Author: អេបិល

អ្នកលេងបណ្ដាញសង្គមនៅតែមិនសុខចិត្ត និងទទូចឱ្យអាជ្ញាធរមានវិធានការក្ដៅទៅលើ ចំប៉ីខ្មៅ
ដូចដែលបានដឹងហើយកាលពីយប់ថ្ងៃទី4 ខែកុម្ភៈ ឆ្នាំ 2019 ថ្ងៃម្សិលមិញនេះ គណនីហ្វេសប៊ុកឈ្មោះ ហេង យិន ដែលគេស្គាល់ថាជា ចំប៉ីខ្មៅ បានចេញវីដេអូជេរមួយទៅកាន់បុរសបីនាក់ ដែលបានជិះម៉ូតូមកខោកក្បាលខ្លួន ហើយអ្វី ដែលមហាជនជាច្រើនសម្ដែងការខឹងសប្បារជាខ្លាំងនោះគឺក្នុងវីដេអូនោះ បុគ្គលរូបនេះបានប្រើពាក្យសម្តីអសុរស ដៀលប្រមាថ ទៅលើពូជសាសន៏ខ្មែរ ដែលខ្លួនឯងផ្ទាល់កំពុងតែរស់នៅលើទឹកដីមួយនេះ។

ដោយឡែក កាលពីប៉ុន្មាននាទីមុននេះ ប្រហែលជាភ័យខ្លួន ក្រោយពីមានប្រតិកម្មខ្លាំងពីមហាជនទូទៅ អ្នកសិល្បៈ និងមានអ្នកមានមុខមាត់ក្នុងសង្គម ត្រៀមនឹងចាត់វិធានការតាមផ្លូវច្បាប់ ទើបបុគ្គលហេងយិន នេះបានបង្ហោះឃ្លីបវីដេអូសុំទោសជាសាធារណៈ ដោយលើកឡើងថាហេតុផលមកពីខ្លួនខឹងនឹងជនដែលមកខោកក្បាលខ្លួននោះខ្លាំងពេក ទើបទប់អារម្មណ៍មិនជាប់។ តែយ៉ាងណាមិញ អ្នកលេងបណ្ដាញសង្គមខ្មែរ មិនព្រមទទួលយកនូវការសុំទោសរបស់នាង ចំប៉ីខ្មៅ នេះទេ ព្រមទាំងទទូចឱ្យអាជ្ញាធរពាក់ព័ន្ធគ្រប់ផ្នែក មានវិធានការក្ដៅចំពោះរូបនាងជាបន្ទាន់។

សូមទស្សនាវីដេអូសុំទោសចំប៉ីខ្មៅរបស់ខាងក្រោម៖

February 5, 2019
នោះ!! តារាសម្ដែងចៅខ្មែរ ប្រកាសសុខចិត្តចេញលុយ 2000 ពាន់ដុល្លារ ប្ដឹងនាងចំប៉ីខ្មៅ
ករណីខ្ទើយ ចំប៉ីខ្មៅ មើលងាយពូជសាសន៍ជាតិខ្មែរ បានធ្វើឱ្យបងប្អូនខ្មែរអ្នកនិយមបណ្ដាញសង្គមទាំងអស់មានការមិនពេញចិត្ត និងមុខរិះគន់ ចំពោះទង្វើរបែបនេះ នឹងសំណូមពរឱ្យមន្ត្រីមានសមត្ថកិច្ចចាត់ការផងដែរ។ ក្នុងនោះដែរតារាសម្ដែងនៅក្នុងរឿង « ម៉ាដាមអាប » លោក ចៅខ្មែរ បានប្រកាសនៅលើទំព័រហ្វេសប៊ុករបស់ខ្លួនថា សុខចិត្តចេញលុយ 2000 ពាន់ដុល្លារបើមានមេធាវី ឫអង្គភាពណាអាចមានចំណាត់ការផ្លូវច្បាប់លើ ខ្ទើយរូបនេៈជាបន្ទាន់។

តារាសម្ដែងរូបនេះ បានរៀបរាប់ថា ស៊ែទៅកូនខ្មែរ ..!! ខ្ញុំបាទចៅខ្មែរសូមជូន 2000$ បើមានមេធាវី រឺអង្គភាពណាអាចមានចំណាត់ការផ្លូវច្បាប់លើយុវជននេៈជាបន្ទាន់ ក្នុងករណីមេធាវីចាំបាច់តម្រូវការចំណាយលើឯកសារផ្លូវច្បាប់ផ្សេងៗ។ ខ្ញុំសូមអំពាវនាវដល់ កូនខ្មែរអោយជួយប្រឹក្សានិង តវ៉ាឱ្យផ្លូវច្បាប់មានចំណាត់ការលើយុវជននេះ ត្រង់ពាក្យសម្តីដៀលខ្មែរមួយប្រទេស សញ្ចាត្តិ ដែរអាចនិយាយបានថាប៉ៈពាល់ព្រៈមហាក្សត្រឬប្រជាជនខ្មែរមួយប្រទេសទាំងមូលទៀតផង ត្រង់ឃ្លានិយាយថា ពូជបាត់ដី។

នេៈជាលើកទី2ហើយ ដែលយុវជននេៈដៀលសញ្ចាត្តិខ្មែរ ដោយលើកមុន បាននិយាយជាវីដេអូនៅមុខព្រៈបរមរាវាំងម្តងហើយថាពូជខ្មែរ ធ្វើសូត្រ ជាពូជពូកែច្រលក់ព័ណ៌ដោយយុវជននេៈប្រើភាសារន័យធៀបក្នុងអត្ថន័យមើលងាយខ្មែរម្តងហើយ។ រឿងយុវជន3នាក់ធ្វើលើគាត់វាពិតជាខុស តែមិចត្រូវរាលដាលដល់ថ្នាក់ជេដៀលខ្មែរផ្សេងទៀត ដែរមិនដឹងមួយប្រទេសចឹងទៅវិញ? ពិសេសត្រង់ពាក្យ ពូជបាត់ដី សញ្ចាត្តិថោកទាបនិងតែម្តង៕

February 5, 2019
ព័ត៌មានបន្ទាន់! Liverpool ត្រៀមបញ្ជូន Joe Gomez ទៅវះកាត់ហើយ
ក្លិបបាល់ទាត់ ”ហង្សក្រហម” Liverpool បានសម្រេចបញ្ជូន Joe Gomez ខ្សែការពារកំពុងលេចធ្លោរបស់ក្រុមចូលទៅទទួលការវះកាត់ហើយ បន្ទាប់ពីអាការប្រេះឆ្អឹងជើងរបស់គេមានការធូរស្រាលយឺតជាងការរំពឹងទុក។
Liverpool កំពូលក្លិបបាល់ទាត់ក្នុងក្របខ័ណ្ឌ Premiere League អង់គ្លេស បានសម្រេចបញ្ជូនខ្សែការពារដែលកំពុងឡើងទម្រង់លេងរបស់ក្លិប Joe Gomez ចូលទទួលយកការវះកាត់ដើម្បីព្យាបាលអាការប្រេះឆ្អឹងជើង ក្រោយពីសាមីខ្លួនរងរបួស និងត្រូវសម្រាកអស់ពេលដ៏យូរមក ដោយសារតារាបាល់ទាត់ខ្សែការពាររបស់ក្រុមជម្រើសជាតិអង់គ្លេសរូបនេះបានរងរបួសនៅត្រង់ជើងរបស់គេនៅក្នុងអំឡុងការប្រកួតដែល Liverpool បានទទួលជ័យជម្នះលើក្រុម Burnley F.C ក្នុងលទ្ធផល 3-1 កាលពីថ្ងៃទី5 ខែធ្នូ ឆ្នាំ2018កន្លងមក។
យ៉ាងណាក៏ដោយ អាការរបួសរបស់ Joe Gomez មើលទៅអាចនឹងត្រូវជាសះស្បើយយឺតជាងការរំពឹងទុក ដល់ថ្នាក់លោក Jurgen Klopp គ្រូបង្វឹករបស់ក្លិបទទួលស្គាល់ថា កីឡាកររបស់លោកអាចនឹងដល់ថ្នាក់ចាំបាច់ត្រូវទទួលយកការវះកាត់ដើម្បីព្យាបាលអាករប្រេះឆ្អឹងជើងនេះហើយ។
មកដល់ពេលនេះ ក្លិបក៏បានសម្រេចចិត្តដំណើរការដំណាក់កាលនេះរួចរាល់ហើយ ដោយជឿថា ក្រោយពីការវះកាត់រួច អ្នកគាំទ្រនឹងបានឃើញខ្សែការពារដែលកំពុងឡើងទម្រង់លេងរូបនេះចូលប្រកួតវិញនៅមុនពេលចប់រដូវកាលនេះជាមិនខាន៕
February 5, 2019
ចាប់ផ្តើមខែថ្មី!! ឈប់ទូលបញ្ហា និងកំហុស ហើយយកវាជាឈ្នាន់ដើម្បីបន្តដំណើរទៅមុខទៀត
ថ្ងៃណាក៏ជាថ្ងៃចាប់ផ្តើមដ៏ល្អដែរ ឱ្យតែយើងតាំងចិត្តអភិវឌ្ឍខ្លួនឯង តែកន្លងមកមនុស្សតែងតែយល់ខុសថា ទាល់តែថ្ងៃដើមខែ ថ្ងៃសីល ថ្ងៃដើមឆ្នាំ ឬថ្ងៃល្អណាមួយ ទើបជាពេលវេលាដែលអាចធ្វើការចាប់ផ្តើមសកម្មភាពវិជ្ជមានប្រកបដោយប្រសិទ្ធភាព។

នៅថ្ងៃនេះ ជាថ្ងៃដើមខែថ្មីនៃឆ្នាំ2019 ដែលវាក៏អាចជាឱកាសល្អក្នុងការចាប់ផ្តើមត្រិះរិះពិចារណាដើម្បីតាំងចិត្តអភិវឌ្ឍការគិតរបស់ខ្លួនឆ្ពោះទៅរកសេចក្តីសុខ និងសុភមង្គលក្នុងការរស់នៅ។

លោក Christopher Lee ស្ថាបនិកអង្គការ HEDC អន្តរជាតិ បានលើកឡើងថា ដើម្បីទទួលបានសេចក្តីសុខក្នុងជីវិត យើងគួរចេះពិចារណាពីកំហុសនៅក្នុងការរស់នៅ។ លោកថា របស់របរទាំងឡាយអាចល្អទៅបាន លុះត្រាតែឆ្លងកាត់ការកែសម្រួលជាច្រើនដងពីកំហុសផ្សេងៗគ្នា រហូតអាចប្រែក្លាយពីវត្ថុធម្មតាមួយឱ្យទៅជាវត្ថុដ៏ល្អប្រណីតបាន។ ហេតុនេះប្រសិនបើគិតត្រឡប់មកវិញ យើងឃើញថា គ្មានអ្នកណាម្នាក់គេចពីកំហុសបាននោះទេ ហើយកំហុសក៏មិនអាក្រក់ដែរ តែអ្វីដែលអាក្រក់ គឺយើងមិនចេះកែប្រែកំហុសនោះឱ្យក្លាយជារឿងល្អក្នុងជីវិតបាន។

លោក Christopher Lee បានមានប្រសាសន៍ថា៖ «នៅពេលមនុស្សយើងជួបកំហុស គឺប្រៀបបាននឹងយើងជាន់ដុំថ្មមួយដុំហើយធ្វើឱ្យយើងដួលធ្លាក់ទៅក្នុងទឹក។ ប្រសិនបើយើងមិនព្រមងើប ហើយបែរជាយកដុំថ្មនោះមកទូល វានឹងក្លាយជាបន្ទុកដែលធ្វើឱ្យជីវិតរបស់យើងបាត់បង់សេចក្តីសុខ តែប្រសិនបើយើងដាក់ថ្មនោះចុះ ហើយជាន់ដើម្បីឈានទៅមុខទៀត នោះជីវិតយើងនឹងល្អប្រសើរជាងមុន»។

ការកែប្រែកំហុស ឬបញ្ហាក្នុងជីវិតជារឿងសំខាន់មួយដែលមនុស្សគ្រប់គ្នាសុទ្ធតែត្រូវអនុវត្ត ព្រោះប្រសិនបើយើងអង្គុយតែសោកស្តាយ ឬស្ពាយអតីតកាលអវិជ្ជមាន នោះជីវិតរបស់យើងនឹងមិនមានកម្លាំង ឬថាមពលខ្លាំងសម្រាប់បន្តដំណើរលឿននោះទេ។ វិធីឆ្លាតវៃបំផុត គឺប្រើប្រាស់កំហុសជាបទពិសោធ ហើយបន្តធ្វើអ្វីដែលថ្មី ដើម្បីជាប្រយោជន៍ បើទោះបីជាយើងអាចនឹងប្រឈមជាមួយនឹងកំហុសថ្មីក៏ដោយ ព្រោះអ្នកដែលគ្មានកំហុស ប្រាកដជាគ្មានសមិទ្ធផលអ្វីទាំងអស់៕

February 5, 2019
ងាយស្រួលហើយ!! លុយរៀលរបស់កម្ពុជាអាចចាយនៅប្រទេសថៃ ដោយមិនបាច់ដូរលុយបាត
បើតាមការបញ្ជាក់របស់ហ្វេសប៊ុកផ្លូវការរបស់ ធនាគារជាតិ នៃកម្ពុជា បានឱ្យដឹងថា នៅថ្ងៃអាទិត្យ 14រោច ខែបុស្ស ឆ្នាំច សំរឹទ្ធិស័ក ព.ស.2562 ត្រូវនឹងថ្ងៃទី3 ខែកុម្ភៈ ឆ្នាំ2019 ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា និងឯកឧត្តម Veerathai Santiprabhob ទេសាភិបាល ធនាគារកណ្តាលថៃ ព្រមទាំងគណៈប្រតិភូជាន់ខ្ពស់បានអញ្ជើញចូលរួមក្នុងកិច្ចប្រជុំទ្វេភាគីរវាងធនាគារកណ្តាលទាំងពីរ នៅរាជធានីភ្នំពេញ។
កិច្ចប្រជុំទ្វេភាគីប្រចាំឆ្នាំនេះមានគោលបំណងពង្រឹងកិច្ចសហប្រតិបត្តិការនិងបង្កើនទំនាក់ទំនងជាមិត្តភាពរវាងធនាគារកណ្តាលប្រទេសទាំងពីរឱ្យកាន់តែជិតស្និទ្ធ។ កន្លងមក កិច្ចប្រជុំនេះបានរួមចំណែកពង្រឹងកិច្ចសហប្រតិបត្តិការក្នុងវិស័យធនាគារនិងហិរញ្ញវត្ថុ និងជំរុញកំណើនសេដ្ឋកិច្ចនៃប្រទេសទាំងពីរប្រកបដោយចីរភាព។ នាឱកាសនេះដែរ ទេសាភិបាលធនាគារកណ្តាលទាំងពីរបានចុះអនុស្សរណៈយោគយល់ស្តីពីកិច្ចសហប្រតិបត្តិការលើនវានុវត្តនៃការទូទាត់និងហិរញ្ញវត្ថុ។
អនុស្សរណៈយោគយល់នេះសំដៅគាំទ្រដល់កិច្ចសហការក្នុងការអភិវឌ្ឍអន្តរប្រតិបត្តិការនៃស្តង់ដារប្រព័ន្ធ QR code សម្រាប់ការទូទាត់ក្នុងប្រទេសនិងក្រៅប្រទេស ប្រកបដោយប្រសិទ្ធភាពនិងមានសុវត្ថិភាព ព្រមទាំងជំរុញដល់ការប្រើប្រាស់រូបិយវត្ថុជាតិ និងនវានុវត្តវិស័យហិរញ្ញវត្ថុក្នុងប្រទេសទាំងពីរ។ លើសពីនេះ ធនាគារជាតិនៃកម្ពុជានិងធនាគារកណ្តាលថៃបានព្រមព្រៀងដាក់ឱ្យដំណើរការសាកល្បងគម្រោងអភិវឌ្ឍប្រព័ន្ធ QR code ដើម្បីជួយសម្រួលដល់សេវាទូទាត់រាយនៅកម្ពុជានិងរវាងប្រទេសទាំងពីរ៕

February 5, 2019
លោក តាវិចទ័រ បញ្ជាក់អំពីអាការជំងឺគ្រុនឈាម នីឡា ដេកសម្រាកព្យាបាលអស់រយៈពេលមួយអាទិត្យហើយ
ដូចប្រិយមិត្តអ្នកគាំទ្រទាំងអស់បានជ្រាបដឹងហើយថា តារាកំប្លែងស្រី នីឡា ដែលជាកូនស្រីបណ្តូលចិត្តលោកតាវិចទ័រនោះ កំពុងសម្រាកព្យាបាលជំងឺគ្រុនឈាមនៅមន្ទីពេទ្រមួយអស់រយៈពេលជិតមួយអាទិត្យកន្លងទៅហើយ។ ស្ថានភាពរបស់នាង ត្រូវបានឪពុកបញ្ជាក់ថា បានធូរសះស្បើយបន្ដិចហើយ គ្រាន់តែនាងនៅមិនទាន់មានកម្លាំងគ្រប់គ្រាន់មកបំពេញការងារសិល្បៈបាននៅឡើយទេ។
នៅពេលថ្មីៗនេះលោក តាវិចទ័រ បានបង្ហើបប្រាប់ម្តងទៀត ក៏ដូចជាសារដាស់តឿនជាមួយគ្នាផងដែរថា «បងប្អូនកូនក្មួយទាំងអស់គ្នាបានជ្រាបហើយថា ជំងឺគ្រុនឈាម រយ:កាលកន្លងមកនេះគឺអាចកើតឡើងចំពោះមនុស្សគ្រប់វ័យ ហេតុនេះសូមបងប្អូនថែរខ្លួនឱ្យបានល្អជាពិសេសបុត្រធីតាតូចៗរបស់អ្នក។ ដើម្បីបង្ការកុំឱ្យមានជំងឺគ្រុនឈាមគឹត្រូវកំចាត់មូសខ្លា។ ខ្ញុំសូមជូនពរបងប្អូនសុខសប្បាយគ្រប់ៗគ្នា!»។
លោកបានបន្ដថា យ៉ាងណាមិញថ្ងៃនេះផងដែរ នីឡា បានធូរស្បើយហើយ សូមអគុណបងប្អូន និងសូមជម្រាបសួរពុកម៉ែបងប្អូន! ។តាមរយ:ផេចខ្ញុំបាទជាឪពុក ជាមួយនឹងឱកាសដ៏ពិសេសនៃពិធីបុណ្យចូលឆ្នាំប្រពៃណីចិន កូនស្រីខ្ញុំបាទ សូមថ្លែងអំនរគុណនឹងគោរពជូនពរពូមីង បងប្អូន ដែលបានចូលរួមជូនពរនាងតាមរយ:ផេចខ្ញុំបាទ សូមជួបប្រទះនូវ វិបុលសុខ សិរីសួស្តីនិងជ័យជំនះគ្រប់ប្រការតរៀងទៅ…៕

February 5, 2019
អ្នកដឹកនាំសម្ដែងនៅហង្សមាស ជួន សុវណ្ណវាសនា ប្រកាសប្ដឹងនាងចំប៉ីខ្មៅ
នៅរាត្រីយប់មិញនេះ មានភាពភ្ញាក់ផ្អើលពេញបណ្ដាញសង្គមហ្វេសប៊ុក ដែលគេមើលឃើញនាងចំប៉ីខ្មៅ បានចេញវីដេអូនិយាយថា ត្រូវបានបុរស3នាក់ ជិះមូតូតាមខោក ក្បាល ឡើងពក ។ នាងចំប៉ីខ្មៅ ភេទទី 3 រូបនេះ ខឹងខ្លំាងណាស់រហូតដល់ជេតាម live វីឌីអូរដៀលកប់ៗ រហូតដល់ថ្នាក់ជេរតិះដៀលពូជខ្មែរឥតសំចៃថ្វីមាត់។
ក្រោយពីបានឃើញវីដេអូនោះបន្តិច ភ្លាមអ្នកដឹកនាំសម្ដែងប្រចាំផលិតកម្មហង្សមាស លោក ជួន សុវណ្ណវាសនា ចេញមុខប្ដឹង និងភ្នាល់ដាក់ការងារ ប្រសិនបើការប្ដឹងមិនមានលទ្ធផល។ លោកបានបង្ហោះសារថា « ខ្ញុំបាទនឹងចេញមុខសុំប្តឹង អាក្អូនឯងទៅមើលច្បាប់ព្រហ្មទណ្ឌ មាត្រា២០៧ នៃក្រមព្រហ្មទណ្ឌផង ទោសអាក្អូនឯង អាចជាប់ពន្ធនាគារពី១ខែទៅ២ឆ្នាំ ពិន័យជាប្រាក់ពីមួយសែនរៀលទៅ១០លានរៀល ! ខ្ញុំនឹងសើបតាមច្បាប់បន្ថែមទៀត. បើខ្ញុំប្តឹងហើយស្ងាត់គ្មានន័យ ខ្ញុំសុំឈប់ពីការងារនឹងសិល្បៈ…! ខ្ញុំមិនស្នើក្រសួងទេ ខ្ញុំសុំប្តឹងក្នុងនាមខ្ញុំបាទជាឈាមខ្មែរ…! ស៊ូស្លាប់មិនឱ្យគេមើលងាយពូជនគរខ្មែរ »។
លោកបន្ដទៀតថា « ខ្ញុំមិនត្រូវការសុំទោសពីជននេះទេ ! ខ្ញុំបាទរៀបចំឯកសារផ្លូវច្បាប់ជាមួយមេធាវីខ្ញុំព្រឹកនេះរួចរាល់ហើយ ! ប្រទេសមានច្បាប់ គ្រួសារមានវិន័យ ! ហើយចាំមុខខ្ញុំទៅលោក ឬអ្នកដែលថាខ្ញុំធ្វើនេះគ្រាន់តែចង់ល្បី សូមគិតឡើងវិញ ! ពេលខ្ញុំស្តាប់វិឌីអូហើយ ក្នុងចិត្តខ្ញុំពិបាកនឹងទទួលយកណាស់ អ្នកធ្វើអីធ្វើចុះកុំឱ្យបិះខ្មែរ…! រឿងបុគ្គលសោះម៉េច ក៏និយាយសុទ្ធតែ ពួកអាខ្មែរ ពូជតិរច្ឆាន ពួកអាខ្មែរថោកទាប »៕
ប្រិយមិត្តចង់ជ្រាបច្បាស់សូមទស្សនាវីឌីអូនាងចំប៉ីខ្មៅខាងក្រោម៖

February 5, 2019
បញ្ញា សិដ្ឋ ដាក់ពាក្យប្ដឹងនារីដែលបង្ហោះថា លោកជំពាក់លុយ និងចិញ្ចឹមប្រុស
នៅលើគណនីហ្វេសប៊ុកផ្លូវការរបស់តារាចម្រៀង និងតារាសម្ដែងលោក បញ្ញា សិដ្ឋ ក្នុងប៉ុន្មានថ្ងៃនេះ គេបានមើលឃើញថាឡើងកំដៅយ៉ាងខ្លាំង បន្ទាប់ពីមានម្ចាស់គណនីមួយ ដែលមានឈ្មោះថា កញ្ញា តែនអន បានបង្ហោះសំណេរជាច្រើនបង្ខូចឈ្មោះថាលោកជំពាក់លុយមិនសង ហើយបានយកលុយនោះចិញ្ចឹមប្រុសទើបគ្មានលុយសង ក្នុងពេលដែលលោកប្រកាសថាមិនដែលស្គាល់នារីនោះទាល់តែសោះ។
លោក បញ្ញា សិដ្ឋ ថាខ្លួនពិតជាមានជំពាក់វាក់វិននឹងបំណុលធនាគារខ្លះ ប៉ុន្តែមិនដែលមានបញ្ហាក្នុងការសងត្រលប់នោះទេ អ៊ីចឹងហើយទើបលោកយល់ថា នារីដែលបានបង្ហោះពីលោកដើម្បីឱ្យមានអ្នក Like និងអ្នក Share ច្រើននេះ គឺលោកនឹងដាក់បណ្ដឹងទាមទារជំងឺចិត្ត និងតម្រូវឱ្យទទួលខុសត្រូវជាសាធារណៈ។ លោកបញ្ញា សិដ្ឋ និយាយថា សម័យនេះមានមនុស្សតិចណាស់ដែលមិនមានបំណុលធនាគារ ប៉ុន្តែសម្រាប់ការជំពាក់លុយបុគ្គលរាប់ម៉ឺនដល់ថ្នាក់មិនមានលុយសង ហើយត្រូវម្ចាស់បំណុលគេបង្ហោះដូចករណីឈ្មោះម្ចាស់គណនីហ្វេសប៊ុក កញ្ញា តែងអន គឺមិនមាននោះទេ ទើបលោកប្រកាសថាទទួលយកមិនបាន។
លោកថាជារឿងក្ដៅចិត្តយ៉ាងខ្លាំង ដែលម្ចាស់គណនីនោះ និងលោកមិនដែលស្គាល់គ្នាទាល់តែសោះ ហើយសំខាន់លោកមិនដែលបានជំពាក់លុយបុគ្គលណាម្នាក់ក្រៅពីបំណុលធនាគារមួយចំនួនតូចក្នុងរឿងមុខជំនួញទាល់តែសោះ ស្រាប់តែមានអ្នកមកបង្ហោះបង្ខូចឈ្មោះបែបនេះ។ លោកថាបុគ្គលនេះ លោកបានដាក់បណ្ដឹងទៅកាន់មន្ត្រីមានសមត្ថកិច្ច ហើយកំណត់អត្តសញ្ញាណបានហើយ ទើបលោកសម្រេចចិត្តដាក់បណ្ដឹងទៅក្រសួងមហាផ្ទៃនៅក្រោយថ្ងៃសែនចូលឆ្នាំចិននេះ ដោយលោកប្រកាសថានឹងយកម្ចាស់អាក់ខោនដែលបង្ហោះពីលោកអោយចេញមុខមកបំភ្លឺពីករណីបង្ហោះរបស់ខ្លួន និងត្រូវតែបង់ជំងឺចិត្តឱ្យលោកដាច់ខាត ដើម្បីឱ្យសមនឹងអ្វីដែលម្ចាស់គណនីហ្វេសប៊ុកនេះ បានធ្វើឱ្យលោកប៉ះពាល់កិត្តិយស។
តារាសម្ដែងប្រុសរូបនេះ បានបញ្ជាក់ថា ខ្លួនមានការភ្ញាក់ផ្អើល ដែលលោកមិនមានបំណុលជាមួយបុគ្គលឯកជនទាល់តែសោះ ស្រាប់តែមានការបង្ហោះនេះឡើង ដោយលោកប្រកាសថា ថវិកាដែលខ្លួនប្ដឹងទារបាន គឺនឹងយកមួយចំណែកទៅប្រើក្នុងកម្មវិធីសប្បុរសធម៌៕

February 5, 2019
ក្រុមហ៊ុន RMA អញ្ជើញគ្រូធំពី Harvard មកចែករំលែកដល់ម្ចាស់អាជីវកម្មនៅកម្ពុជា
ស្ថិតក្នុងបរិបទពិភពលោកកំពុងមានការប្រែប្រួលយ៉ាងឆាប់រហ័ស ការធ្វើអាជីវកម្មកាន់តែមានលក្ខណៈប្រកួតប្រជែងកាន់តែខ្លាំង ដែលទាមទារឱ្យអ្នកដឹកនាំធុរកិច្ចទាំងអស់ចាំបាច់ត្រូវតែអភិវឌ្ឍខ្លួនឱ្យទាន់សម័យបច្ចេកវិទ្យានេះ។ ស្របជាមួយគ្នានេះដែរ វត្តមាននៃបច្ចេកវិទ្យាបានធ្វើឱ្យក្រុមហ៊ុននានាត្រូវតែប្រើប្រាស់ប្រព័ន្ធឆ្លាតវៃ ដើម្បីរក្សាទីផ្សារឱ្យបានមុននឹងធ្វើការឈានជើងទៅប្រកួតប្រជែងជាមួយដៃគូដទៃទៀតជាសកល។
ដោយមើលឃើញពីភាពចាំបាច់ក្នុងការអភិវឌ្ឍលើអាជីវកម្មនានានៅកម្ពុជា ក្រុមហ៊ុន RMACambodia ដែលជាក្រុមហ៊ុនធំមួយក្នុងប្រទេសកម្ពុជា បានអញ្ជើញលោក Sunil Gupta សាស្រ្តាចារ្យ និងជាប្រធាននាយកកម្មវិធីគ្រប់គ្រងទូទៅនៃ Harvard Business School ដើម្បីធ្វើការចែករំលែកបទពិសោធសំខាន់ៗដល់ម្ចាស់អាជីវកម្មធំៗនៅកម្ពុជា។
លោក ងន សាំង អគ្គនាយកក្រុមហ៊ុន RMA Cambodia បានលើកឡើងថា កម្មវិធីនេះជាកម្មវិធីពិសេស ហើយជាលើកទី1 នៅក្នុងប្រទេសកម្ពុជាដែលបានរៀបចំកម្មវិធីចែករំលែកគំនិតអាជីវកម្មឱ្យទាន់សម័យកាល ពីអ្នកជំនាញមកពីសាកលវិទ្យាល័យ Harvard។ លោកថា ដោយសារតែលោកធ្លាប់សិក្សានៅសាកលវិទ្យាល័យ Harvard លោកសង្កេតឃើញថា សាស្រ្តាចារ្យស្ទើរតែទាំងអស់នៅទីនោះសុទ្ធតែមានសមត្ថភាពខ្ពស់ និងល្បីល្បាញដែលមានគំនិតស៊ីជម្រៅសម្រាប់ការអភិវឌ្ឍ ហេតុនេះហើយទើបថ្ងៃនេះលោកបានអញ្ជើញអ្នកដឹកនាំទាំងក្នុងក្រុមហ៊ុន អង្គការក្រៅរដ្ឋាភិបាល និងមន្ត្រីរដ្ឋាភិបាលដើម្បីចូលរួមទាំងអស់គ្នានៅថ្ងៃនេះ។
លោក ងន សាំង បានមានប្រសាសន៍ថា៖ «ប្រធានបទសំខាន់នៅថ្ងៃនេះ គឺចង់បង្ហាញឱ្យយើងទាំងអស់គ្នាឃើញថា បច្ចេកវិទ្យាកំពុងតែមានការផ្លាស់ប្តូរយ៉ាងឆាប់រហ័ស ហេតុនេះយើងត្រូវធ្វើរឿងសំខាន់ៗជាច្រើនដើម្បីដើរឱ្យទាន់»។
ជាការរំពឹងទុក លោក ងន សាំង សង្ឃឹមថា ប្រធានស្ថាប័នសំខាន់ៗទាំងអស់នឹងយកចំណេះដឹងដែលបានសិក្សាទៅអភិវឌ្ឍស្ថាប័នរបស់ខ្លួនឱ្យកាន់តែមានប្រសិទ្ធភាព និងប្រសើរឡើង។
លោក Sunil Gupta សាស្រ្តាចារ្យ និងជាប្រធាននាយកកម្មវិធីគ្រប់គ្រងទូទៅនៃ Harvard Business School បានលើកឡើងថា បច្ចុប្បន្ននេះក្រុមហ៊ុនធំៗទាំងអស់លើពិភពលោកកំពុងធ្វើការផ្លាស់ប្តូរវិធីសាស្រ្ត និងយុទ្ធសាស្រ្តរបស់ខ្លួនដើម្បីធ្វើការប្រកួតប្រជែងដោយប្រើប្រាស់បច្ចេកវិទ្យា។ ចំណែកឯការធ្វើអាជីវកម្មក៏ទាមទារឱ្យមានការខិតខំប្រឹងប្រែងកាន់តែខ្លាំងដើម្បីប្រកួតប្រជែង ព្រោះអតិថិជនកាន់តែមានលក្ខណៈងាយស្រួលក្នុងការទំនាក់ទំនងទិញដោយផ្ទាល់ និងអាចទទួលបានព័ត៌មានជាច្រើនលើពិភលោក ហេតុនេះការប្រកួតប្រជែងគឺមានលក្ខណៈជាសកលតែម្តង។ លោកបានបន្ថែមផងដែរថា មិនមែនត្រឹមតែក្រុមហ៊ុនបច្ចេកវិទ្យានោះទេដែលត្រូវការប្រើប្រាស់ និងអភិវឌ្ឍបច្ចេកវិទ្យា តែស្ទើរគ្រប់ទម្រង់នៃអាជីវកម្មទាំងអស់នាពេលបច្ចុប្បន្ននេះត្រូវតែដើរឱ្យទាន់សភាពការណ៍ និងប្រើប្រាស់បច្ចេកវិទ្យាឱ្យកាន់តែប្រសើរឡើង៕

February 2, 2019
កតញ្ញូ និងគុណធម៌!! ដួង វីរៈសិទ្ធ ជូនថវិកាភរិយារបស់ អធិរាជសំឡេងមាសលោកតា ស៊ីន ស៊ីសាមុត ដូចក្តីបំណង
តារាចម្រៀង លោកដួង វីរៈសិទ្ធ ដែលជាតារាចម្រៀងដែលមានសម្លេងស្រទន់ ដោយគ្រប់បទចម្រៀងដែលលោកច្រៀងតែងបំពេរអារម្មណ៍ប្រិយមិត្តឱ្យស្តាប់ និងបណ្តែតអារម្មណ៍ទៅតាមសំនៀងរបស់លោក។ គេតែងសង្កេតឃើញលោក ដួង វីរៈសិទ្ធ គឺតែងច្រៀង Cover បទមរតកដើម ជាពិសេសគឺបទរបស់លោកតា ស៊ីន ស៊ីសាមុត ស្រាប់តែលោកបានធ្វើឱ្យប្រិយមិត្តជាច្រើនភ្ញាក់ផ្អើល ដោយលោកបានចូលជួបលោកយាយមួយរូប ដែលត្រូវជាឧត្តមភរិយារបស់អធិរាជសម្លេងមាស ស៊ីន ស៊ីសាមុត ព្រមជាមួយថវិកាមួយចំនួន។
ជាក់ស្តែងដួងវិរៈ សិទ្ធ នាំយកមកថវិការមួយចំនួនជួនទៅលោកយាយដែលជាប្រពន្ធលោកតាអធិរាជសំឡេងមាស ស៊ិន ស៊ីសាមុត ហើយបានសរសេរថា «ខ្ញុំពិតជាមានក្តីរំភើបរីករាយខ្លាំងណាស់ដែលបានជួបលោកយាយដែលជាឧត្ដមភរិយារបស់(អធិរាជសំឡេងមាស ស៊ីន ស៊ីសាមុត )ដូចក្តីបំណង ទោះភ្នំពេញដីឆ្ងាយពីខេត្តស្ទឹងត្រែងតែទឹកចិត្ត និងការដឹងគុណរបស់ចៅគឺនៅជិតបង្កើយ។ ខ្ញុំបានពាំនាំយកកាដូបន្តិចបន្តួចទៅតាមលទ្ធភាព ចំនួនទឹកប្រាក់ 2,០០០,០០០៛ ដែលជាសណ្ដានចិត្តរបស់ចៅ ដោយក្ដីស្រលាញ់ និងគោរពចំពោះលោកយាយ និងក្រុមគ្រួសារ និងជាការដឹងគុណសម្រាប់រាល់បទចម្រៀងដែលចៅបានច្រៀង….ហើយចៅ និងព្យាយាមជួយលោកយាយបន្ថែមទៀតទៅថ្ងៃមុខទៅតាមលទ្ធភាពដែលចៅមាន… ហើយចៅនឹងប្រឹងប្រែងនិពន្ធ នឹងថែររក្សារចម្រៀងបែបខ្មែរយើងអោយបានល្អនឹងដើម្បីបន្សល់ទុកសម្រាប់កូនខ្មែរជំនាន់ក្រោយៗទៀតសូមអរគុណ…..#រូបភាពកាលពីថ្ងៃទី២៦ខែមករាឆ្នាំ២០១៩ ដួង វីរៈសិទ្ធ»៕

February 1, 2019