Author: អេបិល

បន្ទាប់ពីវះកាត់ដុំគីស តារាសម្ដែងវ័យជ្រេ លោក វណ្ណាឌី បានធ្លាក់ខ្លួនដល់ថ្នាក់ដាច់បាយ ស្របពេលដែលលោកក៏គ្មានកូនចៅគិតគូរ និង គ្មានអ្នកណាហៅថតតាំងពីជម្ងឺកូវីត19 រងផលប៉ះពាល់។ អ្នកសិល្បៈមួយចំនួន បានសម្ដែងការអាណិតអាសូរ ក្រោយពីលោកដាច់ចិត្តដើរសុំអង្ករអ្នកសិល្បៈទាំងនោះដើម្បីបានរស់នៅបន្ត។

តារាសម្ដែងភេទទីបី កញ្ញា មុត សុវណ្ណារិទ្ធិ បានថ្លែងប្រាប់មុននេះថា តារាសម្ដែងលោក វណ្ណាឌី កំពុងប្រឈមនឹងដាច់បាយទាំងរស់តែម្ដង ដោយលោកបានខលមកសុំអង្ករខ្លួន ក្រោយពីខលសុំអង្ករ និង លុយកាក់ពីអ្នកសិល្បៈមួយចំនួន ហើយភាគច្រើនត្រូវបានគេបដិសេធ។ កញ្ញាថា លោកកំពុងធ្លាក់ខ្លួនយ៉ាងខ្លាំង ដោយបានរើចេញពីផ្ទះជួលដែលជួលលក់ដូរចាប់ហួយកន្លងមក ទៅរស់នៅបន្ទប់ខាងក្នុងតូចចង្អៀត ព្រោះតែខ្វះលទ្ធភាពនោះផង។ កញ្ញាថា អាសូរណាស់បន្ទាប់ពីដឹងថាលោកធ្លាក់ខ្លួនដល់ថ្នាក់ដើរសុំអង្ករ និង ប្រឈមនឹងកង្វះខាតគួរឱ្យសង្វេគនៅក្នុងពេលនេះ។

ជួបជាមួយនឹងផ្ទះតារា លោក វណ្ណាឌី បានថ្លែងប្រាប់ថា លោកពិតជាស្ថិតក្នុងស្ថានភាពដូចស្លាប់ទាំងរស់ប្រាកដមែន ដោយគ្មានលុយសូម្បីតែបង់ថ្លៃផ្ទះ និងបង់ថ្លៃទឹក។ លោកថាតាំងពីកូវីតវាយលុយ លោកទទួលបានឱកាសថតកុនបានតិចតួចបំផុត ដោយថតម្ដងបានតែ15ដុល្លារប៉ុណ្ណោះ ខណៈដែលអ្នកហៅថតខ្លះក៏ក្រឱ្យលុយ ហើយនៅពេលខលសុំបើកញឹកក៏ឈប់ហៅថត។ លោកថាខ្លួនធ្លាក់ដល់លក់ទូរស័ព្ទបង់ថ្លៃផ្ទះ ទើបមួយរយៈចុងក្រោយសូម្បីតែព័ត៌មាននៅលើហ្វេសប៊ុកក៏មិនដែលបានដឹង ដោយរាល់ថ្ងៃប្រើតែទូរស័ព្ទ Nចុចពិល ទាក់ទងទៅអ្នកណាក៏ពិបាក ក្រោយពីគ្មានលទ្ធភាពហ្វេសប៊ុកទាក់ទងដូចមុន។ លោកថាខ្លួនដល់ថ្នាក់ធ្លាក់ខ្លួនប្រកាសលក់ឈាម តែមិនមានអ្នកទិញ ទើបជីវិតរបស់លោកកាន់តែលំបាក។ លោកក៌មានបញ្ហាធ្វើទុក្ខដោយជម្ងឺមួយចំនួន ក្នុងវ័យ៥៨ឆ្នាំដែលកាន់តែជ្រេនាពេលនេះផងដែរ។

តារាចម្រៀងប្រុសដ៏ល្បីក្នុងប្រទេសកម្ពុជា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​លោក ខេមរៈ សិរីមន្ត បានទទួលការគាំទ្រខ្លាំង ​​​​​​​​​​​​​​​​​​​​​​​​​​រហូតដល់សព្វថ្ងៃ ​​​​​​​​​​​​​​​ដោយសារតែទេពកោសល្យសិល្បៈ ​​​​​​​​​​​​​​​ជាពិសេសទឹកដមសំឡេងដ៏ពិរោះរបស់លោកតែម្ដង ​​​​​​​​​​​​​​​​​ដែលត្រូវចិត្តមហាជនជាច្រើន​​​​​​​​​​​​​​​​​​​​​​​​​​​​​​​​។ ក្រៅពីការងារសិល្បៈ ​​​​​​​​​​​​​​​​​តារាប្រុសសាច់ដុំធំៗរូបនេះ ​​​​​​​ក៏មានជំនួញក្នុងដៃជាច្រើនផងដែរ​​​​​​​​​​​​​​​។ ថ្មីៗនេះ បើទោះបីជាស្ថិតក្នុងស្ថានភាពរដូវកាលកូវីដ19 តារាចម្រៀងប្រុសរូបនេះ មិនមានការមមាញឹកនឹងសិល្បៈឡើយ ​​​​​​​​​​​​​​​​​​​​​​​​​ទើបធ្វើឱ្យមានពេលទំនេរក្នុងការបង្កើតមុខរបរថ្មីមួយទៀត។

ខេមរៈ សិរីមន្ត បានចាប់ផ្ដើមបើកហាងលក់សម្លៀកបំពាក់ ដែលនាំចូលពីប្រទេសក្រៅ ជាម៉ូដសម្លៀកបំពាក់បែបយុវវ័យ។ ដើម្បីទាក់ចិត្តមហាជនអ្នកគាំទ្រ និងជួយ​ប្រូ​ម៉ូត​​ហាង​លក់​សម្លៀកបំពាក់​មួយផងដែរ ​​​​​​​​​​​​​​​​​​​​​លោក​បាន​ធ្វើការឡាយច្រៀងផ្ទាល់ជាមួយអ្នកគាំទ្រ តាមរយៈការសំណូមពរបទចម្រៀង ដោយលើកយក​បទ​ចាស់ៗ​ពិ​រោះៗ​ចំនួន​ពីរ​បទ​​​​​​​​​​​​​​​​​​​​​​​ គឺ​បទ​៖ «​អន្ទង​ស្នែ​ហ៍​» និង​​​​​​​​​​​​​​​​​​​​​​ «​ធុញ​បង​មែនទេ​» ច្រៀងប្រគំជាមួយ​ហ្គី​តា​សាំ​ប៉ុណ្ណោះ ​​​​​​​​​​​​​​​​​​​​​​​​​​​​​​​​​​​​​​​ឃើញថា​ពិតជា​ពិ​រោះ​ខ្លាំង​មែនទែន ​​​​​​​​​​​​​​​​​​​​​​​​​​​។​

​តាមរយៈ​ការ​ច្រៀង​គោក​ដ៏​កម្រ​នេះ​ផងដែរ ​​​​​​​​​​​​​​​​​​​​​​​​លោក ខេមរៈ សិរីមន្ត ក៏បាន​និយាយថា ​​​​​​​​​​​​​​​​​​លោក​ពុំ​ធ្លាប់​ដែល​ច្រៀង​គោក​របៀបនេះ​ទេ ​​​​​​​​​​​​​​​​​​​ប៉ុន្តែ វា​ស្ទៃ​ល៍​ប្លែក​ថ្មី​មួយ​សម្រាប់​ថ្ងៃនេះ​​​​​​​​​​​​​​​​​​​​​​​​​​​​​​​​​​​​​​​​​​​​​​ ដោយសារតែ​មានការ​ជំរុញ​កម្លាំងចិត្ត​បងប្អូន​ទាំងអស់គ្នា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៕

https://youtu.be/G1kVFm92m3A

នៅថ្ងៃទី8 មិថុនា ឆ្នាំ 2020 ខាងមុខនេះ បទចម្រៀង« អំពើល្អ » នឹងធ្វើការចេញថត MV ជាទ្រង់ទ្រាយធំរបស់ខ្លួនជាផ្លូវការ ដែលបទនេះផ្ទាល់គឺរួមសហការណ៍ផលិតដោយក្រុមហ៊ុន អាំណាតមេឌា ជាដៃគូរផ្ទាល់ជាមួយគ្រួសារតារាកម្ពុជា ដែលជាក្រុមហ៊ុនផលិតស្ពតពានិជ្ជកម្មធំមួយនៅក្នុងប្រទេសកម្ពុជា។ យ៉ាងណាក៏ដោយបទចម្រៀងនេះនឹងចូលរួមសម្ដែងដោយតារាសិល្បៈករសិល្បៈការិនីចាស់ក្មេងប្រមាណ 50រូប ក្នុងនោះគេកត់សម្គាល់ឃើញតារាយុវវ័យកំពុងទទួលបានការចាប់អារម្មណ៍ក្នុងអាជីបសម្ដែង4រូបក៏លេចវត្តមានក្នុង MV បទនេះផងដែរ។

តួអង្គបួនរូបដែលជ្រើសឱ្យសម្ដែងជាតួអង្គសំខាន់នៅក្នុងបទនេះ គេសង្កេតឃើញរួមមាន កញ្ញា អាង សុជាតា ( ហៅឈូឈូ ) ដែលកញ្ញាគឺជាតារាវ័ក្មេង មួយរូបកំពុងតែក្ដោបបានទីផ្សាសិល្បៈនាពេលចុង្រោយនេះ កញ្ញាត្រូវបានគេស្គាល់ថាកូនបង្កើតរបស់តារាសម្ដែងជើងចាស់អ្នកនាង សឿន ផាភួង ។ កញ្ញា ដាវណ្ណ ជេន្នី និងប្អូនប្រុសរបស់នាងគឺ ដាវណ្ណ រីគី ដែលជាកូនប្រុសស្រីរបស់តួអង្គម្ដាយគឺអ្នកស្រី រ៉េត រ៉ូស អ្នកទាំងពីគឺជត្រូវបានគេស្គាល់ថាបានចូលប្រឡូកក្នុងវិស័យសម្ដែងតាំងតែពីកុមារភាព មិនតែប៉ុណ្ណោះអ្នកទាំងពីរក៏បានលេចមុខនៅក្នុងខ្សែរភាពយន្តធំៗរបស់ទូរទស្សន៍នានា និងស្ពតពានិជ្ជកម្មផ្សេងៗជាច្រើនផងដែរ។ រួមលោក រុន ណាកូ ដែលត្រូវបានគេស្គាល់ថាជាតារាសម្ដែងនិងមូឌែល និងជាតារាចម្រៀងរបស់ផលិតកម្មក្លាស៊ិក ហើយមួយរយៈពេលចុងក្រោយនេះដែរ លោកក៏បានលេចមុខនៅជាពិធីករកម្មវិធីទូរទស្សន៍ផ្ទះតារាផងដែរ។ យ៉ាងណាមិញអ្នកទាំងបួនសុទ្ធសឹងតែជាតារាដែលមានវ័យក្មេងហើយក៏កំពុងទទួលបានភាពល្បីល្បាញ ហើយក៏ត្រូវបានផលិតករជ្រើសរើសឱ្យសម្ដែងជាតួអង្គសំខាន់នៅក្នុងសាច់រឿងក្នុងចម្រៀងមួយបទនេះ។

យ៉ាងណាមិញគេពុំទាន់ដឹងថាអ្នកទាំងបួនត្រូវសម្ដែងជាតួអង្គដែលមានចរិតលក្ខណៈបែបណា ឬនៅក្នុងប្លង់ឬឈុតឆាកណាមួយនៃបទចម្រៀងនោះទេ។ តែផលិតបានបង្ហើបថាពួកគេទាំងបួន និងសិល្បៈករសិល្បៈការិនីដែលនឹងចូលរួមសម្ដែងដ៏ទៃទៀតសុទ្ធសឹងតែត្រូវសម្ដែងឆ្លុះបញ្ចាំងអំពីអំពើល្អនៅក្នុងសង្គមដូចៗគ្នា ។

ដូចដែលប្រិយមិត្តបានជ្រាប​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ រួចមកហើយពី ​​​​​​​​​​​​​​​​​​​​​​​​​​​​​​​​ខ្សែជីវិតដ៏កម្សត់របស់​​​​​​​​​​​​​​​​​​​​​​​​​​​​​​​​​​​​​​​​​​​​​​​ តារាកំប្លែងប្រុសវ័យចំណាស់ ​​​​​​​​​​​​​​​​​​​​​​​​​​​​​​​​​​​​​​​នាយចេក ​​​​​​​​​​​​​​​​​​​​​​​​​​​​​​​​​​ដោយត្រូវធ្លាក់ខ្លួនរកស៊ីលក់ដូរ​​​​​​​​​​​​​​​​​​​​​​​​​​​​​​​​​​​​​​តាមចិញ្ចើមផ្លូវដើម្បីយកថវិកាទៅផ្គត់ផ្គង់គ្រួសារ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។

យ៉ាងណាមិញ​​​​​​​​​​​​​​​​​​​​​​​​​ មួយរយៈនេះតាចេក មិនសូវបានបង្ហាញមុខលើឆាកសម្ដែងនោះទេ ធ្វើឱ្យអ្នកគាំទ្រមានការនឹកនាដល់រូបលោកយ៉ាងខ្លាំង​​​​​​​​​​​​​​​​​​​​​​​​​​។ ទោះជាយ៉ាងណាក៏ដោយ នាយចេក ​​​​​​​​​​​​​​​​​នៅតែអាចរកប្រាក់ចំណូលបន្ថែមតាមរយៈការចេញទៅកាត់សក់ក្នុងមង្គលការបានដដែល។

ប៉ុន្តែរដូវកាលកូវីដ19 នេះ​​​​​​​​​​​​​​​​​​​​​​​​​​​​​​​​​​​​​​​ ការរកចំណូលដោយការកាត់សក់ក្នុងមង្គលការ ​​​​​​​​​​​​​​​​​​​​​​​​​​​​​​​​​​​​​​ក៏មិនបានដូចមុនដែរ។ ​​​​​​​​​​​​​​​​​​​​​​​​​​​​​​​​​​​​​អាចមកពីបញ្ហានេះហើយបានជាមុននេះបន្តិច តាចេក​​​​​​​​​​​​​​​​​​​​​​​​​​​​​​​​​​​​​ ប្រកាសលក់ផ្ទះ ដោយសារជីវភាពខ្វះខាត​​​​​​​​​​​​​​​​​​​​​​​​​​​​ហើយសភាពផ្ទះរបស់លោក ក៏មានដីធ្លីធំល្មមខាងលើស័ង្កសី ហើយខាងក្រោយថ្ម។ ​​​​​​​​​​​​​​​​​​​​​​​​​តែទោះបីជាយ៉ាងណា លោកក៏បានសម្រេចចិត្តលក់ផ្ទះ ដើម្បីតែជីវភាពរបស់ខ្លួនប៉ុណ្ណោះ​​​​​​​​​​​​​​​​​​​​​​​​។ ផ្ទះមួយនេះ​​​​​​​​​​​​​​​​​​​​​​​​ លោកតាចេក ​​​​​​​​​​​​​​​​​​ក៏មិនបានបញ្ជាក់ពីតម្លៃថាលក់ប៉ុន្មាននោះទេ​​​​​​​​​​​​​​​​​​​​​​​​​​​​​​៕

ម្ដងនេះមែនទែន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ហើយ ខណៈដែលតារាចម្រៀងស្រីជើងចាស់ល្បីឈ្មោះ ម៉េង កែវពេជ្ជតា​​​​​​​​​​​​​​​​​​​​​​​​​​ បានឡាយវីដេអូហែកហួនលើបណ្ដាញសង្គមហ្វេសប៊ុក ឥលូវនេះត្រូវបានស្ត្រីម្នាក់​​​​​​​​​​​​​​ ឈ្មោះ រស់ សោភ័ណ្ឌ ​​​​​​​​​​​​​​​​​​​​​​​​​​​​​​​​​​​​​​​​​​​ដាក់ពាក្យប្តឹងទៅកាន់សាលាដំបូងរាជធានីភ្នំពេញ ​​​​​​​​​​​​​​​​​​​​​​​​​​​ពីបទ ​​​​​​​​​​​​​​​​​​​​​បរិហារកេរ្តិ៍ជាសាធារណៈ និងសម្លុតកុំឱ្យដាក់ពាក្យបណ្តឹង ​​​​​​​​​​​​​​​​​​​​​​​​​​​​​​​​​​​​​​​​​​​​​​​តាមបណ្តាញសង្គមហ្វេសប៊ុក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។

បើតាមក្នុងពាក្យបណ្តឹង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ដាក់ចូលតុលាការកាលពីថ្ងៃទី28 ខែឧសភា ឆ្នាំ2020នេះ ស្ត្រី ​​​​​​​​​​​​​​​​​​​​​​​ដែលទំនងជាប្រពន្ធក្រោយរបស់លោកឧត្តមសេនីយ៍​​​​​​​​​​​​​​​​​​​​​​​​​​​​​​​​​​​​​ មួង ឃីម ​​​​​​​​​​​​​​​​​​​​​​​​​​​​​​​​​​​​​​​​​ជាអតីតប្តីរបស់អ្នកនាង ម៉េង កែវពេជ្ជតា ​​​​​​​​​​​​​​​​​​​​​​​​​​​​​បានប្តឹងទាមទារសំណងជំងឺចិត្ត 100រៀល ​​​​​​​​​​​​​​​​​​​​​​​​និងសុំឱ្យចោទប្រកាន់​​​​​​​​​​​​​​​​​​​​​​​​​​​​​​​​​​​​​​​​​​​​​​​ ផ្តន្ទាទោសតាមច្បាប់ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងសុំឱ្យប្រកាសសុំទោសលើបណ្តាញសង្គមហ្វេសបុកជាសាធារណៈ​​​​​​​​​​​​​​​​​​​​​​​​​​​​​​​​​​​​​​។

ទាក់ទិនទៅនឹងបណ្ដឹងនេះ​​​​​​​​​​​​​​​​​​​​​​​​​​​​​​ អ្នកនាង​​​​​​​​​​​​​​​​​​​​​​​​​​​​​​​​​​​​ ម៉េង ​​​​​​​​​​​​​​កែវពេជ្ជតា ​​​​​​​​​​​​​​​​​​​​​​​​​​​​​បានបង្ហោះសារអំពាវនាវយ៉ាងវែងអន្លាយថា ៖

ក្រោយពីខ្ញុំបានបកស្រាយអំពីការពិតនៅពីក្រោយនៃសម្លេងជេររបស់ខ្ញុំ​ក្នុងខ្សែរអាត់​ និងពាក្យមួលបង្កាច់​មួយចំនួន​ដែលជនថោកទាបបានធ្វើដើម្បីឱ្យគេស្អប់ខ្ញុំ ពេលនេះខ្ញុំ​ និងកូន​បានទទួលយុត្តិធម៌អំពីមហាជនរាប់​លាននាក់ហើយ​ គឺលែងមានការយល់ច្រលំ​ និងបានទទួលនូវការអាណិត​ ការផ្តល់កម្លាំងចិត្តយ៉ាងកក់ក្តៅ​ ។ ម្តាយកូនយើងខ្ញុំសូមគោរពអរគុណលោកទាំងអស់ខ្លាំងណាស់​

…ប៉ុន្តែអតីត​ ស្វាមីបោះត្រារបស់ខ្ញុំ​ ដែលពាក់ផ្កាយលើស្មាដោយសារខ្ញុំ​ បានដឹកដៃប្រពន្ធចុងក្មេងជាង30ឆ្នាំមកប្តឹងខ្ញុំឱ្យឡើងតុលាការទៅវិញ ! ផ្កាយលើស្មានេះបានធ្វើបាបខ្ញុំ​ និងកូនកាលពី១០ឆ្នាំមុន​ម្តងហើយ។ ពិតជាសក្តិសមនិងកិត្តិយស​ឯកឧត្តមផ្កាយបីនៃក្រសួងមហាផ្ទៃមែន​ ក្លាហាន​ណាស់​ ក្លាហានបានតែជាមួយ​មនុស្សស្រី​ និងកូនក្មេង​ ។ ដើម្បីផ្គាប់ចិត្តស្រី​ចុង​ ហ៊ានលើកដៃធ្វើបាបកូនខ្លួនឯង​ !

បងប្អូនណាអាចឆ្លើយនឹងខ្ញុំបាន​ ?

ក្នុងលោកនេះ​ តើមានស្ត្រីប៉ុន្មាននាក់ដែលត្រូវប្តីថោកទាបផិតក្បត់ដេញប្រពន្ធកូនចេញពីផ្ទះ​ ហើយដឹកដៃប្រពន្ធចុងមកប្តឹងប្រពន្ធដើម​ ? ?

ក្នុងលោកនេះ​ តើមានកូនប៉ុន្មាននាក់ដែលត្រូវរងភាពកំព្រាឪ​ ព្រោះតែឪស្រីស្រាល្បែង​ ?

ក្នុងលោកនេះ​ តើមានកូនប៉ុន្មាននាក់ដែលត្រូវឪពុកចិត្តតិរិច្ឆាន​ តាមយាយីសូម្បីសល់ម្តាយតែមួយហើយនៅមកតាមបំផ្លាញដោយមិនខ្វល់ដល់ការរស់នៅរៀនសូត្រ​ និងអារម្មណ៍​កូន ឥតល្ហែរ​បែបនេះ​ ?

តើឯណាទៅកត្តិយសជានាយនគរបាលជាតិ​ ? ឯណាទៅកិត្តិយសជាមនុស្ស ? ឯណាទៅកិត្តិយសជាឪពុក​ ?

គិតទៅ​ គ្រាន់តែខ្ញុំចង់រកយុត្តិធម៌​ និងកិត្តិយសដែលបាត់បង់អស់រយៈ10ឆ្នាំដោយសារពួកគេសោះ​ ក៏ពួកគេមិនព្រមដែរ ពួកគេចង់អោយខ្ញុំរស់ក្នុងឈ្មោះថោកទាប​ និងយល់ច្រលំ​ជារៀងរហូត ទើបពួកគេសុខចិត្ត​ពួកគេពិតជាមិនចង់ឱ្យខ្ញុំទទួលបាន​យុត្តិធម៌ទេ​ ។ ពេលនេះ​ជុំវិញខ្ញុំសុតតែបីសាច​ និងខ្មោចព្រាយ​ចូល​មករារាំង​ ..ប៉ុន្តែខ្ញុំមិនខ្លាច​ឡើយ​ ! យុត្តិធម៌ត្រូវតែមានសម្រាប់ខ្ញុំ​ !

ទោះជាពិបាកយ៉ាងណា​ ក៏ខ្ញុំមិនព្រមសូមទោសអាមនុស្សក្បត់ប្រពន្ធកូន​ ក្បត់ប្រពៃណីយ​ទាំងពីរ​នាក់ឯងជាដាច់ខាត​ !​ ! !

ជីវិតស្នេហាតារាចម្រៀងស្រីល្បីឈ្មោះនៅហង្សមាស សួស វីសា កាន់តែផ្អែមជាងទឹកឃ្មុំ បន្ទាប់ពីទទួលបានចំណងដៃកូនស្រីម្នាក់ដែលអ្នកនាង​កំពុងពពោះ។​ នាងបានបង្ហោះសារបង្ហើបថា «អាហារពេលរាត្រីយ៉ាងមានក្ដីសុខបំផុតសម្រាប់គ្រួសារតូចរបស់ខ្ញុំ​ បីនាក់​ប៉ា ម៉ាក់ និងកូនស្រី​ក្នុងផ្ទៃម៉ាក់ៗ រង់ចាំថ្ងៃកូនស្រី ប៉ាម៉ាក់ប្រសូតមកយើងនឹងមកមើលពន្លឺកាំជ្រួញឆ្លងឆ្នាំថ្មីរួមគ្នា​យ៉ាងមានក្ដីសុខ»។ សារនេះពិតជាអាចបញ្ជាក់បានថា អ្នកនាងនឹងគ្រប់ខែសម្រាលបុត្រនៅចុងខែធ្នូ។

ដូចដែរបានដឹងហើយថា សួស វីសា ​​​​​​​​​​​​​​​​​​​​​​​​​​​​​​​​​​​​​​​​​អតីតកាលជាតារាចម្រៀងផលិតកម្ម Rock​ ​​​​​​​​​​​​​​​​​​​​​​​​​​​​​​​​​​​​​​​​​​បានឈរជើងនៅហង្សមាស ​​​​​​​​​​​​​​​​​​​​​​​​​​​​​​​​​​​​​ក្នុងចំណោមតារាចម្រៀងស្រីជួរមុខរបស់ផលិតកម្មនេះ ​​​​​​​​​​​​​​​​​​​​​​​​​​​​​​​​​​​​​​​​​ហើយមុនពពោះកូនដំបូង ​​​​​​​​​​​​​​​​​​​​​​​​​​​​​​​​​​​នាងធ្លាប់ប្រាប់អ្នកយកព័ត៌មានក្នុងស្រុកថា ​​​​​​​​​​​​​​​​​​​​​​​​​​​​ចង់បានតំណែងលេខ2 នៅហង្សមាស ​​​​​​​​​​​​​​​​​​​​​​​​​​​​ដែលឈរបន្ទាប់ពីឱក សុគន្ធកញ្ញា​​​​​​​​​​​​​​​​​​​​​​​​​​​​​​​​​។ ប៉ុន្ដែយ៉ាងណា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​តំណែងមួយនេះប្រហែលជាពិបាកបន្ដិចសម្រាប់វីសា ​​​​​​​​​​​​​​​​​​​​​​​​​​​​​​​​​​​​​​​​​​​​​ព្រោះថាការរៀបការមានប្ដី និងកូនមួយ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​ធ្វើឱ្យនាងអាចមានទីផ្សារចម្រៀងប្រែប្រួលខុសពីមុន​ដែលអាចប្រឈមចុះខ្សោយដូចតារាមួយចំនួនទៀត ​​​​​​​​​​​​​​​​​​​​​​​​​​​​​​​​​​​ដែលមានកូនប្ដីដែរ ហើយរឿងនេះ វីសា ​​​​​​​​​​​​​​​​​​​​​​​​​​​​​​​​​​​​​ក៏ធ្លាប់ទទួលស្គាល់ផងដែរថា គេមិនផុតពីការប៉ះពាល់នោះទេ​​​​​​​​​​​​​​​​​​​​​​​​​​​​​​​​​​​​​​។

មនុស្សជាច្រើនឆ្ងល់ថា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ហេតុអី វីសា-ថមមី មានទ្រព្យកើនឡើងយ៉ាងឆាប់រហ័សបែបនេះ​​​​​​​​​​​​​​​​​​​​​​​​​​​​​​​​​​​​ ប៉ុន្តែ វីសា ធ្លាប់បង្ហោះសារថា ​​​​​​​​​​​​​​​​​​​​​​​​​​​​​​​​ជីវិតយើងថ្ងៃនេះ និងថ្ងៃស្អែក ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​គឺមិនដូចគ្នានោះទេ ហើយនាងចង់ធ្វើអ្វីដើម្បីឱ្យមនុស្សទាំងឡាយដែលធ្លាប់មើលងាយនាងពីមុនមកនោះ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បានឃើញនូវអ្វីដែលនាងមានសព្វថ្ងៃនេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។ ក្រោយចាប់ដៃគ្នាជាគូស្នេហ៍មក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ វីសា បានប្រែប្រួលជីវភាពស្ទើរតែមិនគួរឱ្យជឿឡើយ​​​​​​​​​​​​​​​​​​​​​​​​​​​​​​​​​​​​​​​​​ ដូចជា នាងទិញបានផ្ទះវីឡាតម្លៃជាង20ម៉ឺនដុល្លារ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​នៅបុរីជីព ម៉ុង ផ្លូវជា សុផារ៉ា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងទិញរថយន្ដទំនើបជាច្រើនគ្រឿង​​​​​​​​​​​​​​​​​​​​​​​​​​​​​​​​​​​​​ ជិះឆ្លាស់គ្នា ដូចជា Lexus Lx570 Kuro2020,Lexus NX 200t ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និង Mazda ។ យ៉ាងណាមិញ តារាស្រីរូបនេះ មិនពឹងលើអាជីពសិល្បៈទាំងស្រុងដូចមុនទៀតទេ ​​​​​​​​​​​​​​​​​​​​​​​​​​ព្រោះនាងផ្ដោតលើការរកស៊ី3យ៉ាង​​​​​​​​​​​​​​​​​​​​​​​​​​​​​​​​​​​​​ គឺទី1. ផ្នែកអចលនអទ្រព្យ ទី2. Cosmetic និងទី3. ​​​​​​​​​​​​​​​​​​​​​​​​​​​​​​​​​​​បើកហាងលក់សម្លៀកបំពាក់​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ជាដើម៕

ក្រោយបាត់មុខពីការងារសិល្បៈជាច្រើនខែ តារាសម្តែងដ៏មានប្រជាប្រិយភាពកញ្ញា ឌុច លីដា ហាក់បីដូចជាស្ងប់ស្ងាត់បាត់ពីវិថីសិល្បៈ មិនឃើញនាងចេញមុខថតខ្សែភាពយន្តថ្មី ឬក៏បង្ហោះរូបថតថ្មីៗអ្វីឡើយនៅលើបណ្តាញទំនាក់ទំនងសង្គម។

ជាក់ស្ដែងកាលពីពេលថ្មីៗនេះ ស្រាប់តែនាង បង្ហាញនៅរូបទារកដ៏គួរឱ្យស្រលាញ់ម្នាក់ ដែលធ្វើឱ្យមាហាជន ក៏ដូចជាហ្វេនៗរបស់នាងផ្ទាល់មានការភ្ញាក់ផ្អើលជាខ្លាំង ដែលនាងបាត់មុខមួយរយៈធំ ស្រាប់តែពេលនេះត្រលប់មកវិញ បែរជាបង្ហាញទារកប្រុសគួរឱ្យក្នាញ់បែបនេះ។

មិនបានប៉ុន្មានផង តារាស្រីរូបនេះកាន់តែបង្ហាញ នូវមុខមាត់កូនប្រុសរបស់ខ្លួនដែលទើបនឹងកើតជាបន្តបន្ទាប់ មិនត្រឹមតែប៉ុណ្ណោះហ្វេនជាច្រើនបានចាប់អារម្មណ៍មុខមាត់កូនរបស់នាង ពិតជាស្រស់ស្អាត គួរឱ្យស្រលាញ់ខ្លាំងតែម្តង។ ទោះបីជា ឌុច លីដា មិនបានបញ្ជាក់ចំៗថា ក្មេងប្រុសរូបនេះ ជាកូនប្រុសរបស់នាងក៏ពីតមែន តែនាងហាក់ដូចជាមិនទទួលរងការរិះគន់ទេ បើទោះបីទស្សនិកជនមិនធ្លាប់បានដឹងពីព័ត៌មានរៀបការរបស់ស្រីស្អាតរូបនេះក្ដី៕

សូមទស្សនារូបភាពខាងក្រោម៖

អតីតតារាចម្រៀងប្រុសដ៏មានប្រជាប្រិយភាពម្ចាស់បទ« អ្នកប៉ះកង់ចង់មានស្នេហ៍»គឺ​​​​​​​​​​​​​​​​​​​​​​​​​​​​​​​​​​​​​ លោក ជុំ លីណូ ​​​​​​​​​​​​​​​​​​​​​​​​​​​​​បានបង្កភាពភ្ញាក់ផ្អើលយ៉ាងខ្លាំង​​​​​​​​​​​​​​​​​​​​​​​​​​​​ ​​​​​​​​​​​​​​​​​​​​​​​​​​​​​​​​​​​ក្រោយពីរូបលោក​​​​​​​​​​​​​​​​​​​​​​​​​​​​​​​​​​​​ ដាច់ចិត្តបើកបង្ហាញពីទំនាក់ទំនងស្នេហាជាសាធារណៈ ​​​​​​​​​​​​​​​​​​​​​​​​​​​​ដោយបានភ្ជាប់ពាក្យ ​​​​​​​​​​​​​​​​​​​​​​​​​​​​​​​​​ជាមួយគូដណ្ដឹងរួចមក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ។ អ្វីដែលពិសេស​​​​​​​​​​​​​​​​​​​​​​​​​​​​​​​ បើងាកមើលរូបសម្ផស្ស ​​​​​​​​​​​​​​​​​​​​​​​​​​​អនាគតភរិយារបស់ ជុំ លីណូ ឯណោះវិញ ​​​​​​​​​​​​​​​​​​​​​​​​​​​​​​​​​​​​​​​​​​​ពិតជាមានទម្រង់មុខស្រស់ស្អាត ​​​​​​​​​​​​​​​​​ហើយសាច់សខ្ចី អមដោយស្ទាយ៍លេងខ្លួន​​​​​​​​​​​​​​​​​​​​​​ មិនចាញ់តារាស្រីប៉ុន្មានទេ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។

ដោយឡែកនាពេលថ្មីៗនេះ​​​​​​​​​​​​​​​​​​​​​​​​​ អតីតតារាចម្រៀងល្បីឈ្មោះលោក​​​​​​​​​​​​​​​​​​​​​​​​​ ជុំ លីណូ បានផ្ដល់សម្ភាសន៍ជាមួយអ្នកសារព័ត៌មានថា លោកគ្រាន់តែចង់បង្ហាញពីចេតនារបស់ខ្លួនគ្រោងយកកូនមុនរៀបការ ដោយសម្អាងថា ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៖ «បើអាចលោកយកកូនមុនរៀប​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ការ ព្រោះគ្មានអ្វីខុសប្រពៃណីនោះទេ ​​​​​​​​​​​​​​​​​​​​​​​​​​​​​​ព្រោះប្រពៃណីគ្រាន់តែជាទម្លាប់ មិនមែនជាកាតព្វដែលចាំបាច់ត្រូវតែធ្វើទេ»​​​​​​​​​​​​​​​​​​​​​​​​​​​​។ ជាមួយការលើកឡើងបែបនេះ លោកក៏បានបញ្ជាក់ថា សម្រាប់លោក ​​​​​​​​​​​​​​​​​​​និងគូដណ្ដឹង ក៏មានគម្រោងយកកូនមុនរៀបការផងដែរ ​​​​​​​​​​​​​​​​​​​​​​​​​​​​​​​​​​​​ព្រោះបច្ចុប្បន្នអ្នកទាំងពីរ ក៏កំពុងរស់នៅក្រោមដំបូលផ្ទះតែមួយហើយ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៕

ថ្មីៗ​នេះ​​​​​​​​​​​​​ តារា​សម្ដែង ​កញ្ញា មាន សូ​នី​តា​​​​​​​ ​​​​​​​​​​​​​​​​​​​​​​​​​​​​​​​​​​បាន​ទម្លាយ​នូវ​រូបភាព​​​សិច​ស៊ី​ស្រើបស្រាល​ចំនួនប៉ុន្មានប្លង់ ​​​​​​​​​​​​​​​​​​​​​បង្អួត​ភ្នែក​មហាជន ​​​​​​​​​​​​​​​​​​​។ ជាពិសេស​អ្នក​និយម​ប្រើប្រាស់​បណ្ដាញ​សង្គម​ហ្វេស​ប៊ុ​ក​ ​​​​​​​​​​​​​​​បង្កឱ្យ​ការ​ចាប់​អារម្មណ៍​ និង​ភ្ញាក់ផ្អើល​គ្រប់គ្នា​​​​​​​​​​​​​​​​​​​​​​​​​​​​​​ ​ជាមួយនឹងភាព​​សិច​ស៊ី​​ជា​បន្តបន្ទាប់ ​​​​​​​​​​​​​​​​​​​​​​​​​​​​​ធ្វើ​ឱ្យ​ប្រុសៗ​ជ្រួលជ្រើម​គ្រប់គ្នា​។ ​មិនតែប៉ុណ្ណោះ​ក៏​មានការ​លើក​ឡើង​ថា​​​​​​​​​​​​​​​​ សម្រស់​របស់ មាន សូ​នី​តា​​​​​​​​​​​​​​​​​​​​​​​​ ពិតជា​ស្រស់ស្អាត​ខ្លាំង​ពេល​ស្លៀកពាក់​សិច​ស៊ី​បែបនេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​។​

យ៉ាងណាមិញ​តាមរយៈ​ការ​បង្ហោះ​រូបភាព​សិច​ស៊ី​ពី​សំណាក់​តារា​ស្រី​​​​​​​​​​​​​​​​​ ​កញ្ញា មាន សូ​នី​តា​ នេះ​ ត្រូវ​បាន​ទស្សនិកជន​​​​​​​​​​​​​​​ និង​អ្នកគាំទ្រ​មួយ​ចំនួនបាន​យល់ឃើញនិងរិះគន់ថា​​​​​​​​​​​​​​​ ​នាង​កាន់តែ​ផ្លាស់ប្ដូរ​ឥរិយាបថ​ច្រើន​​​​​​​​​​​​​ ពោលគឺ​ផ្ទុយ​ការ​ពី​គ្រា​មុនៗ​​​​​​​​​​​​​​​​​​​​​​​​​​​​​​​​​​​ ដែល​នាង​តែងតែ​ស្លៀកពាក់​បែប​សុភាពៗ​មិន​លេច​លើ​ខើច​ក្រោម។ ប៉ុន្តែ​ពេល​នេះ​នាង​បែរជា​មកលេង​ខ្លួន​ដោយ​ការ​ស្លៀកពាក់​សិច​ស៊ី​បញ្ចេញ​សាច់​ខ្ចី​ ​​​​​​​​​​ឃើញ​ហើយ​ស្ទើរ​ឈាម​ច្រមុះ​ទៅវិញ​​​​​​​​​​​​​​​​។​​

រូបភាព​ដែល​ត្រូវ​បាន​តារា​ស្រី​កញ្ញា ​​​​​​​​​​​​​​​​​​​​​​​​​​​មាន សូ​នី​តា បង្ហោះ​ជា​សាធារណៈ​នៅ​លើ​បណ្ដាញ​សង្គម​ផ្ទាល់ខ្លួន​នេះ​ភាគច្រើន​ថត​បញ្ចេញ​សាច់​គល់ភ្លៅ​ ​​​​​​​​​​​​​​​និង​ដើមទ្រូង​ជាដើម​​​​​​​​​​​​​​​​​​​​​​​​​​​​​​​​​​​​​​។​ តបនឹងការរិះគន់ តារាស្រីរូបនេះ បានរៀបរាប់យ៉ាងវែងអន្លាយជាចំនុចៗដូចខាងក្រោមនេះ៖

«មានឈ្មោះជាអ្នកសិល្បៈចៀសមិនផុតទេពីពាក្យទិតៀន

– ធ្វើខ្លួនល្អពេកជួយសង្គមគេថា ” ជោរ ” ធ្វើឱ្យតែល្បី
– អ្នកលិល្ប:ក៏មានតំលៃដូចគេដូចឯងដែរហេតុអីគាត់ជាមនុស្សសាធារណៈហើយអ្នកទាំងអស់គ្នាថា គ្នាឆ្កួត ថាឡប់ , មីនេះ , មីនោះ មិនក្រែងមាត់ផងចឹង
– ការងារអ្វីក៏មានតំលៃដែរហេតុយើងមិនចេះឱ្យតំលៃគ្នាចឹង , សួរថាអ្នករស់អត់សិល្ប: បានអត់ ‼️
– ពាក្យថាសិល្បៈមានច្រើនបែប ច្រើនទំរង់ ទៅតាមបែបបទនីមួយៗ ដែលអាចកំសាន្តបាន …
– រម្យទមពេកគេថា ស្រែ អត់ទាន់សម័យ
– ឡូយឆាយពេកគេថា ធ្វើខ្លួនទាក់ប្រុស
– សំញែងពេក ភ្លេចខ្លួនហាយសូ គេថាមានគេចញ្ចឹម
– បើយើងមិនប្ដូរស្តាយ គេថាយើងអត់ទាន់សម័យ មិនចេះអាប់ដេតដោយខ្លួនឯង មិនចេះមើលប្រទេសជិតខាងគេដើរដល់ណាហើយអញ្ចឹងបានសិល្បៈយើងមិនរីកចម្រើន…

តើអត្ថន័យនៃភាពសិចស៊ីហ្នឹងមានន័យយ៉ាងម៉េចអោយពិតប្រាកដ? ហេតុអី្វបានជាការបង្ហាញភាព សិចស៊ីរបស់ស្ត្រីបានត្រឹមតែ ជារូបភាព និងអំពើនៃការលក់ខ្លួន រកប្រុស ។ល។ តែប៉ុណ្ណោះអ៉ីចឹង?

បើទាំងអស់គ្នាឃើញតារាបរទេស រាំ ស្លៀកពាក់ sexy មួយៗសរសើរណាស់ គេធ្វើសមណាស់ គួរអោយស្រលាញ់ ហេតុអ្វីតារាគេមានសមត្ថភាពម៉េស ធ្វើអីក៏សមធ្វើអីក៏ល្អ… ហាហា ចុះទាំងអស់គ្នាមានដែរសរសើរតារាស្រុកយើងចឹងអត់ ឬក៏អ្វីក៏ដោយអោយតែតារាក្នុងស្រុកធ្វើ ត្រូវតែរងសំពាធ នៃការកំណត់ទាំងអស់នេះ? ពិតមែនឬ ដែលវប្បធម៌របស់យើងមិនមានភាព sexy? ពិតមែនឬ ដែលភាព sexy ជាអំពើទោស? ពិតមែនឬ? ខ្ញុំគិតថា រឿងនេះ មានទំរង់ និងបែបបទផ្សេងៗគ្នា គួរណាស់គិតអោយបានជ្រៅ ច្រើនជាងរិះគន់ តាមតែចិត្តឯង!»៕