Author: អេបិល

ជិតដល់ថ្ងៃបុណ្យអ៊ុទូកហើយ នាពេលដ៏ឆាប់នេះ អ្នកនាង យក់ ថិតរដ្ឋា បានចេញចម្រៀងមួយបទអបអរបុណ្យប្រពៃណីជាតិបុណ្យអុំទូក អកអំបុក សំពះព្រះខែ។ បទចម្រៀង «អំបុកផ្កាម្លិះ» បានច្រៀងរៀបរាប់ពីភាពល្អឥតខ្ចោះរបស់អំបុកខ្មែរ ដ៏សែនឈ្ងុយឈ្ងប់។

នេះជាអត្ថន័យបទចម្រៀងបែបចង្វាក់ខ្មែរសុទ្ធសាធ ដែលត្រូវនឹងបរិបថនៃសង្គមជាតិខ្មែរពិសេសបងប្អូននៅតាមស្រុកស្រែចម្ការផងដែរ។ បទ «អំបុកផ្កាម្លិះ» ដែលច្រៀងដោយតារាលំដាប់យុវវ័យ យក់ ថិតរដ្ឋា នៅក្នុងផលិតកម្មថោន កំពុងតែមានអ្នកចុចចូលទៅស្តាប់លើសង្គមយូធូបច្រើនជាបន្តបន្ទាប់ ដោយសារត្រូវជាមួយឱកាសជិតបុណ្យអុំទូក។

គេកំពុងតែរំពឹងថា បទចម្រៀងមួយនេះ នឹងនាំចិត្តកីឡាករប្រណាំងទូកទាំងអស់ មកពីខេត្តក្រុងនានា ពិតជានាំគ្នាសប្បាយរីករាយប្រកបដោយស្នាមញញឹមរាក់ទាក់ជួយគ្នាទៅវិញទៅមក៕

ដូចប្រិយមិត្តបានជ្រាបដឹងកន្លងមកហើយថា មាស សុខសោភា តារាសាងស្នេហ៍រួមអាណិកជនខ្មែរ អាមេរិកកាំង អ៊ឹត ដារ៉ា ជ្រកក្រោមដំបូលផ្ទះតែមួយនោះ តែតារាស្រីរូបនេះនៅតែរក្សារាង និងសម្រស់ស្រស់សោភាដដែល។ ជាពិសសអ្វីកាន់តែចាប់អារម្មណ៍ទៀតនោះ ខណៈថ្មីៗនេះនៅលើបណ្ដាញសង្គមតារាស្រីរូបនេះ បានទម្លាយរូបជាច្រើនន្លឹកក្នុងឈុតប្រពៃណីខ្មែរធ្វើឱ្យអ្នកគាំទ្រកោតសរសើរជាខ្លាំងចំពោះរូបសម្រស់ដ៏ស្រស់សោភា និងទន់ភ្លន់គួរឲ្យទាក់ទាញ។

គួរកកត់សម្គាល់ដដែរ បើទោះបីជា មា​ស សុខសោភា មានវ័យមិនក្រោម 30ឆ្នាំក៏ដោយ ក៏ប៉ុន្ដែកាតុបតែងខ្លួនរបស់តារាស្រីជួរមុខរូបនេះវិញ គឺសាកសមឥតខ្ចោះ មិនថាតែការឡើងឆាក ឬរាល់ពេលចូលរួមក្នុងកម្មវិធីទាំងតូចនិងធំឡើយ។ ពោលគឺ នាងមិនត្រឹមតែក្ដោបទីផ្សាចម្រៀងទេ ថែមទាំងក្ដោបបានទីផ្សារថតម៉ូដក្នុងតម្លៃថ្លៃថែមទៀតផង៕

តាមរយៈសារព័ត៌មាន TVpool ដែលចេញផ្សាយនៅពេលមុននេះបន្ដិច បានឱ្យដឹងថា ចំពោះតារាឯកស្រី ជុយ វរ័តយ៉ា និង ឌីជេ ភុត ភុតិឆៃ បន្ទាប់ពីអ្នកទាំងពីរបានសិក្សាចិត្តគ្នាអស់រយៈពេលជាង 5 ឆ្នាំមកហើយនោះ ទើបនៅថ្ងៃទី 16 ខែ វិច្ឆិកា ឆ្នាំ 2018 នេះ ជាពេលវេលាជ័យមង្គលសម្រាប់អ្នកទាំងពីរ ក្នុងការដឹកដៃគ្នាចូលរោងពិធីអាពាហ៍ពិពាហ៍ ។ យ៉ាងណាមិញ នៅក្នុងពិធីរៀបអាពាហ៍ពិពាហ៍របស់តារាឯកមួយគូនេះ គេមើលឃើញថា មានតារាសិល្បៈថៃជាច្រើនបានចូលរួមសម្ដែងក្ដីអបអរ។

ចង់ដឹងថា ទិដ្ឋភាពនាថ្ងៃមង្គរបស់ ឌីជេ ភុត នាពេលព្រឹកនេះ មានសភាពស្រស់ស្អាតបែបណានោះ សូមទស្សនារូបភាពខាងក្រោមនេះ ៖​

មានការភ្ញាក់ផ្អើលមិនតិចទេ បន្ទាប់ពីតារាចម្រៀង អ្នកនាង ឆៃលី ដាឡែន ដែលត្រូវគេស្គាល់ថាមានឈ្មោះក្រៅសិល្បៈថា មឿន ម៉ាឡែន បានបង្ហោះសំណេរព្រលះដល់បុរសម្នាក់ ដែលមាក់ងាយនាងក្នុងសារឆ្លងឆ្លើយ។ អ្នកនាង និង បុរសនោះ ត្រូវគេឃើញផ្ទុះជម្លោះដាក់គ្នាទៅវិញទៅមក ដោយសំណេរឆ្លងឆ្លើយរបស់អ្នកទាំង គ្រាន់តែអានក៍ញាក់សាច់ជំនួស។ បន្ថែមពីលើការតបតដោយមិនសំចៃមាត់ អ្នកនាងក៏បានបង្ហោះសារដូចខាងក្រោយ បន្ទាប់ពីឈឺចិត្តនឹងការមាក់ងាយរបស់បុរសម្នាក់នោះផង។

អ្នកនាងសរសេរនៅលើហ្វេសប៊ុកថា « បងប្អូនជួយស៊ែរឱ្យអាកញ្ចាស់ព្រើលនេះបានឃើញផង ហើយជួយអាវាបានល្បីផង។ ដំបូងមិនចង់និយាយទេហើយក៏មិនចង់ជេរម៉ែដែរ តែអត់ទ្រាំមិនបាននឹងសំដីថោកទាបរបស់វា! នៅសុខៗផ្ញើរសារមកអែងអញ្ចឹងម៉ង ចង់សួរទៅកញ្ចាស់នឹងថាវាអត់មានប្រពន្ធមែន ហើយអត់មានកូនស្រីមែន? បានមកប្រើភាសាអញ្ចឹងដាក់គេ? សុទ្ធតែឯងតារាមានតំលៃពីណាហើយសុទ្ធតែឯងដង្កូវចេញពីអាចម៍ យ ចុះលោកឯងមានតំលៃជាងខ្ញុំជាតារាប៉ុណ្ណាទៅ ដែលមកប្រើសំដីថោកទាបនេះដាក់គេ? ហើយថាអោយខ្ញុំជាដង្កូវចេញពីអាចម៍ ចុះលោកឯងជាអីទៅ មានមើលខ្លួនឯងទេ? មុននឹងថាអោយគេ? អាណិតតែប្រព្ធនកូនលោកឯងទេបើគ្នាដឹងថាមានប្តី មានឪថោកទាបអញ្ចឹង មិនដឹងថាគ្នាខ្មាស់គេប៉ុណ្ណាទៅ? ថ្ងៃក្រោយមុននឹងឆាតថាអោយគេ សុំគិតផង ថាកូនគេ កូនយើង ប្រពន្ធគេប្រពន្ធយើង ម៉ែគេម៉ែយើង បើគេថាអោយអញ្ចឹងតើអ្នកឯងជាឪគេ ជាប្តីគេ ជាតាគេ អ្នកឯងមានអារម្មណ៍ម៉េច? ធ្វើជាមនុស្សរៀននិយាយសំដីអោយមានសុជីវធម៍ក្នុងខ្លួនផង ។ បងប្អូនជួយស៊ែរផង ហើយបើស្គាល់អាខោនវាជួយផ្ញើរអោយវាបានឃើញផង ហើយជួយចំណាំមុខវាទុកផង….អរគុណទុកជាមុន »។

នៅមិនទាន់ដឹងថា សង្គ្រាមពាក្យសម្ដីរបស់អ្នកទាំងពីរនឹងបញ្ចប់ត្រឹមហ្នឹង ឬ មានការតបតពីភាគីម្ខាងទៀតនោះទេ តែអ្វីគេចាប់អារម្មណ៍ គឺការបង្ហោះរបស់អ្នកនាង កំពុងមានការចែកចាយ និងមានការបញ្ចេញយោបល់ទាំងអ្នកនិន្ទាអ្នកនាង និងអ្នកគាំទ្រអ្នកនាងច្រើន៕

នៅថ្ងៃទី17 និង18 ខែវិច្ឆិកាចុងសប្ដាហ៍នេះ នៅប្រទេសថៃ ក្នុងខេត្តសុរិន្ទ នឹងធ្វើជាម្ចាស់ផ្ទះរៀបចំព្រឹត្តិការណ៍កន្ទ្រឹមអាស៊នាទ្រង់ទ្រាយធំ អមដោយពិធីបុណ្យដំរីប្រចាំឆ្នាំធំមួយផ្សេងទៀត ដោយមានការប្រកាសនឹងចូលរួមភាគច្រើនពីអ្នកទេសចរណ៍ និងតំណាងមកពីប្រទេសជាច្រើន។

ក្នុងចំណោមប្រទេសឡាវ និងប្រទេសមួយចំនួន កម្ពុជាក៏ត្រូវបានអញ្ជើញឱ្យដឹកនាំសិល្បករសិល្បការិនីឱ្យចូលរួមសម្ដែងសិល្បៈ និងបង្ហាញខ្លួនផងដែរ ខណៈដែល កញ្ញា រំដួលលិចទឹក ដែលត្រូវគេស្គាល់ថាល្បីល្បាញខាងផ្នែកកែច្នៃម៉ូដជាទម្រង់ខ្មែរ ត្រូវបាន«គ្រួសារតារាកម្ពុជា»ចាត់ឱ្យធ្វើជាតំណាងចូលរួមក្នុងព្រឹត្តិការណ៍ធំទាំងពីរនេះ។

លោក ផាត់ តារារដ្ឋ ស្ថាបនិក«គ្រួសារតារាកម្ពុជា»បានថ្លែងបញ្ជាក់ថា ការពិតភាគីខាងខេត្តសុរិន្ទ ដែលជាម្ចាស់ផ្ទះ មិនបានអញ្ជើញសិល្បករសិល្បការិនីរបស់«គ្រួសារតារាកម្ពុជា»ដោយផ្ទាល់នោះទេ ប៉ុន្តែដោយសារតែលោក នូ សុភេន អនុប្រធាននាយកដ្ឋានផលិតកម្មវិធីប្រចាំទូរទស្សន៍អប្សរា ដែលត្រូវបានភាគីថៃស្នើឱ្យដឹកនាំតារាពីកម្ពុជា ហើយផលិតកររូបនេះបានស្នើបន្តឱ្យ«គ្រួសារតារាកម្ពុជា»ចាត់ចែងតំណាងក្រុមមួយរូប ឬ2រូបឱ្យចូលរួមក្នុងព្រឹត្តិការណ៍នេះ ទើប«គ្រួសារតារាកម្ពុជា»បានចាត់កញ្ញា ប៊េប៊ី និងកញ្ញា រំដួលលិចទឹកឱ្យចូលរួមដើម្បីតំណាងក្រុម។ យ៉ាងណាមិញ កញ្ញា ប៊េបី បែរជាមានធុរះបន្ទាន់មិនអាចទៅបាន ទើបសម្រាប់«គ្រួសារតារាកម្ពុជា»មានតែកញ្ញា រំដួលលិចទឹក ម្នាក់ជាតំណាងសិល្បករក្នុងការចូលរួម។

លោកថាខ្លួនដឹកនាំកញ្ញាឱ្យចូលរួមក្នុងព្រឹត្តិការណ៍នេះ ជាមួយនឹងសិល្បករមួយក្រុមផ្សេងទៀត ដែលជ្រើសរើសដោយ លោក នូ សុភេន ដោយតាមគម្រោងក្រុមសិល្បករតំណាងពីកម្ពុជាទាំងអស់ ក្រៅពីបង្ហាញខ្លួនជាតំណាងប្រទេស ក៏មានការសម្ដែងផងដែរ។ យ៉ាងណាមិញ លោក នូ សុភេន ថានេះជាការចូលរួមលើកដំបូងរបស់ប្រទេសកម្ពុជា ដោយឱកាសដឹកនាំតារាសិល្បៈឱ្យចូលរួម គឺដោយសារតែបានការស្វះស្វែងរបស់សិល្បការិនីរៀមច្បងគឺអ្នកស្រី រាជនីកន្ទ្រឹម ដែលចង់ឃើញតំណាងសិល្បករខ្មែរបង្ហាញខ្លួនក្នុងព្រឹត្តិការណ៍ទាំំងពីរ។ លោកថាសប្បាយចិត្តដែលបានការសហការចាប់ដៃជាមួយ«គ្រួសារតារាកម្ពុជា»សម្រាប់ការបញ្ជូនសិល្បករលើកនេះ ដោយលោករំពឹងថាសិល្បករទាំងអស់ នឹងធ្វើឱ្យប្រទេសថៃ និងបណ្ដាអ្នកភ្ញៀវចូលរួមនៅក្នុងពិធីកាន់តែឱ្យកិត្តិយសដល់សិល្បៈកម្ពុជាផងដែរ៕

ថ្វី​ត្បិត​មានកូន​ និង ​ស្វាមី​ក៏ពិតមែន ​តែ​សម្រស់​របស់​អតីត​តារា​សម្តែង គឹម លីហ្សា នៅតែ​ស្រស់ស្អាត​និង​ទាក់ទាញ ។ ខណៈដែលថ្មីៗនេះអ្នកនាងប្រកាសនៅលើបណ្ដាញសង្គមហ្វេសប៊ុករបស់ខ្លួនឱ្យដឹងថា អ្នកនាងនឹងបើកជំនួញទ្រង់ទ្រាយធំនៅកម្ពុជា ជាមួយនឹងប្អូនស្រីបង្កើតរបស់ខ្លួន ដែលត្រូវគេស្គាល់ថាជាម្ចាស់ក្រុមហ៊ុន«អែននីយ៉ា ខសមេធីក ត្រេឌីង» ដោយនឹងនាំចូលផលិតផលថែរក្សាសម្រស់ផ្ដាច់មុខមកពីប្រទេសថៃ ។

អ្នកនាងត្រូវបាន​គេ​ចាត់ទុកជា​តារា​ស្រី​មួយ​ដួង​ដែលមាន​សំណាង​ព្រោះ​ក្រោយពីរ​រៀបការ​ភ្លា​មនាង​ក៏មាន​ឱកាស​បាន​ចេញទៅ​រស់នៅជាមួយ​ស្វាមី​ឯ​ប្រទេស​អូស្ត្រាលី ។ ជីវិត​គូ​របស់​នាង​កាន់​តែមាន​សុភមង្គល​ក្រោយពី​នាង​មានកូន​ប្រុស​ដែល​គួរឱ្យ​ស្រឡាញ់​ម្នាក់ ។ ក្រៅពីបំពេញ​តួនាទី​ជា​ភរិយា​ល្អ គឹម លីហ្សា មិនបាន​ប្រឡូក​អាជីព​សិល្បៈ​ទេ បែងាកមកបោះទុនជាមួយប្អូនស្រីនាំចូលផ្ដាច់មុខផលិតផលម៉ាក Jesse ដែលល្បីល្បាញនៅក្នុងប្រទេសថៃ មានដូចជាឡេខាត់ស្បែក និងថ្នាំខាត់ស្បែក ដោយអ្នកនាងគ្រោងនាំចូលផលិតផលជាច្រើនមុខបន្ថែមទៀត ដែលផលិតផលទាំងនោះគឺមានការត្រួតពិនិត្យ និងទទួលស្គាល់ពីក្រសួងសុខាភិបាលទាំងនៅកម្ពុជា និងថៃច្បាស់លាស់។

អ្នកនាងថាក្រុមហ៊ុន អែននីយ៉ា ខសមេធីក ត្រេឌីង របស់ប្អូនស្រីចរាចរណ៍នាំចូលផលិតផលថែរក្សាសម្រស់ច្រើនមុខ និងមានទីផ្សារជាយូរមកហើយ ទើបអ្នកនាងសម្រេចចិត្តបោះទុននាំចូលផលិតផលមួយម៉ាកទៀតសហការជាមួយ ដើម្បីពង្រីកក្រុមហ៊ុននេះផងនិងដើម្បីអោយអ្នកស្រឡាញ់សម្រស់នៅក្នុងប្រទេសកម្ពុជាមានលទ្ធភាពបានប្រើផលិតផលសុទ្ធនាំចូលពីថៃម៉ាកល្បីនេះផង។

អ្នកនាងបានបន្ដថា អ្នកនាងនឹងធ្វើយុទ្ធនារបង្ហោះលក់នៅលើអនឡាញអោយបានខ្លាំងក្លាក្នុងពេលខាងមុខ ដោយក្រោយពីផលិតដែលអ្នកនាងកុងត្រានាំចូលមកដល់ប្រទេសកម្ពុជា នោះអ្នកនាងនឹងចុះមកថតផ្សព្វផ្សាយ ដើម្បីពង្រីកយីហោនោះផង។ អតីតតារាសម្ដែងស្រីល្បីឈ្មោះរូបនេះ បានបញ្ជាក់ដែរថា ចំពោះការប្រកាសមុខជំនួញលើអនឡាញរបស់ខ្លួន មិនភ័យពីរឿងមានហានិភ័យនោះទេ ដោយសារតែក្រុមហ៊ុនដែលអ្នកនាងចាប់ដៃ គឺជាក្រុមហ៊ុនរបស់ប្អូនស្រីដែលអ្នកនាងទុកចិត្ត ហើយក្រុមហ៊ុនមួយនេះ ក៏មានទំនុកចិត្តសម្រាប់ទីផ្សារអ្នកប្រើប្រាស់ផលិតផលថែរក្សាសម្រស់រួចមកហើយ ។ អ្នកនាងនឹងពង្រីកការបោះដុំផលិតផលដែលខ្លួនបណ្ដាក់ទុន ឱ្យបានទូលំទូលាយនោះផង ដើម្បីឱ្យមុខជំនួញរបស់ខ្លួនកាន់តែមានទីផ្សារ និងជោគជ័យតាមការគ្រោងទុក៕

តាមរយៈសារព័ត៌មាន BBC បានចេញផ្សាយនៅពេលមុននេះបន្ដិចឱ្យដឹងថា នេះជាដំណឹងដ៏សោកសៅបំផុត ខណៈដែលស្ថាបនិកដ៏ធំរបស់ក្រុមហ៊ុនផលិតភាពយន្ដ Marvel Comics ទទួលមរណភាពក្នុងវ័យ 95 ឆ្នាំ ។

ជាអ្នកដឹកនាំរឿងល្បីៗ និងជាអ្នកប្រសិទ្ធនាម Marvel Comics ដំបូងគេបង្អស់គឺ លោក Stan Lee បាននិពន្ធរឿង និងបង្កើតគម្រោងរបស់វិរៈបុរសពិភពលោកនៅក្នុងឧស្សាហកម្មភាពយន្ដហូលូវូតចាប់តាំងពីឆ្នាំ 1961 មកម្លេះ ហើយរឿងដំបូងគេនោះគឺ The Fantastic Four ដែលមានវិរៈបុរស Spider-Man និង The Incredible Hulk ។ ក្រោយៗមកទៀត​មានវិរៈបុរសល្បីៗជាច្រើនតាមរយៈរឿងធំៗដូចជា The Avengers, Wonder Woman, The Amazing Spider-Man , Ravage 2099 , Captain America … ជាដើម។ មិនតែប៉ុណ្ណោះ លោកក៏បានជួយជ្រោមជ្រែងការផលិតរបស់ក្រុមវិរៈបុរស DC ផងដែរ ដែលសាស្ត្រាចារ្យពហុជំនាញរូបនេះ ព្យាយាមច្របាច់បញ្ចូលវិរៈបុរសរបស់ DC Comics និង Marvel Comics។

គួរបញ្ជាក់ផងដែរថា ក្រុមផលិតករហូលីវូត និងអ្នកគាំទ្រមានការសោកស្ដាយ និងក្រៀមក្រំបំផុត ខណៈដែលបានបាត់បង់បុរសដែលទេពកោសល្យនៃការច្នៃប្រឌិតមួយរូបនេះ៕

យោងតាមការប្រកាសគឺលោក ឆាយ បូរ៉ា ប្រធាន និងលោក សែម វិសាល អគ្គលេខាសមាគមភាពយន្តកម្ពុជា បានប្រកាសលាតំណែងគួរឱ្យភ្ញាក់ផ្អើលពីសមាគមមួយនេះ ខណៈដែលអ្នកទាំងពីរកាន់កាប់តំណែងពីការបោះឆ្នោតមិនទាន់ទាំងចង់អណ្ណត្តិផង។

ជាមួយនឹងការលាតំណែង លោកអ៊ិន សុភិន អនុប្រធានសមាគម បានអះអាងថាលោកមិនចង់ឱ្យថ្នាក់ដឹកនាំទាំងពីរដកខ្លួនពីសមាគមដែលត្រូវការកម្លាំងសាមគ្គីមួយនេះទេ។ លោក អ៊ិន សុភិន និយាយថាលោកមិនបានដឹងថាអ្វីជាមូលហេតុដែលធ្វើអោយលោកឆាយ បូរ៉ា ដែលកាន់តំណែងជាប្រធាន និងលោកសែម វិសាល ដែលកាន់តំណែងជាអគ្គលេខាស្រាប់តែណាត់គ្នាសុំចុះចេញពីតំណែងនោះទេ ប៉ុន្តែលោកនៅតែមានអារម្មណ៍យល់ថាមិនចង់បាត់បង់មន្ត្រីសមាគមទាំងពីរដែលសុទ្ធតែធ្លាប់រួមចំណែកជួយដល់សមាគម។

លោកថាអ្នកទាំងពីរបានប្រកាសលាឈប់នៅពាក់កណ្ដាលទី ដោយស្នើឱ្យគណៈកម្មការជ្រើសរើសប្រធានថ្មី និងអគ្គលេខាថ្មី ដែលលោកប្រាប់ថាគឺជារឿងសោកស្ដាយខ្លាំងណាស់ នៅពេលសមាគមទាំងមូលធ្លាប់តែមានអ្នកទាំងពីរជាថ្នាក់ដឹកនាំ ស្រាប់តែសសម្រេចចិត្តបោះបង់។ លោកបដិសេធថា នៅក្នុងសមាគមមានរឿងកាច់កុងគ្នា ឬរឿងប៉ែងជើងគ្នា ដោយក្នុងមួយរយៈចុងក្រោយលោកមិនសូវបានចូលរួមក្នុងសកម្មភាពជួយដល់សមាគម ហើយមិនបានដឹងរឿងស៊ីជម្រៅជុំវិញការប្រកាសលាចេញតំណែងនោះទេ។

គួរបញ្ជាក់ផងដែរថា លោក ឆាយ បូរ៉ា ប្រកាសថាហេតុផលដែលលោកសម្រេចចិត្តលាចេញ គឺដោយសារតែក្នុងតំណែងជាប្រធានកន្លងមក លោកមិនបានធ្វើរឿងឱ្យសម្រេចតាមការចង់បានជាច្រើនដែលធ្វើអោយលោកមិនសូវវស្រឡះក្នុងចិត្ត។ ម្យ៉ាងមកពីលោកមិនចង់ទុកផលិតកម្មដើមត្នោតរបស់លោកឱ្យនៅតែលតោល ទើបលោកសម្រេចចិត្តបោះបង់។ មិនខុសគ្នាដែរលោក សែម វិសាល ម្ចាស់ផលិតកម្មWonderfilm Cambodia ក៏ថ្លែងបញ្ជាក់ដូចគ្នាថាហេតុផលដែលលោកសម្រេចចិត្តដើរចេញ ក៏ដោយសារតែលោកអត់ពេល និងចង់ទុកពេលមើលខុសត្រូវតែលើផលិតកម្មតែមួយមុខ អមដោយការពារជាវេជ្ជបណ្ឌិត្យរបស់លោក ដែលរវល់ដកឃ្លាមិនរួចផង។ យ៉ាងណាមិញ លោកអ៊ិន សុភិន នៅតែចង់ទទូចអោយអ្នកទាំងពីរបន្តតំណែង ដើម្បីឱ្យការងាររបស់សមាគមមួយនេះរលូនទៅមុខ៕