អេបិល - La Reine Media

ប្រទេសស្រីលង្កា បិទ Facebook ចោល លែងឱ្យដំណើរការ

រដ្ឋាភិបាលប្រទេសស្រីលង្កាបានសម្រេចផ្អាកលែងឱ្យដំណើរការកម្មវិធីបណ្ដាញសង្គម Facebook កាលពីពេលថ្មីៗនេះ បន្ទាប់ពីមានការបំផ្ទុះគ្រាប់បែកកាលពីព្រឹកថ្ងៃអាទិត្យកន្លងទៅ។

មនុស្សជិត 300នាក់ត្រូវបានស្លាប់បាត់បង់ជីវិត និងជាច្រើនរយនាក់ផ្សេងទៀតរងរបួសធ្ងន់ធ្ងរនៅឯព្រះវិហារ Roman Catholic និងសណ្ឋាគារធំៗប៉ុន្មានកន្លែងទៀត។ រដ្ឋមន្រ្តីក្រសួងការពារជាតិ លោក Ruwan Wijewardene បាននិយាយដោយសង្កត់ធ្ងន់ថា ការបំផ្ទុះនេះបង្កឡើងដោយក្រុមសាសនាជ្រុលនិយម។

ដើម្បីបញ្ចៀសការចែកចាយព័ត៌មានមិនពិត ទាក់ទិននឹងការវាយប្រហារដ៏ធ្ងន់ធ្ងរខាងលើ រដ្ឋាភិបាលស្រីលង្កាក៏សម្រេចផ្អាកលែងឱ្យដំណើរការកម្មវិធីបណ្តាញសង្គមធំៗជាច្រើន។ នេះបើយោងតាមការបញ្ជាក់របស់រដ្ឋលេខាធិការ លោក Udaya Seneviratne ដែលបានប្រាប់ទៅកាសែត The New York Times ។

តាមការឆ្លើយតបពីពលរដ្ឋប្រចាំតំបន់ សម្រាប់ WhatsApp និង Facebook មិនអាចប្រើប្រាស់បានទេ ពោលគឺ អ្នកប្រើប្រាស់អាចភ្ជាប់ការទាក់ទងគ្នាតែតាមរយៈ SMS ឬ Twitter តែប៉ុណ្ណោះ៕|

April 23, 2019

ស្មានតែក្បាលចាក់ចម្រៀង តាមពិតឧបករណ៍សប់ខ្យល់របស់ Xiaomi សោះ!

ក្រុមហ៊ុន Xiaomi បានដាក់បង្ហាញនូវឧបករណ៍ថ្មីមួយដែលខ្លួនបានដាក់ឈ្មោះឱ្យថា Air Pump ដែលរូបរាងរបស់វា សម្លឹងមួយភ្លែតទៅស្មានតែម៉ាស៊ីនចាក់ចម្រៀងខ្នាតតូច តែផ្ទុយទៅវិញ ឧបករណ៍នេះជាឧបករណ៍ប្រើសម្រាប់បញ្ចូលសម្ពាធខ្យល់ទៅវិញទេ។

ស្ថិតក្នុងតម្លៃ 30ដុល្លារ អតិថិជនអាចទទួលបានឧបករណ៍បញ្ចូលខ្យល់តួខ្លួនតូចមួយ មានវិមាត្រត្រឹមតែ 124x71x45.3ម.ម ដោយអមមកជាមួយអេក្រង់បង្ហាញភ្លើង LED ងាយស្រួលប្រើប្រាស់នៅទីងងឹតទៀតផង។ មានថាមពលថ្ម 2គ្រាប់ភ្ជាប់ក្នុងម៉ាស៊ីនទំហំ 2000mAh ដែលតួខ្លួនរបស់វាច្នៃឡើងពីលោហធាតុ គួបផ្សំនឹងទុយោមានភាពធន់មាំប្រវែង 120មីល្លីម៉ែត្រ។

ឧបករណ៍នេះអាចបញ្ចូលសម្ពាធខ្យល់ទៅកាន់របស់ប្រើប្រាស់បានជាច្រើនយ៉ាង មិនថាតែកង់ម៉ូតូ កង់រថយន្ត ឬបាល់នោះឡើយ ដោយរាល់ការសាកថ្មពេញម្ដងៗ គេអាចបញ្ចូលខ្យល់កង់រថយន្តបានចំនួន 5គ្រាប់ និងបាល់ចំនួន 7គ្រាប់។

វាអាចគ្រប់គ្រងដំណើរការសម្ពាធខ្យល់ចន្លោះពី 3psi ទៅ 150psi ដោយវានឹងផ្តាច់ប្រព័ន្ធបញ្ចូលភ្លាមៗ បើពិនិត្យឃើញថាសម្ពាធខ្យល់ឈានដល់កម្រិតខ្ពស់មួយហើយ៕

April 23, 2019

ធារី ចន្ថាប៊ីន ក្លាយជាឪពុកគេហើយដោយទទួលបានចំណងដៃកូនស្រីម្នាក់

ខ្សែបម្រើការពារ ធារី ចន្ថាប៊ីន បានក្លាយឪពុកគេហើយ ក្រោយទទួលបានចំណងដៃអាពាហ៍ពិពាហ៍ជាកូនស្រីម្នាក់ជាមួយនឹងភរិយាជាតារាម៉ូដែលរបស់ខ្លួនកាលពីថ្ងៃសោរ៏ ទី20 ខែមេសា ឆ្នាំ2019។

ស្ថិតក្នុងថ្ងៃកំណើតកូនស្រីរូបនេះ កីឡាករកូនកាត់ខ្មែរមកពីប្រទេសបារាំងរូបនេះបានចូលរួមជួយក្រុម Terenganu FC ឱ្យប្រកួតឈ្នះក្រុម Felda United ក្នុងការប្រកួតលីកកំពូលម៉ាឡេស៊ីសប្តាហ៍ទី10 ក្នុងលទ្ធផល 2 ទល់នឹង 1៕

April 23, 2019

សហព័ន្ធកីឡាតេក្វាន់ដូ ITF និងសមាជិកនៃគណៈកម្មាធិការសិទ្ធិមនុស្សកម្ពុជាចុះធ្វើអនាម័យបរិស្ថានទីក្រុងភ្នំពេញ

កាលព្រឹកថ្ងៃអាទិត្យសប្តាហ៍មុននេះ ឯកឧត្តម កែវ រ៉េមី ជាប្រធានសហព័ន្ធកីឡាតេក្វាន់ដូ(ITF) និងជាប្រធាននៃគណៈកម្មាធិការសិទ្ធិមនុស្សកម្ពុជាបានដឹកនាំកីឡាករ-កីឡាការិនីតេក្វាន់ដូ(ITF) និងសមាជិក-សមាជិកានៃគណៈកម្មាធិការសិទ្ធិមនុស្សកម្ពុជាបានចូលរួមធ្វើអនាម័យ និងសម្អាតក្នុងទីក្រុងភ្នំពេញនៅម្ដុំបរិវេណខាងមុខព្រះបរមរាជវាំង និងមាត់ទន្លេនៃទីក្រុងភ្នំពេញ។

ឆ្លៀតក្នុងឳកាសនេះផងដែរ ឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF បានថ្លែងថា ក្រុមពួកយើងនឹងធ្វើសកម្មភាពនេះជារៀងរាល់សប្តាហ៍ ចាប់ពីសប្តាហ៍នេះតទៅ ដោយសារចង់យកពេលទំនេះពីការហ្វឹកហាត់មកជួយបរិស្ថានខ្លះ ដែលនេះជាចំណែកមួយអាចឱ្យយុវជនយើងបានជួយសង្គម និងបណ្តុះគំនិតឱ្យចេះស្រឡាញ់បរិស្ថាន ហើយសកម្មភាពនេះក៏ជាគំរូល្អមួយដល់ប្រជាពលរដ្ឋទូទៅយកទៅអនុវត្តតាម ដើម្បីចេះការពារបរិស្ថាន៕

April 23, 2019

ស៊ូ យ៉ាទី របួសឆ្អឹងជំនីរ ពេលលេងទល់នឹងក្រុម Tampine Rover FC ក្នុងពានរង្វាន់ AFC CUP នៅសិង្ហបុរី

កីឡាករអ្នកចាំទីជម្រើសជាតិកម្ពុជា ស៊ូ យ៉ាទី បានថ្លែងថា ខ្លួនបានរងរបួសឆ្អឹងជំនីរក្រោមទ្រូងខាងស្ដាំ ក្រោយលោតសង្គ្រោះបាល់ ហើយធ្លាក់មកបុកនឹងដែកចងសំណាញ់បង្គោលទី ក្នុងការប្រកួតជាមួយក្រុមម្ចាស់ផ្ទះ Tampines Rovers ដោយរងបរាជ័យក្នុងលទ្ធផល 4-2 កាលពីយប់ថ្ងៃទី17 មេសាកន្លងទៅ។

កីឡាកររូបនេះបានបន្ថែមថា អាការរបួសរបស់គេនៅឈឺតិចៗនៅឡើយ ហើយកំពុងទទួលការព្យាបាលដោយការធ្វើម៉ាស្សា និងរំពឹងថា ខ្លួននឹងអាចត្រឡប់ទៅរកសភាពធម្មតាវិញក្នុងពេលឆាប់ៗខាងមុខនេះ។

គួររំឭកផងដែរថា ស៊ូ យ៉ាទី បានប្តូរចេញនៅនាទីទី85 ក្នុងការប្រកួតទល់នឹងក្រុម Tampine Rover FC ក្នុងពានរង្វាន់ AFC CUP នៅប្រទេសសិង្ហបុរី កាលពីសប្តាហ៍មុន បន្ទាប់ពីក្រុមមួយនេះបានរបូតគ្រាប់បាល់ដល់ទៅ 3គ្រាប់ជាប់ៗគ្នាក្នុងរយៈពេលត្រឹមតែ 5នាទីចុងក្រោយ ក្រោយពីបានខំប្រឹងរក្សាលទ្ធផល 1ស្មើ អស់រយៈពេល 85នាទីរួចមក៕

April 23, 2019

ស្ងាត់ៗ LG ចុះបញ្ជីកាមេរ៉ាមុខ Selfie 3គ្រាប់បានមុនគេបង្អស់

កាលពីថ្ងៃសុក្រកន្លងទៅ ក្រុមហ៊ុន LG Electronics បានទៅចុះបញ្ជីប័ណ្ណប៉ាតង់នៅ WIPO (World Intellectual Property Office) ដើម្បីផលិតស្មាតហ្វូនជំនាន់ចុងក្រោយដែលមានបំពាក់កាមេរ៉ាមុខ Selfie 3គ្រាប់ដំបូងគេបង្អស់ក្នុងពិភពលោក។

តាមប្រភពព័ត៌មានបានឱ្យដឹងថា LG នៅរក្សារចនាបទឆក(Notch) ដដែល ដោយដាក់ទីតាំងកាមេរ៉ា 3នេះនៅចន្លោះគ្នា ទោះជាមើលទៅឃើញរាងច្រើនមែន ក៏ប៉ុន្តែកាមេរ៉ាទាំងនោះតូចៗទេ។

ចំណែកផ្នែកខាងក្រោយក៏មានបំពាក់កាមេរ៉ា 3គ្រាប់ដូចគ្នា ចំពោះតួនាទីលម្អិតពីលេនស៍កាមេរ៉ានីមួយៗ នៅមិនទាន់ដឹងច្បាស់នៅឡើយទេ៕

April 23, 2019

Toyota បញ្ចេញវីដេអូ អួតរាង Highlander ឆ្នាំ2020…ស្អាតខ្លាំងណាស់!

រថយន្ត Toyota Highlander ស៊េរីឆ្នាំ2020 បានផ្លាស់ប្ដូររូបរាងថ្មីស្ទើរតែទាំងស្រុង ខុសពីស៊េរីឆ្នាំ2019 ដាច់តែម្ដង ដែលនេះ គឺជាជំនាន់ទី4 នៃត្រកូលរថយន្ត SUV មួយនេះ។

ប្រៀបធៀបនឹងជំនាន់មុនៗ រថយន្ត Highlander ជំនាន់ថ្មីនេះ ត្រូវបានគេអះអាងថាអាចផ្ដល់សុវត្ថិភាពបានខ្ពស់ជាងមុន ធន់មាំជាងមុន និងមានគុណភាពផលិតខ្ពស់ជាងមុន ដោយផ្អែកលើគ្រោងឆ្អឹងថ្មីឈ្មោះថា Toyota New Global Architecture (TNGA-K)។

រថយន្តនេះប្រើប្រាស់ម៉ាស៊ីនសាំងចំណុះ 3.5លីត្រ ;6ស៊ីឡាំង ដែលអាចផ្ដល់កម្លាំង 295សេះ។ ចំណែកប្រភេទ Hybrid គឺប្រើប្រាស់ម៉ាស៊ីនចំណុះ 2.5លីត្រ ;4ស៊ីឡាំង គួបផ្សំនឹងម៉ូទ័រអគ្គិសនីចំនួន2 ដែលប្រើប្រេងឥន្ធនៈជាមធ្យម 6.9លីត្រ/100គ.ម។

ខាងក្រោមនេះជាវីដេអូបង្ហាញពីរូបរាងរបស់ Toyota Highlander ស៊េរីឆ្នាំ2020 ដែលតាំងបង្ហាញក្នុងកម្មវិធី New York Auto Show ឆ្នាំ2019៖

April 23, 2019

ពិធីសម្ពោធការិយាល័យនៃ ក្រុមហ៊ុន ឌីប៊ី សេនឃើរ នៅកម្ពុជា

នាព្រឹក នៅថ្ងៃទី ២៣ ខែមេសា ឆ្នាំ២០១៩ ឌីប៊ី សេនឃើរ បានប្រារព្ធកម្មវិធីដ៏វិសេសវិសាល ជាមួយនឹងការបើកសម្ពោធការិយាល័យថ្មី ដែលជាសាជីវកម្មថ្មីនៅក្នុងទីក្រុងភ្នំពេញ តួរយ៉ាងការសម្ពោតជាផ្លូវការនេះ គឺត្រួវបានប្រារព្ធនាពេលព្រឹកផងដែរ ។

ជាមួយនឹងការិយាល័យនេះ ឌីប៊ី សេនឃើរនឹងបោះចំហានយ៉ាងរឹងមាំនៅលើដែនដីនៃប្រទេសកម្ពុជា ដែលកំពុងតែមានការលូតលាស់នូវតំរូវការខាងផ្នែកសេវាកម្មដឹកជញ្ចូនដ៏គួរអោយទុកចិត្ត និង កេរ្តិ៍ឈ្មោះល្បី ក្នុងសង្វាក់នៃការផ្គត់ផ្គង់។
នាយកប្រធាននៃតំបន់អាស៊ីអាគ្នេយ័៍របស់ក្រុមហ៊ុន ឌីប៊ី សេនឃើរ លោក Robert Reiter បានថ្លែងថា “ការបើសម្ពោធការិយាល័យថ្មី គឺជាការបង្ហាញការប្តេជ្ញាចិត្តនៃក្រុមហ៊ុន ឌីប៊ី សេនឃើរ អាស៊ីប៉ាស៊ីហ្វិក ដើម្បីធ្វើការវិនិយោគនៅលើទីផ្សារនៃប្រទេសកម្ពុជា ។ លើសពីនេះទៅទៀត ការិយាល័យថ្មីមួយនេះ នឹងជាឧបការណ៍ក្នុងការបង្កើនអាជីវកម្ម និង សម្រាប់ការបើកឳកាសក្នុងការសម្រួលការដឺកជញ្ចូនតាមផ្លូវ អាកាស ផ្លូវទឹក និងផ្លូវគោកផងដែរ ។”

លើសពីនេះទៅទៀត លោក Andy Lim នាយកប្រត្តិបត្តិប្រចាំប្រទេសវៀតណាម និង កម្ពុជា បានបញ្ចាក់បន្ថែមពីអត្ថប្រយោជន៍នៃឧស្សាហកម្មដឹកជញ្ចូន ។ គាត់បាននិយាយថា“ទន្ទឹមនឹងការវិវត្តិទៅកាន់ភាពឌីជីថលនិងស្វ័យប្រវត្តិកម្មរបស់អាជីវកម្មជាច្រើននៅលើពិភពលោក ក្រុមហ៊ុន ឌីប៊ី សេនឃើរ ក៏កំពុងផ្លាស់ប្តូរពីការផ្តល់ និង ដឹកជញ្ចូនទំនិញតាមបែបបុរាណរបស់ខ្លូន ។ ខ្ញុំមានមោទនភាពក្នុងការប្រកាសថា វត្តមានរបស់ ឌីប៊ី សេនឃើរនឹងដើរតួរនាទីក្នុងការដឹកនាំសេវាកម្មដឹកជញ្ចូនទៅអនាគតទូទាំងប្រទេស ។”ការសម្ពោធការិយាល័យថ្មីនៃ ឌីប៊ី សេនឃើរបានប្រារព្ធពិធីស្វាគមន៍ភ្ញៀវកិត្តិយស និង ដៃគូរសហការន៍នៅសណ្ឋាគារ Marriott Courtyard ភ្នំពេញ ។

ការិយាល័យឌីប៊ីសេនឃើរមានទីតាំងនៅ៖ផ្ទះលេខ ៧៨ ជាន់ទី៧ (អាគារ ទីថៃហេងឡុង) ផ្លូវម៊ៅសេទុង សង្កាត់បឹងត្របែក ខណ្ឌ ចំការមន រាជធានី ភ្នំពេញ រាជាណាចក្រកម្ពុជា

ព័ត៌មានបន្ថែមពី ឌីប៊ី សេនឃើរ ខេមបូឌា លីមីតធីត
ឌីម៊ីសេនឃើរ បានបង្កើតដំបូងនៅកម្ពុជាក្នុងឆ្នាំ 2007 តាមរយៈភាពជាដៃគូជាមួយភ្នាក់ងារក្នុងស្រុកមួយ។ ដើម្បីបង្កើនក្រុមហ៊ុននិងដើម្បីបំពេញនូវតម្រូវការនៃសេដ្ឋកិច្ចដែលកំពុងរីកចម្រើននេះ ។ ឌីប៊ី សេនឃើរ ខេមបូឌា លីមីតធីតត្រូវបានចុះបញ្ជីជាផ្លូវការនៅថ្ងៃទី 14 ខែសីហាឆ្នាំ 2014 ។ ការបង្កើត ឌីប៊ី សេនឃើរ ខេមបូឌា លីមីតធីតគឺជាការពង្រឹងបណ្តាញសកលលោក ហើយនិង បន្ថែមទៅលើការប្តេជ្ញាចិត្តរបស់ ឌីប៊ី សេនឃើរ ក្នុងការអភិវឌ្ឍដឹកប្រព័ន្ធដឹកជញ្ជូននៅកម្ពុជា។

April 23, 2019

អ្នកនាង ភីម និយាយអារម្មណ៍ពិតក្រោយនាយ តាក់ស៊ី បើកចិត្តឱ្យយកប្ដីថ្មី

តាមរយៈការបង្ហោះសាររបស់លោក អ៊ឹម ជីវ៉ា នៅបណ្ដាញសង្គមហ្វេសប៊ុកបានឱ្យដឹងថា តារាកំប្លែងនាយតាក់ស៊ីនឹងលាឈប់ពីសិល្បៈដោយសម្រេចបួសអស់មួយជីវិត ហើយនិងបើកផ្លូវឱ្យភរិយារបស់លោក គឺអ្នកនាងភីម យកគ្រួសារថ្មី ដែលធ្វើឱ្យម្នាក់ៗមានការប៉ាន់ស្មានយ៉ាងខ្លាំងថា ជីវិតប្ដីប្រពន្ធមួយគូនេះទំនងជួបវិបត្តិប្រេះស្រាំដល់ថ្នាក់ផ្សះផ្សារលែងបាន ទើបបណ្ដាលឱ្យតារាកំប្លែងនាយតាក់ស៊ីបោះពាក្យបែបនោះប្រាប់លោក អ៊ឹម ជីវ៉ា និងសម្រេចចិត្តបួសឱ្យឆ្ងាយពីប្រពន្ធកូន ដោយគ្មានអាល័យបែបនេះ។ ក្នុងបទសម្ភាសន៍ជាមួយអ្នកនាង ភីម ជាភរិយា អ្នកនាងបញ្ជាក់ប្រាប់ពីជំហររបស់នាយតាក់ស៊ី នៅក្នុងពេលនេះ។

អ្នកនាងភីម និយាយថា រវាងអ្នកនាង និង នាយតាក់ស៊ី អត់មានបញ្ហាគ្រួសារណាមួយកើតឡើងនោះទេ ដោយទោះជាលោកមានវ័យច្រើនជាង ហើយមានជំងឺប្រចាំកាយ ក៏អ្នកនាងមិនដែលមានអារម្មណ៍ធុញទ្រាន់ក្នុងការថែទាំនោះដែរ។ អ្នកនាងថា នាយតាក់ស៊ីសូម្បីតែការធ្វើទុក្ខបុកម្នេញដាក់ភរិយា និងកូនប្រុសដែលជាដំណក់ឈាមក៍មិនមាននោះដែរ ប៉ុន្តែអ្វីដែលធ្វើឱ្យលោកចាប់ផ្ដើមបែកគំនិតចង់តែបួស ហើយមិនចង់រស់នៅជួបជុំជាមួយប្រពន្ធកូននៅក្នុងពេលនេះ គឺដោយសារតែលោកពិបាករឿងជំងឺប្រចាំកាយ និងចង់តែបួស ហើយប្រាប់អោយនាងស្វែងរកគ្រួសារថ្មី ដើម្បីកុំឱ្យបន្តពិបាកជាមួយលោកបន្តទៀតតែម្ដង។ អ្នកនាងថា នាយតាក់ស៊ីលួចទៅបួសរត់ចោលប្រពន្ធកូនព្រោះតែជំងឺបាក់ទឹកចិត្តបែបនេះម្ដងហើយ ប៉ុន្តែក្រោយពេលតាមរកឃើញនៅភ្នំគូលែន ហើយមានការអង្វរករក៏សម្រេចចិត្តសឹកមកវិញ។

អ្នកនាងភីម បន្តថា នៅក្នុងពេលនេះ ស្វាមីរបស់ខ្លួន គឺនាយតាក់ស៊ី ចាប់ផ្ដើមឃាត់លែងជាប់តែម្ដង ដោយលោកប្រកាសថាត្រូវតែទៅបួស បើទោះជាបួសបានតែមួយថ្ងៃហើយត្រូវស្លាប់ក៏លោកប្រកាសថាអស់ចិត្ត។ អ្នកនាងថា ទាំងក្រុមការងារ និង ក្រុមគ្រួសារសុទ្ធតែអង្វរកររាល់ថ្ងៃកុំអោយលោកគិតខ្លី និងស្មើឱ្យលោកបន្តរស់នៅជួបជុំជាមួយគ្រួសារប្រពន្ធកូន តែលោកនៅតែអះអាងថា បើលោកមិនបានទៅបួស នោះលោកនឹងស្លាប់បិទភ្នែកមិនជិត។ លោកអង្វរឱ្យអ្នកនាងបើកសិទ្ធិឱ្យលោកទៅបួស ដោយលោកប្រកាសជំហរថា បើមិនឱ្យទៅបួសតាមសម្រួលទេ គឺលោកនឹងរត់ទៅបួសមិនឱ្យដឹង ហើយបើទោះជាស្លាប់រស់ក្រោយពេលសាងផ្នួស ក៏លោកមិនឱ្យប្រពន្ធកូនដឹង។ អ្នកនាងថា មកទល់ពេលនេះស្ថានភាពពន្យល់ និងអង្វរករចាប់ផ្ដើមអស់ជម្រើស ទើបអ្នកនាងសុខចិត្តឱ្យលោកទៅបួស តែសុំឱ្យលោកបួសនៅវត្តគល់ទទឹងនៅកោះក្របី ដើម្បីអោយកីនប្រពន្ធបានឡើងចុះមើលថែ ប៉ុន្តែលោកទទូចចង់ទៅបួសនៅឯភ្នំគូលែនដូចមុន។

អ្នកនាងនិយាយថា ខ្លួនពិតជាមានសម្ពាធផ្លូវចិត្តខ្លាំងណាស់ ដែលប្ដីចង់តែបួស ចង់តែទៅឆ្ងាយប្រពន្ធកូន ហើយដើរប្រាប់គេឯងថាឱ្យអ្នកនាងយកប្ដីទៀត ឬចិញ្ចឹមកូនបានយ៉ាងមិចក៏ចិញ្ចឹមទៅ ដែលមនុស្សមួយចំនួនស្ដាប់ហើយហាក់ដូចជាអ្នកនាង និងលោកមានបញ្ហាផ្ទៃក្នុង។ នៅក្នុងពេលនេះ អ្នកនាងសម្រេចឱ្យប្ដីទៅបួសនៅចុងខែ៥នេះ តែអ្វីដែលអ្នកនាងអង្វរប្ដីឱ្យធ្វើតាមនាង គឺសុំឱ្យបួសនៅវត្តគល់ទទឹង ដើម្បីឱ្យអ្នកនាង និងកូនតែម្នាក់វ័យជាង១០ឆ្នាំបានមើលថែ។

April 22, 2019

វីជេ អូឡាឡា សម្រេចបំណងចុះកុងត្រាជាមួយប៉ុស្តី៍លេខ៥

លោកអ្នកដែលស្នេហាវិស័យកីឡាប្រដាល់របស់ប៉ុស្តី៍លេខ៥ នាចុងសប្តាហ៍ពិតជាបានស្គាល់វត្តមានពិធីករអត្ថាធិប្បាយសម្បូរវោហារស័ព្ទមិនចេះរីងស្ងួតគឺ លោក វីជេ អូឡាឡា ដោយលោកមានពាក្យពេចន៍និយាយបញ្ចេញបញ្ចូលដ៍ជំនាញមួយ។

ស្ថិតក្នុងការងារប្រចាំស្ថានីយ៍មួយនេះ លោកទើបតែសម្រេចចិត្តចូលស៊ុបពេញទំហឹងនាពេលនេះទេ បន្ទាប់ពីស្វែងយល់ពីលក្ខខណ្ឌដ៍ល្អរួចមក។វីជេអូឡាឡា ទើបតែសម្រេចចិត្តទទួលចំណងលក្ខខណ្ឌជាមួយស្ថានីយ៍ប៉ុស្តី៍លេខ៥ កាលពីពេលថ្មីៗនេះតែប៉ុណ្ណោះ បើទោះជាលោកដំណើរការកម្មវិធីប្រដាល់ប្រចាំសប្តាហ៍រាប់សិបអាទិត្យមកហើយ។ លោក អូឡាឡា បានថ្លែងថា លោកទើបតែចុះកុងត្រា ជាមួយមេកើយនាប៉ុស្តី៍លេខ៥ ក្រោយពេលចរចារគ្នាត្រូវចិត្ត។ អំឡុងពេលលោកយកចំណងនេះ លោកក៏ស្តាយការងារកន្លែងចាស់គ្រាដែលខាងមេចាស់ក៍គាត់ឱ្យតម្លៃការងារប៉ុន្តែនេះជាឱកាសដែលយើងត្រូវសម្រេចចិត្ត។ លោកអះអាងទៀតថា ការចូលពេញទំហឹងជាមួយការងារទូរទស្សន៍ប៉ុស្តី៍លេខ៥ លោកមានតែពង្រឹងស្នាដៃឱ្យល្អតាមតែអាចធ្វើបានក៍ដូចជាដកបទពិសោធន៍ថ្មីៗទៀតទាក់ទិននិងជំនាញ។

មិនត្រឹមតែប៉ុណ្ណឹងទេការសម្រេចចិត្តនេះលោកក៏មើលឃើញពីស្តង់ដារការងារគឺធ្វើឱ្យលោកពេញចិត្តទើបងាកមកទទួលក្រោយពេលមើលឃើញពីរបៀបការងារមក។ យ៉ាងណាមិញរូបលោកមានតែការព្យាយាមឱ្យល្អហើយក៏រីករាយបានរួមសហការជាមួយក្រុមការងារហើយកាន់តែពិសេស លោកក៏កក់ក្តៅក្រោយពេលឃើញទស្សនិកជនជួយគាំទ្រវិស័យកីឡាប្រដាល់របស់ប៉ុស្តី៍លេខ៥ អាចដើរទៅមុខបាន។ ជំហរនេះហើយទើបក៍ជាផ្នែកជួយឲលោកជ្រើសរើសលក្ខខណ្ឌបែបនេះផងដែរ។

April 22, 2019

Author: អេបិល