Author: អេបិល

នាយ ទុយ រឿងសង្ស័យលោកជក់គ្រឿងញៀន
នៅពេលថ្មីៗនេះមានការភ្ញាក់ផ្អើលខ្លាំង ហើយនឹកស្មានមិនដល់ថា ខណៈដែលលោក អ៊ឹង រដ្ឋា ហៅទុយ កំពុង Live ក្នុងហ្វេសបុក និយាយពីបងប្រុសម្នាក់ ក៏ត្រូវគេចាប់អារម្មណ៍ថា ឃើញមានដបទឹកសុទ្ធ ដែលមានទុយោ ដូចគេកំពុង ច្នៃជាឧបករណ៍ជក់ថ្នាំញៀន នៅពីចំហៀងរបស់គាត់ ដែលរូបភាពមួយនោះឱ្យគេសង្ស័យថា នាយទុយ អាចនឹងកំពុងធ្លាក់ខ្លួនទៅប្រើប្រាស់ថ្នាំញៀន ទើបធ្វើឱ្យសតិអារម្មណ៍របស់លោក រវើរវាយ និងមានរូបកាយស្គមស្គាំង។
យ៉ាងណាមិញ នោះគ្រាន់តែជាការសង្ស័យពីសំណាក់មហាជន តែប៉ុណ្ណោះ ទើបពិធីករល្បីរូបនេះបានធ្វើការ Live វីដេអូជាថ្មីម្តងទៀតទាក់ទងនឹងការចោទប្រកាន់សង្ស័យ រូបលោកប្រើប្រាស់សារធាតុញៀននេះផងដែរ។ តាមរយៈវីដេអូ លោកទុយ បាននិយាយឱ្យដឹងថា ដបទឹកសុទ្ធ និងបំពង់ទុយោ ដែលបងប្អូនបានឃើញនៅក្នុង Live វីដេអូលើកមុននោះគឺគ្រាន់តែជាដបទឹកសុទ្ធធម្មតា និងបំពង់ទុយោធម្មតា ដែលរូបលោកទុកសម្រាប់ហូបទឹកប៉ុណ្ណោះ មានដូចពាក្យគេចោទប្រកាន់អ្វីឡើយ។
ដើម្បីឱ្យកាន់តែច្បាស់ថា លោកទុយ ធ្វើការបកស្រាយយ៉ាងណានោះ ស្សនាវីដេអូខាងក្រោម៖

January 13, 2019
ក្រុមហ៊ុន ASUS ប្រកាសហ្គេមីងហ្វូនជំនាន់ក្រោយ ZenFone Max M2 និង Max Pro M2 កំពុងទាក់ចិត្តយុវវ័យ
ក្រុមហ៊ុន ASUS បានប្រកាសចេញជំនាន់ក្រោយរបស់ហ្គេមីងហ្វូនសេរ៊ីថ្មីរបស់ខ្លួនចំនួន 2 ម៉ូដែល នោះគឺ Zenfone Max (M2) និង ZenFone Max Pro (M2) ដែលមានគុណតម្លៃ និងភាពលើសគេដូចទៅនឹងអ្នកជំនាន់មុនរបស់ខ្លួនដ៏ល្បីល្បាញ គឺ Zenfone Max M1 និងZenfone Max Pro M1។ ប៉ុន្តែអ្នកជំនាន់ក្រោយនេះ មានល្បឿនកាន់តែលឿនជាងមុន ធុនជាងមុន និងមានគុណភាពផ្នែកកាមេរ៉ាបានល្អជាងមុនថែមទៀតផង។ នៅថ្ងៃទី 11 ខែមករានេះ បានរៀបចំកម្មវិធីសម្ផោធ និងប្រកាសព័ត៌មាននៅក្នុងបរិវេណ Bun Cafe ដែលមានការអញ្ជើញចូលរួមពីសំណាក់តំណាងក្រុមហ៊ុន ASUS និងក្រុមហ៊ុន IT Computer ដែលជាអ្នក ចែកចាយស្មាតហ្វូន Asus  នៅកម្ពុជា រួមជាមួយនឹងម្ចាស់ហាងនានា ហើយនឹងអ្នកសារព័ត៌មានជាច្រើនរូបផងដែរ។
ក្រុមហ៊ុន Asus បានបញ្ជាក់ថា ស្មាតហ្វូន ZenFone Max Pro M2 ត្រូវបានក្រុមហ៊ុនបំពាក់ដោយបន្ទះឈីប Snapdragon 660 ខណះពេលដែល Zenfone Max M2 បំពាក់នូវបន្ទះឈីប Snapdragon 632 ដែលមានការសហការជាមួយបច្ចេកវិទ្យា Qualcomm AI Engine ផងដែរ ដោយបានធ្វើអោយទូរស័ព្ទនេះ ផ្តល់នូវការប្រើប្រាស់បានរលូនល្អ មានភាពឆ្លើយតបរហ័ស និងមានកម្លាំងប្រតិបត្តិការខ្លាំងខ្លាលើសមុនដល់ទៅ 11% និងមានទំហំរ៉េម 4GB និង3 GB ដែលអាចអោយលោកអ្នកប្រើប្រាស់ក្នុងការលេងហ្គេម និងធ្វើការងារជាច្រើនក្នុងពេលតែ 1 បាន។ ទូរស័ព្ទនេះទ្រទ្រង់ជាមួយនឹងស៊ីមការចំនួន 2 ដោយបូកនឹងរន្ធដាក់អង្គចងចាំមួយផងដែរ ដោយមានសមត្ថភាពអាចដាក់បានរហូតដល់ទៅ 2TB ឯណោះ។
Zenfone Max Pro M2 មានថាមពលថ្មទំហំ 5000mAh រីឯ Zenfone Max M2 មានទំហំ 4000mAh។ លោកអ្នកអាចបើក4G ចោលបានដល់ទៅ 35 ម៉ោង និងនិយាយទូរស័ព្ទដោយបើក 3G បាន 45 ម៉ោង ព្រមទាំងអាចលេងហ្គេមទូទៅបាន 10 ម៉ោង មើល YouTube បាន 19 ម៉ោង ព្រមទាំងបើកអ៊ីនធឺណែតដោយប្រើ Wi-Fi បានដល់ទៅ 23 ម៉ោង។ ZenFone Max Pro គឺជាទូរស័ព្ទដៃទី 1 បង្អស់ បើប្រៀបធៀបជាមួយដៃគូប្រកួតប្រជែងរបស់ខ្លួន ដែលជាប្រភេទទូរស័ព្ទដំបូងគេដែលបំពាក់ដោយ Corning® Gorilla® Glass 6 ដែលមានភាពធុនជាង Gorilla Glass 5 ដល់ទៅ 2 ដង ជាមួយរាងកញ្ចក់កោង 2.5Dដែលរំលេចភាពស្រស់ស្អាតបំផុត។
និយាយពីភាពវៃឆ្លាតដែលមាននៅលើកាមេរ៉ាភ្លោះរបស់ស្មាតហ្វូននេះ គឺប្រព័ន្ធ AI ដែលត្រូវបានគេប្រើដូចទៅនឹងសេរ៊ី ZenFone 5 កន្លងមកដែរ។ ជាមួយនឹងកាមេរ៉ានេះ លោកអ្នកនឹងទទួលបាននូវបទពិសោធន៍ក្នុងការថតរូបបានយ៉ាងល្អពិសេសគ្រប់ពេលវេលា។ កំរិតរេសូលុយស៊ិនខ្ពស់ កាមេរ៉ាSony® IMX486 បច្ចេកវិទ្យាជំនួយភាពញ័រ Electronic Image Stabilization (EIS)  ការចាប់ផ្តោតលើរូបភាពមិនថាថ្ងៃ ឬយប់ និងការថតរូបដោយផ្តាច់រូបភាពចេញពីផ្ទៃក្រោយ អាចអោយលោកអ្នកថតរូបភាពបានដូចទៅនឹងអ្វីដែលពួកយើងបានឃើញ។
ZenFone Max Pro មានអេក្រង់ទំហំ 6.3-inch FHD+ (2280×1080) ជាមួយកម្រិត Aspect Ratio 19:9 ដែលមានទំហំ 94% NTSC color gamut ធៀបនឹងតួខ្លួន ហើយនិងមានពន្លឺភ្លឺល្អកំរិត 450cd/m2, 1500:1 contrast ratio។ ស្មាតហ្វូននេះ ប្រព័ន្ធបំពងសម្លេងចំនួន 5 និង និងបច្ចេកវិទ្យា NXP low-distortion smart ដែលផ្តល់នូវការកំសាន្តសប្បាយឥតឈប់ឈរ។ សម្រាប់ ZenFone Max Pro គឺជាទូរស័ព្ទទី 1 ដែលប្រើប្រាស់ការរចនាប្រភេទផ្ទៃមុខកាត់ eye-catching Wave ដែលផ្គុំឡើងដោយ 16 ស្រទាប់ និងធ្វើអោយមានភាពលេចធ្លោគ្រប់ជ្រុងទាំងអស់នៃទូរស័ព្ត ផ្សំជាមួយផ្ទៃកោងបែប 3D ដែលជាការរចនាកំរ និងមានភាពងាយស្រួលក្នុងការកាន់ប្រើប្រាស់។ ទូរស័ព្ទនេះ ប្រើជាមួយប្រភេទស៊ីម 4G LTE ទាំង 2 ស៊ីម(dual SIM/dual standby) នឹងអាចបន្ថែមអង្គចងចាំបានដល់ទៅ 2TB ជាមួយនឹងការទ្រទ្រង់បាននូវ NFC ដែលមានភាពងាយស្រួលបំផុត។ ASUS ZenFone Max Pro (M2) ក៏ដូចជា ASUS ZenFone Max (M2) នឹងដាក់ដំណើរការលក់ជាផ្លូវការណ៍ឆាប់ៗនាចុងខែមករានេះ៕

January 11, 2019
អ្នកនាង យក់ ថិតរដ្ឋា បន្ថែមជំនួញថ្មីមួយទៀត ក្រៅពីមុខជំនួញរកស៊ីធំៗ
តារាសចម្រៀងស្រី អ្នកនាង យក់ ថិតរដ្ឋា ក្រៅពីអាជីពសិល្បៈ សព្វថ្ងៃនេះអ្នកនាងមានភាពមមាញឹកច្រើនជាមួយមុខជំនួញរកស៊ីផ្ទាល់ ដោយបច្ចុប្បន្នកំពុងពង្រីកបន្ថែម។ បើទោះបីជាមមាញឹកយ៉ាងណាក៏ដោយ អ្នកនាងក៏មិនបានដកឃ្លាពីសិល្បៈដែរ អ្នកនាង បានធ្វើចម្រៀងថ្មីជាមួយខាងផលិតកម្មថោន ដែលត្រៀមចេញក្នុងពេលឆ្នាំថ្មីនេះ។
ជាការពិតណាស់ គេមើលឃើញថាជាច្រើនឆ្នាំមកហើយ ដែលគ្រួសាររបស់អ្នកនាង យក់ ថិតរដ្ឋា គឺលោក ឃុំ ប៉ុណ្ណាដែត បានទម្លាក់ចោលអាជីពជាតារាចម្រៀង ទៅរកស៊ីជំនួញដីធ្លី និងសំណង់ផ្ទះល្វែង ដែលជាមុខជំនួញមួយធ្វើឱ្យសេដ្ឋកិច្ចគ្រួសារអ្នកសិល្បៈមួយគូនេះកាន់តែមានទ្រព្យច្រើនជាងកាលប្រឡូកសិល្បៈ។ ទោះបីជា ស្វាមីអ្នកនាងទៅរកស៊ីជំនួញដីធ្លី និងសំណង់ផ្ទះល្វែងក៏ពិតមែន ប៉ុន្តែតារាចម្រៀងរូបនេះមិនដែលធ្លាប់ប្រាប់ថា ក្រុមហ៊ុនរបស់ខ្លូនមានឈ្មោះអ្វីនោះឡើយ ហើយមានភាគហ៊ុនបែបណាឡើយ។ ក្រៅពីជំនួញដីធ្លី តារាសិល្បៈស្រីរូបនេះ និងស្វាមី បានបើកហាងបែប Pub មួយកន្លែងមានឈ្មោះថា “វិចធើរីផាប” នៅខាងកើតស្ថានទូតរុស្សី ដោយគិតមកដល់ពេលនេះ បានដំណើរការ2ឆ្នាំជាងហើយ។
ជំនួញទាំងពីរនេះលោក ឃុំ ប៉ុណ្ណាដែត គឺជាអ្នកមើលការខុសត្រូវទាំងអស់ ចំណែកឯ ភរិយា អ្នកនាង យក់ ថិតរដ្ឋាវិញ ក៏មិនបណ្ដោយឱ្យខ្លួនទំនេរឡើយ ក្រៅពីការងារសិល្បៈដែលនាងមិនព្រមទម្លាក់ចោលនោះ គឺអ្នកនាងមានបើកហាងលក់ផលិតផលកែសម្ផស្សមួយទៀតផង។ ហាងលក់ផលិតផលកែសម្ផស្សមាន Brand ទទួលបន្តផ្ដាច់មុខពីប្រទេសកូរ៉េ និងថៃ ចំណែកដើមទុនក្នុងការបើក អ្នកនាងថាមិនច្បាស់ ព្រោះអ្វីៗភាគច្រើនសុទ្ធតែស្វាមីជាអ្នករ៉ាប់រងទាំងអស់។ រហូតមកដល់ពេលថ្មីៗនេះ ស្រាប់តែគេឃើញថា អ្នកនាង យក់ ថិតរដ្ឋា បន្ថែមអាជីពមួយផ្សេងទៀត គឺ «យក់ ថិតរដ្ឋា លក់ក្រណាត់ប៉ាក់ » អ្នកនាងថា បាននាំចូលក្រណាត់ប៉ាក់ស្អាតជាច្រើនដោយផ្ទាល់ពីរោងចក្រតែម្តង។
ចុងក្រោយមហាជនបានកត់សម្គាល់ថា តារាចម្រៀងស្រីល្បីឈ្មោះមួយរូបនេះ មានជំនួញក្ដោបនៅក្នុងដៃ ជាមួយនិងស្វាមីច្រើន មិនចាញ់សិល្បករមួយចំនួនឡើយ បើទោះបីជាស្វាមីបានផ្អាកពីសិល្បៈក្ដី តែអ្នកនាងនៅតែបន្ដបោះជំហ៊ានលើវិថីកម្សាន្ដមួយនេះដដែរ៕
January 11, 2019
អាការបាក់ទឹកចិត្ត យើងគួរគ្រប់គ្រងអាការបានដោយយ៉ាងណា?
យើងទាំងអស់គ្នាពិតជាមានអារម្មណ៍ក្រៀមក្រំ និងទន់ខ្សោយពីមួយពេលទៅមួយពេល តែនោះគឺជារឿងធម្មតាទេ។ តាមថ្ងៃធម្មតាមនុស្សមានម្នាក់ៗឆ្លងកាត់អារម្មណ៍ជាច្រើន តែទោះជាយ៉ាងណាក៏ដោយ ការមានអារម្មណ៍ទន់ខ្សោយ និងបាក់ទឹកចិត្តគឺពិតជាមានលក្ខណៈខុសៗគ្នា។ ការចាប់ផ្ដើមមានអារម្មណ៍បាក់ទឹកចិត្តគឺមិនត្រឹមតែដោយសារតែមានអ្វីខុសឆ្គងនៅក្នុជីវិតនោះទេ ប៉ុន្ដែវាគឺលើសពីអារម្មណ៍សោកសៅទៅទៀត។ មនុស្សផ្សេងគ្នា ពិពណ៌នាពីជម្ងឺបាក់ទឹកចិត្តផ្សេងៗគ្នា ហើយមនុស្សពីរនាក់ពិតប្រាកដណាស់ មានអារម្មណ៍មិនដូចគ្នាទេ។
តើអ្នកត្រូវគ្រប់គ្រងអាការបាក់ទឹកចិត្តដោយដូចម្ដេច? តើធ្វើយ៉ាងណា កុំឱ្យជំងឺបាក់ទឹកចិត្តមកបៀតបៀនជីវិតរបស់អ្នក? យើងជឿថា អ្នកពិតជាលំបាក ហើយឯកាបំផុត តែសូមព្យាយាមចាប់អារម្មណ៍នូវប៉ុន្មានចំនុចខាងក្រោមនេះ។
1-ជជែកជាមួយមិត្តភ័ក្រ ឬមនុស្សដែលអ្នកទុកចិត្តបំផុត
2-ការពិគ្រោះយោបល់អាចជួយឱ្យអ្នកយល់ដឹងពីជំងឺបាក់ទឹកចិត្ត និងដំណោះស្រាយដែលអ្នកត្រូវតែអនុវត្តក្នុងការដោះស្រាយបញ្ហាទាំងនោះ។
3-ការសិក្សាស្រាវជ្រាវមួយចំនួនបានបង្ហាញឱ្យឃើញថាអាហារដែលអ្នកបរិភោគអាច ប៉ះពាល់ដល់អារម្មណ៍របស់អ្នក។
4-លំហាត់ប្រាណ ការសិក្សាបានបង្ហាញឱ្យដឹងថាបន្ទាប់ពីការហាត់ប្រាណរយៈពេល30នាទី មនុស្សតែងតែទទួលបានអារម្មណ៍ល្អកើនឡើង។
5-ព្យាយាមសម្រាកបានច្រើន ព្រោះការសម្រាកគ្រប់គ្រាន់បន្ទាប់ពីធ្វើលំហាត់ប្រាណ គឺជាវិធីល្អមួយសម្រាប់កាត់បន្ថយភាពតានតឹងនៅក្នុងអារម្មណ៍។
6-ថ្នាំប្រឆាំងនឹងការបាក់ទឹកចិត្ត ថ្នាំខ្លះមានប្រសិទ្ធិភាព តែមិនធ្វើឱ្យអ្នកងងុយគេងនោះទេ ប៉ុន្តែការទទួលទានថ្នាំ គឺត្រូវការពិគ្រោះយោបល់ជាមួយគ្រូពេទ្យផ្លូវចិត្ត។ គ្រូពេទ្យភាគច្រើននឹងមានការស្ទាក់ស្ទើរក្នុងការចេញវេជ្ជាបញ្ជាទិញថ្នាំចំពោះមនុស្សដែលមានអាយុក្រោម 18ឆ្នាំ។
7-ទៅព្រះវិហារទទួលការលើកទឹកចិត្តពីសំណាក់មនុស្សជំវិញខ្លួន និងបង្ហាញអារម្មណ៍របស់ខ្លួនទៅអ្នកដែលយើងទុកចិត្ត ហើយគេនឹងផ្ដល់កម្លាំងចិត្តឱ្យយើងវិញ ដើម្បីទទួលបានអារម្មណ៍កក់ក្ដៅ៕
January 11, 2019
ចត់បាយ !! អ្នកគាំទ្រផ្ទុះកំហឹងពេលបានឃើញរូបភាព ទេព បូព្រឹក្ស ត្រូវកាត់តជាតារាសិចជប៉ុន
ពិតជាភ្ញាក់ផ្អើលម្ដងទៀត ខណៈដែលតារាចម្រៀងស្រី ទេព បូព្រឹក្ស ត្រូវបានអ្នកលេងបណ្ដាញសង្គមហ្វេសប៊ុកផេចមួយ កាត់តរូបភាពរបស់កញ្ញាជាតារាសិចរបស់ជប៉ុន ថែមទាំងបានសរសេរសារបង្ហោះថា « កញ្ញា ទេព បូព្រឹក្យ បានមកថតកុន Sex ហើយ ហាហា មីតារាថោកទាប Share ឱ្យពួក Fan មីហ្នឹងបានឃើញផង » ។ អូហូ! ការបង្ហោះរូបភាពនិងសារបែបនេះ បានធ្វើឱ្យអ្នកគាំទ្រតារាចម្រៀងស្រី ទេព បូព្រឹក្ស និងអ្នកលេងបណ្ដាញសង្គមជាច្រើននាក់ទៀត ក្ដៅស្លឹកត្រចៀកជំនួសនាងខ្លាំងណាស់ ។
ហ្វេសប៊ុកផេចនោះត្រូវបានគេមើលឃើញឈ្មោះថា Mey Tøch ហើយភ្លាមៗស្រាប់តែផ្ទុះខម្មិន្តជេរម្ចាស់ហ្វេសប៊ុកផេចនោះយ៉ាងធ្ងន់ៗថា «កាត់ តpostអីចឹងអត់អាណិតម៉ែទេអីហាស សប្បាយចិត្តណាស់មែនធ្វើចឹង..?សប្បាយចិត្តមែនពេលគេជេរ…?តែខ្ញុំជឿថាម៉ែអ្នកឯងគាត់មិនសប្បាយចិត្តទេដែលមានកូនចរឹតថោកដូចអ្នកឯង បើមិនគិតពីកិតិ្តយសខ្លួនឯងគួរអាសូទ្រូងម៉ែខ្លួនឯងនៅផ្ទះអត់ដឹងខ្យល់អីត្រូវគេជេរដែលនោះ…គិតទៅមនុស្សដូចអ្នកឯងរស់នាំធ្ងន់ផែនដីទេ ដើម្បីល្បីទោះគេជេម៉ែក៏មិនខ្វល់..សូមសរសើរចេះរកកន្លែងថោកឃើញ..។ បើខ្ញុំមានកូនដូចអ្នកឯងវិញខ្ញុំផ្តាច់ខ្សែអង្រឹងឱ្យងាប់កុំឱ្យរស់នាំចង្អៀតផែនដី ម៉ាមនុស្សស្អីចឹង…»។
នៅមិនទាន់អស់ទេ ខ្លះទៀតបានតបតថា « គិតទៅខ្មែរពូកែលាបពណ៍គេម៉េស តិចទៀតខ្មែរមួយចំនួននិងឡប់ដោយសារភាពច្រណែនគេហើយ មានតែមនុស្សច្រណែនគេទេដែលអាចធ្វើចឹងទៅរួច …..ហើយរៀនកាត់តរូបឱ្យសមសិនទៅចាំហ៊ានយករូបគេមកផុស ។ ទោះគេបានថតរឿងសិចឬមិនបាន វាក៏ជារឿងរបស់គេ តិចច្រណែនគេយូរៗទៅតិចទៅលួចថតរឿងសិចបាត់ទៅ »។
ទាំងនោះសុទ្ធតែជាសម្ដីផ្ទុះកំហឹងពីបណ្ដាអ្នកលេងបណ្ដាញសង្គម និងអ្នកគាំទ្រតារាចម្រៀងស្រី ទេព បូព្រឹក្ស ដែលមានការមិនពេញចិត្តចំពោះទង្វើអសីលធម៌ក្នុងសង្គម ដែលបានបង្កឱ្យប៉ះពាល់ដល់កេរ្ត៍ឈ្មោះរបស់តារាចម្រៀងស្រីមួយនេះ៕

January 11, 2019
សិស្សស្រីតែងខ្លួនឈុតបុរាណចូលប្រលង បង្កឱ្យភ្ញាក់ផ្អើលអស់ទាំងគ្រូនិងមិត្តរួមថ្នាក់
ពិតជាមានរឿងប្លែកៗកើតនៅក្នុងសង្គម ដែលនៅថ្ងៃទី 9 ខែមករា ឆ្នាំ 2019 នេះសារព័ត៌មានថៃ kapook បានចេញផ្សាយឱ្យដឹងថា សិស្សស្រីម្នាក់តែងខ្លួនក្នុងឈុតបុរាណថៃ ចូលប្រលងនៅក្នុងថ្នាក់បង្កឱ្យមានភាពភ្ញាក់ផ្អើលអស់មណ្ឌុលប្រលង។
តាមការបង្ហោះរបស់ហ្វេសប៊ុកមានឈ្មោះ Keem Phanthong បានឱ្យដឹងថា ខណៈដែលមិត្តភ័ក្តនៅក្នុងសាលារៀនស្លៀកសម្លៀកបំពាក់របស់សាលាតាមធម្មតាមកប្រលង ភ្លាមៗស្រាប់តែគ្រប់គ្នាភ្ញាក់ព្រឺត នៅពេលបានឃើញនាងមកប្រលងក្នុងសម្លៀកបំពាក់ឈុតបុរាណថៃ ព្រមទាំងមានបួងសក់ និងពាក់មកុដ ហាក់បីដូចជា គ្រូកំពុងចូលរូប។ សិស្សស្រីរូបនេះ ត្រូវបានមិត្តរួមថ្នាក់ថតរូបឱ្យបង្ហោះឱ្យដឹងថា « ទីនេះសាលារៀន Prakhonchai Pittayakhon តែងខ្លូនមកប្រលងមធម្យៗ តែសប្ដាហ៍ក្រោយគឺមិនធានាទេ»។
សិស្សស្រីដែលបានរៀបរាប់ខាងលើ ត្រូវបានអ្នកសារព័ត៌មានទម្លាយអត្តសញ្ញាណឱ្យដឹងថា នាងមានឈ្មោះ ពិយៈធិតា ម៉ាលីគុន ឬហៅក្រៅ នាង ហ្វីមល៍ រៀនថ្នាក់ទី 10 នៃសាលារៀន Prakhonchai Pittayakhon ហើយនាងគឺជាអ្នករបាំ និងជាអ្នកចម្រៀងប្រចាំសាលា។ នាងថា នាងមិនបានប្ដូរឈុតដោយសារតែ នាងត្រូវប្រលងផ្នែកមុខវិជ្ជាតម្រង់ទិស និង ផ្នែករបាំក្នុងថ្ងៃតែមួយ៕
January 10, 2019
តួស្រីក្នុងរឿង« កំណត់ហេតុនាងនាថ »ជួបគ្រោះថ្នាកចរាចរណ៍ថរយន្ដបុកគ្នា របួសជើងឆ្វេង
ដូចប្រិយមិត្តបានស្គាល់ហើយថា តារាឯកស្រីនៅក្នុងភាពយន្ដខ្នាតធំរឿង « កំណត់ហេតុនាងនាថ » ជាតារាសម្តែងកូនកាត់ខ្មែរ-ឥស្លាម នាងបានជួបគ្រោះជួបគ្រោះថ្នាកចរាចរណ៍ដោយសាររថយន្ដបុកគ្នា។
តារាសម្តែងកូនកាត់ខ្មែរ-ឥស្លាម កញ្ញា ណា តាហ្សាបានជួបគ្រោះថ្នាកចរាចរណ៍កាលពីវេលាម៉ោង12រំលងអាធ្រាតជិតចូល1យប់ឈានចូលថ្ងៃទី9 ខែមករា ។ ហេតុការណ៍យប់មិញនេះដែរ កើតឡើងនៅម្តុំ ស្រុកកគរ ខេត្តពោធិ៍សាត់
តារាសម្តែងកូនកាត់ខ្មែរ-ឥស្លាមបានប្រាប់អ្នកសារព័ត៌មានថា ខ្ញុំពិតជានៅភ័យមិនបាត់ចំពោះហេតុការណ៍គ្រោះថ្នាក់យប់មិញ។ វាហាក់នៅជាប់នៅនឹងភ្នែករបស់ខ្ញុំដោយឡាន 1បាំងកន្លះបានបែកកង់ជ្រុលចង្កូតបុកជាមួយឡានក្រុងរបស់ខ្ញុំដែលធ្វើដំណើរផ្ទុយទិសគ្នាពីភ្នំពេញទៅកាន់ប៉ោយប៉ែត ចាំទៅថៃបន្តក៏ជួបគ្រោះថ្នាក់នេះតែម្តង”។
តារាសម្ដែងស្រីរូបនេះបានបន្ដថា ពេលនេះរូបនាងមានសុវត្ថិភាពល្អ មិនមានរងរបួសធ្ងន់ធ្ងរដល់អាយុជីវិតទេ គ្រាន់តែខកខានធ្វើដំណើរទៅប្រទេសថៃទៀតបានដោយបានបាត់ លិខិតឆ្លងដែន និងកំពុងស្នើរសុំដល់អ្នករើសបានសុំជួយទំនាក់ទំនងប្រគល់ឱ្យរូបនាងវិញផង។ នាងថា ទឹកដោះម្ដាយថ្លៃទើបរួចផុតពីគ្រោះថ្នាក់ដល់ជីវិត គ្រាន់តែរបួសត្រង់ជើងខាងឆ្វេងតិចតួចប៉ុណ្ណោះ តែរាងនៅភ័យព្រោះមិនធ្លាប់ជួបពីមុន ហើយនេះជាលើកទី1ក្នុងជីវិត។ ពេលនេះនាងកំពុងនៅក្នុងក្រុងប៉ោយប៉ែត រង់ចាំបន្តដំណើរទៅថៃព្រោះមិនអាចអាក់ខានការកុម្មង់ឥវ៉ាន់របស់នាងឡើយ៕
January 10, 2019
នៅទីបំផុតអ្នកនាង លី ច័ន្ទសីហា ទម្លាយរឿងលែងលះស្វាមី
ក្នុងពិធីខួបមួយឆ្នាំរបស់កូនស្រីអ្នកនាងលី ច័ន្ទសីហា គេឃើញអ្នកនាងប្រារព្ធពិធីជាទ្រង់ទ្រាយធំ ដោយក្នុងពិធីទាំងមូលមានសុទ្ធតែវត្តមានតារាល្បីៗបង្ហាញខ្លួន។ តែអ្វីដែលភ្ញាក់ផ្អើលបំផុតនោះគឺ តារាសម្ដែងល្បីល្បាញអ្នកនាង លី ច័ន្ទសីហា បានប្រកាសជាចំហរហើយថា អ្នកនាងពិតជាលែងលះជាមួយស្វាមីប្រាកដមែន ដោយអ្នកនាងបានដើរតួជាម្ដាយផងឳពុកផងរបស់កូនស្រីតែម្នាក់ឯង តាំងពីកូនស្រីសម្រាលបានប៉ុន្មានខែ។ អ្នកនាងបានថ្លែងបែបនេះ ក្នុងពិធីខួបកំណើតកូនស្រី គម្រប់មួយឆ្នាំកាលពីថ្ងៃទី9 ខែមករា ឆ្នាំ2019នេះដែលមានវត្តមានតារាល្បីៗចូលរួម។
អ្នកនាងលី ច័ន្ទសីហា និយាយថា ជីវិតប្ដីប្រពន្ធរបស់អ្នកនាងមានរឿងមិនចុះសម្រុងគ្នាជាយូរមកហើយ ដោយមានស្ថានភាពឈ្លោះបែកៗក៏ច្រើនលើកដែរ មុននឹងឈានដល់ការលះលែងគ្នា។ ប៉ុន្តែដោយសារតែអ្នកនាង ក៏មិនចង់អោយរឿងនេះខ្ចរខ្ចាយ ទើបអ្នកនាងព្យាយាមលាក់បាំង ហើតខំពង្រឹងជំហរក្នុងនាមជាម្ដាយម្នាក់សម្រាប់កូនស្រី។ យ៉ាងណាមិញអ្នកនាងថា មិនទន់ជ្រាយទេ ហើយផ្ទុយទៅវិញអ្នកនាងចិញ្ចឹមបីបាច់កូនស្រីអោយមានវាសនាល្អបំផុត បើទោះជាក្នុងពេលនេះ កូនស្រីរបស់អ្នកនាងគ្មានឳពុកឃុំគ្រង។
សូមជម្រាបថា ក្នុងនោះអ្នកនាងក៏ប្រកាសថា នឹងបន្តអាជីពសម្ដែងឱ្យខ្លាំងដូចដើមផងដែរ នៅពេលអ្នកនាងធូរខ្លួនបន្តិចពីការមើលថែកូនស្រី៕

January 10, 2019
ស្លៀកពាក់មិនសមរម្យ និងបង្ហាញក្បាច់រាំស្រើបស្រាលដាក់កុមារ ត្រូវប៉ូលីសថៃចាប់ខ្លូន និងបិទហាងបណ្ដោះអាសន្ន
តាមរយៈសារព័ត៌មានថៃ Mgronline បានចេញផ្សាយនៅពេលថ្មីៗនេះ បានឱ្យដឹងថា អាហារដ្ឋានល្បីឈ្មោះនៅក្នុងផ្សារ ហួនុម មានឈ្មោះថា « สถานีมีหอย » ( កន្លែងមានគ្រំ ) ដែលជាហាងលក់នូវប្រភេទអាហារតំបន់ភូមិភាគឦសាន គ្រឿងសមុទ្រគ្រប់ប្រភេទ និងជាពិសេសប្រភេទពួក គ្រំ ងាវ អយស្ទើ លៀស និងខ្យង ត្រូវបានមន្ត្រីប៉ូលីសថៃ ហាមឃាត់ និងប្រកាសបិទហាងបណ្ដោះអាសន្ន ក្រោយពីបុគ្គលិកហាងដែលជាភេទទី3 បានបង្ហាញក្បាច់រាំលើកអាហារយ៉ាងស្រើបស្រាលដាក់កុមារ រហូតដល់អតិថិជនមិនពេញចិត្តដាក់ពាក្យប្ដឹង។
ជាទូទៅគេមើលឃើញថា នៅក្នុងហាងល្បីឈ្មោះខាងលើនេះ មានបុគ្កលិកជាបុរសភេទី 3 ស្លៀកពាក់មិនសមរម្យប៉ុន្មានទេ បានបញ្ចេញក្បាច់រាំតាមចង្វាក់ភ្លេងយ៉ាងស្រើបស្រាល លើកអាហារជូនភ្ញៀវដែលបានមកពិសានៅក្នុងហាង ។ ហាងនេះចាប់ផ្ដើមបើកដំណើរការណ៍នៅអំឡុងខែ មេសា ឆ្នាំ 2015 និងបានកែប្រែរបៀបនៃការលក់ឱ្យមានភាពទាក់ទាញតាមរយៈក្រុមបុរសភេទទី 3 នៅអំឡុង 1 ឆ្នាំចុងក្រោយនេះទេ។
បើតាមប្រភេទព័ត៌មានបានបញ្ជាក់ទៀតថា បុរសភេទី 3 ចំនួន 5 នាក់ត្រូវបានប៉ូលីសថៃណែនាំខ្លួន និងមិនឱ្យប្រព្រឹត្តអំពើបែបនេះដាក់កុមារបន្ដទៀត៕

January 10, 2019
បាន មុន្នីល័ក្ខ បញ្ជាក់រឿងផ្ដាច់ពាក្យជាមួយ និងទំនាក់ទំនងស្នេហាជាមួយ DJ CAKE
ថ្មីៗនេះ តារាចម្រៀងស្រី បាន មុន្នីល័ក្ខ ត្រូវបានសារព័ត៌មានក្នុងស្រុកទម្លាយរឿងរ៉ាវស្នេហាជាមួយ DJ CAKE ដែលគេបានកត់សម្គាល់ចាប់តាំងពីពេលនាងចូលប្រឡងនៅក្នុងកម្មវិធី The Voice Cambodia រដូវកាលទីមួយមកម្ល៉េះ។
តារាចម្រៀងសម្លេងស្រទន់ កញ្ញា មុន្នីល័ក្ខ ត្រូវបានគេទម្លាយថាជាគូដណ្តឹងនឹងគ្នាជាមួយ DJ CAKE រយៈពេល4ឆ្នាំមកហើយ។ ហើយមហាជនសង្កេតឃើញថា អ្នកទាំងពីរតែងតែទៅណាមកណាជាគូ ចំណែកឯ DJ Cake វិញថែមទាំងបង្ហោះនូវរូបភាពស្និទស្នាលនឹងគ្នាជាញឹកញាប់។ មហាជនកំពុងតែរង់ចាំមើលថាតើពួកគាត់នឹងរៀបការនៅពេលណា ពីព្រោះទំនាក់ទំនងរបស់ពួកគេទាំងនេះមានរយៈពេលជាង ៤ឆ្នាំមកហើយ ។
ភ្លាមៗ តារាចម្រៀងស្រីឡើងកូដរូបនេះ បានបញ្ជាក់នៅលើហ្វេសប៊ុកខ្លួនថា « អគុណដែលបានចុះផ្សាយរឿងនេះ តែខ្ញុំសុំបញ្ចាក់ថា ខ្ញុំនិងបង DJ Cake បានផ្ដាច់ពាក្យនិងគ្នាចប់យូរណាស់ហើយ ដូច្នេះសូមបងប្អូនកុំយល់ច្រឡំខ្ញុំនិងបងDJ CAKE ជាអ្វីនិងគ្នាតទៀត ហើយសព្វថ្ងៃពួកយើងត្រឹមតែជាមិត្តរួមការងារប៉ុណ្ណោះ ។ អរគុណសម្រាប់ក្ដីស្រលាញ់របស់បងប្អូនទាំងអស់គ្នា »៕

January 9, 2019