Author: អេបិល

ពានរង្វាន់​យុវជន​អាយុ​ក្រោម​ ​19ឆ្នាំ​ ​ប្រចាំ​តំបន់​អាស៊ី​អាគ្នេយ៍​ ​(​ ​AFF​ ​U​-​19​ ​Championship​ ​2019​)​ ​កម្ពុជា​ស្ថិតនៅ​ក្នុង​ពូល​ ​B​ ​ជាមួយ​ក្រុម​ខ្លាំង​ៗ​ដូចជា​ ​U​-​19​ ​ថៃ​ ​ម៉ាឡេស៊ី​ ​វៀតណាម​ ​សិង្ហបុរី​ ​និង​អូស្ត្រាលី​ ​ដោយ​ការប្រកួត​ចាប់ផ្ដើម​ពី​ថ្ងៃទី5​ ​ខែសីហា​ ​ហើយនឹង​បញ្ចប់​នៅ​ថ្ងៃទី18​ ​ខែសីហា​ ​ឆ្នាំ2019​ ​នៅ​ប្រទេស​វៀតណាម​។​
​
​កាលពី​ពេល​ថ្មី​ៗ​នេះ​ ​សហព័ន្ធ​កីឡាបាល់ទាត់​កម្ពុជា​ ​បាន​បង្ហា​ញប​ញ្ចី​ឈ្មោះ​កីឡាករ​យុវជន​អាយុ​ក្រោម​ ​19ឆ្នាំ​ ​ដែល​ត្រូវ​កោះហៅ​ចំនួន​ ​30រូប​ពី​ក្លិប​ចំនួន9​ ​ដោយ​ការ​ធ្វើតេស្ត​ដំណាក់កាល​បឋម​ ​នឹង​ត្រូវ​ធ្វើឡើង​ពី​ថ្ងៃទី13​ ​ដល់​ថ្ងៃទី15​ ​ខែឧសភា​ ​ឆ្នាំ2019​ ​ខាងមុខនេះ​ ​នៅ​ឯ​ទីលាន​មជ្ឈមណ្ឌល​សាលា​បាល់ទាត់​ជាតិ​បាទី​ ​ខេត្តតាកែវ​។​
​
​ក្នុង​បញ្ចី​ឈ្មោះ​នោះ​មាន​យុវជន​ពី​ក្លិប​ចំនួន9​ ​រួមមាន​ព្រះ​ខ័ន​រាជ​ស្វាយរៀង​ ​បឹង​កេត​ ​ណា​ហ្គាវើលដ៍​ ​វិសាខា​ ​អគ្គិសនី​កម្ពុជា​ ​អគ្គស្នងការ​ដ្ឋាន​នគរបាល​ជាតិ​ ​ភ្នំ​ពេញ​ក្រោ​ន​ ​អង្គ​រថា​យហ្គឺរ​ ​និង​សាលា​តម្រង់​ទិស​ខេត្ត​កណ្ដាល​ ​សរុប​ចំនួន​ ​30នាក់​៕​

​
​

ក្រុមណាហ្គាវើលដ៍បានបញ្ចប់ភារកិច្ចរបស់ខ្លួនក្នុងពានរង្វាន់ធំលំដាប់ទី2 របស់ទ្វីបអាស៊ី AFC CUP ជាផ្លូវការហើយ ដោយសរុបទាំងអស់ 6ប្រកួត ក្នុងនោះឈ្នះ1 មិនមានស្មើ និងចាញ់5 មាន​ 3ពិន្ទុក្នុងដៃ និងឈរលើលេខ4 ក្នុងចំណោម 4ប្រទេសប្រចាំពូល។

ក្នុងនោះដែរក្រុមមកពីកម្ពុជាដែលចូលរួមក្នុងពានរង្វាន់នេះ នៅក្នុងវគ្គចែកពូលជាលើកទី1 បានធ្វើជាម្ចាស់ផ្ទះចំនួន 3លើក និងលេងក្រៅទឹកដីខ្លួនឯងចំនួន 3លើកដូចគ្នា ដោយស៊ុតបាន 6គ្រាប់ តែរបូតទៅវិញសរុបដល់ទៅ 27គ្រាប់ឯណោះ។

គួរបញ្ជាក់ផងដែរថា ណាហ្គាវើលដ៍ ដែលតំណាងឱ្យកម្ពុជាក្នុងពាន AFC CUP នេះត្រូវប្រកួតទល់នឹងក្លិបបាល់ទាត់ជើងឯកលីកកំពូលមកពីប្រទេសសិង្ហបុរី (Tampons Rover) មីយ៉ាន់ម៉ា (Yangon United) និងវៀតណាម (Hanoi FC)៕

​ក្លិប​លី​ក​កំពូល​ជប៉ុន​ ​Consadole​ ​Sapporo​ ​បាន​បញ្ជាក់​ក្នុង​សន្និសីទ​កាសែត​ក្រោយ​ការប្រកួត​ក្នុង​លី​ក​របស់​ខ្លួន​ថា​ ​នៅពេល​ដែល​កុងត្រា​ខ្ចី​ជើងកី​ឡា​ករ​ជម្រើសជាតិ​ថៃ​ ​Chanathip​ ​Songkrasin​ ​ត្រូវ​បញ្ចប់​ជា​ផ្លូវការ​ហើយ​នោះ​ ​ក្លឹប​បានសម្រេច​ផ្ទេរ​យក​រូបគេ​ជា​ផ្លូវការ​មកកាន់​ទឹកដី​ជប៉ុន​ជា​កីឡាករ​ពេញ​សិទ្ធិ​ ​ជាមួយនឹង​តម្លៃ​ខ្លួន​ ​1.35លាន​ដុល្លារ​។​
​
​កីឡាករ​មាឌ​ល្អិត​ ​ល្បឿន​លឿន​រូប​នេះ​បាន​បង្ហាញ​ទម្រង់​លេង​ដ៏​ល្អ​នៅ​លី​ក​កំពូល​ជប៉ុន​ ​និង​រក​គ្រាប់​បាល់​បាន​ស្ទើរតែ​គ្រប់ការ​ប្រកួត​ដែល​រូបគេ​ត្រូវ​បាន​ដាក់​ឱ្យ​ចូលលេង​។​ ​គួរ​បញ្ជាក់​ផង​ដែរ​ថា​ ​កីឡាករ​ជម្រើសជាតិ​ថៃ​ ​Chanathip​ ​Songkrasin​ ​បាន​ផ្ទេរ​មក​ពី​ក្លិប​ ​Muangthong​ ​United​ ​របស់​ថៃ​ ​ដោយ​កិច្ចសន្យា​ខ្ចី​ជើង​រយៈពេល​ ​2ឆ្នាំ​ ​ដោយ​ ​ឆា​ណា​ធិប​ ​បាន​ជួយ​ឱ្យ​ក្រុមConsadole​ ​Sapporo​ ​ឈរ​លើ​លេខ5​ ​ក្នុង​តារាងពិន្ទុ​ ​J​ ​League​ ​មាន​ ​26ពិន្ទុ​ ​ដែល​មកទល់​នឹង​ពេលនេះ​ ​រូបគេ​បាន​ផុត​កុងត្រា​ខ្ចី​ជើង​នេះ​ហើយ​ ​ទើប​ក្លិប​ជប៉ុន​សម្រេចចិត្ត​ទិញ​រូបគេ​យក​ផ្តាច់​តែម្តង​៕​

​សហព័ន្ធ​កីឡាបាល់ទាត់​ថៃ​ ​បាន​ប្រកាស​កាលពី​ពេល​ថ្មី​ៗ​នេះ​ថា​ ​ពានរង្វាន់​ ​King’s​ ​Cup​ ​2019​ ​ដែល​រៀបចំឡើង​ដោយ​ប្រទេស​ថៃ​ ​នៅក្នុង​ប្រទេស​ថៃ​ចាប់ពី​ថ្ងៃទី5​ ​ដល់់​ថ្ងៃទី8​ ​ខែមិថុនា​ ​ឆ្នាំ2019នេះ​ ​នឹង​មាន​ប្រទេស​ចំនួន4​ ​ចូលរួម​ ​គឺ​វៀតណាម​ ​ថៃ​ ​ឥណ្ឌា​ ​កា​រ៉ា​កាវ​ ​(​ជា​ក្រុម​មក​ពី​អាស៊ី​ភាគ​ខាងជើង​)​។​
​
​លើស​ពីនេះ​ទៅទៀត​ ​សហព័ន្ធ​កីឡាបាល់ទាត់​ថៃ​បាន​បញ្ជាក់​ថា​ ​ថៃ​នឹង​មិន​ប្រើប្រាស់​កីឡដ្ឋាន​ជាតិ​របស់​ពួកគេ​ ​(​ ​Rajamangala​ ​Stadium​ ​)​ ​រៀបចំ​ពានរង្វាន់​ ​King’s​ ​Cup​ ​ឆ្នាំ2019​ ​នេះ​ឡើយ​។​
​
​គួរ​បញ្ជាក់​ផង​ដែរ​ថា​ ​ក្រុមបាល់ទាត់​ជម្រើសជាតិ​ថៃ​នឹង​ត្រូវ​ប៉ះ​ក្រុមបាល់ទាត់​ជម្រើសជាតិ​វៀតណាម​ក្នុង​ពានរង្វាន់​ ​King’s​ ​Cup​ ​2019​ ​នៅ​ថ្ងៃទី5​ ​ខែមិថុនា​ ​ឆ្នាំ2019​ ​វេលា​ម៉ោង7.45នាទី​យប់​៕​

​តម្លៃ​របស់​ម៉ូតូ​ ​Honda​ ​Zoomer​-​X​ ​ស៊េរី​ឆ្នាំ2019​ ​ទើបត្រូវ​បាន​ ​Page​ ​នាំចូល​ម៉ូតូ​ហុងដា​ពី​ប្រទេស​ថៃ​មួយ​ ​បាន​បង្ហោះ​ព័ត៌មាន​ឱ្យ​ដឹង​ជា​ផ្លូវការ​ហើយ​នៅ​ថ្ងៃនេះ​។​ ​
​
​លក្ខណ​សម្បត្តិ​ម៉ាស៊ីន​របស់​វា​ ​មិន​ខុសពី​ឆ្នាំ​មុន​ៗ​ទេ​ ​ហើយក៏​មិន​មាន​អ្វី​ប្រែប្រួល​ច្រើន​ដែរ​ ​តែ​ការ​លេង​ពណ៌​ ​ថ្មី​ជាង​មុន​(​ក្រហម​សុទ្ធ​ ​ខ្មៅ​សុទ្ធ​ ​និង​ខ្មៅ​លាយ​ពណ៌លឿង​)​ ​។​ ​
​
​ស៊េរី​ម៉ូតូ​ដែល​ប្រកាស​ចេញ​មកនេះ​ ​មាន​សំឡេង​ម៉ាស៊ីន​ស្ងាត់​ល្អ​ ​ជា​ប្រភេទ​ម៉ាស៊ីន​ ​110cc​ ​ថែម​បច្ចេកវិទ្យា​ជំនាន់​ចុងក្រោយ​បំផុត​របស់​ ​Honda​។​ ​សន្សំសំចៃ​ប្រេង​ ​និង​ប្រើ​ធន់​ ​(​ទាស់​តែ​ឆាប់​បាក់​កន្ទុយ​ក្រោយ​បន្តិច​ប៉ុណ្ណោះ​)​។​
​ ​Zoomer​-​X​ ​ស៊េរី​ថ្មីនេះ​បាន​កំណត់​តម្លៃ​លក់​នៅ​ឯ​ប្រទេស​ថៃ​ ​ខ្ទង់​ ​55,700​ ​បាត​ ​ដែល​ស្មើនឹង​ប្រមាណ​ជា​ ​1,760​ ​ដុល្លារ​៕​
​

ដូចបានជ្រាបកន្លងមកថា តារាចម្រៀងជើងចាស់ដែលធ្លាប់មានឈ្មោះបោះសំលេងខ្លាំងនៅក្នុងសង្គមសិល្បៈគឺលោក ចាន់ សម័យ បានបាត់មុខពីសិល្បៈអស់រយៈពេលជាច្រើនឆ្នាំ ហើយសម្ងំលាក់ខ្លួនក្នុងជីវភាពក្រលំបាក គេចមុខពីមហាជន។ ស្រាប់តែមួយរយៈចុងក្រោយនេះ តារាប្រុសរូបនេះត្រូវបានអ្នកសារព័ត៌មាន ចុះផ្សាយយ៉ាងព្រោងព្រៀតរហូតមកដល់ពេលនេះ មានការជ្រោមជ្រែងពីថ្នាក់ដឹកនាំ ក៏ដូចជាអ្នកសិល្បៈដូចគ្នា ធ្វើឱ្យលោក ចាន់ សម័យ ប្រែមុខមាត់ថ្មី មកដល់សព្វថ្ងៃនេះ។

ថ្មីៗនេះដែរតារាចម្រៀង ចាន់ សម័យ ដែលកំពុងច្រៀងនៅក្នុងទ្រនំផលិតកម្ម Galaxy បានទទួលសំណាងធំ ដោយសម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុនសែន ជូនអំណោយផ្ទះវីឡាមួយខ្នង ដ៏ស្រស់ស្អាតនៅក្នុងបុរី ឡេង ណាវ៉ាត្រា ជូនដល់រូបលោកដើម្បីរស់នៅជាមួយប្រពន្ធកូន អោយបានសមរម្យនឹងគេ ដែលអំណោយដ៏ធំនេះត្រូវបានប្រគល់តាមរយៈលោក ហេង ឡុង និងឧកញ៉ា ឡេង ណាវ៉ាត្រា ផ្ទាល់តែម្តង។

ផ្ទះ​ដែល​សម្ដេច​តេជោ ​ហ៊ុន សែន ​និង សម្ដេច​កិត្តិ​ព្រឹទ្ធ​បណ្ឌិត ​ប៊ុន រ៉ានី​ ហ៊ុនសែន ទិញ​​ឱ្យតារា​ចម្រៀង​ចាន់ សម័យ​នោះ គឺ​ជា​វីឡា​តឿ ​មាន​សល់​ដី​ជុំវិញ​ផ្ទះ ដែល​មើល​ទៅ​គួរឱ្យចង់​របស់​នៅ​តែ​ម្ដង ស្ថិត​ក្នុង​បុរី​ឡេងណាវ៉ាត្រា​គម្រោង​ទី៦ ជិត​ផ្សារ​ទូល​ពង្រ។

ឧកញ៉ា ឡេង ណាវ៉ាត្រា បាន​ថ្លែង​ថា លោក​ពិត​ជា​រំភើប​ចិត្ត​ខ្លាំង​ជំនួស​ តារា​ចម្រៀង​លោក ចាន់ សម័យ ដែល​មាន​សំណាង​ត្រូវ​បាន​សម្ដេច​ទាំង​ពីរ​​អាណិតអាសូរ ទិញ​ផ្ទះ​ឲ្យ​បែប​នេះ។ ទទឹម​គ្នា​នោះ​ដែរ សម្រាប់ លោក​ឧកញ៉ា​ថា គឺ​ជា​មោទនភាព​និង​មហា​កិត្តិយស​​​បំផុត​ដែល​សម្ដេច​ម៉ែ​បាន សម្រេច​​ទិញ​​នៅ​ក្នុង​​បុរី​ឡេងណាវ៉ាត្រា​នេះ​តែ​ម្ដង។ ក្រោយ​ពី​ទទួល​បាន​ផ្ទះ​យ៉ាង​ស្រស់​ស្អាត​ហើយ​នៅ​ក្នុង​បុរី​ក្នុង​រាជធានី​ភ្នំពេញ​ថែម​ទៀត លោក ចាន់ សម័យ បាន​សម្ដែង​អារម្មណ៍​​រំភើប​ខ្លាំង​ណាស់ ដោយ​កន្លង​មក​លោក​មិន​ធ្លាប់ ស្រមៃ​ថា និង​មាន​ផ្ទះ​ផ្ទាល់​ខ្លួន​ដើម្បី​ឲ្យ​ប្រពន្ធ​កូន​ស្នាក់​នៅ​ឡើយ។ ម្ចាស់​បទ”សុំ​មេ​មាន់​មួយ” លោក​​សូម​អរគុណ​ខ្លាំង​ណាស់ ដល់​សម្ដេច​ទាំង​ពី ដែល​មាន​ចិត្ត​ប្រោសប្រណី​ដល់​រូប​លោក​និង​ក្រុម​គ្រួសារ ដែល​ចាប់​ពី​ពេល​នេះ លោក​មាន​ផ្ទះ​សម្បែង​ផ្ទាល់​ខ្លួន​​រស់​នៅ​នឹង​គេ​ឯង ឈប់​នៅ​ផ្ទះ​ជួល​ហើយ។

ទន្ទឹមនឹងនោះដែរ លោក ចាន់ សម័យ សូម​ជូនពរ​សម្ដេច​ទាំង​ពីរបានសម្រេច​នូវ​ពុទ្ធពរទាំង ​4​ប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍តរៀង ទៅ៕

​ស្ថានីយ៍​ទូរទស្សន៍​ប៉ុស្តិ៍​លេខ៥​ ​បាន​លើកស្ទួយ​វិស័យ​ភាពយន្ដ​ភាគ​ខ្មែរ​តាមរយៈ​រឿង​ថ្មី​មួយទៀត​ហើយដែល​មាន​ចំណងជើង​ថា​ ​«​បុប្ផាស្រុកស្រែ​»​ ​ជា​រឿង​ដែល​ផ្ដល់​នូវ​តម្លៃ​អប់​ជីវិត​ក្នុង​សង្គម​ ​ហើយ​លាយ​លំការតស៊ូរបស់ស្ត្រី ​មនោសញ្ចេតនា​ស្នេហាស្រក់​ទឹកភ្នែក​ ​កសាង​អំពើល្អ​ជាបុណ្យ​កុសល​ហុចដល់​ជីវិតប្រចាំថ្ងៃ​។​ ​រឿង​ភាគ​ទូ​រស​ទស្សន៍​មួយ​នេះ​ ​បាន​រៀបចំ​ក្រុងពាលី​នា​ព្រឹក​ថ្ងៃទី17​ ឧសភា 2019នេះ​ ​រួមមានលោក លាង ឈែ សម្ដែងជា សាវ័ន្ដ និងកញ្ញា ជា ស្រីរ័ត្ន សម្ដែងតួឯកស្រី ឈូក រ័ត្ន។

ដើម្បី​តបស្នង​ចំពោះ​ការងារ​ល្អ​ ​និង​លើក​តម្លៃ​ដល់​តារា​ខ្មែរយើង​ ​ប៉ុស្តិ៍​លេខ៥​ ​បាន​ព្យាយាម​បង្កើតរឿង​ភាគ​ជាច្រើន​រឿង​ហើយ​ ​ក្នុង​គោលបំណង​ឱ្យ​ទីផ្សារ​តារា​សិល្បៈ​ខ្មែរ​ ​កាន់តែ​រីកធំឡើង​ ​និង​បាន​ឱកាស​រក​ប្រាក់កម្រៃ​កសាង​សង្គម​គ្រួសារ​ជាប្រចាំ​បន្ត​ទៀត​ ​។​ ​មិន​ត្រឹមតែ​ ​កសាង​ឈ្មោះ​ឱ្យ​ប្រជាជន​កម្ពុជា​តាម​បណ្តា​ខេត្ត​/​ក្រុង​ជាច្រើន​គាំទ្រ​តារា​សិល្បៈ​ខ្មែរ​នោះ​ទេ​ ​តាម​គោលបំណង​របស់​ប៉ុស្តិ៍​លេខ៥​ ​គឺ​ចង់​លើកស្ទួយ​ពី​វិស័យ​ភាពយន្ត​ខ្មែរ​ ​និង​ពង្រឹង​ឱកាស​តារា​កម្ពុជា​បាន​សាង​កេរ្តិ៍ឈ្មោះ​បង្ហាញ​ពី​ទេពកោសល្យ​ស្នាដៃ​ ​និង​បោះ​ជំ​ហ៊ាន​ចូល​ទីផ្សារ​បរទេស​តាមរយៈ​ការ​ជួយ​បើកផ្លូវ​នៃ​កិច្ចការ​សម្តែង​។​

លោក ស៊ិន សុផាត អគ្គនាយករងទូរទស្សន៍ប៉ុស្តិ៍លេខ៥ បានថ្លែងក្នុងវេទិកាក្រុងពាលីនោះថា នៅប៉ុស្តិ៍លេខ៥ មានក្រុមផលិតភាពយន្តខ្មែរ ដោយឡែកពីគ្នា មិនតិចក្រុមនោះទេ ដើម្បីឱ្យមានភាពយន្តល្អៗកើតចេញពីស្នាដៃផលិតករផ្សេង ដាក់ផ្សាយនៅប៉ុស្តិ៍លេខ៥សម្រាប់ម៉ោងមាស។ ប៉ុន្តែក្នុងចំណោមក្រុមទាំងនោះ ក្រុមផលិតដោយផ្ទាល់របស់ប៉ុស្តិ៍លេខ ដែលមានការសហការជាមួយផលិតករថៃ គឺជាក្រុមដែលមានសកម្មភាពចេញថតរឿងច្រើនជាង ដោយក្នុងនោះក៏មានភាពយន្តមិនតិចរឿងនោះដែរ ដែលបានថតហើយ និងចាក់ផ្សាយហើយ ទទួលបានការគាំទ្រ។ មកទល់ពេលនេះ ក្រុមផលិតដែលមានផលិតករថៃចូលរួម ផលិតស្នាដៃបាន18រឿងហើយ ដោយភាពយន្តរឿង«បុប្ផាស្រុកស្រែ» ដែលបានក្រុងពាលីកាលពីព្រឹកថ្ងៃទី17 ឧសភា គឺជាភាពយន្តទី19។ ស្នាដៃមួយនេះ លោកថា នឹងគ្រោងចំណាយពេលពី3ទៅ3ខែកន្លះ ដោយទីតាំងសំខាន់ៗគឺ ជាយរាជធានីភ្នំពេញ និង នៅខេត្តកំពង់ចាម។ ក្នុងនោះ សួនផ្កាឈូករ័ត្ន នៅជិតស្ពានគីសូណា ខេត្តកំពុងចាមក៏ត្រូវបានយកមកប្រូម៉ូដក្នុងភាពយន្តនេះទាំងស្រុង។

គួរបញ្ជាក់ផងដែរថា ក្នុងពិធីសម្ពោធរឿង«បុប្ផាស្រុកស្រែ» ក្រៅពីវត្តមានថ្នាក់ដឹកនាំតំណាងឱ្យប៉ុស្តិ៍លេខ៥ និងតំណាងផលិតករថៃ ក៏មានវត្តមានតារាៗមួយចំនួនចូលរួមផងដែរ ដូចជា អ្នកនាង ស្វែង សុជាតា លោក ជា លាង ឈែ កញ្ញា ផាណាម៉ុច អ្នកស្រី ញឹម សុខា អ្នកស្រី ផល្លា លោក អ៊ឹង សុធារិទ្ធិ និងតារាចាស់ក្មេងជាច្រើនរូបទៀត៕

​ក្រុមហ៊ុន​ ​OnePlus​ ​ទើបនឹង​បញ្ចប់​ការប្រកាស​វត្តមាន​ជា​ផ្លូវការ​នូវ​ស្មា​ត​ហ្វូ​ន​ជំនាន់​ចុងក្រោយ​របស់​ខ្លួន​ ​2ម៉ូដែល​គឺ​ ​OnePlus​ ​7​ ​និង7Pro​ ​កាលពីយប់មិញ​នេះ​។​ ​
​
​តម្លៃ​ ​OnePlus​ ​7​ ​Pro​៖​ ​
​-​ជម្រើស​ ​RAM​ ​6GB​ ​មេ​ម៉ូ​រី​ ​128GB​ ​តម្លៃ​៖​ ​837ដុល្លារ​
​-​ជម្រើស​ ​RAM​ ​8GB​ ​មេ​ម៉ូ​រី​ ​256GB​ ​តម្លៃ​៖​ ​902ដុល្លារ​
​-​ជម្រើស​ ​RAM​ ​12GB​ ​មេ​ម៉ូ​រី​ ​256GB​ ​តម្លៃ​៖​ ​1031​ ​ដុល្លារ​
​
​
​សម្រាប់​លក្ខណ​សម្បត្តិ​ ​OnePlus​ ​7​ ​រាង​ទាប​ជាង​ ​7​ ​Pro​ ​បន្តិច​ ​គឺ​អេក្រង់​ឆក​ ​គ្មាន​កោង​ទំហំ​ ​6.4អ៊ិ​ញ​ ​តែ​ជា​ប្រភេទ​ ​AMOLED​ ​Display​ ​មានRefresh​ ​rate​ ​ខ្ពស់​ដូចគ្នា​។​ ​ផ្នែក​កាមេរ៉ា​ក្រោយ​ ​2គ្រាប់​(​48​+​5MP​)​ ​ប្រើ​លេន​ស៍​ធម្មតា​ ​(​PDAF​,​ ​OIS​)​ ​សម្រាប់​ជំនួយ​ទប់​លំនឹង​ពេល​ថត​វីដេអូ​។​ ​អាច​ថត​វីដេអូ​បាន​ដល់​ ​2160p​@​30​/​60fps​។​ ​ឯកា​មេ​រ៉ា​មុខ​ ​Sefie​ ​1គ្រាប់​ទំហំ​ ​16មេ​ហ្គា​ភិក​សែល​។​ ​មាន​ ​2ពណ៌​ ​គឺ​ប្រផេះ​ ​និង​ក្រហម​។​ ​
​
​តម្លៃ​ ​OnePlus​ ​7​៖​ ​
​-​ជម្រើស​ ​RAM​ ​6GB​ ​មេ​ម៉ូ​រី​ ​128GB​ ​តម្លៃ​៖​ ​643ដុល្លារ​
​-​ជម្រើស​ ​RAM​ ​8GB​ ​មេ​ម៉ូ​រី​ ​256GB​ ​តម្លៃ​៖​ ​708ដុល្លារ​៕​
​
​បើ​ចង់​ជ្រាប​ច្បាស់​ ​សូម​ទស្សនា​វីដេអូ​ខាងក្រោម​៖​

​

​iPhonesoft.fr​ ​បាន​ចុះផ្សាយ​ថា​ ​ប្រព័ន្ធ​ប្រតិបត្តិ​ ​iOS​ ​13​ ​នឹង​មិន​ធ្វើការ​គាំទ្រ​លើ​ឧបករណ៍​ប៉ុន្មាន​ម៉ូដែល​នោះ​ទេ​ ​ដោយសារតែ​មួយចំនួន​ទើបតែ​ប្រកាស​មិនដល់​ ​3ឆ្នាំ​ផង​ ​ដែល​រួមមាន​ ​iPhone​ ​5s​ ​ដែល​ប្រកាស​កាលពី​ឆ្នាំ2013​ ​នៅ​ជំនាន់​ ​iOS​ ​7​ ​និង​ ​iPhone​ ​6​/​6​ ​Plus​ ​ដែល​ប្រកាស​នៅ​ឆ្នាំ2014​ ​ពោល​គឺ​មាន​អាយុកាល​ខ្ទង់​ ​5ឆ្នាំ​មក​ហើយ​។

​ ​តែ​ ​iPhone​ ​SE​ ​ដែល​ចេញ​ក្នុង​ឆ្នាំ​តែមួយ​ដូច​ជំនាន់​ ​6sនោះ​ ​ប្រភព​ដដែល​បាន​បញ្ជាក់​ថា​ ​ដោយសារ​ ​Apple​ ​ចង់​បំបាត់​ការ​គាំទ្រ​លើ​ ​iPhone​ ​អេក្រង់​ទំហំ​ ​4អ៊ិ​ញ​។​
​
​ឯ​ ​iPad​ ​គេ​រំពឹង​ថា​នឹង​មាន​ ​iPad​ ​Mini​ ​2​ ​និង​ ​iPad​ ​Air​ ​ដោយ​ត្រកូល​ ​Air​ ​ក៏​បង្ហាញខ្លួន​ក្នុង​ឆ្នាំ​តែមួយ​ដូច​ ​iPhone​ ​5s​ ​ដែរ​។​ ​iOS​ ​13​ ​ត្រូវ​បាន​គេ​ដឹង​ថា​នឹង​ដាក់​ឱ្យ​ប្រើប្រាស់​ជា​ផ្លូវការ​នៅ​អំឡុង​ថ្ងៃ​សម្ពោធ​ ​iPhone​ ​សេរ៊ី​ឆ្នាំ2019​ ​នា​ខែកញ្ញា​៕​

​