Author: អេបិល

កម្មវិធីសម្ពោធបើកគម្រោងដីឡូតិ៍របស់ក្រុមហ៊ុន មហានគរ អចលនទ្រព្យ
នៅពេលថ្មីៗនេះ ក្រុមហ៊ុន មហានគរ អចលនទ្រព្យ បានរៀបចំប្រារព្ធធ្វើពិធីសម្ពោធដីឡូតិ៍ថ្មី ដែលមានទីតាំងដីស្ថិតនៅភូមិស្រែដូនតូច សង្កាត់ពញាពន់ ខណ្ឌព្រែកព្នៅ ។ កម្មវិធីសម្ពោធបើកដីនេះ មានការររៀបចំធ្វើពិធីបួងសួងក្រុងពាលី ដែលមានការចូលរួមពីសំណាក់ម្ចាស់គម្រោង ក្រុមការងារទីផ្សារ អ្នកវិនិយោគដីធ្លី និងអតិថិជនផងដែរ។ នៅក្នុងកម្មវិធីនេះ ក៏មានការលើកបង្ហាញអំពីព័ត៌មានគម្រោងដីឡូតិ៍ ព្រមទាំងការ ប្រូម៉ូសិន និងការបង់រំលស់ផងដែរ។
ក្នុងនោះ គម្រោងដីឡូតិ៍បច្ចុប្បន្នរបស់ក្រុមហ៊ុន មហានគរ អចលនទ្រព្យមានទីតាំងក្បែរមាត់បឹងកប់ស្រូវ ជុំវិញភ្នំរាប និងភ្នំប្រសិតចំនួន300ឡូតិ៍ និងគម្រោងមួយទៀតនៅខាងលិចផ្សារបាត់ដឹងចំនួន1000ឡូតិ៍ ដែលមានតម្លៃចាប់ពី២៥០០ ដុល្លាសហរដ្ឋអាមេរិចឡើងទៅ ហើយអតិថិជនអាចបង់រំលស់រយៈពេល1ឆ្នាំទៅ 2ឆ្នាំដោយឥតការប្រាក់ បន្ទាប់ពីបង់លើកដំបូងចំនួន50ភាគរយ។ គួរបញ្ជាក់ផងដែរថា គម្រោងនីមួយៗរបស់ក្រុមហ៊ុន មហានគរ អចលនទ្រព្យ គឺជាគម្រោងដែល ពោរពេញដោយសក្តានុពលសេដ្ឋកិច្ច ដែលក្នុងនោះរួមមាន មានរោងចក្រ ផ្សារ សាលារៀន មន្ទីរពេទ្យ ជាពិសេសក្បែរតំបន់សហគមន៍ ដែលសាលារាជធានីភ្នំពេញគ្រោងនឹងធ្វើការអភិវឌ្ឍ។
សម្រាប់ ពត៌មានបន្ថែម សូមអញ្ជើញមកកាន់ការិយាល័យកណ្ដាលក្រុមហ៊ុនមហានគររៀលអ៊ីស្ទេត ដែលមានទីតាំង ស្ថិតនៅ ផ្លូវ130 ខាងលិចផ្សារព្រែកព្នៅ 500ម៉ែត្រ ផ្ទះលេខ 01 អគារA ភូមិ ព្រែកព្នៅ សង្កាត់ ព្រែកព្នៅ ខណ្ឌព្រែកព្នៅ រាជធានីភ្នំពេញ រឺ ទំនាក់ទំនងមកកាន់ការិយាល័យផ្នែកលក់ 0969999477 / 0966888009 / 0768007777 / 0718007777

March 20, 2019
រឿង «ឯណាខ្មោច» ពីផលិតករឆ្នើម ចាន់ណា រ៉ូណាន់ ធ្វើឱ្យអ្នកទស្សនាសើចឡើងចង់ដាច់ខ្យល់
រឿង «ឯណាខ្មោច» ដែលជាស្នាដៃថ្មីរបស់អ្នកដឹកនាំរឿង ចាន់ណា រ៉ូណាន់ ដែលបានសម្ញំខ្លួនអស់មួយរយៈ កំពុងតែធ្វើឱ្យមហាជនពុះកញ្ជ្រោល នឹងគ្រោងស្រូបបានអ្នកចូលទស្សនា ច្រើនកុះករនៅពេលចាក់បញ្ចាំងខាងមុខ ព្រោះតែភាពយន្តនេះស្ថិតនៅ ក្រោមការសម្រិតសម្រាំងយ៉ាងពិសេស មិនចាញ់ភាពយន្ដកន្លងទៅក្នុងវិស័យភាពយន្តផ្ទុះសំណើចដូចជារឿង «កំណត់ហេតុនាងនាថ» រឿង «សសរកន្លោង» ជាដើម។
នៅថ្ងៃដាក់សម្ពោធភាពយន្ដស្នាដៃទី7 របស់ផលិតករ និងអ្នកដឹកនាំរឿងនេះ លោក ចាន់ណា រ៉ូណាន់ បានបញ្ជាក់ថា មកទល់ពេលនេះ លោកមិនទាន់ចំណាយទុនបង្កើតផលិតកម្មរបស់ខ្លួនតាមក្ដីស្រម៉ៃនោះទេ ដោយសារទី1នៅខ្វះដើមទុន និងទី2នៅខ្វះក្រុមការងារផលិតអោយគ្រប់ជ្រុងជ្រោយ ដែលធ្វើឱ្យលោកមើលឃើញពីហានិភ័យនៅឡើយ។ លោកថាខ្លួនសព្វថ្ងៃគឺជាផលិតករឯករាជ្យ ដោយបានចាប់ដៃជាមួយគ្រប់ផលិតកម្ម ដែលចង់ឱ្យលោកផលិតភាពយន្តឱ្យមិនប្រកាន់នោះទេ ពោលគឺអោយតែមានលក្ខណ្ឌសមស្របគឺលោកនឹងធ្វើរឿងឱ្យ។
ជាក់ស្ដែងសម្រាប់ភាពយន្តរឿង”ឯណាខ្មោច” ដែលលោកប្រកាសបើកសម្ពោធ គឺជាភាពយន្តខ្នាតធំដែលលោកផលិតអោយផលិតកម្ម LD ខណៈដែលភាពយន្តនេះលោកថាចំណាយពេលមិនក្រោម3សប្ដាហ៍ដើម្បីផលិត និងចំណាយការថតអស់ច្រើនខែ។ ភាពយន្តនេះ លោកថាបង្កប់សំណើច និងឈុតភ័យរន្ធត់ ដោយសាច់រឿងទាំងមូលក៏លោករំពឹងយ៉ាងខ្លាំងថានឹងជោគជ័យខ្លាំង។ ភាពយន្តនេះប្រកាសលក់សំបុត្រចាប់ពីថ្ងៃទី21 មីនា នៅគ្រប់រោងភាពយន្តទំនើប ដោយក្រោយប្រកាសបញ្ចាំងរឿងនៅភ្នំពេញ ក៏នឹងឡើងទៅសម្ពោធនៅខេត្តព្រះសីហនុ ព្រមជាមួយនឹងការនាំទៅឱ្យអ្នកគាំទ្របានថតដោយផ្ទាល់។
លោក ចាន់ ណារ៉ូណាន់ បញ្ជាក់ថាក្នុងចំណោមស្នាដៃដែលលោកផលិតឡើង លោកពេញចិត្តស្នាដៃរឿង”ឯណាខ្មោច”ជាងគេ ដោយសារតែភាពយន្តនេះមានសាច់រឿងភ័យរន្ធត់ កំប្លែង ហើយប្រទាក់ក្រឡា តាំងពីក្នុងពេលនិពន្ធនៅឡើយ។
សូមបញ្ជាក់ថា ភាពយន្តរឿង «ឯណាខ្មោច?» មានចូលរួមសម្តែងដោយតារា ប្រុសស្រីល្បីឈ្មោះជាច្រើនមាន ដូចជា លោក ទ្រី តារាវុធ, កញ្ញា សួង ស៊ីធឿន, លោក ភី ម៉ៃ, កញ្ញា យេយេ, លោក សាតាន់, លោក ដូ រីកូ ជាដើម។ ភាពយន្តនេះនឹងត្រូវចាក់បញ្ចាំង ក្នុងរោងភាពយន្តចាប់ពីថ្ងៃទី21មីនា ឆ្នាំ2019 តទៅ នៅគ្រប់រោងភាព យន្តទាំងអស់៕

March 20, 2019
ប្អូនថ្លៃអ្នកដឹកនាំសម្ដែងនៅថោន រិទ្ធ អូមេហ្កា ឡើងកូដជាតួឯកក្នុងបទ«ម៉ែជេរ»
ប្អូនថ្លៃរបស់អ្នកដឹកនាំសម្ដែងល្បីនៅផលិតកម្មថោន រិទ្ធ អូមេហ្កា ត្រូវគេបង្ហើបប្រាប់អ្នកសារព័ត៌មានឡារ៉ែនថា បានទទួលតំណែងសម្ដែងជាតួឯកក្នុងបទ«ម៉ែជេរ» ដែលជាបទផ្ទុះរបស់តារាចម្រៀង រ៉ាប៊ី។ តារាឯកប្រុសរូបនេះ គឺជាតារាសម្ដែងវ័យក្មេងមានឈ្មោះ វណ្ណ វឌ្ឍនៈ ហៅ Ellex កំពុងទទួលបានការចាប់អារម្មណ៍មិនតិចនោះទេពីសំណាក់មហាជន ជាពិសេសលើរូបសម្បត្តិ មុខមាត់ និងសមត្ថភាពសម្ដែង។
ជុំវិញការបកស្រាយប្រាប់ពីអាថ៌កំបាំងប្អូនប្រុសថ្លៃ លោក រិទ្ធ អូមេហ្កា ប្រាប់ឡារ៉ែនថា លោក វណ្ណ វឌ្ឍនៈ (Ellex) ពិតជាប្អូនរបស់ភរិយាលោក ដែលលោកយកមកជំរុញ និងបណ្ដុះនៅក្នុងសិល្បៈសិល្បៈ។ យ៉ាងណាមិញលោកថា ប្អូនថ្លៃរបស់ខ្លួនមិនមែនលោកយកមកលើកដោយមិនមានសមត្ថភាពនោះទេ ដោយលោកថាប្អូនថ្លៃរបស់ខ្លួនមានទាំងរូបសម្បត្តិ សមត្ថភាព និងត្រេមុខត្រូវតាមការចង់បានក្នុងបទចម្រៀងដែលលោកផលិត។
លោកបន្ដថា មុននឹងជ្រើសយកតារាវ័យក្មេង វណ្ណ វឌ្ឍនៈ (Ellex) សុទ្ធតែមានឯកភាពពីសំណាក់ផលិតករ និងក្រុមការងាររបស់ថោន ហើយអ្វីដែលលោកកាន់តែមានកម្លាំងចិត្តគឺផលិតករផ្សេងទៀតសុទ្ធតែសរសើរនៅពេលយកប្អូនថ្លៃមកសម្ដែង។ លោកថាតារាមួយចំនួនមិនប្រាកដថាមានសមត្ថភាពសម្ដែងបានខ្លាំងជាងប្អូនថ្លៃរបស់លោកនោះទេ ទើបលោកសម្រេចជ្រើសយកប្អូនថ្លៃអោយសម្ដែងក្នុងបទ”ម៉ែជេរ” ដើម្បីផ្ដល់ឱកាសឱ្យកាន់តែមានកេរ្តិ៍បោះសំលេងតែម្ដង។ ស្របជាមួយគ្នានេះ លោកបន្ថែមទៀតថា ការលើកស្ទួយរបស់លោក មិនរំពឹងថាប្អូនថ្លៃនឹងក្លាយជាតារាល្បីនោះទេ ក្នុងពេលដែលគ្រួសារក៏គ្រាន់តែចង់ឱ្យគេប្រឡូកលេងៗមុនពេលរៀនចប់តែប៉ុណ្ណោះ។
សូមបញ្ជាក់ផងដែរថា ប្អូនថ្លៃរបស់លោក រិទ្ធ អូមេហ្កា ត្រូវគេឃើញបង្ហាញមុខលើកដំបូងក្នុងផលិតកម្មថោន ក្នុងបទ«មនុស្សស្រីធម្មតាម្នាក់ មិនសមអោយបងខូចចិត្ត » របស់តារាចម្រៀង អេនី កាលពីកន្លងទៅផងដែរ តែមិនត្រូវបានទម្លាយពីអត្តសញ្ញាណជាប្អូនថ្លៃអ្នកដឹកនាំនោះឡើយ៕

March 19, 2019
តួឯកប្រុស ស្រេន វុធថា ដាច់យប់ជួយសម្អាតសំរាមនៅលូទឹកស្អុយបឹងត្របែក
រយៈពេល4ឆ្នាំហើយ ដែលអតីតហ្វ្រេសស៊ីប៊យ ស្រេន វុធថា បានបោះជំហានក្នុងសិល្បៈ។ 4ឆ្នាំនេះ តារាប្រុសរូបនេះ បានពុះពារច្រើនឆ្លងកាត់ការងារពីតួសម្តែងតូចៗរហូតដល់បានតួលេចធ្លោក្នុងបណ្តាស្ថានីយទូរទស្សន៍ល្បីៗ។ បើទោះបីជាខណៈនេះលោកជាតារាសម្ដែងល្បីឈ្មោះមួយរូប លោកមិនប្រកាន់ខ្លួននោះទេ លោកបានចូលរួមរើសសំរាមនៅលូទឹកស្អុយបឹងត្របែកជាមួយក្រុមយុវជនស្ម័គ្រចិត្ត ដែលដឹកនាំដោយលោក សាន់ ដារ៉ាវីត។
ស្រេន វុធថា បានប្រាប់ឱ្យដឹងថា « ពេលនេះក្បូនធ្វើរួចខ្លះហើយតែនៅខ្វះអ្នកជួយនិងខ្វះសំភារៈមួយចំនួន បងប្អូនអាចចូលរួមជាមួយពួកខ្ញុំបាន យើងរួមគ្នាដើម្បីទីក្រុងរបស់យើង #ទីក្រុងស្អាតផ្ដើមពីយើងទាំងអស់គ្នា »។
គួររំឭកដែរថា តារាប្រុសរូបនេះមានស្រុកកំណើតនៅឧត្តរមានជ័យ លោកបានការងារសិល្បៈមមាញឹក ទើបតែជិត2ឆ្នាំនេះប៉ុណ្ណោះ ដោយបានសម្តែងជារឿងភាគ ថតស្ពត ថតសម្អាងការ និងរឿងដុំមួយចំនួន។ ការដើរមកដល់ចំណុចនេះ វាពិបាកណាស់ តែមកពីចិត្តស្រឡាញ់ ទើបព្យាយាមឆ្លងកាត់បានដល់គោលដៅ។យ៉ាងណាក៏ដោយលោកនឹងខិតខំប្រឹងប្រែងបន្តទៀត ដើម្បីសិល្បៈ ហើយលោកនឹងធ្វើបែបណាឲ្យល្អជាងនេះ។ ជាពិសេសលោកក៏សប្បាយចិត្តនូវអ្វី ដែលជាផ្លៃផ្កាទទួលបាន ព្រោះនេះជាទេពកោសល្យ។
សូមជម្រាបបន្ថែមថា ស្រេន វុធថា ក្រោយពីប្រឡងកម្មវិធីហ្វ្រេសស៊ី បានចំណាត់ថ្នាក់លេខ3 ក្នុងឆ្នាំ2011មក លោកបានរត់មកកាន់ពិភពសម្តែងយ៉ាងពេញទំហឹង ទោះគ្មានទំនាក់ទំនងជាមួយផលិតករណាកាលពីមុនក៏ដោយ។ ក្រោយសាកល្បងការងារមក ធ្វើឲ្យផលិតករតាមផលិតកម្មនានាហៅរូបលោកទៅសម្តែង ហើយសរសើរថា លោកមានទេពកោសល្យល្អ។ ចាប់តាំងពីនោះមក ស្រេន វុធថា កាក់កបនិងការងារសិល្បៈជាបន្តបន្ទាប់រហូតលេចធ្លោគួរឱ្យកត់សម្គាល់៕

March 19, 2019
លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស
ភ្នំពេញ ៖ បន្ទាប់ពីទស្សនាការប្រកួតវគ្គវគ្គផ្តាច់ព្រ័ត្រទូទាំងប្រទេសនៃព្រឹត្តិការណ៍ការប្រកួតដណ្តើមពានរង្វាន់ Tiger Street Football Festival 201៩ ដ៏ជក់ចិត្ត និងស្វិតស្វាញនោះមក កំពូលតារាចម្រៀងដ៏ល្បីល្បាញលោក ព្រាប សុវត្ថិ ដឹកដៃកូនប្រុសទំាង២នាក់របស់លោក គឺសុវត្ថិ មុនីនាគ និងសុវត្ថិ មុនីវណ្ណជាមួយបទចម្រៀងបទញ៉ាក់កន្ត្រាក់អារម្មណ៍ធ្វើឲ្យអ្នកគាំទ្រនៅភ្នំពេញសប្បាយរីករាយក្រៃលែង។
ក្នុងនោះលោក ព្រាប សុវត្ថិ ដឹកដៃកូនប្រុសទំាង២នាក់របស់លោកបាននាំយកបទចម្រៀងចំនួន១០ សុទ្ធសឹងជាបទញ៉ាក់កន្ត្រាក់អារម្មណ៍ និងបទល្បីៗនាពេលបច្ចុប្បន្នរួមមាន “សង្សារ១ខែ២ខែ” “នឹកអាចកនឹកអាចែម” “ចិត្តព្រៃផ្សៃ” “មាន់ស្រែបន្លែស្រស់” “ចែ” និង “ផ្លាប់ៗ” ចំណែកបទចម្រៀងរបស់សុវត្ថិ មុនីនាគ និងសុវត្ថិ មុនីវណ្ណវិញ ដូចជា “កែវភ្នែក” “ចង្វាក់កង្កែប” “ខោរិប” និង “ព្រឺតៗ”ធ្វើឲ្យអ្នកគាំទ្ររាំកម្សាន្តទៅតាមចង្វាក់ភ្លេង យ៉ាងសប្បាយរីករាយ គ្រប់គ្នាពេញខាងមុខឆាកតន្រ្តី។
ក្រៅពីព្រាប សុវត្ថិ ក៏មានកំពូលតារាចម្រៀងល្បីៗជាច្រើនរូបក្នុងប្រទេសកម្ពុជារួមមាន កញ្ញា ពេជ្រ សោភា កញ្ញា សួស វិហ្សា ក្រុមតារាចម្រៀងកូនខ្មែរ និងឌីជេ Maily ហើយតារាចម្រៀងទាំងអស់បានលើកយកសុទ្ធសឹងជាបទញ៉ាក់កន្ត្រាក់អារម្មណ៍ធ្វើឲ្យអ្នកគាំទ្រនៅទីនេះរាំកម្សាន្តទៅតាមចង្វាក់ភ្លេង យ៉ាងសប្បាយរីករាយ គ្រប់គ្នាពេញខាងមុខឆាកតន្រ្តី ព្រមទាំងក្លិបទឹកកកដ៏ពេញនិយមដែលមានទស្សនិកជននៅខេត្តសៀមរាបចូលរួមទស្សនារាប់ពាន់នាក់។
ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមាឲនដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។
សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH
ពិសាដោយការទទួលខុសត្រូវ៕

March 19, 2019
Alaphilippe ឈ្នះការប្រណាំងកង់ Tirreno-Adriatico ដំណាក់កាលទី6
កីឡាករប្រណាំងកង់ Julian Alaphilippe របស់បារាំង បានឈ្នះការប្រណាំងកង់ល្បឿនលឿនដំណាក់កាលទី6 ក្នុងព្រឹត្តិការណ៍ Tirreno-Adriatico លើផ្លូវចម្ងាយ 195គីឡូម៉ែត្រ ពីតំបន់ Matelica ទៅកាន់ Jesi។
កីឡាករវ័យ 26ឆ្នាំរូបនេះ បានទៅដល់ទីមុនគេតាមរយៈការនាំមុខលើកីឡាករអ៊ីតាលី Davide Cimolai របស់ក្រុម Israel Cycling Academy និងកីឡាករ Elia Viviani ដែលជាមិត្តរួមក្រុម Deceuninck-QuickStep របស់គេ ខណៈដែលកីឡាករទាំង2នេះ បានបញ្ចប់ក្នុងចំណាត់ថ្នាក់លេខ3 និងលេខ4 តាមលំដាប់។
ក្រោយពីដណ្តើមបានជ័យជម្នះជាលើកទី2 របស់គេ និងបន្ទាប់ពីឈ្នះក្នុងដំណាក់កាលទី2 កីឡាករ Alaphilippe បានឱ្យដឹងថា៖ «ខ្ញុំមិនមែនជាអ្នកប្រណាំងកង់ល្បឿនលឿនឡើយ ប៉ុន្តែ ខ្ញុំដឹងថា ខ្ញុំអាចប្រើប្រាស់ល្បឿនបានយ៉ាងល្អនៅថ្ងៃដ៏លំបាកបែបនេះ។ ខណៈដែលនៅសល់ការប្រកួត 1ជុំទៀត Elia Viviani បានសួរខ្ញុំថា ខ្ញុំចង់បន្តប្រកួតក្នុងល្បឿនលឿន ឬអត់»។
កីឡាកររូបនេះបានបន្ថែមទៀតថា៖ «ខ្ញុំចង់និយាយថា ខ្ញុំនឹងក្លាយជាមនុស្សចុងក្រោយគេក្នុងការនាំមុខ។ Max Richeze បានខិតខំព្យាយាមយ៉ាងខ្លាំង ហើយខ្ញុំបានរក្សាការនាំមុខលើរូបគេរហូតដល់ខ្សែបន្ទាត់ទីចុងក្រោយ។ ខ្ញុំពិតជារីករាយណាស់ជាមួយនឹងការដណ្តើមបានជ័យជម្នះដ៏មិនគួរឱ្យជឿនេះ»។
កីឡាករចក្រភពអង់គ្លេស Adam Yates របស់ក្រុម Mitchelton-Scott កំពុងតែមានពិន្ទុនាំមុខគេនៅលើតារាងពិន្ទុរួម មុននឹងឈានទៅកាន់ការប្រកួតលើដំណាក់កាលចុងក្រោយនៅថ្ងៃអង្គារនេះ។ Yates វ័យ 26ឆ្នាំ បានឱ្យដឹងថា៖ «1គីឡូម៉ែត្រចុងក្រោយ ពិតជាមានការលំបាកណាស់។ យើងដឹងថា Alaphilippe អាចប្រើប្រាស់ល្បឿនយ៉ាងលឿនលើផ្លូវបែបនេះ។ កាលពីរយៈពេល 2ឆ្នាំមុន ខ្ញុំក៏អាចធ្វើបានបែបនេះផងដែរ»៕
March 19, 2019
UEFA ស៊ើបអង្កេតលើ Ronaldo ជុំវិញការអបអរមិនសមរម្យ
សហព័ន្ធកីឡាបាល់ទាត់ប្រចាំទ្វីបអឺរ៉ុបហៅកាត់ថា UEFA បានបើកការស៊ើបអង្កេតមួយកាលពីថ្ងៃចន្ទ ទៅលើការអបអរក្នុងការរកបានគ្រាប់បាល់របស់ខ្សែប្រយុទ្ធ Cristiano Ronaldo ក្រោយពីរូបគេបានស៊ុតបាល់បញ្ចូលទី 3គ្រាប់ក្នុងពេលដែលក្រុម Juventus បានបំពេញការវាយបកក្នុងការប្រកួតក្របខ័ណ្ឌ Champions League ដើម្បីយកឈ្នះលើក្រុម Atletico Madrid កាលពីសប្តាហ៍មុន។
អង្គភាពគ្រប់គ្រងកីឡាបាល់ទាត់ទ្វីបអឺរ៉ុប បានបញ្ជាក់ថា Ronaldo នឹងប្រឈមមុខនឹងការចោទប្រកាន់ផ្សេងៗ ទៅលើការប្រព្រឹត្តមិនសមរម្យ ក្រោយពីរូបគេបានធ្វើត្រាប់តាមកាយវិការក្តោបពងរបស់លោក Diego Simeone ក្នុងពេលក្រុមខ្លួនបានយកឈ្នះ 3-០ កាលពីថ្ងៃអង្គារ ដែលនាំឱ្យក្រុម Juventus ឈ្នះទាំង 2ជើងក្នុងលទ្ធផល 3-2។
ក្រោយពីបានស៊ុតបាល់ប៉េណាល់ទីកាត់សេចក្តីនៅរយៈពេល 4នាទីចុងក្រោយ Ronaldo បានបែរទៅកាន់អ្នកគាំទ្ររបស់ Atletico និងធ្វើត្រាប់តាមកាយវិការរបស់លោក Simeone ដែលបានយកដៃក្តោបរបស់សំខាន់ ក្នុងពេលដែលក្រុមខ្លួនយកឈ្នះ 2-០ កាលពីការប្រកួតជើងទី1 នៅអេស្ប៉ាញ។
សហព័ន្ធកីឡាបាល់ទាត់ទ្វីបអឺរ៉ុបហៅកាត់ថា UEFA នឹងចេញសេចក្តីសម្រេចរបស់ខ្លួនលើករណីនេះ នៅថ្ងៃទី21 ខែមីនា។ លោក Simeone បានរងពិន័យជាទឹកប្រាក់ 2ម៉ឺនអឺរ៉ូ (ស្មើនឹង 2.26ម៉ឺនដុល្លារអាមេរិក) សម្រាប់ការអបអររបស់លោក។
ប៉ុន្តែ លោក Massimiliano Allegri គ្រូបង្វឹករបស់ក្រុម Juventus បាននិយាយថា លោកជឿជាក់ថា Ronaldo នឹងមិនរងពិន័យជាប្រាក់ ឬក៏ជាប់ពិន័យព្យួរឡើយ។
លោក Allegri បានឱ្យដឹងថា៖ «ខ្ញុំគិតថា គ្រប់គ្នាបានអបអរតាមរបៀបរបស់ពួកគេនៅលើទីលាន និងនៅកន្លែងអង្គុយ។ ខ្ញុំមិនបានឃើញអ្វីដែលខុសប្លែកឡើយ ប៉ុន្តែគ្រាន់តែជាការអបអរប៉ុណ្ណោះ។ វានឹងមិនមានការពិន័យព្យួរអ្វីឡើយ»។
Juventus ត្រូវបានចាប់ឆ្នោតឱ្យប្រកួតជាមួយនឹងក្រុមហូឡង់ Ajax ក្នុងវគ្គ 8ក្រុមចុងក្រោយ ដោយត្រូវប្រកួត 2ជើង ហើយជើងទី1 នឹងប្រព្រឹត្តទៅនៅថ្ងៃទី10 ខែមេសា ក្នុងទីក្រុង Amsterdam មុននឹងប្រកួតជើងទី2 នៅថ្ងៃទី16 ខែមេសា ក្នុងទីក្រុង Turin៕
ប្រភពពី៖ Channel News Asia
March 19, 2019
ការខ្វះខាតភ្លើងក្នុងរដូវក្តៅនេះ កម្ពុជាគ្រោងប្រើប្រាស់អគ្គិសនីចេញពីនាវាផ្ទុកម៉ាស៊ីនភ្លើងរបស់តួកគី
ក្នុងពេលដែលភ្លើងអគ្គិសនីនារដូវក្តៅមានការដាច់ជាញឹកញាប់ ខណៈដែលតម្រូវការមានរហូតដល់ 400មេហ្គាវ៉ាត់ រាជរដ្ឋាភិបាលកម្ពុជាកំពុងរង់ចាំការឆ្លើយតបពីសាធារណរដ្ឋតួកគី ដើម្បីបញ្ជូននាវាដែលផ្ទុកម៉ាស៊ីនភ្លើងដ៏ធំ សម្រាប់ផ្តល់ចរន្តអគ្គិសនីប្រើប្រាស់ក្នុងរយៈពេលប៉ុន្មានខែនេះ។ នេះបើយោងតាមការថ្លែងបញ្ជាក់របស់សម្តេចនាយករដ្ឋមន្រ្តី ហ៊ុន សែន ក្នុងពិធីបើកបុណ្យទន្លេ នៅខេត្តកំពង់ឆ្នាំង កាលពីរាត្រីថ្ងៃទី16 ខែមីនា ឆ្នាំ2019។
សម្តេចបានលើកឡើងថា កត្តាប្រែប្រួលអាកាសធាតុ បានធ្វើឱ្យកម្ពុជាជួបប្រឈមនឹងបញ្ហាគ្រោះរាំងស្ងួត ដែលមានរយៈពេលវែងរហូតដល់ខែមិថុនា ឆ្នាំ2019។ ទន្ទឹមនឹងនេះដែរ កម្ពុជាក៏កំពុងជួបបញ្ហាខ្វះខាតភ្លើងអគ្គិសនីប្រើប្រាស់រហូតដល់ 400មេហ្គាវ៉ាត់ ដែលទំហំនេះអាចនឹងកើនឡើងថែមទៀតផង។
សម្តេចនាយករដ្ឋមន្រ្តីបានបន្តថា នៅពេលនេះរាជរដ្ឋាភិបាលកម្ពុជាបាននិងកំពុងខិតខំដោះស្រាយបញ្ហាដោយបន្ថែមម៉ាស៊ីនភ្លើងជាច្រើនគ្រឿងទៀតដើម្បីផលិត និងចែកចាយភ្លើងអគ្គិសនី។ វិធានការជាបន្ទាន់នៅពេលនេះ គឺដើម្បីជំរុញឱ្យចង្វាក់ផលិតកម្មទាំងអស់ ពិសេសផលិតកម្មម៉ាស៊ីនកិនស្រូវឱ្យអាចបន្តដំណើរការកែច្នៃផលិតផលស្រូវអង្ករទៅបាន ចៀសវាងទទួលរងនូវផលប៉ះពាល់នានា។
សូមបញ្ជាក់ថា វារីអគ្គិសនីដែលកម្ពុជាមានសព្វថ្ងៃនេះ គឺដំណើរការបានដោយមានទឹកប្រើប្រាស់គ្រប់គ្រាន់ ដូច្នេះប្រសិនបើមិនមានទឹកគ្រប់គ្រាន់ទេ គឺវារីអគ្គិសនីទាំងនោះនឹងប្រឈមបញ្ហាផលិតថាមពលអគ្គិសនីជាមិនខាន។ យើងបានដឹងហើយថា ក្នុងពេលនេះ គឺជាការចាប់ផ្តើមរដូវក្តៅហើយ បើតាមការប្រកាសរបស់ក្រសួងឧតុនិយម ដូច្នេះទឹកបឹង ស្ទឹង ព្រែក ទន្លេនឹងរីងស្ងួត ចរន្តទឹកទាបមិនមានល្បឿនសម្រាប់ផ្តល់ការដល់ផលិតចរន្តអគ្គិសនីបានខ្លាំងទេ នេះជាហេតុផល។
ជាមួយគ្នានេះ សម្តេចនាយករដ្ឋមន្រ្តីក៏បានអំពាវនាវផងដែរថា៖ «សូមបងប្អូនជួយបញ្ចេញម៉ាស៊ីនភ្លើង និងទិញម៉ាស៊ីនភ្លើងដាក់ប្រើប្រាស់បន្តសិន ដើម្បីឱ្យការងារដំណើរការទៅមុខទាន់ពេលវេលា»។ សូមឱ្យប្រជាពលរដ្ឋទូទាំងប្រទេស និងអាជីវករទាំងអស់យោគយល់ អធ្យាស្រ័យក្នុងករណីដែលនៅទីកន្លែងខ្លះមានដាច់ភ្លើង និងការខ្វះភ្លើងអគ្គិសនីប្រើ ព្រមទាំងស្នើឱ្យពលរដ្ឋប្រើប្រាស់ភ្លើងដោយលក្ខណៈសន្សំសំចៃ៕
March 19, 2019
ខេមរៈ សិរីមន្ត ផ្ដល់ឱកាសចំណេញច្រើនដល់អ្នកគាំទ្រនូវគម្រោងដីឡូតិ៍ក្បែរព្រំដែនថៃ
កំពូលតារាចម្រៀង ខេមរៈ សិរីមន្ដ បានប្រាស់ក្នុងសន្និសីទកាសែតនៅសណ្ឋាគារសូហ្វីតែលនៅព្រឹកថ្ងៃទី19 ខែ មីនា ឆ្នាំ 2019 ថា លោកបានទិញដីនោះបានចំនួនជាង10ហិតា ដោយនៅលោកនិងវិនិយោគទៅជា គម្រោងដីឡូតិ៍ និងគម្រោងជាច្រើនទៀត។
តារាចម្រៀងល្បីឈ្មោះខាងលើ បញ្ជក់ថា ខ្លួនអាទិភាពពិសេសលើគម្រោងវិនិយោគនេះជាង អ្នកវិនិយោគផ្សេងទៀត ដោយនៅក្នុងនោះ គឺលោកអាចប្រើប្រាស់ហេដ្ឋារចនាសម្ព័ន្ធរបស់គម្រោងមេបាន ទឹក ភ្លើង ផ្លូវដែលនៅក្នុងគម្រោងមេនោះរួមមាន អាគារខុនដូរ មន្ទីរពេទ្យ សាលារៀនអន្តរជាតិ និងតំបន់សេដ្ឋកិច្ចពិសេស បណ្ដុំរោងចក្រ និងកាស៊ីណូដែលមានផែនការអភិវឌ្ឍន៍រយៈពេលវែង។ លោកបន្ដថា សក្ដានុពលវិនិយោគដីធ្លីក្នុងគម្រោងដីឡូតិ៍របស់លោក គឺស្ថិតក្នុងដំបន់ China Poipet Satellite City និងមានឱកាសចំណេញច្រើន ដោយប្រើតែរយៈពេលខ្លីប៉ុណ្ណោះ។ តារាចម្រៀង ខេមរៈ សិរីមន្ត ថាគ្រោងបើកលក់នៅថ្ងៃទី23 ខែ មីនា ឆ្នាំ 2019 ខាងមុខនេះ ដោយលក់ក្នុង1ឡូតិ៍ ចាប់ពី 2950 ដុល្លារឡើងទៅ។
ចុងក្រោយលោកបានបញ្ជាក់បន្ថែមជូនអ្នកគាំទ្រ និងមហាជនថា តំបន់ China Poipet Satellite City ជាការអភិវឌ្ឈន៍ថ្មី បែបទីក្រុងរណប ទំនើប ស៊ីវីល័យ និង ប្រកបដោយ ចក្ខុវិស័យខ្ពស់ អាចមាន អាគាខុនដូ សណ្ឋាគារ រីសត ផ្សារទំនើប casino តំបន់សេដ្ធកិច្ចពិសេស រោងចក្រ សួនឧស្សាហ៍កម្ម ផែរស្ងួត សំណង់បុរី លំនៅដ្ឋាន លាតសន្ធឹងលើផ្ទៃដីសរុបជាង 1 ពាន់ហិកតា តាមបណ្តោយផ្លូវជាតិលេខ 59 ក្បែរទីក្រុងប៉ោយប៉ែត ចំងាយត្រឹមតែ3kmប៉ុណ្ណោះពីច្រកពីព្រំដែនថៃ ងាយស្រួលសម្រាប់បងប្អូនទាំងអស់ដែលមានបំណងចង់ធ្វើការរកស៊ីនៅក្បែរតំបន់ព្រំដែនថៃ៕

March 19, 2019
លោក ព្រំ សិលា ប្រធានសមាគមភាពយន្តកម្ពុជា ខ្នះខ្នែងនាំភាពយន្ដកម្ពុជាចូលទីផ្សារអន្ដរជាតិនៅហុងកុង
ពេលថ្មីនេះបណ្ដារប្រទេសរហូតដល់ជាង180ប្រទេសចូលរួមតាំងស្ដង់ផកិតកម្មភាពយន្ដក្នុងពិព័រណ៍ភាពយន្តអន្តរជាតិនៅហុងកុង ឬ Filmart ។ នៅក្នុងនោះ ផលិតករខ្មែរក៏បានអញ្ជើញចូលរួម មាន៖ អ្នកស្រី សរ កេសរា ម្ចាស់ផលិតកម្មកេសរាភាពយន្ត លោកហ៊ុយ យ៉ាឡេង ម្ចាស់ផលិតកម្មមាតុចក្រ និង ម្ចាស់ផលិតកម្មកងចក្រជាដើម..ក្នុងការខ្នះខ្នែងយ៉ាងសកម្មដើម្បីលើកកម្ពស់វិស័យភាពយន្តខ្មែរទៅកាន់ទីផ្សារអន្ដរជាតិ។
លោក ព្រំ សិលា គេដឹងថាលោកឡើងតំណែងជាប្រធានសមាគមភាពយន្តកម្ពុជាមិនទាន់បានប៉ុន្មានក៏ពិតមែន តែលោកបានបំពេញបេសកម្មដ៏ធំនេះដើម្បីភាពយន្ដខ្មែរ និងធ្វើអ្នកគាំទ្ររឿងខ្មែរចាប់អារម្មណ៍ពីសកម្មភាពលោកយ៉ាងខ្លាំង។ លោកប្រាប់សារព័ត៌មានឡារ៉ែនថា ក្នុងព្រឹត្តិការណ៍ Filmart នៅហុងកុង ថា ក្រោយពីលោកបានឡើងជាប្រធានសមាគមភាពយន្តកម្ពុជា ទើបតែលើកដំបូងប៉ុណ្ណោះ ដែលលោកបានដឹកនាំផលិតករ និងក្រុមការងារសមាគមចូលរួមក្នុងព្រឹត្តិការណ៍តាំងស្ដង់ ដើម្បីដាក់លក់ភាពយន្តមួយនេះ។ លោកថា គឺជាមោទនភាពធំមួយ ដែលវេទិកាដាក់លក់ភាពយន្តដ៍ធំប្រចាំឆ្នាំរបស់ពិភពលោកមួយនេះ ត្រូវបានផលិតករបរទេសចាប់អារម្មណ៍ចំពោះភាពយន្តខ្មែរ ក្នុងពេលដែលលោកយល់ថាក្រុមផលិតករកម្ពុជា និងសមាគមទទួលបានផ្លែផ្កា។ លោកថាវត្តមានរបស់សមាគម និងបណ្ដាផលិតករដែលបានតាំងស្ដង់ដាក់លក់ភាពយន្ត ក្នុងព្រឹត្តិការណ៍នៅហុងកុងលើកនេះ គឺទទួលបានសញ្ញាណជាវិជ្ជមានល្អប្រសើរ។
លទ្ធផលដែលលោកសំលឹងឃើញនោះគឺដោយសារតែមានបណ្ដាភ្ញៀវអន្តរជាតិ ជាក្រុមផលិតករមកពីប្រទេសផ្សេងៗច្រើនក្រុម បង្ហាញការចាប់អារម្មណ៍ចំពោះផលិតផលភាពយន្តរបស់ខ្មែរ ដោយលោកមើលឃើញថា ក្រៅពីចាប់អារម្មណ៍ចង់ទិញសាច់រឿងមួយចំនួនរបស់ខ្មែរ ដើម្បីយកទៅដាក់បញ្ចាំងនៅក្នុងប្រទេសរបស់ពួកគេ ផលិតករទាំងនោះក៏ប្រកាសចាប់ដៃជាមួយផលិតករខ្មែរ ដើម្បីផលិតរឿងនៅកម្ពុជាផងដែរ។ លោកថាគឺជាមោទនភាព ដែលភាពយន្តរបស់ខ្មែរ ត្រូវបានគេអនុញ្ញាតិឱ្យតាំងស្ដង់ក្នុង Zone ភាពយន្តហូលីវូត ហើយមិនខុសពីជួយឱ្យភាពយន្តរបស់ខ្មែរ ត្រូវបានទទួលស្គាល់ជាអន្តរជាតិ។
ប្រធានសមាគមភាពយន្តកម្ពុជាថ្មីរូបនេះ បង្ហាញការរំពឹងយ៉ាងខ្លាំងថា ផលិតករបរទេសនឹងចាប់អារម្មណ៍ចុះមកផលិតភាពយន្តនៅក្នុងប្រទេសកម្ពុជាកាន់តែច្រើន បន្ទាប់ពីប្រមុខរាជរដ្ឋាភិបាល ក៏បានប្រកាសពីគោលការណ៍លើកលែងពន្ធក្នុងការផលិតភាពយន្តរហូតដល់ឆ្នាំ2023 ដែលមិនខុសពីការបើកផ្លូវឱ្យផលិតករទាំងក្នុង និងក្រៅស្រុក បង្កើនការផលិតស្នាដៃព្រោះលែងមានការស្មុគស្មាញជាងមុន។ លោកថាវត្តមានតាំងស្តង់នៅក្នុងទីក្រុងហុងកុងចាប់ពីថ្ងៃទី18 រហូតដល់ថ្ងៃទី20 មីនា កម្ពុជាមិនរំពឹងច្រើនពីការលក់ភាពយន្តបានច្រើននោះទេ ប៉ុន្តែអ្វីដែលសមាគមសំលឹងឃើញគឺ ការទំនាក់ទំនងពីផលិតករបរទេសដើម្បីផលិតរឿងនៅកម្ពុជា ដែលនឹងជួយឱ្យវិស័យភាពយន្តខ្មែរ មានការឈានឡើង។ ក្នុងនោះ ផលិតករហ្វីលីពីន និងសហរដ្ឋអាមេរិក ហាក់ចាប់អារម្មណ៍ខ្លាំង នៅពេលដឹងថាកម្ពុជា ក៏មានធនធានផលិតករ ដែលមានសមត្ថភាពអាចចាប់ដៃផលិតភាពយន្តប្រកបដោយស្ដង់ដារបានយ៉ាងល្អដែរនោះ។

March 19, 2019