អេបិល - La Reine Media

រកឃើញម្ចាស់មកុដកញ្ញាឯកភពផែនដីអន្តរជាតិ Miss Planet International

បេក្ខនារីមកពីលើពិភពលោកជាង40ប្រទេសបានមកប្រកួតសម្រស់ និងសមត្ថភាពគ្នាក្នុងកម្មវិធី ប្រកួតកញ្ញាឯកភពផែនដីអន្តរជាតិ ឬ Miss Planet International រដូវកាលទី១ ដោយបេក្ខនារីកម្ពុជា បើទោះមិនបានជាប់ក្នុងជម្រើស6នាក់ តែក៏បានឈ្នះតំណែងជាបេក្ខនារី ដែលគ្រងឈុតប្រចាំជាតិបានលេចធ្លោជាងគេ។

បេក្ខនារីដែលទទួលបានចំណាត់ថ្នាក់លេខ1 នាយប់នោះបានលើ បេក្ខនារីមកពីប្រទេសអាហ្វ្រិកខាងត្បូង លេខ2បានលើថៃ និង លេខ3បានលើម៉ាឡេស៊ី។ ការប្រកួតនៅក្នុងយប់នោះ គេតម្រូវឱ្យបេក្ខនារីតំណាងប្រទេសនីមួយៗ ប្រកួតគ្នា4វគ្គ គឺវគ្គប្រកួតឈុតតំណាងជាតិ ប្រកួតឈុតហែលទឹក ប្រកួតឈុតរាត្រីសមោស និងប្រកួតឈុតបែបខ្មែរ អមដោយការសួរសំនួរ ដើម្បីស្វែងរកម្ចាស់ពាន។

ការប្រលងដ៏អស្ចារ្យនេះ បានបន្សល់នូវទិដ្ឋភាពរស់រវើកជាច្រើនក្រោយពេលប្រកាសមកុដ ខណៈដែលក្រោយប្រកួតចប់ ក៏ធ្វើឱ្យលើកមុខលើកមាត់របស់ប្រទេសកម្ពុជាផងដែរ ជាពិសេសនៅពេលឈុតតំណាងជាតិរបស់ខ្មែរ ស្រាប់តែវាយបំបាក់ស្នាដៃរបស់បរទេសបាននោះ។ សូមទស្សនារូបភាពការប្រកួតMiss Planet International ខាងក្រោមនេះ៖

March 2, 2019

សាទរកម្ពុជា ឈ្នះឈុតតំណាងជាតិ ក្នុងកម្មវិធី Miss Planet International

នៅរាត្រីថ្ងៃទី01 ខែ មីនា ឆ្នាំ 2019 ប្រទេសកម្ពុជា បានធ្វើជាម្ចាស់ផ្ទះរៀបចំការប្រកួតកញ្ញាឯកភពផែនដីអន្តរជាតិ ឬ Miss Planet International រដូវកាលទី១ នៅលើពិភពលោក ដោយព្រឹត្តិការណ៍បានធ្វើឱ្យមានការចាប់អារម្មណ៍យ៉ាងខ្លាំងទាំងនៅសាលមហោស្រពកោះពេជ្រ និងតាមការផ្សាយបន្តផ្ទាល់។

បេក្ខនារីមកពីលើពិភពលោកជាង40ប្រទេសបានមកប្រកួតសម្រស់ និងសមត្ថភាពគ្នា ដោយបេក្ខនារីកម្ពុជា បើទោះមិនបានជាប់ក្នុងជម្រើស6នាក់ តែក៏បានឈ្នះតំណែងជាបេក្ខនារីដែលគ្រងឈុតប្រចាំជាតិបានលេចធ្លោជាងគេ។

ក្នុងចំណោមការប្រកួតកញ្ញាឯកអន្តរជាតិ គឺមានតែឈុតប្រពៃណីប្រចាំជាតិប៉ុណ្ណោះ ដែលត្រូវបានគេតាមដានថា តើបេក្ខភាពមកពីប្រទេសណា ដែលឈ្នះតំណែងជាបេក្ខនារីមានឈុតប្រចាំជាតិអស្ចារ្យជាងគេ។ អ៊ីចឹងហើយទើបការប្រកួត Miss Planet International យប់មិញនេះ បានធ្វើឱ្យម្នាក់ៗភ្ញាក់ផ្អើលយ៉ាងខ្លាំង ដោតសារតែឈុតប្រចាំជាតិរបស់ខ្មែរ បានគ្រងតំណែងជាឈុតល្អផ្ដាច់គេ ខណៈដែលឈុតមួយនេះ នៅពេលស្លៀកបង្ហាញ គឺបេក្ខនារីរបស់ខ្មែរពិតជាលេចធ្លោរនាំមុខបណ្ដាឈុតដ៏អស្ចារ្យៗរបស់បណ្ដាប្រទេសដទៃមែន។

ជ័យលាភីឈុតដែលឈ្នះតំណែងជាឈុតប្រចាំជាតិអស្ខារ្យជាងគេនេះ ជាឈុតដែលច្នៃដោយកញ្ញា រំដួលលិចទឹក និងជាឈុតដែលតំណាងឱ្យទេពធីតាមហាសង្ក្រាន ដែលជាទេវតាក្នុងជំនឿរបស់ខ្មែរ។ មួយឈុតនេះនៅពេលថតបង្ហោះមុនពេលចូលប្រកួត ហាក់មិនសូវមានការចាប់អារម្មណ៍នោះទេ ប៉ុន្តែនៅដើរសម្ញែងជាមួយបណ្ដាបេក្ខនារីផ្សេងទៀតនៅលើឆាក Miss Planet International ក្នុងវគ្គប្រកួតឈុតតំណាងជាតិ ។ ឈុតនេះ ត្រូវបានបង្ហាញខ្លួនដោយ កញ្ញា រីចំណាន កល្យាណ មានទម្ងន់ជាង10គីឡូក្រាមនេះ បានសមឥតខ្ចោះ ដែលបានច្នៃដោយវត្ថុធាតុដើមមានតម្លៃដល់ម៉ឺនដុល្លារ ដូចឈុតខ្លះរបស់បេក្ខនារីមួយចំនួន៕

March 2, 2019

YouTube ប្រើបច្ចេកវិទ្យាពិសេស បិទមិនឱ្យក្មេងៗ comment បាន

YouTube បានដាក់បច្ចេកវិទ្យា AI comment filtering ដែលមានសមត្ថភាពអាចបិទ comment ក្មេងៗបានដោយស្វ័យប្រវត្តិនៅលើវីដេអូ។

យ៉ាងតិចណាស់ក៏មាន 10លានcomment ដែរនៅលើវីដេអូឃ្លីបរបស់ YouTube ដែលត្រូវបានបិទមិនឱ្យឃើញកាលពីសប្តាហ៍មុន។ ការធ្វើបែបនេះ ព្រោះតែ YouTube ចង់ឱ្យកុមារទទួលបានចំណេះដឹងពីការមើលវីដេអូ មិនមែនជាការបញ្ចេញមតិមិនល្អ ពាក្យអសុរោះប៉ះពាល់ដល់ឥរិយាបថរបស់ពួកគេនោះទេ។

បច្ចេកវិទ្យា AI នឹងធ្វើការគណនាចាត់ចំណាត់ថ្នាក់យ៉ាងល្អិតល្អន់លើគណនីអ្នកចូល comment។ តែយ៉ាងណាក្ដី ចំណាត់ការនេះធ្វើឱ្យ YouTube កំពុងប៉ះពាល់ទៅដល់ហ្គេមដ៏ល្បីមួយគឺ Epic Game (Fornite,...) និងពាណិជ្ជកម្មដែលដាក់លើសេវាកម្មរបស់ខ្លួនដូចជាក្រុមហ៊ុន Disney និងក្រុមហ៊ុនដទៃទៀត៕

March 1, 2019

ស្អែកនេះ ដល់ថ្ងៃប្រកួតកីឡាល្បែងសមត្ថភាពបឋមសិក្សាហើយ

សាលាអន្តរជាតិខេនរីដ បានសហការណ៍ជាមួយសហព័ន្ធកីឡាកម្ពុជា ក្នុងការរៀបចំព្រឹត្តិការណ៍កីឡាអតពលកម្មកុមារមិត្តភាព ក្នុងគោលបំណងដើម្បីសុខភាព ការអភិវឌ្ឍកាយសមប្បទារកុមារ បង្កើនស្មារតី និងពង្រឹងចំណេះដឹងផ្នែកកីឡាដល់ប្អូនៗសិស្សានុសិស្សដែលបានចូលរួម។

កម្មវិធីនេះនឹងប្រព្រឹត្តិទៅនៅថ្ងៃទី 02 ខែមីនា ឆ្នាំ 2019 នៅបរិវេណពហុកីឡាដ្ឋានជាតិអូឡាំពិក។ សូមកុំភ្លេចចូលរួមប្រកួតនិងទស្សនាលើកទឹកចិត្តឱ្យបានច្រើនកុះករ។ ព័ត៌មានបន្ថែមសូមទំនាក់ទំនងទៅកាន់ទំព័រហ្វេសប៊ុកសាលាអន្តរជាតិខេនរីដ តាមរយៈ ៖ https://www.facebook.com/KentRidgeInternationalSchool/

March 1, 2019

ស្ត្រីអ្នកលក់លៀសហាលម្នាក់នៅផ្សារស្គន់ ឈ្នះរង្វាន់១០០លានរៀលពីតែបៃតង អ៊ីឈីតាន់

ស្ត្រីវ័យចំណាស់ម្នាក់ដែលមានមុខរបរជាអ្នកលក់លៀសហាលនៅផ្សារស្គន់ រស់នៅភូមិថ្មី ឃុំសូទិព្វ ស្រុកជើងព្រៃ ខេត្តកំពង់ចាម មានសំណាងបានឈ្នះរង្វាន់ធំពីតែបៃតងអ៊ីឈីតាន់ នូវទឹកប្រាក់ចំនួន១០០លានរៀលកាលពីចុងសប្ដាហ៍កន្លងទៅនេះ ។

ថ្លែងប្រាប់ក្រុមការងារដែលបានចុះប្រគល់រង្វាន់ធំដល់លំនៅដ្ឋានផ្ទាល់ អញនកស្រី ហេង ថៃ ដែលជាអ្នកឈ្នះរង្វាន់ប្រាក់លានរបស់តែបៃតង អ៊ីឈីតាន់ បានរាប់ប្រាប់ឱ្យដឹងថា ៖ កាលពីចុងសប្ដាហ៍កន្លងទៅនេះ នៅពេលអង្គុយលក់លៀសហាល ហើយមានអាការៈហត់ ក្ដៅ អស់កម្លាំង និងមានភាពស្រេកទឹកផងនោះ អ្នកស្រីក៏បានទិញតែបៃតង អ៊ីឈីតាន់ រសជាតិក្រូចឆ្មារទឹកឃ្មុំ មួយដបពីអ្នកលក់នៅផ្សារដែលអង្គុយក្បែរគ្នាទទួលទាន លុះពេលមួលគម្របដបទទួលទាន ក៏ស្រាប់តែឃើញមានរង្វាន់ 100លានរៀល នៅក្នុងគម្របដបតែម្ដង ។ ភ្លាមនោះអ្នកស្រីពិតជាមានអារម្មណ៍រំភើបខ្លាំងមែនទែន ហើយក៏យកបង្ហាញប្រាប់អ្នកលក់ ដោយមានមនុស្សម្នាជាច្រើនមកចោមរោមមើល រួមជាមួយនឹងទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងគម្របដប។

អ្នកស្រីបានបញ្ជាក់ទាំងអារម្មណ៍រំជើបរំជួលទៀតថា តាំងពីមុនមកអ្នកស្រីមិនធ្លាប់នឹកគិតថា អាចមានលុយច្រើនសន្ធឹកសន្ធាប់ដូច្នេះនោះទេ ព្រោះគ្មានមុខរបរអ្វីក្រៅពីលក់លៀសហាលដើម្បីចិញ្ចឹមក្រពះតែប៉ុណ្ណោះ ប៉ុន្តែពេលនេះ តែបៃតង អ៊ីឈីតាន់ បានជួយកែប្រែជោគវាសនាគ្រួសាររបស់អ្នកស្រីឱ្យមានភាពល្អប្រសើរហើយ ។ ក្រោយពីទទួលបានលុយរង្វាន់ធំ 100លានរៀល អ្នកស្រីនឹងយកមួយចំនួនទៅសងបំណុលគេ ហើយទុកមួយចំណែកទៀតសង់ផ្ទះ និងបង្កើតមុខរបរដើម្បីទ្រទ្រង់ជីវភាពទៅថ្ងៃអនាគត។

គួរបញ្ជាក់ផងដែរថា សម្រាប់រដូវកាលទី3 ឆ្នាំ2019 នេះ ក្រុមហ៊ុន តែបៃតង អ៊ីឈីតាន់ បានបង្កើនរង្វាន់ធំនូវចំនួនទឹកប្រាក់ 100លានរៀល រហូតដល់ 70រង្វាន់, ម៉ូតូ Scoopy i ចំនួន70រង្វាន់ , ទូរស័ព្ទ iphone Xs ចំនួន70រង្វាន់ រួមជាមួយនឹងរង្វាន់ Free តែបៃតងអ៊ីឈីតាន់ រាប់លានរង្វាន់ទៀត។ រួសរាន់ឡើង អ្នកដែលមានសំណាងបានក្លាយជាសេដ្ឋីបន្ទាប់ អាចជារូបអ្នក ៕

March 1, 2019

លោក Ranieri ត្រូវបានបណ្តេញចេញពី Fulham ក្រោយពីដឹកនាំបាន 16ប្រកួត

លោក Claudio Ranieri ត្រូវបានបណ្តេញចេញដោយក្លិប Fulham ក្រោយពីប្រធានក្លិប និងអ្នកគាំទ្របានបាត់បង់ការជឿជាក់លើរូបលោក។ ចំណុចកាត់សេចក្តីចុងក្រោយសម្រាប់អ្នកចាត់ការទូទៅរូបនេះ បានកើតឡើងក្នុងការប្រកួតដើម្បីគេចឱ្យផុតពីតំបន់កាត់ចោលនៅលើទឹកដីក្រុម Southampton កាលពីថ្ងៃពុធ ដែលនៅពេលនោះពួកគេបានចាញ់ក្នុងលទ្ធផល 2-០ ហើយក្រុមអ្នកគាំទ្ររបស់ក្រុមភ្ញៀវបានស្រែកច្រៀងទៅកាន់លោក Ranieri ថា «អ្នកមិនដឹងពីអ្វីដែលអ្នកកំពុងតែធ្វើឡើយ»។

វាគឺជាការបរាជ័យលើកទី7 ក្នុងចំណោមការប្រកួត 8លើកនៃក្របខ័ណ្ឌ Premier League។ លោក Scott Parker គ្រូបង្វឹកបង្គោលក្រុមជម្រើសទី1 ត្រូវបានតែងតាំងឱ្យដឹកនាំក្នុងតួនាទីបណ្ដោះអាសន្ន។លោក Shahid Khan ម្ចាស់ក្លិប Fulham បានឱ្យដឹងថា៖ «លោក Claudio Ranieri បានយល់ស្របជាមួយនឹងការសម្រេចចិត្តរបស់ខ្ញុំថា ការផ្លាស់ប្តូរ គឺជាការផ្តល់ផលប្រយោជន៍ដ៏ល្អបំផុតសម្រាប់គ្រប់គ្នា។ វាគ្មានអ្វីដែលខ្ញុំត្រូវភ្ញាក់ផ្អើលឡើយ ខណៈដែលលោក Claudio គឺជាសរុបភាពបុរសម្នាក់។ គាត់មិនមែនជាមនុស្សតែម្នាក់ដែលត្រូវស្តីបន្ទោសចំពោះការដែលយើងកំពុងតែស្ថិតក្នុងចំណាត់ថ្នាក់មិនល្អនៅពេលនេះឡើយ»។

លោក Ranieri បានដឹកនាំក្នុងការប្រកួតក្របខ័ណ្ឌលីកត្រឹមតែ 16ប្រកួត ប៉ុន្តែបានទទួលជ័យជម្នះត្រឹមតែ 3ប្រកួតគត់ ហើយការរងបរាជ័យកាលពីថ្ងៃពុធក្រោមស្នាដៃក្រុម Southampton បានធ្វើឱ្យពួកគេស្ថិតក្នុងចំណាត់ថ្នាក់លេខ2 នៅបាតតារាង ដោយដេញតាមពីក្រោយក្រុមស្ថិតក្នុងតំបន់សុវត្ថិភាពដល់ទៅ 10ពិន្ទុ ខណៈដែលនៅសល់ការប្រកួតត្រឹមតែ 10លើកទៀតប៉ុណ្ណោះ៕

March 1, 2019

Federer ត្រូវការឈ្នះតែ 2លើកទៀតប៉ុណ្ណោះ ដើម្បីលើកពានទី100 ក្រោយទៅដល់វគ្គ1/2នៅឌូបៃ

កីឡាករវាយកូនបាល់ Roger Federer ត្រូវការជ័យជម្នះត្រឹមតែ 2លើកទៀតប៉ុណ្ណោះក្នុងការឈ្នះពានជាលើកទី100 ក្នុងអាជីពរបស់គេ កាលពីថ្ងៃព្រហស្បតិ៍ ក្រោយពីបានឆ្លងផុតការប្រកួតដ៏ស្វិតស្វាញមួយក្នុងលក្ខខណ្ឌដ៏លំបាកនៅពេលប្រកួតជាមួយនឹងកីឡាករ MartonFucsovics ដើម្បីឈានទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Dubai Championships។

ម្ចាស់ជើងឯក 7សម័យកាលរូបនេះ បានផ្តួលគូប្រកួតសញ្ជាតិហុងគ្រីរបស់គេក្នុងលទ្ធផល 7-6 (8/6) និង6-4 ក្នុងលក្ខខណ្ឌដ៏លំបាក ដោយសារតែមានខ្យល់បក់ខ្លាំង និងការពន្យារពេលដោយសារតែភ្លៀង។ Federer បានឱ្យដឹងថា៖ «អ្នកត្រូវតែប្រកួតនៅទីនោះ និងប្រឹងឱ្យអស់ពីសមត្ថភាពរបស់អ្នក។ ពេលខ្លះ អ្នកទទួលបានពិន្ទុនាំមុខ ពេលខ្លះអ្នកមិនដណ្តើមបានពិន្ទុនាំមុខ។ វាពិតជាសំខាន់ណាស់ក្នុងការមិនចាញ់យ៉ាងឆាប់រហ័ស»។

កីឡាករសញ្ជាតិស្វ៊ីសរូបនេះបានប្រាប់បន្តទៀតថា៖ «វាជាការប្រកួតដ៏ស្វិតស្វាញមួយ។ ការពន្យារពេលដោយសារតែភ្លៀង 2លើក ជាពិសេស ខ្ញុំត្រូវវិលទៅប្រកួតភ្លាមៗ ដោយមិនមានពេលត្រៀមខ្លួនឱ្យបានល្អឡើយ»។ Federer បានបន្ថែមទៀតថា៖ «ថាមពលក្នុងរាងកាយ ការរំភើប បច្ចេកទេស សុទ្ធសឹងបានធ្លាក់ចុះដោយសារតែបញ្ហាពន្យារពេលដោយសារតែភ្លៀងធ្លាក់។ ខ្ញុំបានព្យាយាមធ្វើឱ្យបានល្អ ហើយការប្រកួតពិតជាស្វិតស្វាញមែន។ ខ្ញុំពិតជារីករាយណាស់ដែលខ្ញុំបានរកឃើញផ្លូវមួយក្នុងការឆ្លងផុតការប្រកួតនោះ។ វាជាការប្រកួតដ៏រំភើបមួយ»។

ម្ចាស់ជើងឯកពាន Grand Slam 20សម័យកាលរូបនេះ នឹងត្រូវជួបជាមួយនឹងកីឡាករ BornaCoric នៅជុំបន្ទាប់ ក្រោយពី Coric តារាឆ្នើមរបស់ក្រូអាស៊ីរូបនេះ បានផ្តួលកីឡាករ NikolozBasilashvili របស់ហ្ស៊កហ្ស៊ី ក្នុងលទ្ធផល 4-6 6-2 និង7-6 (7/1)៕

March 1, 2019

ខ្មែរ-ថៃចុះហត្ថលេខាលើអនុស្សរណៈនៃការយោគយល់លើវិស័យវប្បធម៌ របាំ តូរ្យតន្រ្តី និងវិចិត្រសិល្បៈ

តាមការបញ្ជាក់របស់ទំព័រក្រសួងវប្បធម៌និងវិចិត្រសិល្បៈ បានឱ្យដឹងថា នៅពេលថ្មីៗនេះ សាកលវិទ្យាល័យភូមិន្ទវិចិត្រសិល្បៈ និងវិទ្យាស្ថានបណ្ឌិតប៉ាតាណាសិល្បៈ (Bunditpatanasilpa Institute) នៃព្រះរាជាណាចក្រថៃ បានចុះហត្ថលេខាលើអនុស្សរណៈនៃការយោគយល់គ្នា ដោយផ្តោតលើវិស័យមួយចំនួនដូចជា ការផ្លាស់ប្តូរគ្នាទៅវិញទៅមកលើវិស័យវប្បធម៌ របាំ តូរ្យតន្រ្តី និងវិចិត្រសិល្បៈ ការបង្កើតពិព័រណ៍រួមគ្នា ការបង្កើតសិក្ខាសាលានិងសន្និសីទរួមគ្នា ការផ្លាស់ប្តូរនិស្សិតនិង សាស្ត្រាចារ្យ ការផ្លាស់ប្តូរគម្រោងស្រាវជ្រាវផេ្សងទៀត និងការផ្លាស់ប្តូរបទពិសោធន៍ផ្នែកបណ្ណាល័យ។

សូមជម្រាបថា ពិធីចុះហត្ថលេខានេះបានធ្វើឡើងក្រោមអធិបតីភាពឯកឧត្តម សោម សុគន្ធ រដ្ឋលេខាធិការក្រសួងវប្បធម៌ និងវិចិត្រសិល្បៈ តំណាងដ៏ខ្ពង់ខ្ពស់លោក ជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ឯកឧត្តម Panyarak Poolthup ឯកអគ្គរាជទូតព្រះរាជាណាចក្រថៃប្រចាំនៅព្រះរាជាណាចក្រកម្ពុជា លោកបណ្ឌិត ហេង សុផាឌី សាកលវិទ្យាធិការស្តីទី នៃសាកលវិទ្យាល័យភូមិន្ទវិចិត្រសិល្បៈ និងលោកស្រីសាស្ត្រាចារ្យ Nipha Sophasamrith នាយកវិទ្យាស្ថានបណ្ឌិតប៉ាតាណាសិល្បៈ៕

March 1, 2019

រឿង«ផ្កាយមារ» ភាពយន្ដភាគបុរាណខ្មែរសម័យលង្វែក ត្រៀមបញ្ចាំងក្នុងខែមីនា

ស្នាដៃថ្មីមួយទៀត«ផ្កាយមារ»ជាភាពយន្តខ្មែរត្រូវបានផលិតករនិងក្រុមការងារផ្នែកភាពយន្តនៅស៊ីធីអិនយកចិត្តទុកដាក់ខ្ពស់ដោយសង្ឃឹមមុតមាំថាពិតជារឿងភាគបែបរុរាណទាក់ទាញនៅដើមខែមីនានេះ។ រឿង«ផ្កាយមារ»ត្រូវបានផលិតករលើកឡើងថា ពិតជាល្អមើលក្រោយការចូលរួមពីតារាមានទេពកោសល្យខ្ពស់ឆ្អិនឆ្អៅលើរបៀបសម្តែង។

វណ្ណកម្មថ្មីនេះបានរៀបចំធ្វើពិធីសម្ពោធជាផ្លូវការកាលពីយប់មិញក្នុងបរិវេណរោងភាពយន្តលេជេនអេដិនបឹងកក់រាជធានីភ្នំពេញ។ ក្រៅពីផលិតករអ្នកដឹកនាំរឿង គេឃើញមានវត្តមានតារាសិល្បៈមួយចំនួនចូលរួមសម្តែងការផលិតដូចជា អ្នកនាង យុគ ចិន្តា រ៉ូលីន តូតា ញ៉ែម សុគន្ឋ ប៉ែន សារ៉ាវ លោក ដាស៊ីធីអិន លោកជុន ណារ៉ា លោកសាក់សាឌី កញ្ញានីឡា លោកម៉ាដូណា លោកឆាលី កញ្ញាកែវ ធីតា លោកស៊ូ រតនៈ លោកសុខ ដែន ពិធីករសាហារ៉ា។

អ្នកនាង យុគ ចិន្តា បានឱ្យដឹងថាខ្សែភាពយន្តភាគរឿង«ផ្កាយមារ»និងចាក់បញ្ចាំងនាដើមខែមីនានេះ ដែលតាមអ្នកនាងដឹងគឺ ត្រូវក្រុមការងារខំរៀបចំទាំងតួសម្តែងទាំងបច្ចេកទេសព្រមទាំងសាច់រឿង គឺត្រូវមើលឃើញថាព្យាយាមច្រើនណាស់។ អ្នកនាងបន្តថា ក្នុងពេលដែលថ្នាក់ដឹកនាំសម្រេចយកម៉ោង7យប់ដល់9យប់ចាក់ផ្សាយកុនខ្មែរ អ្នកនាងចង់ឱ្យបងប្អូនទស្សនិកជនទាំងអស់ជួយគាំទ្រកុនភាគខ្មែរកម្មវិធីខ្មែរយើងផលិតនេះឱ្យបានកាន់តែច្រើន ដើម្បីជាការលើកទឹកចិត្ត។ យើងកំពុងតែឃើញថា រលកក្រោយបានព្យាយាមកសាងភាពយន្តខ្មែរជាបន្តបន្ទាប់ ដើម្បីទស្សនិកជនខុសឆ្គងបែបណា ហើយជួយកែតម្រូវឱ្យកាន់តែរកឃើញនូវភាពវិជ្ជមានបន្តទៀត។

តាមការឱ្យដឹងពីខាងអ្នកផលិតក៏ដូចជាអ្នកដឹកនាំរឿងរឿង«ផ្កាយមារ»នេះបានសម្រិតសម្រាំងខ្លាំងឆាកទាំងអស់សុទ្ឋតែសម្រិតសម្រាំងជាទីបំផុតដោយសារតែជារឿងបែបបុរាណឈុតសម្លៀកបំពាក់បែបសម័យលង្វែក។ ជាពិសេសមានរំលេចក្បាច់គុនភ្លេងបុរាណចូលរួមដោយគ្រូភ្លេងល្បីៗមានជំនាញ។ រយៈពេលតាំងពីក្រុងពលីរឿងនេះមានរយៈពេល24ខែគិតជារយៈពេលថ្ងៃថតចំនួន168ថ្ងៃ។ រឿងនេះកំណត់ភាពច្បាស់លាស់ដូចជារើសតួសរសេរអត្ថបទគឺគិតច្រើនលើកច្រើនសារធ្វើយ៉ាងណាឱ្យសាច់រឿងមានកំហុសតិចបំផុតតាមលទ្ឋភាពដែលអាចធ្វើទៅបាន៕

March 1, 2019

ABC អិចស្ត្រាស្តោតបានឧបត្ថម្ភកម្មវិធីដំណើរកម្សាន្តរបស់គូស្វាមីភរិយាថ្មីទៅកាន់ប្រទេសរុស្ស៊ី

រាជធានីភ្នំពេញ៖ កាលពីថ្ងៃទី 12 ខែកុម្ភៈ ឆ្នាំ 2019 ABC អិចស្ត្រាស្តោតបានឧបតម្ថកម្មវិធីដំណើរកម្សាន្តរបស់គូស្វាមីភរិយាថ្មីដែលត្រូវរង្វាន់ធំទាំងប្រាំគូទៅកាន់ប្រទេសរូស្ស៊ី។

ដំណើរកម្សាន្តលំដាប់ខ្ពស់ VIP នេះបានប្រព្រឹត្តធ្វើឡើងកាលថ្ងៃទី 13 រហូតដល់ថ្ងៃទី 18 ខែកុម្ភៈ ឆ្នាំ 2019។ គូស្វាមីភរិយាថ្មីបានទស្សនាតំបន់រមណីយដ្ឋាន និងតំបន់ប្រវត្តិសាស្រ្ត ព្រះបរមរាជវាំង សារមន្ទីរ ព្រះវិហារនិងកន្លែងល្បីៗផ្សេងទៀតនៅក្នុងទីក្រុងម៉ូស្គូ និងទីក្រុងសាំងផេទឺប៊ឺគ ប្រទេសរូស្ស៊ី។ កម្មវិធីដំណើរកម្សាន្តរបស់ពួកគេរួមមានការស្នាក់នៅលំដាប់ខ្ពស់នៅក្នុងសណ្ឋាគារលំដាប់ផ្កាយប្រាំ។

គួររម្លឹកថា គូស្វាមីភរិយាថ្មីទាំងប្រាំគូទាំងនេះបានឈ្នះរង្វាន់ធំដ៏អស្ចារ្យនេះពីកម្មវិធីប្រូម៉ូសិនអាពាហ៍ពិពាហ៍ឆ្នាំ 2017-2018របស់ស្រាបៀរ ABC អិចស្ត្រាស្តោត។ កម្មវិធីចាប់រង្វាន់នេះបានប្រព្រឹត្តធ្វើឡើងនៅស្ថានីយទូរទស្សន៍ PNN កាលពីថ្ងៃទី 4 ខែវិច្ឆិកា ឆ្នាំ2018 ។

ABC អិចស្ត្រាស្តោត គឺជាស្រាបៀរទឹកខ្មៅដែលមានគុណភាពខ្ពស់ដែលកំពុងទទួលបានការគាំទ្រកាន់តែខ្លាំងឡើងពីស្រទាប់យុវវ័យ ហើយជាពិសេសជាស្រាបៀរ ដែលស័ក្តិសមបំផុតសម្រាប់ទទួលភ្ញៀវក្នុងពិធីអាពាហ៍ពិពាហ៍ និងកម្មវិធីផ្សេង។

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ ៕

March 1, 2019

Author: អេបិល