Author: អេបិល

  • ម្ចាស់​បទ​ ​«​ ​សៃវ៉ាស៊ិបរធីមកាន់​ ​»​ ​រៀប​មង្គល​កា​រស្ងា​ត់ៗ​ជាមួយ​នារី​ស្រស់​ស្អាត​ម្នាក់​ ​.​.​.​

    ម្ចាស់​បទ​ ​«​ ​សៃវ៉ាស៊ិបរធីមកាន់​ ​»​ ​រៀប​មង្គល​កា​រស្ងា​ត់ៗ​ជាមួយ​នារី​ស្រស់​ស្អាត​ម្នាក់​ ​.​.​.​

    ​តាមរយៈ​សារព័ត៌មាន​ ​Kapook​ ​នៅ​ព្រឹក​ថ្ងៃទី​ ​13​ ​ខែកុម្ភៈ​ ​ឆ្នាំ​ ​2019​ ​នេះ​បានឱ្យ​ដឹង​ថា​ ​ម្ចាស់​បទចម្រៀង​ល្បីល្បាញ​នៅ​លើ​បណ្ដាញ​សង្គម​យូ​ធូប​ ​មាន​ចំណងជើង​ថា​ ​«​សៃវ៉ាស៊ិបរធីមកាន់​​»​ ​គឺ​លោក​ ​កង​ ​ហួយ​រ៉ៃ​ ​បាន​ចូល​រោង​កា​រស្ងា​ត់ៗ​ជាមួយ​នារី​ស្រស់​ស្អាត​ម្នាក់​ ​និង​ជាតា​រា​ចម្រៀង​នៅ​លើ​បណ្ដាញ​សង្គម​ដូចគ្នា​គឺ​កញ្ញា​ ​បែ​លល៍​ ​ខៈ​និ​ត​ថាន​ ​បន្ទាប់ពី​មាន​ទំនាក់ទំនង​ស្នេហា​អស់​រយៈពេល​ជាង​មួយឆ្នាំ​។​
    ​
    ​ពិធី​មង្គលការ​ស្ងាត់ៗរបស់​អ្នក​ទាំងពីរ​ត្រូវ​បាន​បង្ហោះ​រូបភាពក្នុងពិធីរៀបការ​តែមួយ​សន្លឹក​ ​និងក្រៅពីនេះគឺ​រូបភាព​ផ្អែមល្ហែម​ផ្សេងទៀត​ច្រើន​សន្លឹក​នៅ​លើ​បណ្ដាញ​សង្គម​អ៊ី​ន​ស្ដា​ក្រាម​ ​ដែល​បង្ហោះ​ដោយ​មិត្ត​ភក្ដ​របស់​លោក​ ​កង​ ​ហួយ​រ៉ៃ​ ​ហើយក៏​ជា​មេអណ្ដើក​ផង​ដែរ​។​ ​លោក​ ​អ៊ុដុម​ ​ទែ​ផា​នី​ត​ ​ត្រូវ​បាន​សារព័ត៌មាន​ថៃ​ទម្លាយ​ថា​ ​ជា​មេអណ្ដើក​ណែនាំ​ឱ្យ​ ​ម្ចាស់​បទ​ ​សៃវ៉ាស៊ិបរធីមកាន់​​ ​បាន​ស្គាល់​មិត្ត​ភក្ដ​ស្រី​របស់​ខ្លួន​ ​និង​ចាប់ផ្ដើម​បង្កាត់ភ្លើង​ស្នេហ៍​កាលពី​អំឡុង​ឆ្នាំ​ ​2018​ ​កន្លងទៅ​។​
    ​
    ​ដើម្បី​ឱ្យ​កាន់តែ​ជាក់ច្បាស់​ ​សូម​ទស្សនា​រូបភាព​ខាងក្រោម​នេះ​ ​៖​

  • កម្មវិធី​ ​«​អភិវឌ្ឍន៍​សហគ្រាស​ខ្នាត​មីក្រូ​ ​តូច​ ​និង​មធ្យម​»​ប្រកាស​បើក​ជា​ផ្លូវការ​ ​

    កម្មវិធី​ ​«​អភិវឌ្ឍន៍​សហគ្រាស​ខ្នាត​មីក្រូ​ ​តូច​ ​និង​មធ្យម​»​ប្រកាស​បើក​ជា​ផ្លូវការ​ ​

    ​កម្មវិធី​អភិវឌ្ឍន៍​សហគ្រាស​ខ្នាត​មីក្រូ​ ​តូច​ ​និង​មធ្យម​នៅ​កម្ពុជា​ ​បាន​ប្រកាស​បើកផ្លូវ​ការ​នៅក្នុង​ពិធី​ចុះហត្ថលេខា​ដោយ​ក្រសួង​ឧស្សាហកម្ម​ ​និង​សិប្បកម្ម​ ​ជាមួយនឹង​អង្គការ​ ​GIZ​ ​ដែល​គាំទ្រ​ដោយ​រដ្ឋាភិបាល​អាល្លឺម៉ង់​ ​នៅ​ព្រឹក​ថ្ងៃទី11​ ​ខែកុម្ភៈ​ ​ឆ្នាំ2019កន្លងទៅ​ ​ក្រោម​អធិបតីភាព​ឯកឧត្ដម​ ​សុន​ ​សេង​ហួត​ ​អនុរដ្ឋ​លេខាធិការ​ក្រសួង​ឧស្សាហកម្ម​ ​និង​សិប្បកម្ម​ ​និង​លោក​ ​Guenter​ ​Rithmacher​ ​នាយក​គ្រប់គ្រង​ ​អង្គការ​ ​GIZ​ ​ប្រចាំ​ប្រទេស​កម្ពុជា​។​
    ​
    ​ឯកឧត្តម​ ​សុន​ ​សេង​ហួត​ ​បាន​លើកឡើង​ថា​ ​ពិធី​ចុះហត្ថលេខា​ ​និង​ប្រកាស​បើក​កម្មវិធី​អភិវឌ្ឍន៍​ ​សហគ្រាស​ខ្នាត​មីក្រូ​ ​តូច​ ​និង​មធ្យម​ ​ជា​វេទិកា​ដ៏​មាន​សារៈសំខាន់​បំផុត​មួយ​ក្នុង​ការ​ផ្តល់​នូវ​បច្ចុប្បន្នភាព​ ​ព័ត៌មាន​ ​ក៏ដូចជា​គោល​នយោបាយ​ថ្មី​ៗ​ដែល​ជា​មូលដ្ឋាន​គ្រឹះ​សម្រាប់​ការអនុវត្ត​បន្ត​នូវ​ការងារ​ជំរុញ​លើកទឹកចិត្ត​ដល់​វិស័យ​សហគ្រាស​ខ្នាត​មីក្រូ​ ​តូច​ ​និង​មធ្យម​នៅក្នុង​កម្ពុជា​។​
    ​
    ​លោក​បន្ថែម​ថា​ ​វេទិកា​នេះ​ធ្វើឡើង​ក្នុង​គោលបំណង​បង្ក​លទ្ធភាព​ងាយស្រួល​ដល់​សហគ្រាស​ខ្នាត​មីក្រូ​ ​តូច​ ​និង​មធ្យម​ឱ្យ​មានលទ្ធភាព​អភិវឌ្ឍន៍​កែ​លម្អ​ខ្សែ​ចង្វាក់​ផលិតកម្ម​ ​និង​ពង្រីក​អាជីវកម្ម​របស់​ខ្លួន​។​ ​បន្ថែម​លើ​នេះ​ ​វេទិកា​ក៏បាន​ចូលរួម​ស្តាប់​អំពី​លទ្ធផល​នៃ​កម្មវិធី​អភិវឌ្ឍន៍​សហគ្រាស​ខ្នាត​មីក្រូ​ ​តូច​ ​និង​មធ្យម​នៅ​កម្ពុជា​ ​ព្រមទាំង​ការ​ផ្តល់​នូវ​ធាតុ​ចូល​ពី​គ្រប់​ភាគី​ពាក់ព័ន្ធ​ជាពិសេស​ ​GIZ​ ​អំពី​បញ្ហា​ប្រឈម​នានា​របស់​សហគ្រាស​ខ្នាត​មី​ក្រ​ ​តូច​ ​និង​មធ្យម​នៅ​កម្ពុជា​ ​ដើម្បី​ធ្វើជា​មូលដ្ឋាន​ក្នុង​ការកំណត់​នូវ​សូចនាករ​ថ្មី​មួយ​។​
    ​
    ​នៅ​ឱកាស​នោះ​ឯកឧត្តម​ ​សុន​ ​សេង​ហួត​ ​ក៏បាន​ស្នើ​ឱ្យ​សហគ្រាស​ខ្នាត​មីក្រូ​ ​តូច​ ​និង​មធ្យម​ខ្លួនឯង​ផ្ទាល់​ត្រូវ​ខិតខំ​ប្រឹងប្រែង​ពង្រឹង​ ​និង​អភិវឌ្ឍ​ខ្លួន​បន្ថែម​ ​ព្រមទាំង​ព្យាយាម​រក​នូវ​បច្ចេកទេស​ ​បច្ចេកវិទ្យា​ ​គ្រឿងចក្រ​ ​គ្រឿងម៉ាស៊ីន​ទំនើប​ ​និង​ទាន់សម័យ​ក្នុង​ផលិតកម្ម​ដើម្បី​បង្កើន​ផលិតភាព​ ​និង​ការប្រកួត​ប្រជែង​យកឈ្នះ​របស់​ខ្លួន​លើ​ទីផ្សារ​ក្នុង​ស្រុក​ ​និង​ក្រៅ​ស្រុក​។​
    ​
    ​មន្ដ្​រី​ជាន់ខ្ពស់​ក្រសួង​ឧស្សាហកម្ម​រូប​នេះ​ ​បាន​បញ្ជាក់​ទៀត​ថា​ ​ស្រប​ពេល​នឹង​ការ​ទទួល​បានការ​លើកទឹកចិត្ត​សម្រាប់​សហគ្រាស​ខ្នាត​មីក្រូ​ ​តូច​ ​និង​មធ្យម​ទៅលើ​ផ្នែក​ពន្ធដារ​ ​និង​ទទួល​បាន​ហិរញ្ញប្បទាន​ ​ក្រសួង​ក៏បាន​ចូលរួម​ដោះស្រាយ​ ​និង​ស្វែងរក​ដំណោះស្រាយ​ផ្សេងទៀត​អំពី​បញ្ហា​ប្រឈម​ដែល​ពាក់ព័ន្ធ​នឹង​ផ្នែក​ផ្សេង​ៗ​ទៀត​ ​ដូចជា​បញ្ហា​គុណភាព​របស់​ផលិតផល​ស្តង់​ដា​ ​ការ​បណ្តុះបណ្តាល​ធនធានមនុស្ស​ជាដើម​។​
    ​
    ​ជាមួយគ្នា​នេះ​ឯកឧត្តម​ ​ឡាំ​ ​គីម​ឡេង​ ​អគ្គនាយក​នៃ​នាយកដ្ឋាន​សហគ្រាស​ធុន​តូច​ ​និង​មធ្យម​ ​និង​សិប្បកម្ម​ ​ក៏បាន​ថ្លែងអំណរគុណ​ចំពោះ​រដ្ឋាភិបាល​ ​និង​ប្រជាជន​អាល្លឺម៉ង់​ ​ដែល​បាន​លះបង់​ធនធាន​បង្កើត​គម្រោង​នេះ​ឡើង​ ​ដើម្បី​ជួយ​អភិវឌ្ឍន៍​សហគ្រាស​ខ្នាត​មីក្រូ​ ​តូច​ ​និង​មធ្យម​នៅ​កម្ពុជា​។​ ​លោក​ថា​ ​គម្រោង​នេះ​ផ្តោត​សំខាន់​ទៅលើ​ការ​ពង្រឹង​សមត្ថភាព​គ្រប់គ្រង​ ​បច្ចេកទេស​ផលិតកម្ម​ល្អ​ ​អនាម័យ​ល្អ​ ​ដើម្បី​បង្កើន​ផលិតភាព​ ​ប្រសិទ្ធភាព​ ​ប្រសិទ្ធ​ផល​ក្នុង​ខ្សែ​ចង្វាក់​ផលិតកម្ម​។​
    ​
    ​ឯកឧត្តម​បាន​មានប្រសាសន៍​ថា​ ​នឹង​បន្ដ​កិច្ចសហការ​ជាមួយ​អង្គការ​ ​GIZ​ ​ដើម្បី​ឱ្យ​កសាង​ផែនការ​សកម្មភាព​លម្អិត​ ​ក្នុង​ន័យ​សម្រេច​បាន​នូវ​ផែនការ​នៃ​គម្រោង​នេះ​ឱ្យ​ទទួល​បាន​ជោគជ័យ​បន្ថែម​ទៀត​។​ ​
    ​
    ​សូមជម្រាប​ថា​ ​គម្រោង​នេះ​មាន​រយៈពេល​ ​3ឆ្នាំ​ ​ហើយ​គ្រោង​នឹង​បញ្ចប់​នៅ​ឆ្នាំ2021​ ​ដែល​មាន​ថវិកា​ចំនួន​ ​3លាន​អឺ​រ៉ូ​ ​(​ប្រហែល​ជាង​ ​3.3លាន​ដុល្លារ​អាមេរិក​)​។​ ​ឯកឧត្តម​បាន​បន្ថែម​ថា​ ​ខេត្ត​ដែល​ត្រូវ​អនុវត្ត​នូវ​គម្រោង​នេះ​រួមមាន​ ​បាត់ដំបង​ ​សៀមរាប​ ​និង​រាជធានី​ភ្នំពេញ​៕​

  • កម្មវិធី​ជជែក​កម្សាន្ត​ ​Viber​ ​បញ្ចេញ​វីដេអូ​ ​រាង​ជា​ ​“​បេះដូង​”​ ​ដើម្បី​ផ្ញើ​ទៅ​មនុស្សជា​ទីស្រឡាញ់​ ​នៅក្នុង​ឱកាស​ ​“​ទិវា​នៃ​ក្តី​ស្រឡាញ់​”​ ​

    កម្មវិធី​ជជែក​កម្សាន្ត​ ​Viber​ ​បញ្ចេញ​វីដេអូ​ ​រាង​ជា​ ​“​បេះដូង​”​ ​ដើម្បី​ផ្ញើ​ទៅ​មនុស្សជា​ទីស្រឡាញ់​ ​នៅក្នុង​ឱកាស​ ​“​ទិវា​នៃ​ក្តី​ស្រឡាញ់​”​ ​

    ​កម្មវិធី​ជជែក​កម្សាន្ត​ ​Viber​ ​បាន​ដាក់​ដំណើរការ​ ​វីដេអូ​ ​រាង​ជា​ ​“​បេះដូង​”​ ​របស់​ខ្លួន​បន្ទាប់ពី​អ្នកប្រើ​ប្រាស់​កម្មវិធី​នេះ​ ​បាន​ផ្ញើរ​រូបភាព​ ​និង​រូបភាព​មាន​ចលនា​ប្រភេទGIF​ ​ទាក់ទង​នឹង​ក្ដី​ស្រឡាញ់​ចំនួន​ ​6ពាន់​លាន​រូប​កាលពី​ឆ្នាំ2018​។​
    ​
    ​ទីក្រុង​សាន​ហ្វ្​រាន​ស៊ី​ស្កូ​ ​ថ្ងៃទី11​ ​ខែកុម្ភៈ​ ​ឆ្នាំ2019​៖​ ​កម្មវិធី​ជជែក​កម្សាន្តViberដែល​ជា​កម្មវិធី​ផ្ញើ​សារ​ឈានមុខ​គេ​មួយ​នៅ​លើ​ពិភពលោក​ ​បាន​ប្រកាស​ដំណើ​ការ​មុខងារ​ពិសេស​របស់​ខ្លួន​សម្រាប់​អបអរ​ឱកាស​ ​“​ទិវា​នៃ​ក្តី​ស្រឡាញ់​“​ ​គឺ​សារ​វីដេអូ​ដែល​មាន​រាង​ជា​បេះដូង​។​ ​លក្ខណៈ​ពិសេស​ដែល​ផ្ដល់​ជូន​នេះ​ ​ចាប់ផ្ដើម​ដំណើរការ​សម្រាប់​អ្នកប្រើ​ប្រាស់​កម្មវិធី​ ​Viber​ ​ពី​ថ្ងៃទី11​ ​រហូតដល់​ថ្ងៃទី15​ ​ខែកុម្ភៈ​។​
    ​
    ​យើង​ទាំងអស់គ្នា​ប្រាកដជា​មាន​អារម្មណ៍​ភ័យ​រំភើប​ខ្លាំង​ ​នៅពេល​ដែល​ ​“​ទិវា​នៃ​ក្តី​ស្រឡាញ់​“​ ​រំកិល​ជិត​មកដល់​ ​តើ​មែនទេ​?​ ​អារម្មណ៍​នៃ​ភាព​កក់ក្ដៅ​ ​និង​សារ​សម្ដែង​ភា​ពម្ញិ​កម្ញ៉​ក់​ ​នៃ​ក្ដី​ស្រឡាញ់​ ​ត្រូវ​បាន​ចែករំលែក​រវាង​គូស្នេហ៍​ ​សម្រាប់​ការ​មកដល់​នា​ពេល​ខាងមុខ​ ​ប៉ុន្តែ​មនុស្ស​គ្រប់គ្នា​កំពុងតែ​ស្វែងរក​វិ​ធី​ថ្មី​ៗ​ ​ដើម្បី​ធ្វើ​ឱ្យ​មនុស្ស​ទីស្រឡាញ់​របស់​ពួកគេ​ ​មានការ​ភ្ញាក់ផ្អើល​នៅ​ថ្ងៃ​នោះ​។​ ​នៅក្នុង​ឱកាស​ ​“​ទិវា​នៃ​ក្តី​ស្រឡាញ់​“​ ​កម្មវិធី​ជជែក​កម្សាន្ត​ ​Viber​ ​កំពុង​រៀបចំ​សារ​ដ៏​ទាក់ទាញ​សម្រាប់​ឱ្យ​អ្នកប្រើ​ប្រាស់​ធ្វើការ​បង្ហាញ​នូវ​ក្ដី​ស្រឡាញ់​របស់​ខ្លួន​ ​ចំពោះ​មិត្តភក្តិ​ ​ក្រុម​គ្រួសារ​ ​និង​មនុស្សជា​ទីស្រឡាញ់​ ​តាមរយៈ​ការសន្ទនា​ដែល​សុវត្ថិភាព​បំផុត​នៅក្នុង​ពិភពលោក​។​
    ​
    ​កម្មវិធី​ជជែក​កម្សាន្ត​ ​Viberមាន​ក្ដី​សប្បាយរីករាយ​បំផុត​ ​ដែល​បាន​បង្កើត​នូវ​ភាព​សប្បាយរីករាយ​ ​និង​វិធី​ដ៏​ទាក់ទាញ​ដើម្បី​បង្ហាញ​ពី​ក្ដី​ស្រឡាញ់​ ​និង​ពី​គ្រប់​ទីកន្លែង​នៅក្នុង​ពិភពលោក​ ​ជាមួយនឹង​លក្ខណៈ​ពិសេស​ ​នៃ​សារ​ជា​វីដេអូ​ដែល​មាន​រាង​ជា​បេះដូង​។​ ​សារ​ជា​វីដេអូ​ដែល​មាន​រយៈពេល​ ​30វិនាទី​ ​ដែល​អ្នកប្រើ​ប្រាស់​អាច​ថត​ ​និង​បញ្ជូន​បា​នភ្លាមៗ​ ​ដោយ​គ្រាន់តែ​ចុច​លើ​រូបតំណាង​វីដេអូ​ដើម្បី​ថត​ ​និង​ផ្ញើ​ទៅ​មនុស្សម្នាក់​ទៀត​។​ ​លក្ខណៈ​ពិសេស​ដ៏​រំភើប​នេះ​ ​រួមបញ្ចូល​នូវ​វិធី​ដ៏​មាន​ប្រជាប្រិយ​ភាពជា​ច្រើន​ទៀត​ ​ដើម្បី​បង្ហាញ​ពី​សេចក្តី​ស្រឡាញ់​ ​និង​អារម្មណ៍​របស់​ពួកគេ​ ​នៅ​លើ​កម្ម​វី​ធី​ជជែក​កម្សាន្តViber​ ​រួម​ទាំង​ផ្ទាំង​រូបភាព​មាន​ចលនាGIFs​ ​និង​សារ​មានផ្ទៃ​ពណ៌​ធម្មជាតិ​ ​ដែល​ត្រូវ​បាន​គេ​ហៅថា​ជា​ ​”​Shouts​”​។​
    ​
    ​ហើយ​សម្រាប់​អ្នក​ដែល​ប្រឈម​នឹង​ហានិភ័យ​ទាំងអស់​ ​សូមជ្រាប​ថា​ ​Viberនៅតែ​ជា​កម្មវិធី​ជជែក​កម្សាន្ត​ដ៏​មាន​សុវត្ថិភាព​បំផុត​ ​សម្រាប់​ធ្វើការ​ប្រាស្រ័យ​ទាក់ទងគ្នា​នៅ​តាម​ប្រព័ន្ធ​អ៊ិ​ន​ធើ​ណិ​ត​ ​ដែល​អនុញ្ញាត​ឱ្យ​អ្នកប្រើ​ប្រាស់​នៅ​ទូទាំង​ពិភពលោក​ ​បង្ហាញ​ពី​សេចក្តី​ស្រឡាញ់​របស់​ពួកគេ​ ​ហើយ​បន្ទាប់មក​កម្មវិធី​ស្វ័យប្រវត្តិ​នឹង​លុប​សារ​ទាំងនោះ​ចោល​វិញ​ ​នៅពេល​ដែល​ពួកគេ​ផ្ញើ​សារ​តាមរយៈ​មុខងារ​ ​“​ការសន្ទនា​សម្ងាត់​ ​(​Secret​ ​Chats​)​”​។​
    ​
    ​លោក​ ​Ander​ ​Eyal​ ​ប្រធានប្រតិបត្តិ​ការ​របស់​កម្មវិធី​ជជែក​កម្សាន្ត​ ​Viber​ ​បាន​មានប្រសាសន៍​ថា​៖​ ​”​នៅ​ឆ្នាំ2018​ ​អ្នកប្រើ​ប្រាស់​ទូទាំង​ពិភពលោក​ ​បាន​ផ្ញើ​សារ​ជាង​ ​6ពាន់​លាន​រូប​ ​stickers​ ​និង​រូប​មាន​ចលនាGIF​ ​ដោយ​ភ្ជាប់នឹង​ការ​បង្ហាញ​ពី​សេចក្ដី​ស្រឡាញ់​ ​បេះដូង​ ​និង​អារម្មណ៍​របស់​ពួកគេ​ទៅ​អ្នក​ដែល​ពួកគេ​ចង់​ចែករំលែក​វា​ជាមួយ​”​។​ ​
    ​
    ​លោក​បាន​បន្ត​ទៀត​ថា​៖​ ​”​ជាមួយ​កម្មវិធីViber​ ​ការ​តភ្ជាប់​ទំនាក់ទំនង​ឥឡូវនេះ​ ​គឺ​ហួសពី​ការ​ភ្ជាប់​ទំនាក់ទំនង​ធម្មតា​នៅ​លើ​អ៊ី​ន​ធើ​ណិ​ត​។​ ​គឺ​មានន័យថា​ ​វា​បាន​ភ្ជាប់​ទំនាក់ទំនង​រួម​ទាំង​ផ្នែក​អារម្មណ៍​ទៅ​មនុស្ស​ដែល​អ្នក​ស្រឡាញ់​ ​និង​តែងតែ​នឹកនា​ច្រើន​ ​ដោយ​ប្រើ​សារ​វីដេអូ​រាង​បេះដូង​របស់​ ​Viberនៅ​ឱកាស​ទិវា​នៃ​ក្តី​ស្រឡាញ់​ ​ដោយ​អ្នកប្រើ​ប្រាស់​កម្មវិធី​ ​Viber​ ​អាចប​ង្កើត​ចំណាប់​អារម្មណ៍​បាន​យូរអង្វែង​នេះ​ ​ពី​គ្រប់​ទីកន្លែង​នៅក្នុង​ពិភពលោក​”​។​
    ​
    ​សារ​វីដេអូ​រាង​ជា​បេះដូង​នេះ​ ​គឺជា​ផ្នែក​មួយ​នៃ​ការ​ធ្វើ​បច្ចុប្បន្នភាព​កំណែទម្រង់​ចុងក្រោយ​បំផុត​ ​គឺ​ ​’​កំណែ​ទី10​’​ ​របស់​កម្មវិធី​ជជែក​កម្សាន្តViberដែល​រួមមាន​ការរចនា​ទម្រង់​ថ្មី​សម្រាប់​អ្នកប្រើ​ ​និង​ល្បឿន​នៃ​ការ​តភ្ជាប់​លឿន​ជាង​មុន​ ​2ដង​ ​ដែល​អាច​ដំឡើង​បាន​តាមរយៈApp​ ​Store​ ​និងGoogle​ ​Play​ ​Store​៕​
    ​
    ​អំពី​ ​RakutenViber​
    ​
    ​RakutenViber​ ​ផ្ដល់​ជូន​នូវ​វិធី​ទូរស័ព្ទ​ ​ដើម្បី​ភ្ជាប់​មនុស្ស​ទាំងអស់​នៅក្នុង​ពិភពលោក​ដោយ​មិន​គិតថា​ ​ពួកគេ​ជា​នរណា​ ​ឬ​មក​ពីណា​ទេ​។​ ​អ្នកប្រើ​ប្រាស់​ទាំងអស់​នៅក្នុង​ពិភពលោក​ ​មានលទ្ធភាព​ទទួល​បាន​នូវ​លក្ខណៈ​ពិសេស​ជាច្រើន​ ​ដូចជា​ការ​ជជែក​មួយ​ទល់​មួយ​ ​ការ​ហៅ​ទូរស័ព្ទ​ជា​វីដេអូ​ ​ការ​ផ្ញើ​សារ​ជា​ក្រុម​ ​និង​ព័ត៌មាន​បច្ចុប្បន្នភាព​ ​និង​ការពិភាក្សា​ជាមួយនឹង​ម៉ាក​ ​និង​តា​រា​ល្បី​ៗ​ដែល​ពួកគេ​ចូលចិត្ត​។​ ​យើង​ធានា​ថា​ ​អ្នកប្រើ​ប្រាស់​របស់​យើង​មាន​សុវត្ថិភាព​ក្នុង​ការចែក​រំលែក​អារម្មណ៍​របស់​ពួកគេ​។​
    ​
    ​RakutenViber​ ​គឺជា​ផ្នែក​មួយ​នៃ​ក្រុមហ៊ុន​ ​Rakuten​ ​Incដែល​ជា​ក្រុមហ៊ុន​ឈានមុខ​គេ​ក្នុង​វិស័យ​ពាណិជ្ជកម្ម​អេ​ឡិច​ត្រូ​និ​ ​(​E​-​commerce​)​ ​និង​សេវាកម្ម​ហិរញ្ញវត្ថុ​។​ ​RakutenViberគឺជា​បណ្តាញ​ទំនាក់ទំនង​ផ្លូវការ​ ​របស់​ក្លិប​បាល់ទាត់​អេស្ប៉ាញ​ ​Barcelona​ ​និង​ជា​ដៃគូ​ផ្លូវការ​ ​សម្រាប់​កម្មវិធី​ផ្ញើ​សារ​ ​និង​ការ​ហៅ​ទូរស័ព្ទ​របស់​ក្រុម​បាល់បោះ​ ​Golden​ ​State​ ​Warriors​ ​។​
    ​
    ​ចូលរួម​ជាមួយ​កម្មវិធីViberនៅ​ថ្ងៃនេះ​ ​ហើយ​រីករាយ​ជាមួយ​បទ​ពិសោធ​នៃ​ការ​ទំនាក់ទំនង​ដ៏​ល្អ​បំផុត​នៅក្នុង​ពិភពលោក​។​

  • កីឡាការិនី​ហែលទឹក​ដ៏​ឆ្នើម​របស់​ជប៉ុន​ ​Ikee​ ​មាន​ជំងឺមហារីក​គ្រាប់​ឈាម​ ​ ​

    កីឡាការិនី​ហែលទឹក​ដ៏​ឆ្នើម​របស់​ជប៉ុន​ ​Ikee​ ​មាន​ជំងឺមហារីក​គ្រាប់​ឈាម​ ​ ​

    ​រាជិនី​ហែលទឹក​ដ៏​ឆ្នើម​របស់​ជប៉ុន​ ​Rikako​ ​Ikee​ ​ដែល​កំពុង​ស្ថិត​ក្នុង​ការចាប់អារម្មណ៍​ខ្លាំង​ក្នុង​ព្រឹត្តិ​ការណ៍​អូឡាំពិក​នាទី​ក្រុង​តូក្យូ​ ​នៅ​ឆ្នាំក្រោយ​នោះ​ ​ត្រូវ​បាន​ពិនិត្យ​ឃើញថា​ ​មាន​ជំ​ងឹ​មហារីក​គ្រាប់​ឈាម​ ​ឬ​ឈាមស​ស៊ី​ឈាមក្រហម​។​ ​នេះ​បើ​យោង​តាម​ការ​បញ្ជាក់​ឱ្យ​ដឹង​របស់​កីឡាការិនី​វ័យ​ ​18ឆ្នាំ​រូប​នេះ​កាលពី​ថ្ងៃអង្គារ​។​
    ​
    ​ ​ក្នុង​ការប្រកាស​ដ៏​គួរ​ឱ្យ​ភ្ញាក់ផ្អើល​មួយ​ ​Ikee​ ​បានឱ្យ​ដឹង​ថា​៖​ ​«​ក្រោយពី​មាន​អារម្មណ៍​មិនល្អ​ ​ខ្ញុំ​បាន​វិលត្រឡប់​ពី​ប្រទេស​អូ​ស្ត្​រា​លី​ភ្លាម​ៗ​ ​ហើយ​បន្ទាប់ពី​ការពិនិត្យ​ ​ខ្ញុំ​ត្រូវ​បាន​គេ​ពិនិត្យ​ឃើញថា​ ​មាន​ជំងឺមហារីក​គ្រាប់​ឈាម​។​ ​ខ្ញុំ​ផ្ទាល់​នៅតែ​មិន​អាច​ជឿ​សោះ​ឡើយ​។​ ​ខ្ញុំ​កំពុងតែ​ស្ថិត​ក្នុង​សភាព​ច្របូកច្របល់​»​។​
    ​
    ​ ​Ikee​ ​បាន​បង្កើត​ភាព​អស្ចារ្យ​ក្នុង​ព្រឹត្តិ​ការណ៍​កីឡា​អាស៊ី​ ​ឬ​ ​Asian​ ​Games​ ​កាលពី​ឆ្នាំមុន​ ​ដែល​នៅពេល​នោះ​នាង​បាន​ឈ្នះ​មេដាយមាស​ដល់ទៅ៦​ ​ដើម្បី​បង្កើត​ឱ្យ​មានការ​ចាប់អារម្មណ៍​ដ៏​ធំ​មួយ​ ​នៅមុន​ពេល​ព្រឹត្តិ​ការណ៍​អូឡាំពិក​ ​ឆ្នាំ2020​ ​ក្នុង​ទីក្រុង​ដែល​ជា​ស្រុកកំណើត​របស់​នាង​។​
    ​
    ​ ​តារា​ឆ្នើម​វ័យក្មេង​ដែល​បង្កើត​កំណត់ត្រា​ថ្នាក់​ជាតិ​ជាច្រើន​រូប​នេះ​ ​ត្រូវ​បាន​ចាត់ទុកជា​កីឡាការិនី​លេចធ្លោ​ជាងគេ​ ​ជាពិសេស​ក្នុង​ការប្រកួត​ហែលទឹក​បែប​មេអំបៅ​ ​លើ​វិញ្ញាសា​ ​100ម៉ែត្រ​ ​ផ្នែក​នារី​។​ ​
    ​
    ​Ikee​ ​បាន​ប្រាប់​អ្នកគាំទ្រ​របស់​ខ្លួន​ថា​ ​នាង​មានការ​ប្តេជ្ញា​ចិត្ត​ក្នុង​ការ​ជម្នះ​លើ​ជំងឺ​របស់​នាង​ ​ក្រោយពី​បាន​បង្ខំចិត្ត​ផ្អាក​ការ​ហ្វឹកហាត់​របស់​ខ្លួន​ ​នៅ​លើ​កោះ​ ​Gold​ ​Coast​ ​ប្រទេស​អូស្ត្រាលី​។​
    ​
    ​ ​Ikee​ ​ដែល​បាន​ប្រកាស​ថា​ ​នាង​នឹង​ដកខ្លួន​ចេញពី​ព្រឹត្តិ​ការណ៍​ជើងឯក​ជាតិ​របស់​ជប៉ុន​ ​នៅ​ខែមេសា​ ​នោះ​ ​បានឱ្យ​ដឹង​ថា​៖​ ​«​ប្រិ​សន​បើ​មានការ​ព្យាបាល​ដ៏​ត្រឹមត្រូវ​ ​វា​ជា​ជំងឺ​មួយ​ដែល​អាច​ជម្នះ​បាន​»​៕​ ​

  • មួយឆ្នាំ​ហើយ​ ​អ្នកគាំទ្រ​នៅតែ​រំឭក​និង​ចងចាំ​អតីត​អ្នកអាន​ព័ត៌មាន​អន្ដរ​ជាតិ​ល្បីឈ្មោះ​របស់​ ​ទ.ទ.ក​

    មួយឆ្នាំ​ហើយ​ ​អ្នកគាំទ្រ​នៅតែ​រំឭក​និង​ចងចាំ​អតីត​អ្នកអាន​ព័ត៌មាន​អន្ដរ​ជាតិ​ល្បីឈ្មោះ​របស់​ ​ទ.ទ.ក​

    ​នៅពេល​ថ្មី​នេះ​ៗ​ប្រជាពលរដ្ឋ​ខ្មែរ​មួយចំនួន​បាន​សម្ដែង​អារម្មណ៍​នឹក​រឭក​ដល់​អតីត​អ្នកអាន​ព័ត៌មាន​អន្ដរ​ជាតិ​ល្បីឈ្មោះ​របស់​ ​ទ.ទ.ក​លោកយាយ​ ​រស់​ ​សោភនី​ ​ដែល​ធ្លាប់តែ​ឃើញ​គាត់​អាន​ពត៌មាន​ជាមួយ​សំឡេង​ដ៏​សែន​ពិរោះ​ ​និង​ប្រកបដោយ​តិច​និច​ល្អ​។​ ​បើ​គិត​ហូត​មកដល់​ថ្ងៃទី12​ ​ខែកុម្ភៈ​ ​ឆ្នាំ​ ​2019​ ​នេះ​មរណភាព​របស់​លោកយាយ​ ​រស់​ ​សោភនី​ ​មាន​គម្រប់1ឆ្នាំ​ ​និង​ ​7ថ្ងៃហើយ​។​ ​ការបាត់បង់​ធនធានមនុស្ស​ដែល​មានចំណេះ​ដឹង​ពេញ​ខ្លួននេះ​ពិតជា​មានការ​សោកស្ដាយ​ខ្លាំង​ណាស់​។​
    ​
    ​សូម​រំឭក​ដែរ​ថា​ ​មូលហេតុ​នៃ​ការ​ស្លាប់​របស់​លោកយាយ​ ​រស់​ ​សោភនី​ ​ដោយសារតែ​គាត់​មាន​ជម្ងឺ​ប្រចាំ​កាយ​ដូចជា​ជំងឺ​រលាក​ថ្លើម​ ​និង​ក្រលៀន​ឈប់​ដំណើរការ​ជាដើម​ក្នុង​វ័យ​ ​63ឆ្នាំ​។​ ​អតីត​អ្នកអាន​ពត៌មាន​អន្តរជាតិ​ដ៏​ឆ្នើម​ប្រចាំ​ស្ថានីយ​ន៍​ទូរ​ទស្សន៍​ទ​ទក​រូប​នេះ​ ​បាន​មរណ​បាត់បង់ជីវិត​កាលពី​វេលា​ម៉ោង5និង20នាទី​ថ្ងៃទី​ ​04​ ​ខែកុម្ភៈ​ ​ឆ្នាំ​ ​2018​ ​នៅ​ឯ​មន្ទីរ​ពេទ្យ​អុប​ពី​តាល់​ឌឺ​ហ្សឺ​ដង់​ ​ទី​ក្រុង​ហ្សឺ​ដង់​ ​ប្រទេស​បារាំង​៕​

  • G​-​Devith​ ​ប្រកាស​ឈប់​ ​Diss​ ​Track​ ​ពេញចិត្ត​អ្នកគាំទ្រ​តែម្ដង​

    G​-​Devith​ ​ប្រកាស​ឈប់​ ​Diss​ ​Track​ ​ពេញចិត្ត​អ្នកគាំទ្រ​តែម្ដង​

    តារា​ចម្រៀង​រ៉េ​ប​ដែល​មាន​ល្បឿន​លឿន​លោក​ ​G​-​Devith​ ​បាន​ចេញ​បទចំរៀង​មួយ​បទ​ថ្មី​ដែល​មាន​ចំណងជើង​ថា​ ​”​ ​ជឿជាក់​លើ​ខ្លួនឯង​ ​”​ ​[​ ​BELIEVE​ ​IN​ ​YOURSELF​ ​]​ ​ក្នុង​បទចម្រៀង​នេះ​គឺ​លោក​ចង់​សំដៅ​ទៅកាន់​អ្នក​ដែល​បាក់ទឹកចិត្ត​ ​ទាំង​រឿង​ស្នេហា​ ​រឿង​ការងារ​ ​ជាដើម​ ​ដើម្បី​ឱ្យ​តម្លៃ​ខ្លួនឯង​មាន​ភាព​ជឿជាក់​ថា​ខ្លួនឯង​ ​។​
    ​
    ​បន្ទាប់ពី​មានរឿង​រ៉ាវ​ជាច្រើន​កក្រើក​ពេញ​បណ្ដាញ​សង្គម​ហ្វេ​សប៊ុ​ក​ ​ខណៈនេះ​តារាចម្រៀង​ ​G​-​Devith​ ​បានសម្រេច​ចិត្ត​បញ្ចប់​ជម្លោះ​ ​ដោយ​ឈប់​ធ្វើការ​តបត​ទៅ​ ​ឬ​ឈ្លោះ​គ្នា​ ​ប្រើប្រាស់​សម្ដី​ឌឺដង​តាម​ចម្រៀង​រ៉េ​បទៀ​ត​ ​ហើយ​នៅមុន​នេះ​បន្តិច​ ​លោក​បាន​រៀបរាប់​ថា​ ​៖​ ​“​ដំណឹង​ចែក​ជូន​បងប្អូន​អ្នកគាំទ្រ​ ​:​ ​ខ្ញុំ​មិនបាន​តប​ទៅ​អ្នក​មក​ថ្មី​ទេ​បងប្អូន​ ​ហេតុផល​ព្រោះ​ខ្ញុំ​ខ្លាច​ ​ហើយ​ខ្ញុំបាទ​ឱ្យ​គាត់​ទាំងពីរ​លេខ១​ ​អរគុណ​!​”​៕​
    ​
    ​ដើម្បី​ឱ្យ​ជ្រាប​ច្បាស់​សូម​ទស្សនា​វីដេអូ​ខាងក្រោម​នេះ​៖​

  • ក្រុម​ ​សៀមរាបFC​ ​“​A​”​ ​លើ​ពាន​ខណៈ​ ​សៀមរាបFC​ ​ឈ្នះ​ត្រឹម​ជើងឯក​រង​នៃ​ ​Tiger​ ​Street​ ​Football​ ​Festival​ ​2019​ ​ប្រចាំ​មណ្ឌល​ក្រុង​សៀមរាប​

    ក្រុម​ ​សៀមរាបFC​ ​“​A​”​ ​លើ​ពាន​ខណៈ​ ​សៀមរាបFC​ ​ឈ្នះ​ត្រឹម​ជើងឯក​រង​នៃ​ ​Tiger​ ​Street​ ​Football​ ​Festival​ ​2019​ ​ប្រចាំ​មណ្ឌល​ក្រុង​សៀមរាប​

    ​ក្រុង​សៀមរាប​៖​ ​ព្រឹត្តិ​ការណ៍​ការប្រកួត​នៃ​ក្របខណ្ឌ​ពានរង្វាន់​ ​Tiger​ ​Street​ ​Football​ ​Festival​ ​2019​ ​បន្ត​បាន​រក​ឃើញ​ជើង​ ​ខ្លាំង១២ក្រុម​បន្ថែម​ទៀត​ខណៈ​ក្រុម​សៀមរាប​ ​FC​ ​“​A​”​ ​គ្រង​ជើងឯក​ប្រចាំ​មណ្ឌល​ក្រុង​សៀមរាប​នា​យប់​ថ្ងៃទី១០​ ​ខែកុម្ភៈ​ ​ឆ្នាំ២០១៩​ ​នេះ​នៅ​នៅ​មណ្ឌល​ទី៦​ ​នៅ​ទីលាន​អង្គរ​ឃ្យុ​ងយូ​ ​ដោយ​ការប្រកួត​មាន១១៨ក្រុម​។​
    ​
    ​ការ​គ្រង​តំណែង​ជើងឯក​ប្រចាំ​មណ្ឌល​ក្រុង​សៀមរាប​របស់​ក្រុម​ ​សៀមរាបFC​“​A​”​ ​លើក​នេះ​ក្រោយ​យកឈ្នះ​ក្រុម​សៀមរាប​ ​FC​ ​លទ្ធផល​ ​៣ទល់១​ ​ចំណែក​ក្រុម​ ​Fratello​ ​FC​ ​“​អាជ្ញាធរ​អប្សរា​”​ ​ទទួល​បាន​ចំណាត់ថ្នាក់​លេខ៣​ ​បន្ទាប់ពី​យកឈ្នះ​ក្រុម​វត្ត​ស្វាយ​ ​United​ ​ក្នុង​លទ្ធផល២ទល់១នៅ​វគ្គ​ផ្តាច់ព្រ័ត្រ​ដូចគ្នា​។​ ​ចំពោះ៨ក្រុម​ត្រូវ​ឡើង​ទៅ​វគ្គ​ផ្តាច់ព្រ័ត្រ​ទូទាំង​ប្រទេស​នៅ​រាជធានី​ភ្នំពេញ​ ​ថ្ងៃទី១៦​ ​និង​ទី១៧​ ​មីនា​ ​២០១៩​ ​ខាងមុខនេះ​រួមមាន​ ​ក្រុម​គិរី​ដងរែក​ ​ក្រុម​គិរី​ដងរែក​ ​FC​ ​“​B​”​ ​ក្រុម​យុវជន​សៀមរាប​ ​ក្រុម​ក្លិប​បាល់ទាត់​ដំរី​ ​“​A​”​ ​ក្រុម​ ​The​ ​Brother​ ​“​A​”​ ​ក្រុម​ ​The​ ​Brother​ ​FC​ ​ក្រុម​ ​Fleep​ ​Step​ ​“​B​”​ ​និង​ក្រុម​ ​Freedom​ ​FC​ ​។​
    ​
    ​សម្រាប់​រង្វាន់​ក្រុម​ជើងឯក​មណ្ឌល​ក្រុង​សៀមរាប​ ​គឺ​ក្រុម​សៀមរាប​ ​FC​ ​“​A​”​ ​ទទួល​បាន​ប្រាក់​រង្វាន់១៥០០ដុល្លារ​ ​ក្រុម​ជើងឯក​រង​ ​បាន​ទៅលើ​ក្រុម​ ​សៀមរាប​ ​FC​ ​ប្រាក់​រង្វាន់១០០០ដុល្លារ​ ​ក្រុម​ចំណាត់ថ្នាក់​លេខ៣បាន​ទៅលើ​ក្រុម​ ​Fratello​ ​FC​ ​“​អាជ្ញាធរ​អប្សរា​”​ ​ប្រាក់​រង្វាន់៥០០ដុល្លារ​ ​ក្រុម​ចំណាត់ថ្នាក់​លេខ៤​ ​បាន​ទៅលើ​ ​វត្ត​ស្វាយUnited​ ​ទទួល​បាន​ប្រាក់​រង្វាន់២០០ដុល្លារ​ ​និង​ស្រា​បៀ​រថៃហ្គ័រ​ ​។​ ​ដោយឡែក​ក្រុង​សៀមរាប​ដែល​ជា​មណ្ឌល​ទី៦នេះ​គណៈកម្មាធិការ​រៀបចំ​ការប្រកួត​យក១២ក្រុម​រួមមាន​ក្រុម​ទៅ​ចូលរួម​ការប្រកួត​វគ្គ​ផ្តាច់ព្រ័ត្រ​ទូទាំង​ប្រទេស​ ​នៅ​រាជធានី​ភ្នំពេញ​ ​ថ្ងៃទី១៦​ ​និង​ទី១៧​ ​មីនា​ ​២០១៩​ ​ខាងមុខនេះ​ ​ជាពិសេស​មាន​ ​ឱកាស​ជួប​ផ្ទាល់​ជាមួយ​កំពូល​តារាបាល់ទាត់​ពិភពលោក​កីឡាករ​បាល់ទាត់​ ​Ronaldinho​។​
    ​
    ​ជាមួយ​ការ​ប្រគំតន្ត្រី​ដ៏​អស្ចារ្យ​នោះ​នា​ពេល​រាត្រី​ដោយមាន​ការចូលរួម​ពីសំណាក់​កំពូល​តារា​ចម្រៀង​ល្បី​ៗ​ជាច្រើន​រូប​ក្នុង​ប្រទេស​កម្ពុជា​រួមមាន​ ​លោក​ ​ព្រាប​ ​សុវត្ថិ​ ​កញ្ញា​ ​ពេជ្រ​ ​សោភា​ ​លោក​នី​កូ​ ​លោក​ ​នី​ ​រតនា​ ​លោក​ ​Step​ ​និង​ឌី​ជេ​ ​Maily​ ​។​ ​ហើយ​តារាចម្រៀង​ទាំងអស់​បាន​លើកយក​សុទ្ធសឹង​ ​ជា​បទ​ញ៉ាក់​កន្ត្រាក់​អារម្មណ៍​ ​ជាហេតុ​ធ្វើឲ្យ​អ្នកគាំទ្រ​នៅ​ក្រុង​សៀមរាប​ ​សប្បាយរីករាយ​និង​រាំ​កម្សាន្ត​ទៅតាម​ចង្វាក់ភ្លេង​យ៉ាង​សប្បាយរីករាយ​គ្រប់គ្នា​ពេញ​ខាងមុខ​ឆាក​តន្រ្តី​។​ព្រមទាំង​ក្លិប​ទឹកកក​ដ៏​ពេញនិយម​ដែល​មាន​ទស្សនិកជន​នៅ​ខេត្តសៀមរាប​ចូលរួម​ទស្សនា​រាប់ពាន់​នាក់​។​ ​
    ​
    ​ស្រា​បៀ​រថៃហ្គ័រ​ជា​ស្រាបៀ​រដែ​លមាន​គុណភាព​ខ្ពស់​លំដាប់ថ្នាក់​អន្តរជាតិ​មាន​ដើមកំណើត​តាំងពី​ឆ្នាំ១៩៣២នៅ​ប្រទេស​សិង្ហបុរី​ ​និង​មាន​លក់​នៅ​ច្រើនជាង៧០ប្រទេស​នៅ​ទូទាំង​ពិភពលោក​ ​ហើយ​ស្រា​បៀ​រថៃហ្គ័រ​ឈ្នះ​ពានរង្វាន់​លំដាប់ថ្នាក់​អន្តរជាតិ​ ​ច្រើនជាង៤០មេដាយ​ផ្នែក​រសជាតិ​ ​និង​គុណភាព​។​
    ​
    ​សូម​ចូល​ទៅកាន់​ទំព័រ​ហ្វេ​សប៊ុ​ក​ផ្លូវការ​ ​របស់​ស្រា​បៀ​រថៃហ្គ័រ​៖​ ​www.facebook.com​/​TigerBeerKH​
    ​ពិសា​ដោយ​ការទទួលខុសត្រូវ​៕​


    ​

  • Mickelson​ ​យកឈ្នះ​លើ​ ​Casey​ ​ដើម្បី​លើក​ពាន​ ​Pebble​ ​Beach​ ​Pro​-​Am​

    Mickelson​ ​យកឈ្នះ​លើ​ ​Casey​ ​ដើម្បី​លើក​ពាន​ ​Pebble​ ​Beach​ ​Pro​-​Am​

    កីឡាករ​វាយកូនគោល​ ​Phil​ ​Mickelson​ ​បាន​ឈ្នះ​ពាន​ជា​លើក​ទី50​ ​ក្នុង​អាជីព​របស់​គេ​ ​ក្រោយពី​បាន​វាយកូនគោល​យ៉ាង​ល្អ​លើ​រន្ធ2​ ​ចុងក្រោយ​នៃ​ការប្រកួត​ក្នុង​ជុំ​ចុងក្រោយ​ដែល​ត្រូវ​បាន​ពន្យារពេល​របស់​គេ​ ​ដើម្បី​ឈ្នះ​ពាន​ ​US​ ​PGA​ ​Pebble​ ​Beach​ ​Pro​-​Am​។​​ ​កីឡាករ​សញ្ជាតិ​អាមេរិក​វ័យ​ ​48ឆ្នាំ​រូប​នេះ​ ​បាន​វាយកូនគោល​បញ្ចូល​រន្ធ​យ៉ាង​ល្អ​ក្នុង​ការប្រកួត​លើ​រន្ធ​ទី18​ ​ដើម្បី​បំពេញ​ការប្រកួត​ជុំ​ចុងក្រោយ​ជាមួយនឹង​ពិន្ទុ65​ ​និង​បំពេញ​ការប្រកួត​លើ​រន្ធ​ទាំង​ ​72ជាមួយនឹង​ពិន្ទុសរុប​ ​268ពិន្ទុ​ ​ដើម្បី​ផ្តួល​កីឡាករ​អង់គ្លេស​ ​Paul​ ​Casey​ ​តាមរយៈ​ការ​នាំមុខ​ ​3ឈើ​។​ ​
    ​
    ​Casey​ ​ដែល​ក៏បាន​វាយកូនគោល​បញ្ចូល​ឡូ​យ៉ាង​ល្អ​លើ​រន្ធ​ទី18​ ​ដើម្បី​បំពេញ​ការប្រកួត​ជុំ​ចុងក្រោយ​ដើម្បី​រកបាន​ ​71ពិន្ទុ​ ​និង​ ​Mickelson​ ​គឺជា​កីឡាករ​ទាំង​ ​2នាក់​ដែល​ត្រូវ​បាន​រំខាន​ដោយសារតែ​ភាព​ងងឹត​ក្នុង​ការប្រកួត​ជុំ​ចុងក្រោយ​ ​កាលពី​ថ្ងៃអាទិត្យ​ ​ខណៈ​ដែល​ ​Mickelson​ ​ត្រូវ​ប្រកួត​លើ​រន្ធ​ ​2ទៀត​ ​និង​បាន​យកឈ្នះ​តាមរយៈ​ការ​នាំមុខ​ ​3ឈើ​លើ​ ​Casey​ ​ដែល​បាន​ចាប់ផ្តើម​ប្រកួត​ម្តង​ទៀត​លើ​រន្ធ​ទី16​។​
    ​ ​វា​ជា​ការ​ឈ្នះ​ពាន​ក្នុង​កម្មវិធី​ ​PGA​ ​ជា​លើក​ទី5​ ​នៅ​លើ​ទីលានPebble​ ​Beach​ ​សម្រាប់​ ​Mickelson​ ​ដែល​បាន​តាម​ស្មើ​កំណត់ត្រា​របស់​កីឡាករ​អាមេរិក​ដូចគ្នា​គឺ​ ​Mark​ ​O’Meara​។​
    ​
    ​ ​រូបគេ​ក៏បាន​ក្លាយជា​កីឡាករ​វ័យ​ចំណាស់​ជាងគេ​បំផុត​ក្នុង​ការ​ឈ្នះ​ពាន​ ​PGA​ ​ក្នុង​ព្រឹត្តិ​ការណ៍​នៅ​លើ​កោះ​នៃ​រដ្ឋ​ ​California​ ​នេះ​ផង​ដែរ​។​
    ​ ​កីឡាករ​ ​Mickelson​ ​បានឱ្យ​ដឹង​ថា​៖​ ​«​វា​បាន​ក្លាយជា​សប្តាហ៍​ដ៏​ពិសេស​មួយ​សម្រាប់​ខ្ញុំ​។​ ​នេះ​គឺជា​កន្លែង​ដ៏​ពិសេស​សម្រាប់​ខ្ញុំ​។​ ​គ្រប់ពេល​ដែល​ខ្ញុំ​មក​ទីនេះ​ ​ខ្ញុំ​មាន​អារម្មណ៍​ដ៏​ពិសេស​»​៕​ ​


    ​ប្រភព​ពី​៖​ ​Channel​ ​News​ ​Asia​ ​

  • លោក​ ​Di​ ​Francesco​៖​ ​Roma​ ​ត្រូវតែ​បង្ហាញ​មហិច្ឆតា​ ​ពេល​ប៉ះ​ ​Porto​ ​រាត្រី​នេះ​

    លោក​ ​Di​ ​Francesco​៖​ ​Roma​ ​ត្រូវតែ​បង្ហាញ​មហិច្ឆតា​ ​ពេល​ប៉ះ​ ​Porto​ ​រាត្រី​នេះ​

    ​លោក​ ​Eusebio​ ​Di​ ​Francesco​ ​គ្រូបង្វឹក​របស់​ក្រុម​ ​Roma​ ​បាន​អំពាវនាវ​ឱ្យ​ក្រុម​របស់​លោក​បង្ហាញ​ពី​មហិច្ឆតា​ ​នៅពេល​ប្រកួត​ជាមួយនឹង​ក្រុម​ ​Porto​ ​ក្នុង​ការប្រកួត​ក្របខ័ណ្ឌ​ ​Champions​ ​League​ ​វគ្គ​ ​16ក្រុម​ចុងក្រោយ​ ​ជើង​ទី1​ ​របស់​ពួកគេ​ ​នា​កីឡដ្ឋាន​ ​StadioOlimpico​ ​ដើម្បី​បង្ហាញ​ពី​ភាព​ខ្លាំង​របស់​ខ្លួន​ដែល​ត្រឡប់មកវិញ​ ​ក្រោយ​ការ​ធ្លាក់​ចេញ​នា​ពេល​ថ្មី​ៗ​នេះ​។​
    ​
    ​ ​ក្រុម​ ​Roma​ ​បាន​ធ្លាក់​ចេញពី​ពាន​ ​Coppa​ ​Italia​ ​ក្រោយពី​ចាញ់​ក្រុម​ ​Fiorentina​ ​ក្នុង​លទ្ធផល​ ​7​-​1​ ​ប៉ុន្តែ​ ​បច្ចុប្បន្ន​ ​មិន​ស្គាល់​ចាញ់​សោះ​ពី​ការប្រកួត​ក្របខ័ណ្ឌ​ ​Serie​ ​A​ ​6លើក​ចុងក្រោយ​របស់​ពួកគេ​ ​ដើម្បី​ឈរ​នៅ​ក្រៅ​ចំណាត់ថ្នាក់​ដែល​ត្រូវ​ឈ្នះ​កៅអី​ទៅលេង​ក្នុង​ក្របខ័ណ្ឌ​ ​Champions​ ​League​។​
    ​
    ​ ​លោក​ ​Di​ ​Francesco​ ​បានឱ្យ​ដឹង​ថា​៖​ ​«​ការប្រកួត​នេះ​ ​គឺជា​ឱកាស​ដ៏​ល្អ​ក្នុង​ការ​បង្ហាញ​ពី​ទម្រង់​លេង​ដ៏​ល្អ​មួយ​ ​និង​ការ​វិល​ទៅ​រក​ភាព​រំភើប​ឡើងវិញ​។​ ​មាន​ក្រុម​អ៊ីតាលី​ដែល​នៅសល់​ត្រឹមតែ​ ​2គត់​ក្នុង​យុទ្ធនាការ​នេះ​ ​យើង​ពិតជា​មាន​មោទនភាព​ក្នុង​ការ​ក្លាយជា​ក្រុម​មួយ​ក្នុងចំណោម​នោះ​។​ ​យើង​ត្រូវតែ​មាន​គោលដៅ​ឱ្យ​ខ្ពស់​»​។​ ​Roma​ ​បាន​ឈាន​ទៅ​វគ្គ​ពាក់កណ្តាល​ផ្តាច់ព្រ័ត្រ​កាលពី​រដូវ​កាលមុន​ ​នៅមុន​ពេល​ធ្លាក់​ចេញ​ក្រោម​ស្នាដៃ​ក្រុម​ ​Liverpool​ ​ប៉ុន្តែ​មិនធ្លាប់​បាន​ផ្តួល​ក្រុម​ ​Porto​ ​ដែល​បាន​ឈ្នះ​ពាន​ ​Champions​ ​League​ ​2លើក​នោះ​ទេ​ ​ហើយ​ការ​ឈ្នះ​ពាន​លើក​ចុងក្រោយ​របស់​ពួកគេ​ ​បាន​កើតឡើង​កាលពី​ឆ្នាំ2004​ ​ក្រោម​ការដឹកនាំ​របស់​លោក​ ​Jose​ ​Mourinho​។​
    ​
    ​ ​ក្រុម​របស់​លោក​ ​Sergio​ ​Conceicao​ ​បាន​ឈាន​ទៅ​វគ្គ​ ​8ក្រុម​ចុងក្រោយ​ ​កាលពី​ឆ្នាំ2015​ ​និង​បាន​ផ្តួល​ក្រុម​ ​Roma​ ​ក្នុង​លទ្ធផល​ទាំង​ ​2ជើង​ ​4​-​1​ ​ក្នុង​ការប្រកួត​វគ្គ​ ​Playoff​ ​កាលពី​រដូវ​កាល​ឆ្នាំ2016​-​2017​។​ ​Roma​ ​នឹង​អវត្តមាន​ខ្សែប្រយុទ្ធ​ ​Patrik​ ​Schick​ ​ដែល​បាន​រង​របួស​សាច់ដុំ​ ​ប៉ុន្តែ​ខ្សែការពារ​ ​Kostas​ ​Manolas​ ​បាន​វិល​ទៅ​ហ្វឹកហាត់​វិញ​ហើយ​ ​បើ​ទោះបី​អ្នកចាំទី​ ​Robin​ ​Olsen​ ​នៅតែ​ស្ថិត​ក្នុង​ភាព​មិន​ច្បាស់លាស់​ក៏ដោយ​៕​ ​


    ​
    ​ប្រភព​ពី​៖​ ​Sport24​

  • ភ្ញាក់ផ្អើល​រូបភាព​ ​នៅ​ ​សូ​នី​តា​ ​មានផ្ទៃពោះ​មិនទាន់​រៀបការ​ ​

    ភ្ញាក់ផ្អើល​រូបភាព​ ​នៅ​ ​សូ​នី​តា​ ​មានផ្ទៃពោះ​មិនទាន់​រៀបការ​ ​

    ពី​មួយថ្ងៃ​ទៅ​មួយថ្ងៃ​ ​នៅ​ ​សូ​នី​តា​ ​អ្នកគាំទ្រ​សង្កេតឃើញ​ថា​ ​នាង​និង​គូស្នេហ៍​ ​កាន់តែ​បង្ហាញ​ភាព​ផ្អែមល្ហែម​ជាមួយគ្នា​កាន់តែ​ខ្លាំង​ ​។​ ​យ៉ាងណាមិញ​​កាលពី​ម្សិលមិញ​នេះ ​អ្នកនាង​ ​នៅ​ ​សូ​នី​តា​ ​បាន​បង្ហាញ​រូបភាព​ផ្អែមល្ហែម​ជាមួយ​គូស្នេហ៍​របស់​ខ្លួន​ទៀតហើយ​ ​ដោយ​រូប​នាង​បាន​រៀបចំ​ ​Surprise​ ​ខួបកំណើត​ឱ្យ​គូស្នេហ៍​។​
    ​
    ​ផ្អែកលើ​សារ​ដែល​អ្នកនាង​ ​នៅ​ ​សូ​នី​តា​ ​បាន​បង្ហោះ​អម​ជាមួយ​រូបថត​ជាច្រើន​សន្លឹក​ ​បាន​រៀបរាប់ឱ្យដឹង​ថា​ ​«​អរគុណ​បងប្អូន​មិត្តភក្តិ​ដែល​បាន​សហ​ការណ៍​ថា​​surprise​ ​តែ​ម្ចាស់​ដឹងមុនហើយ​ ​អត់​ភ្ញាក់ផ្អើល​ដដែល​។​ ​ចង់​ប្រាប់​ថា​ស្រលាញ់​បងប្អូន​ដែល​ទទួលការ​រាប់អាន​ ​យ៉ាង​ស្និទ្ធស្នាល​ ​និង​រីករាយ​បំផុត​ ​អរគុណ​ដល់​ចុងភៅ​ដ៏​ចំណាន​ ​និង​បង​ជ្រូក​ ​សម្រាប់​ម្ហូប​បែប​បស្ចឹម​ប្រទេស​ដ៏​ឈ្ងុយឆ្ងាញ់​ ​hbd​ ​to​ ​u​ ​ពូ​”​។​
    ​
    ​ទោះជាយ៉ាងណា​ក្តី​ ​រូបភាព​ទាំងនេះ​បាន​បង្ហាញ​ឱ្យ​ឃើញថា​ ​អ្នកនាង​ ​នៅ​ ​សូ​នី​តា​ ​បាន​រៀបចំ​ ​Surprise​ ​ខួបកំណើត​ឱ្យ​គូស្នេហ៍​របស់​ខ្លួន​យ៉ាង​រៀបរយ​ ​ក៏ប៉ុន្តែ​បែរជា​ ​Surprise​ ​មិនបាន​សម្រេច​ទៅវិញ​។​ ​ម៉្យាងវិញទៀត​ ​ភាព​ផ្អែមល្ហែម​របស់​អ្នក​ទាំងពីរ​ ​បាន​ធ្វើ​ឱ្យ​គ្រប់គ្នា​ ​ដែល​ជា​អ្នកគាំទ្រ​ឃើញ​ហើយ​ ​លួច​ច្រណែន​មិន​តិច​នាក់​នោះ​ទេ​។​ ​នៅពេល​គេ​បានឃើញ​រូបភាព​នៅក្នុង​ថ្ងៃ​កម្មវិធី​នោះ​ខួបកំណើត​ ​គេ​មើលឃើញ​រូបភាព​ ​និង​រូបរាង​របស់​តារា​ស្រី​រូប​នេះ​ ​ជា​ស្ដ្រី​កំពុង​មាន​ទំ​ងន់​ ​4​ ​ខែ​ក្នុង​ផ្ទៃ​។​ ​
    ​
    ​ក្រោយពេល​បានឃើញ​រូបភាព​នោះ​ហើយ​ ​គេ​កត់សម្គាល់​ឃើញថា​ ​បណ្ដា​សារព័ត៌មាន​ក្នុង​ស្រុក​ជាច្រើន​បាន​ចេញផ្សាយ​ ​ផ្ដោត​សំខាន់​ថា​ ​នៅ​ ​សូ​នី​តា​ ​មានផ្ទៃពោះ​រយៈពេល​ ​4​ ​ខែ​ ​ទាំង​មិនទាន់​មានដំណឹង​រៀបការ​ជាមួយ​គូស្នេហ៍​នៅឡើយ​ទេ​។​ ​បើ​ទោះបីជា​មានការ​ចេញផ្សាយ​ច្រើន​ពិតមែន​ ​តែ​តារា​ស្រី​មួយ​ដួង​នេះ​ ​នៅ​មិនទាន់​មាន​ប្រតិកម្ម​ ​ឬ​ចេញ​ការ​បកស្រាយ​បដិសេធ​នៅឡើយ​ផង​ដែរ​៕​