Author: អេបិល

ប៉ុស្តិ៍លេខ៥ ប្រកាសបិទភាពយន្ដភាគ«មិត្តឫស្យា» យ៉ាងជោគជ័យប្រកបដោយស្នាមញញឹម
នៅរាត្រីថ្ងៃទី16 ខែមីនា ស្ថានីយ៍ទូរទស្សន៍ប៉ុស្តិ៍លេខ៥ បានរៀបចំកម្មវិធីប្រកាសបិទភាពយន្ដភាគទូរទស្សន៍រឿង «មិត្តឫស្យា» ដែលបានបញ្ចប់ការចាក់ផ្សាយ ហើយត្រូវបានប្រកាសការជប់លៀង ក្រោយទទួលបានភាពជោគជ័យជាស្ថាពរ។ នៅក្នុងនោះវត្តមានតារាចូលរួមមាន ឆ័យលី ដាឡែន សុធា ពិសិដ្ឋ វ៉ាន់ លីលី នីតា វរវង្ស ម៉ានីកា យន សុភ័ក្រ សាធារ៉ា តារាវឌី និងតារាមួយចំនួនទៀតផងដែរ។
អ្នកដឹកនាំរឿងប្រចាំស្ថានីយ៍ទូរទស្សន៍ប៉ុស្តិ៍លេខ៥លោក ថៈនៈគ្រីត ស៊ីនបួ ហៅភីមូ បានប្រាប់អ្នកសារព័ត៌មានឡារ៉ែនថា ប៉ុស្តិ៍លេខ៥មិនត្រឹមតែផលិតភាពយន្ដភាគឱ្យមហាជនបានទស្សនាកម្សាន្ដក្នុងអារម្មណ៍នោះទេ តែបានបង្កប់តម្លៃអប់រំ និងជាសារទៅកាន់មហាជនឱ្យត្រិះរិះពិចារណាគ្រប់ជ្រុងជ្រោយ និងដើម្បីឱ្យមហាជនបានប្រាប់ចំណេះគិតក្នុងផ្លូវត្រូវ មានតែចិត្តសប្បុរសមិនច្រណែនឈ្នានីស មិត្តទ្រុសមិត្ត នៅក្នុងសង្គមដែលប្រើប្រាស់ជីវិតប្រចាំថ្ងៃ។ លោកបន្ដថា ក្រុមការងារយើងខ្ញុំហត់នឿយយ៉ាងណា ក៏ត្រូវតែពុះពារដើម្បីផលិតរឿងអប់រំនេះជួយដល់សង្គមជាតិផងដែរ។
យ៉ាងណាមិញលោក ហួង តារាមុនី នាយកផលិតកម្មវិធី របស់ទូរទស្សន៍ប៉ុស្តិ៍លេខ៥ បានថ្លែងបញ្ជាក់ថា ដើម្បីលើកទឹកចិត្តដល់ក្រុមផលិតរឿង”មិត្តប្ញស្យា” ដែលមានផលិតករថៃជាអ្នកទទួលខុសត្រូវយ៉ាងជោគជ័យ ទើបប៉ុស្តិ៍លេខ៥ នៅបើកពិធីជប់លៀងដដែលមួយ ដើម្បីជួបជុំផលិតករ និងតួសម្ដែង ក្រោយពីភាពយន្តនេះបានបញ្ចប់សកម្មភាព។ លោកថា នេះជាភាពយន្តដែលក្រុមអ្នកផលិត និងតួសម្ដែងប្រឹងប្រែងធ្វើឡើងយ៉ាងអស់ពីសមត្ថភាព ដោយលោកបានទាំងហៅភាពយន្តនេះថា ជាស្នាដៃដែលនឹងក្លាយជារសជាតិល្អមួយ នៅពេលដាក់បញ្ចាំងលើកញ្ចក់ទូរទស្សន៍នោះផង។ លោកថាមួយរឿងនេះទាំងផលិតករ និងតួសម្ដែងសុទ្ធតែពិបាក ប៉ុន្តែអ្វីដែលលោកសប្បាយចិត្តគឺបានភាពយន្តមួយ ដែលមានស្តង់ដារគ្រប់គ្រាន។ លោកថារឿងនេះ ត្រូវបានថតបានចប់តាមការគ្រោងទុក ប៉ុន្តែនៅមិនទសន់ដឹងថារហូតដល់ពេលណាទើបប៉ុស្តិ៍លេខ៥ នឹងកំណត់ថ្ងៃចាក់ផ្សាយនោះទេ ក្នុងពេលដែលរឿងចាស់ក៍មិនទាន់បានចប់ ហើយភាពយន្តរឿង”មិត្តប្ញស្យា” បើទោះជាបានថតចប់ ក៏នៅត្រូវការកែព័ណ៌ និងកាត់តបន្តទៀត ដើម្បីឱ្យមានគុណភាព។
សូមជម្រាបផងដែរថា ជាទូទៅស្ថានីយ៍ទូរទស្សន៍ប៉ុស្តិ៍លេខ៥ តែងតែរំលេចកម្មវិធីល្អៗ ដូចជាសិល្បៈភាពយន្ត វិស័យកីឡា និងសុខភាព ព្រមទាំងកម្មវិធីផ្សេងៗទៀត ជាដើម។ ប៉ុស្តិ៍លេខ៥ បានគិតគូដល់ការលើកកម្ពស់វិស័យភាពយន្តខ្មែរ ហើយតែងគិតបង្កើតថ្មីៗ ដើម្បីឱ្យតារាទាំងអស់ បង្ហាញសមត្ថភាពមានការគាំទ្រពីមហាជន ព្រមទាំងបង្កើតកម្រិតជីវភាពរស់នៅឲ្យកាន់តែប្រសើរជាបន្តទៀត តាមរយៈការមានឱកាសសម្តែង។ ចុងបញ្ចប់នៃកម្មវិធីបិទសកម្មភាពនេះ តារាដែលចូលរួមសុទ្ធតែសប្បាយរីករាយ និងថ្លែងអំណរគុណថ្នាក់ដឹកនាំ ដែលបានបង្កើតបរិយាកាសស្និតស្នាលជួយដល់តារាសម្តែងទាំងអស់ ឱ្យមានការងារធ្វើ៕

March 18, 2019
ភ្ញាក់ផ្អើល!. តារាសម្ដែង វី ជីវ័ន្ត ងាកមកលូកដៃវិនិយោគជំនួញដីធ្លី
មួយរយៈចុងក្រោយនេះគេកត់សម្គាល់ឃើញថាតារាសិល្បៈដូចជា ខេមរៈ សិរីមន្ដ ព្រាប សុវត្ថិ ឆាយ វិរៈយុទ្ធ ខាត់ សុឃីម និងច្រើនរូបទៀត បានងាកមកវិនិយោគគម្រោងពុះដីឡូតិ៍លក់។ ជាក់ស្ដែងថ្មីៗនេះ តារាសម្ដែងសក់សំពោង លោក វី ជីវ័ន្ត ស្រាប់តែចេញមុខប្រកាសពីជំហចាប់ដៃជាមួយក្រុមហ៊ុនពុះដីឡូតិ៍លក់មួយកន្លែងក្នុងពេលដ៍ខ្លី។ លោក បានថ្លែងបែបនេះ នៅក្នុងពិធីបើកសម្ពោធគម្រោងពុះលក់ដីឡូតិ៍របស់ក្រុមហ៊ុន សេង ហាន នៅម្ដុំផ្លូវជាតិលេខ៥១ កាលពីព្រឹកថ្ងៃទី17 ខែមីនា ក្នុងពេលដែលលោកធ្វើជាតារាកិត្តិយស។
តារាសម្ដែង និងជាតារាចម្រៀង លោក វី ជីវ័ន្ត បានប្រាប់អ្នកសារព័ត៌មានឡារ៉ែនថា លោកកាន់តែមានចំណាប់អារម្មណ៍ខ្លាំងឡើងក្នុងគម្រោងចូលហ៊ុនពុះលក់ដីឡូតិ៍ បន្ទាប់ពីមុខជំនួញនេះកាន់តែសន្ទុះ ហើយក៍តារាច្រើននាក់ដែលប្រឡូកជោគជ័យ។ លោកថាហេតុផលដែលខ្លួនទើបតែចង់ចាប់ផ្ដើមនៅក្នុងពេលនេះ ក៏ព្រោះតែមិនទាន់រកឃើញដៃគូ។ យ៉ាងណាមិញ លោកបានប្រកាសថាខ្លួនសម្លឹងឃើញដៃគូ គឺក្រុមហ៊ុនសេងហានពុះលក់ដីឡូតិ៍នោះហើយ ទើបលោកសម្រេចចិត្តថានឹងចាប់ដៃ ដោយគ្រាន់តែក្នុងពេលនេះស្ថិតក្នុងលក្ខណ្ឌសិក្សានៅឡើយ។ លោកថាខ្លួនស្ថិតក្នុងជម្រើសចូលហ៊ុន ឬគ្រាន់តែឈរធ្វើជាតំណាង ដោយសារក្រុមហ៊ុននេះ ក៍ជាក្រុមហ៊ុនពុះឡូតិ៍ធំ និងមានបទពិសោធន៍ជោគជ័យលើមុខជំនួញនេះជាយូរមកហើយ។
យ៉ាងណាមិញ លោកថា លោកអគ្គនាយកក្រុមហ៊ុនសេងហានពុះដីឡូតិ៍ លោក យ៉ន សេងហាន បានថ្លែងការសាទរចំពោះជំហររបស់លោកដែលចង់ចូលរួមធ្វើជាដៃគូរក្នុងជំនួញដីធ្លីនេះ។ ក្នុងពិធីបើកគម្រោងថ្មីទំហ៊ំ8ហិចតាចម្ងាយពីថ្នល់ទទឹងលើផ្លូវ51ប្រមាណ5គីឡូ ស្ថិតនៅទល់មុខវត្តគល់តាឡឹក កាលពីព្រឹកថ្ងៃទី17 មីនា នោះ លោកថា ក្រុមហ៊ុន ត្រូវការការចូលរួមយ៉ាងសកម្មពីតារាសិល្បៈច្រើនណាស់ ពោលគឺឱ្យតែមានឆន្ទៈចង់ធ្វើជំនួញ។ លោកថា តម្លៃដីក្នុងគម្រោងថ្មីគឺចាប់ពី3ពាន់ដុល្លារក្នុង1ឡូ ខណៈដែលតម្លៃទីផ្សារគឺពី12000 ទៅ15000ដុល្លារ ក្នុងមួយឡូតិ៍។ មិនដល់1ឆ្នាំ2ឆ្នាំទៀតនោះទេ លោកថា ទីតាំងនៅក្នុងតំបន់ដែលលោកពុះឡូតិ៍នេះ នឹងក្លាយជាតំបន់ប្រជុំជនមួយ ដោយសារលើបណ្ដោយផ្លូវលេខ51 សុទ្ធតែជាគម្រោងរោងចក្រធំៗ ហើយ គោលការណ៍លក់របស់ក្រុមហ៊ុននៅក្នុងពេលនេះ ក៏ស្ថិតក្នុងលក្ខណ្ឌបង់ផ្តាច់ បង់ រំលោះ និងបង់ជាដំណាក់កាល។ លោកថាក្រុមហ៊ុនទទួលជោគជ័យលើ4គម្រោងមកហើយ ដោយគម្រោងទី1 ,ទី2,ទី3,និងទី4 សុទ្ឋតែមានផ្ទៃដី10ហិចតា15ហិចតា20 រហូត40ហិចតាជាង ហើយលក់អស់ៗមិនដែលខាន។ លោកថា ក្រុមហ៊ុននឹងមានគោលការណ៍ចាប់ដៃជាមួយតារាច្រើននាក់ក្នុងគម្រោងអាជីវកម្មនេះ។
លោក វី ជីវ័ន្ត បានបញ្ជាក់បន្ថែមថា មិនខុសគ្នានោះដែរ ក៏តារាចម្រៀង2រូបផ្សេងទៀត គឺលោក សេម ម៉ាក និងលោក កែវ មរកត ក៏បង្ហាញជំហរបែបនេះដូចលោកផងដែរ ខណៈដែលលោកកែវ មរកត បានអះអាងថា លោកបានសម្រេចចិត្តធ្វើជាអ្នកផ្សព្វផ្សាយឱ្យក្រុមហ៊ុននេះរួចបាត់ទៅហើយ បន្ទាប់ពីបានសិក្សា ហើយកត់សម្គាល់ឃើញថាក្រុមហ៊ុនសេងហាន ជាក្រុមហ៊ុនស្របច្បាប់ ហើយពុះឡូតិ៍នៅម្ដុំផ្លូវ51 ជាតំបន់ដែលមានសក្កានុពល និងដាក់លក់បង់រំលោះក្នុងតម្លៃទាប៕

March 18, 2019
ក្រុមបាល់ទាត់ Down Town Sport គ្រងតំណែងជើងឯកនៃការប្រកួត Tiger Street Football Festival 2019 ប្រចាំមណ្ឌលភ្នំពេញ
ភ្នំពេញ៖ព្រឹត្តិការណ៍ការប្រកួតនៃក្របខណ្ឌពានរង្វាន់ Tiger Street Football Festival 2019 រកឃើញជើងខ្លាំង១២ក្រុមបន្ថែមទៀត ខណៈ ក្រុមបាល់ទាត់ Down Town Sport គ្រងតំណែងជើងឯកប្រចាំមណ្ឌលភ្នំពេញនាយប់ថ្ងៃទី១៥ ខែមីនា ឆ្នាំ២០១៩ ដែលជាមណ្ឌលចុងក្រោយក្នុងចំណោមមណ្ឌលទំាង៩ទូទាំងប្រទេសនៅមណ្ឌលកម្សាន្តកោះពេជ្រដោយការប្រកួតមាន៨៨ក្រុម។
សម្រាប់ជ័យជម្នះដែលធ្វើឲ្យក្រុមបាល់ទាត់ Down Town Sport គ្រងតំណែងជើងឯកប្រចាំមណ្ឌលភ្នំពេញនេះ បន្ទាប់ពីយកឈ្នះក្រុម Rolling FC លទ្ធផល៣ទល់១ ចំណែកក្រុមបាល់ទាត់ឆន្ទៈកីឡាទទួលបានចំណាត់ថ្នាក់លេខ៣ ក្រោយយកឈ្នះក្រុម Pisnoka Construction ក្នុងលទ្ធផល៣ទល់១នៅវគ្គផ្តាច់ព្រ័ត្រដូចគ្នា ព្រមទាំង៨ក្រុមត្រូវឡើងទៅវគ្គផ្តាច់ព្រ័ត្រទូទាំងប្រទេសនៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ។
សម្រាប់រង្វាន់ក្រុមជើងឯកមណ្ឌលភ្នំពេញ គឺក្រុមបាល់ទាត់ Down Town Sport ទទួលបានប្រាក់រង្វាន់១,៥០០ដុល្លារ ក្រុមជើងឯករងបានទៅលើក្រុមបាល់ទាត់ Rolling FC ប្រាក់រង្វាន់១,០០០ដុល្លារ ក្រុមចំណាត់ថ្នាក់លេខ៣បានទៅលើក្រុម ឆន្ទៈកីឡា ប្រាក់រង្វាន់៥០០ដុល្លារ ក្រុមចំណាត់ថ្នាក់លេខ៤ បានទៅលើក្រុមបាល់ទាត់ Pisnoka Construction ទទួលបានប្រាក់រង្វាន់២០០ដុល្លារ ។
ដោយឡែកភ្នំពេញដែលជាមណ្ឌលទី៩នេះគណៈកម្មាធិការរៀបចំការប្រកួតជ្រើសយក១២ក្រុម រួមមានក្រុមទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ។
ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។
សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH
ពិសាដោយការទទួលខុសត្រូវ៕

March 17, 2019
ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង
ភ្នំពេញ ៖ ក្រុមស្នងការដ្ឋាននគរបាលខេត្តព្រះសីហនុ“A”បានក្លាយជាម្ចាស់ជើងឯកនៃព្រឹត្តិការណ៍ការប្រកួត Tiger Street Football Festival 2019 ទូទាំងប្រទេសជាលើកដំបូងក្នុងសម្រាប់ក្រុមមកពីបណ្តាលខេត្តក្នុងរយៈពេល៧ឆ្នាំ បន្ទាប់ពីបានយកឈ្នះក្រុម Rolling FC ដោយលទ្ធផល២ទល់១នៅវគ្គផ្តាច់ព្រ័ត្រ នឹងមានឱកាសជួបផ្ទាល់ជាមួយកំពូលតារាបាល់ទាត់ពិភពលោក គឺកីឡាករបាល់ទាត់ Ronaldinho នៅប្រទេសប្រេស៊ីលក្នុងពិធីប្រគល់ពានរង្វាន់ដោយឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ។
កាលនៅវគ្គពាក់កណ្តាលផ្តាច់ព្រ័ត្រក្រុមស្នងការដ្ឋាននគរបាលខេត្តព្រះសីហនុ“A”យកឈ្នះក្រុម Pisnoka Construction ដោយលទ្ធផល២ទល់០ ខណៈក្រុម Rolling FC ក៏យកឈ្នះក្រុម Vandasak “C” ដោយលទ្ធផល២ទល់១ ចំណែកក្រុម Vandasak “C” ទទួលបានចំណាត់ថ្នាក់លេខ៣ ដោយយកឈ្នះលើក្រុម Pisnoka Construction ដោយលទ្ធផល៧ទល់០ នៅវគ្គផ្តាច់ព្រ័ត្រ។
ចំពោះរង្វាន់ជើងឯកទូទាំងប្រទេសក្រុមគ្រងតំណែងជើងឯកក្រុមស្នងការដ្ឋាននគរបាលខេត្តព្រះសីហនុ“A” ទទួលបានពាន១ មេដាយមាស និងរង្វាន់១៥,០០០ ដុល្លារអាមេរិក ក្រុមជើងឯករងបានលើក្រុម Rolling FC ទទួលមេដាយប្រាក់ និងរង្វាន់ ៥,០០០ ដុល្លារអាមេរិក ក្រុមជាប់ចំណាត់ថ្នាក់លេខ៣ក្រុម Vandasak “C” ទទួលមេដាយសំរឹទ្ធ និងរង្វាន់ ២,៥០០ ដុល្លារអាមេរិក និងក្រុមជាប់ចំណាត់ថ្នាក់លេខ៤ ក្រុមPisnoka Construction ទទួលបានរង្វាន់ ១,០០០ ដុល្លារអាមេរិក។
ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមាឲនដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។
សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH
ពិសាដោយការទទួលខុសត្រូវ៕

March 17, 2019
ចេញពីហង្សមាសលើកទី2 សោម ដូរ៉េ ប្រកាសតំណែងធំនៅថោន
ថ្មីៗនេះមហាជនភ្ញាក់ផ្អើលខ្លាំងដែលអ្នកនិពន្ធល្បីឈ្មោះ សោម ដូរ៉េ បានប្រកាសដើរចេញពីផលិតកម្មធំហង្សមាសជាលើកទី ២ និងបានបង្ហោះសារបញ្ជាក់ថា លោកទទួលតំណែងធំមួយនៅទ្រនំថោន និងបានចចារផ្ទាល់ជាមួយម្ចាស់ផលិតកម្មផងដែរ។
លោក សោម ដូរ៉េ អ្នកនិពន្ធល្បីឈ្មោះបានបង្ហោះសារបញ្ជាក់នៅលើបណ្ដាញសង្គមថា ឆ្នាំនេះខ្ញុំបាទ #សោម_ដូរ៉េ មានស្នាដៃនិពន្ធបទចម្រៀងសម្រាប់អបអររដូវបុណ្យចូលឆ្នាំខ្មែរ២០១៩ខាងមុខនេះចំនួនជិត ៣០បទ ដោយក្នុងនោះ÷
-នៅផលិតកម្មរស្មីហង្សមាសជាង8បទ
បទប្រពៃណី1បទ និងបទញាក់7បទ
-នៅផលិតកម្មថោនជាង2០បទ បទញាក់1បទ បទប្រពៃណីជាង18បទ
-ឆ្លៀតឱកាសពេលនេះខ្ញុំសូមធ្វើការប្រកាស់នៃការចាកចេញពីផលិតកម្មរស្មីហង្សមាសរបស់ខ្ញុំជាលើកទី២ ដោយបន្សល់នូវបទចម្រៀងជាច្រើន ជាពិសេសគឺខ្សែភាពយន្តភាគចុងក្រោយមួយរឿងដែលនិងត្រៀមបញ្ចាំងក្នុងពេលឆាប់ៗនេះ
-ជាមួយគ្នានេះដែរខ្ញុំក៏សូមធ្វើការប្រកាស់នូវការវិលត្រឡប់របស់ខ្ញុំមកកាន់ផលិតកម្មថោនជាលើកទី២ដូចគ្នា
ក្នុងមុខដំណែងថ្មីជា ប្រធានគ្រប់គ្រងគម្រោងផលិតAudio ដែលចារដោយ អគ្គនាយកក្រុមហ៑ុនថោនផ្ទាល់!
ដូច្នេះសង្ឃឹមថាអ្នកគាំទ្រដែលតែងតែតាមដានរាល់ស្នាដៃរបស់ខ្ញុំបាទ និងលែងមានចំងល់តទៅទៀត! ជាចុងក្រោយខ្ញុំសូមអរគុណអស់ពីក្រអៅដួងចិត្តសម្រាប់ការស្រលាញ់ចូលចិត្តនិងគាំទ្ររាល់ស្នាដៃរបស់ខ្ញុំបាទ!សង្ឃឹមថាទស្សនិកជននៅតែបន្តការគាំទ្របន្តទៀត!ហើយ ខ្ញុំសន្យាថានិងព្យាយាមបន្ថែមទៀត ! ខ្ញុំនឹងបើកចិត្តឲ្យធំប៉ុនមេឃ ទទួលយកការទិតៀន និងរិះគន់ ទាំងអស់របស់ទស្សនិកជនគ្រប់មជ្ឈដ្ឋាន សម្រាប់ពញ្ញាក់ស្មារតី របស់ខ្ញុំឲ្យមានការប្រុងប្រយត្ន័និងកែតម្រូវរាល់កំហុសឆ្គងរបស់ខ្ញុំក្នុងប្រការណាមួយ ឲ្យកាន់តែប្រសើរជាងនេះ។
កម្លាំងចិត្តនិងការគាំទ្រនេះហើយ គឺជាឱសថដ៏សាកសិទ្ធសម្រាប់ជម្រុញឲ្យខ្ញុំបាទនៅតែបន្តពុះពារគ្រប់ឱបសគ្គលើវិថីសិល្បៈមួយនេះដរាបណា កម្លាំងប្រាជ្ញាខ្ញុំនៅមាំមួនដើម្បីបម្រើអារម្មណ៍ទស្សនិកជន និងសិល្បៈរបស់ជាតិយើង! សូមអរគុណ ដោយក្តីស្រលាញ់ពីខ្ញុំបាទ! #សោម_ដូរ៉េ ២០១៩៕

March 16, 2019
រំភើបចិត្ត!! ពិធីករCNC សាហារ៉ា អំពាវនាវឱ្យសប្បុរសជនបន្ដជួយដល់សហគមក្រីក្រនៅខេត្តព្រះវិហារ
កន្លងមកថ្មីៗនេះ MC សាហារ៉ា ដែលគេស្គាល់ថាជាតារាសម្ដែង និងជាពិធីករប្រចាំនៅទូរទស្សន៍CNC មានឈ្មោះល្បីមួយរូប បានបង្ហោះនៅលើបណ្ដាញសង្គមទទូចឱ្យសប្បុរសជនបន្តជួយដល់សហគមក្រីក្រ នៅខេត្តព្រះវិហារ ដែលកំពុងជួបប្រទះទុក្ខលំបាកវេទនាខ្លាំង។ ឆ្លើយតបជាមួយការទឹកចិត្តមនុស្សធម៌នេះ ក៏ក្រុមសប្បុរសជនមួយក្រុម ដែលរួមមានអភិបាលខេត្តព្រះវិហារ និងសប្បុរជនជាច្រើនទៀត បានយកអំណោយទៅប្រគល់ជូនដល់សហគមក្រីក្រចំនួន៦ឃុំ ក្នុងខេត្តព្រះវិហារ នៅពីថ្ងៃសៅរ៍ទី16 ខែមីនា ឆ្នាំ2019 ដែលធ្វើឱ្យតារាពិធីកររូបនេះត្រេកអរខ្លាំង ហើយបង្ហាញការសារទរ ចំពោះសកម្មភាពជួយដល់សហគមបែបនេះឱ្យបានកាន់តែច្រើនឡើង។
លោក សាហារ៉ា រៀបរាប់ប្រាប់អ្នកសារព័ត៌មានឡារ៉ែនមុននេះថា លោកសប្បាយចិត្តយ៉ាងខ្លាំង បន្ទាប់ពីឃើញឯកឧត្តម អ៊ុន ចាន់ដា អភិបាលខេត្តព្រះវិហារ និងសប្បុរសជាច្រើនរូបមកពីសមាគមដានីយ៉ែល ផ្ដល់អំណោយដល់ប្រជាពលរដ្ឋក្រីក្រចំនួន600គ្រួសារ និងសិស្សានុសិស្ស1000នាក់នៅ6ឃុំ ក្នុងខេត្តព្រះវិហារ ដែលលោកអះអាងសហគមទាំង6 គឺជាសហគមដែលសប្បុរសជនគួរបន្តយកចិត្តទុកដាក់។ ពីធីចែកអំណោយនេះ ប្រព្រឹត្តទៅ ក្នុងបរិវេណសាលាឆទានភូមិគោក ក្រោយសាលាស្រុកជ័យសែន ដោយមានការចូលរួមពីអ្នកតំណាងរាស្ត្រមណ្ឌលខេត្តព្រះវិហារ និងអាជ្ញាធរពាក់ព័ន្ធជាច្រើនរូប។
លោកបន្ដថា ឯកឧត្តម អ៊ុន ចាន់ដា អភិបាលខេត្តព្រះវិហារបានអះអាងថា លោកពិតជាមានអំណរគុណខ្លាំងដល់លោក ឌីម សួនណាត និងលោកស្រី ម៉ក់ សុភ័ក្រ អគ្គនាយកក្រុមហ៊ុនអ៉ីណារីតា ឌីវីឡុបមិន និងជាប្រធានសមាគមដានីយ៉ែល ដែលបាននាំយកអំណោយសប្បុរសមកចែកជូនដល់ប្រជាពលរដ្ឋក្រីក្រនាពេល នេះ ដែលនេះជាការកាយវិការសប្បុរសគំរូក្នុងសង្គម និងបានរួមចំណែកជាមួយរាជរដ្ឋាបាលក្នុងការកាត់បន្ថយភាពក្រីក្រ និងអនុវត្តទៅតាមវប្បធម៌ចែករំលែករបស់សម្តេចតេជោហ៊ុនសែន។ អភិបាលខេត្តព្រះវិហារ ក៏បានអំពាវនាវដល់ប្រជាពលរដ្ឋទាំងអស់យកចិត្តទុកដាក់ថែទាំសុខភាពនៅក្នុងកំលុងពេលដែលអាកាសធាតុឡើងកម្តៅខ្លាំង និងរាយការណ៏មកអាជ្ញាធរមូលដ្ឋានបន្ទាន់ក្នុងករណីជួបប្រទះបញ្ហាខ្វះខាតទឹកប្រើប្រាស់៕

March 16, 2019
គ្រួសារតារាកម្ពុជា បង្ហាញសកម្មភាពថតស្ពតអប់រំសម្រាប់បុណ្យចូលឆ្នាំខ្មែរក្នុងព្រះវិហារបុរាណវិចិត្តារាម
នៅព្រឹកថ្ងៃទី 16 ខែមីនា ឆ្នាំ 2019 គ្រួសារតារាកម្ពុជា បានបង្ហាញសកម្មភាពក្រៅឆាកក្នុងការថតស្ពតអប់រំសម្រាប់បុណ្យចូលឆ្នាំខ្មែរ សម្រាប់ស្ថានីយទូរទស្សន៍ទទក នាបរិវេណព្រះវិហារបុរាណខ្មែរវត្ត វិចិត្តារាម នៅម្ដុំគៀនស្វាយ។
លោក ផាត់ តារារ័ត្ន ជាស្ថានិក និងអ្នកដឹកនាំក្រុម គ្រួសារតារាកម្ពុជា បានថ្លែងប្រាប់អ្នកសារព័ត៌មានឡារ៉ែន ឱ្យដឹងថា ស្ពតអប់រំដែលមាននាទីមិនវែងប៉ុន្មាននេះ បានឆ្លុះបញ្ចាំងឱ្យឃើញពីទំនៀមទំាលាប់ប្រពៃណីរបស់កូន ដែលតែងតែធ្វើ និងប្រព្រឹត្តិត្រឹមត្រូវនាថ្ងៃចូលឆ្នាំប្រពៃណីខ្មែរយើង ដូចជា ការស្លៀកពាក់សមរម្យតាមលំនាំខ្មែរ មានអាវប៉ាក់ ហូលផាមួងជាដើម ..ការលេងល្បែងប្រជាប្រិយដែលមាន បោះអង្គញ់ ចោលឈូង ទាញព្រ័ត្រ ទាត់សី .ល. នោះ គឺយើងជាកូនខ្មែរ ត្រូវរក្សានូវអត្តសញ្ញាណទាំងអស់នេះឱ្យបានគង់វង្ស។ បច្ចុប្បន្ននេះ យើងសង្កេតឃើញថា កូនខ្មែរយើង និយមទាំងចង្វាក់រាំប្រពៃណី និងចង្វាក់រាំបែបស្លុយកន្ទ្រាក់អារម្មណ៍ តែយ៉ាងណាមិញ ក្នុងស្ពតអប់រំនេះ គឺយើងចង់បង្ហាញថា ទោះបីជាមានការនិយមរបស់ថ្មីពីបរទេសក៏ពិតមែន តែយើងមិនចោលកេរ្តិ៍ពីដូនតាយើងទេ ពោលគឺនៅតែមានអ្នករាំដដែរ។
សូមជម្រាបផងដែរ ថតស្ពតអប់រំសម្រាប់បុណ្យចូលឆ្នាំខ្មែរដែលគ្រោងនិងចាក់ផ្សាយខាងមុខនេះ បានសម្រិតសម្រាំងជ្រើសរើសទីតាំងថតក្នុងបរិវេណព្រះវិហារបុរាណខ្មែរវត្ត វិចិត្តារាម បានកសាងនៅអំឡុងឆ្នាំ 1926 ជាអារាមបុរាណមានអាយុកាលជិត 10 ទសវត្សរ៍ទៅហើយ។ ចង់ដឹងថាសកម្មភាពតារាល្បីៗបែបណានោះ សូមទស្សនារូបភាពខាងក្រោមនេះ៖

March 16, 2019
ដេននី ក្វាន់ ៖ « មកពីប្រុសៗឥឡូវចូលចិត្តរបស់សិប្បនិមិត្តដែរហ្នឹង »
បើទោះបីជាស្ងប់ស្ងាត់ពីសកម្មភាពក្នុងចង្កោមសិល្បៈ ក៏ប៉ុន្ដែតារាសម្ដែងខាងស្លៀកពាក់សិចស៊ី កញ្ញា ដេននី ក្វាន់ នៅតែមហាជនជាច្រើនទទួលស្គាល់ថានាងតារាសម្ដែងស្រីដ៏ល្បីឈ្មោះម្នាក់ដែរ។ ហើយមួយរយៈក្រោយមកនេះ នាងបានរងនូវការរិះគន់យ៉ាងចាស់ដៃ ចំពោះការស្លៀកពាក់សិចស៊ី នៅពេលថតរូប ឬឡាយវីដេអូក្នុងបណ្តាញសង្គម ហ្វេសប៊ុក រហូតធ្វើឱ្យមតិមហាជនមួយចំនួន បាននិយាយថា ដោយសារកញ្ញា ដេននី ក្វាន់ និងចោម ច័ន្ទ នេះហើយទើបបបណ្តាលធ្វើឱ្យមានបទល្មើសចាប់រំលោភក្មេងស្រីនាពេលកន្លងកើតឡើង។
ភ្លាមៗនៅក្នុងពេលនោះផងដែរ កាលពីប៉ុន្មានថ្ងៃមុននេះ តារាស្រីរូបនេះ ក៏បានឆ្លើយតបចំពោះការរិះគន់នៅលើបណ្ដាញសង្គមហ្វេសប៊ុក ដោយផ្លាស់ប្ដូរមកស្លៀកពាក់បែបឈុតបុរាណវិញ ដែលបានភ្ជាប់មកជាមួយពាក្យពេចន៍មួយចំនួនថា៖”មានបងប្អូនជាច្រើនចង់ឃើញ និងសំណូមពរអោយនាងខ្ញុំស្លៀក បែបបុរាណ ឥលូវនាងស្លៀកអោយមើលហើយ តើស្អាតដែរទេ? បើគិតថាស្អាតសូមជួយឡាយ និងស៊ែរម្នាក់មួយមកបើអ្នកទាំងអស់គ្នាពិតជា ស្រលាញ់វប្បធម៌អរិយធម៌ខ្មែរមែន កុំពូកែតែយករូបភាពស៊ិចស៊ី របស់នាងខ្ញុំមកស៊ែរ ដើម្បីវាយប្រហារខ្ញុំ ធ្វើជាមនុស្សកុំវាយតម្លៃមនុស្ស តែសម្បកក្រៅ កុំតាំងខ្លួនឯងជាកញ្ចក់ដើរឆ្លុះអ្នកដទៃ ទាំងដែរខ្លួនឯងជាកញ្ចក់ស្រអាប់មើល ខ្លួនឯងមិនឃើញច្បាស់ផង។”
ការបង្ហោះឆ្លើយបែបនោះមិនយូរប៉ុន្មាន ក៏ស្រាប់មានអ្នកលេងបណ្ដាញសង្គមនារីម្នាក់ ប្រើមតិរិះគន់ទៅលើកញ្ញា ដេននី ក្វាន់ ដោយបានប្រើពាក្យចំៗបន្ថែមទៀតថា៖”ដឹងហើយថាមនុស្សម្នាក់នេះស្អីក៏ សប្បនិមិត្តទាំងអស់ម្ល៉េះ ហើយគ្នាចូលចិត្តបញ្ចេញឱ្យគេឃើញ នឹងមានចំណាប់អារម្មណ៍ មកលើខ្លួនគេតែប៉ុណ្ណោះ? មកពីប្រុសៗឥឡូវចូលចិត្តរបស់សិប្បនិមិត្តដែរហ្នឹង បានជាមានអារម្មណ៍ខឹងគេបញ្ចេញ។”
ក្ដៅស្លឹកត្រចៀកម្ដងទៀតហើយ មិនបង្អង់យូរកញ្ញា ដេននី ក្វាន់ ឆ្លើយតបទៅវិញភ្លាមៗទៀតថា៖”បងស្រីអើយបងស្រី ថាខ្ញុំសុទ្ធតែសប្បនិម្មិត ចុះបងស្រីធម្មជាតិត្រង់ណាខ្លះ…? បងស្រីជាមនុស្សស្រីដូចគ្នាតែ បែរជាមិនអោយតម្លៃហើយដៀលគេទៀត ទទួលស្គាល់ថាខ្ញុំសប្បនិម្មិត គឺមកពីធម្មជាតិខ្ញុំមិនសូវស្អាតដូចបង ចឹងហើយទើបខ្ញុំខំប្រឹងកែអោយស្អាត សូមចិត្តបងដែលជាស្រី ស្អាតធម្មជាតិ មានសម្រស់ស្រស់ស្អាតហើយ កុំដៀលអ្នកកែសម្ភស្សអីព្រោះនៅលើលោកនេះ អ្នកណាដែរមិនចង់ស្អាត មើលតែខ្លួនបងទៅដឹងហើយ”៕

March 16, 2019
បើចេញរាង iPhone 11 និង iPhone 11 Plus ដាក់កាមេរ៉ាបែបនេះ ម៉េចដែរ?
រូបភាព render(រូបមិនផ្លូវការ) នៃ iPhone 11 និង iPhone 11 Plus កំពុងល្បីល្បាញពេញអ៊ីនធើណិត និងបណ្ដាញគេហទំព័របច្ចេកវិទ្យាបរទេសបានចុះផ្សាយព្រោងព្រាតពីព័ត៌មាននៃទីតាំងកាមេរ៉ាក្រោយទាំង3 លើ iPhone 11 និង iPhone 11 Plus របស់ក្រុមហ៊ុន Apple។
ចំពោះសមត្ថភាពខ្លាំងខាងចាប់យករូបភាព និងវីដេអូ រួមទាំងទំហំនៃកម្រិតសេនស័រយ៉ាងណានោះក៏មិនទាន់ប្រាកដ ឬដឹងច្បាស់នៅឡើយទេ។ ចំពោះសមត្ថភាពខ្លះៗទៀតដែលយើងបានដឹង គ្រាន់តែជារំពឹងទុករបស់អ្នកតាមដានជិតស្និទ្ធពីផលិតផលរបស់ Apple តែប៉ុណ្ណោះ។
ម្យ៉ាងទៀតជម្រើសនៃទីតាំងកាមេរ៉ាក្រោយទាំង3 នេះ មិនមែនជារឿងថ្មីទេ ព្រោះគេប្រទះឃើញមានរូបភាពមិនផ្លូវការបែបនេះជាច្រើនមកហើយ តែយ៉ាងណាក្តី វាអាចនឹងមានមួយដែលត្រឹមត្រូវ ដូចនេះសុំរង់ចាំការប្រកាសជាផ្លូវការពី Apple ផ្ទាល់នៅអំឡុងខែកញ្ញាខាងមុខនេះ៕

March 16, 2019
Huawei សម្ងំបង្កើត OS ផ្ទាល់ខ្លួន ការពារពេល Android ហាមមិនឱ្យប្រើ!
ថ្មីៗនេះមានដំណឹងលេចឮថា ក្រុមហ៊ុនបច្ចេកវិទ្យាលំដាប់លេខ1 នៅចិន Huawei បានបង្កើត Operating System(ប្រព័ន្ធដំណើរការ) ដោយផ្ទាល់ខ្លួនសម្រាប់បំពាក់លើស្មាតហ្វូនរបស់ខ្លួន និងបង្ការក្នុងករណីដែល Android មិនអនុញ្ញាតឱ្យប្រើក្នុងលក្ខខណ្ឌណាមួយ។
អ្នកនាំពាក្យម្នាក់បានឱ្យដឹងថា ខណៈដែល Huawei មានទាំងផលិតផលទូរស័ព្ទនិងគ្រឿងអេឡិចត្រូនិកផ្សេងៗរួមទាំងកុំព្យូទ័រផងនោះក្រុមហ៊ុនមានបង្កើតប្រព័ន្ធដំណើរការដោយផ្ទាល់តែម្តង ជាពិសេសចំពេលដែលអាមេរិកកំពុងមានរឿងប្តឹងផ្តល់គ្នាទៅលើក្រុមហ៊ុនបច្ចេកវិទ្យាមួយនេះផងដែរ។
ចំពោះឈ្មោះប្រព័ន្ធដំណើរការឈ្មោះអ្វីនោះ នៅមិនទាន់ដឹងច្បាស់នៅឡើយទេ៕
March 16, 2019