Author: អេបិល

តារាសម្ដែង ប៉ែន ចំ​រ៉ុង បានពាក់ចិញ្ចៀនសុំគូស្នេហ៏រៀបការនៅមុខចាស់ទុំ ថែមទាំងបានបញ្ចាក់ពីការត្រៀមចូលរោងការ​នៅ​ឆ្នាំ ២០១៩ ផងដែរ។ ជាងនេះទៅទៀត អនាគតភរិយារបស់ ប៉ែនចំរ៉ុង ធ្លាប់បានបង្ហើបថា លោក ប៉ែន ចំ​រ៉ុង ជាកំពូលបុរសពូកែ​យល់ចិត្តណាស់​និង​ថែមទាំង​ចេះ​ធ្វើ​ម្ហូប​សម្រាប់រូបនាង។

សូមជម្រាបថា គូរស្នេហ៏របស់ប៉ែន ចំរ៉ុង ត្រូវបានគេ​ស្គាល់​ថា​ជា​អ្នកស្រីអ្នក​ខេត្តបាត់ដំបង មានរូបសម្រស់ស្រស់សោភាមិនចាញ់តារាសម្ដែងស្រីប៉ុន្មាននោះទេ ហើយពួកគេតែងតែសម្ញែងភាពផ្អែមល្ហែមនៅលើបណ្ដាញសង្គមហ្វេសមិនដែលដាច់ឡើយ។ ព្រោះតែស្អិតដូចស្ករតាំងម៉ែបែបនេះ បានជាភរិយលោក ចំរ៉ុង រៀបរាប់ថា៖ «​អរគុណ​រឿង​ល្អ​ និង ​រឿង​អាក្រក់​ទាំង ឡាយ​ដែល​បង្រៀន​ឱ្យ​ខ្ញុំ​រឹងមាំ​និង​ដើរ​ដល់​ផ្លូវ​មួយ​នេះ​។ មនុស្ស​ម្នាក់​មិនអាច​តម្រូវ​មនុស្ស​រាប់រយ​នាក់​បានទេ​ កុំ​ហាម​មាត់​គេ ​សំខាន់​យើង​ធ្វើឱ្យ​ល្អ​និង​មាន​សេចក្តីសុខ​សម្រាប់​ខ្លួនឯង​ទៅបាន​ហើយ អាក្រក់​ក្នុង​ក្រសែភ្នែក​អ្នក​ដ៏​ទៃ​ដែល​គេ​ចេះតែ​វាយតម្លៃ​ តែ​ជាម​នុស្ស​ល្អ​សម្រាប់​ខ្ញុំ »​។

មិនតែប៉ុនហ្នឹងទេ គូស្នេហ៍ ប៉ែ​ន ចំ​រ៉ុង ថែមទាំង​ប្រកាសថា ​មាន​ក្តី​សុខ​ខ្លាំងណាស់​ដែលមាន​លោក ប៉ែន ចំ​រ៉ុង ជា​ប្តី។ ខណះនោះដែរមានអ្នកគាំទ្រជាច្រើននាក់ជូនពរគូស្នេហ៍សិល្បៈមួយគូនេះ នឹងរំពឹងថាពួកគេទាំងពីស្រលាញ់គ្នារហូតដល់ចាស់កោងខ្នង៕

ដោយសង្កេតឃើញ នាយ សង់ សេត និងកញ្ញា សុន ស្រីពេជ្រ បានសម្រេចចិត្តប្រកាសលក់ផ្ទះ ដើម្បីព្យាបាលជំងឺ លោកតា សង់ ស៊ីស ដែលកំពុងធ្លាក់ខ្លួនឈឺឡើងស្គមដោយជំងឺលើសឈាមនិងត្រូវទិញថ្នាំសំរាប់ព្យាបាលជំងីជាប្រចាំផងដែរ។

តារាចម្រៀងសុន ស្រីពេជ្រ បានបង្ហោះសារថា «ពុកខ្ញុំស្គមណាស់ ប្អូនផ្ញើររូបម្សិលមិញឱ្យមើលប្រាប់ថាគាត់រាល់ថ្ងៃដើរបេះតែស្លឹកបាស់និងផ្ទីស្ងោរពិសារសឹងរាល់ថ្ងៃពេលខ្លះគ្មានទាំងសាច់ពិសារផង ទឹកភ្នែកកូនហូរឥតឈប់ពេលឃើញរូបនឹង»។ ក្រោយពីបានបង្ហោះសារនិងរូប មហាជនជាច្រើនមានអារម្មណ៍ក្ដុកក្ដួល និងជូនពរលោកតាឱ្យឆាប់ជាសះស្បើយ។

ហើយនៅពេលថ្មីនេះទៀតសោត តារាចម្រៀងនៅផលិតថោនកញ្ញា ឈិត សុវណ្ណបញ្ញា ក៏មានចិត្តអាណិតដល់រូបលោកតាបានឧបត្ថម្ភជូនជាថវិកាមួយចំនួន ដើម្បីជួយសំរួលបន្ទុកខ្លះដល់ សុន ស្រីពេជ្រ ដែលកំពុងតែខ្វះខាត់ថវិការដើម្បីព្យាបាលជម្ងឺឳពុកផងដែរ។ ក្នុងនោះដែរ សុន ស្រីពេជ្របានបង្ហោះដោយចេញពិចឹត្តក្នុងបណ្ដាញហ្វេសប៊ុកថា « បងសូមថ្លែងអំណរគុណដល់ប្អូនស្រី ឈិត សុវណ្ណបញ្ញា ដែលអាណិតអាសូរនិងបានជួយឧបត្ថម្ភថវិកាចំនួន 100ដុល្លារអាមេរិក ដល់លោកពុកបង កំពុងមានជំងឺសព្វថ្ងៃ។ សូមទេវត្តាទិសទាំងប្រាំបីជួយបីបាច់ថែរក្សាអូនឱ្យមានសុខភាពល្អ កាន់តែទទួលបាននូវការគាំទ្រពីទស្សនិកជនកាន់តែច្រើន ការងាររីកចំរើន ពិសេសសម្រស់ស្រស់ស្អាតនិងជៀសផុតពីជំងឺផ្សេងៗ»៕

តាមរយៈទំព័រកម្សាន្ដបរទេស Angelopedia បានឱ្យដឹងថា ការប្រកួត Preliminary Competition ក្នុងកម្មវិធី Miss Universe 2018 បានប្រព្រឹត្តទៅនៅយប់ថ្ងៃទី13​ ខែធ្នូ ឆ្នាំ2018នេះ IMPACT Arena ក្រុងបាងកក ប្រទេសថៃ ដោយវគ្គនេះបេក្ខភាពបវកញ្ញាតំណាងជាតិនីមួយៗ ត្រូវប្រកួត 2វិញ្ញាសា គឺរ៉ូបរាត្រីសមោលសរ និង ឈុតហែលទឹក។ ពិន្ទុដែលបានពីការប្រកួតដ៏សំខាន់នេះ នឹងបូកជាមួយពិន្ទុវគ្គសម្ភាសន៍ ដើម្បីសម្រេចថាបេក្ខនារីរូបណានឹងឆ្លងទៅកាន់ Top20 នៅរាត្រីផ្ដាច់ព្រ័ត្រ ដែលបញ្ចប់នៅថ្ងៃអាទិត្យ ទី 15 ខាងមុខនេះ។

អ្វីដែលធ្វើឱ្យចាប់អារម្មណ៍ក្នុងវគ្គ Preliminary Competition នេះ យើងសង្កេតឃើញបវរកញ្ញានីមួយៗបានរំលេចសម្រស់ក្នុងឈុតរាត្រីសមោសរប្រណីតៗ គួរជាទីទាក់ភ្នែក ជាពិសេសគឺបវរកញ្ញាកម្ពុជា កញ្ញា រឿន ណាត​ តែម្ដង។ ជាក់ស្ដែង កញ្ញា រឿន ណាត បានបង្ហាញវត្តមាននៅលើឆាក គ្រងដោយឈុតរាត្រីពណ៌ក្រហមកុលាប បញ្ចេញកាយវិការដើរល្វតល្វន់ ប្រកបដោយភាពជឿជាក់ គួរឱ្យមោទកភាពជាទីបំផុត។ ដើម្បីជ្រាបកាន់តែច្បាស់ថាតើបវរកញ្ញាចក្រវាលកម្ពុជា 2018 រឿន ណាត នឹងស្លៀករ៉ូបរាត្រីសមោលសរបែបណា នឹងដើរស្អាតយ៉ាងណា សូមទស្សនារូបភាព និងវីដេអូខាងក្រោម៖

តាមរយៈទំព័រក្រសួងវប្បធម៌ និងវិចិត្រសិល្បៈបាន​​ឱ្យដឹងថា កាលពីពេលថ្មីៗនេះ នៅសារមន្ទីរជាតិ មានការប្រារព្ធពិធីប្រគល់-ទទួលផ្ទាំងគំនូរ “ទេសភាពមាត់សមុទ្រ” មួយផ្ទាំង រវាងក្រុមប្រឹក្សាធម្មនុញ្ញ និងក្រសួងវប្បធម៌និងវិចិត្រសិល្ប: ក្នុងគោលបំណងចុះបញ្ជីរក្សាទុកជាសម្បត្តិបេតិកភណ្ឌជាតិ។ ពិធីនេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ឯកឧត្តម អ៊ឹម ឈុនលឹម ប្រធានក្រុមប្រឹក្សាធម្មនុញ្ញ និងលោកជំទាវ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្ប:។

ផ្ទាំងគំនូរមួយផ្ទាំងដែលនិយាយពីទេសភាពមាត់សមុទ្រនេះ ជាស្នាដៃដ៏វិសេសមួយរបស់លោក ញឹក ឌឹម ដែលជាវិចិត្រករខ្មែរដ៏ល្បីល្បាញ នាសម័យសង្គមរាស្ត្រនិយម ដែលត្រូវបានគេដាក់តាំងលម្អនៅក្នុងអគារ«ស»នៃវិមានរដ្ឋចំការមន អតីតព្រះរាជដំណាក់នៃព្រះករុណា ព្រះបាទ សម្តេច ព្រះ នរោត្តម សីហនុ«ព្រះបរមរតនកោដ្ឋ»និង សម្តេចព្រះមហាក្សត្រីយ៍ នរោត្តម មុនីនាថ សីហនុ។ ចាប់ពីឆ្នាំ 1998 មក អគារនេះ ត្រូវបានប្រើប្រាស់ជាទីស្នាក់ការនៃក្រុមប្រឹក្សាធម្មនុញ្ញ ហើយគំនូរនេះ ក៏ត្រូវបានរក្សា និង ដាក់តាំងនៅទីនេះបន្តរហូតមក ។

ឥឡូវនេះ ផ្ទាំងគំនូរមួយផ្ទាំងនេះ ត្រូវបានធ្វើពិធីចុះហត្ថលេខាប្រគល់ និង ទទួល ដើម្បីរក្សាទុកជាសម្បត្តិបេតិកភណ្ឌជាតិ ។ ផ្ទាំងគំនូរ ដែលជាស្នាដៃដ៏វិសេសមួយរបស់លោក ញឹក ឌឹម ដែលជាវិចិត្រករខ្មែរដ៏ល្បីល្បាញ នាសម័យសង្គមរាស្ត្រនិយមនោះ ត្រូវបានយកទៅរក្សាទុកនៅសារមន្ទីរជាតិ ដើម្បីទុកសម្រាប់ឱ្យភ្ញៀវទេសចរជាតិ និង អន្តរជាតិបានទស្សនា៕

តារាសម្ដែង អឹម ជីវ៉ា ជួបគ្រោះធំក្រឡាប់ឡានកាលពីរាត្រីថ្ងៃទី 13 ខែធ្នូ ឆ្នាំ 2018 ម្ដុំចំណុចផ្លូវស្រែអំបិលឆ្ពោះទៅកោះកុង ខណៈដែលទៅចូលរួមសម្ដែងក្នុងកម្មពិធីបុណ្យសមុទ្រនាខេត្តកោះកុង ។

តារាចម្រៀង និងសម្ដែង អឹម ជីវ៉ា បានបញ្ជាក់នៅលើហ្វេសប៊ុកលោកថា « បងប្អូនអើយពេលនេះខ្ញុំមានបញ្ហាធំហើយ ឡានខ្ញុំជួបញ្ហាគ្រោះថ្នាក់ចររាចរណ៍ ក្រឡាប់ឡាននៅស្រុកស្រែអំបិល ពេលធ្វើដំណើរ ទៅចូលរួមបុណ្យសមុទ្រនៅខេត្តកោះកុង បណ្តាលឱ្យមានមនុស្សស្លាប់ម្នាក់តើខ្ញុំបាទនិងក្រុមការងារបួនាកទៀតមិនអីទេ។ លើកទីមួយហើយខ្ញុំជួបរៀងរន្ធត់បែបនេះ ព្រះអើយជួយខ្ញុំផង ខ្ញុំមានឡានតែមួយគ្រឿងនិងទេទុកសំរាប់ទៅណាមកណាពេលនេះជាពិសេសកម្មវិធីសិល្បៈពេលនេះចប់ហើយ»។

គួររំឭកផងដែរ​ថា កាលពីពេលកន្លងទៅ លោក អឹម ជីវ៉ា ធ្លាប់បានបញ្ជាក់ប្រាប់អ្នកសារព័ត៌មានថា លោកនឹងមិនជាន់ទឹកដីកោះកុងនោះទេ ដោយមិនបានប្រាប់មូលហេតុជាក់លាក់ ឬមួយក៏លោកមានជាប់មាត់ក៏អ្វីមួយ ក៏អាចថា​បានផងដែរ៕

ពិតជាធ្វើឱ្យភ្ញាក់ផ្អើល និងនឹកស្មានមិនដល់ចំពោះអតីតម្ចាស់ពានរង្វាន់ The Voice Cambodia រដូវកាលទី1 គឺលោក ប៊ុត សីហា បានចេញវីដេអូហែកហួរអ្នកជួយជ្រោមជ្រែងលោកក្រោយផ្ទុះរឿងអាស្រូវពាក់ព័ន្ធជាមួយគ្រឿងញៀនពេលថ្មីៗកន្លង ដែលគេបានស្គាល់ថា ជាបងធម៌របស់ សីហា ថែមទៀត។

លោក ប៊ុត សីហា គឺជាអតីតម្ចាស់ពានរង្វាន់ The Voice Cambodia រដូវកាលទី1 បើទោះជាមានបញ្ហាជាបន្តបន្ទាប់យ៉ាងណាក្តី ប៉ុន្តែលោកនៅតែទទួលបានការគាំទ្រយ៉ាងខ្លាំង នៅពេលដែលលោកបានចេញបទចម្រៀងថ្មីម្តងៗ បើទោះជាលោកគ្មានផលិតកម្មក្នុងស្រុកណាត្រូវការក៏ដោយ។ ក្រោយពីលោក បានចាកចេញពីហង្សមាស ហើយមកចូលរួម្នុងផលិតកម្ម មរតក មេឌៀ ដែលបានធ្វើឱ្យលោកមានប្រជាប្រិយជាខ្លាំង តាមរយៈបទមួយដែលមានចំណងជើងថា«គ្មានអ្នកណាកែប្រែចិត្តបងទេ» ដែលមានការជួយចូកជួយចែវពីសំណាក់លោក សុខ លីម​រក្សា ។

ជាមួយគ្នានេះ ស្រាប់តែថ្មីនេះតារាចម្រៀងធ្លាប់មានប្រវត្តិពាក់ព័ន្ធជាមួយគ្រឿងញៀនរូបនេះ បានចេញមុខបកអាក្រាតលោក សុខ លីម​រក្សា ដែលគេដឹងថាជាអ្នកជួយជ្រោមជ្រែងលោក។ តាមរយៈវីដេអូ លោកប៊ុត សីហា បាននិយាយថា លោកលីម​រក្សា ជាមនុស្សចរិកស្រី ហៅលោកទៅថត តែមិនដែលបានលុយទេ មានតែអស់លុយថែម ហើយដោយសារតែសម្តីរបស់លោក លីម​រក្សា បានជាលោកមិនរកផលិតកម្មផ្សេង ហើយនៅជួយមរតក មេឌៀ ឱ្យក្លាយជាផលិតកម្មមួយ។

លោកប៊ុត សីហា ក៏បានអះអាងទៀតថា លោកផ្តាំទៅលោកលឹមរក្សាឱ្យចូលខ្លួនមកនិយាយគ្នា។ ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោមនេះ ៖

កន្លងមក​មាន​ព័ត៌មាន​ជា​ហូរហែយ៉ាងរសើបថា​​តន្ត្រីករ​ មេក្រុម​ចចក​សមុទ្រ គឺ​ជា​គូ​ស្នេហា​​តារា​ចម្រៀង​ហង្ស​មាស សុខ ស៊ីឡាលីន បាន​មួយ​រយៈ ក្រោយ​មក​​​​ក៏​ស្រាប់​តែ​ផ្ទុះ​ព័ត៌មាន​ថា​ស្នេហា​អ្នក​ទាំង​ពីរ​បាន​ដើរ​ដល់​ផ្លូវ​បញ្ចប់​ទើប​​ពេល​នេះ​លោក ចូល​រោង​ការ​ជាមួយ​​នារី​ផ្សេង​ដែល​​មិន​មែន​ជា សុខ ស៊ីឡាលីន ទៅវិញ។

ក្នុង​ពិធី​មង្គល​ការ​មេក្រុម​ចចក​សមុទ្រ​​ កាល​​ពី​យប់​​មិញ​នៅ​ភោជនដ្ឋាន​ទន្លេ​បាសាក់​2​ក្បាល​ថ្នល់​មាន​ការ​ចូល​រួម​យ៉ាង​ច្រើន​កុះ​ករ​ពី​​តារា​ល្បី​ៗ​ តែ​មិន​ឃើញ​មាន​វត្ត​មាន​តារា​ចម្រៀង​ សុខ ស៊ីឡាលីន ត្រូវ​ជា​អតីត​ជា​គូស្នេហ៍​មក​ចូល​រួម​ឡើយ។
​​​​
សូមជម្រាបថា មេក្រុម​​ចចក​សមុទ្រ​មាន​ឈ្មោះ​ពិត អ៊ុក មិនណារិទ្ធ បាន​រៀប​ការ​ជា​មួយ​កូន​ក្រមុំ​ លឹម ហួរ ដោយ​ពន្លក​ស្នេហ៍​មួយ​នេះ​បាន​ចាប់​ផ្ដើម​ឡើង​​អស់​រយៈ​ពេល​យូរ​ឆ្នាំ​ដែរ​ហើយ​មុន​អ្នក​​ទាំងពីរ​សម្រេច​ចិត្ត​ចូល​រោង​ការ​​បញ្ចប់​ភាព​នៅ​លីវ​ក្រោម​មេបា​ចាស់​ទុំ​ទាំង​ទ្វេ​ចូល​រួម​ដឹង​ឮ៕​​​