Author: អេបិល

ជាការកត់សម្គាល់ឃើញថា អ្នកគាំទ្រ និងតារាសិល្បៈចេញមតិប្រិតកម្មអន្ដរាគមន៍រកយុត្តិធម៌ឱ្យតារាចម្រៀង ទេព បូព្រឹក្ស ក្រោយកើតហេតុការណ៍ត្រូវបុរសម្នាក់ គប់នឹងកំប៉ុងស្រាបៀនៅចំពោះមុខភ្ញៀវជាច្រើនក្នុងហាង «សមុទ្រ» ខណៈពេលនាងកំពុងច្រៀងលើឆាក ដោយមិនដឹងមូលហេតុច្បាស់លាស់។ ស្របជាមួយគ្នានោះដែរ នៅលើបណ្ដាញសង្គមហ្វេសប៊ុក ត្រូវបានគេដឹងថា កញ្ញា បូព្រឹក្ស បានកើតទុក្ខមិនសុខចិត្ត ដោយបាន Live វីដេអូយំសស្រាក់ សុំអន្តរាគមន៍ពីមជ្ឈដ្ឋាននានា ដើម្បីរកយុតិ្តធម៌ និងលុបលាងការអាម៉ាស់របស់នាងវិញ។

ថ្មីៗនេះដែរ យាយខ្លា ដែលគេស្គាល់ថា ជាអ្នកលេងបណ្ដាញសង្គម និងនិយមសម្ដែងរឿងកំប្លែងខ្លីៗឱ្យមហាជនបានផ្ទុះសំណើចកម្សាន្ដនោះ ស្រាប់តែចេញបទចម្រៀងដោយខ្លួនឯង ដោយដាក់ចំណងជើងថា « សម្រួលឬមិនសម្រួល? បើមិនសម្រួលចេញ »​ ដើម្បីជាការលើកទឹកចិត្តដល់ កញ្ញា ទេព បូព្រឹក្ស ។ តារាលើបណ្ដាញសង្គមរូបនេះ រៀបរាប់ថា «ក្នុងនាមយាយខ្លាជាអ្នកសិល្បៈចម្រៀងមួយរូបនិងជាពលរដ្ឋខ្មែរម្នាក់ យាយមានការឈឺចាប់ និងអាណិតអាសូរចំពោះការប្រមាថមើលងាយមកលើតារាចម្រៀងខ្មែរអ្នកនាង ទេព បូព្រឹក្ស ដែលជាស្ត្រីខ្មែរមួយរូប កាលពីថ្មីៗពេលកន្លងទៅនេះ ។ ទង្វើនេះជាអំពើហឹង្សាប្រមាថដល់ស្ត្រី មិនស្គាល់ច្បាប់ទម្លាប់ និងមើលងាយអ្នកសិល្បៈខ្មែរយ៉ាងខ្លាំង ។ ដើម្បីរកយុត្តិធម៌ និងកុំឲ្យថ្ងៃក្រោយកើតមានបញ្ហាអសីលធម៌បែបនេះបន្តទៀត យាយខ្លាបានសរសេរបទចម្រៀងមួយបទថតភ្លាមៗតែម្តង»។

សូមជម្រាបផងដែរថា កញ្ញា ទេព បូព្រឹក្ស បានដាក់បណ្ដឹងប្ដឹងទារជំងឹចិត្តចំនួន10ម៉ឺនដុល្លារ ដោយកញ្ញាប្រកាសថាថវិកាដែលទទួលបាននឹងយកទៅជួយកុមារកំព្រា និងមណ្ឌលចាស់ជរាទាំងអស់។ ប៉ុន្តែគេមិនដឹងថាលទ្ធផលបណ្ដឹងរបស់នាងនឹងយ៉ាងណាទេ ដោយសារវីដេអូ និងរូបភាពក្នុងកាមេរ៉ានៅក្នុងហាងត្រូវបានបំផ្លាញដែលហាក់ដូចជាមានចេតនាបិទរឿង ហើយភាគីម្ចាស់ហាង និងអ្នកពាក់ព័ន្ធនៅមិនទាន់មានការទទួលខុសត្រូវកម្រិតណានៅឡើយ៕

កាលពីពេលថ្មីៗនេះ ទស្សនិកជន មានការភ្ញាក់ផ្អើល ក៏ដូចជាចាប់អារម្មណ៍យ៉ាងខ្លាំង ដោយតារាចម្រៀងប្រុស ក្នុងផលិតកម្មរស្មីហង្សមាស លោក នៅ ស៊ីនឿន បានបង្ហាញគូស្នេហ៍ និងប្រកាសថ្ងៃភ្ជាប់ពាក្យ។ ជាក់ស្ដែងនៅព្រឹកនេះ លោកនៅ ស៊ីនឿន ដែលជាតារាចម្រៀងប្រចាំផលិតកម្មហង្សមាស បានចូលរោងភ្ជាប់ពាក្យហើយ។

បើតាមការបង្ហោះនៅលើបណ្ដាញសង្កមហ្វេសប៊ុកគេមើលឃើញថា នៅក្នុងពិធីភ្ជាប់ពាក្យនោះ តារាចម្រៀង នៅ ស៊ីនឿន និងគូដណ្តឹង បានស្លៀកពាក់ឈុតប្រពៃណីយ៉ាងស្រស់ស្អាតហើយស័ក្តិសមខ្លាំងណាស់ ហើយបានឈរញញឹមទទួលភ្ញៀវដែលចូលរួមពិធីយ៉ាងរួសរាយរាក់ទាក់។ មានការលើកឡើងថា គូស្នេហ៍របស់លោក នៅ ស៊ីនឿន ពិតជាមានសម្រស់ស្អាតស្អាតខ្លាំងណាស់ ថែមទាំងធ្វើឱ្យមហាជន និងអ្នកគាំទ្រ របស់លោក នៅ ស៊ីនឿន ជាច្រើនបានចូលរួមអបអរសាទរ ដល់លោក នឹងគូស្នេហ៍ ស្រលាញ់គ្នា និងរស់នៅប្រកបដោយក្ដីសុខ សុភមង្គល ផងដែរ៕

តារាកំប្លែងដ៏មានប្រជាប្រិយភាព ប្រចាំប្រទេសថៃ លោកកូទី បានមកដល់ប្រទេសកម្ពុជាជាលើកទីពីរដើម្បីថតស្ពតពាណិជ្ជកម្មមួយក្រោយនិយាយត្រូវរ៉ូវគ្នា។ តារាកំប្លែងរូបនេះ បានធ្វើដំណើរមកកាន់កម្ពុជា ជាមួយនិង យាយគ្រវីសក់ កាលពីថ្ងៃទី ២១ ខែធ្នូ នេះ។

លោកកូទី បានឱ្យអ្នកយកព័ត៌មានយើងដឹងថា លោកមានភាពសុខសប្បាយហើយមានការនឹករឭកដល់អ្នកគាំទ្រខាងកម្ពុជា។នេះជាលើកទី២មកដល់ភ្នំពេញ។ លោកមកលើកនេះដើម្បីថតស្ពតពាណិជ្ជកម្មឱ្យភេសជ្ជៈ លើសពីនេះលោកសប្បាយចិត្តបានសម្តែងរួមការងារជាមួយនាយគ្រឿនជាតារាកំប្លែងនៅកម្ពុជា។ កូទី បន្ថែមថា មុន​ឈាន​ជើង​ចូល​ទឹក​ដី​ភ្នំពេញ​ កន្លង​មក​លោក​ធ្លាប់​គិត​ថា កម្ពុជា​គឺ​ជា​ប្រទេស​មួយ​មាន​ការ​រីក​ចំរើន​បែប​​​​លក្ខណៈ​សម័យ​​បុរាណ​ព្រោះ​ជា​ទឹក​ដី​អង្គរ។ តែ​អ្វី​ដែល​លោក គិត​និង​ស្រមើល​ស្រម៉ៃ​ខុស​​​ហួស​ពី​​ការ​ស្មាន​ដោយ​សារ​តែ​ប្រទេស​អច្ឆរិយ​មួយ​នេះ​​មាន​ភាព​ជឿន​លឿន​មិន​ខុស​ពី​ប្រទេស​​​​ដែល​នៅ​​ជិត​ខាង​ឡើយ។

លោកបញ្ជាក់ថា ពេល​ខ្ញុំ​ចុះ​ពី​លើ​យន្ត​ហោះ​ភ្លាម​ ខ្ញុំ​មាន​អារម្មណ៍​ភ្ញាក់​ផ្អើល​ខ្លាំង​ណាស់​ ព្រោះ​មិន​នឹក​ស្មាន​ថា​កម្ពុជា​រីក​ចំរើន​ហើយ​មាន​អគារ​ខ្ពស់​ស្កឹមស្កៃ​​​ដូច្នេះ​នោះ​ទេ។ ឯ​ផ្សារ​ទំនើប​ក៏​ច្រើន​​គ្រប់​យ៉ាង​គឺ​ខុស​ពី​ខ្ញុំ​គិត​ទាំង​អស់។ បើតាមការបញ្ជាក់យាយគ្រីវីសក់ថា នឹងជួបគ្នាម្ដងទៀតជាមួយ តារាកំប្លែង កូទី ដែលគ្រោងត្រៀមបង្ហាញខ្លួន ក្រវីសក់ជាមួយគ្នា នៅថ្ងៃសម្ពោធរឿង « ខ្មោចត្រឡោកបែក » នៅក្នុងប្រទេសកម្ពុជា នាពេលឆាប់ៗខាងមុខនេះ៕

នៅពេលថ្មីៗនេះ យាយគ្រវីសក់ ដែលមានឈ្មោះពិតថា ស៊ិតាង បួថង បានធ្វើដំណើរមកកាន់ប្រទេសកម្ពុជា ក្នុងគោលបំណងជួបអ្នកគាំទ្រកម្ពុជា និងបង្ហាញការសម្ដែងក្រវីសក់នៅលើឆាកតន្ត្រី ទាំងក្នុងរាជធានីភ្នំពេញ និងខេត្តសៀមរាប។ ការសម្ដែងរបស់ ណេតអាយដល ( Net Idol ) រូបនេះ បានបញ្ចប់ដោយរលូន ថែមទាំងទទួលបានការគាំទ្រយ៉ាងកក់ក្ដៅ ពីបណ្ដាអ្នកគាំទ្រកម្ពុជា រហូតធ្វើឱ្យ យាយគ្រវីសក់ រំភើបឥតឧបមា។

តាមរយៈវីដេអូដែលយាយគ្រវីសក់ បានធ្វើការឡាយនៅលើបណ្ដាញសង្គមហ្វេសប៊ុកនៅពេលមុននេះបន្ដិចបានឱ្យដឹងថា គាត់ពិតជាមានសេចក្ដីរំភើប ដែលទទួលបានក្ដីស្រឡាញ់ និងការគាំទ្រចំពោះដំណើរមកកាន់កម្ពុជានៅលើដំបូងនេះ។ រឿងដែលមិននឹកស្ថានដល់នោះគឺ ប្រទេសកម្ពុជា ជាប្រទេសដែលមានសក្ដានុពលខ្លាំងនៅក្នុងចំណោមប្រទេសអាស៊ាន ពោលគឺ សេដ្ឋកិច្ចប្រទេសនេះរីកចម្រើនខ្លាំងណាស់ ធ្វើឱ្យនឹកស្មានមិនដល់ថា មកកាន់កម្ពុជា ហាក់បីដូចជានៅប្រទេសថៃដែរ។ មានទាំងអាគារខ្ពស់ និងស្ថាបត្យកម្មទំនើបៗ ដែលប្រទេសជិតខាងគួរឱ្យភ្ញាក់រឭកថា បើខ្លួនមិនប្រញាប់ក្រោកឡើងទេនោះ កម្ពុជា គឺជាប្រទេសដែលខ្លាំងសេដ្ឋកិច្ចមួយគួរឱ្យកត់សម្គាល់ហើយ។

យាយ ស៊ិតាង បួថង បានបញ្ជាក់ទៀតថា កម្ពុជា មានប្រាសាទអង្គរវត្តដ៏អស្ចារ្យ ដូចជាព្រះមហារាជវាំងមួយ ដែលកាត់ថ្លៃមិនបាន សូម្បីតែព្រះបរម្យរាជវាំងកម្ពុជា និងស្ថាបត្យកម្មមួយចំនួនរបស់កម្ពុជា មានភាពប្រហាក់ប្រហែល និងស្រដៀងទៅនឹងស្ថាបត្យកម្មប្រទេសថៃ បើទោះបីជា ព្រះទីន័ងក៏ដូចគ្នាផងដែរ។ អ្វីដែលគាត់បានកត់សម្គាល់ភាពស្រដៀងគ្នាមួយទៀតនោះគឺ ជហ្វា របស់ខ្មែរ ក៏មានលក្ខណៈស្រដៀងនិងប្រទេសថៃដែល នោះអាចបញ្ជាក់បានថា ព្រះមហាក្សត្រនៃប្រទេសទាំងពីរ មានសម្ព័ន្ធភាពល្អនឹងគ្នាណាស់។

យាយគ្រវីសក់ លើកឡើងជាចុងក្រោយនៃវីដេអូរបស់គាត់ថា ប្រទេសកម្ពុជា ជាប្រទេសដែលគួរឱ្យស្រឡាញ់ ទាំងអ្នកគាំទ្រ និងប្រជាជនទាំងអស់ សូម្បីតែក្រុមការងារ មានភាពរួសរាយរាក់ទាក់ មានស្នាមញញឹមគ្រប់ពេលវេលា ។ គាត់ថា កម្ពុជា ស្ថិតក្នុងបេះដូងរបស់គាត់ និងចង់រស់នៅបំផុត។

ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោមនេះ ៖

នៅលើបណ្ដាញសង្គមអ៊ីនស្ដាក្រាមពេលថ្មីៗនេះ លោក​ សុវត្ថិ មុនីនាគ ដែលេប្រិយមិត្តស្គាល់ថា ជាកូនប្រុសទី 2 របស់កំពុងតារាចម្រៀង ព្រាប សុវត្ថិ បានធ្វើឱ្យមហាជនភ្ញាក់យ៉ាងខ្លាំង ដោយបានបង្ហោះរូបភាពជាច្រើនសន្លឹក គេមើលឃើញថាជា រថយន្តស៊េរីថ្មី និងប្រណីតថែមទៀតផង។ ជាងនេះទៅទៀតនោះ រថយន្ដប្រណីតនោះត្រូវបានគេដឹងថា មានតម្លែខ្ទងម៉ឺនដុល្លារ និងគេសង្ស័យថា ជាប្រគល់ជូនពីសំណាក់ឪពុករបស់តារាចម្រៀងប្រុសរូបនេះ។

តែយ៉ាងណាមិញ មានការទម្លាយពីអ្នកគាំទ្រម្នាក់ឱ្យដឹងថា រថយន្ដតម្លៃខ្ទង់ម៉ឺនដុល្លារនោះ ពុំមែនជារថយន្ដរបស់លោកនោះទេ ពោលគឺគ្រាន់តែជារថយន្ដសម្រាប់់សម្ដែងនៅក្នុងអឹមវីចម្រៀងថ្មីរបស់លោក ដែលបានបញ្ចេញនាពេលថ្មីៗនេះ។ ងាកមកមើលសាររបស់លោក សុវត្ថិ មុនីនាគ វិញ បានរៀបរាប់ឱ្យដឹងដែរថា « ស្នេហ៍ដំបូងរបស់បង វាបានធ្វើឱ្យបងបង្កើតស្នាមញញឹមគ្រប់ទីកន្លែង ហើយគ្មានអ្នកណាម្នាក់ចង់បាត់បង់វាឡើយ។ នៅពេលដែលអូនចាកចេញទៅ ទីកន្លែងដែលបងធ្លាប់ទៅ ក្លាយជាព័ណ៌ខ្មៅ សម្រាប់បង»។ តារាចម្រៀងប្រុសរូបសង្ហានេះបញ្ជាក់ថា « រឿងរ៉ាវទាំងអស់នេះ នឹងបង្ហាញជូន នៅក្នុងបទចម្រៀងមួយបទ មានចំណងជើងថា « គ្មានថ្ងៃភ្លេចអូន » ជាស្នាដៃខ្ញុំបាទនិពន្ធផ្ទាល់»។

ដូចដែលបានលើកឡើងខាងលើអ៊ីចឹង នោះគ្រាន់តែជាឈុតឆាកខ្លីមួយនៅក្នុងការសម្ដែងអឹមវីតែប៉ុណ្ណោះ សូមកុំភ្លេចតាមដានទស្សនាទាំងអស់គ្នា ៖

តាមរយៈការចេញផ្សាយរបស់សារព័ត៌មានក្នុងស្រុកមួយបានឱ្យដឹងថា ​មានការ​បើក​​​​ប្រ​តិ​បត្ត​ការ​បង្ក្រាបដ៏ក្តៅគគុក លើ​ករណីជួញ​ដូរនិងរក្សាទុកគ្រឿងញៀនមួយ​ បាន​ឃាត់ខ្លួន​ជនសង្ស័យ​ប្រុស​-ស្រីចំនួន​4នាក់​ កាល​ពី​វេលាម៉ោង​​2 និង​20ចូល​ថ្ងៃ​ទី​19 ខែធ្នូ ​ម្សិលមិញនេះ ស្ថិត​នៅ​​ម​ជ្ឈ​មណ្ឌល​​កម្សាន្ត​រ៉ុ​ក ក្នុង​​សង្កាត់​ទន្លេបាសាក់ ខណ្ឌ​ចំការ​មន រាជធានី​ភ្នំពេញ ដោយ​​កម្លាំង​សមត្ថ​​កិច្ច​នគរ​បាល​​កា​រិ​យា​ល័​ទី​6​នៃ​មន្ទីរ​ប្រឆាំង​គ្រឿងញៀន ​​ ។

​អ្វី​ដែល​ភ្ញាក់​​ផ្អើល​​បំផុត គឺ​​ជន​សង្ស័យ​ម្នាក់ក្នុងចំណោម​4នាក់នេះ គឺ​​ជា​ពិធីករ​ទូរទស្សន៍ល្បី​ម្នាក់ ​​និង​ដក​ហូត​​​បាន​​​ថ្នាំ​ញៀន​បា​ន​ជាង​​​1គីឡូក្រាម ។

សេចក្តីរាយការណ៍បន្តថា ជនសង្ស័យ​ទាំង​4នាក់ 1-​ឈ្មោះ ហែម បូ​រិ​ទ្ធ ភេទ​ប្រុស អាយុ​៣៣​ឆ្នាំ ជា​​​ពិធីករ​ទូរ​ទស្សន៍ (ឌីជេឡាយអិន) ស្នាក់​នៅផ្ទះ​លេខ63 ផ្លូវ​សុធារស សង្កាត់​ទន្លេបាសាក់ ខណ្ឌចំការមន ។ ប្រភពបន្តថា ជាមួយ​​ការ​ឃាត់ខ្លួន​ជនសង្ស័យ​ទាំង​4​នាក់​ សមត្ថ​កិច្ច​​​ដកហូត​វត្ថុ​តាង​នៅ ​ក្នុង​បន្ទប់​​108 ក្នុងម​ជ្ឍ​មណ្ឌល​កម្សាន្ត​រ៉ុ​ក រួម​មាន​ 1-ថ្នាំ​មេតំ​ហ្វេ​តា​មីន​(ICE)​ទម្ងន់374.39​ក្រាម 2-​សារធាតុ​ញៀន​ប្រភេទ​អ៊ិ​ច​ស្តា​ស៊ី​ចំនួន​1562គ្រាប់ ស្មើ​ទម្ងន់ និង​609.33ក្រាម (​សរុប​ជាង​1​គីឡូក្រាម​) 3-​អាវុធ​ខ្លី​1​ដើម (​ឡុ​ក​) 4-​ជញ្ជីង​ថ្លឹង​គ្រឿងញៀន​ធំ​1គ្រឿង និង​តូច2​គ្រឿង ៕

តាមការបង្ហោះរបស់លោកសម្ដែងខ្មែរ លោក Mike បានឱ្យដឹងថា ព្រឹកថ្ងៃទី21 ធ្នូនេះ យាយគ្រវីសក់បានធ្វើដំណើរអាកាសយានដ្ឋានអន្ដរជាតិភ្នំពេញ នាវេលាម៉ោង 9 និង 16 នាទីព្រឹក ។ រូបភាពនេះ បានធ្វើឱ្យហ្វេនជាច្រើនបាននិយាយស្វាគមន៍ និងជំរួលអារម្មណ៍ចង់ជួបយាយគ្រវីសក់ដោយផ្ទាល់ទៀតផង ។

គួរបញ្ជាក់ផងដែរថាវត្តមាននៅកម្ពុជាលើកនេះ គឺយាយគ្រវីសក់ បានធ្វើដំណើរជាមួយតារាកំប្លែងថៃល្បីឈ្មោះលោក កូទី ដែលសម្ដែងភាពយន្ដខ្នាតរួមគ្នារឿង « ខ្មោចត្រឡោកបែក » និងក្នុងគោលបំណងជួបអ្នកគាំទ្ររបស់ខ្លួននៅក្នុងក្លឹបកម្សាន្តមួយកន្លែង ដោយក្នុងនោះក៏មានវត្តមានតារាសម្តែងខ្មែរលោក Mike ផងដែរ៕