ចាប់តាំងពីឆ្នាំ2011 ដែល Samsung បានប្រកាសចេញដំបូងគេនូវប្រភេទទំហំ DRAM 1GB ដាក់លើស្មាតហ្វូនបន្តរហូតដល់ 6GB នៅឆ្នាំ2015 និងឡើងទៅ 8GB នៅឆ្នាំ2016 នោះ ឥឡូវមកដល់ជំនាន់ DRAM 12GB LPDDR4X ឆ្នាំ2019 ប្រភេទ eUFS ជំនាន់ (3.0) ដែលទើបតែប្រកាសជាផ្លូវការកាលពីថ្ងៃទី14 ខែឧសភាកន្លងទៅថ្មីៗនេះឯង។
ប្រការនេះបានធ្វើឱ្យ Galaxy Note 10 ដែលគ្រោងនឹងចេញនៅពាក់កណ្ដាលឆ្នាំ 2019នេះ នឹងក្លាយជាស្មាតហ្វូនដែលមានទំហំផ្ទុកធំជាងគេ(1TB) ហើយកម្លាំងក៏ខ្លាំងជាងគេដែរ។
Note 10 ត្រូវបានគេរំពឹងថា នឹងបំពាក់បន្ទះឈីប Exynos 9825 SoC (10nm-class (1y-nm) ផ្ដល់ល្បឿនគណនា និងបញ្ជូនទិន្នន័យលឿនខ្លាំងមែនទែន ត្រឹមតែ 34,1ប៉ុណ្ណោះ(ជីហ្គាប៊ិតក្នុង 1វិនាទី)។
ក្រៅពីនោះនៅមានផ្នែកកាមេរ៉ា គឺខាងក្រោយនឹងឡើងដល់ 5គ្រាប់សម្រាប់ Note 10 Pro ឯខាងក្រោយ4 សម្រាប់ Note 10។ ចំពោះតួនាទីលេនស៍នីមួយៗវិញក៏ខ្លាំងៗណាស់ដែរ។
ជាងនេះទៅទៀត នឹងមានរន្ធកណ្តាលអេក្រង់មួយ ទុកដាក់លេនស៍កាមេរ៉ាមុខ ដែលខុសពីម៉ូដែល Galaxy S10/S10+ ដែលប្រើប្រាស់នៅផ្នែកចំហៀង។
សេរ៊ី Note ឆ្នាំ2019 នេះ គេជឿជាក់ថា នឹងបំពាក់នូវអេក្រង់កោងខ្លាំងបំផុតដែលមិនធ្លាប់មានក្នុងប្រវត្តិសាស្ត្រត្រកូល Note៕
Author: អេបិល
Galaxy Note 10 នឹងបំពាក់កាមេរ៉ាក្រោយ 4 គ្រាប់សុទ្ធតែខ្លាំងៗ
Lenovo បង្អួតរាងកុំព្យូទ័រយួរដៃបត់ជា2 បាន ដំបូងគេបង្អស់
កុំព្យូទ័រយួរដៃអាចបត់ខ្លួនជាពីរបាននេះ មានកម្រាស់ប៉ុនសៀវភៅសរសេរ(មានប៊ិចភ្ជាប់មកជាមួយ ឬហៅថា Digital book) វាមិនដូច iPad ឬដូចទូរស័ព្ទទេ ក៏ប៉ុន្តែវាស្រដៀងនឹង Surface របស់ Microsoft។
បន្ទាប់ពីមានវត្តមានរបស់ទូរស័ព្ទបត់អេក្រង់(Foldable Phone) ដែលចេញផលិតដោយក្រុមហ៊ុនផលិតទូរស័ព្ទជាច្រើនដូចជា Samsung, Huawei, និង TCJ នោះ ពេលនេះដល់វេនក្រុមហ៊ុន Lenovo បញ្ចេញរូបរាងកុំព្យូទ័រយួរដៃដែលអាចបត់ខ្លួនជាពីរបាន(Foldable Laptop) ដំបូងគេក្នុងពិភពលោកម្ដងហើយ។
កុំព្យូទ័រ Foldable ThinkPad X1 នេះជាប្រភេទ Prototype នៅឡើយ មិនទាន់ចេញផ្លូវការនោះទេ (តែជំនាន់បន្ទាប់នឹងមានស៊ីម ដែលអាចខលចេញ-ចូលបាន)។ ចំពោះ Specs គេបានដឹងខ្លះៗមកថា វាបំពាក់អេក្រង់ 13អ៊ិញ ប្រើ CPU របស់ Intel ចំណែក RAM គឺ 3GB ឯថ្មវិញ គេរំពឹងថា អាចប្រើបាន 1ថ្ងៃពេញ។
សម្រាប់តម្លៃ និងថ្ងៃចេញលក់ មិនទាន់មានការបង្ហើបឱ្យដឹងនៅឡើយទេ។ ដូច្នេះសូមរង់ចាំតាមដានទាំងអស់គ្នា៕
Facebook ចាយ 200លានផោន ទិញសិទ្ធិផ្សាយផ្ទាល់ Premier League ក្នុងបណ្តាញសង្គមរបស់ខ្លួន!
ក្រុមហ៊ុន Facebook បានទទួលជោគជ័យក្នុងការដេញថ្លៃទិញសិទ្ធិផ្សាយបន្តផ្ទាល់ Premier League នៅលើបណ្តាញសង្គមរបស់ខ្លួនកាលពីពេលថ្មីៗនេះ។ ដូច្នេះអ្នកទស្សនាមិនចាំបាច់ចូលទៅទស្សនានៅលើ Page ដែលលួចឡាយហ្វ៍ដើម្បីរកលុយពីការផ្សព្វផ្សាយពាណិជ្ជកម្មដែលមិនមានសំឡេង ឬពោរពេញទៅដោយពាណិជ្ជកម្មទាំងនោះទៀតទេ។
សិទ្ធិផ្សាយផ្ទាល់របស់ Facebook មានសុពលភាពរយៈពេល 3ឆ្នាំ ដែលនឹងចាប់ផ្ដើមពីរដូវកាល2019-2020 នេះតទៅ ហើយមានទំហំទឹកប្រាក់ដល់ទៅ 200លានផោន។ ក្នុងកុងត្រានេះផងដែរ បានអនុញ្ញាតឱ្យទស្សនាបានតែអ្នកនៅក្នុងប្រទេសមួយចំនួនក្នុងទ្វីបអាស៊ីដែលមានអ្នកគាំទ្របាល់ទាត់ច្រើនប៉ុណ្ណោះ ដែលក្នុងនោះក៏មានកម្ពុជាផងដែរ៕
ខ្លោចចិត្ត! ពេលដឹងពីអត្ថន័យពាក្យដែលប៉ាក់នៅលើស្បែកជើង គួច សុគុម្ភៈ
កីឡាករខ្សែប្រយុទ្ធជម្រើសជាតិកម្ពុជារបស់ណាហ្គាវើលបានបង្ហាញអត្ថន័យរបស់ពាក្យ U CAN SPEAK ដែលប៉ាក់នៅលើស្បែកជើងបាល់ទាត់របស់គេ។
ចំពោះអត្ថន័យរបស់ពាក្យនេះគឺ ដើម្បីលើកទឹកចិត្ត និងផ្តល់ក្តីសង្ឃឹមដល់កូនរបស់គេដែលមានបញ្ហាខ្សោយការអភិវឌ្ឍខាងសតិអារម្មណ៍។
ចាប់តាំងពីសាងចំណងអាពាហ៍ពិពាហ៍ជាមួយភរិយាកាលពីឆ្នាំ2012មក សុគុម្ភៈទទួលបានចំណងដៃកូនប្រុសមួយដែលគិតមកទល់ពេលនេះគេមានអាយុ 5ខួបហើយ តែហាក់មានការវិវឌ្ឍផ្នែកសតិអារម្មណ៍យឺតជាក្មេងធម្មតា ដោយមិនសូវនិយាយ ឬពេលខ្លះមិនអាចនិយាយបានទៀតផង។ សុគុម្ភៈបន្តថា ខ្លួនបាននាំកូនសម្លាញ់ទៅឱ្យគ្រូពេទ្យពិនិត្យហើយ តែហាក់ដូចជាមិនមានអ្វីល្អប្រសើរឡើងឡើយ ដូច្នេះមានតែខិតខំប្រឹងប្រែងបង្ហាត់បង្រៀនគេដោយខ្លួនឯងបន្តទៀតទើបអាចវិវឌ្ឍលឿនជាង៕
ពានរង្វាន់យុវជន U-15, U-17 និងនារី U14, U19 នឹងចាប់ប្រកួតពីខែកក្កដាទៅ
តាមលិខិតចេញពីសហព័ន្ធកីឡាបាល់ទាត់កម្ពុជាបានឱ្យដឹងថា ចាប់ពីខែកក្កដា ឆ្នាំ2019នេះទៅនឹងមានការប្រកួតដល់ទៅ 4ពានរង្វាន់បន្ថែមពីលើពានរង្វាន់លីកកំពូលរបស់កម្ពុជា និងពានរង្វាន់សម្តេចអគ្គមហាសេនាបតីតេជោ ហ៊ុន សែន ដែលនេះនៅមិនទាន់រាប់បញ្ចូលពានរង្វាន់លីកទី2 ដែលមិនទាន់មានកាលបរិច្ឆេទនៅឡើយផង។
ពានរង្វាន់យុវជនអាយុក្រោម 15ឆ្នាំ និង 17ឆ្នាំនឹងចាប់ផ្តើមនៅថ្ងៃទី8 កក្កដា ខណៈដែលក្រុមចូលរួមប្រកួតនឹងមកពីសាលាយុវជនថ្នាលតាមបណ្តាខេត្តនៅទូទាំងប្រទេស រាប់បញ្ចូលទាំងយុវជនថ្នាលមកពីតាមក្លិបនៅលីកកំពូលកម្ពុជាទាំង12ក្លិបផង ក្នុងនោះដែរ ក្រុមចូលរួមទាំងអស់នឹងត្រូវចូលរួមប្រកួតក្នុងពូលដែលមានចំនួន 6ពូលតាមរូបមន្ត Home/Away (ក្នុងទឹកដី និងក្រៅទឹកដី)។ ដោយឡែកក្រោយពីការប្រកួតក្នុងពូលចប់ ការប្រកួតវគ្គជម្រុះនិងផ្តាច់ព្រ័ត្រនឹងប្រព្រឹត្តទៅនៅសាលាបាល់ទាត់ជាតិបាទី។
សម្រាប់ពានរង្វាន់បាល់ទាត់នារីអាយុក្រោម14 និង 19ឆ្នាំ កាលបរិច្ឆេទប្រកួតនឹងចាប់ផ្តើមនៅថ្ងៃទី2 កញ្ញាតទៅ។ ដោយឡែកចំនួនក្រុមដែលចូលរួម និងទីតាំងប្រកួតមិនទាន់ប្រកាសឱ្យដឹងនៅឡើយទេ។ ដោយត្រូវរង់ចាំមើលចំនួនក្រុមចូលរួមសិន ប្រសិនបើមានក្រុមចូលរួមច្រើននឹងធ្វើជាលក្ខណៈក្នុងទឹកដី និងក្រៅទឹកដីនៅតាមបណ្តាមូលដ្ឋានខេត្តនានា តែបើមានចំនួនចូលរួមតិចនឹងធ្វើនៅសាលាបាល់ទាត់ជាតិបាទី។
ការប្រកួតទាំងអស់នេះត្រូវបានគេដឹងថា ជាការត្រៀមខ្លួន និងជ្រើសយកយុវជនថ្នាលសម្រាប់ចូលរួមការប្រកួតSEAGAMES ឆ្នាំ2023 ដែលកម្ពុជាធ្វើជាម្ចាស់ផ្ទះ៕
ជយោ! បាល់បោះកម្ពុជាបង្ហាញមុខក្នុងពានរង្វាន់បាល់បោះពិភពលោកជាលើកដំបូងហើយ!
សហព័ន្ធបាល់បោះកម្ពុជា CBF បានប្រកាសពីវត្តមានរបស់កម្ពុជាក្នុងពានរង្វាន់បាល់បោះ FIBA World Cup ក្រោយបានចូលរួមក្នុងកម្មវិធីកម្រិតពិភពលោកនេះ កម្ពុជាត្រូវចូលរួមប្រកួតជាមួយប្រទេសក្នុងតំបន់អាស៊ានជាមុនសិនដើម្បីដណ្តើមកៅអីទៅវគ្គបន្ត។
វគ្គជម្រុះនេះបានចាប់ផ្តើមនៅថ្ងៃនេះនៅឯប្រទេសថៃដែលជាម្ចាស់ផ្ទះ ដោយកម្ពុជាត្រូវជួបជាមួយម៉ាឡេស៊ី ឥណ្ឌូនេស៊ី សិង្ហបុរី ប្រ៊ុយណេ និងម្ចាស់ផ្ទះថៃ។ ក្រុមដែលឈ្នះនៅវគ្គជម្រុះនេះចំនួន 4ក្រុមនឹងត្រូវទទួលបានកៅអីឡើងទៅវគ្គតំបន់អាស៊ីដើម្បីបន្តដំណើរទៅលេងនៅវគ្គជម្រុះពិភពលោកបន្តទៀត៕
ទឹកប្រាក់ ១០០លានរៀល ពីភេសជ្ជៈប៉ូវកម្លាំងខារ៉ាបាវ បានបន្តធ្លាក់ដល់ដៃសន្តិសុខកាស៊ីណូម្នាក់ទៀតហើយ នៅខេត្តឧត្តរមានជ័យ
ជាសំណាងមិនបានព្រៀងទុក ចំពោះទឹកប្រាក់រង្វាន់ចំនួន ១០០លានរៀល របស់ភេសជ្ជៈប៉ូវកម្លាំង ខារ៉ាបាវ បានបន្តធ្លាក់ទៅដល់ដៃយុវជនម្នាក់ទៀតហើយ មានឈ្មោះ ហ៊ុត ណុន អាយុ ២៥ ឆ្នាំ បច្ចុប្បន្នមានមុខរបរជាកងកម្លាំងសន្តិសុខកាស៊ីណូ មានអាសយដ្ឋាននៅភូមិផ្អុង សង្កាត់កូនក្រៀល ក្រុងសំរោង ខេត្តឧត្តរមានជ័យ។
ថ្លែងប្រាប់អ្នកតំណាងក្រុមហ៊ុនចុះទៅប្រគល់ទឹកប្រាក់ចំនួន ១០០លានរៀល ដល់លំនៅឋាន ដែលស្ថិតនៅទីតាំងភូមិសាស្ត្រខាងលើនេះ យុវជន ហ៊ុត ណុន បានរៀបរាប់ប្រាប់ឱ្យដឹងថា កាលពីចុងសប្ដាហ៍កន្លងទៅនេះ បន្ទាប់ពីសម្រាក់ពីការងារ ហើយត្រឡប់មកដល់ផ្ទះវិញ មានអារម្មណ៍ថាអស់កម្លាំង ក៏ទៅយកភេសជ្ជៈប៉ូវកម្លាំង ខារ៉ាបាវ មួយកំប៉ុងពីក្នុងធុងក្លាសេរបស់ម្តាយលក់មកទទួលទាន លុះស្រាប់តែពេលគាស់ក្រវិលកំប៉ុងភ្លាមក៏ឃើញមានរង្វាន់១០០លានរៀលនៅនឹងក្រវិលកំប៉ុង។ ភ្លាមនោះ ក៏មានអារម្មណ៍រីករាយរំភើបជាខ្លាំង ព្រមទាំងស្រែកប្រាប់ម្តាយ និងបងប្អូនឱ្យមកជួយមើលទាំងអស់គ្នា និងទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅនឹងក្រវិលកំប៉ុងស្រាប់ ។ យុវជនរូបនេះបានបញ្ជាក់ថា ទឹកប្រាក់រង្វាន់១០០លានរៀលនេះ គឺពិតជាមានសារសំខាន់ខ្លាំងណាស់ចំពោះក្រុមគ្រួសារដែលអាចជួយកែប្រែជីវភាពគ្រួសារឱ្យមានភាពល្អប្រសើរ។ ដោយឡែក ក្រោយពីទទួលបានប្រាក់រង្វាន់ធំ ១០០លានរៀលនេះ លោកនឹងប្រគល់មួយចំនួនទៅឱ្យម្ដាយពង្រីកការលក់ដូរនៅផ្ទះ និងសង់បំណុលគេ ហើយទុកមួយចំនួនទៀតសម្រាប់ធ្វើចំការ ដើម្បីទ្រទ្រង់ជីវភាពគ្រួសារទៅថ្ងៃអនាគត ។
សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធរហូតដល់ ១០០លានរៀល ចំនួន៦០ រង្វាន់ , ម៉ូតូ HONDA Dream ចំនួន៦០ រង្វាន់ , ទូរស័ព្ទដៃ iPhone ចំនួន៦០ រង្វាន់ រួមជាមួយការផ្តល់ជូនរង្វាន់1កប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
មាស សុខសោភា ទម្លាយសារក្នុងចិត្តពីចម្ងាយជូន ឱក សុគន្ធកញ្ញា ហើយ
ស្ទើរមិនសល់តារាល្បីណាម្នាក់នោះទេ សម្រាប់មង្គលការរបស់តារាចម្រៀង កញ្ញា ឱក សុគន្ធកញ្ញា និងអគ្គនាយករងរបស់ទូរទស្សន៍ហង្សមាស នៅថ្ងៃទី១៦ ឧសភា នេះ តាំងពីម៉ោងហែរជំនូន។ ក្នុងនោះថ្នាក់ដឹកនាំជាន់ខ្ពស់ក៏មានវត្តមាន ធ្វើឱ្យវត្តមានសម្រាប់ពិធីមួយនេះ។ យ៉ាងណាមិញ តារាចម្រៀង កញ្ញា មាស សុខសោភា ដែលស្ថិតនៅសម្ដែងក្រៅប្រទេស ហើយជាអតីតមិត្តរួមក្រុមរបស់នាងមួយរូបដែរ ក៏ធ្វើឱ្យ ឱក សុគន្ធកញ្ញា អស់ចិត្តនឹងអវត្តមានរបស់នាងនោះដែរ ប្រសិនបើនាងបានអានសាររបស់ មាស សុខសោភា មុននេះបន្តិច។
មាស សុខសោភា បានសរសេរបង្ហោះថា” ក្នុងនាមជាមិត្តរួមការងារម្នាក់ នាងខ្ញុំពិតជាមានអារម្មណ៍ថាសោកស្តាយដែលមិនបានចូលរួមក្នុងថ្ងៃពិសេសមួយនេះ ហើយវាលើសពីសោកស្តាយប្រសិនបើនាងខ្ញុំយកអារម្មណ៍ក្នុងនាមជាបងស្រីម្នាក់ ដែលមិនបាននិយាយពាក្យជូនពរដោយផ្ទាល់ដល់ប្អូនស្រីក្នុងថ្ងៃមង្គល ដែលមានតែម្តងក្នុងជីវិត។ បើសិនជាមានវេទមន្ត នាងខ្ញុំនិងធ្វើវាភ្លាមដើម្បីសម្រេចបំណងប្រាថ្នាចង់ចូលរួមកម្មវិធីអាពាហ៍ពិពាហ៍នេ :heart:កញ្ញា គឺមិនត្រឹមតែជាមិត្តរួមការងារម្នាក់នោះទេ ថែមទាំងជាប្អូនស្រីដ៍ល្អម្នាក់របស់ខ្ញុំ។:heart:
🤗យើងបានចែករំលែកអាថ៌កំបាំងជាច្រើន និងឆ្លងកាត់នូវអនុស្សាវរីយ៍សប្បាយរីករាយរួមគ្នារាប់មិនអស់។:clap:អរគុណសម្រាប់ការណែនាំដល់បងស្រីម្នាក់នេះអំពីមេរៀនជីវិតជាអ្នកចម្រៀងនាពេលរាត្រី កំឡុងពេលដែលនាងខ្ញុំមកដល់រាជធានីភ្នំពេញដំបូង អរគុណសម្រាប់ការណែនាំដល់បងស្រីម្នាក់នេះ ឱ្យយល់ និងស្គាល់អំពីអ្វីទៅដែលជាភាពសប្បាយរីករាយ lol🥰:confetti_ball:, និងការកំសាន្តជាមួយក្រុមការងារ។ អនុស្សាវរីយ៍ដ៏ជូចត់មិនអាចបំភ្លេចបាននោះគឺពេលវេលាដែលកញ្ញា:muscle: ជួយខ្ញុំផ្លាស់ប្តូរសំបកកង់របស់ខ្ញុំទាំងកណ្តាលយប់នៅលើស្ពានជ្រោយចង្វារនៅពេលដែលយើងចេញពីច្រៀងជាមួយគ្នា។:+1::heart_eyes: សម្លាញ់ម្នាក់នេះ បងស្រីម្នាក់នេះ ពិតជារំភើប ត្រេកអរជាខ្លាំងដែលសម្លាញ់ក៏ដូចជាប្អូនស្រីបានរកឃើញ ដៃគូជីវិត។
:clap:សូមអបអរសាទរនិងជូនពរពីចង្ងាយដល់ប្អូនស្រីកញ្ញានិងស្វាមីក្នុងថ្ងៃជ័យមង្គលទទួលបាននៅសុខ សុភមង្គល និងស្រឡាញ់គ្នាជារៀងរហូត !!!#weddingday #sisters :kissing_heart::kissing_heart::kissing_heart::pray::pray::pray:”។ ជាមួយនឹងសារមាស សុខសោភា មិនត្រឹមតែ ឱក សុគន្ធកញ្ញា នោះទេ ដែលមានអារម្មណ៍រំភើប ពោលគឺសូម្បីតែមហាជន ក៍រំភើបជំនួសផងដែរ ជាពិសេសនៅពេលដឹងថា អ្នកទាំងពីរមានអនុស្សាវរីយ៍ ជ្រាលជ្រៅនឹងគ្នាដល់ម្លឹង៕
តារាសិល្បៈព្រោងព្រាត សប្បាយប្រគល់អំណោយ និងច្រៀងតន្ត្រីសប្បុរសធម៌ Enarita
កាលពីព្រឹកថ្ងៃទី15 ឧសភា ក្រុមហ៊ុន Enarita បានដឹកនាំតារាចាស់ក្មេងល្បីៗ រួមមាន លោក ខេម លោក គូម៉ា នាយគ្រឿន កញ្ញា ផន ស្រីខួច លោក ឃុន វត្ថា លោក សៅ ឧត្តម លោក BIG និង លោក ម៉ាដូណា ជាដើម (more…)
ខ្សែការពារភ្នំពេញក្រោន កុក បូរីស អាចនឹងផ្លាស់ទៅនៅបឹងកេតនៅជុំទី2
តាមប្រភពដែលស្និទ្ធនឹងកីឡាករកូនកាត់បារាំង-ខ្មែរ កុក បូរីស បានបញ្ចេញព័ត៌មានបឋម តែមិនផ្លូវការមួយទាក់ទងនឹងកីឡាករខ្សែការពាររបស់ក្លិបភ្នំពេញក្រោនថា កុក បូរីស កំពុងត្រូវបានក្លិបបឹងកេតទាក់ទងចែចូវហើយ។
តាមរយៈព័ត៌មាននេះផងដែរបានឱ្យដឹងទៀតថា បូរីស អាចនឹងផ្លាស់ទៅបឹងកេតឆាប់ៗនេះ ដោយសារតែសមត្ថភាព បច្ចេកទេស និងទីតាំងដែលរូបគេលេងនេះ កំពុងតែជាចំណុចខ្វះខាតរបស់ក្លិបបឹងកេត ហើយម្យ៉ាងទៀត ដោយសារតែបឹងកេតបានបញ្ចេញខ្សែការពារឆ្នើមៗពីក្លិបស្ទើរតែអស់ទៅហើយ ដោយរស់សំអឿន និងសុខ សុវណ្ណបានចាកចេញទៅនៅក្លិបចំណូលថ្មីវិសាខា។
តាមទីផ្សារដោះដូរកីឡាករសម្រាប់ជុំទី2 នេះ មិនទាន់មានព័ត៌មានផ្លូវការណាមួយបញ្ជាក់ច្បាស់នៅឡើយទេ ប្រសិនបើ បូរីស ត្រូវផ្លាស់ទៅនៅបឹងកេតមែន គេអាចនឹងបង្ហាញខ្លួននៅក្នុងការប្រកួតជុំទី2 នៃលីកកំពូលកម្ពុជា និងពានរង្វាន់ដែលប្រើតែកីឡាករខ្មែរសុទ្ធ គឺHun Sen Cup នាពាក់កណ្តាលខែក្រោយនេះផងដែរ៕
