Author: អេបិល

ផ្អាកខ្វល់ចិត្តពីជំងឺកូវីដ១៩ !! តារាស្រីពីរដួង បង្ហាញទំនុកចិត្តសម្រុកទិញបន្លែធម្មជាតិនៅផ្សារកសិផលឡេងណាវ៉ាត្រា
ថ្មីៗនេះ កំពូលតារាចម្រៀងស្រីពីរដួងប្រចាំផលិតកម្មហង្សមាសរួមមាន អ្នកនាង ឱក សុគន្ធ កញ្ញា និងពេជ្រ សោភា បានបង្ហោះរូបភាពជាច្រើនសន្លឹក ដែលគេមើលឃើញពីការគាំទ្រផលិតផលបន្លែធម្មជាតិរបស់កូនខ្មែរ ដែលកំពុងដាក់លក់នៅក្នុងផ្សារកសិផល ឡេង ណាវ៉ាត្រា។
ជាពិតណាស់ ដើម្បីឱ្យកាន់តែមានទំនុកចិត្តលើកសិផលខ្មែរ ដែលកំពុងដាក់លក់ក្នុងផ្សារបន្លែធម្មជាតិ ឡេង ណាវ៉ាត្រា ថ្មីៗនេះក្រុមអ្នកជំនាញខាងកសិកម្ម បានបង្ហាញលក្ខណៈ ពិសេសរបស់បន្លែ ផ្លែ ឈើ ត្រី សាច់ និង ផលិតផលជាច្រើនទៀត ដល់សាធារណជន និងបានដាក់ឱ្យដំណើរ ការសាកល្បង ជិតកន្លះខែមកហើយ ដោយទទួលបានគាំទ្រពីបងប្អូនខ្មែរយើង ដោយសារតែផ្សារមួយនេះ ប្រមូល ទិញតែផលិតផលធម្មជាតិ របស់កសិករខ្មែរលក់ តែកសិផលធម្មជាតិ របស់កសិករខ្មែរ ។
លោក សម ពិទូ អ្នកគ្រប់គ្រងបច្ចេកទេសកសិកម្ម និងត្រួតពិនិត្យផលិតផល បានប្រាប់អ្នកសារព័ត៌មានឡារ៉ែនថា ផលិតផលដែលបានដាក់លក់ក្នុងផ្សារទាំងអស់ គឺក្រុមហ៊ុនបានទិញពី ប្រជាកសិករស្ទើរគ្រប់ ខេត្តពោលគឺមានចំនួន១៨ខេត្ត ដោយនៅក្នុងនោះ ក្រុមការងារលើជំនាញកសិកម្ម បានចុះទៅដល់តាមបណ្ដាខេត្តក្រុងទាំងនោះ ដែលមានការដាំដុះ បន្លែ ផ្លែ ឈើ ធម្មជាតិ ។ ក្នុងនោះដែរ យើងបានចងក្រងជាភ្នាក់ងារ ដាំ បន្លែ ផ្លែ ឈើ តាមលក្ខណៈបច្ចេកទេសត្រឹមត្រូវ សម្រាប់ផ្គត់ផ្គង់មកផ្សារ ដោយខាងក្រុមហ៊ុន នឹងចាំទទួលទិញកសិផល របស់ពួកគាត់យកមកលក់បន្ត នូវតម្លៃ ដែលពួកគាត់អាចទទួលយកបាន ។ លោកបន្តថាទន្ទឹមគ្នានោះដែរ បន្លែ ផ្លែ ឈើ ក៏ដូចជា ត្រី សាច់ ដែលបងប្អូនកសិករផលិតមកនោះ សុទ្ធតែត្រូវបានធ្វើតេស្តជាមុន ហើយបញ្ជាក់ថាគ្មានជាតិគីមី ទើបអាចយកមកដាក់លក់ក្នុងផ្សារទំនើបនេះបាន ។
គួរបញ្ជាក់ទៀតថា «ផ្សារកសិផលធម្មជាតិ ឡេង ណាវ៉ាត្រា» មានទីតាំងស្ថិត នៅអគារ #S3-17 តាមបណ្តោយ ផ្លូវ ឧកញ៉ា ទេពផន st. (182) ផ្នែកខាងមុខនៃផ្សារទំនើប អូឡាំព្យា ។លោកអ្នកអាចកុម្មង់ទិញតាមរយៈ វិបសាយ «ផ្សារកសិផលធម្មជាតិ ឡេង ណាវ៉ាត្រា»ឬ Mobile App (Playstore) ៖ Navatra Market [សូមដោនឡូត] និងលេខ ទូរស័ព្ទ 0000 (សម្រាប់ Cellcard ឥតគិតថ្លៃ ) និង ០១១ ៤៤៤ ៤៤៤ ឬមួយលោកអ្នក គ្រាន់តែចុចកុម្ម៉ង់ ទិញតាមវិបសាយ ឬ Mobile app ក៏បាន នោះក្រុមការងារ នឹងដឹកជូនភ្លាមៗ ដោយឥតគិតថ្លៃ ក្នុងរយៈពេលតែ ២០នាទី ប៉ុណ្ណោះ ៕

March 26, 2020
មិត្តហ្វូនមានមោទនភាពដែលបានក្លាយជាដៃគូយុទ្ធសាស្ត្រយូរអង្វែងរបស់ក្រសួងអប់រំ យុវជន និងកីឡា សហការលើ «បច្ចេកវិទ្យាព័ត៌មានក្នុងវិស័យអប់រំ»
ភ្នំពេញ៖ នៅថ្ងៃទី ២៥ ខែមីនា ឆ្នាំ២០២០ នៅទីស្តីការក្រសួងអប់រំ យុវជន និងកីឡា (MoEYS) មានពិធីចុះហត្ថលេខាលើអនុស្សរណៈនៃការយោគយល់គ្នា (MoU) រវាងក្រសួងអប់រំ យុវជន និងកីឡាជាមួយនឹងក្រុមហ៊ុនមិត្តហ្វូន។ កម្មវិធីនេះប្រពឹត្តទៅក្រោមវត្តមានដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ។
កិច្ចសហការនេះ ជាភាពជោគជ័យមួយបន្ថែមទៀតនៃកម្មវិធី “អ៊ីនធឺណិតសម្រាប់សាលារៀន” ដែលបានសហការអនុវត្តនាពេលកន្លងមក ក្នុងការផ្ដល់អ៊ីនធឺណិតឥតគិតថ្លៃដល់គ្រឹះស្ថានសិក្សាសាធារណៈ គ្រឹះស្ថាន បណ្តុះបណ្តាលគ្រូ សាកលវិទ្យាល័យ និងអង្គភាពក្រោមឱវាទក្រសួងអប់រំ យុវជន និងកីឡា។ ការផ្ដល់អ៊ីនធឺណីត និងហេដ្ឋារចនាសម្ព័ន្ធទូរគមនាគមន៍ នៅក្រសួងអប់រំ យុវជន និងកីឡា និងសាលារៀន គឺជាផ្នែកមួយនៃការខឹតខំប្រឹងប្រែងក្នុងការផ្លាស់ប្ដូរបរិបទការងារ និងការសិក្សាមកប្រព័ន្ធឌីជីថល និងរដ្ឋាភិបាលអេឡិចត្រូនិក e-Government ស្របតាមការវិវត្តនៃបច្ចេកវិទ្យា និងឧស្សាហកម្ម ជំនាន់ទី៤។
ជាមួយនឹងបេសកកម្មក្នុងការរួមចំណែកលើកកម្ពស់គុណភាពអប់រំនៅប្រទេសកម្ពុជា ឱ្យកាន់តែ ប្រសើរឡើង ក្រសួងអប់រំ យុវជន និងកីឡា សហការជាមួយក្រុមហ៊ុនមិត្តហ្វូន បានព្រមព្រៀងគ្នាដើម្បីពង្រីកការផ្តល់សេវាអ៊ីនធឺណិតដល់សាលារៀនសាធារណៈ ចាប់ពីឆ្នាំ២០២០ នេះតទៅក្រោមគម្រោងឈ្មោះ “អ៊ីនធឺណិតសម្រាប់សាលារៀន” រហូតដល់ទៅ ៣.០០០ សាលារៀនទូទាំងប្រទេស និងគាំទ្រដល់ក្រសួងអប់រំ យុវជន និងកីឡា ដើម្បីកសាងមជ្ឈមណ្ឌលទិន្នន័យ និងបណ្តាញហេដ្ឋារចនាសម្ព័ន្ធបច្ចេកវិទ្យា សម្រាប់រយៈពេល ៥ឆ្នាំ ខាងមុខទៀត។ លើសពីនេះ ជាមួយនឹងគោលដៅនៃការកសាងសង្គមឌីជីថល ជាពិសេសប្រព័ន្ធអប់រំឆ្លាតវៃ ក្រុមហ៊ុនមិត្តហ្វូននឹងសហការជាមួយក្រសួងអប់រំ យុវជន និងកីឡា ដើម្បីអនុវត្តដំណោះស្រាយបច្ចេកវិទ្យាក្នុងវិស័យអប់រំ រួមមាន៖
- ការដាក់ពង្រាយប្រព័ន្ធគ្រប់គ្រងព័ត៌មានអប់រំ(EMIS) ប្រព័ន្ធគ្រប់គ្រងព័ត៌មានសិស្ស (កម្រិតមត្តេយ្យ បឋមសិក្សា អនុវិទ្យាល័យ និងវិទ្យាល័យ) ការសិក្សាតាមប្រព័ន្ធអេឡិចត្រូនិក សៀវភៅអេឡិចត្រូនិក ប្រព័ន្ធ e-Government និងប្រព័ន្ធឌីជីថលផ្សេងៗទៀតក្នុងការដោះស្រាយនានា។
- ការអនុវត្តវគ្គបណ្តុះបណ្តាល និងសិក្ខាសាលានៅថ្នាក់ក្រសួង និងតាមបណ្តារាជធានី ខេត្តនានា លើការប្រើប្រាស់ប្រព័ន្ធឌីជីថលបម្រើរដ្ឋបាលអប់រំ និងការសិក្សា។
- ផ្តល់ជូនការប្រើប្រាស់ទិន្នន័យដោយឥតគិតថ្លៃរហូតដល់បំណាច់ឆ្នាំ២០២០សម្រាប់សិស្សានុសិស្សទាំងអស់ដែលបានចូលទៅកាន់គេហទំព័រ e-Learning រួមទាំងកម្មវិធី WiKi TV និងគេហទំព័រ e-Learning របស់ក្រសួងអប់រំ យុវជន និងកីឡា។ មិត្តហ្វូនក៏បានផ្តល់ការបញ្ចុះតម្លៃអ៊ីនធឺណិត ៥០% សម្រាប់ការភ្ជាប់លើកដំបូងដល់គ្រូនិងអាណាព្យាបាលសិស្សទូទាំងប្រទេសដែលបានភ្ជាប់អ៊ីនធឺណិតចាប់ពីខែមីនា ឆ្នាំ២០២០ បន្ទាប់ពីសាលាទាំងអស់ត្រូវបានបិទដោយសារតែវីរុសកូវីដ 19។
ក្រុមហ៊ុនមិត្តហ្វូនមានទំនុកចិត្តក្នុងនាមជាប្រតិបត្តិករមួយដែលកំណត់ក្នុងការអនុវត្តគម្រោងនេះ ឱ្យបានជោគជ័យជាមួយនឹងហេដ្ឋារចនាសម្ព័ន្ធបណ្តាញដ៏ធំបំផុតរបស់ក្រុមហ៊ុន នៅក្នុងប្រទេសកម្ពុជា ដែលមានស្ថានីយ៍ ផ្សាយសេវាជាង ១១,០០០ អង់តែន ខ្សែកាបអុបទិក ២៣,០០០ គីឡូម៉ែត្រដែលគ្របដណ្ដប់តំបន់លំនៅដ្ឋានទាំងអស់ និងការផ្តល់សេវាកម្មទូរស័ព្ទចល័តដល់ប្រជាជនកម្ពុជាជិត ៩ លាននាក់។
ថ្លែងក្នុងពិធីចុះហត្ថលេខាលើអនុស្សរណៈនៃការយោគយល់គ្នានេះ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានគួសបញ្ជាក់ពីសារៈសំខាន់នៃគម្រោងនេះក្នុងការគាំទ្រការអប់រំបែបឌីជីថល រួមចំណែកក្នុងការកែលម្អគុណភាព និងការលើកកម្ពស់ចំណេះដឹង និងជំនាញបច្ចេកវិទ្យាព័ត៌មាន សម្រាប់សិស្សនិស្សិតនៅព្រះរាជាណាចក្រកម្ពុជា។ ក្រសួងអប់រំ យុវជន និងកីឡា បន្តសហការជាមួយក្រុមហ៊ុនមិត្តហ្វូន ជាដៃគូយុទ្ធសាស្រ្តរយៈពេលវែងក្នុងការលើកកម្ពស់ការអភិវឌ្ឍបច្ចេកវិទ្យា ទូរគមនាគមន៍និងព័ត៌មាន នៅក្រសួងអប់រំ យុវជន និងកីឡា និងសាលារៀនទាំងអស់របស់ខ្លួនផងដែរ។
ជាការឆ្លើយតប លោក ហ្វុង វ៉ាន់ គឿង អគ្គនាយកក្រុមហ៊ុនមិត្តហ្វូន បានសម្តែងនូវការកោតសរសើរចំពោះក្រសួងអប់រំ យុវជន និងកីឡា ដែលបានអនុញ្ញាតឱ្យក្រុមហ៊ុនមិត្តហ្វូន លើគាំទ្រនិងអនុវត្តគម្រោងនេះ និងបានគូសបញ្ជាក់ថា៖ “គម្រោងនេះគឺជាកិច្ចសហប្រតិបត្តិការគ្រប់ជ្រុងជ្រោយនិងគ្រប់កម្រិតរវាងក្រសួងអប់រំ និងក្រុមហ៊ុនមិត្តហ្វូន និងជាពិសេសរវាងនាយកដ្ឋានអប់រំក្រោមក្រសួងជាមួយសាខាមិត្តហ្វូន ២៥/២៥ ខេត្តក្រុងទូទាំងប្រទេស។ ជាថ្មីម្តងទៀតក្រុមហ៊ុនមិត្តហ្វូនបញ្ជាក់ពីចក្ខុវិស័យដ៏មុតមាំរបស់យើងក្នុងការវិនិយោគលើការអប់រំនៅកម្ពុជាដែលជាការប្តេជ្ញាចិត្តដ៏សំខាន់របស់ពួកគេក្នុងការនាំយកនូវដំណោះស្រាយលំដាប់ពិភពលោកមកប្រទេសកម្ពុជាដែលត្រូវបានបញ្ជាក់ និងទទួលស្គាល់អស់រយៈពេលជាច្រើនឆ្នាំមកនេះ” ។
សកម្មភាពច្នៃប្រឌិតថ្មីរបស់ក្រុមហ៊ុនមិត្តហ្វូនត្រូវបានគេទទួលស្គាល់ថាអាចជួយឱ្យយុវជនជំនាន់ក្រោយនិងអនាគតអ្នកដឹកនាំកម្ពុជាអាចបំពេញនូវសក្តានុពលរបស់ពួកគេបាន។ វាជាការចាប់ផ្តើមនៃការប្រើប្រាស់ចំណេះដឹង និងជំនាញព័ត៌មានវិទ្យារបស់ពួកគេដើម្បីត្រួសត្រាយផ្លូវឆ្ពោះទៅអនាគតនៃប្រទេសកម្ពុជា។ សិស្សានុសិស្សជិត១លាននាក់ និងគ្រូបង្រៀនរួមទាំងបុគ្គលិកអប់រំប្រមាណ ១សែននាក់នឹងទទួលបានអត្ថប្រយោជន៍ពីកម្មវិធីនេះ ហើយសន្យាថានឹងធ្វើឱ្យមានភាពលេចធ្លោយ៉ាងសំខាន់ក្នុងចំណោមយុវជនទាំងអស់៕
March 26, 2020
អង្គការភាពយន្តឈូករ័ត្ន បញ្ចប់វគ្គបណ្ដុះបណ្ដាលជំនាញកាត់តវីដេអូ “តោះថតភាពយន្តឯកសារនៅកម្ពុជា” ដោយជោគជ័យ
គម្រោង “តោះថតភាពយន្តឯកសារកម្ពុជា” ហៅកាត់ថា LDC គឺជាគម្រោងមួយដែលបង្កើតឡើងដោយអង្គការភាពយន្តឈូករ័ត្ន ក្នុងគោលបំណងបណ្តុះបណ្តាលប្រជាជនកម្ពុជាឲ្យមានជំនាញគ្រប់គ្រាន់ក្នុងការថតទុកអ្វីគ្រប់យ៉ាងដែលទាក់ទង “សេរីភាពក្នុងការបញ្ចេញមតិ” និង “សេរីភាពទទួលបានព័ត៌មាន។
ដោយមើលឃើញអំពីតម្រូវការរបស់សង្គម ហើយយុវជនក៏មានចំណាប់អារម្មណ៍ច្រើនទៅលើឱកាសការងារផ្នែក កាត់តវីដេអូខ្លី និងភាពយន្តឯកសារផ្សេងៗ ដូច្នេះទើបគម្រោងសម្រេចបង្កើតវគ្គខ្លីនេះបន្ថែមទៀត ដើម្បីបំពេញតម្រូវការ និងពង្រឹងជំនាញទន់របស់សិក្ខាកាមទាំងអស់ឲ្យមានសមត្ថភាពគ្រប់គ្រាន់លើជំនាញមួយនេះកាន់តែល្អប្រសើរជាងមុន។
វគ្គបណ្ដុះបណ្ដាលមួយនេះមានការចូលរួមបង្រៀនដោយលោកគ្រូ ហួត រ៉ាវី អ្នកជំនាញដែលមានបទពិសោធន៍ច្រើនឆ្នាំផ្នែកដឹកនាំរឿង និងកាត់តវីដេអូ ដោយរាល់ស្នាដៃភាពយន្តរបស់លោកតែងត្រូវបានមហាជននៅក្នុងវិស័យនេះទទួលស្គាល់។
គួរបញ្ជាក់ផងដែរថា ក្នុងវគ្គបណ្ដុះបណ្ដាលនេះសិក្ខាកាមចូលរួមមានចំនួន១៤នាក់ មកពីក្រុមផ្សេងៗគ្នា ក្នុងនោះរួមមាន រាជធានីភ្នំពេញ ៣នាក់ បាត់ដំបង ៣នាក់ សៀមរាម ១នាក់ កែប និងកំពត ៧នាក់។
ក្រោយពីបញ្ចប់វគ្គបណ្ដុះបណ្ដាលនេះ កញ្ញា ជុំ សុដាមី មកពីរាជធានីភ្នំពេញរៀបរាប់ថា “ខ្លួនពិតជាសប្បាយចិត្តជាខ្លាំង ចំពោះការបង្រៀនរបស់លោកគ្រូ កញ្ញាបានថ្លែងអំណរគុណចំពោះក្រុមភាពយន្តឈូករ័ត្នដែលបានបង្កើតវគ្គបណ្ដុះបណ្ដាលមួយនេះ ព្រោះវគ្គបណ្តុះបណ្តាលនេះធ្វើខ្លួនកាន់តែយល់ច្បាស់អំពីការកាត់តវីដេអូ។
ចំណែក លោក ងយ វណ្ណះ មកពីខេត្តកែបក៏បានលើកឡើងដែរថា ”ខ្ញុំសូមអរគុណលោកគ្រូ ក៏ដូចជាក្រុមការងារទាំងអស់ដែលបានបង្កើតកម្មវីធីនេះឡើង វាផ្តល់ចំណេះដឹង និងបច្ចេកទេសកាត់តថ្មីៗដល់រូបខ្ញុំច្រើនណាស់។
មិនខុសពីសិក្ខាកាមពីររូបខាងលើ លោក រិន ឌី មកពីខេត្តបាត់ដំបង បានសរសើរពីកម្មវិធីនេះថា “ខ្លួនពិតជាស្រលាញ់ក្រុមការងារ និងអ្នកសម្របសម្រួល ទាំងអស់ដែលបានរៀបចំកម្មវិធីដ៏មានប្រយោជន៍នេះឡើង ហើយក៏សង្ឃឹមថាគម្រោង តោះថតភាពយន្តឯកសារកម្ពុជា នឹងបន្តសកម្មភាពបង្រៀននេះនៅឱកាសក្រោយៗទៀត។
តោះថតភាពយន្តឯកសារនៅកម្ពុជា (Let’s Document Cambodia) ដោយរៀបចំឡើងដោយអង្គការភាពយន្តឈូករ័ត្ន (SFO)។ គម្រោង ”តោះថតឯកសារកម្ពុជា” នឹងព្យាយាមបន្តសកម្មភាពបណ្ដុះបណ្ដាលរបស់ខ្លួនសម្រាប់យុវជនកម្ពុជាដែលមានចំណាប់អារម្មណ៏ទាក់ទងវិស័យភាពយន្តបន្តទៀតក្នុងពេលឆាប់ៗនេះ។

March 26, 2020
កំពុងតែធុញថប់រឿងជំងឺកូវីដ១៩… បងស្រី ស៊ឹម ថៃណា ត្រូវចោរលួចរថយន្ដ
កំពុងតែធុញថប់រឿងជំងឺកូវីដ១៩វាយលុកកម្ពុជា ស៊ឹម ថៃណាត្រូវចោរលួចរថយន្តម៉ាក Camry បាឡែនស៊េរីឆ្នាំ ២០០២ ពណ៌ទឹកប្រាក់ស្លាកលេខ 2W6801 នៅវេលាម៉ោង៥ ល្ងាចថ្ងៃទី២០ ខែមីនា ឆ្នាំ២០២០ នេះ។

បើតាម ស៊ឹម ថៃណា បានឱ្យដឹងថា រថយន្តដែលបាត់នោះគឺជារបស់បងស្រីនាង បានយកទៅចតនៅផ្លូវលំមួយជិតផ្សារចាក់អង្រែក្រោមដើម្បីចូលទៅកក់សក់ ស្រាប់តែចេញមកវិញបាត់រថយន្តតែម្ដង។ ភ្លាមៗនោះនាង និងបងស្រីមិនដឹងធ្វើយ៉ាងណាមានតែទៅដាក់ពាក្យប្ដឹងសុំឲ្យអាជ្ងាធរខណ្ឌមានជ័យជួយតាមរក។
ស៊ឹម ថៃណា ថា៖” ខ្ញុំញ័រដៃធ្វើអ្វីលែងត្រូវហើយពេលនេះ ជំងឺឆ្លងកូរ៉ូណា កំពុងវាយលុកសេដ្ឋកិច្ចធ្លាក់ចុះហើយមកជួបរឿងបែបហ្នឹងទៀត។ អ្វីដែលខ្ញុំស្ដាយនោះគឺឡានបងស្រីខ្ញុំអត់បានដាក់ប្រពន្ធ GPS ទៀត”។

March 24, 2020
រំលែកទុក្ខក្រៀមក្រំ! ម្ចាស់បទ« រាត្រីដែលបានជួបភក្រ្ត » មរណភាពហើយ
ពីក្រុមព្រះសុិយា បានជូនដំណឹងដ៏សែនក្រៀមក្រំ និងសោកស្តាយបំផុតនៃការបាត់បង់សិល្បការិនីរៀមច្បង។
ក្រុមព្រះសុរិយាទាំងមូល មានសេចក្តីក្តុកក្តួលជាខ្លាំង ក្រោយពីបានទទួលនូវដំណឹងដ៏សែនសោកស្តាយថា លោកស្រី កែវ សេដ្ឋា សិល្បការិនីរៀមច្បងដែលមានឈ្មោះល្បីល្បាញនាទសវត្ស៥០និង៦០ បានទទួលមរណភាពនៅព្រឹកថ្ងៃទី២៤ ខែមីនា ឆ្នាំ២០២០នេះ ក្នុងជន្មាយុ ៨៤ឆ្នាំ ដោយជរាពាធ នៅគេហដ្ឋានកូនស្រីលោកស្រីនារាជធានីភ្នំពេញ។
ការបាត់បង់លោកស្រីប្រៀបដូចបាត់បង់នូវធនធានដ៏កម្រពីដែនកម្ពុជទេសយើង ដែលលោកស្រីបានកសាងស្នាដៃ និងតស៊ូគ្រប់យ៉ាងដើម្បីសិល្បៈជាតិយើងតាំងពីលោកស្រីដឹងក្តី រហូតដល់ថ្ងៃលាចាកលោកនេះ។ ចម្រៀងជាច្រើនបទរបស់លោកស្រីនៅតែមានជីវិតដល់សព្វថ្ងៃក្នុងក្រអៅបេះដូងរបស់មហាជនខ្មែរដូចជាបទ រាត្រីដែលបានជួបភក្រ្ត , បទ ទ្រូងអនាថា , បទ ទីវាលសត្វយំ , បទ សង្ឃឹមជានិច្ច , បទ សារិកា , បទ ទឹកភ្នែកសូយ៉ា ជាដើម។
គួរជម្រាបថា លោកស្រីកែវ សេដ្ឋា កើតនៅថ្ងៃទី១ ខែមករា ឆ្នាំ១៩៣៦ នៅទីក្រុងភ្នំពេញ។ លោកស្រី គឺជាអ្នកចម្រៀងនារីរបស់កម្ពុជាមុនគេបង្អស់ តាំងពីទស្សវត្សរ៍៥០មកម្ល៉េះ។ រយៈពេលជិត៣០ឆ្នាំមកនេះ គេមិនបានឮសំឡេងរបស់លោកស្រីទាល់តែសោះ ដោយគ្រប់គ្នាយល់ថាប្រហែលជាបាត់បង់ជីវិតទៅហើយ ក្នុងរបរខ្មែរក្រហម។ ក្រៅពីជាអ្នកចម្រៀងដ៏ល្បី នៃជំនាន់ទី១នៃការកកើតវិស័យចម្រៀងខ្មែរ លោកស្រីជាសិល្បការិនីល្ខោនបាសាក់ យីកេ និងរបាំប្រពៃណីផងដែរ។ ក្រុមព្រះសុរិយានិងមហាជនទាំងមូលសូមបួងសួងដល់ដួវវិញ្ញាណក្ខន្ធលោកអុំ អញ្ជើញទៅកាន់សុគតិភពកុំបីឃ្លាងឃ្លាតឡើយ!
March 24, 2020
ភ្ញាក់ផ្អើល!! ខណៈតារាស្រីស្អាត ជីម មី ប្ដូរទ្រនំមក MY TV
ក្រោយពីបង្ហាញវត្តមានយ៉ាងសសិចស៊ីជាមួយក្បាច់រាំនៅក្នុងបទ « ជើងស្រឡួន »របស់លោក ឆាយ វិរៈយុទ្ធ នៅក្នុងផលិតកម្មសាន់ដេ ខណៈនេះតារាស្រីសាច់ខ្ចី ជីម មី ត្រូវបានធ្លាយដំណឹងថា ផ្លាស់ប្ដូរទ្រនំពីស្ថានីយទូរទស្សន៍ PNN មកកាន់កម្មវិធីជាពិធីការិនីនៅស្ថានីយទូរទស្សន៍ MY TV វិញម្ដងហើយ។
អ្វីដែលភ្ញាក់ផ្អើលបំផុតសម្រាប់មហាជនអ្នកគាំទ្រតារាស្រីរូបនេះគឺ ជីម មី នឹងបង្ហាញវត្តមានជាពិធីការិនីនៅក្នុងកម្មវិធី « ពេញចិត្តឬអត់ » របស់ស្ថានីយទូស្សន៍ MYTV ជាដៃគូជាមួយលោក តាប៊ុយ ។ កញ្ញា ជីម មី បានចូលរួមជាពិធីការិនីនៅក្នុងកម្មវិធី “ពេញចិត្តឬអត់” បានរយៈពេលជាច្រើនសប្តាហ៍មកហើយ កញ្ញា ជីម មី តែងតែបង្ហាញនៅសម្លៀកបំពាក់ប្លែកៗស្រស់ស្អាត អមជាមួយសម្រស់របស់គាត់ ធ្វើឱ្យយុវវ័យជាច្រើនចាប់អារម្មណ៍ទៅលើរូបគាត់ ពិសេសម៉ូដសម្លៀកបំពាក់របស់គាត់តែម្តង គឺពិតជាស្រស់ស្អាត។ សព្វថ្ងៃនេះ កញ្ញា ជីម មី មិនត្រឹមតែជាពិធីការិនីនោះទេ កញ្ញាក៏ជាតារាសម្តែងមួយដួងដែលមានប្រជាប្រិយភាពខ្លាំងសម្រាប់មិត្តៗយុវវ័យផងដែរ។
កញ្ញា ជីម មី បានបង្ហោះសារទាក់ទាញចិត្តមិត្តអ្នកគាំទ្រថា «ទាយមើលថាជីមមីកំពុងថតកម្មវិធីអី?អ្នកណាដឹងខមមិនម្នាក់មួយមក» ។ បើតាមរូបភាពរបស់នាងបង្ហោះលើហ្វេសប៊ុកនោះ គឺជានៅក្នុងឆាករបស់កម្មវិធី « ពេញចិត្តឬអត់ » ពិតមែន។ ហើយវត្តមានរបស់នាង ក៏ពិតជាមានអ្វីប្លែកសម្រាប់ទស្សនិកជនក្នុងឆ្នាំ២០២០នេះ ហើយក៏សង្ឃឹមថាប្រិយមិត្តនឹងបន្តគាំទ្រកញ្ញា ព្រមជាមួយកម្មវិធីដ៏ល្បី “ពេញចិត្តឬអត់” នេះផងដែរ៕

March 23, 2020
ខណៈមានការភ័យខ្លាចជំងឺកូវីដ១៩ ក្រុមតារាសិល្បៈផលិតកម្មក្លាស៊ីកសម្រុកថតអឹមវីចម្រៀងចូលឆ្នាំ
បើទោះជាមានករណីជំងឺកូវីដ ១៩ ផ្ទុះឡើងក៏តារាមួយចំនួន នៅតែពុះពារសម្រុកថត បទចម្រៀងអបអរ ពិធីបុណ្យចូលឆ្នាំប្រពៃណីជាតិ។ ជាក់ស្តែងផលិតកម្ម Classic បានចេញបទចម្រៀងថ្មីៗ ជាច្រើនបទ នាំតារាក្នុងផលិតកម្មច្រៀងរាំនិងសិល្បករជាច្រើន។ មុននេះ ដោយមានទាំងការចូលរួមពីតារាចម្រៀង និង តារាសម្ដែងមកពីគ្រួសារតារាកម្ពុជាផង។
បរិយាកាសនេះ បានរៀបចំឡើងកាលពី ថ្ងៃទី២២ មីនា ឆ្នាំ២០២០ ស្ថិតនៅខាងក្រោយផ្សារផ្អាវ ខេត្តកំពង់ចាម។ តារាប្រុសស្រីមួយចំនួន បានសម្រិតសម្រាំងសម្លៀកបំពាក់ស្អាតៗ ទុកសម្តែងរួចជាស្រេច ។ បើទោះជាមានការភិតភ័យ ជំងឺកីវីដ ម្នាក់ៗបានរួមគ្នារក្សាអនាម័យ ដាក់ជែលសំអាតដៃ និងអាល់កុលសម្លាប់មេរោគ ជូតសម្អាតជាប្រចាំ។
បើតាមលោក ហួរ សុផល ម្ចាស់ផលិតកម្ម និងជាអ្នកដឹកនាំសម្តែង បានអំពាវនាវឱ្យបងប្អូន ប្រជាពលរដ្ឋទាំងអស់ យកចិត្តទុកដាក់ លើបញ្ហាអនាម័យ រស់នៅស្អាត លាងដៃនឹងសាប៊ូ អាល់កុល ជែល និងណែនាំក្មេងៗតូចៗអោយ យល់ពីអនាម័យ។ ជាពិសេសគោរពតាមក្បួនពេទ្យជាសំខាន់។ ចំពោះបទចម្រៀង ដែលរៀបចំមានចំនួនជាង២០ បទគ្រប់ចង្វាក់។ នេះជាការរៀបចំបទថ្មី កម្សាន្តថ្ងៃចូលឆ្នាំ ដោយមិនបានទៅណាក៏ អាចស្តាប់ប្តូរអារម្មណ៏ជាលក្ខណៈគ្រួសារបាន។ តារាច្រៀងរាំមាន លោក បញ្ញា សិទ្ឋិ, លោក រតនៈ ពិសិដ្ឋ, លោក រុន ណាកូ, លោក ត្រា យ៉ាកូ, កញ្ញា សម្រេចសន្យា, លោក រ័ត្ន បញ្ញា រិទ្ឋ លោក ឆាលី លោកស្រីរីយ៉ាត្រាណេ, លោក មាស សំណាង, កញ្ញា អ៊ុក ដារ៉េត, កញ្ញា មុត សុវណ្ណារិទ្ធិ, កញ្ញា រចនា វត្តី លោកសុខជន់, កញ្ញាណងខា កញ្ញា៨០គីឡូ, អ្នកនាង យិន ស្រីពៅ, អ្នកនាង ថន ចរិយា, កុមារា ប្រុសពេជ្រ និង តារាផ្សេងៗទៀត៕
March 23, 2020
សំណាងពិតជាមើលមិនឃើញមែន…! អបអរសាទរដល់អ្នកឈ្នះមហារង្វាន់ដ៏ច្រើនអស់ស្ទះពី សាមសុង សម្រាប់រដូវចូលឆ្នាំប្រពៃណីជាតិ!
សូមចូលរួមអបអរសាទរអ្នកឈ្នះទាំងអស់ក្នុងសប្តាហ៏ទី១ពីកម្មវិធី “មហាប្រូម៉ូសិនសម្រាប់រដូវចូលឆ្នាំប្រពៃណីជាតិ” !!!
(ភ្នំពេញ) ថ្ងៃទី ២៣ ខែមីនា ឆ្នាំ២០២០៖ ស្របតាមកម្មវិធីដែលបានសន្យាក្រុមហ៊ុនសាមសុងបានធ្វើការចាប់រង្វាន់ដើម្បីស្វែងរកអ្នកឈ្នះពីការជាវទូរស័ព្ទសាមសុង Galaxy A10s, A20s និង A30s ដែលមានប័ណ្ណធានាត្រឹមត្រូវចាប់ពីថ្ងៃទី ១០ ខែមីនា ដល់ 12 មេសា 2020 ឥឡូវនេះបានរកឃើញអ្នកឈ្នះទាំងអស់ក្នុងសប្តាហ៏ទី១ហើយ!
បើតាមប្រសាសន៍របស់លោក Seungho Choi អគ្គនាយកសាខាក្រុមហ៊ុនថៃសាមសុងអេឡិចត្រូនិចប្រចាំប្រទេសកម្ពុជាបានឱ្យដឹងថា ខ្ញុំពិតជារីករាយខ្លាំងណាស់ដែលបានមកកាន់ទីនេះម្តងទៀតក្នុងការផ្តល់នូវសំណាងជូនដល់អតិថិជនដែលបានគាំទ្រស្មាតហ្វូនរបស់ សាមសុង ដោយលើកទី១ កាលពីឆ្នាំ២០១៨ សម្រាប់អតិថិជនដែលគាំទ្រកំពូលស្មាតហ្វូត Galaxy S9|S9+ ហើយសម្រាប់ថ្ងៃនេះផងដែរគឺជាលើកទី២ សម្រាប់ស្មាតហ្វូនថ្នាក់កណ្តាលរបស់ សាមសុង គឺ Galaxy A10s, A20s និង A30s ដែលក្រុមហ៊ុនធ្វើការលើកទឹកចិត្ត និងផ្តល់ជូននូវកាដូយ៉ាងច្រើនដូចជា៖ ម៉ូតូ Honda ZOOMER X 2020 ,នាឡិកា ឆ្លាតវៃ Galaxy Watch Active2, ទូរស័ព្ទដៃ Galaxy A30s និងរង្វាន់សន្ធឹកសន្ធាប់ជាច្រើនទៀត ។ ចំណែកកម្មវិធីចាប់ឆ្នោតផ្សងសំណាងនេះ ទុកជាចំណងដៃដ៏ពិសេសពីក្រុមហ៊ុនដោយធ្វើការចាប់រង្វាន់ធំៗចំនួន4 សប្តាហ៍នៅស្ថានីយទូរទស្សន៍ MYTV ក្នុងកម្មវិធី A1 Twist ហើយនេះ គឺជាសប្តាហ៍ដំបូងដែលក្រុមហ៊ុន បានធ្វើការចាប់រង្វាន់ជូនដល់អតិថិជន និងបានប្រកាសឈ្មោះអ្នកឈ្នះរង្វាន់នៅសប្តាហ៍ទី 1 ផងដែរ។
សូមបញ្ជក់ម្តងទៀតថាកម្មវិធីនៃការចាប់រង្វាន់នេះគឺប្រព្រឹត្តិទៅនៅស្ថានីយទូរទស្សន៍ MyTV ក្នុងកម្មវិធី A1 Twist វេលាម៉ោង 10:00-12:00 ថ្ងៃត្រង់! កម្មវិធីដ៏រំភើបអស្ចារ្យនេះនឹងផ្តល់ជូនមហារង្វាន់យ៉ាងច្រើនសន្ធឹកសន្ធាប់ដូចជា៖
- - ម៉ូតូ Honda ZOOMER X 2020 សរុប 4 គ្រឿង
  - នាឡិកា Galaxy Watch Active2 សរុប 8 គ្រឿង
  - ទូរស័ព្ទដៃ Galaxy A30s សរុប 12 គ្រឿង
  - ទូរទស្សន៍ Samsung 32 អ៊ីញ សរុប 16 គ្រឿង
* ខាងក្រោមនេះគឺជាឈ្មោះអតិថិជនដែលបានឈ្នះពីការចាប់លើកទី១៖

ប្រញាប់ឡើងណា៎…អ្នកឈ្នះបន្ទាប់អាចជាលោកអ្នកហើយ! ទិញភ្លាម……ឈ្នះភ្លាម! សម្រាប់អតិថិជនដែលពុំទាន់បានទិញសូមប្រញាប់ទិញឥឡូវនេះភ្លាមទៅ! ព្រោះរង្វាន់យ៉ាងច្រើនសន្ធឹកសន្ធាប់ជាច្រើនទៀតកំពុងរង់ចាំអ្នក! សូមឱ្យសំណាងល្អណា៎!!ការចាប់ឆ្នោតលើកទី2នឹងធ្វើឡើងនៅថ្ងៃទី 29 មីនា 2020។
សម្រាប់ព័ត៌មានលម្អិតសូមអញ្ជើញមកទស្សនាដោយផ្ទាល់តាមបណ្តាហាងទំនើប សាមសុង និងដេប៉ូចែកចាយផលិតផល សាមសុង ដែលនៅជិតលោកអ្នកបំផុត ឬទំនាក់ទំនងទៅកាន់ផ្នែកសេវាបម្រើអតិថិជនតាមរយៈ ទូរស័ព្ទលេខ៖ 1800-20 32 32 !
March 23, 2020
លោក ប៉ែន ចំរុង និងសប្បុរសជនមានទឹកចិត្តនាំយកម៉ាសអនាម័យ និងអាល់កុលជូនមន្ទីពេទ្យខ្មែរសូវៀត
ដើម្បីចូលរួមលើកទឹកចិត្ត និង ចែករំលែកក្តីស្រលាញ់ក្នុងនាមខ្មែរស្រលាញ់ខ្មែរ ខ្មែរជួយខ្មែរនោះ ពិធីករប្រុសមានប្រជាប្រិយភាព លោក ប៉ែន ចំរ៉ុង បានចំណាយពេលវេលាផ្ទាល់ខ្លួននាំយកម៉ាស និងទឹកអាល់កុលជាច្រើន ផ្ដល់ជូនមន្ទីរពេទ្យខ្មែរសូវៀត ជាការរួមចំណែកទប់ស្កាត់កូវីដ១៩នៅក្នុងប្រទេសកម្ពុជា។
នៅថ្ងៃទី ២៣ ខែមីនា ឆ្នាំ ២០២០ នេះ លោក ប៉ែន ចំរុង បានបង្ហោះសារឱ្យដឹងថា « ថ្ងៃនេះយើងបាននាំយក ថវិការ ម៉ាស និង អាល់កុល មានតំលៃទឹកប្រាក់ សរុប ១១៥៥$ ជូនមន្ទីពេទ្យ ខ្មែរសូវៀត (មន្ទីពេទ្យរ៉ុស្សី) បានជួបប្រសាសន៍ លោក អគ្គនាយក លោកនាយក និងក្រុមលោកគ្រូពេទ្យជាច្រើនដោយក្តីសោមនស្សរីករាយយ៉ាងខ្លាំង (សូមស្តាប់ប្រសាសន៍ និងការសំណូមពរខ្លះ របស់លោកគ្រូ នាយក ) សូមទទួលការគោរពនូវឆន្ទៈ ដ៍ប្រសើរមិនអាចកាត់ថ្ងៃបាន»។
យ៉ាងណាមិញ ប៉ុន្មានថ្ងៃមុននេះ តារាប្រុសរូបនេះក៏បានចំណាយពេលចុះចែកម៉ាស និងទឹកលាងដៃការពារជំងឺកូវីដ១៩នៅខេត្តសៀមរាបដោយផ្ទាល់។ លោកក៏បានអំពាវនាវ និងបំផុសស្មារតីរបស់ប្រជាពលរដ្ឋដែលរស់នៅខេត្តសៀមរាប ក៏ដូចជាបងប្អូនប្រជាពលរដ្ឋខ្មែរដទៃ ត្រូវមានការប្រុងប្រយ័ត្នខ្ពស់ និង ថែរក្សាអនាម័យខ្លួនប្រាណ តាមរយៈការពាក់ម៉ាស ឬលាងដៃឱ្យបានញឹកញាប់ ដើម្បីបង្ការការឆ្លងនូវជំងឺCovid-19នេះ។ ជាមួយគ្នានេះ លោក ប៉ែន ចំរ៉ុង ក៏មានការអំពាវនាវដល់អាជីវករទាំងអស់ កុំឆ្លៀតឱកាសពេលនេះដើម្បីយកផលចំណេញតាមរយៈការដំឡើងថ្លៃម៉ាស់និងទឹកលាងដៃជាដើម៕
សូមទស្សនាវីដេអូខាងក្រោមនេះ ៖

March 23, 2020
កំពូលតារាចម្រៀង មាស សុខសោភា លើកទឹកចិត្តបងប្អូនខ្មែរឥស្លាម និងអំពាវដល់បងប្អូនរួមសហការជាមួយគ្រូពេទ្យជំនាញទប់ស្កាត់កូវីដ19
យោងតាមគណនីហ្វេសប៊ុក របស់តារាចម្រៀងល្បីឈ្មោះ អ្នកនាង មាស សុខសោភា បានបង្ហោះរូបភាពអនុសាវរីយ៍ជាមួយបងប្អូនខ្មែរឥស្លាម និងលើកទឹកចិត្តរៀបរាប់ថា «ពិភពលោកតែមួយ ផ្ទៃមេឃតែមួយ នេះជាពេលវេលាមួយដែលយើងត្រូវការកម្លាំងចិត្តពីគ្នាទៅវិញទៅមក ដើម្បីឆ្លងដំណាក់កាលដ៏អាក្រក់នេះ។
នាងខ្ញុំពិតជាសោកស្តាយនៅពេលដែលបានឃើញព័ត៌មានទាក់ទងទៅនឹងបងប្អូនខ្មែរឥស្លាមដែលកំពុងរងគ្រោះដោយសារ Covid-19 ហើយនាងខ្ញុំជឿជាក់ថា អ្វីដែលពួកគាត់ត្រូវការនៅពេលនេះ គឺកម្លាំងចិត្តមិនមែនជាការស្តីបន្ទោសឬការរើសអើងនោះទេ ។ នាងខ្ញុំសូមចូលរួមជាកំលាំងចិត្តដល់បងប្អូនដែលរងគ្រោះទាំងអស់ ជាពិសេសបងប្អូន ខ្មែរឥស្លាម សូមបងប្អូនសហការជាមួយគ្រូពេទ្យជំនាញ និងអាជ្ញាធរដើម្បីបញ្ចប់ការរីករាលដាលនេះ។ ដោយក្តីស្រលាញ់ពីនាងខ្ញុំ មាស សុខសោភា #MSP»។
ទន្ទឹមនឹងមានបងប្អូនខ្មែរឥស្លាមមួយចំនួន កំពុងទទួលរងឆ្លងនូវកូវីដ19 ហើយក៏មានបុគ្គលមួយចំនួនតូច មានការរើសអើង ដល់ជនជាតិឥស្លាមថែមទៀតផង។ កំពូលតារាចម្រៀងស្រីដ៏មានប្រជាប្រិយភាព មាស សុខសោភា ក៏បានធ្វើការសំណូមពរដល់បងប្អូន ចូលរួមជាកំលាំងចិត្តដល់បងប្អូន ដែលរងគ្រោះទាំងអស់ ជាពិសេសបងប្អូនខ្មែរឥស្លាម សូមបងប្អូនសហការជាមួយគ្រូពេទ្យជំនាញ និងអាជ្ញាធរ ដើម្បីបញ្ចប់ការរីករាលដាលនេះ៕

March 23, 2020