Author: អេបិល

​Sharp​ ​ដែល​ជា​ក្រុមហ៊ុន​ផលិត​សម្ភារ​អេឡិចត្រូនិក​ ​និង​ទូរស័ព្ទ​របស់​ជប៉ុន​ ​បាន​ប្រកាស​ចេញ​ស្មា​ត​ហ្វូ​ន​ម៉ូដែល​ថ្មី​ ​គឺ​ ​Sharp​ ​Aquos​ ​R3​ ​ឬ​ ​R3​។​ ​R3​ ​នេះ​ក្លាយជា​ស្មា​ត​ហ្វូ​នដំ​បូង​គេ​ក្នុង​ពិភពលោក​ដែល​បំពាក់​អេក្រង់​មានស្នាម​ឆក​ទាំង​ខាងលើ​ ​និង​ខាងក្រោម​។​

​ឯកា​មេ​រ៉ា​វិញ​ ​ជា​ប្រភេទ​ ​AI​ ​Camera​ ​ដែល​មានមុខ​ងារ​ ​AI​ ​live​ ​Story​ ​និង​ ​AI​ ​live​ ​filter​។​ ​ផ្នែក​ខាងមុខ​ទំហំ​ ​16.3មេ​ហ្គា​ភិក​សែល​ ​ឯកា​មេ​រ៉ា​ក្រោយ​ភ្លោះ​ ​12.2​ ​MP​(​f​/​1.7​ ​ប្រើ​ឡេនស៍​ ​78ដឺក្រេ​ ​កាមេរ៉ា​ ​20MP​(​f​/​2.4​ ​ឡេនស៍​ ​Wide​ ​125ដឺក្រេ​)​។​ ​R3​ ​បំពាក់​ដោយ​អេក្រង់​ទំហំ​ ​6.2អ៊ិ​ញ​ ​HDR10​ ​កម្រិត​បង្ហាញ​រូបភាព​ច្បាស់​ដល់ទៅ​ ​3120​ ​x​ ​1440​ ​ភិក​សែល​ដែល​មាន​ ​refresh​ ​rate​ ​ដល់​ ​120​(​Hz​)​។​

ស្មា​ត​ហ្វូ​ន​ ​R3​ ​ប្រើ​បន្ទះ​ឈីប​ ​Snapdragon​ ​855​ ​Soc​ ​មាន​ជម្រើស​ ​RAM​ ​6GB​ ​មេ​ម៉ូ​រី​ ​128GB​ ​មាន​ថាមពល​ថ្ម​ ​3200មិល្លី​អំ​ពែរ​ ​គាំទ្រ​បច្ចេកវិទ្យា​សាក​ភ្លើង​ឥត​ខ្សែ​ល្បឿន​លឿន​ ​Qi​ ​wireless​ ​កម្លាំង​ ​11វ៉ាត់​ ​មាន​បច្ចេក​វិទ្យា​ស្គែ​នក្រ​យៅ​ដៃ​លើ​ប៊ូតុង​ ​Home​ ​តែ​ចំពោះ​តម្លៃ​វិញ​ ​Sharpមិនទាន់​ប្រកាស​ផ្លូវការ​នៅឡើយ​ទេ​៕​

​រដ្ឋមន្ត្រី​ក្រសួង​ពាណិជ្ជកម្ម​កម្ពុជា​បាន​ធ្វើការ​ពន្យល់​អំពី​គោលនយោបាយ​យុទ្ធសាស្ត្រ​ ​និង​ជំហរ​របស់​រាជរដ្ឋាភិបាល​កម្ពុជា​ក្នុង​ការ​បន្ត​ជួយ​គាំទ្រ​ឧស្សាហកម្ម​វាយនភណ្ឌ​ ​និង​កាត់ដេរ​សម្លៀកបំពាក់​នៅក្នុង​ប្រទេស​កម្ពុជា​ ​ដោយ​ចាត់ទុក​វិស័យ​នេះ​ជា​វិស័យ​សក្ដានុពល​មួយ​ដែល​រួមចំណែក​អភិវឌ្ឍ​សេដ្ឋកិច្ច​ ​និង​កាត់បន្ថយ​ភាព​ក្រីក្រ​។​ ​នេះ​បើ​យោង​តាម​របាយការណ៍​ព័ត៌មាន​របស់ក្រ​សួង​ពាណិជ្ជកម្ម​។​
​
​ឯកឧត្តម​ ​ប៉ាន​ ​សូរ​ស័ក្តិ​ ​បាន​លើកឡើង​អំពី​យុទ្ធសាស្ត្រ​ចតុកោណ​ ​គោលនយោបាយ​គាំពារ​ការ​វិនិយោគ​ ​កាលានុវត្ត​ភាព​ធុរកិច្ច​ ​និង​កំណែ​ទម្រង់​ថ្មី​ៗ​ដែល​ប្រមុខ​រាជរដ្ឋាភិបាល​កម្ពុជា​បាន​ថ្លែង​ ​នៅក្នុង​វេទិកា​រាជរដ្ឋាភិបាល​ ​និង​ផ្នែកឯកជន​លើក​ទី18​ ​សំដៅលើ​ក​កម្ពស់​បរិ​យាស​វិនិយោគ​នៅក្នុង​ប្រទេស​កម្ពុជា​។​ ​
​
​ការ​លើកឡើង​របស់​ឯកឧត្តម​រដ្ឋមន្ត្រី​នេះ​បាន​ធ្វើឡើង​ក្នុង​ឱកាស​ដែល​ឯកឧត្ដម​ដឹកនាំ​គណៈប្រតិភូ​កម្ពុជា​ជួបពិភាក្សា​ជាមួយ​ក្រុមហ៊ុន​ផលិត​សម្លៀក​បំពាក់​ធំៗ​ ​មាន​ដូចជា​ ​H​&​M​,​ ​C​&​A​,​ ​Adidas​ ​Sourcing​,​ ​Next​ ​Sourcing​,​ ​Vanity​ ​Fair​ ​Corporation​ ​ដែល​មាន​មូលដ្ឋាន​នៅក្នុង​ទីក្រុង​ហុងកុង​ ​តំណាង​ឱ្យ​អ្នកបញ្ជា​ទិញ30​%​ ​នៃ​ឧស្សាហកម្ម​វាយនភណ្ឌ​របស់​កម្ពុជា​ក្នុង​ខែឧសភា​ ​ឆ្នាំ2019​ ​នេះ​ ​ដើម្បី​បង្កើន​ទំនុកចិត្ត​ ​និង​ទទួល​បានការ​បញ្ជាទិញ​កាន់តែ​ច្រើន​ពី​ក្រុមហ៊ុន​ទាំងអស់​នោះ​។​ ​
​
​ឯកឧត្តម​ក៏បាន​ជម្រាប​ជូន​តំណាង​ក្រុមហ៊ុន​ទាំងអស់​អំពី​ការចូលរួម​របស់ក្រ​សួង​ពាណិជ្ជកម្ម​ ​នៅក្នុង​ការ​លើកស្ទួយ​វិស័យ​វាយនភណ្ឌ​ ​និង​កាត់ដេរ​សម្លៀកបំពាក់​ ​គោលនយោបាយ​អភិវឌ្ឍន៍​ឧស្សាហកម្ម​ ​និង​គោលនយោបាយ​ជាតិ​ស្តី​ពី​ការអប់រំ​បណ្តុះបណ្តាល​បច្ចេកទេស​ ​និង​វិជ្ជាជីវៈ​ ​ព្រមទាំង​ខ្លឹមសារ​សេចក្តី​ព្រាងច្បាប់​វិនិយោគ​ថ្មី​ដែល​កំពុង​ត្រូវ​បាន​ធ្វើ​វិសោធនកម្ម​មាត្រា​មួយចំនួន​ឡើងវិញ​ ​ដើម្បី​ពង្រឹង​ឧត្តមភាព​ប្រកួតប្រជែង​របស់​កម្ពុជា​ឱ្យ​មាន​ភាព​ស្របគ្នា​ទៅ​នឹង​បរិ​តំបន់​។​
​
​យោង​តាម​របាយការណ៍​ប្រចាំឆ្នាំ2018​ ​របស់​ធនាគារជាតិនៃកម្ពុជា​បាន​បង្ហាញថា​ ​បច្ចុប្បន្ន​ឧស្សាហកម្ម​វាយនភណ្ឌ​ ​និង​កាត់ដេរ​សម្លៀកបំពាក់​កម្ពុជា​បាន​ស្រូប​យកកម្លាំង​ពលកម្ម​ប្រមាណ​ជាង​ ​85ម៉ឺន​នាក់​ ​ក្នុង​នោះ​ចំនួន​រោងចក្រ​សរុប​មាន​ប្រមាណ​ ​1,585ទីតាំង​ ​គឺ​បាន​កើនឡើង​ ​4.1​%​ ​បើ​ធៀប​នឹង​ឆ្នាំ2017​។​ ​ ​ជាមួយគ្នា​នេះ​ ​ការនាំចេញ​ផលិតផល​វាយនភណ្ឌ​ ​សម្លៀកបំពាក់​ ​និង​ស្បែកជើង​ទៅកាន់​ទីផ្សារ​អន្តរជាតិ​កាលពី​ឆ្នាំ2018​ ​កន្លងមក​ ​មាន​ទឹកប្រាក់​ជាង​ ​10ប៊ី​លាន​ដុល្លារ​ ​ដែល​កើនឡើង​ប្រមាណ​ ​24.7​%​ ​បើ​ធៀប​នឹង​ឆ្នាំ2017​៕​

​តាមរយៈ​ការ​ធ្វើការ​សាកល្បង​ជាក់ស្ដែង​មួយ​បាន​បង្ហាញ​លទ្ធផល​មក​ថា​ ​Toyota​ ​RAV4​ ​ស៊េរី​ថ្មី​ប្រភេទ​ ​Hybrid​ ​ពិតជា​ស៊ីសាំង​តិច​មែនទែន​។​

ការ​ធ្វើការ​សាកល្បង​នេះ​ ​គឺ​គេ​បាន​បើក​វា​នៅក្នុង​ទៅ​ក្រុង​ដែល​មាន​ចរាចរណ៍​មិនសូវ​ស្ទះ​ខ្លាំង​ ​និង​បើកបរ​ក្នុង​ល្បឿន​ ​19km​/​h​ ​និង​ប្រើប្រាស់​ការ​បើកបរ​ ​Mode​ ​EV​ ​ប្រមាណ​ ​79​%​។​ ​តាមរយៈ​ការសាកល្បង​របស់​គណនី​រថយន្ត​ស៊េរី​ថ្មីនេះ​ ​វា​បាន​បង្ហាញថា​ ​ការ​បើកបរ​នៅក្នុង​ក្រុង​ ​រថយន្ត​នេះ​នឹង​ស៊ីសាំង​ជាមធ្យម​ត្រឹម​ ​4.1លីត្រ​ប៉ុណ្ណោះ​ក្នុង​ចម្ងាយ​ ​100គ.ម​។​

​លទ្ធផល​នេះ​បាន​បង្ហាញថា​ ​ម៉ាស៊ីន​ ​Hybrid​ ​ស៊េរី​ថ្មី​ ​ពិតជា​សន្សំសំចៃ​ប្រេង​បាន​ច្រើន​មែនទែន​៕​

​ទស្សនា​វីដេអូ​ការ​ធ្វើតេស្ត​សាកល្បង​៖​

​ក្រុម​ជើងខ្លាំង​ប៉េតង់​កម្ពុជា​ដែល​មាន​សមាជិក​ ​4រូប​ ​រួមមាន​ ​វីរនារី​កីឡាការិនី​ប៉េតង់​ ​កែ​ ​ឡេង​ ​កីឡាការិនី​ ​អ៊ុ​ក​ ​ស្រីមុំ​ ​កីឡាករ​ ​សុខ​ ​ច័ន្ទ​មាន​ ​និងកីឡា​ករ​ ​សៅ​ ​សុ​ភា​រ៉ា​ន់​ ​ដែល​សុទ្ធតែ​ជា​ជើងខ្លាំង​ប៉េតង់​លំដាប់​ពិភពលោក​ ​បាន​ចេញទៅ​ចូលរួម​ព្រឹត្តិ​ការណ៍​ការប្រកួត​ជើងឯក​ពិភពលោក​ឆ្នាំ2019​ ​ដែល​ប្រព្រឹត្តទៅ​នៅ​ឯ​ប្រទេស​អេស្ប៉ាញ​។​
​
​ការប្រកួត​លើ​ ​5វិញ្ញាសា​ដែល​រួមមាន​ ​វិញ្ញាសា​វាយ​ ​2ទល់2​ ​បុរស​ ​វិញ្ញាសា​វាយ​ ​2ទល់2​ ​នារី​ ​វិញ្ញាសា​វាយ​ ​1ទល់1បុរស​ ​វិញ្ញាសា​វាយ​ ​1ទល់1​ ​នារី​ ​និង​វិញ្ញាសា​វាយ​ចម្រុះ​ ​2ទល់2​ ​បុរស​-​នារី​នោះ​ ​កម្ពុជា​ធ្វើ​បាន​ល្អ​តែ​លើ​ ​2វិញ្ញាសា​ប៉ុណ្ណោះ​ ​គឺ​លើ​វិញ្ញាសា​វាយ​ចម្រុះ​ ​2ទល់2​ ​បុរស​-​នារី​ ​ដែល​មាន​កីឡាការិនី​ ​កែ​ ​ឡេង​ ​និងកីឡា​ករ​ ​សុខ​ ​ច័ន្ទ​មាន​ ​បាន​ឡើង​ទៅដល់​វគ្គ​ ​16ក្រុម​ចុងក្រោយ​ ​និង​លើ​វិញ្ញាសា​វាយ​ ​1ទល់1​ ​នារី​ ​គឺ​កីឡាការិនី​ ​អ៊ុ​ក​ ​ស្រីមុំ​ ​បាន​ឡើង​ដល់​វគ្គ​ ​8នាក់​ចុងក្រោយ​ ​ស្រប​ពេល​ដែល​ ​3វិញ្ញាសា​ទៀត​នោះ​ ​ក្រុម​កម្ពុជា​បាន​ធ្លាក់​តាំងពី​វគ្គ​ដំបូង​ម្ល៉េះ​។​
​
​ចំពោះ​ ​3វិញ្ញាសា​ដែល​ធ្លាក់​ពី​ការប្រកួត​នៅ​ជុំ​ដំបូង​ ​រួមមាន​ ​វិញ្ញាសា​វាយ​ ​2ទល់2​ ​បុរស​ ​ដែល​មាន​កីឡាករ​ ​សុខ​ ​ច័ន្ទ​មាន​ ​និងកីឡា​ករ​ ​សៅ​ ​សុ​ភា​រ៉ា​ន់​ ​វិញ្ញាសា​វាយ​ ​2ទល់2​ ​នារី​ ​មាន​កីឡាការិនី​ ​កែ​ ​ឡេង​ ​និងកីឡា​ការិនី​ ​អ៊ុ​ក​ ​ស្រីមុំ​ ​និង​វិញ្ញាសា​វាយ​ ​1ទល់1​ ​បុរស​ ​គឺ​កីឡាករ​ ​សៅ​ ​សុ​ភា​រ៉ា​ន់​។​
​
​ចាប់តាំងពី​ឆ្នាំ2013​ ​មក​ ​កម្ពុជា​ ​គឺជា​ប្រទេស​លេខ1​ ​ដែល​ឈ្នះ​មេដាយមាស​បាន​ច្រើនជាង​គេ​ ​គឺ​ ​3លើ​ក​ជាប់​ៗ​គ្នា​ ​(​ ​2013​ ​2015​ ​និង2017​)​ ​ដោយ​កម្មវិធី​នេះ​ត្រូវ​ធ្វើឡើង​រៀងរាល់​ ​2ឆ្នាំ​ម្តង​៕​
​

​
​

​តាម​ការ​ឱ្យ​ដឹងពី​ប្រធាន​ក្លិប​បឹង​កេត​ ​លោកស្រី​ ​ពុធ​ ​ធីតា​ ​កាល​ពេល​ប្រកួត​លី​ក​កំពូល​កម្ពុជា​ ​នា​សប្តាហ៍​កន្លងទៅ​នេះ​ ​បាន​បញ្ជាក់​ថា​ ​កីឡដ្ឋាន​ថ្មី​របស់​ក្លិប​ជើងខ្លាំង​មួយ​នេះ​អាច​នឹង​មិន​រួចរាល់​ដូច​ការ​គ្រោងទុក​ឡើយ​។​

​លោកស្រី​ ​ពុធ​ ​ធីតា​ ​ប្រធាន​ក្លឹប​បឹង​កេត​ដែល​បាន​ចុះទៅ​ពិនិត្យ​ការសាងសង់​កីឡដ្ឋាន​ផ្ទាល់ខ្លួន​ដែល​ស្ថិតនៅ​ឃុំ​បឹង​ស្នោ​ ​ខណ្ឌ​ច្បារអំពៅ​កាលពី​សប្តាហ៍​មុន​បាន​ប្រាប់​ឱ្យ​ដឹង​ថា​ ​តាម​គម្រោង​ ​គឺ​ត្រូវ​សាងសង់​ឱ្យ​ទាន់​ការប្រកួត​ជើង​ទី2​ ​នៃ​ក្របខ័ណ្ឌ​លី​ក​បាល់ទាត់​កម្ពុជា​ឆ្នាំ2019​ ​ប៉ុន្តែ​រហូតមកដល់​ពេលនេះ​ប្រហែលជា​មិនទាន់​ទេ​។​

​គួរ​បញ្ជាក់​ផង​ដែរ​ថា​ ​តាម​ការ​គ្រោងទុក​ ​ក្រុម​បឹង​កេត​បាន​ស្នើសុំ​គណៈកម្មការ​រៀបចំ​ការប្រកួត​ដើម្បី​ធ្វើការ​ប្រកួត​នៅ​ក្រៅ​ទឹកដី​ទាំងអស់​សម្រាប់​ជើង​ទី1​ ​ហើយនឹង​ត្រូវ​ធ្វើជា​ម្ចាស់ផ្ទះ​ការប្រកួត​នៅក្នុង​កីឡដ្ឋាន​របស់​ខ្លួន​ដំបូង​នៅក្នុង​អំឡុង​ខែកក្កដា​ ​ដែល​ជា​ការប្រកួត​ក្នុង​ជើង​ទី2​ ​ជាមួយនឹង​ក្រុម​ភ្នំ​ពេញ​ក្រោ​ន​៕​

​

​ប្រិយ​មិត្ដ​ប្រាកដជា​បាន​ស្គាល់​ហើយ​ថា​ ​កីឡាករ​ប្រដាល់​ក្បាច់គុន​បុរាណ​ខ្មែរ​ ​លោក​ ​វង្ស​ ​ណយ​ ​ដែល​មាន​រហស្សនាម​ថា​ ​អ្នកលេង​កែង​មច្ចុរាជ​ ​គឺជា​កីឡាករ​មានឈ្មោះ​បោះ​សំឡេង​យ៉ាង​ខ្លាំង​ក្នុង​វិស័យ​កីឡាប្រដាល់​សេរី​ដែល​តែងតែ​ផ្ដួល​គូប្រកួត​របស់​ខ្លួន​ឱ្យ​សន្លប់​ដោយ​ក្បាច់​នៅ​លើ​សង្វៀន​។​

​ហើយដោយ​ឡែក​ ​លោក​ ​វង្ស​ ​ណយ​ ​ដែល​ជា​កីឡាករ​ប្រដាល់​ដ៏​មានឈ្មោះ​បោះ​សំឡេង​នេះ​ ​ថែមទាំង​ធ្លាប់​បាន​ធ្វើអំពើ​សប្បុរសធម៌​ជាច្រើន​ទៀតផង​ ​តែ​មុន​នេះ​បន្ដិច​ ​តាមរយៈ​គេហទំព័រ​ហ្វេ​សប៊ុ​ក​ផ្ទាល់​របស់​លោក​ ​ស្រាប់តែ​គេ​ឃើញ​មាន​បង្ហោះ​រូបភាព​ផ្ទះសំបែង​ដែល​រូបលោក​កំពុង​រស់នៅ​សព្វថ្ងៃ​ ​ដែល​មើលទៅ​ហាក់ដូចជា​ធ្វើ​ឱ្យ​មាន​អារម្មណ៍​អ្នកមើល​ឃើញ​នឹក​សង្វេគ​ក្នុង​ចិត្ដ​ខ្លាំង​ណាស់​ ​ដោយ​គេ​មើលឃើញ​រូបលោក​កំពុង​រស់នៅ​ក្នុង​ផ្ទះ​រនាបឈើ​ ​គ្មាន​ជញ្ជាំង​ ​និង​ទ្វារ​បិទបាំង​ត្រឹមត្រូវ​ ​ហើយ​ដំបូល​ប្រក់​ស្លឹក​ថែមទាំង​ធ្លុះធ្លាយ​ទៀតផង​។​

​ភ្ជាប់​មក​ជាមួយ​រូបថត​ដ៏​សែន​សង្វេគ​ចិត្ដ​ទាំងនោះ​ ​លោក​ក៏បាន​សរសេរ​សារ​មួយចំនួន​ដែល​មានខ្លឹមសារ​ថា​៖​ ​«​សុំ​អង្វរ​ ​ព្រះឥន្ទ្រ​ ​ជួយ​បង្វែរ​ខ្យល់​កុំឱ្យ​បោកបក់​ខ្លាំងពេក​ ​ទុក​ឱ្យ​កូនចៅ​រស់នៅ​បាន​សុខ​ផង​ចុះ​ ​សាធុ​ ​សាធុ​ ​សាធុ​»​។​ ​វង្ស​ ​ណយ​ ​បាន​បន្ថែម​ទៀត​ថា​៖​«​ខ្ញុំ​រស់​ប៉ុណ្ណឹង​សុខ​ហើយ​ ​កុំឱ្យ​តែ​គេ​មើលងាយ​ទៅ​បាន​ហើយ​»​៕

តារាចម្រៀង​ស្រី​ ​មាស​ ​អា​លីស​ ​ដែល​មហាជន​ជាច្រើន​ទទួលស្គាល់​ថា​ ​ជាតា​រា​ចម្រៀង​ដែល​មាន​ទឹកដម​សំឡេងក្រអួន​ក្រអៅ​ដូច​លោកយាយ​ ​ហួយ​ ​មាស​ ​បេះ​ដាក់​នោះ​ ​កំពុងតែ​ទទួល​បាន​ប្រជាប្រិយ​ភាព​យ៉ាង​ខ្លាំង​ ​ទាំង​ក្នុង​ស្រុក​ ​និង​ក្រៅ​ស្រុក​។​ (more…)