Author: អេបិល

ការស៊ើបអង្កេតត្រូវបានធ្វើឡើង ក្រោយកីឡាការិនីអាមេរិក ទាត់កីឡាការិនីកូរ៉េខាងត្បូង
អង្គភាពគ្រប់គ្រងកីឡាជិះស្គីនឹងត្រូវធ្វើការស៊ើបអង្កេតទៅលើការចោទប្រកាន់ផ្សេងៗថា កីឡាការិនីអាមេរិក Mariah Bell បានធ្វើឱ្យកីឡាការិនីកូរ៉េខាងត្បូង Lim Eun-soo រងរបួសដោយចេតនា អំឡុងពេលនៃការកម្តៅសាច់ដុំក្នុងព្រឹត្តិការណ៍ប្រកួតដណ្ដើមជើងឯកពិភពលោកនៅក្នុងប្រទេសជប៉ុន។
មន្ត្រីកីឡាកូរ៉េខាងត្បូង បានបញ្ជាក់ប្រាប់កាលពីថ្ងៃព្រហស្បតិ៍ថា ពួកគេបានដាក់ពាក្យបណ្តឹងជាផ្លូវការមួយ ក្រោយពីហេតុការណ៍នេះកើតឡើង ខណៈដែលភ្នាក់ងារចាត់ការទូទៅរបស់ Lim បានចោទប្រកាន់ថា Bell បានទាត់កីឡាការិនី(Lim)របស់ពួកគេ ដែលបណ្ដាលឱ្យនាងដាច់រលាត់ជើង ក្នុងពេលកម្តៅសាច់ដុំសម្រាប់កម្មវិធីប្រកួតលើវិញ្ញាសានារី កាលពីរាត្រីថ្ងៃពុធ។
មន្ត្រីកីឡាទាំងនោះបានបដិសេធក្នុងការបញ្ជាក់ពីសកម្មភាពក្នុងករណីនោះ ស្របពេលដែលសហព័ន្ធកីឡាជិះស្គីអន្តរជាតិហៅកាត់ថា ISU អាចនឹងចាត់វិធានការ ប៉ុន្តែបានទទួលស្គាល់ថា វាពិតជាលំបាកណាស់ក្នុងការបង្ហាញថា Bell មានបំណងធ្វើបែបនោះ។
ក្នុងពេលបន្ថែមថា ឪពុកម្តាយរបស់ Lim ក៏បានគិតថា ការប៉ះទង្គិចនេះគឺជារឿងចេតនាដែរនោះ មន្ត្រីម្នាក់របស់សហព័ន្ធកីឡាជិះស្គីរបស់កូរ៉េខាងត្បូងបានឱ្យដឹងថា៖ «ក្នុងដំណាក់កាលនេះ យើងមិនអាចសរុបបានថា Bell បានបង្កឱ្យ Lim មានរបួសដោយចេតនាឡើយ វាពិតជាលំបាកណាស់ក្នុងការប្រាប់ដោយគ្រាន់តែមើលរូបភាពវីដេអូលើករណីនេះ»។
កីឡាការិនី Lim វ័យ 16ឆ្នាំ ដែលកំពុងតែប្រកួតក្នុងព្រឹត្តិការណ៍ជើងឯកជិះស្គីពិភពលោកជាលើកទី1 របស់នាងបានរុំជើងការពារ នៅមុនពេលរកបាន 72.91ពិន្ទុ ដើម្បីបញ្ចប់ក្នុងចំណាត់ថ្នាក់លេខ5 ពីលើកីឡាការិនី Bell៕
March 25, 2019
Canon ជួបជាមួយ NatachaVanការសម្ពោធ កាំមេរ៉ា EOS R/ EOS RP ក្នុងភោជនីយដ្ឋាន SENZE Bistro Bar
ភ្នំពេញ៖ កាលពីថ្ងៃសៅរ៍ទី23 ខែមីនា ឆ្នាំ2019 Canon I-Qlick បានរៀបចំពិធីសម្ពោធផលិតផលថ្មីកាមេរ៉ាស៊េរី EOS R/EOS RP របស់ខ្លួនដែលប្រារព្ធធ្វើឡើងចាប់ពីម៉ោង 5:30នាទី រហូតដល់ ម៉ោង8:30 នាទីយប់ នៅក្នុងភោជនីយដ្ឋានSENZE Bistro Bar ដែលមានអាស័យដ្ឋាននៅលើផ្លូវលេខ 51 កែងជាមួយផ្លូវ 228 រាជធានីភ្នំពេញ។
ជាមួយនឹងការបើកសម្ពោធនូវកាមេរ៉ាប្រភេទថ្មីស៊េរី EOS R/EOS RP I-Qlick បានអញ្ជើញ ភ្ញៀវកិត្ដិយសដែលភាគច្រើនសុទ្ធសឹងជាអ្នកជំនាញក្នុង វិស័យថតរូប និងជាអ្នកថតរូបអាជីពនៅក្នុងប្រទេសកម្ពុជាផងដែរ។
ម្យ៉ាងវិញទៀត ការសម្ពោធមួយនេះ ក៏មានការព៌ណនាអំពីលក្ខណៈពិសេសផ្សេងៗរបស់កាមេរ៉ាដោយលោកហ៊ីម ដាវុធ ថែមទាំងមានការចូលរួមពី អ្នកថតរូបអាជីព គឺលោក JerryThai និង លោក Miller ដែលបានមកធ្វើការចែករំលែកនូវបទពិសោធន៍ក្នុងការប្រើប្រាស់កាមេរ៉ាស៊េរីថ្មីប្រភេទ EOS R/ EOS PR។
ជាមួយនិងការសម្ពោធកាមេរ៉ាស៊េរីថ្មី EOSR/EOS RP ផងដែរអ្នកប្រើប្រាស់អាចស្វែងរកនូវលក្ខណៈពិសេសជាច្រើនដូចជាប្រភេទកាមេរ៉ា Full Frame Mirrorless ជាដើម។ ជាមួយកាមេរ៉ាCanon ស៊េរី EOS R/EOS RPគឺភ្ជាប់មកជាមួយនឹង Full Frame CMOS Sensorsដែលអាចផ្ដល់ឱ្យលោកអ្នកនូវ គុណភាពនៃរូបភាពកាន់តែច្បាស់ ក្រៅពីនេះ FullFrame Sensors អាចបំបាត់នូវ Crop Factorដែលកើតឡើងមកពី Sensors មានកម្រិតតូច ហើយលោកអ្នកអាចប្រើប្រាស់Wide Angel Lenses ដែលធ្វើឱ្យរូបភាពកាន់តែអស្ចារ្យ។
កាមេរ៉ាស៊េរីថ្មីប្រភេទ EOS R/ EOSRP មានគ្រឿងបន្ថែមដែលអាច សម្រួលជាមួយការប្រើប្រាស់ប្រភេទ Canon EFនិង ស៊េរី EF-S lenses ដែលអាចប្រើប្រាស់ជាមួយនឹង Lenses ផ្សេងៗផងដែរ។
Canon បាននាំមកនូវអ្វីដែលពិសេសនោះគឺវត្តមានរបស់ Natacha Van ដែលជា ច្នៃម៉ូតសម្លៀកបំពាក់អន្ដរជាតិ ហើយអ្នកចូលរួមទាំងអស់អាចសាកល្បងជាមួយនឹង កាមេរ៉ាប្រភេទថ្មី ស៊េរី EOSR/ EOS RP ដោយផ្តិតនូវរូបភាព ដែលបានតាំងបង្ហាញដោយការឆ្នៃម៉ូតដ៏អស្ចារ្យរបស់ Natacha Van។
រីឯ SENZE Bistro Bar គឺបង្កើតឡើងសម្រាប់បម្រើ អតិថិជនទាំងអស់ នូវឧបករណ៍ទាន់សម័យ និងសម្រួលដល់ការងារផ្ទាល់ខ្លួន ហើយក៏អាចរីករាយជាមួយនឹងការបរិភោគនូវ កាហ្វេ SENZE HouseBlend Peacock និងអាហារឆ្ងាញ់ៗជាច្រើនទៀត។ វាគឺជាកន្លែងដែលពោពេញទៅដោយបច្ចេកវិទ្យានិងជួយសម្រួលដល់ការងាររបស់លោកអ្នកផងដែរ ។ SENZE Bistro Bar ក៏ជាកន្លែង សម្រាប់ណាត់ជួប និង ជាកន្លែងសម្រាប់ការប្រជុំខ្នាតតូចដែលមានផ្ដល់ជូននូវ ឧបករណ៍បញ្ចាំង Slide ម៉ាស៊ីនព្រីន។ទន្ទឹមនឹងនេះផងដែរ អតិថិជនក៏អាចសាកល្បងនូវរស់ជាតិអាហារឆ្ងាញ់ៗ បែបអន្ដរជាតិបែបអ៊ឺរ៉ុប និងបែបអាស៊ី ។
SENZE Bistro Bar គឺថែមទាំងមាន ម្ហូបបែប អាស៊ី ដែលមានផ្ដល់ជូនដូចជា Fried HokkienNoodlles Fried Carrot Cake និង Laksa ហើយនិងម្ហូបបែបអាស៊ី ឆ្ងាញ់ៗជាច្រើន និងម្ហូបបែប អ៊ឺរ៉ុប ដែលមានដូចជា CharGrilled Chicken cutlet ជាមួយនឹង Green Pepper និងមាន Spaghetti Carbonara ផងដែរ។
ជាមួយនឹងកាហ្វេ ក្នុងស្រុក អតិថិជនក៏អាចរីករាយជាមួយនឹងកាហ្វេពិសេស Peacock Brandដែលមានលក់នៅក្នុង SENZE Bistro Bar និង Ice BlendedPineapple Tart Freeze និង Oreo Black Forest ដែលយើងទាំងអស់គ្នាគួរតែសាកល្បង។
ឈ្មោះ: Mr.Jackson Ang
ក្រុមហ៊ុន: i-QlickMarketing Co.,Ltd
ទូរស័ព្ទ: +855 (70)688 088
អ៊ីមែល: [email protected]

March 25, 2019
រលឹមប្រុយៗ ត្រៀមបំបែកបទចម្រៀងកំពូលក្នុងរដូវចូលឆ្នាំខ្មែរខាងមុខនេះ
រាជិនីសំឡេងទឹកឃ្មុំប្រចាំផលិតកម្មថោន មាស សុខសោភា នៅតែទទួលបានការគាំទ្រខ្លាំងដដែល ពីសំណាក់អ្នកគាំទ្រ ទូទៅ ព្រោះបទ តារាចម្រៀងនេះ ភាគច្រើន តែងតែឆក់បេះដូងអ្នកស្តាប់មិនឱ្យជិនណាយឡើយ ជាមួយការដាក់អារម្មណ៍ មនោសញ្ចេតនា អមជាមួយទឹកដមសំនៀងដ៏ពីរោះរណ្តំ។
កំពូលតារារូបស្រីនេះ មិនត្រឹមតែច្រៀងពីរោះប៉ុណ្ណោះទេ សូម្បីតែ នៅខាងក្រៅវិញក៏ សោភា មានភាពរួសរាយ រាក់ទាក់ ជាមួយអ្នកនៅជុំវិញខ្លួនផងដែរ។ ដោយហេតុនេះហើយ ទើបធ្វើឱ្យប្រជាប្រិយ មាស សុខសោភា នៅមានដដែល។
ដោយឡែកនៅពេលថ្មីៗនេះផលិតកម្មថោន ទើបបានបញ្ចេញ MV ផ្លូវការមួយទៀតហើយ របស់ មាស សុខសោភា ក្រោមចំណងជើងថា “រលឹមប្រុយៗ” ដែលជាការ និពន្ធទំនុកច្រៀង និង Melody សោម ដូរ៉េ, និពន្ធបទភ្លេងដោយ TempoTris។
ក្រោយពីស្តាប់បទនេះចប់ សឹងតែគ្រប់គ្នា លាន់មាត់សរសើរថា ពិតជាពីរោះខ្លាំងណាស់ ហើយបើនិយាយ ពីអ្នកសម្តែងវិញ ពិតជាដើរតួសមគ្រប់ៗគ្នា លាយឡំជាមួយការកំប្លែងថែមទៀតផង។ ក្នុងនោះក៏មានអ្នកខ្លះចូលមក comment ដោយការពេញចិត្តជាខ្លាំងថា “ពីរោះខ្លាំងណាស់១បទនេះ ដឹងតែរាំផ្អើលភូមិទៀតហើយឆ្នាំថ្មីនេះ”។ និយាយរួមមួយបទនេះ គឺបានទាក់ចិត្តអ្នកស្តាប់ស្ទើរតែទាំងអស់តែម្តង មិនទាន់មាននរណាម្នាក់ថាមិនពីរោះឡើយ។ ដើម្បីជ្រាបកាន់តែច្បាស់បន្ថែមទៀត តោះទៅស្តាប់ទាំងអស់គ្នា៕
March 25, 2019
ដឹងតែផ្ទុះហើយឆ្នាំនេះ ! “20K” ផន ស្រីខួច បង្ហោះភ្លែតផ្ទុះអ្នកអ្នកទស្សនារាប់រយ KViews
កញ្ញា ផន ស្រីខួច មិនត្រឹមតែមានទឹកសំឡេងផ្អែមពិរោះ និងច្រៀងបទបែនបានគ្រប់ទម្រង់នោះទេ សូម្បីតែវីដេអូចម្រៀងរបស់នាង ក៏មានសាច់រឿង និងសកម្មភាពប្លែកៗផងដែរ។ ជាក់ស្ដែងវីដេអូ បទ”20K ” របស់តារាចម្រៀងល្បីល្បាញ កញ្ញា ផន ស្រីខួច ទើបតែបង្ហោះMV មិនទាន់បានប៉ុន្មានម៉ោងផងឃើញថា ទទួលបានការគាំទ្រភ្លូកទឹកភ្លូកដីបាត់ទៅហើយ នៅលើសង្គមយូធូប និងហ្វេសបុក។
ជាការកត់សម្គាល់ចំពោះចំនួនអ្នកចូល Views គឺកើនឡើងៗដល់រាប់រយ KViews ខណៈដែលអ្នកចែកចាយលើសង្គមហ្វេសប៊ុកក៏មានចំនួនច្រើនមិនធម្មតា។ ស្ថានភាពកំពុងកើតឡើង បើទោះមិនក្លាយជាបទចម្រៀងជួរមុខគេក្នុងឱកាសបុណ្យចូលឆ្នាំថ្មីខាងមុខក៏ពិតជាក្លាយជាបទផ្ទុះមួយដែលនឹងមានអ្មកពេញនិយមភ្លូកទឹកភ្លូកដីសម្រាប់មួយបទនេះដែរ។ ខណៈដែលពេលចេញ Audio ចម្រៀងមួយបទនេះ មិនសូវកន្ត្រាក់បានការគាំទ្រខ្លាំងទេ ប៉ុន្តែក្នុងពេលចេញជា MV ហើយស្ទីលរបស់នាងទៀតសោត និងតួសម្ដែងសុទ្ធក្រម៉ិចក្រម៉ើមនឹងមានស្ទីលរាំសប្បាយប្លែកភ្នែក ហាក់ធ្វើឱ្យបទ”20K” ផ្ទុះខ្លាំងតែម្ដង។ នៅតាមបណ្ដាស្តង់ឃោសនាលក់ផលិតផល គេឮបទចម្រៀងមួយបទនេះចាក់បន្លឺយ៉ាងគគ្រឹកគក្រេង ខណៈដែលនៅតាមកន្លែងរាំកម្សាន្តក៍ចាប់ផ្ដើមបន្លឺបទនេះដូចគ្នា ធ្វើឱ្យបទចម្រៀងមួយនេះ ចាប់ផ្ដើមមានការទទួលស្គាល់។ យុវវ័យមួយចំនួនបានទាំងទន្ទេញពាក្យ”20K”ដែលជាចំណងជើងបទចម្រៀងរបស់នាង ធ្វើជាពាក្យឌឺដងគ្នា នៅពេលយុវវ័យទាំងនោះចង់ទាមទារអ្វីមួយនោះផង។
សូមជម្រាបថា ផន ស្រីខួច មិនទាន់ត្រូវបានសុំចំណាប់អារម្មណ៍ក្រោយបទ”20 K” របស់នាង ក្លាយជាបទដែលមានសន្ទុះនោះទេ ប៉ុន្តែយោងតាមប្រជាប្រិយភាពដែលលេចចេញពីបទចម្រៀងមួយបទនេះ គឺពិតជាធ្វើឱ្យនាងញញឹមបិទមាត់មិនជិតនោះទេ ជាពិសេសក្នុងពេលបទចម្រៀងរបស់នាង ចាប់ផ្ដើមគេស្គាល់ខ្លាំង ខណៈដែលពាក្យ20K គេចាប់ផ្ដើមយុវវ័យយកមកប្រើយ៉ាងជាប់មាត់ ដែលមិនខុសពីជួយឱ្យបទរបស់នាង ផ្ទុះខ្លាំងក្នុងផ្នត់គំនិតយុវវ័យ។ ម្នាក់ៗសរសើរថា មួយបទនេះក្រៅពីជាបទភ្លេងថ្មី អត្ថន័យពិរោះហើយថែមទាំងមានក្បាច់រាំរស់រវើក និងមានស្ទីលខុសប្លែកពីបទផ្សេងៗទៅទៀត ទើបចេញមិនទាន់បានប៉ុន្មានម៉ោងផង ក៏មានការគាំទ្រច្រើនដល់ម្លឹងលើយូធូប៕
កាន់តែជាក់ច្បាស់ សូមទស្សនាវីដេអូខាងក្រោមនេះ ៖

March 25, 2019
ក្រោយពីសំងំអស់មួយរយៈ ឡេង មុន្នីរចនា ងាកចូលប្រលូកសិល្បៈវិញហើយ
ក្រោយបាត់មុខអស់មួយរយៈ ពេលនេះដែរ តារាចម្រៀងស្រី ឡេង មុន្នីរចនា ក៏បានប្រកាសចូលសិល្បៈជាថ្មី ដែលធ្វើឱ្យអ្នកគាំទ្រ សប្បាយចិត្តខ្លាំង ពេលឃើញនាងបង្ហាញមុខយ៉ាងដូច្នេះ។ ជាពិសេស គេសង្កេតឃើញថា សម្រស់របស់អ្នកនាង ឡេង មុន្នីរចនា កាន់តែស្រស់ស្អាត ជាងមុន បើទោះបីជា វ័យរបស់នាង កាន់តែជ្រេបន្តិចក៏ដោយ។
គួររំឭកដែរថា តារាចម្រៀងស្រីយេៗអង្រួនអារម្មណ៍មិត្តយុវវ័យ ល្បីខ្លាំងនាដើមឆ្នាំ2000 និយមសិចស៊ីរូបនេះ អ្នកនាងបានស្ងាត់ស្ងៀមពីសិល្បៈអស់មួយរយៈធំមកហើយ រហូតដល់យុវវ័យជំនាន់ថ្មីស្ទើរតែភ្លេចទៅហើយថា ឡេង មុន្នីរចនា ជាតារាចម្រៀងមួយដួងដែលធ្លាប់មានឈ្មោះបោះសំឡេង។ ការបាត់មុខពីសិល្បៈយ៉ាងអាថកំបាំង អស់រយៈពេលជាង 10ឆ្នាំមកនេះ បានធ្វើឱ្យកេរ្តិ៍ឈ្មោះរបស់នាង ស្ទើរតែបានសាបសូន្យពីមជ្ឈដ្ឋានសិល្បៈទៅហើយដែរ ប៉ុន្តែអ្វីដែលគួរឱ្យភ្ញាក់ផ្អើលនោះ គឺនៅត្រង់ថា នាងបាត់មុខមិនមែន ដោយសារតែទៅរស់នៅ បរទេសនោះទេ ពោលគឺនាងកំពុងតែសំងំ ក្លាយជាថៅកែលក់គ្រឿងចក្រ មួយក្នុងរាជធានីភ្នំពេញ។ អ្នកនាង ឡេង មុន្នីរចនា មានវ័យកាន់តែជ្រេហើយមិនបានបណ្ដើរប្ដីអ្នកនាងឱ្យមហាជនបានស្គាល់នៅឡើយទេ ខណៈដែលចូលរួមក្នុងកម្មវិធីមួយ តែបណ្ដើរ ឪពុកម្ដាយនាង ជាលក្ខណៈគ្រួសារទៅវិញ។
អ្នកនាងថា បច្ចុប្បន្នមិនសូវសម្បូររការងារ ក្នុងសិល្បៈដូចមុនទេ ព្រោះតារាចម្រៀងថ្មីៗរះច្រើន នាងកាន់តែចាស់ ដូចនេះនាងត្រូវរកមុខរបរមួយ ដើម្បីលំនឹងជីវភាពគ្រួសារ ។ យ៉ាងណាមិញ អ្នកនាង ឡេង មុន្នីរចនា សព្វថ្ងៃនេះជាថៅកែគ្រឿងចក្រមួយ ដែលជាអាជីពគោល។នាងលក់គ្រឿងចក្រ ជាមួយក្រុមគ្រួសារ តែសិល្បៈនាងមិនចោលទេ ដរាបណាទស្សនិកជន នៅតែចង់ឃើញ នាងនៅតែបន្ត លុះត្រាតែលែងមានអ្នកចង់មើល គឺនាងឈប់ឯងតែម្ដង។យ៉ាងណាក៏ដោយអ្នកនាង ឡេង មុន្នីរចនា បានរៀបការពីរដងរួចទៅហើយ ខណៈដែលស្នេហ៍ទីមួយខកបំណង តែចំណងស្នេហទីពីរ ទើបតែរៀបការស្ងាត់ៗមិនកក្រើកក្នុងពិភពសិល្បៈនៅអំឡុងឆ្នាំ2015 តែសម្រាប់ចំណងស្នេហ៍ថ្មីនេះ មិនមែនជាបញ្ហាអ្វីទៀតឡើយ ព្រោះនាងចាស់ទុំជាងមុនក្នុងរឿងនេះ។
ទន្ទឹងនឹងមុខរបររកស៊ីក៏រីកចម្រើនច្រើនគួរសម ឥលូវនេះស្រាប់ថា ធ្លាយដំណឹងថា អ្នកកំពុងងាកចូលប្រលូកក្នុងវិស័យសិល្បៈវិញ ព្រោះថា ក៏ជាតារាស្រីម្នាក់ដែលមានសមត្ថភាពពេញទី មិនថាសម្តែង និងចម្រៀង ហើយអ្នកនាងអាចច្រៀងបានច្រើនភាសាទៀតផង៕

March 25, 2019
ស្រាបៀរ ABC Extra Stout និងTiger នឹងចាប់រង្វាន់លើកទី១នៅថ្ងៃអាទិត្យចុងសប្តាហ៍នេះ
រាជធានីភ្នំពេញ៖ នៅថ្ងៃអាទិត្យទី ៣១ ខែមីនា ឆ្នាំ២០១៩ខាងមុខនេះ ស្រាបៀរ ABC Extra Stout និង Tiger នឹងរៀបចំការចាប់រង្វាន់ជ័យមង្គលលើកទីមួយសម្រាប់កម្មវិធីអាពាហ៍ពិពាហ៍រដូវកាលឆ្នាំ២០១៨-២០១៩។
កម្មវិធីពិសេសនេះនឹងមានការផ្សាយផ្ទាល់លើកញ្ចក់ទូរទស្សន៍MyTV ចាប់ពីម៉ោង ៨យប់-៩យប់ ដោយមានការចូលរួមសម្តែងដ៏អស្ចារ្យពីតារាចម្រៀងល្បីឈ្មោះជាច្រើនរូបដើម្បីផ្តល់ការកម្សាន្តសប្បាយជូនទស្សនិកជនមានដូចជា លោក ឆន សុវណ្ណរាជ និង កញ្ញា មាសសុខសោភា។
កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរ ABC Extra Stout និង Tiger សម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់រង្វាន់លើកទីមួយនេះស្រាបៀរ ABC Extra និង Tiger នឹងប្រគល់រង្វាន់ដំណើរកម្សាន្តក្រេបចន្ទទឹកឃ្មុំជាច្រើនរង្វាន់ជូនគូស្វាមីភរិយាថ្មីដែលមានមហាសំណាងដូចជាដំណើរកម្សាន្តនៅទីក្រុងឡុងដ៏របស់ស្រាបៀរ ABC Extra Stout ចំនួន ២រង្វាន់ និងដំណើរកម្សាន្តនៅទីក្រុងស៊ីដនីប្រទេសអូស្រ្តាលីជាមួយនិងទឹកប្រាក់ ១៥០០ ដុល្លារ របស់ស្រាបៀរ Tiger ចំនួន ៥ រង្វាន់។
តើគូស្វាមីភរិយារូបណាខ្លះជាម្ចាស់រង្វាន់ផ្តាច់ព្រ័ត្រដ៏អស្ចារ្យទាំងនេះ?
សូមកុំភ្លេចចូលរួមទស្សនានិងតាមដានទាំងអស់គ្នា!!!
អបអរពិធីអាពាហ៍ពិពាហ៍របស់លោកអ្នកជាមួយស្រាបៀរលំដាប់ពិភពលោក។
ពិសាដោយការទទួលខុសត្រូវ៕
March 25, 2019
អីយ៉ាស់!! ឆ័យ លីដាឡែន បន្ថែមអាជីពកាត់សក់ទៀត
ពិតជាមិនធ្លាប់បានដឹងទាល់តែសោះថា តារាចម្រៀងនិងច្រៀង ឆ័យ លីដាឡែន ពូកែវោហាស័ព្ទនិយាយកំប្លែងផ្ទុះសំណើតនៅក្នុងរោងការទាល់តែសោះ ស្រាប់តែពេលថ្មីៗនេះ អ្នកនាងបានបង្ហោះសារនិងរូបភាពជាច្រើនសន្លឹកនៅលើហ្វេសប៊ុកថា នេះជារោងការទី 2 ហើយដែលអ្នកច្រៀងកាត់សក់ការ។
គេមើលឃើញថា អ្នកនាង ឆ័យ លីដាឡែន ស្រាប់តែបង្កើតអាជីពបន្ថែមទៀត ច្រៀងកាត់សក់ការ ដោយចាប់ដៃគូជាមួយនាយគ្រឿន ហើយភាពកំប្លែងកាត់សក់កូនប្រុសកូនស្រីនេះ ធ្វើឱ្យ ដាឡែន បុកពោះមិនស្ទើរនោះទេ ខ្លាចសម្តែងខុសទម្រង់បែបការ។
នេះជាតារាទី2ហើយ ដែលងាកមកចាប់អាជីពច្រៀងកាត់សក់ការ ដោយមុននេះឃើញតារាសម្តែង ប៉ែន ចំរ៉ុង ប្តូរមកច្រៀងកាត់សក់ការដៃគូជាមួយ ខាត់ សុឃីម។ ចំណែក ឆ័យ លីដាឡែន ដែលនិយមលេងសើច ឬនៅខាងក្រៅចូលចិត្តកំប្លែងឲ្យគេសើចសប្បាយនោះ ស្រាប់តែងាកមកចាប់អាជីពថ្មីសឹងថា មិនគួរឲ្យជឿ ស្របពេលដែលនាងជាតារាចម្រៀងយេយេរាំញាក់រង្គើរឆាកសម្តែងឡើងរាំឆ្នាំទៅហើយនោះ។
នៅលើបណ្តាញសង្គមរបស់ ដាឡែន បានសរសេររៀបរាប់ថា លើកទីដំបូងហើយសម្រាប់ខ្ញុំក្នុងអាជីពមួយនេះ រោងទី1ដែលច្រៀងកាត់សក់ជាមួយដៃគូនាយគ្រឿន អរគុណដល់បងម្ចាស់ការ ដែលស្រលាញ់គាំទ្រ ខ្ញុំជ្រើសយកខ្ញុំច្រៀងកាត់សក់សេរីមង្គលកូនប្រុសកូនស្រីជាមួយនឹងនាយគ្រឿន។
តាមរយៈរបរថ្មីនេះ គេកាន់តែរំពឹងថា ម្ចាស់ដើមការនានាអាចនឹងទាក់ទង ដាឡែន យកទៅច្រៀងមង្គលការវគ្គកាត់សក់ ព្រោះតារារូបនេះ ក៏មានជំនាញបែបកំប្លែងៗធ្វើឲ្យសើចចុកពោះមិនអន់ឡើយ។ បែបនេះហើយទើបត្រូវបាននាយគ្រឿងឆក់យកធ្វើដៃគូមុនគេ ដើម្បីឲ្យមានការទាក់ទាញ ពេលសម្តែងជូនកូនលោកមេបាប្រុសស្រីហើយប្លែកម្យ៉ាងដែរ៕

March 25, 2019
ផលិតករកុនខ្មែរ ហ៊ុយ យ៉ាងឡេង ចេញមុខពន្លះរោងកុនប្រឹងបញ្ចាំងរឿងបរទេស ហើយកៀកសម្លាប់កុនខ្មែរ
ទើបតែស្រឡប់មកពីកម្មវិធីទីផ្សារកុននៅហុងកុង ស្រាប់តែ ហ៊ុយ យ៉ាឡេង ផលិតករកុនខ្មែរមួយរូបបង្ហោះសារប្រតិកម្មចំពោះរោងកុននៅស្រុកខ្មែរ ដែលផ្ដោតសំខាន់លើការបញ្ចាំងរឿងបទេស ហើយកៀកសង្កត់កុនខ្មែរទៅ ដោយលោករៀបរាប់ថា ៖ សូមនិយាយរឿងក្នុងចិត្តមិនមែនរឿងទឹកនិងភ្លើងទេ គឺរឿងអាជីបរបស់ខ្ញុំ បើតាមទទួលព័តមានពីព្រឹទ្ធាចារ្យ ៣អ្នកបានឱ្យដឹងថា ការចរចាគ្នា មិនមែនជាច្បាប់ វាជាការសន្យា តែសន្យាសម្រាប់អ្នកធំ វាស្មើនឹងច្បាប់
នេះជាការសន្យារវាងភាគីទាំង៣នឹង
ខ្ញុំសូមរៀបរាប់៖
១-ការចាក់បញ្ចាំងកុនខ្មែរគឺ ១ខែ៤រឿង មានន័យថារឿងខ្មែរ១អាទិត្យ១រឿង គ្មានទេកុនខ្មែរ ចេញថ្ងៃតំណាលគ្នា តែតាមដឹងពីផលិតករទាំង2 គឺ រឿងតន្រ្តីជីវិតចាក់ ថ្ងៃ 21 រឿងឯណាខ្មោចចាក់ថ្ងៃ28 ក៏ប៉ុន្តែ ថ្ងៃមួយ ថៅកែរោងកុន១ បានខលទៅម្ចាស់រឿងឯណាខ្មោច ថាសូមលើក ទៅថ្ងៃ21បានទេ ព្រោះបើអ្នកនៅថ្ងៃ28 អ្នកនិងបុករឿងធំមួយគឺរឿងFriend Zone ! What The Fuck! ហេតុអីមានរឿងនឹងចុះមិនប្រកាច់យកអា Friend Zone ទៅអោយ
ឆ្ងាយពីថ្ងៃ២៨ទៅ មេចចាំបាច់អោយខ្មែរគ្នាឯងរុញទៅមុខធ្វើអី? ចម្លើយខ្មែរគ្នាឯងក៏យល់ព្រមដោយសារហេតុផលថា មិនអីទេយើងស៊ូកុំបុកFriend Zone អីយើងនៅជុំគ្នាក៏មិនអីដែរ ព្រោះរឿងយើងរស់ជាតិខុសគ្នា នេះជាចម្លើយគ្មានជម្រើស បើតាមសាកសួរពីម្ចាស់រឿងទាំងពីរ។
២- រឿងថៃ ១ខែ អោយចេញតែ២រឿងទេ តែខែនេះលើស ចេញ៣រឿង ដោយសារតែ វាជាការចរចាការចរចាគ្នា មិនមែនជាច្បាប់វាជាការសន្យា តែអ្នកលើ្មសនឹងសន្យា ស្មើនឹងមើលងាយការសន្យា។
៣-រឿងបរទេសហូលីវូតរឿងជាតិសាសន៍ដទៃទៀតមិនបានស្ថិតនៅ និងការសន្យាទេ ចឹងហើយហូលីវូតមកចោះ បុកចោះប៉ះអ្នកណាក៏ប៉ះចុះ ព្រោះមិនស្ថិតនិងការចរចា។ ម៉ែបើនៅស្រុកចិនគេខ្លាចណាស់ គេមើលណាស់ គេប្រយ័ត្នណាស់ ព្រោះអាអន្ទឹតនឹងជាយក្ស ១ខែអោយចូលប៉ុន្មានរឿងប៉ះពាល់រឿងក្នុងស្រុកអត់? នេះជាការទ្វេសប្រហែសរវាងបងធំទាំងបីដែលមិនបានសន្យា ។
៤-រឿងក្រៅក្របខណ្ឌ័ដោយសារគ្មានអាទី៣និងហើយ បានរឿងឥណ្ឌូនេស៊ីមកចំពេល ខ្មោចម្តាយដើម កើបលុយទាំងការ៉ុងយកទៅស្រុកវិញហើយប្រាប់គ្នា ស្រុកខ្មែរបានលុយវើយចឹងហើយអ្នកចែកចាយទាំង២ បញ្ជាក់អ្នកយករឿងក្រៅប្រទេសមកស្រុកខ្មែរមាន២អ្នក ដណ្តើមកុនឥណ្ឌូនេស៊ី យកមកចាក់គ្មានប្រណី ចាក់ថ្ងៃណាក៏បានព្រោះគ្មានស្ថិតនៅក្នុងការចចាររបស់បងធំផង ចឹងហើយមានអ្នកយករឿងចេញតាំងពីជំនាន់
អ៊ីសារ៉ាក់ រឿងចេញតាមអ៊ីនធឺនេត ក៏យកមកចាក់បានលុយដែរ។
៥-រឿងក្រៅក្របខណ្ឌ័១ទៀត អ្នករៀបចំម៉ោងបញ្ចាំង មាន៣អ្នក តាមរោងរបស់គេ ដែលស្រុកខ្មែរមាន៣ក្រុមហ៊ុន ទាំងអស់គ្នាជាជនជាតិខ្មែរតែមានម្នាក់ឈ្មោះដូចអង់គ្លេស តែមិនដឹងមេចគេអោយបងឈ្មោះអង់គ្លេស បោះមេ ចឹងរាល់រឿងខ្មែរទាំង២អ្នកស្តាប់បងអង់គ្លេសអ្នកសម្រេច ថាអោយដាក់ ដាក់ថាឱ្យទម្លាក់ គឺទម្លាក់ មានថ្ងៃមួយនោះបងអង្គ្លេស ទម្លាក់រឿងគេខុស មិនប្រាប់ឈ្មោះទុកអោយហ្វែនទោះទាយដោយខ្លួនឯង ទិចទៀតមានតម្រុយអោយទាយ ចាំបានឈ្លោះគ្នាបែកម៉ាំ រហូតម្ចាស់រឿងរកភស្ដុតាង សុំទោសភស្ដុតាងប្រហែលសរសេរខុស អ្នកដឹងប្រាប់ផង និយាយតថា ថៅកែកុនសន្យាដក ពូអង់គ្លេសចោល តែសន្យាខ្យល់បានម៉ាអទិត្យពូអង់គ្លេសចូលវិញ ដូចនេះ ដែលជាជនខ្មែរមានឈ្មោះជាអង់គ្លេសកាន់តែមានគុំនុំនឹងកុនខ្មែរ អោយតាកុន ខ្មែរចេញពូអង់គ្លេសឈ្លៀតរកវិធីអោយអស់ល្បិចដាក់កុនបរទេសចូលដើម្បីហ៊ុំ
ព័ទ្ធសម្លាប់កុនខ្មែរដោយប្រយោលតាមដែលអាចធ្វើបាន។
៦-នេះជាហេតុដែលធ្វើអោយមានរឿងក្រៅក្របខ័ណ្ឌទី៦នេះកើតឡើង ដែលខ្ញុំគូសសញ្ញាខ្វែង ខ្ញុំសូមមិនទទួលយកការដាក់បញ្ចាំងការរៀបតារាងបញ្ចាំងបែបនេះ រឿងខ្មែរចេញតំណាលគ្នាវាជាកំហុស១ រឿងខ្មោចមួយ រឿងខ្មែរក្រហមមួយ
ថារស់ជាតិ២ផ្សេងគ្នាចុះ អ្នកស្ទឹងមានជ័យនឹងគាំទ្ររឿង២នឹងព្រោះគាត់ចូលចិត្តរឿងខ្មែរណាស់ ចុះហេតុអីក៏ដាក់រឿងបរទេសដែលរស់ជាតិដូចគ្នាគឺរឿងខ្មោច ថៃខ្មោចហូលីវូតខ្មោចឥណ្ឌូនេស៊ីចេញថ្ងៃតំណាលគ្នានឹងកុនខ្មែរធ្វើអី មានចេត
នាសម្លាប់កុនខ្មែររឺយ៉ាងមេច? ចំណុចត្រង់នេះហ្វែនរឿងបរទេសនិងមើលងាយថាខ្ញុំខ្លាចរៀងបរទេស ម៉ែអ្នកណាមិនខ្លាច បើគេធ្វើអស់៣០ម៉ឺនយើងធ្វើអស់៥ម៉ឺន ហើយយកមកបុគ្នា ដូចវៃបុកចឹងបើគីឡូស្មើគ្នាអាណាខ្លាចយី។
សរុបមតិគ្មានទី៧អីទៀតទេ គ្មានក្របខ័ណ្ឌអីទៀត នេះជារឿបប្រឌិតទេ រឿងការពិតគឺខ្ញុំសុំអង្វរបងធំសុខនី ដែលជាវីរបុរសរបស់ខ្ញុំការពារកុនខ្មែរ ត្រឡប់មកវិញបងឈប់ធ្វើការពួកខ្ញុំពិបាកណាស់បង បើសិនជាអាចរឿងក្រោយរបស់ខ្ញុំយកទៅបញ្ចាំងតាមវត្តមានហ្វែនៗតាមទៅមើលអត់ សូមឆ្លើយការពិត៕

March 23, 2019
កម្ពុជាបើចង់អាចលក់រឿងក្នុងទីផ្សារអន្តរជាតិបាន លុះត្រាតែប្ដូរការផលិតទៅជារឿងបែប Action ជាជំនួសវិញ
បើតាមសម្ដីផលិតករភាពយន្ដខ្មែរចូលរួមទីផ្សារភាពយន្ដនៅហុងកុងបានឱ្យដឹងថា កម្ពុជាបើចង់អាចលក់រឿងបានក្នុងទីផ្សារអន្តរជាតិ គឺលុះត្រាតែប្ដូរការផលិតពីរឿងបែបកំប្លែង និងរឿងបែបខ្មោច ទៅជារឿងបែប Action ជាជំនួសវិញ ដោយអ្នកស្រីបង្ហើបថា ប្រទេសជិតខាងរបស់កម្ពុជា គេមានទិន្នន័យលក់រឿងបានតម្លៃខ្ពស់ៗ មិនធម្មតានោះទេ ព្រោះតែគេមានសមត្ថភាពផលិតរឿងតម្រូវតាមទីផ្សារអន្តរជាតិ។ (more…)
March 22, 2019
តារាសម្ដែង តេង វាសនា ដាក់មួយឃ្លាចាក់ដោត៖ « មិនដឹងថាគាត់ដឹង នេះជាធុងសំរាមអត់ទេ »
សម្រាកពីការសម្ដែងរឿងតាមកញ្ចក់ទូរទស្សន៍ គេកត់សម្គាល់ឃើញថា តារាសម្ដែង តេង វាសនា ងាកមកចាប់អារម្មណ៍ធ្វើរឿងជួយសង្គមជាច្រើនថ្ងៃច្រើនយប់មកហើយ តាមរយៈការសម្អាតសំរាមនៅតាមបណ្ដោយលូទឹកស្អុយបឹងត្របែក។ តារាប្រុសរូបនេះ ពិតជាធ្វើឱ្យមហាជនពោលសរសើរអំពីទឹកចិត្ត និងការលះបង់ខ្លាំងណាស់ ព្រោះថា មានតារាសិល្បៈមួយចំនួនទៀត ដែលបានចូលរួមសកម្មភាពកម្រនេះ តាមរយៈការអូសទាញពីលោក និងកូនចិត្តចង់ជួយរំលែកផងដែរ។
ក្ដីកង្វល់តែងតែមានដំណោះស្រាយ ទើបបានជាធ្វើឱ្យ តេង វាសនា កៀងករយុវវជនស្ម័គ្រចិត្តមកបំពេញកម្លាំងបន្ថែមទៀត ដើម្បីបង្កើនសកម្មភាពរើសសំរាមនេះ ឱ្យកាន់តែមានប្រសិទ្ធភាពក្នុងការបញ្ចូនសារដល់អ្នកដែលនិយមចោលសំរាមគ្មានសណ្ដាប់ធ្នាប់បែបនេះ។ តារាប្រុសរូបនេះ បានបង្ហោះសារបន្ថែមអំពីការទុកដាក់សំរាមដល់មហាជនថា « មិនដឹងថាគាត់ដឹង នេះជាធុងសំរាមអត់ទេ » ដែលសារនេះ បានសបញ្ជាក់ឱ្យដឹងថា ពីមួយថ្ងៃទៅមួយថ្ងៃ នៅតែមានអ្នកយកសំរាមមកចោលដោយគ្មានរអាចិត្តអ្នកសម្អាតនោះឡើយ។
សូមជម្រាបថា កម្លាំងសមត្ថិកិច្ចក៏កំពុងឃ្លាំមើលសកម្មភាពអ្នកចោលសំរាមគ្មានរបៀបនៅលូទឹកស្អុយបឹងត្របែក ដើម្បីធ្វើការណែនាំ និងអនុវត្តន៍តាមនិតិវិធីច្បាប់ផងដែរ។ សូមរួមគ្នារក្សាសំរាមឱ្យបានស្អាត ដើម្បីអនាម័យទីក្រុងស្អាត គ្មានសំរាមរប៉ាត់រប៉ាយ៕

March 21, 2019