Author: អេបិល

បវរកញ្ញាចក្រវាឡឆ្នាំ២០១៨ មានសម្រស់ស្អាត និងល្បីមានដំណើរស្អាតគឺ កញ្ញា រឿន ណាត ដែលខណៈថ្មីៗនេះ គេបានឃើញកញ្ញាបង្ហាញវត្តមាននៅវិស័យភាពយន្ដយ៉ាងមាញឹកតែម្ដង។ តារាស្រីរូបនេះ ត្រូវបានក្លាយជាមួយភាពយន្ដភាគបន្ដបន្ទាប់របស់ផលិតកម្មក្នុងស្រុក។

អ្វីដែលភ្ញាក់ផ្អើលខ្លាំងនាពេលនេះ ស្រាប់តែគេឃើញកញ្ញាបង្ហោះថា ចង់រៀបការ ខណៈដែលសាមីខ្លួនសព្វថ្ងៃក៏ពុំទាន់មានអ្នកចូលចែវចូវនៅឡើយទេ។ រឿន ណាត បានរៀបរាប់ថា «ខ្ញុំឃើញគេរៀបកាចិត្តចង់តែរៀបកាដែរ Congratulations jj @lim_sangly_official»។ ការបង្ហោះនេះបានធ្វើឱ្យមហាជនអ្នកគាំទ្រកំពុងសង្ស័យថា កញ្ញាចង់រៀបការមែន ឬគ្រាន់តែបង្ហោះលេងសើចតែប៉ុណ្ណោះ។

តែយ៉ាងណាមិញ កញ្ញា រឿន ណាត បានបង្ហោះរូបភាពនិង Caption បែបទាក់ទាញនេះ បន្ទាប់ពីបានចូលរួមពិធីមង្គលការមួយផងដែរ។ គេនៅមិនទាន់ច្បាស់ថា កញ្ញាសព្វថ្ងៃកំពុងតែមើលចិត្តជាមួយតួប្រុសណាមួយក្នុងដួងចិត្តនៅឡើយទេ បន្ទាប់ពីបានបែកបាក់ទំនាក់ទំនងស្នេហាចាស់អស់រយៈជាង១ឆ្នាំមកហើយ៕

តារាសម្ដែងវ័យក្មេងកំពុងតែទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រនាពេលថ្មីៗនេះ គឺកញ្ញា យ៉ា សុផាម៉ៃ ។ កញ្ញាបានប្រឡូកគ្រប់រសជាតិគ្រប់ឈុតឆាកដែលតម្រូវឲ្យកញ្ញាដើរតួសម្តែង ដែលមានចរិតជាតួក្មេង តួមនុស្សចាស់ទុំ និងតួអង្គវិកលចរិត។ ថ្មីៗនេះ កញ្ញាក៏ក្ដោបបានតំណែងតួស្រីក្នុងរឿង «រសជាតិអ្នកមាន» វគ្គ២។

តារាស្រីរូបនេះ បានបញ្ជាក់ថា វាពិតជាមិនងាយស្រួលក្នុងការសម្ដែងតួច្រើនក្នុងរូបរាងតែមួយ អាចពិបាកទៅលើការផ្លាស់ប្តូរចរិតតួអង្គពីមួយទៅមួយ។ កញ្ញាថា កញ្ញានឹងខិតខំព្យាយាម ហើយប្រមូលបទពិសោធន៍សម្ដែងដែលខ្លួនមានបញ្ចេញមកឱ្យអស់។ ឲកញ្ញាបានលើកឡើងទៀតថា តួឯកស្រីរឿង «រសជាតិអ្នកមាន» វគ្គ២នេះ ត្រូវមានការតាំងចិត្តខ្ពស់ ប្រឹងប្រែង ដាក់អារម្មណ៍ឲ្យចូលទៅក្នុងសាច់រឿងដូចជាពិតៗតែម្តង។

កញ្ញា សុផាន់ម៉ៃ បានបន្តទៀតថា មានឈុតខ្លះ កញ្ញាមានការខ្មាសអៀនខ្លះៗដែរ និងដូចជារឹងៗខ្លួន ដូចជាពេលត្រូវចំឈុតមានតួអង្គផ្សេងមកចាប់បង្ខំលើរូបរាងកាយ ហើយមានឈុតខ្លះ ត្រូវតួអង្គបងប្រុស វាយធ្វើបាប និងមួយវិញទៀត ធ្វើជាតួអង្គ មនុស្សវិកលចរិត។ វាជាការលំបាកមួយដែរ សម្រាប់កញ្ញា ក្នុងការសម្តែងមួយសាច់រឿងនេះ ប៉ុន្តែទោះជាយ៉ាងណាក្តី កញ្ញា ក៏បានបញ្ជាក់ដែរថា វាគឺជាបទពិសោធន៍ និងចំណេះដឹងបន្ថែម ដែលផ្តល់ឱ្យកញ្ញា បានយល់ដឹងកាន់តែច្បាស់ពីសង្គម ពីមនុស្ស គួរធ្វើអ្វីដើម្បីឲ្យជីវិតមានក្តីសុខ។ សិល្បៈនៃការសម្តែង បានបង្រៀនឲ្យកញ្ញា ដូចជាមេរៀនមួយ ដែលអប់រំផ្លូវចិត្តកុំឱ្យមានភាពលោភលន់ និងអ្វីហៅថា ភាពរឹងមាំ និងការទទួលខុសត្រូវដោយខ្លួនឯង៕

ទំនាក់ទំនងរវាងពិធីការិនីសាច់សម៉ដ្ឋខ្ចី ហ៊ិន ចាន់និរ័ត្ន និងតារាចម្រៀងប្រុស Original Song ចេន បានកំពុងធ្វើឱ្យមហាជនផ្ទុះការសង្ស័យពីថ្ងៃទៅមួយថ្ងៃ។ យ៉ាងណាមិញ ទន្ទឹងមានការចាប់អារម្មណ៍បែបនេះ ពិធីការិនីស្រីរូបនេះ កាន់តែបង្ហោះសារប្លែកៗ ដែលធ្វើឱ្យគ្រប់គ្នាចាប់អារម្មណ៍ពីទំនាក់ទំនងរបស់កញ្ញាកាន់តែខ្លាំងថែមទៀត។

ថ្មីៗនេះ កញ្ញា ហ៊ិន ចាន់និរ័ត្ន បានបង្ហោះសារថា «តាមបេះដូង រឺតាមខួរក្បាល?»។ មួយឃ្លានេះ រឹតតែធ្វើឱ្យអ្នកគាំទ្រចង់ដឹងពីចម្លើយពិតរបស់កញ្ញា ឬមួយក៏ជិតមានដំណឹងល្អហើយមែនទេ។ មានអ្នកលេងបណ្ដាញសង្គមហ្វេសប៊ុកជាច្រើនចូលទៅខំមិនរូបរបស់កញ្ញាថា «តាមបងចេន» អ្នកផ្សេងទៀតនិយាយថា «បើមិនចង់ឈឺចាប់ខ្លាំងនោះទេទាំងពីរនឹងមិនអាចខ្វះមួយណាបានឡើង បេះដូងនីរ័ត្នជាទាមទារនៃក្តីស្រលាញ់ ចំនែកខួរក្បាលនីរ័ត្ន​ ជាអ្នកថ្លឹងថ្លែងភាពវិជ្ជមាននិងភាពអវិជ្ជមាន»។ នៅមានអ្នកផ្សេងទៀតនិយាយបែបនេះ «ព្រោះខួរក្បាលមិនល្អ ទើបតាមបេះដូង»។

យ៉ាងណាមិញ អ្នកលេងបណ្ដាញសង្គមហ្វេសប៊ុក ក៏ដូចជាអ្នកគាំទ្រជាច្រើន ហាក់បីដូចជាចង់ឱ្យទំនាក់ទំនងរវាង ហ៊ិន ចាន់និរ័ត្ន និងតារាចម្រៀងប្រុស Original Song ចេន ក្លាយជាទំនាក់ទំនងស្នេហាពិតប្រាកដ។ តែមកទល់ពេលនេះ តារាស្រីរូបនេះ នៅមិនទាន់មានការបង្ហើបឱ្យច្បាស់ពីទំនាក់ទំនងរបស់ខ្លួននោះទេ។

តារាសម្ដែងស្រី ដួង មានិច ត្រូវបានមហាជនចាប់អារម្មណ៍ចំពោះរូបភាពថ្មី ៣ សន្លឹកនឹងសារទាក់ទាញយ៉ាងខ្លាំងនៅលើបណ្ដាញសង្គមហ្វេសប៊ុក។ ម្ដងនេះកញ្ញាមិនបានបង្ហោះរូបភាពស្និតស្នាលកៀកកើយជាមួយ លោក បុត្រ នោះទេ តែជាតួប្រុសវ័យក្មេង និងជា Vlogger ថែមទៀត មានឈ្មោះ PuthyChhat VanLy។

តារាស្រីល្បីឈ្មោះរូបនេះ បានបង្ហោះសារថា « ច្នៃខ្លួនឯងអោយមានតម្លៃ ទើបអ្នកដ៏ទៃត្រូវការយើង។ បើនៅតែបន្តការអភិវឌ្ឍន៍ខ្លួនឯង ភាពជោគជ័យដែលវាកំពុងរត់មករកយើងនោះវាក៏នៅតែបន្តរត់មករកយើងដូចគ្នា PuthyChhat VanLy»។ សារនេះគេមិនបានដឹងប្រាកដថា កញ្ញាកំពុងលើកទឹកចិត្តដល់ដៃគូក្នុងរូបភាព ឬយ៉ាងណានោះទេ។

បន្ទាប់គេឃើញតារាស្រីរូបនេះ បង្ហោះរូបភាពជាមួយតួប្រុសថ្មីហើយនោះ អ្នកគាំទ្រគ្រប់គ្នា ក៏តាម Comment រូបកញ្ញានិង លោក បុត្រ នៅពីក្រោមរូបភាពនោះថែមទៀត៕

រាជិនីសំឡេងធម្មជាតិ មាស សុខសោភា បានទម្លាយរូបភាពជាច្រើនសន្លឹក ដែលឃើញពីសកម្មភាពថត MV និង Short Film បទ«ត្រឡប់» ជាបទដំបូងនៅក្នុងផលិតកម្មរាម។

តាមរយៈ MV បានបញ្ចាំងឱ្យឃើញសាច់រឿងយ៉ាងកម្សត់រវាងស្នេហាប្រុសស្រីមួយគូ ដែលមានក្ដីស្រឡាញ់ស្មោះនឹងគ្នា។ ក៏ប៉ុន្ដែអ្វីគ្រប់យ៉ាងហាក់បីដូចជាក្ដីស្រម៉ៃ ដែលធ្វើឱ្យមនុស្សស្រីម្នាក់ត្រូវរងចាំការត្រឡប់មកវិញរបស់គូស្នេហ៍ ដើម្បីបន្ដក្ដីសន្យាម្ដងទៀត ដែលថាស្រឡាញ់គ្នាមិនលែងដៃ។

សាច់រឿងមើលទៅកម្សត់ តែសកម្មភាពក្រៅឆាកថតសម្ដែងវិញ ម្នាក់ផ្ទុះសំណើចមិនបាត់ឡើយ។ ចង់ដឹងថា សកម្មភាពបែបណាខ្លះ ទស្សនារូបភាពខាងក្រោមនេះ៖

នៅពេលថ្មីៗនេះ គេកត់សម្គាល់ឃើញមានសកម្មភាពវាយប្រហាមកលើលោកស្រី ស៊ុន្ទរី នួន ជាអគ្គនាយិកាផលិតកម្មរាម និងក្រុមហ៊ុនសម្រស់ធម្មជាតិ តាមវិធីផ្សេងៗនៅលើបណ្ដាញសង្គមហ្វេសប៊ុក។ ជាពិសេស គេបានឃើញម្ដាយធម៌លោកស្រី ដែលជាតារាសម្ដែងជើងចាស់ លោកស្រី ញឹម សុខា ក៏បញ្ចេញវីដេអូបកស្រាយពីការរងគ្រោះព្រោះម្ដាយធម៌ ដែលហាក់ដូចជា បានវាយបកមកកាន់លោកស្រី ស៊ុន្ទរី នួន ដែលជាកូនធម៌។ ដូច្នោះហើយទើបគេសង្ស័យថា តើមានរឿងអ្វីកើតឡើងឱ្យពិតប្រាកដ។ រហូតមកទល់ពីនេះ នៅមិនទាន់មានការបកស្រាយណាមួយជាផ្លូវការចេញពីម្ចាស់ផលិតកម្មរាម។

តែយ៉ាងណាមិញ គេបានឃើញមួយដែលបង្ហោះដោយលោក ផាត់ តារារដ្ឋ ជាស្ថាបនិកគ្រួសារតារាកម្ពុជា បានចេញមុខឈឺឆ្អាលជំនួសលោកស្រីនាយិកាម្ចាស់ផលិតកម្មរាម ប្រាប់ដល់អ្នកកំពុងតាមហែកហួរឱ្យដឹងខ្លួន។ លោកបានរៀបរាប់ថា «មួយរយៈនេះ ឃើញគេហែកហួរគាត់ច្រើនមែនទែន រឿងគាត់ជួយគេមិនដូចសន្យា ខ្ញុំសួរត្រលប់ទៅវិញ តើគាត់នឹងអ្នកដែលរិះគន់គាត់ ថាគាត់មិនបានជួយតាមសន្យាហ្នឹង ត្រូវជាសាច់ញាតិអ្វីនឹងគ្នា ជាបងប្អូនទេ ជាអ្នកដែលធ្លាប់ជំពាក់គុណស្រ័យទេ។ សម្រាប់ខ្ញុំគាត់គ្រាន់តែជួយមួយគ្រា ឬ ផ្ដល់ពាក្យសម្ដីមួយលើកទឹកចិត្ត ជាការអាណិតអាសូរ ក្នុងពេលដែលគាត់រវល់១០០មុខបែបហ្នឹង គឺជាទឹកចិត្តមួយរបស់គាត់ហើយ តើរឿងអីត្រូវដាក់បន្ទុកលើគាត់ថា មិចមិនជួយបែបនេះ មិនជួយបែបនោះបន្ថែម មិចទុកអោយអ្នកនេះអ្នកនោះដាច់ពោះ សាកត្រលប់សួរទៅកាន់កូនចៅខ្លួនឯងទៅមើល ថាយើងជាសាច់ជាឈាម ធ្លាប់មានគុណលើពួកគាត់ផង មិចក៏មិនដឹងគុណយើង មិចទុកអោយយើងវេទនា មិចទុកអោយយើងទៅលើកដៃសំពះសុំលុយគេរស់ទៅកើត។ ចុះត្រឹមគាត់គ្រាន់តែជាអ្នកឃើញហើយអាណិត និង សន្យា តើវាចាំបាច់ទេ ដែលគាត់ត្រូវអ្នកនឹងជេថាមិនជួយដូចចិត្ត។ ក្នុងនាមខ្ញុំ ដែលធ្លាប់ឈឺឆ្អាលគេ ហើយរមែងទទួលបាបបែបហ្នឹង ខ្ញុំយល់អារម្មណ៍មួយនឹង យល់អាស្ថានភាព ដែលជួយគេមិនដូចបំណងហើយ ត្រូវអ្នកគាំទ្រគេ ឬ បុគ្គលគេខ្លួនឯង ដើរសម្អុយ និង ព្រួតគ្នាហែកហួរ»។

លោកបន្ដថា «សួរថា ទង្វើនេះត្រូវទេ ដែលគេមានចិត្តមកលើយើងហើយ តែយើងបែរជាអោយទោសគេ ទាំងមិនខ្មាស់ ទាំងមិនមើលថា ខ្លួនឯងធ្លាប់មានគុណស្រ័យអីនឹងអ្នកដែលសន្យានឹង សួរថាយើងនឹងគេ ជាអ្នកណា។ ដោយសារតែមានគំរូបែបនេះ ទើបអ្នកខ្លះលែងចង់ធ្វើបុណ្យ រួមទាំងខ្ញុំផង ក៏លែងចង់ធ្វើបុណ្យនឹងមនុស្ស ព្រោះជួបរឿងទោសច្រើនជាងគុណចឹង ខ្ញុំនៅតែប្រើពាក្យថា ទើសភ្នែក ហើយបើទើសខ្លាំងពេក ខ្ញុំអាចនឹងចេញមុខវែកញែក អោយគេយល់ខ្លះ ថាតើអ្នកធ្វើបុណ្យត្រូវគេអោយទោសបែបនឹង ជារឿងសមហេតុផលឬទេ គេជួយបានត្រឹមណា អរគុណគេត្រឹមហ្នឹងទៅ អ្វីៗវាមាននិស្ស័យរបស់វា គ្នានអ្នកណាគេមកជួយយើងបាន១០០ជំពូកទេ ធម្មតាគេជួយយើងបានតែមួយដំណើរៗនឹងឯង អរគុណការលះបង់គេទៅ ទោះត្រឹមតែជាពាក្យសម្ដីក៏ដោយ កុំផ្ដេកផ្ដួលលើគេ គ្មានអ្វីមានតម្លៃជាងប្រឹងខ្លួនឯងទេ ចាំបាច់អីទៅអោយទោសគេ ពេលគេមិនជួយអ្នកណាម្នាក់ដូចបំណង រឿងគេមិនជួយជានិស្ស័យបុណ្យគេតើ គេត្រឹមជាអ្នកដទៃនឹងយើងគេធ្វើបុិនណាអរគុណគេបុិននឹងទៅ កុំចឹង ទើសភ្នែកណាស់»។

កាលពីពេលថ្មីៗនេះ នៅលើបណ្តាញសង្គមហ្វេសប៊ុកបានធ្វើការចែករំលែក នៅជីវិតដ៏លំបាករបស់ តារាសម្តែងជើងចាស់ អ្នកគ្រូ ញឹម សុខា ដែលមានជីវភាពក្រលំបាក និងមានជំងឺ គ្មានប្រាក់ដើម្បីព្យាបាល រហូត ដើរលាងចានតាមផ្ទះឲ្យគ្រាន់បានប្រាក់ខ្លះទិញម្ហូបអាហារ និងទិញថ្នាំពិសារ។ ខណៈភ្លាមៗនេះ តារាសម្ដែងជើងចាស់រូបនេះ ក៏ទទួលបានការឧបត្ថម្ភប្រាក់ពីលោកស្រី ទ្រី ដាណា ដែលគេស្គាល់ថាជាអ្នកជំនួញល្បីនៅលើអនឡាញន៍។

អ្វីដែលចាប់អារម្មណ៍នៅពេលនេះ គឺលោកស្រី ញឹម សុខា ត្រូវបានទម្លាយថា កំពុងរងគ្រោះព្រោះពាក្យម្ដាយធម៌ បើតាមការបង្ហោះរបស់លោក អឹម ជីវ៉ា បានសរសេររៀបរាប់ថា « តើពិតទេ ម្តាយធម៌ ស្រីអូនសម្រស់ធម្មជាតិ យំចេញមុខបកស្រាយថា តាំងពីក្លាយជាម្តាយធម៌មក គាត់ដាច់បាយ..! ហើយគ្មានលុយឡើយ.. ! ការបកស្រាយបែបនេះបន្ទាប់ពីតារាជើងចាស់រូបនេះបានធ្វើដំណើមកជួបខ្ញុំបាទអុឹមជីវ៉ា និងសូមសំណូមពអោយខ្ញុំបាទជួយផ្សាយអោយ ដើម្បីកុំអោយមហាជនមួយចំនួន និងអ្នកសិល្បៈខ្លះថា តារាជើងចាស់រូបនេះតាំងពីបានកូនធម៌ជាសេដ្ឋីមក មានលុយច្រើន មានផ្ទះ នៅ មានប្រាក់ខែរាប់ពាន់ដុល្លារ តែធាតុ ពិត គឺមិនដូចពាក្យនិយាយឡើយ ។ សូមស្តាប់ការបកស្រាយរបស់តារសម្តែងជើងចាស់ អ្នកមីង ញឹម សុខា នៅក្នុងនាទី ជីវិតសិល្បករកម្ពុជា នៅលើផេកសិល្បករកម្ពុជា នៅវេលារម៉ោង៦ល្ងាចនេះ »។

គួរឱ្យដឹងដែរថា លោក ញឹម សុខា បានយំនិងនិយាយក្នុងវីដេអូថា លោកស្រីមានឈ្មោះតែជាម្ដាយធម៌ទេកាលគ្រាកន្លងមក តែមិនដែលបានទទួលការទំនុកបម្រុងពីខាងកូនចិញ្ចឹមបានទៀងទាត់នោះទេ។ ជាក់ច្បាស់ទស្សនាវីដេអូខាងក្រោមនេះ ៖

នៅថ្ងៃទី១៩ ខែកុម្ភៈ ឆ្នាំ២០២១ ផលិតកម្មរាម បានរៀបចំពិធីបើកសម្ពោធជាផ្លូវការ និងបង្ហាញវត្តមានរបស់អ្នកនាង មាស សុខសោភា ជាតារាចម្រៀងស្រីប្រចាំផលិតកម្ម និងទទួលងារជារាជិនីសំឡេងធម្មជាតិ។

អ្វីដែលភ្ញាក់ផ្អើលខ្លាំងបំផុត នាពិធីនោះដូចគ្នា ផលិតកម្មរាម ក៏បានបញ្ចេញមុខតារាចម្រៀងប្រុសដែលពោរពេញដោយសមត្ថភាព និងទេពកោសល្យសិល្បៈនោះគឺ លោក ដួង វិរៈសិទ្ធ ដែលជាអតីតម្ចាស់ពាន I Am Singer Cambodia រដូវកាលទី១។

បន្ទាប់ពីឃើញការដើរចេញពីផលិតកម្មធំហង្សមាស ហើយហក់ចូលចុះកុងត្រាជាមួយផលិតកម្មរាម លោក វិរៈសិទ្ធ បានអះអាងហេតុផល២យ៉ាងថា « ខ្ញុំចុះកុងត្រាជាមួយផលិតកម្មរាម ដោយសារតែ ចុះកុងត្រាជាតារាចម្រៀង និងជាអ្នកនិពន្ធបទភ្លេងប្រចាំផលិតកម្ម។ ខ្ញុំចង់លើកស្ទួយផ្នែកសិល្បៈក្នុងផលិតកម្មរាម»៕

នៅថ្ងៃទី១៤ ខែកុម្ភៈ ដែលចំទិវារនៃក្ដីស្រឡាញ់ គេសង្កេតឃើញមានតារាសិល្បៈជាច្រើនដួង បានបង្ហោះសារបង្ហាញក្ដីស្រឡាញ់ចំពោះក្រុមគ្រួសារ និងអ្នកគាំទ្ររបស់ខ្លួន។ នៅក្នុងដែរ ខុសពីតារាសិល្បៈដទៃ ដែលមានបង្ហោះដូចជា បាច់ផ្កា និងកាដូធំៗពីមនុស្សពិសេស កញ្ញា រឿន ណាត បវរកញ្ញាចក្រវាឡ២០១៨ បានបង្ហោះរូបភាពសាងបុណ្យកុសលទៅវិញ។

កញ្ញាបានបង្ហោះថា «រីករាយថ្ងៃទិវានៃក្តីស្រឡាញ់♥️ជួនបុណ្យដល់អ្នកទាំងអស់គ្នាផងណា»។ បន្ដមកទៀតកញ្ញា ក៏បានបង្ហោះថា «ខ្ញុំសូមអគុណទឹកចិត្ត បងប្អូន ញាត្តិមិត្ត ដែលបានចូលរួមពិធីបុណ្យ បច្ចយ័បួនលោកយាយខ្ញុំ និងអ្នកដែលបានផ្ញើបច្ចយ័ចូលបុណ្យទាំងអស់ សូមជូនបុណ្យដល់អ្នកទាំងអស់គ្នាផងណា»។

ការពិតទៅ បវរកញ្ញាចក្រវាឡ២០១៨រូបនេះ បានធ្វើបុណ្យបច្ច័យបួនជូនជីដូននៅឃុំព្រែករំដេង ស្រុកស្រីសន្ធរ ខេត្តកំពង់ចាម ចំថ្ងៃ១៤ ខែកុម្ភៈជាទិវារនៃក្ដីស្រឡាញ់ ហើយកញ្ញាក៏បង្ហោះជូនបុណ្យកុសលដល់អ្នកគាំទ្រថែមទៀត៕