Author: អេបិល

ទេពធីតាពីរដួង បង្ហាញខ្លួនក្នុងថ្ងៃមហាសង្ក្រាន្ដពិតជាស្រស់ស្អាតដាច់គេ
ទេវតាឆ្នាំថ្មី ឆ្នាំកុរ ឯកស័ក ព.ស. ២៥៦៣ ព្រះនាម ទុង្សាទេវី បុត្រីកបិលមហាព្រហ្ម ត្រូវបានបង្ហាញខ្លួនតែងតួតំណាងដោយតារាស្រីពីដួងដែលមានសម្រស់ស្អាតដូចទេពធីតាពិតៗគឺ តារាស្រី ដួង ម៉ានិច បង្ហាញខ្លួននៅក្នុងកម្មវិធីសង្ក្រាន្ដបាត់ដំបង និងដោយបវរកញ្ញាចក្រវាលកម្ពុជា២០១៨ កញ្ញា រឿន ណាត នៅក្នុងសង្ក្រាន្ដព្រៃវែង។
ក្នុងការតែងតួតំណាងទេពធីតាឆ្នាំថ្មីនេះដែរ រឿន ណាត បានគ្រងនូវសម្លៀកបំពាក់យ៉ាងស្រស់ស្អាត នៅលើរាងកាយលម្អរដោយគ្រឿងអលង្កាតុបតែងតាមបែបជាតួអង្គទេវតា នាឋានលើ ហើយបំពាក់ម្កុដស្រួច ហែរហមដោយមនុស្សម្នាជាច្រើន។ នេះជាលើកដំបូងបំផុតហើយ ដែលនាងបានក្លាយជាតួអង្គតំណាងទេពធីតាមហាសង្ក្រាន្តឆ្នាំថ្មី ឆ្នាំកុរនេះ ហើយក៏ទទួលបានការកោតសរសើរស្ញប់ស្ញែងយ៉ាងពេញៗមាត់ ពីមហាជនប្រុសស្រីទូទាំងប្រទេសកម្ពុជាផងដែរ។
ចំណែកកញ្ញាដួង ម៉ានិច តារាសម្តែងជើងថ្មី តែទទួលបានប្រជាប្រិយភាពជាខ្លាំង ដោយសារតែសមត្ថភាព និងរូបសម្រស់របស់នាងនោះ ក៏បានតុបតែងកាយក្នុងឈុតបុរាណជា ធីតាទុង្សាទេវី ដៃម្ខាងកាន់កងចក្រ ម្ខាងទៀតកៃខ្យងស័ង្ខ បង្ហាញខ្លួនកណ្ដាលទីសាធារណៈ ធ្វើឱ្យទទួលបានការចាប់អារម្មណ៍ជាខ្លាំង ពីសំណាក់មហាជនជាពិសេសអ្នកគាំទ្រ។ នៅក្នុងថ្ងៃចូលឆ្នាំនេះ ម៉ានិច បានធ្វើឱ្យអ្នកគាំទ្រខ្លួននៅលើទឹកដីបាត់ដំបង ពោលសរសើរមិនដាច់ពីមាត់ថា ស្អាតខ្លាំងណាស់ ដូចជាទេពធីតាពិតៗ រហូតដល់អ្នកចូលរួមសង្ក្រាន្ដនៅក្នុងខេត្តបាត់ដំបង សុំរូបនាងថតគ្រប់ៗគ្នា សឹងតែមិនចង់ឱ្យនាងបន្ដដំណើរទៅកាន់ទីផ្សេងឡើយ។
ចង់ជ្រាបច្បាស់ពីសម្រស់របស់ទេពធីតា ទុង្សាទេវី បង្ហាញដោយ ដួង ម៉ានិច និង រឿន ណាត ស្រស់ស្អាតកម្រិតណានោះ សូមតាមដានរូបភាពជាច្រើនខាងក្រោមជាមួយគ្នា៖

April 18, 2019
លឹម ជាឡាយ ស៊ីអារម្មណ៍អ្នកគាំទ្របង្ហោះសារខូចចិត្ត 3 ឆ្នាំ6 ខែ
ពិតជាភ្ញាក់ផ្អើលបំផុត ខណៈដែលតារាសម្ដែងឯកប្រុសក្នុងរឿង « ថ្ងៃមុនស្អប់ថ្ងៃនេះស្រឡាញ់ » លឹម ជាឡាយ ដាច់ចិត្តទម្លាយរឿងរ៉ាវឈឺចាប់រយៈពេល3ឆ្នាំ 6ខែជាមួយនារីម្នាក់ដល់ថ្នាក់គ្មានសង្ឃឹមថា ខ្លួនឯងត្រដរប្រឹងរស់បានរហូតដល់សព្វថ្ងៃនេះទេ។ ការទម្លាយអារម្មណ៍មួយនេះនៅលើបណ្ដាញសង្គមហ្វេសប៊ុក បានធ្វើឱ្យអ្នកគាំទ្រជាច្រើននាក់ងឿងឆ្ងល់ខ្លាំងមែន ថាតើតារាប្រុសរូបសង្ហានេះខូចចិត្តរឿងអ្វី?
លឹម ជាឡាយ បានសរសេររៀបរាប់ថាលើហ្វេសប៊ុកលោកថា ៖”កាលពី៣ឆ្នាំ៦ខែមុន ខ្ញុំធ្លាប់សួរខ្លួនឯងថា បើអត់ពីគេ តើខ្ញុំរស់ម្តេចទៅ? ខ្ញុំគ្មានចម្លើយជាក់លាក់សម្រាប់ខ្លួនឯងទេ គ្រាន់តែដឹងថាខ្ញុំស្រលាញ់គេខ្លាំងណាស់ ខ្លាំងដល់ថ្នាក់មិនអាចបាត់បង់គេបាន។ ខ្ញុំពិបាកស្រមៃណាស់ថាបើថ្ងៃណាមួយគ្មានគេ តើខ្ញុំអាចរស់បានដោយរបៀបណា។ ម្នាក់នោះប្រៀបដូចជាខ្យល់ដង្ហើមចេញចូលរបស់ខ្ញុំទៅហើយ បើគ្មានគេប្រហែលខ្ញុំមិនអាចរស់បានទេដឹង?លើលោកនេះគ្មានអ្វីមួយដែលមិនផ្លាស់ប្តូរឡើយ ស្នេហាខ្ញុំក៏ដូចគ្នា។ ចំណងស្នេហ៍ដ៏ផ្អែមល្ហែមចាក់ទឹកមិនលិចក៏ដើរដល់ផ្លូវបែក។ មែនទែនទៅខ្ញុំមិនដឹងថាមកពីមូលហេតុអីអោយពិតប្រាកដទេ។ ខ្ញុំបន្ទោសគេថាមកពីគេអស់ចិត្ត តែគេបកមកខ្ញុំវិញថាមកពីខ្ញុំជាអ្នកធ្វើអោយគេអស់ចិត្ត។សំនួរដែលខ្ញុំតែងសួរខ្លួនឯងតែមិនមានចម្លើយជាក់លាក់នោះ ពេលនេះខ្ញុំរកឃើញចម្លើយហើយ។ ក្រោយពេលបែកគ្នា ខ្ញុំរស់នៅវេទនាជាងស្លាប់ទៅទៀត។
បេះដូងថ្លើមប្រម៉ាត់ខ្ញុំ ត្រូវបែកបាក់ខ្ទេចខ្ទីអស់ហើយ។ មួយម៉ោងមាន៦០នាទី ខ្ញុំនឹកគេ៧០នាទី។ មួយថ្ងៃមាន២៤ម៉ោង ខ្ញុំឈឺចាប់២៥ម៉ោង។ មួយអាទិត្យមាន៧ថ្ងៃ ខ្ញុំចុកចាប់រីងរៃរាប់ឆ្នាំ។៣ឆ្នាំ៦ខែកន្លងផុតទៅដោយតានតឹង ខ្ញុំពិតជាមិនចង់ជឿសោះថាខ្លួនឯងអាចរស់បាន។ អរគុណពេលវេលាដែលជួយអោយខ្ញុំនៅមានដង្ហើមដល់ពេលនេះ។ មនុស្សជុំវិញខ្លួនខ្ញុំសួរខ្ញុំថា ខ្ញុំភ្លេចម្នាក់នោះបានហើយមែនទេ? ចម្លើយគឺ អត់ទេ! ខ្ញុំមិនអាចភ្លេចគេបានឡើយ តែគេលែងមានឥទ្ធិពលមកលើជីវិតខ្ញុំទៀតហើយ។ ម្នាក់នោះគ្រាន់តែជាការចងចាំមួយក្នុងចំណោមការចងចាំរាប់លានទៀតរបស់ខ្ញុំប៉ុណ្ណោះ។ បើគ្មានអ្នករម្លឹកឈ្មោះគេទេ ខ្ញុំក៏មិនបានទៅយកមកគិតទៀតដែរ។
គេនៅសល់តែឈ្មោះប៉ុណ្ណោះ ឯរឿងរ៉ាវផ្សេងៗទៀតខ្ញុំលែងនឹកនាទៅហើយ។ ខ្ញុំគិតថា បើថ្ងៃណាមួយបានជួបគេម្តងទៀត នោះក៏គ្មានអីអស្ចារ្យដែរ ប្រហែលជាមិនខុសអីពីបានជួបមិត្តចាស់បឋមសិក្សាដែលបែកគ្នាស្ទើរចង់ភ្លេចគ្នាទៅហើយ។ ប៉ុណ្ណឹង!មនុស្សលោកយើងបានធ្វើរឿងអស្ចារ្យជាច្រើន រឿងខ្លះស្ទើរតែមិនជឿថាអាចធ្វើបាន។ មានអ្នកធ្វើដំណើរដល់ឋានព្រះច័ន្ទ មានអ្នក…។ ឯខ្ញុំវិញក៏បានធ្វើរឿងអស្ចារ្យសម្រាប់ខ្លួនឯងដែរ គឺអាចកាត់ចិត្តពីមនុស្សម្នាក់ដែលខ្ញុំស្រលាញ់ខ្លាំងបំផុតបានជោគជ័យ។ កុំសើច! ដ្បិតថារឿងនេះស្តាប់ទៅតូចតាចមែន តែចំពោះខ្ញុំគឺវាអស្ចារ្យខ្លាំងណាស់។ពេលនេះខ្ញុំគ្រាន់ចង់ឆ្លើយសំនួរពីមុនរបស់ខ្ញុំអោយបានច្បាស់ថា បើថ្ងៃណាមួយអត់ពីគេ ខ្ញុំមិនស្លាប់ទេ គ្រាន់តែភ្លាមៗពិបាករស់បន្តិច។ តែមិនថ្វីឡើយ ពេលវេលានឹងជួយខ្ញុំបានគ្រប់យ៉ាង។
ដូច្នេះកុំបារម្ភថាខ្ញុំកាត់ចិត្តពីគេមិនបាននោះ។ គិតមើលទៅ ព្រះច័ន្ទនៅឆ្ងាយសែនឆ្ងាយគង់គេអាចទៅដល់ រឿងអីដែលគ្រាន់តែកាត់ចិត្តពីមនុស្សម្នាក់ ខ្ញុំធ្វើមិនបាន។
តែយ៉ាងណាមិញ សារដែលបានបង្ហោះដោយតារាប្រុសរូបនេះ ត្រូវបានគេដឹងថា សារស៊ីអារម្មណ៍របស់ផេច «ទសប៉ាកកា » ដែលលោកបានយកមកបង្ហោះបន្ដតែប៉ុណ្ណោះ ទោះជាមានរឿងចាក់ដោតអារម្មណ៍ ឬត្រូវសាច់រឿងខ្លួនយ៉ាងណាក្ដី បុរសសង្ហា លឹម ជាឡាយ នៅមិនទាន់បកស្រាយប្រាប់អ្នកគាំទ្រឱ្យក្បោះក្បាយនៅឡើយទេ៕

April 18, 2019
ពិតជាអស្ចារ្យ!! សង្ក្រាន្ដព្រៃវែងផ្សព្វផ្សាយក្បាច់គុនខ្មែរកក្រើកដល់បរទេស
បើទោះជាបណ្ដាខេត្តស្ទើរទាំងអស់ បានចំណាយរៀបចំព្រឹត្តិការណ៍សង្ក្រានធំៗសម្ញែងគ្នា ដើម្បីប្រទាញយកប្រជាប្រិយរៀងខ្លួន ក៏គេនៅតែកត់សម្គាល់ថា សង្ក្រាន្ដព្រៃវែងបានក្លាយជាសង្ក្រាន្ដដែលមិនត្រឹមតែល្បីតែក្នុងប្រទេសប៉ុណ្ណោះ សូម្បីតែនៅក្រៅប្រទេសក៏ស្គាល់សង្ក្រាន្ដនេះច្រើនមិនធម្មតាដែរ។
នោះគឺដោយសារតែសង្ក្រាន្ដនេះ មិនត្រឹមតែពឹងលើសិល្បករល្បីៗ និងការរៀបចំតំបន់កម្សាន្តទាក់ទាញមហាជនប៉ុណ្ណោះទេ ប៉ុន្តែក៏បានរៀបចំព្រឹត្តិការណ៍ប្រដាល់ក្បាច់គុនខ្មែរ ដោយអញ្ជើញកីឡាករបរទេសខ្លាំងៗ6រូបមកពី5ប្រទេស ឱ្យមកប្រកួតនៅក្នុងព្រឹត្តិការណ៍នេះផងដែរ ស្របគ្នាដែកព្រឹត្តិការណ៍ប្រដាលនេះ ក៏មានការផ្សាយផ្ទាល់ ហើយមានការផ្សាយបន្ដផ្ទាល់ពីសំណាក់ទូរទស្សន៍និងនៅលើបណ្ដាញសង្គមហ្វេសប៊ុកផេចរបស់បរទេស។
ខុសពីព្រឹត្តិការណ៍សង្ក្រាន្ដទាំងអស់ដែលបានធ្វើឡើងនៅកម្ពុជា ក្នុងអំឡុងបុណ្យចូលឆ្នាំនេះ សង្ក្រាន្ដព្រៃវែងនិងប៉ុស្តិ៍លេខ៥ ហ៑ានចាប់ដៃសហការគ្នារៀបចំព្រឹត្តិការណ៍ Khmer Fight ដោយមានកីឡាករកម្ពុជា និងបរទេស មកប្រកួតគ្នាយ៉ាងកក្រើក នៅយប់ថ្ងៃទី15 ខែមេសា ដែលជាថ្ងៃចូលឆ្នាំទី2។ កញ្ចក់ទូរទស្សន៍ប៉ុស្តិ៍លេខ៥ ព្រមទាំងផេចហ្វេសប៊ុក និងផេចរបស់អន្តរជាតិផងនោះ ត្រូវគេឃើញបន្តផ្ទាល់ពីព្រឹត្តិការណ៍នេះយ៉ាងភ្លូកទឹកភ្លូកដី ទើបធ្វើឱ្យសង្ក្រាន្ដព្រៃវែង កកកុញដោយមនុស្ស ហើយក្នុងចំណោមសង្ក្រាន្ដដែលបានធ្វើឡើង សង្ក្រាន្ដនេះសុះសាយជាងគេក្នុងក្រសែភ្នែកអន្តរជាតិខុសពីសង្ក្រាន្ដខេត្តផ្សេង។ កីឡាករឡុង សំណាង កីឡាករ វ៉ាន់ វឿន កីឡាករ ផល សោភ័ណ្ឌ កីឡាករ ឡៅ ចន្រ្ទា កីឡាករ រឿង សោភ័ណ្ឌ និងកីឡាករ ឃុន ឌីម៉ា ដែលសុទ្ធតែជាកីឡាករល្បីៗ ត្រូវគេឃើញដាក់ឱ្យប្រកួតជាមួយកីឡាករថៃ អ៊ីតាលី អូទ្រីស បារាំង និងឡាវជាដើមដែលសុទ្ធតែខ្លាំង ដែលនាំឱ្យព្រឹត្តិការណ៍នេះកញ្ជ្រោលពេញសូម្បីតែក្នុងពិភពប្រដាល់ក្នុងស្រុក។
លោក សេង កដិកា អ្នករៀបចំព្រឹត្តិការណ៍បានប្រាប់ឡារ៉ែនថា គឺជាមោទកភាពណាស់ ដែលកន្លងមកកម្ពុជាធ្លាប់តែបញ្ជូនកីឡាករអោយទៅប្រកួតព្រឹត្តិការណ៍ Thai Fight ដែលកីឡាករទាំងអស់ត្រូវប្រកួតឱ្យត្រូវនឹងលក្ខណ្ឌរបស់ភាគីថៃ ស្រាប់តែក្នុងពេលនេះកម្ពុជាមានលទ្ធផលរៀបចំការប្រកួត Khmer Fight ដើម្បីឱ្យកីឡាករបរទេសមកប្រកួតតាមលក្ខន្តិកៈរបស់គណកម្មការរបស់កម្ពុជាវិញ។ នេះជាលើកទី2ហើយ ដែលកម្ពុជារៀបចំការប្រកួតមួយនេះ ដោយលើកទី2រៀបចំក្នុងព្រឹត្តិការ៍បើកសម្ពោធវិមានឈ្នះៗ និងលើកទី2នេះ នៅក្នុងព្រឹត្តិការណ៍សង្ក្រាននៅព្រៃវែង ដោយធ្វើតែមួយថ្ងៃប៉ុណ្ណោះគឺថ្ងៃចូលឆ្នាំទី2 ថ្ងៃទី15 ខែមេសា ចំណែកកាលពីថ្ងៃទី14 គ្រាន់តែជាការប្រកួតរវាងកីឡាករក្នុងស្រុកនិងក្នុងស្រុក៕

April 18, 2019
ណុប ហេងទ្រី លុកដៃចូលប្រឡូកសិល្បៈចេញចម្រៀងថ្មី ក្រោយចប់ផ្លូវជាមួយម៉ាដូណា
ដូចប្រិយមិត្តបានជ្រាបមកហើយថា លោក ណុប ហេងទ្រី ជាអតីតគូស្នេហ៍ជាមួយម៉ាដូណា ខណៈនេះក្រោយចែកផ្លូវគ្នាដើររៀងខ្លួន ស្រាប់តែអ្នកជំនាញផលិតវីដេអូរូបនេះ ងាកមកពង្រឹងក្នុងពិភពសិល្បៈដោយខ្លួនឯងវិញ បើទោះបីមិនមានអតីតគូស្នេហ៍នៅជាមួយក៏ដោយ។ លោកបានបញ្ចេញបទថ្មីមានចំណងជើងថា “រាំសម័យ៧៩” ដែលមានរូបភាពអឹមវីស្អាតប្លែកភ្នែក។
លោក ណុប ហេងទ្រី បានងថ្លែងបញ្ជាក់ថា នេះជាបទម្នាក់ឯងបើកឆាករបស់លោក ហើយការសម្រេចចិត្តបញ្ចេញបទនេះ ក៏ដើម្បីបង្ហាញស្នាដៃផ្ទាល់ខ្លួន និងចង់រំលឹកដល់សំលៀកបំពាក់ និងស្ទីលអតីតកាលកាលពីអំឡុងឆ្នាំ៧៩ ដើម្បីឱ្យអ្នកគាំទ្រប្លែកភ្នែកផងដែរ។ លោកចម្រៀងមួយបទនេះ គ្រាន់តែដាក់បង្ហោះភ្លាមក៏មានអ្នកទស្សនាច្រើន ហើយបើទោះជាដាក់ថត និងបង្ហោះស្ថិតក្នុងដំណាក់កាលរៀងយឺតពេលបន្តិច ប៉ុន្តែលោកនៅតែរំពឹងខ្ពស់ថាបទសម្រៀងនេះទទួលបានការគាំទ្រខ្លាំង។ លោកប្រកាសរកស្ទីល និងក្បាច់រាំប្លែកៗឱ្យច្រើនបន្ថែមទៀតសម្រាប់បទក្រោយៗ ដោយលោករំពឹងថា ការប្រឡូកអាជីពចម្រៀងរបស់លោក បើទោះជាមិនជោគជ័យខ្លាំងក៏មានគេស្គាល់ពីសមត្ថភាពរបស់លោក។
សូមជម្រាបដែលថា ក្រោយចែកផ្លូវគ្នា អតីតគូស្នេហ៍លោក ម៉ាដូណា គឺលោក ណុប ហេងទ្រី ចាប់ផ្ដើមពង្រឹងអាជីពសិល្បៈរបស់ខ្លួនយ៉ាងខ្លាំងបន្ទាប់ពីលោកបង្ហាញសមត្ថភាពជារឿយៗមកហើយ តាមរយៈការបកស្រាយតែបទចម្រៀងលើឆាកតន្ត្រីតែជាមួយ លោក ម៉ាដូណា និងទទួលថតបទចម្រៀងឱ្យតែតារាភាគច្រើនប៉ុណ្ណោះ។ កាន់តែជាក់ច្បាស់ សូមទស្សនាវីដេអូខាងក្រោមនេះ ៖

April 13, 2019
ឡូរ៉ាម៉ម និងតារាល្បីៗធ្វើឱ្យកក្រើកសង្ក្រាន្ដលើទឹកដីកូរ៉េ
កក្រើកអស់ទឹកដីប្រទេសកូរ៉េ ខណៈដែលតារាចម្រៀង និងសម្ដែងរួមមាន កញ្ញា ឡូរ៉ាម៉ម លោក ខេម កញ្ញា បាន មុន្នីលក្ខណ៍ កញ្ញាយូរី លោក Bmo លោកប៉ែន ចំរ៉ុង និងតារាល្បីៗចាស់ក្មេងជាច្រើនរូបទៀត បង្ហាញវត្តមានក្នុងកម្មវិធីមហាសង្ក្រាន្ដនៅប្រទេសកូរ៉េខាងត្បូង។ (more…)
April 13, 2019
ឆាន់ សៀវម៉ី សម្ដែងមួយរឿងសោះ ស្រាប់តែមានសន្ទុះទីផ្សារសិល្បៈទៅហើយ
តាមការបង្ហើរបស់អ្នកដឹកនាំរឿងបានប្រាប់ឡារ៉ែនថា តារាសម្ដែងស្រីអ្នកមេម៉ាយសាច់ខ្ចី ឆាន់ សៀវម៉ី ទទួលឱកាសសម្ដែងរឿង “ផ្កា៤ទង” ជារឿងដំបូងសោះ ស្រាប់តែពេលនេះ អ្នកនាងឡើងកូដក្លាយជាតារាសម្ដែងដែលមានទីផ្សារសិល្បៈ ជាពិសេសគឺតួឆ្នាសឆ្នើម។

អ្នកនាង ឆាន់ សៀវមុ ដែលមានឈ្មោះកំណើត សាន់ វន្ថា បានថ្លែងបញ្ជាក់ថា អ្នកនាងមិនធ្លាប់ស្រម៉ៃថាខ្លួនក្លាយជាតារាសម្ដែងដែលមានទីផ្សារនោះទេ ប៉ុន្តែចាប់តាំងពីក្រុមផលិតករទទួលស្គាល់សមត្ថភាពរបស់នាងក្នុងរឿងបន្តបន្ទាប់ អ្នកនាងក៏ត្រូវបានបណ្ដាទូរទស្សន៍ជាពិសេសគឺផលិតករថៃនៅប៉ុស្តិ៍លេខ៥ផ្ដល់ឱ្យសម្ដែងជាតួអង្គកាន់តែសំខាន់ទៅៗ រហូតដល់ថ្នាក់អ្នកនាងរកពេលទទួលការសម្ដែងលែងចង់បាន។ អ្នកនាងបន្តថា ភាពយន្តដែលអ្នកនាងបានសម្ដែង ហើយត្រូវបានមហាជនស្គាល់ច្រើនរួមមាន រឿង”កំលោះទីក្រុងក្រមុំជនបទ” រឿង”ទាយាទអសុរ” របស់ប៉ុស្តិ៍លេខ៥” រឿ”កញ្ញាជើងខ្លាំង” រឿង”មិត្តប្ញស្សា” ដែលសុទ្ធតែភាពយន្តភាគប៉ុស្តិ៍លេខ៥ ក្រោមការផលិតរបស់ផលិតករថៃ និងរឿង”អំណសចទឹកប្រាក់” ទើបតែថតបញ្ចប់ ដែលគ្រោងនឹងដាក់បញ្ចាំងនៅ My TV។
អ្នកនាង សៀវម៉ី បន្តថា តំណែងក្នុងភាពយន្តតាំងពីមានការរីកចំរើន បានជួយឱ្យអ្នកនាងកាន់តែមានការទទួលស្គាល់ ទើបអាជីវកម្មហាងនិស្ស័យសមុទ្រ ដែលអ្នកនាងបានបើកដំណើរការនៅខេត្តបាត់ដំបងសព្វថ្ងៃទទួលបានជោគជ័យព្រមគ្នា ដែលអ្នកនាងយល់ថា គឺជាផ្នែកមួយដែលបានពីការគាំទ្រនៅក្នុងវិស័យសិល្បៈ។ អ្នកនាងបន្តថា សព្វថ្ងៃខ្លួនជាមេម៉ាយកូន៣ ដោយកូនប្រុសស្រីរបស់អ្នកនាងពេញកំលោះពេញក្រមុំអស់ហើយ ខណៈដែលអ្នកនាងក៍មិនដែលនឹកចង់រកឳពុកថ្មីឱ្យកូនៗ ក្រៅពីប្រឹងប្រែងក្នុងអាជីពសិល្បៈ និង បើកអាជីវកម្មដែលមានស្រាប់ និងគម្រោងដែលគ្រោងដំណើរការជាជាង។ អ្នកនាងក៏គម្រោងបណ្ដុះកូនស្រីច្បងវ័យ១៨ឆ្នាំ កូនប្រុសទី១៦ឆ្នាំ និងកូនស្រីពៅវ័យ១២ឆ្នាំ ឱ្យចូលប្រឡូកសិល្បៈផងដែរបហរសិនបើអ្នកទាំង៣ ចងប្រឡូកការងារនេះជាប់លាប់ដូចអ្នកនាង។
សូមរំឭកដល់ប្រវត្តិកាលពីអតីតកាល តារាសម្ដែង អ្នកនាង ឆាន់ សៀវម៉ី គ្រាន់តែជាអតីតអ្នកបើកសម្អាងការ និងហាងកាត់ដេរយីហោសៀវម៉ីមួយរូបប៉ុណ្ណោះនៅខេត្តបាត់ដំបង ប៉ុន្តែក្រោយពេលជំនួញទាំងពីរបរាជ័យ អ្នកនាងក៏ត្រូវឪពុកធម៌ដែលជាតារាសម្ដែងជើងចាស់មួយរូបដែរ គឺលោក រឹទ្ធ សារី ផ្ដល់ឱកាសឱ្យសម្ដែងក្នុងរឿង”ផ្កា៤ទង” ចាប់តាំងពីជំហាននោះហើយ ដែលអ្នកនាងចាប់ផ្ដើមក្លាយខ្លួនជាតារាសម្ដែងដែមានទីផ្សារម្នាក់។ អ្នកនាងត្រូវគេឃើញលេចមុខលេចមាត់កាន់យតែខ្លាំងក្នុងភាពយន្តភាគទូរទស្សន៍ជាពិសេសក្នុងតំណែងជាតួឆ្នាស់ឆ្នើម និងសិចស៊ីប៉ុន្តែអ្នកនាងបែរជាមានចំណូលចិត្តស្រគត់ស្រគំ និងចង់បើកសេវាកម្មតែងបុរាណសម្រាប់ភ្ញៀវទេសវចរណ៍ដែលទៅកម្សាន្តនៅខេត្តសៀមរាប ដើម្បីអភិរក្សទម្រង់បុរាណទៅវិញ៕

April 13, 2019
តើអ្វីទៅជាSmart ThinQ របស់ LG?
ភ្នំពេញ៖យុគ្គសម័យស្មាតហ្វូន(Smart Phone) បានវាយលុកយ៉ាងសម្បើមទៅលើឧបករណ៍ប្រើប្រាស់ស្ទើរតែគ្រប់ប្រភេទដែលកំពុងតែពេញនិយមនៅពាសពេញពិភពលោកហើយមួយរយៈចុងក្រោយនេះយើងក៏សង្គេតឃើញថាមានក្រុមហ៊ុនធំៗមួយចំនួនបានយកចិត្តទុកដាក់ជាមួយនឹងការផលិតឧបករណ៍ប្រើប្រាស់ទាំងនោះដោយភ្ជាប់ជាមួយនឹងបច្ចេកវិទ្យាវៃឆ្លាតដែលមានដូចជាទូរស័ព្ទដៃស្មាតហ្វូន(Smart Phone) ឬថេបប្លេត(Tablet) ។
ក្នុងនោះផងដែរក្រុមហ៊ុនយក្សLG ដែលគេស្គាល់យ៉ាងច្បាស់ថាជាក្រុមហ៊ុនបច្ចេកវិទ្យាផលិតឧបករណ៍ប្រើប្រាស់ម៉ាស៊ីនត្រជាក់ម៉ាស៊ីនបោកគក់ទូរទស្សន៍ទូរស័ព្ទ។ល។ ដែលទទួលបាននូវការពេញនិយមពីអតិថិជនពាសពេញពិភពលោកក៏បានភ្ជាប់នូវច្ចេកវិទ្យាSmart ThinQ ទៅនឹងឧបករណ៍ប្រើប្រាស់របស់ខ្លួនដើម្បីសម្រួលដល់ការប្រើប្រាស់ឧបករណ៍អេឡិចត្រូនិចរបស់LG អោយកាន់តែមានភាពងាយស្រួលនិងទាន់សម័យ។
មុខងារវៃឆ្លាតរបស់Smart ThinQ គឺជាមុខងារមួយប្រភេទដ៏អស្ចារ្យវាជួយសម្រួលដល់អ្នកប្រើប្រាស់ឧបករណ៍អេឡិចត្រូនិចនៅក្នុងគេហដ្ឋានដោយលោកអ្នកអាចធ្វើការបញ្ជារតាមរយៈស្មាតហ្វូន(Smart Phone) ឬក៏ថេបប្លេត(Tablet) ដោយគ្រាន់តែលោកអ្នកមានអ៊ីនធឺណិតឬក៏មានWi-Fi ដើម្បីភ្ជាប់តែប៉ុណ្ណោះ។Smart ThinQ មានមុខងារវៃឆ្លាតដោយផ្តល់សិទ្ធិឲ្យលោកអ្នកដែលជាអ្នកប្រើប្រាស់អាចបិទនិងបើកដំណើរឧបករណ៍ប្រើប្រាស់បានដូចជាម៉ាស៊ីនត្រជាក់ម៉ាស៊ីនបោកគក់និងទូរទស្សន៍បានគ្រប់ទីកន្លែង។
លើសពីនេះទៀតកម្មវិធីវៃឆ្លាតSmart ThinQ អាចជួយឲ្យលោកអ្នកដឹងពីការប្រើប្រាស់ថាមពលអគ្គីសនីជាលក្នខណៈប្រចាំថ្ងៃប្រចាំសប្តាហ៍និងប្រចាំខែទៀតផង។បូករួមជាមួយមុខងារSmart Diagnosis និងធ្វើអោយលោកអ្នកពិនិត្យដឹងនូវបញ្ហាបច្ចេកទេសដែលកើតមានឡើងនៅលើឧបករណ៍ភ្លាមដោយមិនចាំបាច់រង់ចាំជាងបច្ចេសមកពិនិត្យ
នោះឡើយ។“LG Smart ThinQ អនុញ្ញាតឲ្យលោកអ្នកមានសេរីភាពក្នុងការធ្វើឲ្យមានតុល្យភាពនៃការងារប្រចាំថ្ងៃជាច្រើនតាមរយៈការប្រើកម្មវិធីស្មាតហ្វូន(Smart Phone) ឬថេបប្លេត(Tablet) ធម្មតារបស់លោកអ្នក។” លោកអ្នកគ្រាន់ទាញយកកម្មវិធីLG SmartThinQ ដែលអាចរកបានសម្រាប់ប្រព័ន្ធប្រតិបត្តិការAndroid ឬiOS ពីស្មាតហ្វូន(Smart Phone) ឬថេបប្លេត(Tablet) របស់លោកអ្នក។
អំពីប្រវត្តិរបស់ក្រុមហ៊ុនក្នុងប្រទេសកម្ពុជា៖ ម៉ាកLG នាំចូលផ្តាច់មុខដោយក្រុមហ៊ុនGGear Co. , Ltd. ដែលគេបានស្គាល់ជាLG BrandShop ក្រុមហ៊ុនកំពុងផ្គត់ផ្គងនូវផលិតផលអេឡិចត្រូនិចដូចជាទូរទស្សន៍ទូទឹកកកម៉ាស៊ីនបោកគក់ទូរស័ព្ទចល័តនិងម៉ាស៊ីនបូមធូលីនៅក្នុងឆ្នាំ2019។ក្រុមហ៊ុនLG ទទួលបានជោគជ័យក្នុងការបើកសម្ពោធលក់8 សាខានៅក្នុងព្រះរាជាណាចក្រកម្ពុជា។ដែលសាខាទាំងនោះរួមមាន1). ខែធ្នូឆ្នាំ2012 បើកសម្ពោធសាខាLG Brandshop រាជធានីភ្នំពេញ។2). ខែមករាឆ្នាំ2013 បើកសម្ពោធLG BRANDSHOP សៀមរាប។3). ខែវិច្ឆិកាឆ្នាំ2013 បើកសម្ពោធLG BRANDSHOP ខេត្តបាត់ដំបង។4). ខែតុលាឆ្នាំ2014 បើកសម្ពោធLG BRANDSHOP ខេត្តកំពង់ចាម។5). ខែមីនាឆ្នាំ2015 បើកសម្ពោធLG BRANDSHOP ក្រុងព្រះសីហនុ។6). ខែវិច្ឆិកា2015បើកសម្ពោធLG BRANDSHOP Camko City និង7). ខែធ្នូឆ្នាំ2017 បើកសម្ពោធទូរ LG BRANDSHOP ស្ទឹងមានជ័យ។
អំពីប្រវត្តិរបស់ក្រុមហ៊ុនក្នុងប្រទេសកូរ៉េ៖ក្រុមហ៊ុនអេឡិចត្រូនិចដែលមានជាឈ្មោះជាផ្លូវការLG Electronics Inc. គឺជាក្រុមហ៊ុនរបស់កូរ៉េខាងត្បូងដែលមានទីតាំងនៅឯYeouido Dong ក្នុងទីក្រុងសេអ៊ូលដែលជាផ្នែកមួយនៃក្រុមហ៊ុនសាជីវកម្មLG និងមានបុគ្គលិកទាំងអស់ចំនួន82.000នាក់នឹងបានកំពុងធ្វើប្រត្តិបការណ៍119ប្រទេសទូទាំងពិភពលោក។សរុបជាជាមួយនឹងការលក់ទូទាំងពិភពលោកនៅក្នុងឆ្នាំ2014 ក្រុមហ៊ុនLG ទទួលបានចំណូលចំនួន55,91ពាន់លានដុល្លារ។ក្រុមហ៊ុនLG មាន4 អង្គភាពអាជីវកម្មដូចជា៖ក្រុមហ៊ុនលំនៅដ្ឋានសំម្រាប់កំសាន្តក្រុមហ៊ុនទូរគមនាគមន៍ចល័តក្រុមហ៊ុនគ្រឿងអលង្ការក្រុមហ៊ុនដំណោះស្រាយផ្លូវអាកាសនិងក្រុមហ៊ុនគ្រឿងបន្លាស់រថយន្តដែលសហការណ៍ជាមួយនឹងStarion India ហើយទីកន្លែងចម្បងសម្រាប់ផលិតម៉ាស៊ីនត្រជាក់និងម៉ាស៊ីនបោកគឺនៅទ្វីបឥណ្ឌា។អគ្គនាយកប្រតិបត្តិរបស់ក្រុមហ៊ុនអេឡិចត្រូនិចLG គឺKoo Bon Joon ដែលបានកាន់កាប់តំណែងជាអនុប្រធានក្រុមហ៊ុនLG Electronics នៅថ្ងៃទី1 ខែតុលាឆ្នាំ2010 ។ចាប់តាំងពីឆ្នាំ2008 មកក្រុមហ៊ុនLG នៅតែជាអ្នកផលិតទូរទស្សន៍ដ៏ធំទី2 នៅលើពិភពលោក។
April 12, 2019
នាំគ្នាមកដឹងពីតម្លៃទូរស័ព្ទអេក្រង់បត់ Huawei Mate X 5G ដែលនឹងចេញលក់នៅខែមិថុនាខាងមុខនេះ
Huawei Mate X នឹងចេញលក់នៅអំឡុងខែមិថុនា ឆ្នាំ2019 នេះហើយ តែយ៉ាងណាក្ដី ក្រុមហ៊ុន Huawei នៅមិនទាន់បានបញ្ជាក់ឱ្យច្បាស់ពីថ្ងៃចេញលក់ពិតប្រាកដនោះទេ។
វេបសាយទិញ-លក់អនឡាញ Vmall ដែលជាកន្លែងលក់រាយនៅប្រទេសចិន បានបង្ហោះឱ្យដឹងពីពេលវេលាដែលនឹងមានទំនិញលក់ឱ្យភ្ញៀវអំឡុងខែមិថុនាខាងមុខនេះដែលនឹងមានតម្លៃ 2,300ដុល្លារ តែបន្ទាប់ពីបង្ហោះបានប៉ុន្មានម៉ោង ក៏ត្រូវលុបចេញវិញ ហើយវេបសាយនោះក៏ដើរយឺតរហូតដល់គាំងម្ដងៗទៀតផង។
បើតាមការប្រកាសដោយផ្ទាល់ពីនាយកប្រតិបត្តិរបស់ Huawei កាលពីព្រឹត្តិការណ៍ MWC គឺស្មាតហ្វូនបត់អេក្រង់បាន បំពាក់បច្ចេកវិទ្យា 5G នេះនឹងបង្ហាញខ្លួនលើទីផ្សារនៅពាក់កណ្ដាលឆ្នាំ2019 នេះប្រាកដមែន តែរឿងតម្លៃ សុំលាក់សិនមិនទាន់ប្រកាសជាផ្លូវការទេ។
ស្មាតហ្វូន Huawei Mate X ជាស្មាតហ្វូនអេក្រង់អាចបត់បាន ដំណើរការដោយបច្ចេកវិទ្យា 5G លឿនជាងគេបំផុតនៅក្នុងពិភពលោក និងមានកម្រាស់ស្តើងត្រឹមតែ 11មីល្លីម៉ែត្រប៉ុណ្ណោះ។ ក្រៅពីការរចនាអេក្រង់បត់យ៉ាងអស្ចារ្យជាងស្មាតហ្វូនអេក្រង់បត់ដទៃទៀតហើយនោះ ស្មាតហ្វូននេះនៅដំណើរការដោយបន្ទះឈីប Kirin 980 អង្គចងចាំ ( RAM) ទំហំ 8GB និងអង្គផ្ទុកទិន្នន័យ (ROM) 512GB ដំណើរការដោយបច្ចេកវិទ្យាសាកថ្ម SuperCharge កម្លាំង 55W និងថាមពលថ្មទំហំ 4,500mAh៕

April 12, 2019
អ្នក IT នៅវៀតណាម ចង់ប្ដូរការងារភ្លាមៗ ព្រោះរឿងប្រាក់ខែ
អ្នកជំនាញផ្នែក IT នៅប្រទេសវៀតណាមលើស60% ចង់ផ្លាស់ប្ដូរការងាររបស់ខ្លួនបន្ទាប់ពីរយៈពេល 6ខែក្រោយចប់ដំណាក់កាលសាកល្បង(Probation)។ នេះបើយោងតាមរបាយការណ៍ថ្មីមួយចេញផ្សាយកាលពីខែមីនា ឆ្នាំនេះដោយ VietnamWorks។
ប្រភពដដែលបានឱ្យដឹងថា ក្រោយពេលធ្វើការចុះ Survey ផ្ទាល់តាមរយៈសំណួរ 9ចំណុចខុសៗគ្នា ចម្លើយដែលទទួលបានមកវិញគឺ ក្នុងចំណោមបុគ្គលិកពេញសិទ្ធិ 100នាក់មាន 4នាក់ចង់ប្ដូរការងារទៅធ្វើជំនាញផ្សេងវិញ **ព្រោះតែរឿងប្រាក់ខែតិចពេក។
ចម្លើយដ៏ចាក់ដោតមួយគឺ អ្នក IT វៀតណាម 47.5% ចង់បានប្រាក់ខែស្ថិតក្នុងចន្លោះពី 300 ទៅ 1,000ដុល្លារ។ ដោយឡែកសំណួរផ្សេងៗទៀតដូចជា ចង់ក្លាយជាបុគ្គលិកពេញសិទ្ធិ(15.7%) ចង់ធ្វើការក្នុងបរិយាកាសបែបថ្មី(10%) ចង់ប្ដូរអាជីព(8.1%) ចង់ទទួលបានអត្ថប្រយោជន៍ប្រសើរជាងមុន(5.2%) ការងារគួរឱ្យធុញទ្រាន់(3.9%) សប្បាយចិត្តធ្វើការជាមួយមេ(3.6%) កន្លែងធ្វើការឆ្ងាយពេក(2.3%) ចង់ឡើងប្រាក់ខែ(1.6%)។
ជាឧទាហរណ៍ អ្នកជំនាញអភិវឌ្ឍន៍កម្មវិធី(Senior developers) នៅទីក្រុងហាណូយ ទទួលបានប្រាក់ខែត្រឹមតែ 1,098ដុល្លារប៉ុណ្ណោះ ខណៈដែលការរំពឹងទុករបស់ពួកគេ ថានឹងអាចទទួលបាន 1,563ដុល្លារក្នុង 1ខែ។ ចំណែកតួនាទីជា IT Manager ទទួលបានត្រឹមតែ 1,550ដុល្លារ ខណៈដែលការរំពឹងទុករបស់ពួកគេថា នឹងអាចទទួលបាននោះគឺ 2,625ដុល្លារក្នុង 1ខែ។ រីឯសំណួរពាក់ព័ន្ធនឹងប្រាក់លើកទឹកចិត្ត មានអ្នកមិនពេញចិត្ត 28.9% និង 25% ក្នុងចំណោមបុគ្គលិក 1,000នាក់និយាយថា ប្រភេទប្រាក់លើកទឹកចិត្តដែលផ្ដល់ឱ្យនោះ មិនសមទំនង(មិនគ្រប់គ្រាន់)។
នាយកប្រតិបត្តិ Navigos Group បាននិយាយថា “យើងជឿជាក់ថា រឿងប្រាក់ខែ និងប្រាក់លើកទឹកចិត្ត នឹងបន្ថែមជូនបុគ្គលិកណាដែលខិតខំធ្វើការ និងប្រឹងប្រែងអភិវឌ្ឍខ្លួនជាប្រចាំ មិនមែនចង់បានតែប្រាក់ខែ តែធ្វើការងារគ្មានលទ្ធផលប្រសើរជាងមុននោះទេ៕

April 12, 2019
នៅ ស្រីពៅ និងចាន់ រតនា ត្រៀមឡើងសង្វៀនជាថ្មី ប៉ះគូប្រកួតម្ចាស់ផ្ទះឥណ្ឌូនេស៊ីនៅទីក្រុងហ្សាការតា
ការប្រកួតប្រដាល់ក្បាច់គុនចម្រុះ MMA របស់ ONE CHAMPIONSHIP (ONE FOR HONOR)នឹងធ្វើឡើងនៅទីក្រុងហ្សាការតា ប្រទេសឥណ្ឌូនេស៊ីនៅថ្ងៃទី3 ខែឧសភា ឆ្នាំ2019។ ក្នុងនោះដែរក៏មានកីឡាករកម្ពុជា 2រូប គឺកីឡាការិនី នៅ ស្រីពៅ និងកីឡាករ ចាន់ រតនា ដែលត្រូវជួបនឹងកីឡាករ-កីឡាការិនីម្ចាស់ផ្ទះឥណ្ឌូនេស៊ីទាំង 2រូប ខណៈដែលការប្រកួតរបស់កីឡាករកម្ពុជាទាំង 2រូបនេះគឺ សុទ្ធតែស្ថិតនៅក្នុងការប្រកួតគូពិសេសទាំងអស់។
គួរបញ្ជាក់ផងដែរថា កីឡាករ និងកីឡាការិនីកម្ពុជាទាំង 2នាក់នេះបានបាត់មុខពីសង្វៀននេះអស់រយៈពេលជាង 3ខែមកហើយ ទើបតែខែឧសភាមានការផ្គូផ្គងជាថ្មី ដោយដាក់សុទ្ធតែកីឡាករ និងកីឡាការិនីកំពូលៗរបស់កម្ពុជា៕

April 12, 2019