អេបិល - La Reine Media

ឆ្នាំថ្មី រតន: វិសិដ្ឋ រីកមុខដូចគ្រាប់ជី ខណៈក្ដោបបានការងារសុទ្ធតែធំៗ

ធៀបនឹង៣ឆ្នាំចុងក្រោយ លោក រតន: វិសិដ្ឋ ត្រូវគេឃើញឈានឡើងគួរឱ្យយកត់សម្គាល់ស្ទើរដូចពេលឡើងកូដតែម្ដងនៅក្នុងសិល្ប:។

ក្រៅពីមានកម្មវិធីចេញច្រៀងស្ទើររកពេលសម្រាកមិនបាន ក្នុងក្រុមលោក យ៉ែម សំអូន និងការងារច្រៀងឯកជន លោកក៏ទើបតែបានតំណែង ជាពិធីករក្នុងកម្មវិធី”រាត្រីពណ៍ស្វាយ” របស់ទូរទស្សន៍បាយ័ន និងបានតំណែងជាពិធីករក្នុងការប្រគំតន្ត្រីខេត្តក្រុងរាប់មិនអស់ ខណ:ដែលការងារថតបង្ហាញម៉ូដ សម្ដែង និងដើរម៉ូដ ក៏ក្រសោបបានសុទ្ធតែកម្មវិធីធំៗ ខុសគ្នាដាច់ឆ្ងាយពីមួយរយ:មុន ដែលលោកត្រូវគេសម្គាល់ថា ស្ងប់ស្ងាត់ទីផ្សារជាងមុននោះ។

លោកត្រូវមហាជនលាន់មាត់ថា មានសម្រស់ដងខ្លួន និងផ្ទៃមុខទាក់ទាញជាងមុន បន្ទាប់ពីលោកសកម្មនឹងការហាត់ប្រាណ ហើយការប្រើប្រាស់ផលិតផលថែរក្សារូបសម្រស់ ក៏ជួយឱ្យលោកកាន់តែក្មេង។ លោករតន: វិសិដ្ឋ កាន់តែសង្ហារទាក់ភ្នែក ដោយម៉ូដសក់ពុះចំហៀង និងស្ទីលវ៉ែនតាចុងក្រោយរបស់លោក គឺធ្វើលោកក្មេងជាងមុខចង់10ឆ្នាំ ហើយមុខមាត់របស់លោក ក៏កាន់តែដូចតារាកូនកាត់កូរ៉េខ្លាំងទៅៗ។

លោក រតន: វិសិដ្ឋ បានអះអាងថា នៅក្នុងឆ្នាំនេះ លោកមានរាសីជាងមុន ជាពិសេសការងារធំៗរត់ចូលដូចព្យុះ។ លោកអះអាងនៅក្នុងឆ្នាំនេះជួបរឿងល្អច្រើន ទើបលោកយល់ថា មានតែធ្វើការខួបឱ្យសប្បាយៗជាមួយមិត្តសិល្បករ និងក្រុមគ្រួសារ ដែលជួយឲ្យលោកមានរាសីត្រដែត ហើយបន្តជួបរឿងសប្បាយចិត្តច្រើនទៅទៀត៕

February 23, 2019

សមិទ្ធផលក្នុងការធ្វើបទបង្ហាញអចលនទ្រព្យអូស្ត្រាលីនាថ្ងៃទី ១៧

កម្មវិធីធ្វើបទបង្ហាញអចលនទ្រព្យអូស្ត្រាលីបានប្រព្រឹត្តិទៅដោយជោគជ័យក្រោមការចូលរួមសហការរវាង ក្រុមហ៊ុនអចលនទ្រព្យនៅអូស្ត្រាលី Crown Reality International និងដៃគូនៅក្នុងប្រទេសកម្ពុជា នាថ្ងៃអាទិត្យ ទី១៧ នៅភោជនីយដ្ឋាន Topaz ។

គួរបញ្ជាក់ផងដែរថា Crown Reality International គឺជាក្រុមហ៊ុនអចលនទ្រព្យឈានមុខគេនៅក្នុងប្រទេសអូស្ត្រាលី ដែលជួយផ្តល់ភាពងាយក្នុងការយល់ដឹងអំពីព័ត៌មានអចលនទ្រព្យ ក៏ដូចជាការទិញ លក់ផ្សេងៗទៀត ដែល Crown Reality International គ្រោងនឹងសហការបង្កើនដៃគូនៅក្នុងប្រទេសកម្ពុជានាពេលឆាប់ៗនេះផងដែរ។

កញ្ញា យុយ សុផានិត នាយកប្រតិបត្តិ N.A Brimex,. CO, LTD ក៏ជាអ្នកតំណាង Crown Reality International ប្រចាំប្រទេសកម្ពុជា បានថ្លែងថា “ដោយសារការមើលឃើញអំពីស្ថិរភាពផ្នែកសេដ្ឋកិច្ច និង បញ្ជូនកូនបន្តការសិក្សាក្រៅប្រទេស ជាពិសេសប្រទេសអូស្ត្រាលី បានក្លាយជាប្រធានបទដែលពេញនិយមសម្រាប់ប្រជាជនខ្មែរ ទើបខ្ញុំសម្រេចចិត្តទទួលធ្វើជាអ្នកតំណាង Crown ដើម្បីជួយសម្រួលដល់ប្រជាជនខ្មែរដែលមានបំណងចង់បញ្ជូនកូន ឬមានអចលនទ្រព្យផ្ទាល់ខ្លួននៅប្រទេសអូស្ត្រាលី។”

កញ្ញាបន្តទៀតថា “លើសពីនេះទៅទៀត ខ្ញុំសង្កេតឃើញអំពីចំណុចគួរឱ្យ ចាប់អារម្មណ៍មួយចំនួនទៀតនោះគឺ សុវត្ថិភាព និងការជឿទុកចិត្តអំពីប្រព័ន្ធក្នុងការបង់ប្រាក់ផងដែរ ដែលអាចឱ្យ ប្រជាជនខ្មែរមានការទុកចិត្តទោះបីជា អចលនទ្រព្យនៅក្រៅប្រទេសយ៉ាងណាក្តី។”

បន្ថែមពីនេះទៅទៀត កម្មវិធីបទបង្ហាញនេះក៏មានការចូលរួមពីម្ចាស់គម្រោងអចលនទ្រព្យ “WaterPoint Resident”, នាយកប្រតិបត្តិ Crown Reality International និង អ្នកចូលរួមដែលមានចំណាប់អារម្មណ៍ទៅលើអចលនទ្រព្យប្រមាណ ៥០នាក់ នៅឯភោជនីយដ្ឋាន Topaz ផងដែរ។

បើតាមការលើកឡើងពី Mr. Luke Vaughan នាយកប្រតិបត្តិ Crown Reality International បានថ្លែងក្នុងបទបង្ហាញថា “ខ្ញុំសម្រេចចិត្តក្នុងការយកគម្រោង អចលនទ្រព្យដែលស្ថិតនៅក្នុង Gold Coast ប្រទេសអូស្ត្រាលីមកធ្វើបទបង្ហាញថ្ងៃនេះ ព្រោះទីនេះជាតំបន់ដែលរាជរដ្ឋាភិបាលបានកំពុងយកចិត្តទុកដាក់ក្នុងការអភិវឌ្ឍន៍ខ្លាំងបំផុត ខណៈពេលដែលអត្រាប្រជាជន Sydney និង Melbourne បានកើនឡើងហួសកំណត់ អ្វីដែលពិសេសជាងនេះទៅទៀតនោះគឺ Gold Coast គឺជាទីកន្លែងដែលបណ្តំទៅដោយ សាកលវិទ្យាល័យលំដាប់ ក្នុងពិភពលោក”។

បទបង្ហាញអចលនទ្រព្យដ៏ពិសេសនេះបានបញ្ចប់ទៅជាមួយនឹងការពិសារអារហារថ្ងៃត្រង់បន្ទាប់ពីការធ្វើបទបង្ហាញនោះជាមួយស្នាមញញឹមរីករាយពីអ្នកតំណាងទាំងអស់ និងចំណាប់ អារម្មណ៍ពីអ្នកចូលរួមផងដែរ ហើយ Crown Reality International បានសង្ឃឹមយ៉ាងមុតមាំថានឹងសហការឱ្យស្អិតរមួតជាមួយប្រទេសកម្ពុជាដើម្បីនាំយកគម្រោងជាច្រើនទៀតមកប្រទេសកម្ពុជា។

February 23, 2019

ស្រាបៀរ ANCHOR RADLER LEMON កំប៉ុងបញ្ច្រាស់ថ្មីដំបូងបង្អស់ បានសម្ពោធលក់ជាផ្លូវការលើទីផ្សារហើយ

រាជធានីភ្នំពេញ៖ ស្រាបៀរ Anchor Radler Lemon កំប៉ុងបញ្ច្រាស់ថ្មីដែលរចនាជាមួយរូបរាងថ្មីដ៏គួរឱ្យទាក់ទាញត្រូវបានប្រកាសសម្ពោធលក់ជាផ្លូវការនៅក្នុងពិធីសម្ពោធដ៏ឱឡារិកមួយដែលគេហៅថា “Anchor Radler Lemon Mini-Concert” ដែលបានប្រារព្ធធ្វើឡើងនៅ កោះពេជ្រ រាជធានីភ្នំពេញ កាលពីថ្ងៃសុក្រទី22 ខែកុម្ភៈ ឆ្នាំ2019 ក្នុងគោលបំណងផ្សព្វផ្សាយស្រាបៀរកំប៉ុងបញ្ច្រាស់ថ្មីដំបូងបង្អស់លើលើទីផ្សារកម្ពុជា។

ក្នុងឱកាសសម្ពាធផលិតផលថ្មីនេះ លោក MOON YOO នាយកផ្នែកទីផ្សារនៃក្រុមហ៊ុន CAMBODIA BREWERY LIMITED (CBL) បានមានប្រសាសន៍ថា៖ “ថ្ងៃនេះយើងមានមោទនភាពណាស់ដែលបានប្រកាសដាក់លក់ស្រាបៀរច្នៃប្រឌិតថ្មីរបស់ក្រុមហ៊ុនស្រាបៀរអាន់ឆ័រគឺស្រាបៀរ Anchor Radler Lemon ដែលស្រាបៀរមានរសជាតិក្រូចឆ្មារធម្មជាតិ មានជាតិអាកុល 2%។ ប្រភេទស្រាបៀរនេះស័ក្តិសមមសម្រាប់យុវវ័យពីព្រោះប្រភេទស្រាបៀរនេះធ្វើឱ្យអតិថិជនទទួលបានភាពសប្បាយរីករាយ និងចង់ដឹងចង់ស្គាល់រសជាតិពិសេសនៃស្រាបៀរនេះ។”

លោកនាយកផ្នែកទីផ្សារបានមានប្រសាសន៍ទៀតថា៖ “ខណៈពេលទីផ្សារស្រាបៀរកំពុងរីកចម្រើន យើងជឿជាក់ថា ផលិតផលថ្មីនេះនឹងមានការពេញនិយមនៃការទទួលទានគ្រឿងស្រវឹងក្នុងកម្រិតមធ្យម ដែលបើកឱកាសថ្មី និងទាក់ទាញអតិថិជនថ្មីៗនិយមចូលចិត្តប្រភេទស្រាបៀរនេះព្រមទាំងឆ្លើយតបទៅនឹងតម្រូវការរបស់អតិថិជនដែលមានស្រាប់។”

Anchor Radler Lemon គឺជាប្រភេទស្រាបៀរស្រាបៀរឆ្នៃប្រឌិតថ្មី មានរសជាតិក្រូចឆ្មារធម្មជាតិ និងមានជាតិអាកុល 2% ដែលនាំមកជូនលោកអ្នកដោយក្រុមហ៊ុនស្រាបៀរអាន់ឆ័រ។ ការលាយបញ្ចូលគ្នាយ៉ាងល្អឥតខ្ចោះនៃស្រាបៀរដែលមានគុណភាពខ្ពស់ជាមួយរសជាតិក្រូឆ្មារធម្មជាតិ។ គ្មានសារធាតុបន្ថែមរសជាតិ តែមានពណ៌ស្រស់បែបធម្មជាតិ។ Anchor Radler Lemon ផ្តល់នូវអារម្មណ៍ស្រស់ថ្លាទ្វេដង និងភាពរីករាយដ៏លើសលប់ ព្រមទាំងជួយបំបាត់ស្រេកទឹកយ៉ាងឆាប់រហ័សជាមួយនឹងរសជាតិត្រជាតិស្រស់ស្រាយ ងាយស្រួលពិសា ឈ្ងុយឆ្ងាញ់ជាប់មាត់ជាប់ចិត្តពីរសជាតិក្រូចឆ្មារធម្មជាតិ និងស្រាបៀរថ្មីស្រស់ល្អឥតខ្ចោះ រសជាតិស្រាលស្រទន់ ស័ក្តិសមបំផុតសម្រាប់ប្រទេសក្នុងតំបន់ត្រូពិកដូចជាប្រទេសកម្ពុជា នៅពេលក្លាស្សេត្រជាក់ដល់កម្រិត។ កំប៉ុងបញ្ច្រាស់មិនមែនជាផលិតខុសនោះ តែដើម្បីឱ្យអតិថិជនត្រឡប់ ឬក្រឡាប់កំប៉ុង Anchor Radler Lemon ចុះដើម្បីទទួលបានរសជាតិក្រូចឆ្មារធម្មជាតិដែលស្ថិតនៅបាតកំប៉ុង។ ប្រភេទស្រាបៀរនេះស័ក្តិសមមសម្រាប់យុវវ័យពីព្រោះប្រភេទស្រាបៀរនេះធ្វើឱ្យអតិថិជនទទួលបានភាពសប្បាយរីករាយ និងចង់ដឹងចង់ស្គាល់រសជាតិពិសេសនៃស្រាបៀរនេះ។

កម្មវិធី “Anchor Radler Lemon Mini-Concert” នឹងបន្តប្រារព្ធធ្វើឡើងចាប់ពីថ្ងៃទី ២៣ ខែកុម្ភៈ រហូតដល់ថ្ងៃទី១៦ ខែមេសា ឆ្នាំ ២០១៩ នៅរាជធានីភ្នំពេញ ខេត្តព្រះសីហនុ ខេត្តកំពង់ស្ពឺ ខេត្តសៀមរាម ក្រុងប៉ោយប៉ែត ខេត្តបាត់ដំបង និងខេត្តកំពង់ចាម ដោយមានការអញ្ជើញចូលរួមពីឌីជេ និងតារាចម្រៀងល្បីៗ ដូចជា DJ Yaya, លោកហ្សូណូ លោក ជីដេវីត លោកស្តិប លោក រង្ស តារារតនា លោក នីកូ។

បច្ចុប្បន្ននេះ ស្រាបៀរ Anchor Radler Lemon បានចែកចាយលក់ក្នុងបណ្តារង្គសាល ក្លិប និងភោជនីយដ្ឋានលំដាប់ថ្នាក់ខ្ពស់នៅក្នុងរាជធានីភ្នំពេញក្នុងអំឡុងពេលដំណាក់កាលសម្ពោធលក់ជាផ្លូវការនេះ ហើយនឹងមានលក់នៅបណ្តាហាងជាច្រើននៅក្នុងខេត្តក្រុងសំខាន់ផ្សេងទៀតក្នុងប្រទេសកម្ពុជា នាពេលខាងមុខនេះ។

សូមរីករាយទទួលទានស្រាបៀរ Anchor Radler Lemon ដោយទទួលខុសត្រូវ

February 23, 2019

ចេញហើយ..!! «ប៉ក់!កន្ទ្រឹមអើយ » មាស សុខសោភា ចាក់ដោតពេញបេះដូងកូនខ្មែរ

រាជនីសំឡេងទឹកឃ្មុំ អ្នកនាង មាស សុខសោភា កន្លងទៅបានទម្លាយវីដេអូថតចម្រៀងក្រៅឆាកប្រភេទបទកន្ត្រឹម គ្រាន់តែបង្ហោះភ្លាម ទទួលបានការគាំទ្រភ្លែតតែម្ដង។ ហើយប៉ុន្មានម៉ោងមុននេះ ខាងផលិតកម្ម Town បានបញ្ចេញនូវបទ ចម្រៀងថ្មីសម្រាប់ចូលឆ្នាំខ្មែរពីរោះរណ្ដំណាស់ដែលមានចំណងជើងថា «ប៉ក់!កន្ទ្រឹមអើយ » ដែលជាការបកស្រាយដោយអ្នកនាង មាស សុខសោភា ស្ដាប់ហើយពិតជានឹកចូលឆ្នាំខ្មែរជាពិសេសបែបអត្តន័យបង្ហាញកូនខ្មែរឱ្យដឹងពីបទកន្ត្រឹមផងដែរ។

ច្រៀងពិរោះហើយ មិនតែប៉ុនណោះ អ្នកនាង ជាតារាចម្រៀងស្រីដែលទទួលបានការស្រលាញ់រាប់អាន ពីសំណាក់មហាជនទូទៅ ព្រោះតែអ្នកនាង មានអត្តចរិកសុភាព រស់រាយ រាក់ទាក់ និងធ្លាប់ចូលរួមធ្វើការងារសង្គមជាច្រើនផងដែរ។ ចង់ដឹងថាពិរោះខ្លាំងយ៉ាងណាសូមទស្សនាវីដេអូខាងក្រោមនេះ៖

https://youtu.be/cJQfPN52uWs

February 22, 2019

ស៊ឹម ថៃណា ទៅបរិច្ចាគឈាមដល់ក្មេងប្រុសគ្រោះថ្នាក់ចរាចរណ៍ដល់ខេត្តកំពត

ដោយមើលឃើញពីការអាណិត និងដើម្បីចូលរួមសង្គ្រោះជីវិតក្មេងប្រុសម្នាក់ ដែលបានជួបគ្រោះថ្នាក់ចរាចរណ៍ត្រូវរថយន្តធន់ធំបុក បណ្តាលឱ្យរងរបួស និងត្រូវការឈាមជាចំបាច់ដើម្បីសង្គ្រោះជីវិតនោះ តារាសម្តែងស្រីកញ្ញា ស៊ឹម ថៃណា ភ្លាមៗនោះក៏បានសម្រេចចិត្តធ្វើដំណើរពីភ្នំពេញ ទៅចូលរួមបរិច្ចាគឈាមដល់ក្មេងប្រុសខាងលើដល់ខេត្តកំពត។

ការប្រកាសផ្តល់ឈាមពីសំណាក់តារាស្រីកញ្ញា ស៊ឹម ថៃណា នេះដែរ បានធ្វើឱ្យទស្សនិកជន និងអ្នកលេងបណ្តាញសង្គមហ្វេសប៊ុកជាច្រើន បង្ហាញការគាំទ្រ និងលើកសរសើរខ្លាំង ចំពោះទឹកចិត្តដ៏ល្អក្នុងការចែករំលែកក្តីស្រលាញ់ ដើម្បីជួយសង្គ្រោះអាយុជីវិតរបស់ក្មេងប្រុសរងគ្រោះរូបនេះ។ កញ្ញា ស៊ឹម ថៃណា បញ្ជាក់ថា «ករណីគ្រោះថ្នាក់របស់ក្មួយប្រុសដែលពួកខ្ញុំជួយ មិនមែននៅទីក្រុងភ្នំពេញទេ គឺនៅខេត្តកំពត»។

ភ្លាមៗនោះក្រុមគ្រួសាររបស់ក្មេងប្រុសរងគ្រោះ ក៏បានបង្ហាញការអរគុណ និងលើកសរសើរខ្លាំងលើទឹកចិត្តកញ្ញា ស៊ឹម ថៃណា «ពួកយើងខ្ញុំព្រមទាំងក្រុមគ្រួសារ សូមថ្លៃអំណរគុណដល់តារាចម្រៀង និងសម្តែងកញ្ញា ស៊ឹម ថៃណា ដែលបានបរិច្ចាគឈាមជួយដល់ក្មូនប្រុសរបស់ខ្ញុំ ដែលជួបគ្រោះថ្នាក់ចរាចរណ៍។ សូមឱ្យកញ្ញាជួបតែសំណាងល្អ និងមានអ្នកគាំទ្រកាន់តែច្រើនឡើង»៕

February 22, 2019

ចាក់ដោត..! ឆឹម សក្កដា ចេញបទបង្ហាញពីក្ដីស្រឡាញ់បង្វែរការជ្រួលច្របល់នៅលើហ្វេសប៊ុក

ខណៈដែលតារាចម្រៀងភាគច្រើនបញ្ចេញបទចង្វាក់បែកស្លុយៗ និងខ្លះមានទាំងបទចង្វាក់រាំវង់ដើម្បីទាក់ទាញក្នុងឱកាសចូលឆ្នាំ តារាសម្ដែងដែលបានវិវត្តន៍ខ្លួនក្លាយជាតារាចម្រៀ លោក ឆឹម សក្កដា បែរជាបញ្ចេញបទនិពន្ធថ្មីចង្វាក់ឡាំលាវខុសគេ ដោយមានអត្ថន័យស្នេហាមនោសញ្ចេតនារួមផ្សំមុននេះទៅវិញ ដោយលោករំពឹងថានឹងទទួលបានការគាំទ្រ។ បទថ្មីនេះមានចំណង «ក្ដីស្រឡាញ់» ទទួលបានការចាប់អារម្មណ៍មិនអន់ទេ ព្រោះថា បទម្រៀងរបស់លោក បើទោះជាចាក់ចំបរិបទដែលអ្នកគាំទ្រភាគច្រើនមានទំនោរទៅលើបទបែបបែកស្លុយបែបសប្បាយៗ តែគ្រាន់តែបានឮភ្លេងបទនេះហើយ ក៏ទប់ជើងមិនជាប់ដូចគ្នា។

បទចម្រៀងដែលបានចេញបង្ហោះក្ដៅៗមួយនេះ ម្ចាស់បទលោក ឆឹម សក្កដា បញ្ជាក់ជាបទដែលលោកប្រឹងប្រែងផលិតដោយការតាំងចិត្ត ដោយសូម្បីតែអត្ថន័យក៏បង្កប់នូវក្ដីស្រឡាញ់ដែលមនុស្សភាគច្រើនសុទ្ធតែត្រូវការនៅក្នុងជីវិតស្នេហា និងក្នុងការរស់នៅផងដែរ។

លោកថាបទចម្រៀងមួយបទនេះ លោកសម្រេចចិត្តដាក់បង្ហោះនៅមុនចូលឆ្នាំ ដើម្បីឱ្យអ្នកគាំទ្របានប្លែកអារម្មណ៍ និងបានរាំលេងក្នុងចង្វាក់ឡាំលាវ ក្នុងពេលដែលតារាចម្រៀងភាគច្រើនក៏ចេញបទបែបរាំៗសប្បាយៗផង បើទោះជាចង្វាក់របស់លោកមិនសូវត្រូវបានយុវវ័យពេញនិយមដូចចង្វាក់បែកស្លុយដែលនៅតែពេញនិយម។ ម្យ៉ាងមកពីក្នុងសង្គមហ្វេសប៊ុកក្នុងរយៈពេលនេះ ពោរពេញដោយរឿងមិនល្អបណ្ដាក់គ្នាផង ទើបលោកសម្រេចចិត្តបញ្ចេញបទ«ក្ដីស្រឡាញ់» ដើម្បីបង្វែរការបែកបាក់ និងការជ្រួលច្របល់នៅលើហ្វេសប៊ុកព្រោះតែគំនិតខ្វែងគ្នា អោយងាកមកស្ដាប់បទចម្រៀង«ក្ដីស្រឡាញ់»ដែលបង្ហាញទឹកចិត្ត និងភាពស្មោះត្រង់របស់បុរសម្នាក់ទៅវិញ។

សូមទស្សនាចម្រៀងខាងក្រោម៖

February 22, 2019

Arsenal និង Chelsea ដឹកដៃគ្នាទៅវគ្គ 16ក្រុមនៃ Europa League

ក្រុម Arsenal បានផ្តួលក្រុម BATE Borisov យ៉ាងចាស់ដៃក្នុងលទ្ធផល 3-០ ដើម្បីឈានទៅវគ្គ 16ក្រុមចុងក្រោយនៃក្របខ័ណ្ឌ Europa League ក្រោយពីចាញ់ 1-០ ក្នុងការប្រកួតជើងទី1 ក្រោមស្នាដៃក្រុមម្ចាស់ជើងឯករបស់បេឡារុសមួយនេះ ហើយក្រុម Eintracht Frankfurt ក៏បានឈានទៅវគ្គបន្តផងដែរ តាមរយៈការយកឈ្នះទាំង 2ជើង 6-3 លើក្រុម Shakhtar Donetsk កាលពីថ្ងៃព្រហស្បតិ៍។

ក្រុម Salzburg ក៏ដណ្តើមបានជ័យជម្នះយ៉ាងកក់ក្តៅផងដែរ ខណៈដែលជ័យជម្នះ 4-០ លើទឹកដីខ្លួនឯងរបស់ពួកគេលើក្រុម Club Bruges បានជួយឱ្យក្រុមរបស់អូស្ត្រាលី ឈ្នះទាំង 2ជើងក្នុងលទ្ធផល 5-2 ខណៈដែលគ្រាប់បាល់ស៊ុតបញ្ចូលទី 2គ្រាប់ពីសំណាក់ខ្សែប្រយុទ្ធអន្តរជាតិអ៊ីរ៉ង់ Sardar Azmoun បានជួយឱ្យក្រុម Zenit St Petersburg យកឈ្នះលើក្រុម Fenerbahce ទាំង 2ជើង ក្នុងលទ្ធផល 3-2។

ក្រុម Napoli ដែលបានឈ្នះពាន UEFA Cup ក្នុងឆ្នាំ1989 មិនមានបញ្ហាអ្វីឡើយក្នុងការផ្តួលក្រុម FC Zurich ក្នុងលទ្ធផល 2-០ លើទឹកដីខ្លួនឯង ដើម្បីឈ្នះទាំង 2ជើង 5-1។
ស្របពេលជាមួយគ្នានេះ ក្រុមធ្លាក់ទម្រង់លេងChelsea របស់លោក Maurizio Sarri បានកាត់បន្ថយសម្ពាធមួយចំនួនលើរូបលោក ជាមួយនឹងជ័យជម្នះក្នុងលទ្ធផល 3-០នៅពេលប្រកួតជាមួយនឹងក្រុម Malmo។

លោក Unai Emery គ្រូបង្វឹកនៃក្រុម Arsenal បានប្រាប់ទូរទស្សន៍ BT Sport ថា៖ «យើងចង់បានលទ្ធផលនេះ ប៉ុន្តែយើងក៏ចង់លេងឱ្យអ្នកគាំទ្ររបស់យើងនៅទីនេះផងដែរ។ យើងបានប្រឹងអស់ពីសមត្ថភាពរបស់យើងដើម្បីស្រោចស្រង់ក្នុងការប្រកួតវគ្គនេះ ហើយក្រុមនេះបានធ្វើការងារយ៉ាងល្អ»។

ក្រុម Chelsea ដែលបានយកឈ្នះ 2-1 ក្នុងជើងទី1 បានយកឈ្នះលើក្រុម Malmo ដោយងាយក្នុងលទ្ធផល 3-០ ដើម្បីទៅវគ្គបន្តក្នុងលទ្ធផលទាំង 2ជើង 5-1 ដើម្បីដកសម្ពាធខ្លាំងចេញពីលោកគ្រូបង្វឹក Sarri៕

February 22, 2019

តោះស៊ែរភ្លាម! សូមនាំសត្វចិញ្ចឹមរបស់លោកអ្នកមកទទួលសេវាចាក់វាក់សាំងការពារជំងឺឆ្កែឆ្កួតដោយឥតគិតថ្លៃ

កាលពីថ្មីៗនេះមានជំងឺឆ្កែឆ្កួត បានសម្លាប់មនុស្ស2នាក់ លើនារី និងកុមារី ដែលមានគ្រោះថ្នាក់ដោយសារ ឆ្មា-ឆ្កែ ខាំ នាពេលថ្មីៗនេះ ធ្វើឱ្យមនុស្សមួយចំនួន ខ្លាចរអារសត្វឆ្កែ ឆ្មា រីឯមនុស្សជាច្រើនទៀតបាននំាគ្នាជាច្រើននាក់ទៅចាក់ថ្នាំបង្ការការពារនៅឯពេទ្យ ប៉ាស្ទើរស្ទើរតែជាន់គ្នារកកន្លែងអង្គុយមិនបាន។ លើសពីនេះទៅទៀតស្អប់សត្វឆ្កែរហូតមិនឱ្យជិះកង់បី ធ្វើឱ្យទាស់គ្នាបែកផ្សែងកាលពីព្រឹកមិញនេះ ក្នុងនោះផង។

បើតាមរយៈទំព័រហ្វេសប៊ុករបស់ Animal Rescue Cambodia បានឱ្យដឹងថា យើងខ្ញុំពិតជាមានអារម្មណ៏តក់ស្លត់យ៉ាងខ្លាំងចំពោះក្មេងស្រីម្នាក់ដែលថ្មឺៗនេះ បានបាត់បង់ជីវិតដោយសារការឆ្លងជំងឺពីសត្វឆ្មាដែលមានជំងឺ។ សូមមេត្តាការពារគ្រួសារ ព្រមទាំងសត្វរបស់អ្នក ដោយការចាក់វាក់សាំងការពារសត្វឆ្មា ឬឆ្កែរបស់អ្នក។

សូមកុំភ្លេចថាយើងខ្ញុំមានការផ្តល់សេវាចាក់វាក់សាំងការពារជំងឺឆ្កែឆ្កួតដោយឥតគិតថ្លៃ។ នាំសត្វចិញ្ចឹមរបស់អ្នកមកជួបយើងខ្ញុំ ហើយយើងខ្ញុំនឹងធ្វើការក្រៀវ ព្រមទាំងចាក់វាក់សាំងដោយឥតគិតថ្លៃ ដែលអាចធ្វើឱ្យសត្វរបស់អ្នកមានសុខភាពល្អ និងការពារគ្រួសាររបស់អ្នកពីជំងឺឆ្កែឆ្កួតផងដែរ។

ប្រសិនបើអ្នកត្រូវសត្វឆ្កែ ឬ ឆ្មាខាំ សូមអនុត្តតាមការណែនាំរបស់វិទ្យាស្ថានប៉ាស្ត័រកម្ពុជា ហើយប្រញាប់ធ្វើការលាងសម្អាតរបួសភ្លាមៗ។ មិនត្រូវរុំ ឬ បិទរបួសឡើយហើយប្រញាប់អញ្ជើញទៅរកគ្លីនិកប៉ាស្ត័រដើម្បីទទួល បានការចាក់ថ្នាំ បង្ការជំងឺឆ្កែឆ្កួតជាបន្ទាន់។ មិនមែនសុទតែគ្រប់គ្នាដែលត្រូវបានសត្វឆ្កែខាំនឹងអាចឆ្លងជំងឺឆ្កែឆ្កួតនោះទេ ហើយមានវិធីជាច្រើនដែលអ្នកអាចអនុត្តដើម្បឺការពារខ្លួនអ្នកបាន។ យើងខ្ញុំសង្ឃឹមថាឧបទ្ទវហេតុនេះនឹងមិនរារាំងអោយប្រជាជនបន្តជួយសត្វដែលរស់នៅតាមចិញ្ចើមផ្លូវទៀតនោះទេ។

ទំនាក់ទំនងលេខទូរស័ព្ទ ៖ 012 340 114
ឬចូលទៅកាន់ ហ្វេសប៊ុកផេច ៖ Animal Rescue Cambodia

February 22, 2019

Bencic ផ្តួល Halep ដើម្បីបង្កើតការភ្ញាក់ផ្អើលនៅ Dubai ជាលើកទី2

កីឡាការិនីវាយកូនបាល់ Belinda Bencic បានផ្តល់ការភ្ញាក់ផ្អើលដល់អតីតកីឡាការិនីមានចំណាត់ថ្នាក់លេខ1 ក្នុងពិភពលោក Simona Halep ក្នុងលទ្ធផល 4-6 6-4 និង6-2 ដើម្បីឈានទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Dubai Championships កាលពីថ្ងៃព្រហស្បតិ៍ ខណៈដែលនេះគឺជាលទ្ធផលដ៏មិននឹកស្មានដល់ជាលើកទី2 ជាប់ៗគ្នារបស់នាងនៅក្នុងរដ្ឋឈូងសមុទ្រមួយនេះ។

Bencic ដែលមានចំណាត់ថ្នាក់លេខ56 លើពិភពលោក ទើបតែបានយកឈ្នះលើកីឡាការិនីមានចំណាត់ថ្នាក់លេខ8 ក្នុងពិភពលោក ArynaSabalenka ក្នុងការប្រកួតជុំទី3 ក្រោយពីនាងបានសង្គ្រោះពិន្ទុកាត់សេចក្តី 6លើក មុននឹងបន្តយកឈ្នះលើម្ចាស់ជើងឯកឆ្នាំ2015 Halep ក្នុងរយៈពេល 2ម៉ោង និង15នាទី។

អតីតកីឡាការិនីមានចំណាត់ថ្នាក់លេខ7 ក្នុងពិភពលោក Bencic នឹងត្រូវជួបជាមួយនឹងម្ចាស់ជើងឯក 2សម័យកាល Elina Svitolina ដែលបានផ្តួលកីឡាការិនី Carla Suarez Navarro ក្នុងលទ្ធផល 6-2 និង6-3 ដើម្បីប្រជែងទៅកាន់វគ្គផ្តាច់ព្រ័ត្រ។

តារាឆ្នើមស្វ៊ីស Bencic ដែលអាជីពរបស់គេត្រូវបានរំខានដោយសារតែបញ្ហារបួសខ្នង និងកដៃជាបន្តបន្ទាប់នោះ បានឱ្យដឹងថា៖ «ខ្ញុំបានប្រជែង និងបានរក្សាការស្ថិតក្នុងការប្រកួតនេះ។ ខ្ញុំពិតជារីករាយណាស់ដែលខ្ញុំមិនបាបោះបង់។ ខ្ញុំមិនបានរបូតពិន្ទុដោយងាយស្រួលឡើយ។ ខ្ញុំនៅតែស្ថិតក្នុងការប្រជែង»។

កីឡាការិនីរូបនេះបានបន្ថែមទៀតថា៖ «ខ្ញុំពិតជារីករាយណាស់ ដែលខ្ញុំបានវិលមកវិញ។ ខ្ញុំបានដឹងថា វានៅតែស្ថិតនៅជាមួយខ្ញុំ សូម្បីតែបន្ទាប់ពីរបួសក៏ដោយ។ ខ្ញុំត្រូវតែធ្វើការវិលទៅរកភាពខ្លាំងវិញឱ្យបាន។ ខ្ញុំពិតជារីករាយណាស់ដែលខ្ញុំអាចបង្ហាញពីកម្រិតខ្លាំងបែបនោះ»៕

February 22, 2019

ប្រសិនបើឆ្មា-សុនកខាំ តើយើងត្រូវធ្វើយ៉ាងម៉េចខ្លះទៅ??

ខណៈដែលយើងត្រូវសត្វ សុនក ខាំ តើយើងគួរធ្វើដូចម្ដេច? 

1-ប្រញាប់លាងមុខរបួសឱ្យបានលឿនបំផុតជាមួយសាប៊ូ និងទឹកស្អាតឱ្យបានច្រើនដង លាងគ្រប់កន្លែងដែលត្រូវរបួស និងលាងឱ្យស្អាតចូលជ្រៅទាំងក្នុងសាច់របួស។ ជូតមុខរបួសឱ្យស្ងួត ប្រើប្រាស់ថ្នាំសម្លាប់មេរោគដូចជា Povidone-iodine ឬអាល់កុលសម្លាប់មេរោគ ជាដើម។
2-ត្រូវសង្កេតមើល និងស្គាល់អំពីលក្ខណៈប្រភេទសត្វដែលបានខាំ រួមទាំងស៊ើបអំពីប្រវត្តិសត្វ ចេញពីម្ចាស់ដែលបានចិញ្ចឹម ដើម្បីឱ្យកាន់តែជ្រាបច្បាស់ថា សត្វចិញ្ចឹមនោះ មានប្រវត្តិចាក់វាក់សាំងការពារពិសសត្វឆ្កួតដែលឬទេ? និងសង្កេតអាការសត្វដែលបានខាំក្នុងរយៈពេល 10 ថ្ងៃ ថាតើ វាមានសុខភាពបែបម៉េច? មានរោគជំងឺសត្វឆ្កួត ឬមានពិសដែលឬទេ? ក៏ប៉ុន្ដែបើសត្វសុនកនោះខាំមនុស្ស ហើយវាស្លាប់ ត្រូវយកទឹកមាត់របស់វា មកពិនិត្យដូចគ្នា។
3-ត្រូវប្រញាប់ទៅមន្ទីរពេទ្យជាបន្ទាន់ ដើម្បីចាក់ថ្នាំ និងព្យាបាលឱ្យបានទាន់ពេល និងត្រឹមត្រូវ។ ប្រសិនបើមានអាការឆ្លងពីពិសឆ្កែឆ្កួតនៅពេលត្រូវខាំ ឬខ្វាច នោះគ្រូពេទ្យនិងធ្វើការពិនិត្យ ហើយចាក់វាក់សាំងការពារជំងឺឆ្កែឆ្កួត រួមទាំងវ៉ាក់សាំងជំងឺតតាណូស និងថ្នាំសម្លាប់មេរោគ។ ក្រៅពីនេះ ក៏មានករណីដែលឆ្លងរោគជំងឺឆ្កែឆ្កួតកម្រិតធ្ងន់ នោះគ្រូពេទ្យជំនាញនឹងពិចារណាឱ្យប្រើប្រាស់ថ្នាំ Rho(D) immune globulin ដែលមានប្រព័ន្ធការពារមេរោគពិសសត្វ រួមទាំងវាក់សាំងការពារជំងឺឆ្កែឆ្កួត 4-5 ដង ដែលជាប្រភេទវាក់សាំងការពារកម្រិតខ្ពស់ វាចាក់បានគ្រប់វ័យរួមទាំង ក្មេងតូច និងស្ដ្រីមានគភ៌។ វាំងសាំងប្រភេទនេះវាអាចជួយការពារមេរោគឆ្កែឆ្កួតបានយ៉ាងមានប្រសិទ្ធភាព ទៅតាមការណាត់ជួបរបស់គ្រូពេទ្យ។

ចុះករណីដែលសត្វឆ្មាខាំ តើយើងគួរធ្វើដូចម្ដេច? តើបានហុចផលអាក្រក់ដល់អាយុជីវិតដែរឬទេ ?

1-នៅពេលឆ្មាខាំ បើទោះជាឆ្មានោះបានចាក់វាក់សាំងគ្រប់ចំនួនហើយក៏ដោយ ឬបានចិញ្ចឹមបង្ខាំងនៅផ្ទះល្អយ៉ាងណាក៏ដោយ មនុស្សដែលត្រូវឆ្មាខាំ ត្រូវទៅចាក់វាក់សាំងការពារជំងឺពិសសត្វឆ្កួតរហូត ដែលនេះគឺជាដំណាក់កាលការពារពីរជាន់ ពោលការពារពីរត្រួតគឺ double precautions ដែលសាកលលោកបានប្រើប្រាស់វិធីនេះ។
2-អង្គការអនាម័យពិភពលោកបានណែនាំឱ្យសង្កេតមើលអាការរបស់ឆ្មា ចំនួន 10 ថ្ងៃ ព្រោះឆ្មាខ្លះ មានពិសសត្វឆ្កួតក្នុងទឹកមាត់ និងមានឆ្មាខ្លះ អាចរស់បានលើសពី 10 ថ្ងៃថែមទៀតផង។ ការសង្កេតនេះ ឆ្មាដែលគ្មានកើតបញ្ហាជំងឺពិសសត្វឆ្កួត គឺមានតែឆ្មាដែលមានប្រវត្តិចាក់វាក់សាំងតែប៉ុនណោះ ហើយបានចាក់យ៉ាងហោចណាស់ 2 ដងក្នុងមួយឆ្នាំ មិនឱ្យហួស 6ខែ ដែលចាប់ផ្ដើមចាក់ដំបូងគឺ នៅពេលឆ្មាមានអាយុ 3 ខែ។
3-ត្រូវយកទឹកមាត់ឆ្មាទៅឱ្យពេទ្យពិនិត្យ ដើម្បីស្វែងរកមេរោគពិសសត្វឆ្កួត ។ នៅពេលត្រូវឆ្មាខាំ ត្រូវលាងរបួសឱ្យបានច្រើនដងជាមួយសាប៊ូ និងទឹកស្អាតឱ្យបានច្រើនដង។ លាបថ្នាំសម្លាប់មេរោគឱ្យបានលឿនបំផុត។
4-ប្រសិនបើ មានអាការហើម ឬអាការគ្រុនក្ដៅ ឬអាការផ្សេងៗទៀត ត្រូវប្រញាប់ទៅរកគ្រូពេទ្យជំនាញជាបន្ទាន់ ដើម្បីធ្វើការព្យាបាល។
5-ពិសរបស់ឆ្មាដែលឆ្លងរោគសត្វឆ្កួត គឺអាចបណ្ដាលឱ្យមានគ្រោះថ្នាក់ដល់ជីវិត។ ដូច្នោះអ្នកត្រូវប្រញាប់ទៅមន្ទីរពេទ្យភ្លាមៗ បន្ទាប់ត្រូវខាំ៕

February 22, 2019

Author: អេបិល