Author: អេបិល

ហ៊ិន ច័ន្ទនិរ័ត្ន ជាពិធីការីនីមួយរូបដែលទទួលបានការគាំទ្រជាខ្លាំងពីសំណាក់មហាជន។ តារាស្រីរូបនេះ ជាតារាមួយរូបដែលមិនសូវចូលចិត្តលេងស្តាយខ្លួនឡើយ តែអ្វីដែលគួរឱ្យចាប់អារម្មណ៍នោះគឺ អាថ៌កំបាំងនៃការថែរក្សាសម្ផស្សស្បែកមុខ និងខ្លូនរបស់នាង។ ទើបតែបង្ហោះថ្មីៗ នាងបានបង្ហោះរូបភាពជាច្រើនសន្លឹក ដែលមើលទៅពិតជាស្រស់ស្អាត និងទាក់ភ្នែកខ្លាំងណាស់។

មហាជនគ្រប់មជ្ឈដ្ឋានចាប់អារម្មណ៍ថា តារាស្រីមួយដួងនេះពុំសូវនិយមលេងស្ទាយតែងខ្លួន បែបជា​នារីសម័យថ្មី រឹបៗរាងដងខ្លួននោះឡើយ។ នាងនិយមតែឈុតរ៉ូបរាត្រីសម្រោលស ឬឈុតសម្លៀកបំពាក់បិទជិត មិនសិចស៊ី សម្ញែងដើមទ្រូងអ្វីនោះទេ។ តាមរយៈរូបភាពប៉ុន្មានសន្លឹកនៅលើបណ្ដាញសង្គមហ្វេសប៊ុកដែល ហ៊ិន ច័ន្ទនិរ័ត្ន ទើបតែបង្ហោះ​នេះ​ គេឃើញនាង ពិតជាមានសម្រស់ក្មេងជាងវ័យខ្លាំងណាស់ ពោលគឺមើលជ្រុងណា ក៏ដូច 18 ឆ្នាំដែរ។

សូមរំឭកបន្ដិចថា ខណៈកន្លងទៅថ្មីនេះមានសារព័ត៌មានក្នុងស្រុកទម្លាយថា គូស្នេហ៍នាងមិនអនុញ្ញាត ស្លៀកពាក់រឹបរាង និងសិចស៊ីឡើយ ។ ហើយក៏ត្រូវបានគេបង្ហើបប្រាប់ទៀតថា ហ៊ិន ច័ន្ទនិរ័ត្ន អាចបង្ហាញរូបរាងសិចស៊ីបានតែបន្តិចបន្ទួចប៉ុណ្ណោះ តែមិនអាចសម្ញែងខ្លាំងពេកបានទេ ព្រោះជាប់បម្រាមរបស់គូស្នេហ៍ខ្លួន៕

ទោះជារឿងរ៉ាវរបស់កញ្ញា ទេព​ បូព្រឹក្ស បានចប់ទៅហើយ តែកញ្ញានៅតែធ្វើចិត្តមិនទាន់បាន ព្រោះឃើញថានៅមានមនុស្សមួយចំនួនតូចបានយករឿងនេះទៅធ្វើជារឿងលេងសើចទៅវិញ។ នៅរាត្រីថ្ងៃម្សិលមិញនេះ តារាស្រីរូបនេះ បានបង្ហោះសារសោកសៅមួយឃ្លាថា « ខ្ញុំយល់ហើយ ហេតុអ្វីបានជាមនុស្សមួយចំនួនតូច នៅពេលដែលបាក់ទឹកចិត្តខ្លាំងរើសយកសេចក្តីស្លាប់ ហើយខ្ញុំក៏ស្គាល់ហើយ ដូចម្តេចដែលហៅថាជំងឺបាក់ទឹកចិត្ត និងស្រ្តេសនោះ ហើយខ្ញុំក៏រឹតតែយល់ច្បាស់នៅពាក្យថា មិនឲ្យតម្លៃមើលងាយប្រមាថយកទៅសើចលេងសប្បាយ»។

ការបង្ហោះសារបែបនេះ បានធ្វើឱ្យអ្នកគាំទ្រនាង កាន់តែព្រួយបារម្ភពីស្ថានភាពផ្លូវចិត្តរបស់នាង ដែលរងនូវការអាម៉ាស់ធំមួយ ខណៈក្នុងនាងនាមជាសិល្បករមានឈ្មោះបោះសំឡេងម្នាក់ប្រចាំទ្រនំផលិតកម្មធំ។ ការលើកឡើងរបស់អ្នកគាំទ្រនាងបានបង្ហាញថា នៅពេលកើតការណ៍កន្លងទៅនោះ នាងកើតមានជំងឺបាក់ទឹកចិត្តភ្លាមៗ និងបម្រុងសម្លាប់ខ្លួនផងដែរ តែជាសំណាងល្អ នាងមានក្រុមគ្រួសារ តារាសិល្បៈរៀមច្បងនិងអ្នកគាំទ្រជួយជ្រោមជ្រែង ផ្ដល់កម្លាំងចិត្តដល់រូបនាងយ៉ាងពេញទំហឹង។

មកទល់ពេលនេះ នៅមិនទាន់ប្រាកដបានថា ជំងឺបាក់ទឹកចិត្តដែលមាននៅក្នុងអារម្មណ៍ផ្លុវចិត្តរបស់តារាស្រីរូបនេះ កំពុងរុករានខ្លាំងប៉ុនណានោះទេ។ អ្នកគាំទ្រនាង បានចូលទៅខម្មិន្ដលើកទឹកចិត្តនាង និងចង់ឱ្យនាងតាំងជំហររឹងមាំលើវិថីសិល្បៈបន្ដទៀត៕

សុភ័ក្ដ្រ កុសុម៉ា តាំងពីទទួលរៀបចំការប្រគំតន្ត្រី និងពិធីការ គេអាចនិយាយបានថាពិធីការិនី និងជាតារាចម្រៀងរូបនេះ វ៉ាដាច់ក្រុមហ៊ុនដើរផ្លូវនេះមុននាងច្រើងណាស់ ជាពិសេសក្នុងពិធីមង្គលការរបស់មន្ត្រីធំៗដែលត្រូវការតារាល្បីៗ និងដេគ័រប្រណិតៗ គឺនាងរមែងដេញបានជាប្រចាំ។ គេកម្រឃើញ សុភ័ក្រ្ត កុសុម៉ា ទំនេរនៅផ្ទះខ្លាំងណាស់ ដោយក្រៅពីលេចមុខធ្វើពិធីករខ្លួនឯងគឺនាងមមាញឹកនឹងការរៀបចំព្រឹត្តិការណ៍របស់ខ្លួន និងបង្ហាញខ្លួនក្នុងនាមជាពិធីការិនីក្នុងកម្មវិធីរបស់ខ្លួនស្ទើរមិនបាត់មុខមួយថ្ងៃ ទើបធ្វើឱ្យកេរ្តិ៍ឈ្មោះ និងប្រជាប្រិយភាពរបស់នាងកាន់តែរុលទៅមុខរហូតដណ្ដើមបានតំណែងជាពិធីការិនីឆ្នើមក្នុងរយៈពេលចុងក្រោយ។

តារាស្រីរូបនេះ ហាក់ហក់ឡើងខ្ពស់ក្រោយនាងទទួលបានការឱកាសច្រើនក្នុងការកាន់ការងារជាពិធីករក្នុងកម្មវិធីកម្សាន្តរបស់ទូរទស្សន៍ល្បីៗក្នុងស្រុក។ តារាចម្រៀងរូបនេះ ក៏ត្រូវបានអញ្ជើញធ្វើជាពិធីការិនី នៅក្រៅស្រុកផងដែរ។ ហើយកន្លងមក កុ​សុ​ម៉ា ត្រូវបាន​អ្នក​ជុំវិញខ្លួន ទម្លាយ​ពី​អត្តចរិត​ជារឿយៗ​ថា​ នាង​ជា​មនុស្ស​ចិត្តល្អ រួសរាយ​រាក់ទាក់ ស្មោះត្រង់​នឹង​មិត្តភក្ដិ ស្រឡាញ់​ការងារ ជាក់ស្ដែង​កាលពីពេល​ថ្មីៗ​នេះ គេ​នៅ​ចាំបាន​ថា បងប្រុស​បង្កើត​របស់​នាង​ក៏​ធ្លាប់​លើកឡើង​ពី​អត្តចរិត​នាង​បែបនេះ​ដែរ ៕

ដូចប្រិយមិត្តបានដឹងរួចមកហើយថា តារាកំប្លែងជើងចាស់នាយ សានម៉ៅ កំពុងតែសម្រាកព្យាបាលនៅឯមន្ទីរពេទ្យ កាល់ម៉ែត្រ ដោយសារតែជំងឺបេះដូងរីក ជំងឺសួត និងជំងឺលើសឈាមយ៉ាងធ្ងន់ធ្ងរនោះ។ ដោយឡែកនៅពេលថ្មីៗនេះ មានតារាសិល្បៈជាច្រើន បានជួបសំណេះ​សំ​ណា​ល​សួរ​សុខទុក្ខ ពីស្ថានភាពជំងឺរបស់ លោក ធូ ចំរុង (នាយ សានម៉ៅ) អាយុ 60ឆ្នាំ ដែលកំពុងតែសម្រាកព្យាបាលនៅឯមន្ទីរពេទ្យ។

អ្វីដែលភ្ញាក់ផ្អើលបំផុត ស្ថានភាពជំងឺរបស់លោកពូ សានម៉ៅ ដូចជាកំពុងតែធ្ងន់ធ្ងរគួរឱ្យព្រួយបារម្ភ ។ បើតាមសម្ដីរបស់តារាកំប្លែង អ្នកនាង កាឆយ នៅថ្ងៃទី 2 ខែមករា ឆ្នាំ2019 នេះបង្ហោះឱ្យដឹងថា សូមឱ្យវត្ថុសក័សិទ្ធិនៅក្នុងលោក នឹងទេវតាដែលថែរក្សាកូនចៅ ជួយឱ្យបងសានម៉ៅ ជាពីជំងឺនឹងរោកគាទាំងឡាយ បវៀសជៀសឆ្ងាយបាត់ៗទៅ។ សូមឱ្យជាឆាប់ៗនេះណាបង។

អ្នកនាង គ្រត ដែលធ្លាប់ជាដៃគូកាត់សក់ក្នុងរោងការរួមគ្នា និងសម្ដែងកំប្លែងលើឆាក ក៏បានបួងសួងឱ្យលោកពូ សានម៉ៅ ថា «កូនចៅសូមបន់ព្រះសំពះទេវតាសូមជួយឱ្យបងសានម៉ៅឆាប់ជាផងលោកអើយ »៕

មុននេះបន្ដិច នៅលើបណ្ដាញសង្គមហ្វេសប៊ុក​គេមើលឃើញថា អ្នកនាង សូ ដានីតា បានបង្ហោះសារយ៉ាងក្ដៅស្លឹកត្រចៀក ខណៈបានឃើញគណនីហ្វេសប៊ុកបុរសម្នាក់មានឈ្មោះថា « ជំនោរ និស្សយ » បានសរសេរសារថា « ពិតជារន្ធត់មែន ទើបតែផុតរូបបានមួយម៉ោងសោះ ឥឡូវក្រឡាប់ឡានពេលធ្វើដំណើរឆ្លងឆ្នាំងយ៉ាងតក់ស្លុតបែបនេះ..» ពីលើព័ត៌មានដែលមានផ្សាយពីអ្នកនាង សូ ដានីតា ខណៈកំពុងធ្វើខួបកំណើតយ៉ាងភ្ញាក់ផ្អើល។

អ្នកនាង សូ​ ដានីតា បានសរសេរសារថា «ខ្ញុំសុំឱ្យ ម្ចាស់អាខោន ឈ្មោះ (ជំនោរ និស្សយ) ចេញមុខមកដោះស្រាយពីការផុសប្រមាថមើលងាយ អាយុជីវិតរបស់នាងខ្ញុំ នឹង ដូចដាក់ទំនាយអាយុជីវិត នឹងរាល់ការធ្វើដំណើររបស់នាងខ្ញុំដោយ ចេតនា ដោយសរសេរថា ( គួរអោយរន្ធត់មែន ទើបតែផុសរូបបានមួយសោះ ឥឡូវក្រឡាប់ឡានពេលធ្វើដំណើរឆ្លងឆ្នាំយ៉ាងតក់ស្លុតបែបនេះ ) »។

អ្នកនាងបន្ដថា « ទី១ នេះជាការបំពុលពត៍មាន ប៉ះពាល់ដល់កិត្តយសរបស់នាងខ្ញុំ ។ ទី២ គឺប្រមាថអាយុជីវិតនាងខ្ញុំ។ បើម្ចាសអាខោនខាងលើ មិនចេញមុខដោះស្រាយទេ នាងខ្ញុំ សូ ដានីតា សុំដាក់ពាក្យប្តឹង ម្ចាស់អាខោន ( ជំនោរ និស្សយ័ ) ពីបទប្រមាថមើលអាយុជីវិតនាងខ្ញុំដោយប្រយោល ( ហើយមិនបាច់និយាយលឺថា គេនិយាយទេ ព្រោះមានតែលោកម្នាក់ទេ ដែរសរសេរបែបនេះ អត់មានបងប្អូនណាគេនិយាយទេ គឺមានតែលោកម្នាក់គត់សរសេរបែបនេះ )សូមជួយស៊ែរផងបងប្អូន »។

តែយ៉ាងណាមិញ មានអ្នកលេងបណ្ដាញសង្គមជាច្រើនបានចូលទៅខម្មិន្តប្រាប់តារាស្រីរូបនេះថា នោះជាការយល់ច្រឡំ ដោយសារ Caption (ចំណងជើងព័ត៌មាន) ខុសអត្ថបទ ។ គណនីមានឈ្មោះ ជំនោរ សុវណ្ណ ដែលមានរូបដូចគណនី ជំនោរ និស្សយ បានធ្វើការសុំទោសអ្នកនាង សូ ដានីតាថា «សុំទោសបងដោយសារខ្ញុំផុស caption ច្រឡំចំណងជើងទេ មិនមែនបំណងនោះទេ ។ ទើបបានឃើញ បងបង្ហោះបានឃើញ សុំទោសផងចំណងរឿងនេះ ខ្ញុំcopyចំណងជើងខុសព័ត៌មានតែប៉ុណ្ណោះ ។ ការពិតអត្ថបទ គឺ បងស្រីចនច័ន្ទ supprise ខួបបង មិនមែនអីទេ ចាំខ្ញុំកែcaption ខ្ញុំផុសខុសcaption »៕

នៅលើវិថីសិល្បះមានតារាជាច្រើនដួងដែលមានសមត្តិភាពផ្សេងៗគ្នា ដូចជា តារាកំប្លែង តារាបង្ហាញម៉ូត តារាសម្តែងនឹងពិធីករ ក្នុងនោះផងដែលក៏មានតារាមួយចំនួនដែលបានប្រើប្រាស់ឈ្មោះពិត នឹងតារាខ្លះទៀតបានប្រើប្រាស់ឈ្មោះមិនពិត ហេតុផលដែលពួកគេប្រើប្រាស់ឈ្មោះមិនពិតនោះគឺដើម្បីទាក់ទាញប្រជាប្រិយភាពពីអ្នកគាំទ្រ។

ជាក់ស្ដែងដូចនាយ ពែកមី តារាកំប្លែកដ៍ល្បីល្បាញ ប្រចាំបុស្តិ៍ ស៊ីធីអិន តែឯឈ្មោះពិតរបស់លោក ពុំសូវមានមហាជនណាបានស្គាល់នោះទេ។ « ពែកមី »គ្រាន់តែជាឈ្មោះ ដែលត្រូវបានគេដាក់ឱ្យលោកនៅពេលប្រឡូកក្នុងសិល្បៈប៉ុណ្ណោះ ហើយលោកក៏មិនដែលបង្ហាញមុខអ្នកដែលបានដាក់ឈ្មោះឱ្យលោក រហូតល្បីបែបនេះដែរ។

នៅពេលថ្មីនេះជាខួបរយៈពេល10ឆ្នាំដែលលោកចូលសិល្បៈ លោកបានបង្ហោះវីដេអូ រំឭកដល់គុណ និងអរគុណដល់សិល្បៈករជាច្រើនដែលបានជួយលោក។ តាមការរៀបរាប់របស់លោក ឈ្មោះ « ពែកមី » មិនមែនលោកគ្រូ ឬអ្នកគាំទ្រដាក់ឱ្យនោះទេ តែគឺសិល្បៈករជើងចាស់មួយរូបនិងជាគណៈកម្មការកម្មវិធីប្រកួតជ្រើសរើសតារាកំប្លែង នោះគឺអ្នកនាង សុខ ចាន់ធីតា ហៅ កាតុ ដែលជាអ្នកដាក់ឱ្យ រហូតដល់មានឈ្មោះប្លែកពីគេនិងល្បីដល់សព្វថ្ងៃនេះ។

សូមជម្រាបផងដែរថា តារាកំប្លែង ដែលមានដើមកំណើត នៅខេត្តស្វាយរៀង នាយ ពែកមី ដែលមានឈ្មោះពិតថា” ចែម ចាន់តារា ” បានចាប់អាជីពជាតារាកំប្លែង បន្ទាប់ពីលោក បានប្រឡងជាប់ជាតារាកំប្លែង ប្រចាំនៅស្ថានីយ ទូរទស្សន៍ ស៊ី ធី អ៊ីន ដោយសារតែលោកមាន សមត្ថភាពក្នុងការលេងកំប្លែង និងពូកែ លេងពាក្យ សម្ដីនិយាយមិនចេះទាល់ ធ្វើឲ្យលោកបានទទួលការគាំទ្រ ច្រើនពីទស្សនិកជន ហើយបច្ចុប្បន្នលោក ក៏បានក្លាយខ្លួនជាតារាកំប្លែងមួយរូប ដែលមានភាពលេចធ្លោ ជាងគេ នៅស្ថានីយទូរទស្សន៍ ស៊ី ធី អ៊ីន ទៀតផង៕

នៅដើមឆ្នាំ2018 តារាចម្រៀង ខេមរៈ សិរីមន្ត ដែលប្រិយមិត្តស្គាល់ថាជាកំពូលតារាចម្រៀងដ៏ល្បីល្បាញមួយរូប បានបង្ហាញមុខភរិយា និងក្រុមគ្រួសារលោកជាហូរហែ។ តារាពេញនិយមរបស់យុវវ័យរូបនេះ ពិតមែនលែងលាក់បាំងរឿងប្រពន្ធកូនបានទៀតហើយ ថែមទាំងបង្ហាញការស្រលាញ់ប្រពន្ធកូនខ្លាំងណាស់ ដូចជាមុនពេលដែលចេញទៅច្រៀងសម្ដែងនោះ តារាចម្រៀងផលិតហង្សមាសរូបនេះ បានឱបថើបកូនៗជាមុន ហើយភរិយារបស់លោកគឺមិនឱ្យធ្វើការអីទេ ពោលត្រឹមតែនៅផ្ទះមើលថែកូនទាំង2ប៉ុណ្ណោះ។

ថ្មីៗនេះទៀត លោកក៏បានបង្ហោះនូវរូបភាពផ្អែមល្ហែម និងព្រមទាំងបានសរសេររៀបរាប់ថា «ម្សិលមិញរវល់ពេញមួយថ្ងៃមិនបាននៅក្បែរអូន ថ្ងៃនេះបងសងអូនវិញគឺកំដរអូនដើរលេងពេញមួយថ្ងៃវិញម្តង»។ គ្រាន់តែឃើញបែបនេះភ្លាម អ្នកគាំទ្រមានការច្រណែននឹងលោកខ្លាំងណាស់ ដោយសារតែសម្ដីផ្អែមល្ហែមរបស់លោកចំពោះភរិយា អាចនិងធ្វើឱ្យអ្នកគាំទ្រលើសជាតិស្ករជាខ្លាំង៕