ភ្នំពេញ៖ មនុស្សស្រីម្នាក់ដែលបានបាត់បង់ភាពស្រស់ស្អាត!!! មនុស្សស្រីម្នាក់ដែលបាត់បង់ពេលវេលាសំរាប់ខ្លួនឯង!!! មនុស្សស្រីម្នាក់ដែលបានផ្តល់អ្វីៗ គ្រប់យ៉ាងអោយអ្នក!!! មនុស្សស្រីម្នាក់ដែលបានបង្រៀនអ្នកមុនដំបូងគេបង្អស់!!! មនុស្សស្រីម្នាក់ដែលតែងតែអោប និង ផ្តល់ស្នាមថើបអោយអ្នកស្ទើរតែគ្រប់ពេល!!! មនុស្សស្រីម្នាក់ដែលមានស្នេហាស្មោះត្រង់អោយអ្នកអស់មួយជិវិត ជាពិសេសមនុស្សស្រីម្នាក់ដែលជាជញ្ជាំងការពារភាពអាម៉ាសរបស់……………………មនុស្សស្រីម្នាក់នោះមានឈ្មោះថា “ម៉ែ”។
អ្នកប្រហែលជាមិនចាំទេថាថ្ងៃអាទិត្យ ទី12 ខែឧសភា ខាងមុខនេះវាជាថ្ងៃអ្វី? តែអន្ថបទមួយនេះយើងនឹងនាំអ្នកទាំងអស់គ្នាអោយបានដឹងថាវាជាថ្ងៃអ្វី ហើយអ្វីដែលកាន់តែអស្ចរ្យជាងនេះទៀត យើងនឹងនាំអ្នកទាំងអស់គ្នាទៅស្គាល់ពីកន្លែងដែលអ្នកទាំងគ្នា គួរតែនាំមនុស្សជាទីស្រលាញ់របស់អ្នកនៅទីនោះ?
ថ្ងៃអាទិត្យ ទី12 ខែឧសភា គឺជាថ្ងៃបុណ្យ “ទិវា អ្នកម្តាយ” ឬជាភាសាបរទេសហៅថា “Mother’s Day” ដែលជាបុណ្យដ៏ធំមួយទូទាំងសកលលោក ហើយថ្ងៃបុណ្យ “ទិវា អ្នកម្តាយ” គឺជាថ្ងៃដែលគេប្រារព្ធឡើងដើម្បីរំលឹកពីគុណដ៏ធំធេងរបស់អ្នកម្ដាយដែលបានផ្តល់កំនើតដល់ពួកគេ អ្វីដែលពិសេសគឺដើម្បីបង្ហាញសេចក្ដីស្រលាញ់ចំពោះអ្នកម្ដាយគ្រប់រូប។ ទិវានេះបានប្រារព្ធឡើងមុនគេនៅ សហរដ្ឋអាមេរិក ចំណែកនៅក្នុងប្រទេសកម្ពុជាវិញ យុវជន និស្សិត កម្មករ កម្មការិនី ក៏បានចូលរួមប្រារព្ធពិធីបុណ្យ “ទិវា អ្នកម្តាយ” នេះផងដែរ។ ដោយអ្នកខ្លះនឹងមានគម្រោងទិញកាដូរ បាច់ផ្កា នំខែក ឬក៏របស់មានតំម្លៃផ្សែងៗ ជូនចំពោះអ្នកម្តាយរបស់ពួកគេនៅក្នុងថ្ងៃនោះផងដែរ។ ចំណែកឯកូនៗ ដែលនៅឆ្ងាយពីអ្នកម្តាយរបស់ពួកគេ អ្នកខ្លះក៏នឹងមានគម្រោងទូរសព្ទទៅជូនពរអ្នកម្តាយរបស់ខ្លួនពីចម្ងាយអោយមានសុខភាពល្អ និងរឹងមាំ។ ជាបទពិសោធន៍ពីលើកមុនៗ ក៏សង្គេតឃើញថាមានអ្នកខ្លះទៀតបានបង្ហាញអារម្មណ៍ស្រឡាញ់ និងជូនពរអ្នកម្តាយរបស់ពួកគេតាមរយៈបណ្តាញសង្គមហ្វេសប៊ុកទៀតផង។
ក្នុងនោះផងដែលនៅឯផ្សារទំនើប Aeon Mall I នឹងមានរៀបចំកម្មវិធីដ៏អស្ចារ្យដែលមានឈ្មោះថា “ផ្ទះកក់ក្ដៅ អ្នកម្ដាយឆ្លាតវៃ” ចាប់ពីថ្ងៃសៅរ៍ ទី11 ខែឧសភា រហូតដល់ ថ្ងៃពុធ ទី15 ខែឧសភា ឆ្នាំ2019 ខាងមុខនេះ។ អ្វីដែលកាន់តែពិសេស និងប្លែកជាងនេះទៅទៀតអ្នកទាំងអស់គ្នាអាចចូលរួមបញ្ជេញអារម្មណ៍ពិតរបស់អ្នក ទៅកាន់អ្នកម្តាយជាទីស្រលាញ់ ដោយក្នុងកម្មវិធីក៏នឹងមានរៀបចំជាការប្រកួតប្រជែងយករង្វាន់ធំៗ ជាច្រើនទៀត ក្រោមប្រធានបទ “តើអ្នកម្តាយមានន័យយ៉ាងដូចម្តេចសំរាប់អ្នក?” ។
Author: អេបិល
អ្នកមានដឹងទេថាថ្ងៃអាទិត្យ ទី12 ខែឧសភា គឺជាថ្ងៃអ្វី?
មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ប្រារព្ធពិធីសន្និសីទសារព័ត៌មានស្តីពីការពង្រីកសាខាថ្មីនៅតំបន់ផ្សារថ្មី
ភ្នំពេញ៖ ថ្ងៃពុធ ទី08 ខែឧសភា ឆ្នាំ2019 មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង បង្កើតឡើងនៅក្នុងឆ្នាំ2005 ក្រោមគំនិតផ្តួចផ្តើមដោយ លោកឧកញ៉ា វេជ្ជបណ្ឌិត គួច ម៉េងលី ជាស្ថានិក ប្រធានក្រុមប្រឹក្សាភិបាល និងអគ្គនាយកប្រតិបត្តិ។ (more…)
ធនាគារ BIDC រួមចំណែកឧបត្ថម្ភថវិកាដល់កាកបាទក្រហមកម្ពុជាចំនួន ៥មុឺនដុល្លារសហរដ្ឋអាមេរិក
ក្នុងឱកាសដ៏ល្អប្រពៃនេះ ដើម្បីអបអរពិធីរំលឹកខួបទី ១៥៦ នៃការបង្កើតកាកបាតក្រហមកម្ពុជាពិភពលោក ធនាគារវិនិយោគ និងអភិវឌ្ឍន៍កម្ពុជា ភី អិល ស៊ី (BANK FOR INVESTMENT AND DEVELOPMENT OF CAMBODIA PLC) ហៅកាត់ថា BIDC បានពាំនាំថវិកាចំនួន ៥មុឺនដុល្លារ សហរដ្ឋអាមេរិក ដើម្បី រួមចំណែកឧបត្ថម្ភដល់ កាកបាតក្រហមកម្ពុជា។
ដោយសម្លឹងឃើញថា កន្លងមកកាកបាតក្រហមកម្ពុជាដែលដឹកនាំដោយ លោកជំទាវ កិត្តិព្រឹទ្ធបណ្ឌិត ប៊ុនរ៉ានី ហ៊ុនសែនបានជួយគំាទ្រយ៉ាងខ្លាំងក្លា ផ្តល់ទាំងជំនួយស្មារតី ព្រមទាំងហរិញ្ញវត្ថុ ដល់ទុរគតជនទាំងឡាយ និង រួមចំណែកនូវកម្មវិធីមនុស្សធម៌ផេ្សងៗទៀត ក្នុងសង្គម។ 
ទង្វើទាំងអស់នេះហើយ គិតពីឆ្នាំ២០១៩ មក ធនាគារ BIDC តែងតែចូលរួមថវិកាមួយចំនួនតូចដល់កាកបាតក្រហមជានិច្ច។ ក្រៅពីនេះ មួយរយៈកន្លងមកធនាគារនេះ ក៏បានខិតខំចុះចែកអំណោយសង្រ្គោះ ដល់ជនរងគ្រោះ និង ជនទុរគតដល់មូលដ្ឋានរងគ្រោះផ្ទាល់ផងដែរ តួយ៉ាង គ្រួសារដែលទទួលរងគ្រោះពីទឹកជំនន់ គ្រោះរាំងស្ងួត និង ខ្យល់ព្យុះ ជាដើម។ធនាគារ BIDC លូតលាស់មកដល់បច្ចុប្បន្នដោយសារតែ ទទួលបានការយកចិត្តទុកដាក់ គាំទ្រពីរាជរដ្ឋាភិបាលកម្ពុជា ក៌ដូចជាការជ្រោមជ្រែងគាំទ្រពី ធនាគារជាតិនៃកម្ពូជា គិតមកដល់ពេលនេះ BIDC បានបើកដំណើរការ អភិវឌ្ឍន៍អាជីវកម្មនៅទឹកដីកម្ពុជា អស់រយៈពេលជិតគម្រប់ដប់ឆ្នាំមកហើយ ក្នុងនោះ BIDC ទទួលបានលទ្ធផល និងកំណើនអាជីវកម្មគួរកត់ សម្គាល់ជាខ្លាំង ជាក់ស្តែង BIDCទទួលបានទ្រព្យសកម្មសរុប 722 លានដុល្លារ, ចលនាទុនសរុប 245 លានដុល្លារ និងឥណទានសរុប 558 លានដុល្លារ។ អស់រយៈពេលដំណើរការជិតដប់ឆ្នាំមកនេះ BIDC តែងតែគោរពអនុវត្តន៍តាម អនុលោមតាមយ៉ាងខ្ជាប់ខ្ជួននូវរាល់ច្បាប់ បទបញ្ញត្តិ វិធាន សារាចរណ៍ បទកំណត់ នានារបស់រាជរដ្ឋាភិបាល ក៌ដូចជារបស់ធនាគារជាតិនៃកម្ពុជា ដោយមិនបង្កកំហុសណាមួយកើតឡើងជា យដ្ឋាហេតុឡើយ។
ទន្ទឹមនឹងនេះ ធនាគារ BIDC តែងតែអនុវត្តន៍តាមគោលការណ៍ស្នូលរបស់ខ្លួនដែលបាន ដាក់ចេញតាំងតែពីថ្ងៃដំបូងដោយផ្សារភ្ជាប់សម្មភាពអាជីវកម្ម ជាមួយការចូលរួមចំណែកលើកកំពស់ អភិវឌ្ឍន៍ សកម្មភាពសម្បុរធម៌ មនុស្សធម៌ ជួយសង្គ្រោះ និងឧបត្ថម្ភជនទុរគតផងដែរ។ 
ស្រាបៀរអាន់ឆ័រនឹងចាប់រង្វាន់លើកទី២នៅថ្ងៃអាទិត្យចុងសប្តាហ៍នេះ
រាជធានីភ្នំពេញ៖ នៅថ្ងៃអាទិត្យទី ២៦ ខែឧសភា ឆ្នាំ២០១៩ ខាងមុខនេះ ស្រាបៀរអាន់ឆ័រនឹងរៀបចំការចាប់រង្វាន់លើកទីពីរសម្រាប់កម្មវិធីអាពាហ៍ពិពាហ៍រដូវកាលឆ្នាំ ២០១៨-២០១៩ នៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រសម្រាប់ទទួលភ្ញៀវកិត្តិយសក្នុងកម្មពិធីអាពាហ៍ពិពាហ៍របស់ខ្លួន។
កម្មវិធី Anchor Fun Zone នឹងមានការផ្សាយផ្ទាល់លើកញ្ចក់ទូរទស្សន៍ ភីអិនអិន (PNN) ចាប់ពីម៉ោង ៨យប់-១០យប់ ដោយមានការចូលរួមសម្តែងដ៏អស្ចារ្យពីតារាចម្រៀងល្បីឈ្មោះជាច្រើនរូបដើម្បីផ្តល់ការកម្សាន្តសប្បាយជូនទស្សនិកជន មានដូចជា លោក ខេមរះ សេរីមន្ត លោក ឆន សុវណ្ណរាជ លោក ហ្សូនូ លោក ជី ដាវិត។
កម្មវិធីចាប់រង្វាន់នេះធ្វើឡើងសម្រាប់តែអតិថិជនដែលបានជាវស្រាបៀរអាន់ឆ័រសម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់រង្វាន់ផ្តាច់ព្រ័ត្រនេះ ស្រាបៀរអាន់ឆ័រ នឹងប្រគល់រង្វាន់ដំណើរកម្សាន្តក្រេបចន្ទទឹកឃ្មុំដ៏អស្ចារ្យរយៈពេលបួនថ្ងៃបីយប់នៅលើនាវាកម្សាន្តដ៏ទំនើបទៅកាន់កោះភូកេត ចំនួន ១៥ រង្វាន់ជូនគូស្វាមីភរិយាថ្មីដែលមានមហាសំណាង។ នេះគឺជាដំណើរកម្សាន្តលើកដំបូងតាមនាវាកម្សាន្តដ៏ទំនើប ដែលរៀបចំដោយក្រុមហ៊ុនស្រាបៀរអាន់ឆ័រ ដែលគូស្វាមីភរិយានឹងហោះហើរទៅកាន់ប្រទេសសិង្ហបុរី ហើយបន្ទាប់មកធ្វើដំណើរតាមនាវាទៅកាន់កោះភូកេត។
នាវានឹងឈប់ចតនៅប្រទេសម៉ាឡេស៊ីសម្រាប់ដំណើរកម្សាន្តរយៈពេលមួយថ្ងៃផងដែរ។ ដំណើរកម្សាន្តនេះនឹងកាន់តែមានរំភើបខ្លាំងពីព្រោះគូស្វាមីភរិយានឹងរីករាយធ្វើទស្សនកិច្ចក្នុងប្រទេសចំនួន 3 គឺសិង្ហបុរី ម៉ាឡេស៊ី និងកោះភូកេត ប្រទេសថៃ។
តើគូស្វាមីភរិយារូបណាខ្លះជាម្ចាស់រង្វាន់ផ្តាច់ព្រ័ត្រដ៏អស្ចារ្យទាំងនេះ?
សូមកុំភ្លេចចូលរួមទស្សនា និងតាមដានទាំងអស់គ្នា!!!
ពិសាដោយការទទួលខុសត្រូវ៕
កម្ពុជា-បារាំងនឹងចុះហត្ថលេខាហិរញ្ញប្បទានអភិវឌ្ឍន៍បណ្តាញបញ្ជូនថាមពលអគ្គិសនីរបស់កម្ពុជា
រដ្ឋាភិបាលកម្ពុជាតាមរយៈក្រសួងសេដ្ឋកិច្ច និងហិរញ្ញវត្ថុនឹងចុះហត្ថលេខាលើកិច្ចព្រមព្រៀង ហិរញ្ញប្បទានសហប្រតិបត្តិការជាមួយសមភាគីបារាំងសម្រាប់គម្រោងទំនើបកម្មលើប្រព័ន្ធបណ្តាញបញ្ជូន និងចែកចាយអគ្គិសនី ក្នុងទំហំទឹកប្រាក់ចំនួន 29.1លានអឺរ៉ូ។
យោងតាមសេចក្តីប្រកាសព័ត៌មាន ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដែលបានចូលរួមកិច្ចប្រជុំជាន់ខ្ពស់នៅក្នុងទីក្រុងប៉ារីស ប្រទេសបារាំងបានបញ្ជាក់ថា គម្រោងនេះមានទិសដៅក្នុងការពង្រីក និងអភិវឌ្ឍន៍ប្រព័ន្ធគ្រប់គ្រងអគ្គិសនីឱ្យមានការវិវឌ្ឍទៅរកប្រព័ន្ធឆ្លាតវៃ (Smart Grid) ដែលអាចសម្រួលយ៉ាងច្រើនដល់ការគ្រប់គ្រងប្រព័ន្ធបណ្តាញអគ្គិសនីទាំងមូល ក៏ដូចជាបង្កើតប្រសិទ្ធភាព និងនិរន្តរភាពក្នុងការផ្កត់ផ្គង់ថាមពលអគ្គិសនីនៅកម្ពុជាផងដែរ។
ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានដឹកនាំគណៈប្រតិភូកម្ពុជាទៅចូលរួមកិច្ចប្រជុំជាន់ខ្ពស់ស្តីពី« ចីរភាពបំណុលសម្រាប់ចីរភាពកំណើន ចីរភាពហិរញ្ញប្បទានសម្រាប់ការអភិវឌ្ឍ» (Sustainable Debt for Sustainable Growth: Sound Financing for Development)នៅទីក្រុងប៉ារីស ប្រទេសបារាំង ដែលកិច្ចប្រជុំនេះគ្រោងនឹងផ្តោតការពិភាក្សាទៅលើប្រធានបទសំខាន់ៗរួមមាន៖
-យុទ្ធសាស្ត្រក្នុងការបំពេញតម្រូវការហិរញ្ញប្បទាន ដើម្បីជំរុញការអភិវឌ្ឍផ្នែកសេដ្ឋកិច្ចរបស់ប្រទេសនីមួយៗ និងសម្រេចបាននូវគោលដៅអភិវឌ្ឍន៍ប្រកបដោយចីរភាព ដោយរួមទាំងហិរញ្ញប្បទានសម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធរូបវ័ន្តផងដែរ ព្រមទាំងវិធីសាស្ត្រដែលប្រទេសមានតម្រូវការហិរញ្ញប្បទានសម្រាប់អភិវឌ្ឍន៍អាចអនុវត្តបាន ដោយចៀសវាងការជំពាក់បំណុលច្រើនហួសហេតុ។ សេចក្តីថ្លែងការណ៍បាននិយាយថា តាមគម្រោង រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុកម្ពុជា នឹងចុះហត្ថលេខាលើកិច្ចព្រមព្រៀងហិរញ្ញប្បទានជាមួយលោក Remi Riou អ្នកចាត់ការទូទៅនៃទីភ្នាក់ងារអភិវឌ្ឍន៍បារាំង (AFD)សម្រាប់គម្រោងទំនើបភាវូបនីយកម្មប្រព័ន្ធបញ្ជូនថាមពលដោយប្រើបណ្តាញអគ្គិសនីវៃឆ្លាត។
នៅខែមករាឆ្នាំនេះ រដ្ឋាភិបាលបាននិយាយថា ខេត្តចំនួន24 ក្នុងប្រទេសនឹងត្រូវតភ្ជាប់បណ្តាញអគ្គិសនីជាតិនៅឆ្នាំ2020។ យោងតាមអាជ្ញាធរអគ្គិសនីកម្ពុជា បច្ចុប្បន្ននេះប្រទេសកម្ពុជាមានខ្សែបញ្ជូនថាមពលអគ្គិសនីប្រវែង 2.141គីឡូម៉ែត្រ និងអនុស្ថានីយចំនួន 33កន្លែង។
របាយការណ៍ដដែលបន្តថា ខេត្តចំនួន5 ដែលនៅតែខ្វះលទ្ធភាពទទួលបានបណ្តាញអគ្គិសនីជាតិរួមមាន ខេត្តត្បូងឃ្មុំ ខេត្តកំពង់ធំ បន្ទាយមានជ័យ រតនគិរី និងមណ្ឌលគិរី។ បច្ចុប្បន្ននេះ 87%នៃចំនួន 14,168ភូមិនៅក្នុងប្រទេស មានលទ្ធភាពប្រើប្រាស់ថាមពលអគ្គិសនី។កាលពីឆ្នាំ2018 ប្រទេសកម្ពុជាបានប្រើប្រាស់ថាមពល 2,650មេហ្គាវ៉ាត់ ដែលកើនឡើង15 % បើប្រៀបធៀបទៅនឹងឆ្នាំ2017៕
Google បញ្ចេញស្មាតហ្វូនថ្មី តម្លៃមធ្យម តែកាមេរ៉ាល្អ
Google បានប្រកាសចេញជាផ្លូវការនូវស្មាតហ្វូនស៊េរីថ្មីគឺ Pixel 3a និង Pixel 3a XL ដែលមានសមត្ថភាពចាប់យករូបភាពបានល្អ មិនចាញ់ស្មាតហ្វូនខ្លាំងៗដែលជារៀមច្បងរួមជំនាន់ទេ។
Pixel 3a និង Pixel 3a XL មានតម្លៃធូរថ្លៃជាង Google Pixel 3 ទៅទៀតគឺ Pixel 3a មានតម្លៃ 399ដុល្លារ និង 3a XL មានតម្លៃ 479ដុល្លារ។
រីឯសមត្ថភាពចាប់រូបភាពរបស់ស្មាតហ្វូនជំនាន់ប្អូនរបស់ Google នេះ គឺស្ថិតនៅត្រង់ផ្នែកកាមេរ៉ាផ្ទាល់តែម្ដង ដោយសារកាមេរ៉ារបស់វាដូចគ្នានឹងកាមេរ៉ាបំពាក់លើ Pixel 3 អ៊ីចឹងដែរ។ Pixel 3a/3a XL មានបំពាក់កាមេរ៉ាខាងក្រោយកម្រិត 12.2MP មាន Aperture f/1.8 ដែលមានមុខងារពិសេសដូចជា Night Sight សម្រាប់ថតពេលយប់ Top Shot, Super Res Zoom និងមុខងារ HDR+ ផងដែរ៕
សូមទស្សនាវីដេអូដែលបង្ហាញពីលក្ខណសម្បត្តិ៖
សំណាងល្អណាស់...កីឡាករម្នាក់ត្រូវបានអាជ្ញាកណ្តាលជួយទាន់ ក្រោយកើតអាការចម្លែកនៅលើទីលាន
អាជ្ញាកណ្ដាលវៀតណាមម្នាក់ដែលកាត់សេចក្ដីនៅក្នុងការប្រកួតក្របខ័ណ្ឌលីកកំពូលវៀតណាម ( V.League ) លោក Ngo Duy Lan ត្រូវបានគេចាត់ទុកជាវីរបុរសដោយសារបានជួយសង្គ្រោះជីវិតកីឡាករមួយរូបដែលបានប៉ះទង្គិចគ្នាយ៉ាងខ្លាំងក្នុងពេលប្រកួត រហូតកើតអាការប្រកាច់ខាំអណ្ដាតខ្លួនឯង។
ក្រោយពីលោក Ngo បានជួយស្ដារស្ថានការណ៍នេះរួច កីឡាករដែលរងរបួសនេះត្រូវបានគ្រូពេទ្យនៅលើទីលានបញ្ជូនតាមរថយន្តសង្គ្រោះបន្ទាន់ទៅមន្ទីរពេទ្យ និងធ្វើការព្យាបាលទាន់ពេលវេលា។
គួរបញ្ជាក់ផងដែរថា អ្នកជំងឺដែលកើតអាការប្រកាច់នេះ ងាយនឹងកើតអាការបែបនេះឡើងណាស់ ក្នុងករណីទាន់ហន់ណាមួយចំនួនដែលធ្វើឱ្យប៉ះពាល់ផ្លូវអារម្មណ៍ និងរាងកាយខ្លាំងក្លា ហើយវាក៏អាចនឹងកើតឡើងភ្លាមៗដែរ នៅពេលដែលមានអាកាសធាតុក្តៅខ្លាំង ឬក្នុងករណីហត់ខ្លាំង ឬពិបាកដកដង្ហើមជាដើម៕
ការពិត ច្រឹង ពលរដ្ឋ និងច្រឹង ចាន់វីរៈ មិនមែនជាបងប្អូនបង្កើតនឹងគ្នាទេ
កីឡាករខ្សែបម្រើរបស់ក្លិបអគ្គិសនីកម្ពុជា ច្រឹង ចាន់វីរៈ ដែលអ្នកនិយមតាមដានកីឡាបាល់ទាត់កម្ពុជាបានស្គាល់ និងធ្លាប់គិតថាជាបងប្អូនបង្កើតរបស់កីឡាករ ច្រឹង ពលរដ្ឋ នោះ ពេលនេះត្រូវបានបង្ហើបប្រាប់ឱ្យដឹងថា ពួកគេមិនមែនជាបងប្អូនបង្កើតនឹងគ្នាទេ។
ឆ្លើយតបជាមួយអ្នកសារព័ត៌មាន ពាក់ព័ន្ធនឹងទំនាក់ទំនងរបស់ខ្លួនជាមួយកីឡាករ ច្រឹង ពលរដ្ឋ ច្រឹង ចាន់វីរៈបានបញ្ជាក់យ៉ាងច្បាស់លាយឡំដោយសំណើចផងថា តាមពិតពួកយើងមិនមែនជាបងប្អូនបង្កើតនឹងគ្នាទេ តែជាបងប្អូនជីដូនមួយ ដោយមានឪពុក និងឪពុកជាបងប្អូនបង្កើតនឹងគ្នា។ លើសពីនេះ វីរៈ ក៏បានអរគុណអ្នកគាំទ្រដែលបានចាប់អារម្មណ៍ និងផ្ដល់កម្លាំងចិត្តដល់រូបគេទាំង 2នាក់ផងដែរ។
គួរបញ្ជាក់ផងដែរថា ច្រឹង ចាន់វីរៈ ក៏ធ្លាប់លេងនៅក្លិបក្រសួងការពារជាតិដែរកាលពីឆ្នាំ2017 បន្ទាប់មកក៏ត្រូវក្រុមអគ្គិសនីកម្ពុជា (EDC) សុំខ្ចីជើងមកកាន់ក្លិបមួយនេះ រហូតមកដល់រដូវកាល2019 នេះតែម្តង ក៏ប៉ុន្តែកីឡាកររូបនេះ ភាគច្រើនបានត្រឹមអង្គុយនៅកៅអីបម្រុងប៉ុណ្ណោះ៕
តារាចម្រៀង សាល បាទី បង្ហាញអារម្មណ៍ក្តុកក្តួលពេលរំឭកការតស៊ូឪពុករត់កង់3ចិញ្ចឹមកូន4នាក់
តារាចម្រៀងលោក សាល បាទី ដែលមួយរយៈចុងក្រោយនេះឃើញថាមានឱកាសវាយលុកសិល្បៈតាមកម្មវិធីជាច្រើនបានបង្ហាញនូវភាពអាណិតដល់លោកឪពុករបស់ខ្លួនដែលបានលះបង់កម្លាំងកាយចិត្តច្រើនបីបាច់កូនចៅមិនខ្លាចឧបសគ្គទាំងអស់។ ក្រោយការងាររើបប្លែក សាល បាទី បានតាំងចិត្តរំដោះលោកឪពុកឱ្យរស់នៅស្រួលតបជូនវិញបើទោះជាកូនលំបាកបែបណា។
តារាចម្រៀង សាល បាទី បានថ្លែង ចង់អួលដើមកថា ប៉ារបស់លោកកម្សត់ណាស់រកសុីគ្រប់ស្ថានភាពឱ្យតែកូនៗរស់នៅបានដូចគេបានចូលរៀនយកចំនេះដើម្បីអនាគតនិងចិញ្ចឹមជីវិត។ រយៈពេល៣០ឆ្នាំ ដែលលំបាកហើយច្រើនឆ្នាំគាត់រត់កង់បីចិញ្ចឹមកូន៤នាក់ក្រោមកំដៅថ្ងៃព្យុះភ្លៀង។ បាទីបន្តទៀតថា«លោកនៅមិនទាន់មានអ្វីឱ្យគាត់ពេញចិត្តទាំងស្រុងនោះទេតែលោកសន្យាថា ចាប់ពីពេលនេះតទៅលោកឈប់ឱ្យគាត់រត់ម៉ូតូកង់៣ទៀត។ លោក សន្យាចិញ្ចឹមមើលថែទាំងតាមលទ្ឋភាពដែលអាចធ្វើបានក៏ព្រោះចង់ឱ្យលោកសុខកាយខ្លះមិនចង់ឲរត់ទៀតនោះទេ។ តាមផែនការបើលោកសន្សំលុយបានអាចនិងទិញជាផ្ទះល្មមមួយជាកាដូជូនគាត់ព្រមទាំងសន្យាថា ធ្វើអ្វីឲល្អជូនព្រះរស់ធ្វើបុណ្យទាន់ខែភ្លឺ។ ក្នុងនាមអ្នកសិល្បៈលោកសន្យាដែរថានឹងបង្ហាញអ្វីដែលល្អៗក្នុងសង្គមដើម្បីជាគម្រូដល់អ្នកជំនាន់ក្រោយបើទោះជាមើលទៅមិនសមភ្នែកអ្នកទើសទាល់តែលោកនៅតែបង្ហាញលក្ខណៈល្អៗ។
បាទីមួយរយៈនេះបានបង្ហាញសកម្មភាពច្រើនក្នុងសិល្បៈលើកញ្ចក់ទូរទស្សន៍នានា។លោកត្រូវបានគេឧស្សាហ៍ឃើញចូលរួមច្រៀងតាមកម្មវិធីអប់រំសុខភាពតាមរោងចក្រនានាជាមួយក្រុមតារារួមអាជីពដោយទទួលបានការគាំទ្រខ្លាំង។
វិសាខា បង្កើតកំណត់ត្រាថ្មី ជាក្រុមដែលរកគ្រាប់បាល់បានច្រើនជាងគេក្នុងលីកកំពូលកម្ពុជា
កាលពីសប្តាហ៍ទី6 នៃលីកកំពូលកម្ពុជាឆ្នាំ2019 នេះ ក្រុមវិសាខាបានបង្កើតកំណត់ត្រាថ្មីមួយ ជាក្រុមដែលស៊ុតបាល់បញ្ចូលទីបានច្រើនជាងគេ ដោយក្នុង 1ប្រកួតរកបានដល់ទៅ 14គ្រាប់ក្នុងការប្រកួតកាលពីថ្ងៃអាទិត្យកន្លងទៅនេះ។
ដោយសប្តាហ៍ទី 6នេះ ក្លិបបាល់ទាត់វិសាខាបានលត់ក្លិបបាល់ទាត់ខេត្តកំពង់ចាមដ៏ក្មេងខ្ចីដោយលទ្ធផល 14-០ ក្នុងជំនួបជើងទី1 នៃលីកកំពូលកម្ពុជានៅកីឡដ្ឋានវិសាខា។
គិតមកទល់នឹងសប្តាហ៍ទី6 នេះ មានគ្រាប់បាល់ទាត់បញ្ចូលទីសរុបទាំងអស់ដល់ទៅ 159គ្រាប់បាត់ទៅហើយ ដោយក្រុមដែលរបូតគ្រាប់បាល់ច្រើនជាងគេ គឺក្រុមខេត្តកំពង់ចាម ដោយបានរបូតគ្រាប់សរុប 46គ្រាប់ ចំណែកឯក្រុមដែលរកគ្រាប់បាល់បានច្រើនជាងគេបង្អស់ គឺក្រុមវិសាខាដែលរកបាន 24គ្រាប់៕
