Author: អេបិល

មួយរយៈចុងក្រោយនេះ មហាជនគ្រប់រូបបានទទួលស្គាល់លោក លោក ទ្រី សក្កដា គឺជាអ្នកនិពន្ធល្បីឈ្មោះប្រចាំផលិតកម្មហង្សមាស ដោយលោកក៏បានវិវត្តន៍ខ្លួនក្លាយជាអ្នកដឹកនាំការសម្ដែង និងក្លាយជាអ្នកចម្រៀង Original Song។ ជាមួយភាពជោគជ័យរបស់លោក កវីរូបនេះក៏បានរៀបរាប់ពីបទពិសោធន៍ និងការងារមួយចំនួនដែលលោកបានត្រៀមក្នុងសិល្បៈ ចែករំលែកឱ្យអ្នកគាំទ្របានដឹងផងដែរ។

លោក ទ្រី សក្កដា និយាយថា ការរៀបចំខួបកំណើតលើកនេះ លោកមានបំណងចង់ឱ្យមានការជួបជុំ និងមានការស្គាល់លោកកាន់តែច្រើន បន្ទាប់ពីលោកក៏សាងស្នាដៃក្នុងវិស័យនិពន្ធ វិស័យដឹកនាំសម្ដែង និងច្រៀងបាន។ លោកថារយៈពេលជាង2ឆ្នាំនៅហង្សមាស លោកបាននិពន្ធបទចម្រៀងឱ្យហង្សមាសបានប្រមាណជាង300បទមកហើយ ដោយភាគច្រើនសុទ្ធតែជាបទនិពន្ធថ្មី និងជាបទផ្តោតលើយុវវ័យ ដោយក្នុងចំណោមបទទាំងនោះក៏មានការដឹកនាំសម្ដែងដោយផ្ទាល់របស់លោកផងដែរ។ ដោយឡែកសម្រាប់អាជីពចម្រៀង លោកបានចេញបទ Original បានចំនួន9បទហើយ ដោយបទ«ខ្មាសគេ» និងបទចម្រៀងមួយចំនួនគឺមានការគាំទ្រគួរឱ្យកត់សម្គាល់នៅលើបណ្ដាញសង្គមយូធូប។

លោក ទ្រី សក្កដា បញ្ជាក់ថា លោកមិនមានគម្រោងដើរចេញពីការនិពន្ធបទចម្រៀងនៅក្នុងផលិតកម្មហង្សមាសនោះទេ បើទោះជាលោកបានក្លាយជាតារាចម្រៀងឯករាជ្យ ដែលត្រូវគេមើលឃើញថាចាប់ផ្ដើមជោគជ័យនៅក្នុងពេលនេះ។
លោកក៏មិនមានគម្រោងហក់ចូលផលិតកម្មហង្សមាសនោះដែរ ដោយលោកយល់ថានៅក្នុងទ្រនំមួយនេះ លោកមានតំណែងជាអ្នកនិពន្ធរួចហើយ មិនចង់ឡុកឡាក់ក្នុងតំណែងជាអ្នកចម្រៀងមួយទៀត ដែលនាំអោយតារាចម្រៀងដែលរង់ចាំច្រៀងបទចម្រៀងរបស់លោកមានអារម្មណ៍ខកចិត្តនោះទេ៕

អាជ្ញាធរ ឃុំកំពង់ភ្លុក ស្រុកប្រាសាទបាគង ខេត្តសៀមរាប លោក គុជស៊ាក់ សិរីវត្ថានា ក៏បានចេញមុខបដិសេធ ចំពោះសាកសពដែលត្រូវបានគេយកទៅចងព្យួរជាប់នឹងដើមឈើ ដែលមហាជនមានការភ្ញាក់ផ្អើល ក៏ដូចជាតក់ស្លុត និងភ័យខ្លាចយ៉ាងខ្លាំង ដោយសាកសពក្លែងក្លាយនោះ ក្រុមថតកុនរបស់ផលិតកម្មថោន យកទៅចងព្យួរ ដើម្បីជាការសម្ដែងតែប៉ុណ្ណោះ។

អាជ្ញាធរ ឃុំ កំពង់ភ្លុក បានប្រាប់ឱ្យ​​​ដឹងថា «យើងខ្ញុំក្នុងនាមជាអាជ្ញាធរឃុំ កំពង់ភ្លុក សូមបញ្ជាក់ថា រូបភាពដែលបងប្អូនភ្ញៀវជាតិ និងអន្តរជាតិ បានឃើញសាកសពក្លែងក្លាយ ដែល ក្រុមថតកុនរបស់ផលិតកម្ម ថោន យកមកចងព្យួរក្នុងព្រៃគុបកំពង់ភ្លុក គ្រាន់តែជារូបភាពក្នុងការសម្តែងទេ សូមកុំយល់ច្រឡំ ហើយសូមឲ្យផលិតកម្មថោន និង លោក K01 ចេញមុខបកស្រាយជាបន្ទាន់។ សូមបងប្អូនដែលស្រឡាញ់តំបន់ កំពង់ភ្លុក ជួយ Share ឲ្យដល់ផលិតកម្ម ថោន និង លោក K01 ឃើញផង»។

គួរបញ្ជាក់ផងដែរថា អាជ្ញាធរបានស្នើឱ្យខាងផលិតកម្ម ថោន រួមជាមួយនិងលោក K01 ដែលបានផ្សាយព័ត៌មានមិនពិត ដោយលើកឡើងថា ជាសាកសពត្រូវគេរំលោភសម្លាប់ រួចយកមកចងព្យួរ ដើម្បីបំបិទភស្តុតាង ចេញមុខមកបកស្រាយជាបន្ទាន់ ពាក់ព័ន្ធនឹងរឿងរ៉ាវខាងលើនេះ ជៀសវាងធ្វើឱ្យមានការភាន់ច្រឡំ កាន់តែខ្លាំង ពីសំណាក់មហាជន និងអ្នកទេសចរណ៍ ដែលបានទៅកម្សាន្ត នៅតំបន់នោះ៕

ជឿជាក់ថា មហាជនជាច្រើនបានស្គាល់តារាសម្ដែងភេទទី3 លោក គន់ រៀមរតនៈ ហៅចែហ្សា តាមរយៈបទចម្រៀងនៅក្នុងផលិតកម្មថោន និងរឿងភាគទូរទ្សសន៍ល្បី «ប៉ាម៉ាក់ខ្ញុំប្រជែងកម្ម» ដែលថ្មីៗនេះ លោករមែងរំលេចសកម្មភាពជួយសង្គមតិចតួចស្តួចស្តើង លោកខំ​បរិច្ចាគទាំងដឹងថា ខ្លួនលំបាក។ លោក រតនៈ បានប្រឹងប្រែងប្រកាសស្វែងរកជំនួយជួយដល់បុរសខ្វិនជើងម្នាក់ ដែលមានក្ដីស្រម៉ៃចង់បានរទេះថ្មីមួយ។

តាមរយៈហ្វេប៊ុកលោក គន់ រៀមរតនៈ បានសរសេរថា «អាណិតលោកពូណាស់ ពិការ ជើង តាំងពីកំណើត ក្តីសុបិន្តរបស់​លោកពូ ចង់បានរទេះរុញមួយ ទុកប្រើប្រាស់សម្រាប់ធ្វើដំណើរ។ ស្រុកកំណើតលោកពូ ស្ថិតនៅក្នុង ភូមិកំព្រៅ ឃុំភ្នៅទី១ ស្រុកសីធរកណ្តាល ខេត្ត ព្រៃវែង ព័ត័មានលម្អិត 098 993 969 ។ ជាមួយគ្នានេះនៅ​ថ្ងៃទី20 ស្អែកនេះ លោក ធន ម៉េងហ៊ាង នឹងនាំយករទេះរុញសម្ភារៈផ្សេងៗជាច្រើ​នទៀត ដែល​ទទួលបានពីសប្បុរសជននានា ទៅជូនដល់គាត់ហើ​យ នៅភូមិកំព្រៅ ឃុំព្នៅទី១ ស្រុកស៊ី​ធរកណ្តាល ខេត្តព្រៃវែង។ បងប្អូនសប្បុរសជន ដែលមានបំណងចង់ជួយដល់គាត់ ក៏នៅតែបន្តទទួល សូមគោ​រពអញ្ជើ​ញ តាមសទាជ្រះថ្លាបុណ្យ »។

សូមបញ្ជាក់ផងដែរថា តាមរយៈដំណឹងនេះ តារាសម្ដែងរូបនេះសង្ឃឹមថា មានបងប្អូនក្នុង និងក្រៅសិល្បៈបានជ្រាបរឿងនេះហើយ ឬ មិនទាន់ជ្រាប នឹងបន្តជួយគ្នាបន្តិចម្នាក់ៗ ដើម្បីឱ្យ​បំណងបងប្រុសពិការបានតាមប្រាថ្នា។ជា ពិសេសអ្នកស្គាល់ គន់ រៀមរតនៈ នឹងរួមគ្នាសាងរូបភាពល្អទាំងអស់គ្នា ដើម្បីឱ្យមហាជនដឹងថា អ្នកសិល្បៈពិតជាចេះជួយគ្នារាប់អានគ្នាមិនថាជួបរឿងអ្វីក៏ដោយ៕

តាមរយៈសារព័ត៌មាន Mthai ដែលទើបចេញផ្សាយនៅពេលថ្មីៗនេះ បានឱ្យដឹងថា តារាចម្រៀងស្រី Ariana Grande បានរំលាយទំនាក់ទំនងស្នេហាជាមួយគូស្នេហ៍ Pete Davidson ដោយការផ្ដាច់ពាក្យ និងប្រគល់ចិញ្ចៀនភ្ជាប់ពាក្យតម្លៃ 1 សែនដុល្លារសហរដ្ឋអាមេរិកទៅឱ្យគូស្នេហ៍វិញ បន្ទាប់ពីបានសាងក្ដីស្នេហ៍ជាមួយគ្នាអស់រយៈពេលជាង 3ខែមកនេះ។

ប្រភពស្និទ្ធស្នាលជាមួយក្រុមគ្រួសារតារាចម្រៀងស្រីរាងតូចច្រឡឹងរូបនេះ បានប្រាប់អ្នកសារព័ត៌មាន The People ថា នាងបានប្រគល់ចិញ្ចៀនសងវិញ និងបានផ្ដាច់ពាក្យដោយមានអារម្មណ៍ថា ទង្វើរបស់នាងពិតជាគិតបានត្រឹមត្រូវហើយ។ ពួកគេមិនបានចែកផ្លូវគ្នាមួយរយភាគរយនោះទេ គ្រាន់តែរស់នៅផ្សេងគ្នា ព្រោះថា មានរឿងជាច្រើនទៀត ប្រហែលមិនមានភាពជាក់លាក់តែប៉ុណ្ណោះ ។

យ៉ាងណាមិញ នាង Ariana Grande  ទើបតែបានបង្ហាញខ្លួននៅក្នុងកម្មវិធីទូរទស្សន៍មួយកាលពីថ្ងៃច័ន្ទ កន្លងទៅថ្មីៗនេះ ក៏ប៉ុន្ដែនាងពុំបាននិយាយដល់រឿងទំនាក់ទំនងស្នេហានោះឡើយ នាងបានត្រឹមតែផ្ដោតការនិយាយទៅលើរឿងចេញអាល់ប៊ុមចម្រៀងថ្មី ដែលគ្រោងបង្ហាញវត្តមាននៅលើទីផ្សានាពេលឆាប់ៗខាងមុខនេះតែប៉ុណ្ណោះ។ នាងរំពឹងថា បទថ្មីនេះ នឹងដណ្ដើមបានតំណែងតារាចម្រៀងស្រីពោរពេញទៅដោយទេពកោសល្យនៅក្នុងកម្មវិធី Music AWard 2019៕

ជនជាតិខ្មែរអ៊ិស្លាមរស់នៅកម្ពុជាជាច្រើន បានធ្វើការរិះគន់តារាសម្ដែងស្រីខ្មែរ-អ៊ិស្លាម គឺកញ្ញា ណាតាហ្សា ជាជនជាតិខ្មែរអ៊ិស្លាមដំបូងគេដែលបានលេងខ្លួនស៊ិចស៊ី ដោយបានចោទថា នាងកំពុងធ្វើឱ្យវប្បធម៌ទំនៀមទម្លាប់របស់នារីអ៊ិស្លាមរងការប៉ះពាល់ ក្នុងពេលដែលប្រពៃណីរបស់ជាតិសាសន៍នេះសម្រាប់នារីៗ សូម្បីតែបង្ហាញសាច់ដៃ សាច់ជើង និងសក់ក្បាលក៏មិនបានផង។

កញ្ញា ណាតាហ្សា បាននិយាយថា នាងពិតជាដឹងថា ខ្លួនមានកំហុសដែលហ៊ានទទួលថតស៊ិចស៊ី ក្នុងឈុតប៊ីគីនី ក្នុងពេលដែលនាងជាជនជាតិអ៊ិស្លាមមួយរូប ដែលមានប្រពៃណីតឹងរ៉ឹង ប៉ុន្តែនាងនិយាយថាស្ថានភាពសិល្បៈមិនអាចឱ្យនៅតែរក្សាជំហរបិទបាំង រម្យទមតែមួយមុខបានទេ គឺត្រូវតែមានសុភាពខ្លះ ស៊ិចស៊ីខ្លះ ដើម្បីតម្រូវចិត្តផលិតករ និងទស្សនិកជនដែលចង់បានចំណីអារម្មណ៍ប្លែកៗ។ កញ្ញាបន្ថែមថា ដែលខ្លួនសម្រេចចិត្តថតស៊ិចស៊ី មិនមែនដើម្បីផ្គើនជនជាតិអ៊ិស្លាមដែលបានហាមប្រាមនោះទេ ប៉ុន្តែគ្រាន់តែចង់បង្ហាញថា បំណាច់នឹងដើរចូលក្នុងរង្វង់សិល្បៈទៅហើយ អ្វីដែលអ្នកសិល្បៈគ្រប់ជាតិសាសន៍ធ្វើបាន រូបនាងក៏អាចធ្វើបានដែរ។ នាងនិយាយថា «នៅពេលយើងថតស៊ិចស៊ីអ៊ីចឹងៗ គឺមិនមែនតែសហគមន៍អ៊ិស្លាមទេដែលរិះគន់ គឺសូម្បីតែបងប្អូនជនជាតិខ្មែរយើងក៏រិះគន់ដែរ ប៉ុន្តែបើអាល័យតែខ្វល់បែបហ្នឹង យើងចូលសិល្បៈមិនកើតទេ បើសិល្បៈ វាត្រូវបត់បែនអ៊ីចឹង!»។ យ៉ាងណាមិញ នាងថា បើក្រុមផលិតករតម្រូវឱ្យនាងថតស៊ិចស៊ីខ្លាំង ដូចជាចំហល្វែងលើ និងល្វែងក្រោមជាដើម ក៏នាងមិនហ៊ានដែរ តែបើជាទម្រង់សិល្បៈ គឺនាងគួរតែអាចទទួលសម្ដែងបាន។ នាងបន្ដថា នាងឈប់ខ្វល់ជុំវិញប្រតិកម្មដែលបានលើកឡើងនោះហើយ ដោយសាររតែនាងគឺជាតារាសិល្បៈ ដែលត្រូវតែបត់បែនតាមបរិយាកាសការងារ ហើយមិនអាចបន្តរុំកាយជិតៗតាមអ្វីដែលជាលក្ខខណ្ឌរបស់ជនជាតិអ៊ិស្លាមបានទេ។

គួរបញ្ជាក់ផងដែរថា តារាស្រី ណាតាហ្សា ជាតារាសម្ដែងស្រីដែលមានឈ្មោះល្បីតាមរយៈខ្សែភាពយន្ដខ្នាតធំរឿង « កំណត់ហេតុនាង​នាថ» ដែលជាវណ្ណកម្មរបស់ផលិតកម្ម ឥន្ទ្រានិម្មិត ហ្វីលម៍ ក្នុងឆ្នាំ2016។ សព្វថ្ងៃនេះ តារាស្រីរូបនេះ កំពុងតែក្ដោបបានទីផ្សាសិល្បៈយ៉ាងមមាញឹកនៅក្នុងដៃ៕

សួស វីសា ជាតារាដែលកំពុងមានរាសីឡើង ព្រមទាំងមានឱកាសគ្រងតំណែងក្នុងកម្មវិធី The Voice Kids Cambodia រដូវកាលទី2 ជំនួស សុគន្ធ​ នីសា ទៀតផង។ កាលពីមុនកញ្ញា សួស វីសា តែងប្រកាសខ្លួនថា នៅទំនេរ​ មិនទាន់ជំពាក់ស្នេហ៍ជាមួយអ្នកណាម្នាក់ទេ តែក្រោយមកបានលេចឮដំណឹងល្ហៀងៗឡើងថា នាងកំពុងបង្ហាត់ភ្លើងស្នេហ៍​ជាមួយលោក ថមមី តែត្រូវបាននាងច្រានចោលទៀតថា «មិនមែនជាការពិតទេ» តែសម្រាប់លោក ប៊ុនថុល ប៊ុនថង ហៅ​ថមមី បានទទួលស្គាល់ថា លោកពិតជាមានទំនាក់ទំនងស្នេហ៍ជាមួយកញ្ញា វីសា មែន ហើយអ្វីដែលលោកកាន់រំភើបចិត្តខ្លាំង នោះ គឺនៅពេលឃើញ សួស វីសា លេចមុខមាត់ និងល្បីរន្ធឺខ្លាំងនៅហង្សមាស។

ពាក់ព័ន្ធនឹងរឿងដ៏រសើបដែលអ្នកគាំទ្រកំពុងអន្ទះសាចង់ដឹងគ្រប់គ្នានេះ ត្រូវបានលោកប៊ុនថុល ប៊ុនថង ហៅថមមីនិយាយទាំងរីករាយប្រាប់អ្នកសារព័ត៌មានថា «ខ្ញុំ និងគាត់ (វីសា) ជួបគ្នារាល់ថ្ងៃតើបង ខ្ញុំស្រឡាញ់វីសា មែន ហើយរឿងខ្ញុំ និងគាត់ ចាស់ទុំទាំងសងខាងសុទ្ធតែបានដឹងឮទាំងអស់គ្នាហ្នឹង គ្មានអ្នកណាជំទាស់រឿងពួកយើងទាក់ទងគ្នាទេ គ្រាន់តែថា ពួកយើងមិនទាន់គិតគូររឿងរៀបការ»។ តែថ្មីៗនេះស្រាប់តែលោកពោលថា «ចំពោះរឿងនេះ ខ្ញុំសុំមិននិយាយ ព្រោះមិនទាន់ដល់ពេល តែដល់ពេលគង់តែដឹងទាំងអស់គ្នាទេ»។ ការបកស្រាយរបស់លោក បានបញ្ជាក់ឱ្យឃើញថា ព្រោះតែស្រឡាញ់​ទើបលោកនៅ​តែព្យាយាម​បិទបាំងពី​ទំនាក់​ទំនង​ស្នេហ៍ជាមួយ​ សួស វីសា។

គួរបញ្ជាក់ដែរថា តារាសម្ដែងប្រុសរូបនេះ ដែលត្រូវបានគេដឹងថា គឺជាតារាភាពយន្តមួយរូបដែលមានទីផ្សារសិល្បៈកាក់កបខ្លាំងនាពេលបច្ចុប្បន្នបានរៀបរាប់យ៉ាងហូរហែពីការងារសិល្បៈរបស់លោក ដែលក្នុងនោះលោកនិយាយថា «បច្ចុប្បន្នការងារសិល្បៈរបស់ខ្ញុំ មានភាពមមាញឹកយ៉ាងខ្លាំង បន្ទាប់ពីបានបញ្ចប់ការសម្តែងរឿង «មន្តស្នេហ៍អនុសេនីយ៍» និងរឿង «បញ្ចប់ស្នេហ៍ត្រឹមអូន»។ តារាប្រុសដែលក្តាប់តំណែងតួឯកបានស្ទើរតែគ្រប់រឿងរូបនេះ បានបន្ថែមថា «បច្ចុប្បន្នមានស្ថានីយទូរទស្សន៍ចំនួន 3ទៀតបានទាក់ទងមកឱ្យខ្ញុំចូលរួមសម្តែង ដែលខណៈនេះខ្ញុំកំពុងស្ថិតក្នុងការពិចារណា»។ លើសពីនេះ លោកក៏កំពុងធ្វើជាពិធីករក្នុងកម្មវិធីកម្សាន្តមួយឱ្យស្ថានីយទូរទស្សន៍ប៉ុស្តិ៍លេខ 5ផងដែរ»៕

តាមរយៈសារព័ត៌មាន Kenh 14 ដែលទើបតែចេញផ្សាយមុននេះបន្ដិចបានឱ្យដឹងថា បេក្ខភាពកញ្ញា Hoang Thuy ត្រូវបានជ្រើសរើសឱ្យក្លាយជាបេក្ខភាពតំណាងប្រទេសវៀតណាមទៅប្រកួតនៅក្នុងកម្មវិធីបវរកញ្ញា​ចក្រវាឡ Miss Universe 2019 ។

នារីរូបនេះ ធ្លាប់ជាតារាបង្ហាញម៉ូដដែលមានរាងស្រឡូនស្អាត និងមានកម្ពស់ខ្ពស់ ហើយនាងទើបតែបានបញ្ចប់ការបង្ហាញម៉ូដឈុតប៊ីគីនី នៅក្នុងទីក្រុង ប៉ារីស ប្រទេសបារាំងផងដែរ ។ តារាស្រីរូបនេះ បានប្រាប់អ្នកសារព័ត៌មានថា នាងបានព្យាយាមសម្រករាងអស់ 6 គីឡូក្រាមមកហើយ ដើម្បីត្រៀមខ្លួនចូលរួមប្រកួតនៅក្នុងឆ្នាំ 2019 ខាងមុខនេះ។ នាងបន្ដថា នាងមានភាពជឿជាក់ចំពោះខ្លួនឯង និងអាចប្រើប្រាស់ភាសាអង់គ្លេសបានយ៉ាងប្រសើផងដែរ។

គួរបញ្ជាក់ផងដែរថា បវរកញ្ញារូបស្រស់សោភាមួយនេះ មានបំណងធំជាងគេគឺ នាងចង់ជួបជាមួយតារាចម្ដែងស្រី Gemma Chan និងកំពូលកីឡាករបាល់ទាត់ David Beckham ។ ចង់ដឹងថា រូបសម្រស់នាងស្អាតសល់កម្រិតណានោះ សូមទស្សនារូបភាពខាងក្រោមនេះ៖