក្ដីសង្ឃឹម​ក្នុង​ការសម្ដែង​ល្ខោននិយាយ​ជា​បន្តបន្ទាប់ទៀត​។ ​កម្មវិធី​ដែល​ក្រុមនេះ​បានធ្វើ​កន្លងមក ​មានកា​រ​គាំទ្រ​ប្រហែល​ 30​ភាគរយហើយ ដូច្នេះស្មារតីអភិរក្សល្ខោននិយាយរបស់ខ្មែរ បានបណ្ដាលឱ្យក្រុមមួយនេះ​មិន​ចង់​ឱ្យ​បាត់បង់​អ្នកគាំទ្រ​ទាំង​នោះទេ បើទោះជាមានអ្នកទស្សនាច្រើន ឬតិចក្ដី ក៏ពួកគេបានប្ដេជ្ញាថា នឹងបន្ដធ្វើកម្មវិធីនេះជារៀងរហូត​​។

គួរបញ្ជាក់ផងដែរថា លក្ខណៈពិសិដ្ឋនៃទម្រង់ល្ខោននិយាយខ្មែរមួយនេះ បានបំផុសគំនិតឱ្យយុវជនកម្ពុជាដែលជាទំពាំងស្នងឫស្សីទាំងអស់ស្រឡាញ់នូវភាពយុត្តិធម៌ សច្ចធម៌ គុណតម្លៃការងារ ភាពស្មោះត្រង់ និងតម្លៃអប់រំកូនចៅខ្មែរឱ្យចេះវិភាគពី អ្វីទៅជាស្នេហា និងសេក្ដីស្លាប់ ដែលធ្វើឱ្យឈ្លក់វង្វេងក្នុងកាមកិលេស។ មិនត្រឹមតែទស្សនាហើយទទួលបានការអប់រំនោះទេ ភ្ញៀវកិត្តិយសដែលភាគច្រើនជាយុវវ័យប្រុសស្រី បានផ្ដល់ការគាំទ្រ និងលើកទឹកចំពោះល្ខោននិយាយដែលជាសិល្បៈខ្មែរទី6 នេះ ដោយបាននាំគ្នាមកទស្សនាយ៉ាងភ្លូកទឹកភ្លូកដីរហូតដល់សឹងតែរកកន្លែងអង្គុយគ្មាន៕