Author: អេបិល

ការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី13 ឆ្នាំ2019 ថ្នាក់ខេត្ត រវាងខេត្តសៀមរាប និងព្រះវិហារ ដែលក្រុមខេត្តសៀមរាបត្រូវធ្វើជាម្ចាស់ផ្ទះនោះ បានសម្រេចលើកពេលវេលាហើយ ដោយសារតែក្រុមមួយនេះមិនអាចរកទីលានប្រកួតបានទាន់ពេលវេលា។

ចំពោះមូលហេតុនៃការមិនឱ្យប្រកួតលើទីលានរបស់ខេត្តសៀមរាបនោះគឺ ដោយសារតែក្រុមមួយនេះបានរងការពិន័យមិនឱ្យធ្វើជាម្ចាស់ផ្ទះចំនួន 1ប្រកួត ដោយសារតែមានអំពើហិង្សាកើតឡើងក្នុងអំឡុងពេលប្រកួតនៅក្នុងកីឡដ្ឋាននេះរវាងខេត្តសៀមរាប និងឧត្តរមានជ័យ និងមិនមានអាជ្ញាធរជួយសម្របសម្រួលអំពើហិង្សាទាន់ពេលវេលា។

ដូចនេះក្រុមខេត្តសៀមរាបត្រូវស្វែងរកកីឡដ្ឋានផ្សេងក្រៅពីកីឡដ្ឋានខេត្តសៀមរាបដើម្បីរៀបចំការប្រកួតមួយនេះ ហើយការប្រកួតអាចនឹងត្រូវធ្វើនៅក្រោយពិធីចូលឆ្នាំខ្មែររួចវិញ៕

នៅព្រឹកថ្ងៃព្រហស្បតិ៍ 7កើត ខែចេត្រ ឆ្នាំច សំរឹទ្ធិស័ក ពុទ្ធសករាជ2562 ត្រូវនឹងថ្ងៃទី11 ខែមេសា ឆ្នាំ2019 វេលាម៉ោង11:០០ព្រឹក នៅពហុកីឡដ្ឋានជាតិមានការរៀបចំការចាប់គូសម្រាប់វគ្គ 16ក្រុមចុងក្រោយ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី13 ឆ្នាំ2019។

ក្រោមអធិបតីភាពរបស់ប្រធានគណៈកម្មការប្រកួតបាល់ទាត់កម្ពុជា លោក ឆាំង ពិសិដ្ឋ បានធ្វើការចាប់គូគ្នាប្រកួតជាបន្តដោយមានក្រុមឡើងមកវគ្គនេះចំនួន 16ក្រុម ត្រូវជា 8គូដែលនឹងធ្វើការប្រកួតចំនួន​ 3ថ្ងៃ គឺថ្ងៃទី23 ដល់ទី25 ខែមេសា ឆ្នាំ2019។

ក្នុងនោះដែរ ថ្ងៃដំបូង(ទី23) និងថ្ងៃទី2(ទី24) នឹងមានការប្រកួតក្នុង 1ថ្ងៃ 3គូដូចគ្នា ដោយឡែកថ្ងៃទី3 ចុងក្រោយ (ទី25) នឹងមានការប្រកួតចំនួន 2គូ ហើយការប្រកួតនឹងប្រព្រឹត្តទៅនៅវេលាម៉ោង 3រសៀលទាំងអស់៕

នេះជាលើកទី១ហើយដែលខណ្ឌច្បារអំពៅបានរៀបចំរំលេចព្រឹត្តិការណ៍សង្ក្រាន្តឆ្នាំថ្មីឆ្នាំកុររយៈពេល៣ថ្ងៃពេញដោយផុសឡើងនៅទម្រង់សិល្បៈសម័យបុរាណជាច្រើនផងដែរ។ ដូចនេះគេរំពឹងថាអ្នកនៅច្បារអំពៅឬតាមផ្លូវជាតិលេខ១ពិតជាមកចូលរួមច្រើនរៀបចំនៅវត្តវាលស្បូវរាជធានីភ្នំពេញ។

លោក ចេង មុន្នីរ៉ា អភិបាលនៃគណអភិបាលខណ្ឌច្បារអំពៅ បានមានប្រសាសន៍ថា ដោយសារប្រទេសយើងមានសុខសន្តិភាព និងការអភិវឌ្ឍន៍ រីកចំរើនគ្រប់វិស័យ ក្រោមការដឹកនាំប្រកបដោយគត្តិបណ្ឌិតរបស់ម្តេចអគ្គមហាសេនាបតីតេជោហ៊ុនសែនជានាយករដ្ឋមន្រ្តី ដែលធ្វើអោយប្រជាពលរដ្ឋយើងរស់នៅសុខស្រួល និងចង់ទៅណាមកណាម៉ោងណាក៏បាន វាមិនលំបាក ចង់ទៅចូលរួមកម្មវិធីណាក៏ស្រួលធ្វើតំណើរ ដូចនេះស្របតាមទិសដៅនៃភាពរីកចំរើនរបស់ប្រទេសជាតិយើង និងដើម្បីអបអរសាទរក្នុងឱកាសពិធីបុណ្យចូលឆ្នាំថ្មីប្រពៃណីខ្មែរយើងនេះ រដ្ឋបាលខណ្ឌច្បារអំពៅ ក៏បានធ្វើកមហមវិធីរយៈពេល៣ថ្ងៃ គឺកម្មវិធី សង្ក្រាន្តច្បារអំពៅ និងមានកម្មវិធីជាច្រើនដូចជា ពិធីស្រង់ព្រះ ពិធីរាប់បាត្រ លេងល្បែងប្រជាប្រិយ តំបន់ត្រជាក់ចិត្ត ការរាំលេងកម្សាន្ត ការការប្រគុំតន្រ្តី សម្តែងប្លែកៗ មានការដើបង្ហាញម៉ូត ក្រុមកំប្លែង និងតារាចំរៀងល្បីៗចូលរួមជាច្រើនរូប ។

ដូចនេះលោកអភិបាលខណ្ឌសូមគោរពអញ្ជើញបងប្អូនប្រជាពលរដ្ឋទាំងអស់មកចូលរួមកម្មវិធីសង្ក្រាន្តច្បារអំពៅនេះអោយបានច្រើនកុះករ ។ ដោយឡែកលោក អ៊ឹម ជីវ៉ា ដែលជាអ្នកចាត់ចែងរៀបចំកម្មវិធីផ្នែកសិល្បៈក្នុងសង្ក្រាន្ត ច្បារអំពៅ បាននិយាយថា នេះ កម្មវិធីសិល្បៈមានច្រើនទម្រង់មែនទែនដែលមានការចូលរួមពីសិល្បករគ្រប់ផ្នែក ក្នុងនោះយើងមានការការបង្ហាញម៉ូតទៅតាមសម័យកាល ហើយការលេងល្បែងប្រជាប្រិយចាប់ពីព្រឹក ការលេងនៅតំបន់ត្រជាក់ចិត្តចាប់ផ្តើមពីម៉ោង១រសៀល ការប្រគុំតន្រ្តីនិងការចាប់ផ្តើមពីម៉ោង៦ដល់ម៉ោង១០យប់ និងមានកម្មវិធីសប្បាយជាច្រើនទៀត។

វិដេអូ១ដែលចេញផ្សាយប៉ុន្មានថ្ងៃមកនេះត្រូវបានគេមើលឃើញថាមានការរៀបរាប់យ៉ាងលម្អិតពីអាកប្បកិរិយាយុវជនគួរធ្វើខ្លួនយ៉ាងណាឱ្យត្រឹមត្រូវជុំវិញព្រឹត្តិការណ៍បុណ្យចូលឆ្នាំប្រពៃណីជាតិខ្មែរ។ បើតាមការឱ្យដឹងវីដេអូមានបង្កប់អត្ថន័យខ្ពស់នេះនិងចាក់ផ្សាយជាបន្តបន្ទាប់នៅលើកញ្ចក់ទូរទស្សន៍ជាតិកម្ពុជាក្នុងន័យបំផុសការយល់ដឹងបន្តទៀត។

ការលើកយកកម្មវិធីខាងលើនេះមកសម្តែងដើម្បីចូលរួមមួយផ្នែកទប់ទល់ការរាំច្រៀងច្រើនពេកហើយភាពសប្បាយរីករាយអំណរឆ្នាំថ្មីមានពិតមែនក៍មនុស្សទាំងអស់មិនត្រូវភ្លេចខ្លួនបង្ហាញនូវគុណធម៌សីលធម៌ដាក់គ្នាសមជាប្រទេសមានអរិយធម៌ខ្ពស់។ ម្ល៉ោះហើយបើទោះជាយើងមិនអាចបកក្រោយបានយើងក៏នៅតែរំលេចរំលឹកខ្លះៗ អប់រំយុវវ័យជំនាន់ក្រោយមានការយល់ដឹងជាបន្តជៀសវាងភ្លេចខ្លួនបង្កអំពើណាមួយស្មានមិនដល់ពេលចូលឆ្នាំ។ វីដេអូនេះជួយការគាំទ្រដោយព្រះវិជ្ជារង្សី ឈឹម សំអាត កល្យាណសិរីព្រះគណៈថ្នាក់កិត្តិយសគណៈមហានិកាយទីប្រឹក្សាសម្តេចព្រះសង្ឃនាយកនៃព្រះរាជាណាចក្រកម្ពុជាប្រធានពុទ្ឋិកសមាគមនិងជាព្រះចៅអាវាសវត្តព្រះសង្ឃខ្មែរនៃរដ្ឋវ៉ាស៊ីនតោន។ តោះទស្សនាវិដេអេមានអត្ថន័យអប់រំដូចម្តេចទាំងអស់គ្នា៖

កាលពីការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី13 ឆ្នាំ2019 ថ្នាក់ខេត្ត រវាងខេត្តសៀមរាប និងខេត្តឧត្តរមានជ័យកាលពីសប្តាហ៍មុន មានអំពើហិង្សាកើតឡើងក្នុងអំឡុងការប្រកួតរវាងក្រុមទាំង2 ធ្វើឱ្យផ្អើលពេញទាំងទីលាន។

ដោយសារតែមូលហេតុនេះហើយ ទើបគណៈកម្មការរៀបចំការប្រកួតបាល់ទាត់ជាតិកម្ពុជាបានអនុវត្តតាមច្បាប់ពិន័យទៅលើកីឡដ្ឋានខេត្តសៀមរាប​មិនឱ្យធ្វើជាម្ចាស់ផ្ទះក្នុងការប្រកួតដណ្ដើមពានរង្វាន់នេះចំនួន 1ប្រកួត ដោយឱ្យខេត្តសៀមរាបស្វែងរកទឹកដីកណ្តាលណាមួយសម្រាប់ប្រកួតលើកក្រោយ។

ដូច្នេះហើយ នៅសប្តាហ៍ក្រោយនេះ ការប្រកួតសប្តាហ៍ទី6 រវាងខេត្តសៀមរាប និងខេត្តព្រះវិហារ ដែលខេត្តសៀមរាបត្រូវធ្វើជាម្ចាស់ផ្ទះនោះ នឹងត្រូវលើកទៅធ្វើនៅក្នុងទឹកដីខេត្តផ្សេងក្រៅពីខេត្តសៀមរាបវិញ៕

លោកស្រី ពុធ ធីតា ជាម្ចាស់ក្លិបបាល់ទាត់នៃលីកកំពូលកម្ពុជា បឹងកេត អេហ្វស៊ី បានបង្ហាញចំណាប់អារម្មណ៍របស់ខ្លួនជុំវិញការបញ្ជូនកូនប្រុសម្នាក់ទៅចូលរួមធ្វើតេស្តសមត្ថភាពជាមួយក្លិបយក្សរបស់អេស្ប៉ាញ FC Bacelona នោះថា នៅទីនោះមានកុមារពូកែៗច្រើនណាស់មកពីជុំវិញពិភពលោក ដូច្នេះហើយទើបធ្វើឱ្យលោកស្រីមិនសូវជាមានសង្ឃឹមប៉ុន្មានឡើយ។

កុមារា DOME ដែលជាកូនប្រុសបង្កើតរបស់លោកស្រីកំពុងតែធ្វើតេស្តសមត្ថភាពរបស់គេលើកចុងក្រោយនៅក្នុងសាលាបាល់ទាត់ FC BESCOLA នៅលើទឹកដីប្រទេសអេស្ប៉ាញ ដែលជាសាលាបាល់ទាត់របស់ក្លិប Bacelona ក្នុងកម្មវិធីជ្រើសរើសយកកុមារដែលមានសមត្ថភាពខ្លាំងមកពីជុំវិញពិភពលោកដើម្បីបានហ្វឹកហាត់នៅក្នុងក្លិបមួយនេះ។

លោកស្រីបានបន្ថែមថា ក្នុងការធ្វើតេស្តសមត្ថភាពលើកនេះ គឺជាលើកទី3ហើយ ដែលលើកទី1 ធ្វើឡើងនៅក្នុងប្រទេសសិង្ហបុរី លើកទី2 នៅទឹកដីអេស្ប៉ាញ ហើយលើកនេះគឺជាលើកចុងក្រោយហើយ ប្រសិនបើជាប់ Dome នឹងបានចូលរួមជាមួយក្រុមយុវជនរបស់ក្លិប Bacelona តែម្តង៕

ក្រុមបាល់ទាត់ជម្រើសជាតិថៃនៅពេលនេះ មិនទាន់រកបានគ្រូបង្វឹកដែលល្អសម្រាប់ដឹកនាំក្រុមដំរីសឹករបស់ខ្លួនបាននៅឡើយទេ ខណៈដែលគ្រូបង្វឹកបណ្តោះអាសន្ន គឺជាជនជាតិថៃ និងជាអតីតអ្នកចាត់ការក្រុមជម្រើសជាតិថៃ។

សហព័ន្ធកីឡាបាល់ទាត់ថៃបានទាក់ទងគ្រូបង្វឹកសញ្ជាតិផ្សេងៗគ្នាចំនួន 4នាក់ហើយ មានដូចជា ក្រូអាត អាល្លីម៉ង់ អេស្ប៉ាញ និងអង់គ្លេស ប៉ុន្តែមិនទទួលបានលទ្ធផលវិជ្ជមានឡើយ តែទោះជាយ៉ាងណា សហព័ន្ធកីឡាបាល់ទាត់ថៃបានប្តេជ្ញាចិត្តថា នឹងស្វែងរកគ្រូបង្វឹកដែលល្បីល្បាញ និងខ្លាំងពូកែមកដឹកនាំក្រុមបាល់ទាត់ជម្រើសជាតិរបស់គេឱ្យបាន។

គួររំឭកផងដែរថា សហព័ន្ធកីឡាបាល់ទាត់ថៃបានដកគ្រូបង្វឹករបស់ខ្លួនចេញពីតំណែងភ្លាមៗក្នុងព្រឹត្តិការណ៍បាល់ទាត់អាស៊ី AFC ASIAN CUP ក្រោយចាញ់ក្រុមឥណ្ឌាយ៉ាងទក់សាច់ 4ទល់នឹង1៕

​រថយន្ត​ផលិត​ក្នុង​ស្រុក​លើកដំបូង​របស់​​វៀតណាមបាន​លេច​ចេញ​ជារូបរាង ​និង​បាន​យក​ទៅ​ដាក់​តាំង​បង្ហាញ​នៅក្នុង​ពិព័រណ៍​រថយន្ត​អន្តរជាតិ​ជា​ច្រើន​ប្រទេស​ ដូចជា បារាំង និង​ស្វ៊ីស​ជាដើម។

​ថ្មីៗ​នេះ ក្រុមហ៊ុន VinFast ដែល​ជា​សម្ព័ន្ធ VinGroup ​និង​ម៉ាក​សញ្ញា​រថយន្ត​ទំនើប​របស់​វៀតណាម ​បាន​យក​រថយន្ត​ចំនួន 155គ្រឿង​ទៅ​ដល់​ 14ប្រទេស​ ក្នុងនោះមាន​ប្រទេស​​ក្នុងតំបន់​អាស៊ាន​ តំបន់​អាស៊ី រាប់​បញ្ចូល​ទាំង​ប្រទេសអូស្រ្តាលី អូទ្រីស និង​កូរ៉េ​ខាងត្បូង និង​ប្រទេស​អឺរ៉ុប​មួយចំនួនទៀត​ដើម្បី​បើក​សាកល្បង​លើ​គុណភាព។

​បន្ទាប់​ពី​បើក​សាកល្បងរួច ក្រុមហ៊ុន ​VinFast ​ក៏​នឹង​បើកឱ្យ​អតិថិន​កុម្ម៉ង់​ទិញ​ទុក​មុន​។ ​ចំពោះ​ថ្ងៃ​ប្រកាស​ចេញ​លក់​ផ្លូវការត្រូវបានរំពឹងថា ប្រហែល​ជាក្នុងអំឡុង​ត្រីមាស​ទី3 ឆ្នាំ2019 នេះ។

​VinFast បាន​ចាប់​ដៃគូ​ជាមួយ​ក្រុមហ៊ុន​នៅ​អឺរ៉ុប និង​អាមេរិកដែល​មាន​ជំនាញ​ខាង​វិស័យ​យានយន្ត​នេះ​ ដូចជាក្រុមហ៊ុន BMW, Bosch, Magna Steyr និង Pininfarina ដើម្បី​បង្កើត​ជា​រថយន្ត​ទាំង 2​ម៉ូដែល​របស់​ខ្លួន​ឡើង​៕

សូមទស្សនាវីដេអូបើកសាកល្បងខាងក្រោម៖

​

​​ក្រុមហ៊ុនOnePlus ​បាន​​ចូលប្រឡូក​ទីផ្សារ​ស្មាតហ្វូន​ប្រើ​ប្រព័ន្ធ 5G ដែរហើយ។ នេះ​បើ​យោងតាម​ប្រភព​គួរ​ឱ្យ​ទុក​ចិត្ត​មួយ គឺ Gsmarena។

OnePlus ​7 Pro ​នឹង​បំពាក់​ដោយ​បន្ទះ​ឈីប Snapdragon 855 ​SoC និង​មួយ​ប្រភេទ​ទៀត​ជា​ឈីប 5G (X50) អាច​នឹង​មាន​ឈ្មោះ​ថ្មី​ថា OnePlus 7 Pro 5G។

រូបភាព​ 2​សន្លឹក​ដែល​បែកធ្លាយចេញមក​ថ្មីៗ​នេះនៅ​លើ​បណ្តាញ​សង្គម​ចិន Weibo ​គឺជា​សញ្ញាមួយ​យ៉ាង​ច្បាស់​បង្ហាញ​ថា ​OnePlus 7 Pro នឹង​បំពាក់​អេក្រង់កោង ​លាត​ពេញ​មួយ​តួ​ខ្លួន ​Super optic display ដែល​ជា​​ប្រភេទ​អេក្រង់ OLED ដំណើរការ​ដោយ​ Android 9 Pie មាន RAM 8GB ជម្រើស​មេម៉ូរី 256GB។

​ប្រភព​ដដែល​បាន​បន្ថែម​ថា ​OnePlus 7 Pro ​អាច​នឹង​បំពាក់​កាមេរ៉ា 3នៅ​ខាង​ក្រោយ(4MP+16MP+8MP) ចំណែក​ឯ​កាមេរ៉ា​មុខវិញ ​ប្រភព​ដដែលមិន​បាន​បញ្ជាក់​នៅ​ឡើយ​ទេ តែ​ជា​ប្រភេទ pop-up កាមេរ៉ា។ យ៉ាង​ណាមិញ សូមរង់ចាំដល់ការប្រកាសជាផ្លូវការនៅអំឡុងខែឧសភាខាងមុខនេះ៕

​

​