Author: អេបិល

ទោះបីមួយរយៈចុងក្រោយនេះពិធីការិនី កែវ ចាន់និមល រងរឿងមិនល្អមួយចំនួននៅក្នុងពិភពសិល្បៈក៏ពិតមែន តែនាងហាក់មិនមានការខ្វល់ខ្វាយ ឬ បកស្រាយអ្វីឡើយ ។ យ៉ាងណាមិញថ្មីៗនេះ ពិធីការិនីរូបនេះបានងាកមកលេងស្ទីលតុបតែងខ្លួនប្លែកៗ និង ទាន់សម័យ មើលទៅពិតជាស្រស់ស្អាត មិនចាញ់យុវវ័យប៉ុន្មានឡើយ ។

កែវ ចាន់និមល ត្រូវបានគេចាត់ទុកជាពិធីការិនីដែលមានឈ្មោះបោះសំឡេងគួរសមនៅក្នុងទូរទស្សន៍ហង្សមាស ដោយភាគច្រើនលេចមុខនៅក្នុងកម្មវិធីធំៗ និង កម្មវិធីផ្សាយផ្ទាល់ផងដែរ ។ មិនត្រឹមតែជាពិធីការិនីឆ្នើមប៉ុណ្ណោះទេ ចាន់ កែវនិមល ត្រូវបានគេចាត់ទុកជាពិធីការិនីដែលមានការតុបតែងខ្លួនសមសួនថ្លៃថ្នូរទៀតផង ។

អ្វីដែលចាប់អារម្មណ៍ទោះ កែវ ចាន់និមល លេចឡើងរឿងរ៉ាវអាស្រូវមិនល្អក៏ដោយ ក៏ប៉ុន្ដែអ្នកនាងមិនខ្វល់ និងគ្មានការបកស្រាយណាមួយឱ្យមហាជនបានដឹងទេ។ ផ្ទុយទៅវិញ អ្នកនាងកាន់តែបង្កើនរូបភាពស្និលស្នាលជាមួយស្វាមី និងក្រុមគ្រួសារ ថែមទាំងទទួលការលើកទឹកចិត្តពីស្វាមីគ្រប់ស្ថានភាពផងដែរ។ គួរឱ្យដឹងថា កែវ ចាន់និមល កាន់តែងាកមកបង្កើនស្ទីលនៃការតែងខ្លួន ក្រោយពីនាងទើបប្រទះនូវរឿងមិនល្អជាបន្តបន្ទាប់ ហើយបានប្តូរមកលេងស្ទីលពាក់សក់ការ៉េខ្លីពណ៌មាសស្រាលដែលមើលទៅពិតជាស្រស់ស្អាត និង ក្មេងប្លែកជាងមុន រហូតមានការលាន់មាត់ពីសំណាក់អ្នកគាំទ្រស្ទើរគ្រប់គ្នាពីភាពទាក់ទាញរបស់ពិធីការិនីរូបនេះ ទោះបីជាមានវ័យច្រើន និង មានកូនហើយក្តី ៕

មួយរយៈចុងក្រោយនេះ តារាចម្រៀងស្រីនៅក្នុងផលិតកម្មកាឡាក់ស៊ីណាវ៉ាត្រាគឺកញ្ញា តន់ ចន្ទសីម៉ា ហាក់បីដូចជាមានសន្ទុះប្រជាប្របិយភាពតាមរយៈការចេញបទចម្រៀងជាច្រើនបទនៅលើបណ្ដាញសង្គមយូធូប។ ទន្ទឹមនឹងទទួលបានភាពជោគជ័យនៅលើវិស័យចម្រៀងដែលមហាជនចូលចិត្តនេះ សីម៉ា ក៏ធ្លាប់មានសាច់រឿងជូរចត់មិនតិចនឹងរៀបរាប់ប្រាប់មហាជនដែរ។

ខណៈថ្មីៗនេះ តារាស្រីរូបនេះបានបង្ហោះសារមួយឃ្លា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ដោយសរសេររៀបរាប់ប្រាប់អំពី ជីវិតដ៏ជូរចត់របស់ខ្លួន ​​​​​​​​​​​​​​​​​​​​​​​​​​​​​​​​​​​​​​​​​​​​​​​​ដែលធ្លាប់ត្រូវបានគេមាក់ងាយ ដោយមានខ្លឹមសារទាំងស្រុងដូចតទៅ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៖ «បំណងអតីតកាល ក្ដីប្រាថ្នារបស់ក្មេងស្រីម្នាក់នេះសុំត្រឹមតែឪពុកម្ដាយគ្រួសារមានសុភមង្គលបានហើយ ជីវិតខ្ញុំមួយតែងតែគិតថាលះបង់ចំពោះគ្រួសារជានិច្ច ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ទោះបីខ្ញុំគ្មានអ្វីល្អគ្មានអ្នកបង្ហាញផ្លូវ គ្មានអ្នកចាំ take care គ្មានមិត្តដែលយល់ចិត្តគ្មានអ្វីគ្រប់យ៉ាង ​​​​​​​​​​​​​​​​​​​​​​​​​​​​​​​​​​​​​​​​​​​​ហើយជាក្មេងស្រីដែលច្រៀងនៅហាងរាត្រីពេលយប់ ក៏ដោយក៏ខ្ញុំមិនតូចចិត្តដែរ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។

តែវាហាក់ដូចជាអយុត្តិធម៌ណាស់​​​​​​​​​​​​​​​​​​​​​​​​​​​​​​​​​​​​ ពេលនោះដែលក្មេងស្រីម្នាក់នេះខំធ្វើការ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ដើម្បីរៀនបញ្ចប់បរិញ្ញា និងជួយជ្រោមជ្រែងពីលោកពុកអ្នកម្ដាយ បែរជាត្រូវអ្នកជិតខាងមាក់ងាយថាជាក្មេងស្រីមិនល្អធ្វើការយប់ ដែលធ្វើឱ្យម្ដាយបារម្ភ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។ ទឹកភ្នែកតែងតែហូរការឈឺចាប់ម្តងៗ ចំពោះសម្ដីអ្នកនៅជុំវិញខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​ ធ្វើឱ្យខ្ញុំស្ទើរតែបោះបង់ក្ដីស្រមៃរបស់ខ្ញុំចោលទៅហើយ​​​​​​​​​​​​​​​​​​​​​​​​​​​​​។

តែមានពេលខ្លះខ្ញុំធ្លាប់បានលួចញញឹមតិចតួចដែរ​​​​​​​​​​​​​​​​​​​​​​​​​​​​​​​​​​​​​​​ នៅពេលម្ដាយសប្បាយចិត្ត ដែលជាកម្លាំងចិត្តដ៏ធំរបស់ខ្ញុំ ​​​​​​​​​​​​​​​​​​​​​​​​​​​​​​​​​​​​​​​​​​​ទោះបីជាអម្រែកធ្ងន់របស់ក្មេងស្រីម្នាក់នេះក៏ដោយ ក៏ក្មេងស្រីម្នាក់នេះ មិនដែលសម្រក់ទឹកភ្នែកឱ្យម្ដាយឃើញដែរ ​​​​​​​​​​​​​​​​​​​​​​​​​​​​​​​​​តែងតែធ្វើជាតារាសម្ដែងចំពោះម៉ែជានិច្ច ខ្ញុំមិនដែលតូចចិត្ដនឹងស្ដាយក្រោយចំពោះការទទួលអម្រែកពីលោកពុកអ្នកម្ដាយឡើយ។ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​មកដល់ពេលនេះខ្ញុំសូមអរគុណបងប្អូនទាំងអស់គ្នា ដែលគាំទ្ររូបនាងខ្ញុំធ្វើឲ្យខ្ញុំមានពន្លឺជាងមុនជាពិសេសសូមអរគុណទៅដល់ក្រុមហ៊ុន galaxy Navatra ​​​​​​​​​​​​​​​​​​​​​​​​​​​​​​​​​​​​​​​​​​​​​​ដែលតែងតែជួយជ្រោមជ្រែងនាងខ្ញុំជានិច្ច»៕

ជាការពិតណាស់ តារាចម្រៀងស្រីនៅក្នុងផលិតកម្មរស្មីហង្សមាស កញ្ញា វី ឌីណែត អាចនិយាយបានថា ជាតារាចម្រៀងស្រីម្នាក់ ដែលមានភាពលេចធ្លោខ្លាំងនៅក្នុងចង្កោមសិល្បៈក្រោមឈ្មោះជាកូនស្រីតារាចម្រៀងជើងចាស់ ហួរ ឡាវី ។ បើទោះបីជា រូបនាង ទើបប្រឡូកសិល្បៈយ៉ាងណាក្តី ដោយគិតមកទល់ពេលនេះប្រជាប្រិយភាពរបស់នាងបានលោតខ្លាំង រហូតបណ្តាកម្មវិធីនានាឬបណ្តាខនសឺតធំៗ បានអញ្ជើញរូបនាងឱ្យទៅច្រៀង ជាតារាកិត្តិយសមិនដែលខាន។

ជាក់ស្តែង ប្រិយមិត្តក៏បានជ្រាបផងដែរថា តារាស្រីរូបនេះ ក៏ជាកូនស្រីបង្កើតរបស់តារាចម្រៀងជើងចាស់ លោក ហួរ ឡាវី ដែលជាជាប់ឈ្មោះជា តារាចម្រៀងសំឡេងស្អក។ បើនិយាយពីសំឡេងឱ្យកាន់តែច្បាស់ទៀតនោះ បើអ្នកណាបានស្តាប់ហើយ ពិតជា លង់នឹងសំឡេង ស្តាប់មិនចេះជិនណាយផងដែរ។ ប៉ុន្តែថ្មីៗនេះ នៅមិនទាន់មានអ្នកគាំទ្រច្រើននាក់បានដឹងនោះទេថា វី ឌីណែត មានបងស្រីម្នាក់ទៀត ដែលពេលខ្លះស្ទាយ៍លេងខ្លួន ពិតជាដូចគ្នាខ្លាំងណាស់ គ្រាន់តែខុសរូបរាងបន្តិចតែប៉ុណ្ណោះ ដែលរូបនាងមានឈ្មោះថា វី ឌីណា ដែលជាអ្នករកស៊ីរបរខាងក្រៅ មិនមែនជាអ្នកសិល្បៈដូចជារូបនាងនោះទេ។

ទើបថ្មីៗនេះ វី ឌីណា ក៏បានបញ្ចេញនូវវីដេអូចម្រៀងដ៏ក្រអួនក្រអៅ ជាមួយនឹងការCover បទចម្រៀងរបស់ ឪពុករបស់នាង ដែលពិតជាពីរោះខ្លាំង សឹងតែមិននឹកស្មានដល់ថា មានសំឡេងល្អយ៉ាងនេះសោះ ហើយបើនិយាយពីរូបសម្រស់ក៏ស្រស់ស្អាតមិនចាញ់បងស្រីប៉ុន្មាននោះដែរ៕

ក្រៅ​ពី​ការ​សោកស្ដាយ​អាឡោះអាល័យ នៅ​ការ​បាត់​បង់​ធនធាន​សិល្បៈ ដ៍​សំខាន់​មួយ​នេះ អ្វី​ដែល​ធ្វើឱ្យមហាជន​​មាន​ការ​ចាប់​អារម្មណ៍​នោះ គឺ​​ធ្វើ​ពិធី​បុណ្យ​សព​តាម​ប្រពៃណី ដើម្បី​​ជា​កិច្ច​ជូន​ដំណើរ​លោក​ទៅកាន់ទីឋានដែលសុខសាន្ត​នោះ ស្រាប់​តែមានហេតុការណ៍មួយបានកើតឡើង​ដែល​ធ្វើឱ្យ​មាន​ការភ្ញាក់​ផ្អើលយ៉ាងខ្លាំងនៅក្នុងរោងពិធីបុណ្យ។

សូមជម្រាបថា លោកគ្រូ ទិត្យ សែម សាស្ត្រាចារ្យផ្នែកល្ខោនខោល​បាន​ទទួល​មរណភាព​ហើយ កាល​ថ្ងៃទី23 ខែ​ឧសភា ឆ្នាំ2020 នៅ​ថ្ងៃ​​បុណ្យ​សព្វ វិញ្ញាណ​របស់​លោក​បាន​​​ចូល​សណ្ឋិត​ចាំ​ប្រុស​ដែល​មិន​ដែល​ចេះ​រាំ​សោះ ទៅ​រាំ​​​នៅ​មុខ​មជ្ឈូស ធ្វើ​ឱ្យម្នាក់ៗ​​​​ដែល​ចូល​រួម​ពិធី​បុណ្យ​​នោះ ព្រឺ​សម្បុរ​គ្រប់ៗ​​គ្នា។ បើតាមរយៈគណនីហ្វេសប៊ុកឈ្មោះ ព្រហ្ម ពុធវិសាល បានសរសេរថា «លើកទីមួយដែលខ្ញុំមើលផ្ទាល់និងភ្នែក វិញ្ញាណ​គាត់​នៅតែល្ខោនខោល ចៅប្រុសរបស់គាត់មិនមែនអ្នកល្ខោនខោលទេ គាត់អត់ចេះរាំទេ»។ វីដេអូ និងរូបភាពទាំងនេះ ត្រូវបានគេចែក​ចាយយ៉ាងច្រើន​។

គួរបញ្ជាក់ដែរថា នៅមិន​មាន​ឯកសារ​ណា​មួយ បាន​​លម្អិតពី​ប្រវត្តិ លោកគ្រូ ទិត្យ សែម នោះ​ទេ ប៉ុន្តែ​លោក​ត្រូវ​បាន​មហាជន​ស្គាល់​ថា សាស្ត្រាចារ្យ​ផ្នែកល្ខោន​ខោល​ជំនាញតួយក្ស និង​ជា​អ្នក​ដំឡើង​រាល់​ស្នាដៃ​របស់​សិស្ស ដែល​សិក្សា​នៅ​សាលាមធ្យមវិចិត្រសិល្បៈផ្នែក​ល្ខោនខោល​ជាង​40ឆ្នាំ​មក​ហើយ។ ជាង​40ឆ្នាំ​ នៃ​ជីវិត​លើ​វិថី​សិល្បៈ​នេះ លោក ទិត្យ សែម បាន​សាង​ស្នាដៃ​ជា​ច្រើន​ធ្វើ​ឲ្យ​សិស្សានុសិស្ស​ដែល​បាន​សិក្សា​ជា​មួយ​លោក គោរព​ស្រលាញ់​ជា​ខ្លាំង។ ក្នុង​នោះ​ដែរ ក្រៅ​ពី​សម្ដែង​ក្នុង​ស្រុក លោក​​ធ្លាប់​បាន​ចេញ​សម្ដែង ជំនាញ​សិល្បៈ​របស់​លោក​នៅ​ក្រៅ​ប្រទេស​ជា​ច្រើន​ប្រទេស។ លោក បាន​ទទួលមរណភាព​កាល​ថ្ងៃ​ទី​23 ខែ​ឧសភា ឆ្នាំ 2020​ដោយ​​រោគាពាធ។ បុរស​ម្នាក់​ដែល គេ​ស្គាល់​ថា ជា​ចៅ​បង្កើត​របស់ លោក បាន​ងើប​ឡើង​រាំ ក្បាច់​យក្ស​នឹង​ក្បាច់​ស្វា ស្រប​​ពេល​ដែល​ភ្លេងពិណពាទ្យ​កំពុង​តែ​លេង​កំដររោង ដោយ​​ចៅ​ប្រុស​ម្នាក់​នោះ​កន្លង​មក មិន​ធ្លាប់​ចេះ​រាំ សូម្បី​តែ​បន្តិច។ ដំណើរ​នៃ​ការ​រាំ​​របស់​ចៅ​ប្រុស​ម្នាក់​នោះ ​​អ្នក​ដែល​ចូល​ក្នុង​ពិធី និយាយ​ថា មាន​លក្ខណៈ​​ដូច​នឹង​​លោកគ្រូ ទិត្យ សែម តែ​ម្ដង ហើយ​ម្នាក់​គិត​ថា វិញ្ញាណ​​​របស់​លោក​បាន​ចូល​សណ្ឋិត ។ ពេល​ឃើញ​សកម្មភាព​រាំ​​របស់ ចៅ​ប្រុស​ម្នាក់​នោះ ម្នាក់ៗ​បាន​ទាញ​ទូរស័ព្ទ​ថត ទាំង​ព្រឺ​សម្បុរ​គ្រប់ៗ​គ្នា៕

កញ្ញា ហ៊ិន លីដា អតីតបេក្ខភាពឆ្នើម Cambodian Idol រដូវកាលទី2 បានបង្ហើរសំនៀងបទថ្មីជាការចាប់ដៃគូជាមួយស្ថាបនិកគ្រួសារតារាកម្ពុជាក្នុងបទ «អំពើល្អ» ដែលជាការរួមចំណែកផ្សព្វផ្សាយអំពីការសាងកុសលបុណ្យ អំពើល្អនៅក្នុងសង្គមជាតិ។ បទថ្មីត្រូវបានតាក់តែងនិពន្ធ ទំនុកច្រៀង និងមេឡូឌីថ្មី ស្ថាបនិកគ្រួសារតារាកម្ពុជា។

កញ្ញា ហ៊ិន លីដា បានថ្លែងនូវអារម្មណ៌មោទនភាពផងដែរ បន្ទាប់ពីបទ«អំពើល្អ» ដែលនាងមានឱកាសធ្វើជាម្ចាស់បទ ទទួលបានការគាំទ្រខ្លាំង តាំងពីមានបង្ហោះជាទម្រង់ព័ត៌មាន។ កញ្ញា និយាយថាសប្បាយ ដែលបទចម្រៀងមានអ្នកចាប់អារម្មណ៏ ហើយនាងក៏ត្រៀមខ្លួនក្នុងការថតបំផុសដើម្បីឱ្យបទចម្រៀងនេះ ក្លាយជាស្នាដៃមួយជួយដល់សង្គមដោយមិនគិតកម្រៃផងដែរ។

សូមជម្រាបបន្ថែមថា បទចម្រៀងដែលមានអត្ថន័យចាក់ដោតនេះ គឺជាការនិពន្ធឡើងដើម្បីលើកទឹកចិត្តដល់រាល់អំពើល្អនៅក្នុងសង្គម និងដើម្បីបំផុសឱ្យកាន់តែមានអំពើល្អនៅក្នងបរិបទដែលមនុស្សដែលតែឱ្យតម្លៃលើសកម្មភាពចែករំលែកនាពេលនេះ។ បទចម្រៀងមួយបទនេះ ក៏គម្រោងផលិតជា MV ដោយឆ្លុះបញ្ចាំងពីទង្វើល្អច្រើនទម្រង់ ក្រោមការសហការផលិតពីក្រុមហ៊ុនផលិតស្ពតធំមួយ គឺ អំណាត មេឌា ផងដែរ។

ក្នុងនោះសូម្បីតែសិល្បករសិល្បការិនីនៅក្នុងរង្វង់សិល្បៈច្រើនរូប ក៏បានប្រកាសខ្លួនថានឹងចូលរួមសម្ដែងនៅក្នុងបទនេះ ដើម្បីធ្វើជាសារបំផុសពីអំពើល្អផងដែរ។ អ្វីដែលធ្វើអោយបទនិពន្ធថ្មីនេះ ចាប់អារម្មណ៏គឺទំនុកច្រៀងនិង សាច់ភ្លេង ដែលមានភាពរស់រវើក និងចាក់ដោតពីអំពើល្អនោះតែម្ដង។

ចង់ដឹងថា តើបទអំពើល្អ មានខ្លឹមសារល្អ និងពីរោះទាក់ចិត្តកម្រិតណាសូមរីករាយទស្សនា៖

ឆ្នាំ2020នេះ តារាកំប្លែងជើងចាស់ប្រចាំប្រទេសកម្ពុជា លោកតា សង់ ស៊ីស មានអាយុ 75ឆ្នាំទៅហើយ។ លោកតាមានជំងឺប្រចាំកាយលើសឈាម ត្រូវការព្យាបាលឱ្យបានដិតដល់ រហូតដល់ពេលខ្លះត្រូវបញ្ចូនទៅសង្គ្រោះបន្ទាន់នៅមន្ទីរពេទ្យជាប្រចាំខែទៀតផង។

តាមការបញ្ជាក់របស់កូនៗលោកតា បានឱ្យដឹងថា ស្ថានភាពជំងឺរបស់លោកតាកាន់តែធ្ងន់ធ្ងរពីមួយថ្ងៃទៅមួយថ្ងៃ។ សព្វថ្ងៃលោក មានកម្រិតឈាមឡើងខ្ពស់ រហូតដល់ធ្វើឱ្យទាញដៃទាញជើង វៀចមាត់ និងនិយាយលែងចេញក៏មានដែរ។ ជុំវិញ​ស្ថានភាព​ជំងឺ​នាយ​កំប្លែង​ជើង​ចាស់​នេះ វិវត្តន៍​បែប​ណា​នោះ អ្នក​នាង សុ​ន ស្រី​ពេជ្រ ដែល​ជា​កូន និង​ជា​តារាចម្រៀង​លេចធ្លោ បានឱ្យ​ដឹង​ថា ​ជំងឺ​លោកឪពុក​របស់​នាង មាន​ភាព​ប្រសើរ សុខភាព​ល្អ​ធម្មតា ប៉ុន្តែ​គាត់​វង្វេង​ច្រើន​ណាស់ ឧស្សាហ៍​ដើរទៅ​នេះ ទៅ​នោះ​បើ​មិន​តាម​មើល​គាត់​ឱ្យ​ល្អិតល្អន់​ទេ​នោះ គឺ​រក​គាត់​មិនឃើញ​នោះ​ទេ​។

អ្នក​នាង​បន្ត​ថា មាន​ពេល​មួយ​គាត់​ដើរ​ចេញពីផ្ទះ ដោយ​មិន​មាន​អ្នកដឹង ទៅ​ទើ​នៅ​ហាង​កាហ្វេ​មួយ​កន្លែង​ម្តុំ​ផ្ទះ គេ​ក៏​ឃាត់​គាត់​ទុក ដើម្បី​កុំឱ្យ​សាច់ញាតិ​តាម​រក​ឆ្ងាយ​។ គ្រានោះ​កូនចៅ​បាន​នាំ​គ្នា​ជិះ​ម៉ូតូ​រក​រូប​គាត់​ឡើង​បុក​ពោះ តែ​គេ​ស្គាល់​គាត់​ក៏​ឃាត់​គាត់​ទុក​មួយ​កន្លែង ។ យ៉ាងណា ឪពុក​នាង​នៅ​ប្រើ​ថ្នាំពេទ្យ​ម្តងម្កាល ដើម្បី​ជំនួយ​សុខភាព បើ​ការ​និយាយ​វិញ គាត់​និយាយ​ឡុ​ល​ៗ មិន​ច្បាស់​នោះ​ទេ​៕

មុននេះនៅលើបណ្ដាញសង្គមហ្វេសប៊ុក តារាស្រីល្បីចេះច្រើនជំនាញទាំងបុរាណ និងសម័យអ្នកនាង ខាត់ សុឃីម បានបង្ហោះរូបភាពមួយសន្លឹករួមកូនស្រីបណ្ដូលចិត្ត អមដោយសារទូន្មានកូនស្រីយ៉ាងមានអត្ថន័យចាក់ដោតខ្លាំងហាក់ចង់បង្ហាញពីអត្តចរិត និងភាពមិនស្មោះត្រង់ដែលមនុស្សមួយចំនួនក្នុងសង្គមបច្ចុប្បន្ន កំពុងប្រើប្រាស់ដើម្បីជាឈ្នាន់ សម្រេចភាពអាត្មានិយមរបស់ខ្លួន។

សំណេរខ្លីតែមានអត្ថន័យ សម្រាប់មនុស្សគ្រប់គ្នាស្វែងយល់ដឹងឱ្យច្បាស់នូវធាតុពិតនៃពពួកមនុស្សប្រើប្រាស់សម្ព័ន្ធភាពក្លែងក្លាយ កុហកបោកប្រាស់ដើម្បីផលប្រយោជន៍ផ្ទាល់ខ្លួន ត្រូវបានអ្នកនាង ខាត់ សុឃីម រៀបរាប់ដោយពាក្យពេជន៍ ប្រៀនប្រដៅកូនស្រីសំណព្វដូចនេះថា«ត្រូវចាំណាកូន ថាមនុស្សដែលយើងទុកចិត្តបំផុត ក៏ជាមនុស្សដែលគ្រោះថ្នាក់បំផុតសម្រាប់យើងដែរ»៕

ថ្មីៗនេះគេបានឃើញតារាចម្រៀង ម៉ុង ម៉ានិត បានប្រកាសនៅលើបណ្ដាញសង្គមហ្វេសប៊ុកថា លោកនឹងចូលខ្លួនធ្វើជាគ្រូបង្វឹកយ៉ាងស្វិតស្វាញ ដើម្បីស្វែងរកតារាចម្រៀងវ័យក្មេងជាច្រើនដួង តាមរយៈការប្រកួតប្រលងចម្រៀងក្នុងកម្មវិធី The Amazing Voice។ TheAmazingVoice ដែលជាកម្មវិធីប្រកួតប្រជែងជ្រើសរើសអ្នកចម្រៀង Cover ដ៏ថ្មីសន្លាងតែមួយគត់នៅក្នុងប្រទេសកម្ពុជា។

ម្ចាស់បទ «គ្មាននាងក៏ធុញ មាននាងក៏ធុញ » រូបនេះបានបង្ហើបថា ប្រសិនប អ្នកមានសំឡេងល្អ និងមានទេពកោសល្យផ្នែកចម្រៀង អ្នកមិនគួរខកខានឱកាសដ៏ពិសេសមួយនេះឡើយ។ក្ដីស្រមៃចង់ក្លាយជាអ្នកចម្រៀងម្នាក់ កំពុងតែរំកិលខ្លួនចូលកៀកអស់លោកអ្នកហើយជាមួយកម្មវិធី The Amazing Voice ដែលមានរូបលោកផ្ទាល់ជាគ្រូបង្វឹកនៅក្នុងកម្មវិធី ទាំងតិកនិកច្រៀង ការលើកដាក់សំឡេង ការផ្ទៀងផ្ទាល់ភ្លេង ទាំងការសម្រួលតន្ត្រីនិងបទចម្រៀង ដែលបទពិសោធល្អៗទាំងនេះត្រូវបានចែករំលែកដោយលោកផ្ទាល់ ក្នុងការចម្រាញ់រកបេក្ខភាពឆ្នើមក្នុងកម្មវិធី។

នេះ គឺជាក្ដីសង្ឃឹមថ្មី សម្រាប់អនាគតតារាចម្រៀងវ័យក្មេង ដែលមានសមត្ថភាព និងក្ដីស្រមៃ ប្រកបដោយទំនុកចិត្តខ្ពស់ មានឱកាសបង្ហាញទេពកោសល្យផ្នែកចម្រៀងរបស់ខ្លួន។ The Amazing Voice គឺជាកម្មវិធីប្រកួតចម្រៀងដ៏ថ្មីស្រឡាងមួយ ដែលផ្ដល់ឱកាសឱ្យអ្នកដែលមានទេពកោសល្យផ្នែកចម្រៀង បានបង្ហាញសមត្ថភាពដណ្ដើមយកជ័យលាភីជាទឹកប្រាក់ 5000 ដុល្លារ។ បើចាប់អារម្មណ៍ សូមចាប់ផ្តើមធ្វើ Video ចាប់ពីពេលនេះតទៅរហូតដល់ថ្ងៃទី 5 ខែ មិថុនា ឆ្នាំ 2020 ព័ត៌មានបន្ថែមយើងនិងធ្វើការ Live ក្នុង page ផ្លូវការនៅម៉ោង 6យប់នេះ ។

នៅលើបណ្ដាញសង្គមហ្វេសប៊ុកប៉ុន្មានម៉ោងនេះ ស្វាមីតារាចម្រៀង ពេជ្រ សូលីកា បានបង្ហោះវីដេអូថ្មីមួយទៀត បង្ហាញពីមុខមាត់កូនប្រុសដ៏ឃ្យូដគួរឱ្យស្រឡាញ់។ អ្នកនាង ពេជ្រ សូលីកា សម្រាលបានកូនប្រុសមាន ឈ្មោះ ហង្ស អ៊ារី វ៉េនស្ដេ កើតនៅថ្ងៃទី 16 ខែឧសភា ឆ្នាំ2020 វេលាម៉ោង 7 និង30នាទី ព្រឹក មានទម្ងន់ 2.9 គីឡូ ហើយអ្នកគាំទ្រក្នុងបណ្តាញសង្គមហ្វេសប៊ុក ភាគច្រើនថា កូនប្រុស តារាចម្រៀងរូបនេះ មានមុខមាត់ដូច អ្នកនាង សូលីកា គួរឱ្យខ្នាញ់។

ថ្មីៗនេះស្វាមី ពេជ្រ សូលីកា បានបញ្ចេញវីដេអូពេញមួយទៀត ដែលបានបង្ហាញពីសកម្មភាពមុនពេលសម្រាល រហូតដល់សម្រាលរួច។ ក្នុងនោះផងដែរ មហាជនជាច្រើនមានការចាប់អារម្មណ៍ជាខ្លាំង ដែលលោក Han Khim មានការយកចិត្តទុកដាក់ ថែទាំ ប្រពន្ធកូនខ្លួន បានយ៉ាងល្អ ប្រកបដោយភាពស្និតស្នាល មើលទៅពិតជាមានសុភមង្គលខ្លាំងណាស់។

តោះកុំឱ្យខាតពេលយូរ សូមទស្សនាវីដេអូខាងក្រោមនេះ ៖

https://youtu.be/D44lyqPS4hk

កាលពីប៉ុន្មានថ្ងៃកន្លងទៅនេះ កំពូលតារាចម្រៀងជើងចាស់ អ្នកនាង ម៉េង កែវពេជ្ជតា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បានឡាយវីដេអូហែកហួរប្រធានសមាគមន៍សិល្បៈខ្មែរ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​អ្នកនាងច​ន ច័ន្ទ​លក្ខិណា ឱ្យមហាជនជួយគិតពិចារណា ចំពោះសេចក្ដីអន់ចិត្តអ្នកនាងចំពោះប្រធានសមាគមន៍។ កន្លងមកអ្នកទាំងពីរត្រូវបានគេដឹងថា កំពុងតែមានជម្លោះកើនកម្ដៅខ្លាំង ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​រហូតដល់អ្នកនាង ម៉េង កែវពេជ្ជតា​​​ ​​​​​​​​​​​​​​​​​​​​​​​​​​​​​​​​​​​បានចេញវីដេអូនិយាយចរិតប្រធានសមាគមន៍សិល្បៈរូបនេះដដែរ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។​​​​​​​​​​​​​​​​​​​​​​​​​​​

នៅក្នុងវីដេអូដែលត្រូវបានកាត់មកបង្ហោះនៅលើហ្វេសប៊ុក គេឃើញថា អ្នកនាង ម៉េង កែវពេជ្ជតា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បានចេញ​វីដេអូ​និយាយ​ខ្ទេច​ដើម្បីឱ្យបងប្អូន​គាំទ្រ ក៏ដូចជាមហាជន​បានដឹងថា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​តើ​ចរិត​ពិត​របស់​ប្រធាន​សិល្បៈ​រូបនេះ​របៀប​ម៉េច​…!ហើយថា ច​ន ច័ន្ទ​លក្ខិណា ​​​​​​​​​​​​​​​​​​​​​​​​​​​​​​​​​​​​​​​​​​​​​​សម្តែង​ឱ្យតែល្អមើល​ធ្វើជា​ត្រូវរ៉ូវ​គ្នា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​នៅ​ចំពោះមុខ​មហាជន​ប៉ុណ្ណោះ ប៉ុន្តែធាតុពិត​គឺ​បន្លំ​ខ្លួន​ធ្វើជា​សត្រូវ​ពី​ខាងក្រោយ​ខ្នង​របស់ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។ នាងម៉េង កែវ ពេជ្ជតា បាននិយាយរៀបរាប់ដង្ហើយហៅឱ្យអ្នកនាង ច​ន ច័ន្ទ​លក្ខិណា ចេញមុខមកតតាំងជាមួយគ្នា ដោយកុំសម្ងំ។

ជាក់ស្ដែងថ្មីៗនេះ ក្រោយកើតហេតុការចាប់ឃាត់ខ្លួនតារាកំប្លែងអ្នកនាង ខ្មឹប ស្រាប់តែគេឃើញអ្នកនាង ច​ន ច័ន្ទ​លក្ខិណា ហាក់បីដូចជាបង្ហើបអ្នកនាងកាន់ អ្នកនាង ម៉េង កែវពេជ្ជតា ថា ៖ «គាត់ដើរផ្លូវខុសហើយធ្វើឱ្យគេមើលងាយដល់អ្នកសិល្បៈដែលត្រឹមត្រូវមួយចំនួននិងមានអ្នកចោទមកប្រធានសមាគមទៀតហើយ គិតទៅខ្ញុំចាំតែខុសទេ សុំលុយគេមកជួយអ្នកសិល្បៈក្រីក្រឈឺក៏ខុស អ្នកណាធ្វើរឿងប៉ះពាល់ដល់សង្គមក៏ថាខ្ញុំខុស អ្នកណាសិចស៊ីបង្អួតសម្រស់ក៏ថាខ្ញុំខុស ចោទថាក្រុមខ្ញុំ បក្សពួកខ្ញុំ ខ្ញុំរកស៊ីលក់ឡេ លក់ផលិតផលក៏វាយតំលៃខ្ញុំ បើខ្ញុំមិនប្រឹងរកស៊ីក្រៅការងារសមាគមតើខ្ញុំបានលុយឯណាចិញ្ចឹមខ្លួនឯង និង កូន តើប្រធានសមាគមមានប្រាក់ខែឬអត់ ? ហើយខ្ញុំក៏ត្រូវប្រឹងរកលុយដើម្បីសងគុណឪពុកម្តាយខ្ញុំ និង ជួយរៀបអនាគតប្អូនៗខ្ញុំ ខ្ញុំមិនមែនស្រីរកស៊ីផ្លូវភេទ ឬ ជាស្រីលក់ខ្លួនទេ ហើយក៏គ្មានអ្នកមានណាចិញ្ចឹមខ្ញុំដែរ ។

តើមុខរបរថតកុនថតភាពយន្តបានលុយប៉ុន្មាន ? ហើយថតមួយរឿងៗប៉ុន្មានខែប៉ុន្មានឆ្នាំបានចប់ ? អ្នកសម្តែងកុនល្បីមិនដូចអ្នកចំរៀងល្បីៗច្រៀងម្តងៗបានរាប់ពាន់ដុល្លារឯណា ខ្ញុំថតកុនមួយរឿងបានកំរៃស្មើរអ្នកច្រៀង 3 ម៉ោង គិតទៅតួនាទីនេះគឺធ្វើអ្វីគឺចាំតែខុស ។ ខ្ញុំទ្រាំឱ្យគេវាយប្រហារតែប៉ុន្មានខែទៀតទេ ជិតដល់អាណត្តិដូរតំណែងហើយ ខ្ញុំឆ្អែតចិត្តជាមួយអ្នកពេកហើយ អ្នកតាមដានសកម្មភាពខ្ញុំជាងអ្វីៗទាំងអស់ សូម្បីសកម្មភាពអ្នកដទៃក៏អ្នកយកបូកដល់ខ្ញុំដែរ អ្នកមិនព្រលែងជីវិតខ្ញុំសោះទាំងខ្ញុំចុះចាញ់ ហើយលែងតបតអ្នក និង មិននិយាយអ្វីដែលប៉ះពាល់អ្នកទៀតទេ ហើយខ្ញុំតែងព្យាយាមដើរចេញពីកម្មវិធីណាដែលមានអ្នក សូម្បីតែកម្មវិធីតូចធំកន្លងមកបើខ្ញុំដឹងថាមានវត្តមានអ្នកគឺខ្ញុំតែងបដិសេធមិនចូលរួម តែអ្នកហាក់មិនលែង»៕