Author: អេបិល

ក្នុងឱកាសច្រៀងរាំលើឆាកតន្ត្រី  ក្នុងពិធីបើកការិយល័យលក់ដីចម្ការដូងក្រអូបនៅខេត្តពោធិសាត់កាលពីយប់ថ្ងៃទី៣ មេសា តារាចម្រៀងល្បីល្បាញកញ្ញា  ឱក សុគន្ធកញ្ញា  នៅតែធ្វើអោយព្រឹត្តិការណ៍”ឋានព្រះឥន្ទ”ដែលជាគម្រោងលក់ចម្ការបង់រំលោះទទួលបានការចាប់អារម្មណ៍ភ្លូកទឹកភ្លូកដី។  ព័ត៌មានផ្លូវការបានអះអាងថា  នាងបានទិញចម្ការដូងក្រអូបពីក្រុមហ៊ុននេះ មិនតិចហិកតារនោះទេ  ខណៈដែលប្រភពជិតស្និទ្ធិរបស់នាងក៏បង្ហើបថានាងគម្រោងសង់ទីលម្ហែកាយនៅក្នុងចម្ការដែលបានទិញនោះ  ដើម្បីសម្រាកកម្សាន្តផង។ 

ប្រភពពីក្រុមហ៊ុនហង្សម្ចាស់ដី បានអះអាងថា  មិនមែនតែអ្នកនាង ចាន់  កែវនិមល ពិធីការិនីងហង្សមាស ដែលតែងបង្ហាញខ្លួនធ្វើជាពិធីការិនីទិញចម្ការធុរ៉េន នៅខេត្តកំពតពីក្រុមហ៊ុនមួយនេះចំនួន៥ហិកតារនោះទេ  តារាចម្រៀង  នាង ឱក សុគន្ធកញ្ញា ក៏បានទិញចម្ការពីក្រុមហ៊ុននេះ មិនតិចហិកតារដូចគ្នានោះដែរ  ដោយគ្រាន់តែនាងទិញនៅខេត្តសៀមរាប  ហើយជាប្រភេទចម្ការដូងក្រអូប ដែលនាងយល់ថាងាយស្រួលបានផលលឿនជាងធុរ៉េន។  នៅមិនទាន់ដឹងថា នាងទិញប៉ុន្មានហិកតារនៅឡើយទេ ប៉ុន្តែយោងតាមការទទួលស្គាល់របស់  ឱក សុគន្ធកញ្ញា កាលពីយប់ថ្ងៃទី៣ មេសា នោះ  នាងថា ខ្លួនពិតជាបានទិញមែនប៉ុន្តែតិចតួចប៉ុណ្ណោះ។ ប្រភពបន្តថា  ឱក សុគន្ធកញ្ញា មិនត្រឹមតែទិញផ្ទាល់ខ្លួនប៉ុណ្ណោះទេ  ប៉ុន្តែក៍នាំសាច់ញាតិ មិត្តភ័ក្ត្រមកទិញចម្ការដូងក្រអូបជាប់ព្រំរបស់ខ្លួនផងដែរ ទើបមានការប៉ាន់ស្មានថា  កញ្ញាទំនងទិញមិនតិចហិកតារតិចជាង ពិធីការិនី ចាន់ កែវនិមលនោះទេ ស្របគ្នាដែលការចូលរួមទិញចម្ការរបស់នាង  និងអតិថិជនទាំងអស់  ត្រូវបាន លោក ហង្ស ព្រីន្សយ៉ា ជាម្ចាស់គម្រោងប្រកាសថា គឺជាការរួមចំណែកធ្វើអោយកម្ពុជា ក្លាយជាហង្សធំមួយក្នុងពេលដ៍ខ្លី  នៅក្នុងតំបន់អាសុី។  

ថ្លែងក្រោយផ្ទុះប្រតិកម្មជុំវិញការលើកឡើងនេះ លោក ហង្ស ព្រីន្សយ៉ា នៅតែរក្សាជំហរថា ៣ទៅ៥ឆ្នាំទៀត តាមរយៈយុទ្ធសាស្ត្រពង្រីកកសិកម្ម និង វិស័យសេដ្ឋកិច្ចរបស់លោក និងអ្នកវិនិយោគផ្សេងទៀត កម្ពុជាពិតជាក្លាយជាហង្សអាសុី។  លោកថាសត្វហង្ស គឺសត្វសុភាព ហើយអ្នកណាក៍ស្រលាញ់ អ្នកណាក៍ចង់ធ្វើជាម្ចាស់ ដោយសារតែរូបសម្រស់ និងរូបរាងដ៍ទាក់ទាញរបស់សត្វនេះ។ មិនខុសគ្នាដែរ កម្ពុជា ក៍មិនខុសពីហង្សមួយក្បាលដែរ ដោយសារតែកម្ពុជាមានទាំងធនធានធម្មជាតិ  ធនធានចំណេះដឹង ហើយអ្វីដែលសំខាន់គឺកម្ពុជានៅមានកត្តាច្រើនណាស់ដែលអាចក្លាយជាហង្ស និងក្លាយជាប្រទេសអ្នកមានទៅបាន។ លោកឧទាហរណ៍ថា សម្រាប់វិស័យបច្ចេកវិទ្យា និងឧស្សាហកម្មទំនើប កម្ពុជាមិនអាចទៅរួចជាមួយប្រទេសក្នុងតំបន់នោះទេ ប៉ុន្តែពឹងលើសណ្ឋានដី និងវិស័យកសិកម្មតែមួយផ្នែកក៍កម្ពុជាអាចក្លាយជាហង្សធំមួយ ដែលអារកចំណូលចូលហោប៉ៅពលរដ្ឋ និងជួយអោយកម្ពុជារួចផុតពីបន្ទាត់ក្រីក្របានដែរ។ លោកបន្តលើកឡើងថា នៅក្នុងពេលនេះក្រុមហ៊ុនហង្សម្ចាស់ដីរបស់លោក បានបោះទុនវិនិយោគប្រមូលទិញដីទុកចោលរបស់ពលរដ្ឋរាប់មុឺនហិកតារនៅក្នុងបណ្ដាខេត្តសំខាន់ៗ រួមមានខេត្ត កំពត  ខេត្តពោធិសាត់ ខេត្តមណ្ឌលគីរី  និងខេត្តសៀមរាប ជាដើម ដើម្បីវិនិយោគដាំដុះជាចម្ការធុរ៉េន  ជាចម្ការដូងក្រអូប  ជាចម្ការប័រ និងជាចម្ការក្រូចជាដើម  ដោយក្រុមហ៊ុនរបស់លោកបានទាំងប្តើយុទ្ធសាស្ត្តពុះដីធំៗទាំងនោះ ជាចម្ការមួយហិកតារៗលក់អោយពលរដ្ឋ ក្នុងលក្ខណ្ឌបង់រំលោះ ឬ បង់ផ្ដាច់ ដើម្បីអោយពលរដ្ឋបានរួមចំណែកធ្វើជាអ្នកវិនិយោគក្នុងគម្រោងរបស់លោក។ លោកបន្តថា នៅក្នុងដំណាក់កាលកំពុងឈូសឆាយ និងធ្វើការដាំដុះនេះ កម្ពុជាមើលមិនទាន់ឃើញថាខ្លួនគឺជាហង្សដូចអ្វីដែលលោកអះអាងនោះទេ ប៉ុន្តែនៅរយៈពេល៣ឆ្នាំក្រោយ ទៅ៥ឆ្នាំក្រោយ ក្នុងពេលដែលដីទំនេរ ដីមិនប្រើការដែលលោកវិនិយោគហើយពុះជាឡូតិ៍ទាំងៗនោះប្រែក្លាយជាចម្ការដំណាំ ដែលលក់បានចំណូល នៅពេលនោះហើយដែលកម្ពុជានឹងមើលឃើញថាខ្លួនគឺជាប្រទេសដែលអាចទាក់ទាញក្រុមវិនិយោគទុនបរទេស និងអន្តរជាតិកម្រិតណា។ លោកថាកន្លងមកបណ្ដាក្រុមហ៊ុនតូចធំៗ រមែងប្រើតែយុទ្ធសាស្ត្រដាំដុះចម្ការតែម្នាក់ឯង ហើយនៅពេលចម្ការទាំងមូលធំពេក ប្រើទុនមកទប់លឬងរួចក៍បោះបង់ចោល ធ្វើអោយកម្ពុជានៅតែមានដីអត់ប្រយោជន៍សេសសល់ពាសវាលពាសកាល ប៉ុន្តែរូបលោកលោកមើលឃើញថា មានតែការចូលរួមពីសំណាក់បងប្អូនក្នុងស្រុក  ដែលរួមចំណែកធ្វើជាម្ចាស់ចម្ការ ម្ចាស់ភាគហ៊ុនប៉ុណ្ណោះ ទើបអាចអោយវិស័យកសិកម្មនៅក្នុងប្រទេសទាំងមូលឈានឡើងថល់កំពូល។ លោកថ្លែងបញ្ជាក់ថា”កាលពីមុនក្រុមហ៊ុនធំៗគាត់ធ្វើចម្ការតែម្នាក់ឯង ចឹងទោះចង់មិនចង់ដើមទុនដែលគាត់ប្រឹងធ្វើគឺនឹងបាត់និរន្តរភាព ប៉ុន្តែរូបខ្ញុំ ខ្ញុំហ៑ាននិយាយថាកម្ពុជានឹងក្លាយជាហង្សនៅអាសុីទៅបាន គឺដោយសារតែក្នុងពេលនេះ ខ្ញុំចាប់អារម្មណ៍ថាគម្រោងលក់ចម្ការរបស់ក្រុមហ៊ុនទៅកាន់បងប្អូនយើង គឺបងប្អូនយើងរួមគ្បាទិញច្រើន ចឹងបើមួយគ្រួសារៗសុទ្ធតែមានចម្ការ ហើយចម្ការទាំងនោះត្រូវបានថែទាំដោយក្រុមហ៊ុនដើម្បីអោយកកើតជាដំណាំលើផ្ទៃដីដែលក្រុមហ៊ុនប្រកាសលក់រាល់ថ្ងៃ តើកម្ពុជានឹងខ្វះភោគផលទៀតទេ ហើយបើកម្ពុជាក្លាយជាប្រទេសនាំចេញកសិកម្មធំមួយក្រៅពីអង្ករដែលធ្លាប់មាន តើកម្ពុជាអាចចាត់ទុកថាជាហង្សនៅអាសុី ឬក្នុងតំបន់បានឬ មិនបាន?”។ 

លោកហង្ស ព្រីន្សយ៉ា បន្តថា នៅក្នុងពេលនេះក្រុមហ៊ុនរបស់លោកបោះទុនរាប់លានដុល្លារទិញដីនៅខេត្តមណ្ឌលគីរីវិនិយោគដាំប័រ  ទិញដីនៅខេត្តកំពតវិនិយោគដាំធុរ៉េន ទិញដីនៅខេត្តពោធិសាត់វិនិយោគដាំធុរ៉េន និងដូងក្រអូប និងទិញដីនៅខេត្តសៀមរាបវិនិយោគដាំដូងក្រអូប ដោយពុះលក់បង់រំលោះបានច្រើនពាន់ហិកតារមកហើយ ខណៈដែកក្រុមហ៊ុនក៍បានសហការជាមួយថៃដែលជាស្ដេចកសិកម្មអោយជួយបច្ចេកទេសក្នុងការដាំដុះ  និងមើលថែដំណាំទាំងនោះ ដើម្បីអោយដីចម្ការដែលបងប្អូនបានទិញគឺពិតជាមានអ្នកមើលថែ និងដាំដុះដំណាំអោយដូចក្នុងកិច្ចសន្យា ដើម្បីអោយ៤ឆ្នាំក្រោយ គឺចម្ការដែលបានទិញពីក្រុមហ៊ុនហង្សម្ចាស់ដីរបស់លោកមានផ្លែផ្កាពិតប្រាកដ។ ក្នុងនោះក្រុមហ៊ុនក៍ទើបតែចុញកិច្ចព្រមព្រៀងជាមួយមហាយក្សចិន ក្នុងការផ្គត់ផ្គង់ធុរ៉េន និងដូងក្រអូប ក្នុងជំហានដំបូងគឺ២មុឺនហិកតារនៅរយៈពេល៣ឆ្នាំក្រោយ ដែលតម្រូវអោយក្រុមហ៊ុនត្រូវតែពន្លឿនលើការឈូសឆាយ និងដាំដុះដំណាំជូនពលរដ្ឋដែលទិញចម្ការពីក្រុមហ៊ុនមិនអោយភ័យរឿងបានតែដីហើយគ្មានដំណាំ ឬមានដំណាំហើយគ្មានទីផ្សារទទួលទិញឡើយ។

ក្រុមហ៊ុន​បច្ចេកវិទ្យា​យក្ស​ Apple​ បាន​សហការ​ជាមួយ​ក្រុមហ៊ុន​ជំនាញ​ខាង​ផលិត​បន្ទះ​ឈី​បដែល​មាន​ដូចជា​ Intel​ និង​ Qualcomm​ ដើម្បី​បំពាក់​លើ​ស្មា​តហ្វូ​ន iPhone​ ឆ្នាំ2020​។

យ៉ាងណាមិញ​ យោង​តាម​របាយការណ៍​ថ្មី​ បាន​បង្ហាញថា​ Intel​ បាន​ជួប​បញ្ហា​ខ្លះ​លើ​ចង្វាក់​ការផលិត​បន្ទះ​ឈីប​ XMM​ 8160​ ដែល​ជា​ស្រឡាយ​បន្ទះ​ឈីប​ 5G​ និង​ជា​បន្ទះ​ឈី​បដែល​ Apple​ កុម្ម៉ង់​ដោយ​ផ្ទាល់​។

បញ្ហា​រកាំរកូស​នេះ​ នឹងអាច​អូស​បន្លាយពេល​យូរ​ ដែល​ធ្វើ​ឱ្យ​មិន​អាច​ប្រកាស​ចេញ​បន្ទះ​ឈីប​ 5G​ នៅ​ពាក់កណ្ដាល​ឆ្នាំ2019​ នេះ​បានទេ​ ដោយ​អាច​នឹង​ឈាន​ចូល​ដល់​ខែសីហា​ ឆ្នាំ2020​ ឯណោះ​វិញ​។

តាម​ប្រភព​ដដែល​បាន​បញ្ជាក់​ថា​ ក្រោយ​កើតមាន​រឿង​អាក់អន់​ចិត្ត​បែបនេះ​ Apple​ បាន​ងាក​មក​ចាប់ដៃ​ជាមួយនឹង​ Qualcomm​ ហើយក៏​កំពុង​រៀបចំ​ចាប់ផ្តើម​ផលិត​បន្ទះ​ឈី​បដោយខ្លួនឯង​ទៀតផង​ ដើម្បី​ដំណើរការ​ឱ្យ​ទាន់​ទីផ្សារ​ប្រកួតប្រជែង​ស្មា​តហ្វូ​ននា​ឆ្នាំ2019​ និង2020​ ខាងមុខនេះ​៕ឭ

រដ្ឋមន្ត្រី​ក្រសួង​ពាណិជ្ជកម្ម​បាន​ស្នើ​តំណាង​ធនាគារ​ចិន​ប្រចាំ​នៅ​កម្ពុជា​ឱ្យ​ជួយ​គាំទ្រ​ការប្រើ​ប្រាស់​ និង​ទូទាត់​រូបិយប័ណ្ណ​ខ្មែរ​(ប្រាក់​រៀល​)តាមរយៈ​ប្រព័ន្ធ​អេឡិចត្រូនិក​ (E-Payment​) ជាពិសេស​ QR​ Code​ ដែល​ជា​មធ្យោបាយ​ទូទាត់​សាច់ប្រាក់​ដ៏​ពេញនិយម​នៅក្នុង​ប្រទេស​ចិន​ដើម្បី​ជំរុញ​កិច្ច​សម្រួល​ពាណិជ្ជកម្ម​ និង​ពង្រឹង​ទំនាក់ទំនង​សេដ្ឋកិច្ច​ និង​វិនិយោគ​នៃ​ប្រទេស​ទាំង2​។

ឯកឧត្តម​ ប៉ាន​ សូរ​ស័ក្តិ​ រដ្ឋមន្ត្រី​ក្រសួង​ពាណិជ្ជកម្ម​នៅក្នុង​ជំនួប​ពិភាក្សា​ជាមួយ​ប្រតិភូ​ធនាគារ​ចិន​រវាង​លោក​ WANG​ Bing​ នាយក​ប្រតិបត្តិ​រង​នៃ​ធនាគារ​ចិន​ប្រចាំ​ទីក្រុង​ហុងកុង​ ​ដោយ​បាន​មានប្រសាសន៍​ជំរុញ​ឱ្យ​តំណាង​ធនាគារ​ចិន​ទទួលយក​ការ​ទូទាត់​ជា​ប្រាក់​រៀល​ឱ្យ​កាន់តែ​ទូលំទូលាយ​សម្រាប់​សកម្មភាព​ធុរកិច្ច​ និង​វិនិយោគ​ទ្វេភាគី​ ជាពិសេស​ការដោះដូរ​ពាណិជ្ជកម្ម​តាម​ប្រព័ន្ធ​អេឡិចត្រូនិក​ ឬហៅ​ថា​ E-Commerce​ ដោយ​ប្រើប្រាស់​បច្ចេកវិទ្យា​ E-Payment​ និង​ QR​ Code​ ដូចគ្នា​ជាមួយ​កម្មវិធី​ទូរស័ព្ទ​ដៃ​ WeChat​ ឬ Alipay​ ជាដើម​ ដើម្បី​ពង្រឹង​ និង​ពង្រីក​កិច្ច​សហប្រតិបត្តិ​ការ​រវាង​ក្រសួង​ពាណិជ្ជកម្ម​កម្ពុជា​ និង​គ្រឹះស្ថាន​ហិរញ្ញវត្ថុ​រដ្ឋ​របស់​ចិន​ដ៏​ធំ​មួយ​នេះ​។

ជាមួយគ្នា​នេះ​ដែរ​ លោក​រដ្ឋមន្ត្រី​ក្រសួង​ពាណិជ្ជកម្ម​ ប៉ាន​ សូរ​ស័ក្តិ​ ក៏បាន​សំណូមពរ​ផង​ដែរ​ ដល់​លោក​ WANG​ Bing​ នាយក​ប្រតិបត្តិ​រង​នៃ​ធនាគារ​ចិន​ ប្រចាំ​ទីក្រុង​ហុងកុង​ ឱ្យ​ពិនិត្យ​លទ្ធភាព​ចូលរួម​វិនិយោគ​សាងសង់​ឡសម្ងួត​ (សៃ​ឡូ​) នៅ​តាម​បណ្តា​ខេត្ត​សំ​ខាន់​ៗក្នុង​ប្រទេស​កម្ពុជា​ដើម្បី​រក្សាទុក​កសិផល​ក្នុងរយៈពេល​យូរ​ និង​ផ្ដល់​ឥណទាន​ដល់​ប្រជាកសិករ​ ជាពិសេស​សហគ្រាស​ខ្នាត​តូច​ និង​មធ្យម​ដើម្បី​ពង្រឹង​ការ​អភិវឌ្ឍ​ខ្សែ​ចង្វាក់​តម្លៃ​ផលិតផល​ដែល​មាន​សក្តា​នុ​ពល​នានា​ សំដៅ​បង្កើត​តម្លៃបន្ថែម​ និង​ធ្វើ​ពិពិធ​កម្មការ​នាំចេញ​។

លោក​ WANG​ Bing​ បាន​ថ្លែងអំណរគុណ​ដល់​លោក​រដ្ឋមន្ត្រី​កម្ពុជា​ ដែល​បាន​គាំទ្រ​ប្រតិបត្តិ​ការ​របស់​ធនាគារ​ចិន​នៅក្នុង​ប្រទេស​កម្ពុជា​ ឧទាហរណ៍​ដូចជា​ការប្រើ​ប្រាស់​ប្រាក់​យន់​តាមរយៈ​ប្រព័ន្ធ​ធនាគារ​ដើម្បី​សម្រួលការ​ធ្វើ​ពាណិជ្ជកម្ម​ វិនិយោគ​ និង​ទេសចរណ៍​ ព្រមទាំង​ការបង្កើត​ការិយាល័យ​ចិន​មួយ​ (Chinese​ Desk​) នៅ​ក្រសួង​ពាណិជ្ជកម្ម​ដើម្បី​សម្រួល​ដល់​ធុរជន​ចិន​ក្នុង​ការ​ធ្វើ​ប្រតិបត្តិ​ការ​ពាណិជ្ជកម្ម​។ល។

លោក​ក៏បាន​ណែនាំ​អំពី​សមាសភាព​ថ្នាក់ដឹកនាំ​ថ្មី​របស់​ធនាគារ​ចិន​ និង​បាន​ជម្រាប​ជូន​លោក​រដ្ឋមន្ត្រី​អំពី​ការរៀបចំ​យុទ្ធសាស្ត្រ​មួយចំនួន​ដើម្បី​ទាក់ទាញ​ការ​វិនិយោគ​បន្ថែម​ពី​ប្រទេស​ចិន​ មកកាន់​ប្រទេស​កម្ពុជា​ ស្របតាម​គំនិត​ផ្តួចផ្តើម​ «ផ្លូវ​ និង​ខ្សែក្រវាត់​» របស់​លោក​ ស៊ី​ ជិន​ពីង​ប្រធានាធិបតី​ដ៏​អស្ចារ្យ​របស់​ចិន​៕

លី​កកំពូល​កម្ពុជា​នា​សប្តាហ៍​ទី2​ បាន​បញ្ចប់​ទៅ​ហើយ​ ដោយក្រុម​ព្រះ​ខ័ន​រាជ​ស្វាយរៀង​ គឺជា​ក្រុម​ដែល​ឈរ​នៅ​លើកំពូល​តារាង​ជា​បណ្តោះអាសន្ន​ ខណៈ​ដែល​ក្រុម​យុវជន​អាយុ​ក្រោម​ 18ឆ្នាំ​របស់​សាលា​បាល់ទាត់​ជាតិ​បាទី​ឈរ​នៅ​លេខរៀង​ចុងប៉ូច​គេ​។

បើ​ងាក​មក​មើល​អ្នក​ទាត់បាល់​បញ្ចូល​ទី​បាន​ច្រើនជាង​គេ​វិញ​នោះ​ គិត​មកដល់ពេលនេះ​មាន​កីឡាករ​ 3រូប​ដែល​កំពុង​កាន់កាប់​តំណែង​នេះ​ដែល​រួមមាន​កីឡាករ​ជប៉ុន​ 1រូប​ (Yudai​ Ogawa​ របស់​ក្រុម​អង្គ​រថា​យហ្គឺរ​) និងកីឡា​ករ​អាហ្វ្រិក​ 2រូប​ (Dzama​ Bata​ របស់​ក្រុម​ក្រសួងការពារជាតិ​ និង​ Souleymaine​ Coulibaly​ របស់​ក្លិប​គិរីវង់​សុខ​សែន​ជ័យ​)។

គួរ​រំឭក​ផង​ដែរ​ថា​ កាលពី​សប្តាហ៍​ទី1​ អ្នក​ដែល​គ្រង​តំណែង​នេះ​ គឺ​កីឡាករ​ Souleymaine​ Coulibaly​ ដែល​រកបាន​ 3គ្រាប់​ក្នុង​ជំនួប​ជាមួយ​ក្រុម​សាលា​បាល់ទាត់​ជាតិ​បាទី​ ខណៈ​ដែល​សប្តាហ៍​នេះ​កីឡាករ​ Yudai​ Ogawa​ រកបាន​ 3គ្រាប់​ដែរ​ក្នុង​ការប្រកួត​ជាមួយ​ក្រុម​កំពង់ចាម​ និង​ Dzama​ Bata​ រកបាន​គ្រាប់​បាល់​នៅក្នុង​ជំនួប​ជាមួយ​ក្រុ​មណាហ្គាវើលដ៍​៕

អាងហែលទឹក​នៅក្នុង​ពហុ​កីឡដ្ឋាន​ជាតិ​ដែល​បើក​ឱ្យ​ដំណើរការ​តាំងពី​ឆ្នាំ1963មក​នោះ​ ត្រូវ​បាន​បើក​ធ្វើការ​ជួសជុល​ឡើងវិញ​កាលពី​ពេល​កន្លងមក​ ហើយ​មកទល់​នឹង​ពេលនេះ​ ដំណើរការ​ជួសជុល​ និង​សាងសង់​ឡើងវិញ​នេះ​សម្រេច​បាន​ប្រហែលជា​ 60ភាគរយ​ហើយ​ ហើយ​បើ​តាម​គម្រោង​ ការងារ​នេះ​អាច​នឹង​បញ្ចប់​ជាស្ថាពរ​នៅដើម​ខែមិថុនា​។

អាងហែលទឹក​នេះ​ត្រូវ​បាន​ជួសជុល​ និង​សាងសង់​ឡើង​សាជាថ្មី​ ក្រោម​ជំនួយ​ឧបត្ថម្ភ​ពី​សប្បុរសជន​នានា​ក្នុង​វិស័យ​កីឡាហែលទឹក​នេះ​តាមរយៈ​ការ​កៀងគរ​ពីសំណាក់​ឯកឧត្តម​ ស៊ុន​ ចាន់​ថុល​ រដ្ឋមន្ត្រី​ក្រសួងសាធារណការ​ និង​ដឹកជញ្ជូន​ និង​ ជា​ប្រធាន​នៃ​សហព័ន្ធ​កីឡាហែលទឹក​កម្ពុជា​។

គួរ​បញ្ជាក់​ផង​ដែរ​ថា​ អាងហែលទឹក​នៅ​ពហុ​កីឡដ្ឋាន​ជាតិ​អូឡាំពិក​ ត្រូវ​បាន​ខូចខាត​ស្ទើរតែ​ទាំងស្រុង​បន្ទាប់ពី​សង្គ្រាម​ផ្ទៃក្នុង​ប្រទេស​បាន​រលត់​ទៅ​ និង​បច្ចុប្បន្ន​ត្រូវ​បាន​ក្រសួងសាធារណការ​ និង​ដឹកជញ្ជូន​ធ្វើការ​រៀបចំ​ជួសជុល​ និង​សាងសង់​ឡើងវិញ​កាលពី​ចុងឆ្នាំ2018​ ក្រោម​អធីប​តី​ភាព​ឯកឧត្ដម​ ស៊ុន​ ចាន់​ថុល​ ប្រធាន​សហព័ន្ធ​កីឡាហែលទឹក​កម្ពុជា​ ដោយអាង​ហែលទឹក​ថ្មីនេះ​នឹង​រៀបចំ​សាងសង់​ឡើង​តាម​លក្ខណៈ​ស្តង់​ដា​ទំនើប​សម័យថ្មី​ ដែល​មិន​ខុសគ្នា​ពី​អាង​ហែល​ទឹ​កធំៗ​មួយចំនួន​លើ​ពិភពលោក​ឡើយ​៕

ការប្រកួត​បាល់ទាត់​ជម្រើស​ជើងឯក​យុវជន​អាយុ​ក្រោម​ 15ឆ្នាំ​ 17ឆ្នាំ​ និង​លី​កបាល់ទាត់​នារី​កម្រិត​ទី1​ និង​ទី2​ ឆ្នាំ2018​ ដែល​រៀបចំឡើង​ដោយ​សហព័ន្ធ​កីឡាបាល់ទាត់​កម្ពុជា​ បាន​ធ្វើការ​បិទ​បញ្ចប់​ជាស្ថាពរ​ហើយ​ ដោយ​បាន​រក​ឃើញ​ជើងឯក​អស់​រួចរាល់​ហើយ​។

នៅក្នុង​ការប្រកួត​វគ្គ​ផ្ដាច់ព្រ័ត្រ​ ពានរង្វាន់​ទាំងអស់​ត្រូវ​បាន​ធ្វើ​រួមគ្នា​នៅក្នុង​ទីលាន​នៃ​វិទ្យាល័យ​ហ៊ុន​ សែន​ ខ្លា​កូន​ របស់​សាលា​តម្រង់​ទិស​នៃ​ខេត្ត​បន្ទាយមានជ័យ​ ​;ដោយ​ពាន​យុវជន​ U15​ បាន​ទៅ​ក្រុម​សាលា​តម្រង់​ទិស​ខេត្តបាត់ដំបង​ ឯពានរង្វាន់​ U17​ បាន​ទៅលើ​ក្រុម​សាលា​តម្រង់​ទិស​ខេត្ត​កំពង់ឆ្នាំង​ ចំណែក​លី​កបាល់ទាត់​នារី​កម្រិត​ទី1​ ក្រុម​សាលា​តម្រង់​ទិស​ខេត្តស្វាយរៀង​ជា​ក្រុម​ដែល​គ្រង​តំណែង​ជើងឯក​ ឯក្រុម​សាលា​តម្រង់​ទិស​ខេត្ត​កំពង់ចាម​បាន​លើក​ពាន​លី​កបាល់ទាត់​នារី​កម្រិត​ទី2​។

ការប្រកួត​ដណ្ដើម​ពានរង្វាន់​ទាំងនេះ​មានការ​ចូលរួម​ពីសា​លា​តម្រង់​ទិស​កីឡាបាល់ទាត់​ទូទាំង​ 25រាជធានី​-ខេត្ត​ ដើម្បី​ចម្រាញ់​ធនធាន​កីឡាករ​-កីឡា​កា​រិនី​ឆ្នើម​ៗត្រៀម​ស៊ី​ហ្គេម​ឆ្នាំ2023​ ដែល​កម្ពុជា​នឹង​ធ្វើជា​ម្ចាស់ផ្ទះ​៕

ដូច​អ្វី​ដែល​បាន​គ្រោងទុក​នោះ​ គឺ​ស្ពាន​មិត្តភាព​កម្ពុជា​-ជប៉ុន​(ស្ពាន​ជ្រោយ​ចង្វា​រទី1​) ត្រូវ​បាន​សម្ពោធ​ដាក់​ឱ្យ​ដំណើរការ​ឡើងវិញ​ក្រោម​អធិបតីភាព​ដ៏​ខ្ពង់ខ្ពស់​របស់​សម្តេច​អគ្គមហាសេនា​បតី​តេជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ និង​ឯកឧត្តម​លោក​ ហ៊ី​ដេ​ហ៊ី​សា​ ហូរី​ណូ​ឈិ​(Hidehisa​ HORINOUCHI​) ឯកអគ្គ​រាជទូត​ជប៉ុន​ប្រចាំ​ប្រទេស​កម្ពុជា​នា​ព្រឹក​ថ្ងៃទី3​ ខែមេសា​ ម្សិលមិញ​នេះ​ បន្ទាប់ពី​បាន​ដំណើរការ​ជួសជុល​កែ​លម្អ​ឡើងវិញ​អស់​រយៈពេល​ពេល​ជិត​ 2ឆ្នាំ​រួចមក​។

ដោយសារ​ការ​ខិតខំ​ប្រឹងប្រែង​លើ​ការងារ​ជួសជុល​ទាំង​ភាគី​ជប៉ុន​ និង​កម្ពុជា​ដោយ​បាន​ធ្វើការ​ទាំងថ្ងៃទាំងយប់​នោះ​ ធ្វើ​ឱ្យ​ការ​ជួសជុល​ត្រូវ​បាន​បញ្ចប់​មុន​កាលកំណត់​ និង​បាន​ជ្រើស​យក​ថ្ងៃទី3​ ខែមេសា​ម្សិលមិញ​នេះ​ជា​ថ្ងៃ​ដាក់​ឱ្យ​ដំណើរការ​ឡើងវិញ​ដើម្បី​ជួយ​សម្រួលការ​ធ្វើដំណើរ​របស់​ប្រជាពលរដ្ឋ​ក្នុង​ឱកាស​បុណ្យចូលឆ្នាំ​ថ្មី​ប្រពៃណី​ជាតិ​។

ឯកឧត្ដម​ ស៊ុន​ ចាន់​ថុល​ ទេស​រដ្ឋមន្ត្រី​ រដ្ឋមន្ត្រី​ក្រសួងសាធារណការ​ និង​ដឹកជញ្ជូន​ បាន​គូសបញ្ជាក់​ថា​ ការ​ជួសជុល​ស្ពាន​នេះ​ គឺ​មានគុណ​ភាពរឹងមាំ​ល្អ​ប្រសើរ​ក្រោម​ការ​យកចិត្ត​ទុកដាក់​ខ្ពស់​ពី​ក្រុម​វិស្វករ​ជួសជុល​របស់​ជប៉ុន​ និង​កម្ពុជា​។ ក្រោយពី​ការ​ជួសជុល​ចប់​រួចរាល់​ ស្ពាន​មិត្តភាព​កម្ពុជា​-ជប៉ុន​នេះ​អាច​ប្រើ​បាន​រយៈពេល​ 50ឆ្នាំទៅ​មុខ​ទៀត​។

ឯកឧត្ដម​ ស៊ុន​ ចាន់​ថុល​ រដ្ឋមន្ត្រី​ក្រសួងសាធារណការ​ និង​ដឹកជញ្ជូន​ បាន​បញ្ជាក់​បន្ថែម​ទៀត​ថា​ ការ​ជួសជុល​ស្ពាន​នេះ​បាន​ចំណាយ​ថវិកា​អស់​ប្រមាណ​ 30លាន​ដុល្លារ​អាមេរិក​ ជា​ជំនួយឥតសំណង​របស់​រាជរដ្ឋាភិបាល​ជប៉ុន​។

ស្ពាន​ជ្រោយ​ចង្វា​រទី1​ គឺជា​ស្ពាន​ដែល​មាន​តួនាទី​ដ៏​សំខាន់​ក្នុង​ការ​តភ្ជាប់​រាជធានី​ភ្នំពេញ​ ឆ្លងកាត់​លើ​ទន្លេសាប​ទៅ​តំបន់​ត្រើយម្ខាង​ដែល​បាន​សាងសង់​ឡើង​ និង​ដាក់​ឱ្យ​ប្រើប្រាស់​ក្នុង​ឆ្នាំ1963តាមរយៈ​ជំនួយឥតសំណង​របស់​រាជរដ្ឋាភិបាល​ជប៉ុន​។ ស្ពាន​នេះ​មាន​ប្រវែង​ 971ម៉ែត្រ​ និង​មាន​ទទឹង​ទំហំ​ 13ម៉ែត្រ​។

ប៉ុន្តែ​ដោយសារ​សង្គ្រាមស៊ីវិល​ក្នុង​អំឡុង​ទសវត្សរ៍​ឆ្នាំ1970​ (ឆ្នាំ1972​ ពេល​ប្រទេស​កម្ពុជា​ជួប​ភ្លើងសង្គ្រាម​) ស្ពាន​ត្រូវ​ទទួលរង​នូវ​ការខូចខាត​ស្ទើរតែ​ទាំងស្រុង​។ អំឡុង​នៃ​ពេល​ការ​ដាច់​ស្ពាន​នោះ​បាន​ធ្វើ​ឱ្យ​ប្រជាពលរដ្ឋ​ជួប​ការ​លំបាក​ជា​ខ្លាំង​ក្នុង​ការ​ធ្វើដំណើរ​ ដោយ​ត្រូវ​ជិះទូក​ ឬកាណូតដ​ឆ្លងកាត់​ទន្លេ​ដ៏​ធំ​មួយ​នេះ​។ រហូតមកដល់​ឆ្នាំ1992​ ទើប​ស្ពាន​នេះ​ត្រូវ​បាន​ជួសជុល​ និង​ស្ដារ​លទ្ធភាព​ឡើងវិញ​ ​;ក្រោម​ជំនួយឥតសំណង​របស់​រដ្ឋាភិបាល​ជប៉ុន​ ហើយ​បាន​បើក​ឱ្យ​ដំណើរការ​ជាថ្មី​ម្ដងទៀត​នៅ​ឆ្នាំ1996​ និង​បាន​ក្លាយជា​ច្រករបៀង​សេដ្ឋកិច្ច​យ៉ាង​សំខាន់​ដែល​តភ្ជាប់​រាជធានី​ភ្នំពេញ​ទៅ​ បណ្ដា​ខេត្ត​ភាគ​ខាងកើត​ឆៀង​ខាង​ជើង​ផ្សេង​ៗរបស់​ប្រទេស​កម្ពុជា​។

នៅពេល​នោះ​ស្ពាន​ជ្រោយ​ចង្វា​រទី1នេះ​ត្រូវ​បាន​ដាក់ឈ្មោះ​ថ្មី​ថា​ «ស្ពាន​មិត្តភាព​កម្ពុជា​-ជប៉ុន​» ហើយ​ស្ពាន​នេះ​បាន​ជួយ​សម្រួល​ដល់​ការ​ធ្វើដំណើរ​របស់​ប្រជាពលរដ្ឋ​ កាត់បន្ថយ​គ្រោះថ្នាក់​ចរាចរណ៍​ លើកកម្ពស់​សកម្មភាព​សេដ្ឋកិច្ច​តាមរយៈ​ការ​ដឹកជញ្ជូន​ទំនិញ​មកកាន់​ទីក្រុង​ភ្នំពេញ​។

ដោយសារ​ស្ពាន​នេះ​មាន​អាយុកាល​ដ៏​ចំណាស់​ ហើយ​ស្រប​ពេល​ដែល​កំណើន​សេដ្ឋកិច្ច​ និង​លំហូរ​ចរាចរណ៍​កើនឡើង​ជាលំដាប់​នោះ​ ស្ពាន​នេះ​តម្រូវ​ឱ្យ​មានការ​ជួសជុល​ឡើងវិញ​ជាបន្ទាន់​ ដែល​ដំណើរការ​ជួសជុល​ឡើងវិញ​នេះ​បាន​ចាប់ផ្តើម​បើក​ការដ្ឋាន​សាងសង់​ជួសជុល​នៅ​ថ្ងៃទី15​ ខែកញ្ញា​ ឆ្នាំ2017​ និង​ពាន​បញ្ចប់​មុន​កាលកំណត់​ និង​ជ្រើស​យក​ថ្ងៃទី3​ ខែមេសា​ម្សិលមិញ​នេះ​ ដាក់​ឱ្យ​ដំណើរការ​ឡើងវិញ​ដើម្បី​ជួយ​សម្រួលការ​ធ្វើដំណើរ​របស់​ប្រជាពលរដ្ឋ​ក្នុង​ឱកាស​បុណ្យចូលឆ្នាំ​ថ្មី​ប្រពៃណី​ជាតិ​នា​ពេល​ឆាប់​ៗខាងមុខនេះ​។

ដើម្បី​បញ្ជ្រាប​ការយល់​ដឹងពី​ការប្រើ​ប្រាស់​គន្លង​ផ្លូវ​នៅ​លើ​ស្ពាន​ដល់​ប្រជាពលរដ្ឋ​ខ្មែរ​នោះ​ នៅ​លើ​ស្ពាន​ជ្រោយ​ចង្វា​រចាស់​ដែល​ទើប​ជួសជុល​ហើយ​រួចរាល់​នេះ​ក៏​មាន​រូបគំនូរ​ម៉ូតូ​សម្រាប់​ផ្លូវ​ម៉ូតូ​ និង​រូប​មនុស្ស​ដើរ​លើ​គន្លង​ផ្លូវ​ថ្មើរជើង​ផង​ដែរ​។ ក្រៅពីនោះ​ក៏​មានការ​អញ្ជើញ​សិស្សានុសិស្ស​ទៅ​ទស្សនកិច្ច​នៅ​លើ​ស្ពាន​ និង​អប់រំ​ពួកគេ​អំពី​ការប្រើ​ប្រាស់​ផ្លូវ​នៅ​លើ​ស្ពាន​នោះ​ផង​ដែរ​៕