Author: អេបិល

លោក ពេជ្រ ថាណា ជាតារាចម្រៀងមួយដួងដែលមានប្រជាប្រិយភាពខ្លាំងគួរសម ស្ទើរតែមិនចាញ់តារាចម្រៀងល្បីៗផ្សេងៗទៀតឡើយ ខណៈដែលបទចម្រៀងនីមួយៗ របស់លោកសុទ្ធសឹងតែមានការគាំទ្រពីប្រិយមិត្តទស្សនិកជន ជាពិសេសមិត្តយុវវ័យតែម្ដង។ តែនៅក្នុងពិភពសិល្បៈវាតម្រូវឱ្យមានការប្រកួតប្រជែងខ្ពស់ ទើបទទួលបានទីផ្សាធំ និងក្ដោបបានចំណែកធំនៅក្នុងចិត្តអ្នកគាំទ្រ ដូច្នោះហើយស្របពេលដែលតារាចម្រៀងប្រុសសំឡេងខ្ពស់រូបនេះកំពុងមានប្រជាប្រិយខ្លាំងគួរសមក្នុងពិភពសិល្បៈ លោកបានផ្ដាំទៅកាន់អ្នកដែល​បានមើលងាយលោក ខណៈដែលលោកនៅក្រ ក្រី ឱ្យបានភ្លឺភ្នែកម្ដងក្នុងរយៈពេលតែ 2ឆ្នាំខាងមុខទៀត។

ជាការពិតណាស់ បើតាមគណនីហ្វេសប៊ុកផ្លូវការរបស់តារាចម្រៀងលោក ពេជ្រ ថាណា បានសរសេរសារបង្ហោះ ដោយមានអត្ថន័យយ៉ាងដូច្នេះថា «ជឿថា ពេលយើងក្រ គ្មានអ្នកស្គាល់យើងអត? ខ្ញុំជឿ ព្រោះតែអ៊ីចឹងហើយទើបខំប្រឹង ក្រែងលោវាបានអីៗនឹងគេ មិនយូរទេ រយៈពេល 2ឆ្នាំទៀត អីៗចេញមកហើយ កុំពូកែមើលងាយគេពេក»។

សូមជម្រាបផងដែរថា តាមរយៈសារមានអត្ថន័យជា្រលជ្រៅមួយនេះ អាចឱ្យអ្នកដែលធ្លាប់មើលងាយ តារាចម្រៀង ពេជ្រ ថាណា ពេលបានឃើញហើយ អាចចត់បាយក៏ពិតមែន ប៉ុន្តែលោកហាក់បីដូចជាមិនបានបង្ហើបឱ្យដឹងថា លោកនឹងមានគម្រោងធំធ្វើអ្វីមួយដើម្បីលេចចេញជារូបរាងនៅឡើយទេ ខណៈដែលលោកបានបញ្ជាក់ឱ្យដឹងថា រយៈពេល 2ឆ្នាំទៀត អ្វីដែលលោកធ្វើ វានឹងលេចចេញឡើងហើយ៕

រដូវបុណ្យភ្ជុំបិណ្ឌបានចូលមកដល់ គេសម្គាល់ឃើញថា តារាចម្រៀងម្នាក់ៗតែងតែបញ្ចេញបទចម្រៀងរបស់ខ្លួនជាចង្វាក់ប្រពៃណី និងប្រជាប្រិយគ្រប់ៗគ្នា ជាក់ស្ដែងដូចជាក្រុមការងារចម្រៀងរបស់តារាពហុជំនាញ គឺអ្នកនាង ទូច ស្រីល័ក្ខ បានបញ្ចេញបទចម្រៀងមួយបទដ៏មានអត្ថន័យដែលមានចំណងជើងថា «ម្ចាស់ជីវិតកូនអើយ» ដែលជាប្រភេទបទមនោសញ្ចេតនា កម្សត់ស្ទើរតែទប់ទឹកភ្នែកមិនបាន ព្រោះអ្នកនាងបានរៀបរាប់អំពីគុណូបការៈរបស់អ្នកមានគុណទាំងទ្វេ។

អមដោយវីដេអូចម្រៀង អ្នកនាង ទូច ស្រីល័ក្ខ បានសរសេរសាររៀបរាប់ថា «ឪពុកម្តាយបានលះបង់គ្រប់យ៉ាងដើម្បីតែកូន ឱ្យកូនរស់នៅមានសេក្តីសុខ សួរថា តើលោកទាំងពីរលំបាកប៉ុនណាបើកូនៗណារស់នៅឆ្ងាយពីក្រុមគ្រួសារ ប្រាកដណាស់ លោកច្បាស់ជាបារម្ភ និងយំ បន្ទាប់ពីស្តាប់បទនេះហើយសូមផ្ដល់ជាកម្លាំងចិត្តឱ្យក្រុមខ្ញុំផង។ បទ «ម្ចាស់ជីវិតកូនអើយ» ច្រៀងដោយក្រុមកម្សត់ស្រីល័ក្ខ និពន្ធទំនុកច្រៀង & Melody ដោយក្រុមកម្សត់ស្រីល័ក្ខ សម្រួលតន្រ្តីដោយលោក ផល វន្ឍៈ ដឹកនាំថតដោយ Heng Picture»។

សូមជម្រាបបន្ថែមដែរថា តាម​ទំនៀម គេ​ធ្វើ​ពិធីបុណ្យ​ភ្ជុំបិណ្ឌ​ចំនួន 15ថ្ងៃ គឺ​ចាប់​ផ្តើមធ្វើ​តាំងពី​ថ្ងៃ1រោច ខែភទ្របទ ដល់​ថ្ងៃ 15រោច​ ខែភទ្របទ។ ពីថ្ងៃ1រោច ​ដល់14រោច គឺ​ថ្ងៃ​កាន់បិណ្ឌ ឬ​ថ្ងៃ​ដាក់​បិណ្ឌ។ ថ្ងៃ15រោច គឺ​ថ្ងៃ​ភ្ជុំបិណ្ឌ ព្រោះ​ថ្ងៃនេះ អ្នកស្រុក​តែង​មក​ប្រជុំគ្នាធ្វើ​នៅក្នុង​វត្តគ្រប់ៗគ្នា។ កាលពី​បុរាណកាល បុណ្យ​ភ្ជុំបិណ្ឌមាន​រយៈពេល 3ខែ​ឯណោះ គឺ​ស្របពេល​នឹង​រដូវ​ចូលវស្សា​ដែរ។ តែ​ក្រោយមក ដោយ​ប្រជាជនជាពុទ្ធបរិស័ទ ជាប់​មមា​ញឹក​នឹង​កិច្ចការ​រក​ស៊ី​ចិញ្ចឹមជីវិត​ខ្លាំងពេក ទើប​គេ​សម្រេចធ្វើ​ត្រឹមតែ 15ថ្ងៃវិញ។

សូមរីករាយស្ដាប់ និងទស្សនាវីដេអូខាងក្រោមនេះ៖

https://youtu.be/MraOxMaUmXs

ចាប់​តាំង​ពីរ​រៀបការ​ និង​មាន​កូន ​3នាក់​ជា​ដំណក់​ឈាម​រួម​គ្នា​រួច​មក​ នេះជាលើក​ទី​មួយ​ហើយ​ដែល​កំពូល​តារា​ចម្រៀង​ ខេមរៈ សិរីមន្ត ឆ្លើយ​តបដោយ​ពាក្យ​ផ្អែម​ល្ហែម​ទៅ​កាន់​ភរិយា​ ក្រោយ​ពី​នាង​សរសើរ​ខ្លួន​ថា ​ជា​ប្ដី​ល្អ។

កំពូល​តារា​ចម្រៀង​ ខេមរៈ សិរីមន្ត បាន​ឆ្លើយ​តប​ទៅ​ភរិយា​ថា លោក​​គ្រាន់​តែ​ជា​ស្វាមី​ធម្មតា​ម្នាក់​ប៉ុណ្ណោះ​ ភរិយា​ខ្លួន​ទើប​ជា​ស្ត្រី​ល្អ​ ព្រោះតាំង​ពី​ចាប់​ផ្ដើម​ស្រឡាញ់​គ្នា​រហូត​ដល់​មាន​​កូន ​3នាក់ នាង​មិន​ដែល​សុំ​អ្វី​ឡើយ​ សុំ​ត្រឹម​តែ​មាន​លោក​នៅ​ក្បែរ​ ហើយ​ចេះ​ស្រឡាញ់​ថ្នាក់​ថ្នម​នាង​ គឺ​គ្រប់​គ្រាន់​ហើយ​មិន​ប្រាថ្នាអ្វី​លើស​ពី​ហ្នឹង​ឡើយ។

ជាក់ស្តែង ខេមរៈ សិរីមន្ត បានបង្ហាញរូបភាពផ្អែមល្ហែមជាមួយនឹងភរិយារួមទាំងកូនប្រុសស្រី និងសារដ៏មានអត្ថន័យថា «បងជាប្តីធម្មតាៗម្នាក់ប៉ុណ្ណោះ អូនទើបជាភរិយាដ៏ល្អ តាំងពីពួកយើងស្រឡាញ់គ្នាមក អូនមិនដែលចង់បានអ្វីពីបងឡើយ អូនថា សុំត្រឹមមានបងនៅក្បែរ និងស្រឡាញ់អូន គឺគ្រប់គ្រាន់ហើយសម្រាប់អូន បងមានសំណាងណាស់ ដែលមានអូនជាភរិយា»។

យ៉ាងណាមិញ ក្រោយពីលោក ខេមរៈ សិរីមន្ត បានបង្ហាញមុខភរិយា និងកូនប្រុសស្រីរបស់លោកឱ្យមហាជនអ្នកគាំទ្រ បានស្គាល់ជាសាធារណៈរួចមក គេសង្កេតឃើញថា លោកកាន់តែបង្ហាញភាពផ្អែមល្ហែមខ្លាំងឡើងជាមួយភរិយា ដែលធ្វើឱ្យទស្សនិកជនមិនតិចនាក់នោះទេ លួចច្រណែននឹងរូបលោក។ ទន្ទឹមគ្នានេះដែរ ក្រោយពីបានបង្ហោះសារបែបនេះហើយ ធ្វើឱ្យអ្នកគាំទ្រទាំងឡាយសម្តែងក្តីរំភើប និងកោតសរសើរថា ខេមរៈ សិរីមន្ត និងក្រុមគ្រួសារពិតជាមានសុភមង្គលមែន(អ៊ូយ បេលអំភើបណាស់..)៕

ធ្លាប់តែបកស្រាយបទចម្រៀងប្រភេទមនោសញ្ចេតនា ដល់ពេលបញ្ចេញបទចម្រៀងប្រភេទរ៉ក់ម្ដង ធ្វើឱ្យតារាចម្រៀងលោក វង្ស ថាណាន់ ទទួលបានការចាប់អារម្មណ៍យ៉ាងខ្លាំងជាមួយនឹងបទ «ស៊ូស្លាប់ មិនធ្វើមនុស្សក្បត់» ដែលមានអត្ថន័យឆ្លើយឆ្លងនឹងបទ «សុំបេះដូងមួយចំណែក» របស់អ្នកស្រី សុង សេងហ៊ន។ ចម្រៀងមួយបទនេះត្រូវបានអ្នកធ្លាប់ស្ដាប់ទឹកដមសំឡេងរបស់លោកមុនៗលាន់មាត់តែម្ដង ខណៈដែលតុងចម្រៀងដែលលោកបកស្រាយនោះក៏ពីរោះ ហើយស្រែកបានខ្ពស់ទៀតផង។

ពិតជាប្លែកត្រចៀកណាស់ បើបានស្ដាប់ចម្រៀងមួយបទរបស់លោក វង្ស ថាណាន់ ក្រោមចំណងជើងថា «ស៊ូស្លាប់ មិនធ្វើមនុស្សក្បត់» ដែលទើបតែដាក់បង្ហោះនេះ។ សមត្ថភាពស្រែកក្នុងបទចម្រៀងនេះកាន់តែបង្ហាញយ៉ាងច្បាស់ថា លោកមានការវិវឌ្ឍខ្លួនមិនធម្មតាទេ ព្រោះធ្លាប់តែច្រៀងបទមនោសញ្ចេតនា និងបទញាក់ៗ តែដល់ពេលច្រៀងបទបែបរ៉ក់ ក៏ពីរោះមិនធម្មតាដែរ។

ចង់ដឹងថា មួយបទ«ស៊ូស្លាប់មិនធ្វើមនុស្សក្បត់»របស់វង្ស ថាណាន់ នេះ ពីរោះ និងប្លែកត្រចៀកកម្រិតណា តោះ! ស្ដាប់កម្សាន្តទាំងអស់គ្នា៖

ក្នុងពិភពសិល្បៈពោរពេញទៅដោយការប្រកួតប្រជែង ក្រុមគ្រួសារត្រកូល ណុប អាចនិយាយបានថា ជាក្រុមគ្រួសារមួយ សម្បូរទៅដោយធនធានមនុស្សដែលមានសមត្ថភាពខ្ពស់ក្នុងពិភពសិល្បៈ ដូចជាតារាចម្រៀង ណុប បាយ៉ារិទ្ធ តារាចម្រៀង និងជាអ្នករៀបចំកម្មវិធីលោក នីកូ កវីនិពន្ធ ណុបសិទ្ធកា និងលោកណុប សម្បត្តិជាឪពុក និងមេគ្រួសារ ក៏ជាអ្នកដឹកនាំរឿងដ៏ល្បីល្បាញមួយរូបផងដែរ ព្រមទាំងមានសែស្រឡាយអ៊ំប្រុស អ៊ំស្រី ពូ មីង និងប្អូនៗ របស់គេដែលសុទ្ធសឹងតែមានស្នាដៃនៅក្នុងពិភពសិល្បៈទាំងអស់។

នៅពេលថ្មីៗនេះ កំពូលតារាចម្រៀងមុខក្មេងសំឡេងចាស់ លោក ណុប បាយ៉ារិទ្ធ បានបង្ហាញរូបភាពគ្រួសារទាំងមូល ព្រមទាំងឈ្មោះ ដែលមានទេពកោសល្យខាងសិល្បៈតាំងពីឪពុកម្តាយ ប្អូនប្រុស រហូតដល់ក្មួយបង្កើតឱ្យមហាជនបានស្គាល់ច្បាស់ និងដឹងអំពីពូជពង្សអ្នកសិល្បៈបុរាណ សម័យមួយគ្រួសារនេះ។

ចង់ដឹងថា ក្រុមគ្រួសារលោក ណុប បាយ៉ារិទ្ធ មានអ្នកណាខ្លះនោះ សូមទស្សនារូបភាពខាងក្រោមនេះ៖