Author: អេបិល

តាមរយៈទំព័រហ្វេសប៊ុក ចៅ ព្រាហ្មណ៍ បានបង្ហោះសកម្មភាពវិរៈសិល្បៈចាប៉ីដងវែង លោកតាប្រាជ្ញ ឈួន និងលោកគ្រូ អ៊ិន សារុន បានឱ្យដឹងថា វិរៈសិល្បៈករជើងចាស់ផ្នែកខាងចាប៉ីដងវែងទាំងពីររូបបានជួបគ្នាសួរសុខទុក្ខគ្នា ពិតជាគួរឱ្យគោរពនិងស្រឡាញ់ខ្លាំងណាស់។

លោកតាទាំងពីរមានវ័យចាស់ជរាណាស់ទៅហើយ កម្លាំងក៏ថមថយចុះជាលំដាប់ រោគក៏កាន់តែមកបៀតបៀនយាយី។ ជួបគ្នាបានតែឆ្លើយឆ្លងសម្ដី តែមិនអាចមើលឃើញគ្នាបាន។ ថ្វីត្បិតនេត្រារបស់លោកតាទាំងពីរមិនអាចមើលគ្នាបានមែន តែចិត្តរបស់លោកតាទាំងពីរមើលឃើញគ្នាច្បាស់ណាស់ ព្រោះលោកតាស្គាល់រស់ជាតិនៃជីវិតជាអ្នកចាប៉ីដងវែង។

មួយជីវិតរបស់លោកតាទៅហើយ។ លោកតាខំប្រឹងទាំងកម្លាំងកាយចិត្ត ដើរច្រៀងចាប៉ីជូនចាស់ក្មេងស្ដាប់ មិនខ្លាយនឿយហត់។ មិនត្រឹមតែច្រៀងនោះទេ គឺចិត្តលោកតាទាំងពីរមិនចង់ឱ្យឧបករណ៍ដ៏កំសត់មួយនេះបាត់បង់ទៅ។ លោកតាពិតជាមានចំណេះដឹងខាងឧបករណ៍ចាប៉ីនេះយ៉ាងស្ទាត់ជំនាញ ដែលក្មេងជំនាន់ក្រោយមិនអាចធ្វើដូចបាន ជាពិសេសគឺការដេញចង្វាក់បទ ច្រៀងពិរោះរណ្ដំ កំណាព្យកាព្យឃ្លោង ចុងចួន ផ្ទួនរណ្ដំ គឺលោកតាអាចធ្វើទាំងអស់ ចៅសូមកោតសរសើរអស់ពីដួងចិត្ត។

តែឥឡូវលោកតាមានវ័យចាស់ជរាណាស់ទៅហើយ ដល់ពេលដែលលោកតាត្រូវសម្រាកហើយ។ ហើយលោកតាមិនចាំបាច់បារម្ភទេ ចៅៗជំនាន់ក្រោយនឹងខំប្រឹងថែរក្សាឧបករណ៍កំសត់មួយនេះឱ្យបានគង់វង្ស មិនឱ្យលោកតាព្រួយបារម្ភទៀតឡើយ។ ថ្វីតែឧបករណ៍កំសត់មួយនេះមិនសូវមានអ្នកគាំទ្រក៏ពិតមែន តែចៅៗនៅតែស្រឡាញ់នឹងគាំទ្រជានិច្ច ទាំងនេះគឺជាពាក្យពិតដែលចេញពីចិត្តចៅ។

ជាចុងក្រោយចៅៗសូមជូនពរលោកតាអោយមានសុខភាពល្អ រស់នៅជាសុខ កុំបីមានរោគមកបៀតបៀនបានឡើយ។

តាមរយៈកម្មវិធីប្រឡងចម្រៀងលំដាប់ពិភពលោក The Voice Kids Cambodia រដូវកាលទី2 គេបានមើលឃើញថា មានកុមារាចំនួន 2 នាក់ហើយ ដែលមានសមត្ថភាពបកស្រាយបទចម្រៀងស្រី ដោយមានសំនៀងដូចមនុស្សពិតៗ រហូតទទួលបានការចាប់អារម្មណ៍យ៉ាងខ្លាំងពីសំណាក់ទស្សនិកជន។

ជាក់ស្ដែង សប្ដាហ៍ថ្មីនេះមាន កុមារា ខេន បូរ៉ា អាយុ10 ឆ្នាំ មកពីខេត្តបាត់ដំបង បានឡើងបកស្រាយច្រៀងបទ “កូនស្រីអ្នកនេសាទ” ដែលជាបទស្រី បានយ៉ាងពិរោះ ប៉ុន្តែគួរឲ្យសោកស្តាយមិនត្រូវបានគណៈកម្មការចុចប៊ូតុងយករូបប្អូនទៅវគ្គបន្ត។

យ៉ាងណាមិញមានតែប្អូនប្រុស ខេត្ត ត្បូងឃ្មុំ មានឈ្មោះថា រ៉េត រ៉ែន មានវ័យ 14 ឆ្នាំ បានបកស្រាយបទចម្រៀងចំណងជើងថា «នឹកភូមិភ្នំធំ» ដែលជាសំនៀងដើមរបស់លោកយាយ រស់ សិរីសុទ្ធា តែប្អូនប្រុសរូបនោះយកមកបកស្រាយបានយ៉ាងល្អ រហូតធ្វើឱ្យគណៈកម្មការទាំង 3រូប ដណ្តើមយកប្អូនគ្រប់ៗគ្នា៕

វីដេអូដែលលោកអ្នកកំពុងទទឹងរងចាំ គឺបានមកដល់ហើយ MV នៃបទចម្រៀងដែលល្បីខ្លាំងរបស់កំពូងតារាចម្រៀង ខេមរៈ សិរីមន្ត មានចំណងជើងថា «ខ្ញុំលែងត្រូវការស្នេហា» ដោយក្នុង MV នេះ មានការចូលរួមសម្តែងពីសំណាក់ លោក ខេមរៈ សិរីមន្ត ផ្ទាល់ ជាមួយតារាប្រុសស្រីស្រស់ស្អាតពីរដួងទៀត។

អត្ថន័យនៅក្នុងបទចម្រៀងនេះគួសបញ្ជាក់ឱ្យឃើញអំពី ជីវីតគូសង្សារដែលធ្លាប់តែមានភាពផ្អែមល្ហែមនឹងគ្នា តែចុងក្រោយត្រូវយល់ខុសដោយសារ អារម្មណ៍ស្រឡាញ់គេតែម្ខាង ទើបបណ្ដាលឱ្យខាងប្រុសជាអ្នកសម្រេចចិត្តដើរចេញទៅ ។ ក្រោយបានមើល MV នេះចប់ អ្នកទស្សនាបានសរសើរថា ទាំងបទចម្រៀងនិងការសម្តែងពិតជាល្អណាស់សូមសរសើរ។

ចង់ដឹងថា សាច់រឿងប្រទាក់ក្រឡាគ្នាបែបណានោះ សូមទស្សនាវីដេអូខាងក្រោម៖

តាមរយៈខ្សែភាពយន្ដថ្មី «ណូលីណូឡា» អ្នកដឹកនាំរឿងបានតម្រូវឱ្យកញ្ញា ភិន សុដាលីស សម្ដែងជាតួអង្គដែលមានអត្តចរិតដូចមនុស្សប្រុស ខុសពីសព្វមួយដងដែលធ្លាប់តែសម្ដែងជាតួអង្គមានលក្ខណៈចរិតជាមនុស្សស្រីធម្មតាៗ មានស្លូតបូត ឬកាចឆ្នាស់ជាដើម។

យ៉ាងណាមិញ តារាសម្ដែងស្រីលេចធ្លោរូបនេះ បានបង្ហើបប្រាប់អ្នកសារព័ត៌មានថា តាំងពីចូលសិល្បៈមក នាងមិនដែលត្រូវបានផលិតករតម្រូវឲ្យនាងសម្ដែងជាតួមានចរិតជាមនុស្សប្រុសបែបនេះទេ ប៉ុន្តែក្នុងរឿងថ្មីចុងក្រោយនេះ ស្រាប់តែអ្នកដឹកនាំសម្ដែងតម្រូវឱ្យនាងសម្ដែងជាតួមានចរិតជាមនុស្សប្រុស វាយ ទាត់ធាក់ ជាពិសេសត្រូវកាត់សក់ខ្លី ឱ្យមើលទៅដូចមនុស្សប្រុសបេះបិទតែម្ដង។ ចំណុចនេះធ្វើឲ្យនាងគិតថា វាជារសជាតិថ្មី ប្លែកមួយបែបទៀតក្នុងអាជីពសិល្បៈរបស់នាង ខណៈដែលនាងបានប្រឡូកអស់រយៈពេលជាច្រើនឆ្នាំមកហើយ។

ស្រីស្រស់ ភិន សុដាលីស និយាយថា «ចា៎បង ក្នុងរឿងនេះ ខ្ញុំមានអារម្មណ៍ប្លែកច្រើន! រឿងនេះជារសជាតិថ្មី ដែលអាចនិយាយបានថា ជាលើកទី1 ដែលខ្ញុំបានសម្ដែងជាតួឯកស្រី ប៉ុន្ដែមានចរិតដូចមនុស្សប្រុសមួយទំហឹងតែម្ដង គឺចូលចិត្តធ្វើអ្វីដែលជាចរិតរបស់មនុស្សប្រុស ដូចជាការធ្វើការងារជាដើម ក៏ជាការងាររបស់មនុស្សប្រុសទាំងអស់»។

ដាលីស បានបន្ថែមទៀតថា ហើយនេះក៏ជារសជាតិថ្មីមួយបែបទៀត ដែលនាងបានសម្ដែងជាមួយនឹង កញ្ញា ឌុច លីដា នៅក្នុងខ្សែភាពយន្តតែមួយជាលើកដំបូង ដោយយើងទាំងពីរត្រូវសម្ដែងជាបងប្អូនភ្លោះនឹងគ្នា តែបែរជាមានអត្តចរិត2ផ្សេងគ្នា ពោលគឺ នាងសម្ដែងជាតួឯកស្រីឈ្មោះ ណូឡា ដែលមានចរិតជាមនុស្សប្រុស និងកញ្ញា ឌុច លីដា សម្ដែងជាតួឯកស្រីដូចគ្នា ដែលមានឈ្មោះថា ណូលី ដែលមានចរិតជាមនុស្សស្រីពេញលក្ខណៈតែម្ដង៕

ធនាគារកាណាឌីយ៉ា ភីអិលស៊ី បានប្រកាសចាប់ផ្តើមកម្មវិធីកម្ចីរបស់ខ្លួនដោយបានបន្ថែមទុនវិនិយោគជាទឹកប្រាក់ចំនួន 150លានដុល្លារដើម្បីផ្តល់ជាឥណទានដល់សហគ្រាសធុនតូច​ និងមធ្យមក្នុងស្រុកនៅកម្ពុជាដែលហៅកាត់ថា SME។

អ្នកឧកញ៉ា ពុង ឃាវសែ ប្រធានក្រុមប្រឹក្សាភិបាលនៃធនាគារកាណាឌីយ៉ាបានលើកឡើងថាការផ្តល់កញ្ចប់ឥណទានក្នុងវិស័យ SME នាពេលនេះនឹងអាចជួយសម្រួលការលំបាកក្នុងការស្វែងរកទុនពង្រីក និងបង្កើតអាជីវកម្មថ្មីៗ ស្របពេលដែលវិស័យ SME កំពុងជួបបញ្ហាកង្វះទុនក្នុងការពង្រីកអាជីវកម្ម។

អ្នកឧកញ៉ាបន្តថា ការពង្រឹងអាជីវកម្មរបស់ SME នៅក្នុងប្រទេសពិតជាបានដើរតួនាទីយ៉ាងសំខាន់ក្នុងការចូលរួមអភិវឌ្ឍសេដ្ឋកិច្ចកម្ពុជា បន្ទាប់ពីការពង្រឹងធនធានមនុស្ស បច្ចេកទេស និងហេដ្ឋារចនាសម្ព័ន្ធ។ អ្នកឧកញ៉ាបានគូសបញ្ជាក់ទៀតថា តាមរយៈការបន្ថែមនូវកញ្ចប់ឥណទានសម្រាប់ SME នេះម្ចាស់សហគ្រាស និងអាជីវកម្មនឹងអាចធ្វើការស្នើសុំកម្ចីឥណទានពីធនាគារក្នុងអត្រាការប្រាក់ 7.8ក្នុង 1ឆ្នាំ។

ឯកឧត្តមកិត្ដិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្មមានប្រសាសន៍ថា កញ្ចប់ថវិកា 150លានដុល្លារនេះ គឺជារឿងល្អសម្រាប់វិស័យ SME ក្នុងប្រទេសកម្ពុជាក្នុងការទទួលបានកម្ចីដើម្បីបង្កើត និងពង្រីកអាជីវកម្ម ខណៈបច្ចុប្បន្នវិស័យ SME ក្នុងប្រទេសកម្ពុជាមានប្រមាណ90% កំពុងមានតម្រូវការផ្នែកហិរញ្ញវត្ថុ។ រដ្ឋាភិបាលកំពុងផ្តល់អាទិភាពដល់ការអភិវឌ្ឍវិស័យសហគ្រាសធុនតូច និងមធ្យម ព្រោះវាគឺជាឆ្អឹងខ្នងនៃសេដ្ឋកិច្ច។

ឯកឧត្តមបានបន្ថែមថា៖«វានឹងក្លាយជាផ្នែកសំខាន់មួយនៃយុទ្ធសាស្ត្ររបស់យើងដើម្បីជំរុញកំណើននៅក្នុងវិស័យសហគ្រាសធុនតូច និងមធ្យម ហើយនឹងកាត់បន្ថយចំនួនបញ្ហាប្រឈមដែលវិស័យហិរញ្ញវត្ថុកំពុងប្រឈមនិងនាំមកនូវវឌ្ឍនភាពទៅកាន់ប្រទេសដែលកំពុងផ្លាស់ប្តូររចនាសម្ព័ន្ធសេដ្ឋកិច្ចរបស់ខ្លួនដោយផ្លាស់ប្តូរពីការពឹងផ្អែកលើវិស័យកសិកម្មដើម្បីពឹងផ្អែកលើវិស័យឧស្សាហកម្មនិងសេវាកម្ម»។

ទោះជាយ៉ាងណាលោក តែ តាំងប៉ ប្រធានសហព័ន្ធសមាគមសហគ្រាសធុនតូច និងមធ្យមកម្ពុជាបានមានប្រសាសន៍ថា៖«អត្រាការប្រាក់នៃកម្ចីថ្មីនេះនៅមានកម្រិតខ្ពស់នៅឡើយ អ្វីដែលខ្ញុំដឹងគឺ អត្រាការប្រាក់ 7.8%ក្នុងមួយឆ្នាំ រួមជាមួយសេវាកម្មផ្សេងៗទៀតវាអាចមានរហូតដល់9% ដូច្នេះវានៅតែខ្ពស់សម្រាប់ SME  វានៅមានកម្រិតខ្ពស់ដូចអ្វីដែលផ្តល់ដោយធនាគារផ្សេងទៀតដែរ ដូច្នេះយើងសូមស្នើឱ្យកាណាឌីយ៉ាទម្លាក់វាចុះបន្តិច»។

គួរបញ្ជាក់ថា តាមស្ថិតិរបស់ក្រសួងឧស្សាហកម្ម និងសិប្បកម្មបានបង្ហាញថា ក្នុងចំណោមសហគ្រាសជាង 52ម៉ឺនសហគ្រាសក្នុងប្រទេសកម្ពុជា មានសហគ្រាសធុនតូច និងមធ្យមប្រមាណ99.8%ដែលបានផ្ដល់ការងារសរុបប្រមាណ70% នៃការងារក្នុងវិស័យឧស្សាហកម្មសរុប៕