Author: អេបិល

មុននេះបន្ដិចទទួលបានដំណឹងថា អដ្ឋិធាតុលោកបណ្ឌិត ​Beat Richner បានដឹកពីប្រទេសស្វីសមកដល់ព្រលានយន្តហោះខេត្តសៀមរាប​ ហើយ​នៅព្រឹក​នាថ្ងៃទី5 ខែធ្នូ ឆ្នាំ2018នេះ ។ ដោយមានការសូត្រមន្តគោរពវិញ្ញាណក្ខន្ធពីសំណាក់ព្រះសង្ឃ និងបណ្ដាលបុគ្គលិករបស់មន្ទីរពេទ្យគន្ធបុប្ផា ដោយធាតុរបស់លោកបណ្ឌិត បានហែរចេញពីព្រលានយន្តហោះឆ្ពោះទៅកាន់មន្ទីរពេទ្យគន្ធបុប្ផាក្នុងខេត្តសៀមរាប​ជាកន្លែងតំកល់ធាតុ និងប្រារព្ធពិធីគោរពវិញ្ញាក្ខន្ធ។

សូមជម្រាបផងដែរថា នៅថ្ងៃទី6 ខែធ្នូ ឆ្នាំ2018 ក៏មានពិធីបង្សកូលឧទ្ទិសកុសលផលបុណ្យជូនដួងវិញ្ញាណក្ខន្ធ ឯកឧត្តមសាស្ត្រាចារ្យវេជ្ជបណ្ឌិត Beat Richner អតីតស្ថាបនិកមន្ទីរពេទ្យគន្ធបុប្ផាផងដែរ ក្រោមអធិបតីភាពរបស់ព្រះករុណាជាអម្ចាស់ជីវិត តម្កល់លើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជណាចក្រកម្ពុជា និងសម្តេចមហាក្សត្រី នរោត្តមមុនិនាថ សីហនុ ព្រះវររាជមាតាជាតិខ្មែរ។

សូមជម្រាបដំណឹងដល់បងប្អូនទាំងអស់ដែលមានទឹកចិត្តគោរពស្រឡាញ់ និងនឹកឃើញពីគុណូបការៈដ៏ធំធេញរបស់វេជ្ជបណ្ឌិត Beat Richner អាចអញ្ជើញចូលរួមដួងវិញ្ញាណក្ខន្ធនៅឯមន្ទីរពេទ្យគន្ធបុប្ផាក្នុងខេត្តសៀមរាប៕

ពិតជាធ្វើឱ្យមហាជនមានភាពភ្ញាក់ផ្អើលខ្លាំង ខណៈដែលខ្លាធំពីរនៅកំពូលភ្នំហង្សមាស ចំណាយទុនខ្ទង់លានដុល្លារបើកជំនួញរួមគ្នាដោយភាពជឿជាក់។

បើតាមការបង្ហោះរបស់ទំព័រផេចផ្លូវការបុរីឡេងណាវ៉ាត់ត្រា បានឱ្យដឹងថា លោកព្រាប សុវត្ថិ និង លោក ខេមរៈ សិរីមន្ត ក្រោយពីទទួលបានជោគជ័យក្នុងគម្រោងដីធ្លីពុះលក់រៀងខ្លួន អ្នកទាំងពីរបានសម្រេចចិត្តបោះទុនរួមគ្នាតែមួយជាមួយក្រុមហ៊ុនឡេងណាវ៉ាត់ត្រាតែម្ដង ដោយគម្រោងថ្មីនេះ គឺធំជាងគម្រោងមុនៗទ្វេរដង ហើយសម្រាប់ដើមទុនក៏មិនតិចជាង20លានដុល្លារ។ កំពូលតារាចម្រៀងទាំងពីរដួងនេះ មិនត្រឹមតែបើកគម្រោងថ្មីពុះលក់ដីឡូតិ៍ប៉ុណ្ណោះទេ ប៉ុន្តែក៏បានចាយទុនសង់វីឡាដាក់លក់ ដែលនេះគឺជាគម្រោងមហាសេដ្ឋី និងមិនធ្លាប់មានសម្រាប់តារាចម្រៀងនៅក្នុងពិភពសិល្បៈ។

លោក ឡេង ណាវ៉ាត់ត្រា បានទទួលស្គាល់ថា លោក ព្រាប សុវត្ថិ និង លោកខេមរៈ សិរីមន្ត ពិតជាចំណាយទុនបើកគម្រោងរកស៊ីចូលគ្នាពិតមែន ដោយគម្រោងថ្មីនេះ គឺមិនមានរវាងលោក និង លោកព្រាប សុវត្ថិ ឬរវាងលោក និងលោក ខេមរៈ សិរីមន្ត ដាច់គ្នាដូចមុននោះទេ ប៉ុន្តែគឺជាគម្រោងបោះទុនរួមគ្នាទាំំង៣បញ្ចូលគ្នាតែម្ដង ដើម្បីឱ្យបានដើមទុនច្រើន ហើយឈានទៅសង់វីឡាដាក់លក់នោះផង។ លោកប្រកាសថា គម្រោងលោក ព្រាប សុវត្ថិ និងលោកខេមរៈ សិរីមន្ត រួមគ្នានោះ ស្ថិតនៅម្ដុំព្រៃទទឹងលើផ្លូវជាតិលេខ3ក្បែរៗគម្រោងចាស់ ប៉ុន្តែជាគម្រោងសង់វីឡា និងពុះឡូតិ៍រួមគ្នា ដោយគ្រាន់តែដើមទុនគឺយ៉ាងហោចក៏20លានដុល្លារ ដោយមិនទាន់បញ្ចូលការចំណាយលើហេដ្ឋារចនាសម្ព័ន្ធផ្សេងៗ និងចំណាយបន្ទាប់បន្សំដែលមើលមិនឃើញនោះផង។ អ្វីដែលសំខាន់គឺគម្រោងធំនេះ មានដីរហូតដល់ជាង50ហិកតា ហើយប្រើទុនខ្ពស់ ដែលលោកបានហៅការចូលហ៊ុនរបស់លោក ព្រាប សុវត្ថិ និងលោក ខេមរៈ សិរីមន្ត ជាមួយនឹងលោករួមគ្នាជាបីហ៊ុននាពេលនេះថា ជាការជួយដំណើរការបើកជំនួញដីធ្លីរបស់លោកដើរលឿន។

គួរជម្រាបបន្ថែមថា នៅមិនទាន់ដឹងច្បាស់រវាងខ្លាធំទាំងពីរនេះ បោះទុនក្នុងម្នាក់ប៉ុន្មានលានដុល្លារនោះទេ ប៉ុន្តែអ្វីដែលលោកឡេង ណាវ៉ាត់ត្រា បានទម្លាយ គឺបញ្ជាក់យ៉ាងច្បាស់ថា កំពូលតារាចម្រៀងទាំងពីរមិនបានកាច់កុងគ្នាដូចអ្វីដែលមានការយល់ច្រលំនោះទេ។ ផ្ទុយទៅវិញ បើទោះជាមើលមួយភ្លែតគឺអ្នកទាំងពីរប្រកួតប្រជែងគ្នាដណ្ដើមប្រជាប្រិយភាព និងទីផ្សារសិល្បៈ តែសម្រាប់ទំនាក់ទំនងខាងក្រៅសិល្បៈ គឺអ្នកទាំងពីរជាដៃគូជំនួញយល់ចិត្តគ្នា ទើបឈានដល់ការបោះទុនម្នាក់ៗមិនតិចជាងលានដុល្លារ ជាមួយនឹងលោក ឡេង ណាវ៉ាត់ត្រា បើកគម្រោងពុះឡូតិ៍រួមគ្នា និងមានសង់វីឡាលក់ផង ដែលនេះគឺជាជំនួញមិនធម្មតា៕

ដូចប្រិយមិត្តបានជ្រាបហើយដឹងថា កំពូលតារាសម្ដែងឯកប្រុសជើងចាស់ លោក យស បូវណ្ណៈ បានធ្វើដំណើរមកប្រទេសកម្ពុជាលើកដំបូងនេះ ដើម្បីចូលរួមសម្ដែងរឿងថ្មីរបស់ផលិតកម្មមហាហង្ស ក្នុងរឿង «លោកឳពុក» ហើយលោកមានរយៈពេលចំនួនតែ 3 សប្ដាហ៍តែប៉ុណ្ណោះក្នុងបេសកកម្មថតរឿងថ្មីសន្លាងមួយនេះ ។ ការចាប់ជាមួយនឹងដៃគូចាស់ គឺអ្នកនាង ចាន់ តារាទី នៅក្នុងថ្ងៃដំបូងភ្លាម ស្រាប់តែចំប្លង់ភ្លើងឆេះផ្ទះ រលេះរលួយរាងកាយតែម្ដង។

នេះពិតជាឈុតឆាកដ៏អស្ចារ្យ ព្រោះថា ទាល់តែតារាសម្ដែងប្រកបដោយទេពកោសល្យខ្ពស់ ទៅអាចបញ្ចប់ប្លង់លំបាកនេះបានទៅយ៉ាងរលូន ដោយគ្មានឧបសគ្គ។ លោក យស បូវណ្ណៈ ត្រូវគេឃើញតុបតែងជាមនុស្សរលាកភ្លើង និងតម្រូវអោយសម្ដែងក្នុងប្លង់កម្សត់ និងពិបាកបើកឆាកតែម្ដង ប៉ុន្តែគេនៅតែកត់សម្គាល់ថា ការសម្ដែងរបស់លោកឆាប់ត្រូវ មិនសូវខុស។

យ៉ាងណាមិញ ផលិតករ និងជាម្ចាស់ផលិតកម្ម មហាហង្ស លោក អ៊ិន សុភិន បានថ្លែងបញ្ជាក់ថា ដោយសារតែលោក យស បូវណ្ណៈ មានពេលថតរឿង«លោកឳពុក» តែប្រមាណ20ថ្ងៃ ទើបខាងផលិតកម្មមហាហង្សសម្រុកចេញថតតែម្ដង ដោយការសម្ដែងលើកដំបូងរបស់អតីតារាល្បីល្បាញកាលពីអំឡុងឆ្នាំ90រូបនេះ គឺសម្ដែងក្នុងប្លង់ធំ ដែលមានតារាសម្ដែងរួមជាមួយច្រើននាក់តែម្ដង។

លោកបន្ដថា ក្នុងប្លង់ត្រូវភ្លើងឆេះផ្ទះនេះ គឺជាប្លង់សំខាន់ជាងគេក្នុងរឿង ហើយក៏ជាប្លង់ដែលតម្រូវឱ្យលោកក្លាយជាបុរសពិការជើងព្រោះតែដើម្បីសង្គ្រោះជីវិតកូនស្រីនោះដែរ ប៉ុន្តែចុងក្រោយកូនស្រីរបស់លោក បែរជាធំដឹងក្ដី ដោយការប្រមាថលោកយស បូវណ្ណៈ ជាឳពុក ព្រោះតែលោកពិការ ក្រីក្រ មិនអាចឱ្យបាងលូយឆាយ ក្នុងពេលពេញវ័យទៅបាន។ លោកថាក្នុងរឿង”លោកឳពុក” មានតួអង្គឳពុក3រូប ដោយលោក យស បូវណ្ណៈ គឺជាឳពុកដៃគូ ជាមួយអ្នកនាង ចាន់ តារាទី ហើយលោកក៍ជាតួឳពុកដែលឆ្លុះបញ្ចាំងពីទឹកចិត្តឳពុកកម្សត់មួយ ដែលសុខចិត្តលះបង់គ្រប់យ៉ាងដើម្បីឱ្យកូនស្រីបានល្អ គឺទោះជាលោកពិការ និងរកស៊ីលក់ដូរតាមរទេះ ដែលកូនស្រីមិនចង់ទទួលស្គាល់ជាឳពុក។

លោក យស បូវណ្ណៈ ក៏បានសម្ដែងអារម្មណ៍ដែរថា លោកសប្បាយចិត្តណាស់ ដែលបានសម្ដែងបើកឆាក ហើយសម្ដែងឆាកធំតែម្ដង ដែលលោកបានហៅឈុតឆាកនេះថា ជាឈុតដែលគ្រាន់តែអានសាច់រឿង គឺអួលដើមករចង់ស្រក់ទឹកភ្នែក។ ក្នុងនោះលោកក៍បានបញ្ជាក់ថា មិនមានការលំបាកនោះផង ដោយសារតែលោកសម្ដែងប៉ះចំដៃគូល្អៗ និងម្យ៉ាងមកពីលោកដ្បិតថាខានសម្ដែងច្រើនឆ្នាំតែអារម្មណ៍ និងបទពិសោធន៍គឺនៅតែដិតដាមក្នុងអារម្មណ៍៕

ក្នុងអាយុ 81 វស្សា លោកស្រីព្រឹទ្ធាចារ្យ ឯម ធាយ ទេវនាដនិមិ្មតខ្មែរ បានទទួលងារ “មរតកមនុស្សរស់” ផ្តល់ដោយក្រសួងវប្បធម៌ និងវិចិត្រសិល្បៈ និង អង្គការយូណេស្កូកម្ពុជា។ ស្នាដៃរបស់លោកស្រីព្រឹទ្ធាចារ្យ ឯម ធាយ ត្រូវបានទទួលស្គាល់តាមរយៈភាពអស្ចារ្យនៃការសម្តែងនូវរបាំព្រះរាជទ្រព្យ និងការខិតខំប្រឹងប្រែងរបស់លោកស្រីព្រឹទ្ធាចារ្យ និងកិច្ចខិតខំប្រឹងប្រែងចែករំលែកនូវចំណេះដឹងទាំងនេះដល់យុវជន យុវតីជំនាន់ក្រោយ។

គួររំឭកដែរថា ក្រសួងវប្បធម៌ និង​វិចិត្រ​សិល្បៈ បានក្រាស​ផ្សព្វផ្សាយ​​ព្រះ​រាជ​ក្រឹត្យផ្តល់​​គោរម​ងារ​ថ្នាក់​​ជាតិ​ដល់​ព្រឹទ្ធា​ចារ្យ​សិល្បៈ​ចំនួន​១៧​រូប​ដែល​ត្រូវបាន​ចាត់​ទុក​ថា ជា​មរត​កនៃ​មនុស្សរស់ ​​នាថ្ងៃទី9 ខែមករា ​ឆ្នាំ 2013។

យោងតាម​​ព្រះរាជក្រឹត្យ​​ដែល​មាន​ឡាយ​ព្រះ​ហស្ថ​​​លេខា​របស់​ព្រះ​មហា​ក្សត្រ​​ខ្មែរ​ព្រះ​បាទ​នរោត្តម សីហមុនី ​បាន​ត្រាស់​បង្គាប់​ផ្តល់​គោរម​​ងារ​ថ្នាក់​ជាតិ​ថ្វាយ​​ និង​ជូន​ព្រឹទ្ធា​ចារ្យ​ចំនួន17​រូប ក្នុងនោះ​មាន​​ព្រឹទ្ធា​ចារ្យ​​សិល្បៈ​សម្តេច​ព្រះ​រាជ​បុត្រី​​ នរោត្តម បុប្ផា​ទេវី ជាទេព​​​នា​ដ​វដ្តី​ឯក ព្រឹទ្ធា​ចារ្យ​ ឆេង ផុន​ជា​ទេព​បញ្ញា​កោស​ល្យ​វិជ្ជា ព្រឹទ្ធា​ចារ្យ​សិល្បៈ ចាន់ ស៊ឹម ​ជា​​វឌ្ឍកីទេព​និម្មិត ព្រឹទ្ធាចារ្យ​សិល្បៈ ​ជេត ចន ជា​ទេព​និម្មិត​​វិចិត្រ ​ព្រឹទ្ធា​ចារ្យ​សិល្បៈ​ ឯម ធាយ ​ជា​ទេវនាដ​និម្មិត​ ព្រឹទ្ធាចារ្យ​​សិល្បៈ​​ រស់ គង់ ជា​វិសេស​នាដ​ការី​វិជ្ជា ព្រឹទ្ធាចារ្យ​សិល្បៈ គង់ ​ណៃ ជា​កោសល្យ​វោហារ ព្រឹទ្ធាចារ្យ​​សិល្បៈ ប្រាជ្ញ ឈួន ជា​ភិរម្យ​វោហារ ព្រឹទ្ធាចារ្យ ជា ហ៊ា ជា​នាដ​កោសល្យ​វិជ្ជា ព្រឹទ្ធា​ចារ្យ​សិល្បៈ សុខ ឌុច ជា​កោសល្យ​តន្ត្រីវិជ្ជាធរ ព្រឹទ្ធាចារ្យ​​សិល្បៈ ​អ៊ុំ ​សាមិត្ត ជានាដ​ភក្តី​និម្មិត ​ព្រឹទ្ធា​ចារ្យ​សិល្បៈ ព្រីង សាឃន ជា​នាដ​កោសល្យ​វដ្តី ព្រឹទ្ធាចារ្យ​​សិល្បៈ​ ពៀក ចាប៉ិច ជាវោហារ​កោសល្យ​វដ្តី ព្រឹទ្ធាចារ្យ ជិត ជន ជា​គរុពហុ​ស្សូត ព្រឹទ្ធាចារ្យ ទេព ផុន ជាវិជ្ជា​ធម្ម​គរុ ព្រឹទ្ធាចារ្យ ម៉ែន ប្រាង្គ ជា​កោសល្យ​​វិជ្ជា​គរុ ​និង​ព្រឹទ្ធាចារ្យ ទា វ៉ាន ជា​បញ្ញា​កោសល្យ​វិជ្ជា ។

សូមគោរពមេត្តាចូលរួមលើកតម្កើង និងថែទាំចំពោះលោកព្រឹទ្ធាចារ្យ និងលោកស្រីព្រឹទ្ធាចារ្យ ដែលជាមរកតមនុស្សរស់ គ្រប់ៗរូប ក៏ដូចជាចូលរួមទទួលយកនូវចំណេះដឹងទាំងអស់ពីលោក ដើម្បីបន្តវេននូវមរតកវប្បធ៌ អរិយធម៌ដ៏ថ្លៃថ្លានេះ ។ សូមលំឱនកាយគោរពជូនពរចំពោះ វិរសិល្បករ វីរសិល្បការិនី គ្រប់ៗរូប ជាពិសេស លោកស្រីព្រឹទ្ធាចារ្យ ឯម ធាយ ទេវនាដនិមិ្មតខ្មែរ ទទួលបាននូវពុទ្ធពរទាំង៤ប្រកាសកុំបីឃ្លៀងឃ្លាតឡើយ ៕

វីដេអូខាងក្រោម ពិពណ៌នាអំពីសារៈសំខាន់នៃបេតិកភណ្ឌវប្បធម៌អរូបីមួយនេះ។

តារាសម្ដែងប្រុស អាប៉ោយ ចៅតា ដែលធ្លាប់បង្ហាញមុខក្នុងបទរបស់លោក ខេមរៈ សិរីមន្ដ នៅផលិតកម្មសាន់ដេ ស្រាប់តែថ្មីៗនេះ ទទួល​បានដំណឹងមកថា ប្អូនប្រុសកំពុងធ្លាក់ខ្លួនឈឺយ៉ាងធ្ងន់ធ្ងរអស់រយៈពេលជិត1ខែហើយ ដោយសារមានជំថងឺខ្សោយតម្រងនោម នឹងខ្វះឈាមច្រើន។

នេះបើយោងតាមគណនីហ្វេសបុក« កំប៉ោយ ចៅតា » បានសរសេររៀបរាប់ថា« ញុំអាប៉ោយ ចៅតា ដែលបងប្អូនធ្លាប់បានឃើញពីមុនកាលពីឆ្នាំ 2005-2006 នៅផលិតកម្មសាន់ដេក៏ដូចជាតាមរយៈទូរទស្សន៍ល្បីៗនាៗនៅក្នុងប្រទេសកម្ពជារបស់យើង»។ ប្អូនប្រុសបានបន្ដថា « ឥឡូវខ្ញុំបាទមានទុក្ខជាទម្ងន់រយៈពេលជិត1ខែហើយ ដោយមានជម្ងឺប្រចាំកាយកំរិតធ្ងន់ គឺ ខ្សោយតម្រងនោម នឹងខ្វះឈាមច្រើន។ ដូននេះខ្ញុំ មានលើកដៃទាំងដប់របស់ខ្ញុំ សូមអំពាវនាវដល់លោកពុកអ្នកម្តាយញាតិមិត្តជិតឆ្ងាយបងប្អូន ឬលោកគ្រូអ្នកគ្រូ នឹងជាពិសេសសូមជំនួយលោកគ្រូ អ្នកគ្រូ បងៗក្នុងក្រុមសិល្បៈ ដែលបានស្គាល់រូបប្អូនសូមជួយប្អូនផង ប្អូនមិនដឹងថាទៅពឹងអ្វីទេ ព្រោះប្អូនខ្សត់ខ្សោយលុយកាក់ ខ្លាំងណាស់។

ខ្ញុំបាទសូមអរគុណទុកជាមុនធំៗដែលលោកពុកអ្នកម្តាយ លោកគ្រូអ្នកគ្រូបងប្អូនបានមើលហើយនឹងបានអានចប់។ ខ្ញុំង្ឃឹមថាបងប្អូននឹងមកផ្តល់កំលាំងចិត្ត ឱ្យរូបខ្ញុំបាទ (កំប៉ោយ ចៅតាផង) បើសិនលោកពុកអ្នកម្តាយ លោកគ្រូអ្នកគ្រូ បងប្អូនចង់មមើលខ្ញុំនៅមន្ទពេទ្យ ឈ្មោះពេទ្យ គង់ គឹមចន់ នៅ ម្ងាយ50ម៉ែតពីស្ពានលីយ៉ុងផាត់ គេហៅថាស្ពានព្រែកភ្នៅ។ ហើយនេះលេខខ្ញុំបាទ 098 70 70 55.015 226 221 » ។

គួរបញ្ជាក់ផងដែរថា បន្ទាប់ពីបានបង្ហោះសារនេះហើយ គេមើលឃើញថា មានមហាជនអ្នកលេងបណ្ដាញសង្គម និងអ្នកសិល្បៈមួយចំនួនបានជួយជាថវិកាចំនួនពី 10 ទៅ 20 ដុល្លារ ក្នុងការដោះស្រាយបញ្ហាថ្លៃព្យាបាល និងសម្រាកក្នុងមន្ទីរពេទ្យផងដែរ៕

តើអ្នកណាខ្លះនៅចាំតួឯកស្រីរឿងផ្កាស្រពោនខ្លះ(នាង វិធាវី)? អ្នកនាង សក្កិ សក្ការៈបុប្ផា តួឯកស្រីរឿងផ្កាស្រពោន(2005) អ្នកនាងបានលាឈប់ពីសិល្បៈនាឆ្នាំ2006 ហើយបច្ចុប្បន្ននេះ អ្នកនាងរស់នៅក្រៅប្រទេសកសាងគ្រួសារដ៏សុភមង្គល ។

បើតាមការបញ្ជាក់របស់ទំព័រ «Movie Star Research» ដែលមានអ្នកស្រី ស៊ិន ឧត្តមផល្លា ជាម្ចាស់ផេក បានរៀបរ៉ាប់ពីជីវប្រវត្តិជាច្រើន របស់អ្នកនាង សក្តិ សក្ការៈបុប្ផា ថា «ជាថ្មីម្តងទៀតហើយ បងប្អូនខ្លះប្រហែលជាអាចនៅចាំ អតីតតារាសម្ដែងហើយ ក៏ជាតារាចម្រៀងដ៏ល្បីឈ្មោះមួយរូប កាលពីទសវត្សរ៍ 80-90 គឺអ្នកនាង សក្តិ សក្ការៈបុប្ផា ដោយតារារូបនេះ ធ្លាប់ត្រូវបានគេដាក់រហស្សនាមថាជា ទិត្យ វិជ្ជរ៉ាដានី ទីពីរទៀតផង ព្រោះតែមានមុខមាត់ ស្រដៀងគ្នា»។

អ្នកស្រី ស៊ិន ឧត្តមផល្លា បានសរសេរបន្តថា «អ្នកនាង សក្កិ សក្ការៈបុប្ផា ចូលប្រឡូកក្នុងវិស័យ ឧស្សាហកម្មសម្តែងភាពយន្ត តាំងពីអ្នកនាងមានអាយុ 9ឆ្នាំ នៅក្នុងឆ្នាំ1989 ខ្សែភាពយន្តដំបូង ដែលអ្នកនាងបានសម្តែង មានចំណងជើងថា “ស្នេហាព្រហ្មលិខិត” ដោយបានថតនៅជុំរុំសាយប៊ី ផលិតឡើងនៅក្នុងឆ្នាំ1989 ដែលរឿងហ្នឹងនិយាយអំពី ជនភៀសខ្លួនរត់ឆ្លងដែន ហើយកាលណោះ អ្នកនាង សក្កិ សក្ការៈបុប្ផា ជាអ្នកសុរិន្ទ ក្រោយមកអ្នកនាងបានវិលត្រឡប់ មករស់នៅក្នុងប្រទេសកម្ពុជាវិញ នៅក្នុងឆ្នាំ1994 ខ្សែភាពយន្ត ដែលអ្នកនាងបានសម្តែងមានដូចជា រឿង ស្នេហាព្រហ្មលិខិត ថតនៅជុំរុំសាយប៊ី (1989) រឿង ម៉ាក់ថើង(1994) រឿង តេជោដំឌិន(2000) រឿង ជ្រោះស្នេហ៍ពេជ្រនិល (2002) រឿង ភូមិតិរច្ឆាន(2004) រឿង ផ្កាស្រពោន (2005) និងមានរឿងជាច្រើនទៀត ដែលអ្នកនាងបានថតឲ្យផលិតកម្មក្រៅស្រុក និងថតចម្រៀងកាយវិកា ជាច្រើនបទផងដែរ»។

អ្នកស្រី ស៊ិន ឧត្តមផល្លា បានបន្តទៀតថា «ក្រោយមក អ្នកនាងបានលាឈប់ពីការសម្តែង នៅក្នុងឆ្នាំ 2006 បច្ចុប្បន្នតារារូបនេះកំពុងតែរស់នៅ ក្នុងប្រទេសកម្ពុជា ហើយសព្វថ្ងៃនេះ អ្នកនាងមានការងារជាអ្នក បញ្ចូលសំឡេងឱ្យផលិតកម្ម BS»។ គួរបញ្ជាក់ផងដែរថា បច្ចុប្បន្ននេះអ្នកនាង សក្កិ សក្ការៈបុប្ផា មានបុត្រចំនួនបីនាក់ ដោយកូនទី1ស្រី ឈ្មោះ ហម ម៉ានិច អាយុ11ឆ្នាំ កូនទី2ប្រុស ឈ្មោះ ហម ម៉ានី អាយុ9ឆ្នាំ នឹងកូនទី3ប្រុស ឈ្មោះ ហម ម៉ារ៉ាឌី អាយុប្រមាណជិត 3 ឆ្នាំ ។

សូមទស្សនារូបភាព របស់អ្នកនាង សក្តិ សក្ការៈបុប្ផា កាលពីមុន និងរូបបច្ចុប្បន្ន ជាមួយកូនៗរបស់អ្នកនាង ដូចខាងក្រោមនេះ៖

បន្ទាប់ពីស្ងប់ស្ងាត់ពីសិល្បៈមួយរយៈ ស្រាប់តែម្ចាស់បទ«អស់ចិត្តស្រឡាញ់ហើយមែនទែន» របស់ផលិតកម្មE Nation មានដំណឹងក្លាយជាម្ចាស់ហាងយ៉ាងហ៊ឹកហ៊ាក់នៅម្ដុំភ្នំពេញថ្មី។

អ្នកនាង សុខ ហ្វីយ៉ា តារាចម្រៀងនៅក្នុងផលិតកម្ម E Nation ដែលល្បីល្បាញបទចម្រៀងនៅលើបណ្ដាញសង្គម មានចំណងជើងថា៖ «អស់ចិត្តស្រឡាញ់ហើយមែនទែន» ត្រូវបានគេកត់សម្គាល់ឃើញអ្នកនាងងាកមកបើកភោជនីយដ្ឋានមានតូបបណ្ដែតទឹក និងស្ទូចត្រី ដែលមានភ្ញៀវ និងអ្នកដំណើរចេញចូលគគ្រឹគគ្រេង មិនអន់ជាងអតីតបឹងបៃតង ដែលនៅក្បែរហាងអ្នកនាងនោះផង។ អ្នកនាងប្រកាសថាបណ្ដាលមកពីមុខជំនួញ និងជីវិតឯកជនទទួលបានផ្លែផ្កាជាងមុន ទើបសម្រេចចិត្តដកខ្លួនពីសិល្បៈ តែមិនទាន់បប្រកាសជំហរបោះបង់នោះទេ គឺរង់ចាំអោយការងារមុខជំនួញរយាលដៃសិន។

អ្នកនាង សុខ ហ្វីយ៉ា បានអះអាងថាខ្លួន និងស្វាមីបានបោះទុនប្រមាណជាង១០ម៉ឺនដុល្លារដើម្បីកសាងទីកម្សាន្ដបែបធម្មជាតិមួយនេះ។ គួរបញ្ជាក់ផងដែរថា តារាស្រីឡើងកូដរូបនេះក៏នៅទីផ្សារថតបទចម្រៀង ថតរឿង និងធ្វើពិធីការិនីល្អបប្រសើរផងដែរ ប៉ុន្តែអ្នកនាងនៅតែសម្រេចចិត្តបាត់មុខមួយរយៈសិន ដើម្បីចាប់ដៃជាមួយស្វាមីពង្រឹងជីវិតនិងមុខជំនួញមួយរយៈ។ អ្នកនាងប្រកាសថា សិល្បៈ នៅតែស្រឡាញ់ ប៉ុន្តែអ្នកនាងក៏មិនអាចបោះបង់មុខជំនួញធ្វើឱ្យស្វាមីអន់ចិត្តបានទេ ពោលគឺអ្នកនាងនឹងឆ្លៀតពេលបង្ហាញមុខម្ដងម្កាល ដើម្បីកុំឱ្យមហាជនភ្លេចមុខ៕

តារាចម្រៀងស្រីសំឡេងស្រទន់ អ្នកនាង សុគន្ធ និសា បានចេញ MV បទថ្មីទៀតហើយ ដែលទទួលបានការចាប់អារម្មណ៍យ៉ាងខ្លាំង ពីសំណាក់អ្នកគាំទ្រ។ វីដេអូបទចម្រៀងចំណងជើងថា « គេម្នាក់នោះលែងដូចមុន» នេះមិនត្រឹមតែពិរោះនោះទេ ថែមទាំងបញ្ចូលការសម្តែងឈុតល្ខោនព្រះរាជទ្រព្យ ក៏ប៉ុន្ដែ បានធ្វើឱ្យមហាជនមួយចំនួនភាន់ច្រលំថា ជាឈុតល្ខោនខោលទៅវិញ ខណៈស្រពពេលដែលស្របពេលល្ខោនខោលខ្មែរ ទើបតែចុះបញ្ចីបេតិកភ័ណ្ឌវប្បធម៌អរូបិនៃមនុស្សជាតិ អង្គការយូណេស្កូ កាលពីងៃថ្ងៃទី 28 ខែវិច្ឆិកា ឆ្នាំ 2018កន្លងទៅនេះ។

សាច់រឿងនៅក្នុងចម្រៀង « គេម្នាក់នោះលែងដូចមុន» បានបង្ហាញឱ្យឃើញពីគូស្នេហ៍អ្នករបាំហ្លួងមួយគូនេះ មានសេចក្ដីស្នេហាជាមួយគ្នា ទាំងនៅលើឆាកសម្ដែង និងក្រៅឆាក ក៏ប៉ុន្ដែ ជាអកុសល ភ្លើងប្រច័ណ្ឌបានធ្វើឱ្យពួកគេយល់ច្រលំគ្នា ហើយបណ្ដាលមានការយល់ច្រលំគ្នាទៅវិញទៅមក។ ថ្វីត្បិតតែសាច់រឿងមានភាពប្លែកបន្ដិចពិតមែន តែអ្នកគាំទ្របានពោលសរសើថា តារាចម្រៀងស្រី សុគន្ធ នីសា ពិតជាមានសម្រស់ស្រស់ស្អាតខ្លាំងណាស់ ខណៈដែលបានគ្រងឈុតល្ខោនបុរាណបែបនេះ ។

ចង់ដឹងថា ផ្ទៃរឿងយ៉ាងណានោះ សូមទស្សនាវីដេអូខាងក្រោមនេះ ៖

តារាសម្តែងសាច់សខ្ចី ទេព កញ្ញា ដែលលេចធ្លោលើការសម្តែងរឿងភាគស្ថានីទូរទស្សន៍នានា ស្រាប់តែឃើញនាងលេចមុខមាត់ក្នុងចម្រៀងថ្មី ដែលច្រៀងដោយតារាយុវវ័យ អាន គុណកូឡា។ គ្រាន់ទម្លាយវីដេអូចម្រៀងនេះមិនទាន់បានប៉ុនា្មនផង ក៏កើនសន្ទុះអ្នកចូលមើលដល់ទៅរាប់សែនដងឯណោះ។

ខណៈផលិតកម្ម M បញ្ចេញវីដេអូ MVដែលមាចំណងជើងថា “Sister Brother” គេទទួលមានការគាំទ្រហួសពីការរំពឹងទុក ហើយលោក កូឡា បានបង្ហាញអារម្មណ៍រំភើបយ៉ាងខ្លាំងចំពោះការស្រឡាញ់និងគាំទ្រចំពោះបទចម្រៀងលោក។ យ៉ាងណាមិញ តារាចម្រៀងប្រុសរូបនេះ ក៏បានបង្ហោះនូវរូបភាពសកម្មភាពថតបទថ្មីបន្ដទៀត តែលោកមិនបានបញ្ជាក់ថា ជាបទអ្វីទេ។

គួរបញ្ជាក់ដែរថា កញ្ញា ទេព កញ្ញា ជាតារាសម្ដែងរួមគ្នានៅក្នុងបទចម្រៀងនេះ បានលើកឡើងថា នាងពិតជារីករាយដែលបានឆក់យកឱកាសចម្រៀងមួយបទថ្មីរបស់លោក កូឡា។ នាងរំពឹងថា បទថ្មីមួយនេះ ពិតជាទាក់ទាញបន្តទៀតលើបណ្តាញសង្គម។ជាមួយការងារមមាញឹកសិល្បៈកំពុងតែឡើងកូដ កញ្ញានៅតែព្យាយាមរិះរកចំណុចសម្តែងល្អៗឲ្យសមតាមចិត្តទៀត ក្នុងន័យកែប្រែរបៀបសម្តែងឱ្យបានកាន់តែល្អ៕

https://youtu.be/CqpyWswtQFM

អតីតបេក្ខភាព The Voice Cambodia រដូវកាលទីមួយ ហើយក៏ជាតារាចម្រៀង ដ៏មានប្រជាប្រិយភាពនៅក្នុងផលិតកម្មរស្មីហង្សមាស កញ្ញា បាន មុន្នីល័ក្ខ កំពុងតែមានភាព មមាញឹកខ្លាំងក្នុង ការងារសិល្បៈ និងមុខជំនួញរកស៊ីផ្ទាល់ខ្លួនរបស់នាង។

ជាក់ស្តែង នាពេលថ្មីៗនេះ គេបានកត់សម្គាល់ឃើញ កញ្ញា បាន មុន្នីល័ក្ខ បានអង្រួនអារម្មណ៍ អ្នកគាំទ្ររបស់នាងយ៉ាងខ្លាំង តាមរយៈការលើកយកបទចម្រៀងមួយបទមរតកដើម និងបទចម្រៀងភាសាថៃ មកCoverចម្រៀងម្តងទៀត ដោយបង្ហោះក្នុង បណ្តាញសង្គមយូធូប ដែលជាហេតុមួយធ្វើឱ្យនាងអាចរក្សាប្រជាប្រិយភាពរបស់នាងបាន និងកាន់តែខ្លាំងជាច្រៀងនៅក្នុងផលិតកម្មថែមទៀត។ សមហេតុផលដែរ អ្នកគាំទ្រជាច្រើនបានចោទការសង្ស័យថា តារាចម្រៀងស្រីដ៏មានទឹកដមមួយនេះ បានបញ្ចប់កុងត្រាជាមួយផលិតកម្ម WE ដែលនៅក្រោមទ្រនំរបស់ក្រុមហ៊ុនហង្សមាសហើយ ទើបបានជានាងចាកចេញ និងបង្ហាញបទចម្រៀងថ្មីតាមរយៈស្ទូឌីយូចម្រៀងធម្មតាទៅវិញ។

ទន្ទឹមនឹងមានការសង្ស័យនេះ អ្នកគាំទ្ររបស់កញ្ញា បាន មុន្នីល័ក្ខ នៅតែបន្ដលើកឡើងថា ខណៈបានឃើញរូបនាងចេញច្រៀងនៅខាងក្រៅផលិតកម្មបែបនេះ គេមានអារម្មណ៍រំភើបជាជាង ព្រោះកាលរូបនាងនៅច្រៀងក្នុងផលិតកម្មនោះ ពិតទៅគឺ មិនសូវមានចេញបទចម្រៀងបានច្រើនប៉ុន្មានទេ ពោលគឺរាប់ខែ រាប់ឆ្នាំទើបចេញម្ដង។ ទោះជាយ៉ាងណាក៏ដោយ កញ្ញា បាន មុន្នីល័ក្ខ នៅមិនទាន់ស្រាយបំភ្លឺរឿងនេះនៅឡើយទេ សារព័ត៌មាន ឡានរ៉ែន កំពុងព្យាយាមទាក់ទង មុន្នីល័ក្ខ នាព្រឹកនេះ។

គួរបញ្ជាក់ផងដែរថា គេមើលឃើញតារាចម្រៀងនៅផលិតកម្ម WE បានស្ពាយបង្វិចចេញពីផលិតកម្មរបស់ខ្លួនអស់មួយចំនួនហើយ នៅក្នុងនោះប្រហែលជាតារាចម្រៀងស្រីខាងលើ អាចនឹងពិចារណាទ្រនំថ្មីផ្សេងទៀត ក៏ថាបានដែរ៕

https://youtu.be/zqjuAb2xxIk

https://youtu.be/RYPr2aDHVNg

https://youtu.be/klDO8QrY1rQ