នេះជាលើកដំបូងហើយដែលតារាចម្រៀងល្បីឈ្មោះនៅផលិតកម្មសាន់ដេ លោក ជ័យ សុវ៉ាត បានបង្ហាញខ្លួននៅក្នុងវិទ្យាល័យសម្ដេចហ៊ុនសែនសណ្ដែក ស្ថិតនៅខេត្តកំពង់ចាម កណ្ដាលហ្វូងសិស្សប្រុសស្រីយ៉ាងកុះករ។ (more…)
Author: អេបិល
កញ្ញា មាស អាលីស សម្រេចជោគជ័យចេញទៅច្រៀងនៅអាមេរិករយៈពេលយូរ
នៅព្រឹកថ្ងៃទី2 ខែមិថុនា តារាចម្រៀង កញ្ញា មាស អាលីស បានធ្វើដំណើរចាកចេញពីប្រទេសកម្ពុជាហើយ ដើម្បីទៅជួបតារាចម្រៀង៣ដួង គឺលោក ម៉េង ម៉េង ប៊ុនឡូ លោក ម៉េង ប៊ុនល និង លោក យក់ ដួងតារា ដែលរង់ចាំនៅ សហរដ្ឋអាមេរិក។ នាង និងតារាទាំង៣ នឹងបើកការប្រគំតន្ត្រីរួមគ្នា ខណៈដែលនាងប្រាប់ថា ដំណើរទៅឆ្ងាយពីម្ដាយរហូតដល់ជាងកន្លះឆ្នាំនេះ គឺពិតជាធ្វើឱ្យនាងនឹកម្ដាយ ប៉ុន្តែត្រូវតែកាត់ចិត្ត ដើម្បីការងារ និងកេរ្តិ៍ឈ្មោះ។
ថ្វីដ្បិតតែប្រឡូកអាជីពចម្រៀងមិនយូរ ប៉ុន្តែតារាស្រីរូបនេះទើបប្រឡូកក្នុងអាជីពជាពិធីការិនីហើយក្លាយជាតារាចម្រៀងក៏បានទទួលជោគជ័យក្នុងអាជីពរបស់ខ្លួនយ៉ាងខ្លាំង ដោយក្រៅពីមានមុខឡើងប៉ុស្តិ៍ទូរទស្សន៍មិនសូវលោះពេល នាងក៏បានច្រៀងប្រចាំក្នុងហាងធំមួយយ៉ាងកាលីបផងដែរ ដោយសារតែទឹកដមសម្លេងរបស់នាងស្រដៀងគ្នា អ្នកចម្រៀង អ្នកនាង ហួយ មាស។ នាងក៏ទើបតែត្រូវបានស្ថានទូតអាមេរិក ផ្ដល់សិទ្ធិឲ្យចេញទៅច្រៀងនៅសហរដ្ឋអាមេរិកជាលើកដំបូងនេះផងដែរ ខណ:ដែលនាងប្រកាសថា សុខចិត្តទម្លាក់ចោលការងារក្នុងស្រុកទាំងអស់ គ្រាន់តែបានដំណឹងជាប់ទៅច្រៀង។
កញ្ញា មាស អាលីស បាននិយាយប្រាប់អ្នកសារព័ត៌មាន នាងប្រឡូកក្នុងអាជីពចម្រៀង ច្រើនឆ្នាំមកហើយ ហើយក៏ប្រឡូកក្នុងអាជីពជាអ្នកនិយាយវិទ្យុមិនតិចឆ្នាំដូចគ្នាផងដែរ ប៉ុន្តែនាងមិនដែលមានសំណាងត្រូវបានស្ពុនស័រទាក់ទងអោយចេញច្រៀងក្រៅប្រទេសទាល់តែសោះ។ នាងថាខ្លួនមានបំណងចង់ចេញច្រៀងក្រៅប្រទេសជាយូរមកហើយ ប៉ុន្តែមិនដែលមានឱកាសសោះ ទើបនាងរំភើបចង់ហូរទឹកភ្នែក នៅពេលបានជាប់ទៅច្រៀងនៅសហរដ្ឋអាមេរិក ហើយជាប់ដល់រយៈពេល7ខែ ដែលជារយៈពេលយូរមួយសម្រាប់សិល្បករស្រករក្រោយដូចនាង។ នាងថាខ្លួននឹងឡើងទៅសម្ដែង ជាមួយលោក ម៉េង ប៊ុនឡូ លោក ម៉េង ប៊ុនលី និងលោក យក់ ដួងតារា ដោយក្នុងរយៈពេល7ខែនៅលើទឹកដីអាមេរិកនោះ នឹងមានការសម្ដែងរៀងរាល់ចុងសប្ដាហ៍ ហើយសម្ដែងច្រើនរដ្ឋ។ យ៉ាងណាមិញនាងថា នឹងមិនបន្តកុងត្រាលើសពី7ខែនោះទេ ដើម្បីកុំឱ្យបាត់បង់ទីផ្សារក្នុងស្រុក គឺនាងនឹងទទួលតែរយៈពេល7ខែ ដែលបានកុងត្រា ជាមួយខាងអ្នកធានាទៅប៉ុណ្ណោះ។
សូមជម្រាបថា ក្នុងឱកាសជូនដំណើរកូនស្រីឡើងយន្តហោះនោះ គេឃើញ ម្ដាយរបស់ មាស អាលីស អរផង ទឹកភ្នែករលីងរលោងផង ដោយសារតែអ្នកទាំងពីរមិនធ្លាប់បែកគ្នារយៈពេលយូរបែបនេះ។ អ្នកស្រី ពេជ្រ ច័ន្ទសុខា ម្ដាយរបស់នាងនិយាយថា មាស អាលីស ជាកូនស្រីតែម្នាក់ ក្នុងចំណោមបងប្អូន3នាក់។ អ្នកស្រី រស់នៅជាមួយកូន មិនដែលបែកគ្នាក្នុងរយៈពេលយូរបែបនឹងនោះទេ ប៉ុន្តែដើម្បីសម្រេចក្ដីប្រាថ្នារបស់កូនស្រី ចង់សាងកេរ្តិ៍ឈ្មោះនៅសហរដ្ឋអាមេរិក អ្នកស្រីមានតែបង្ហាញការត្រេកអរ និងជូនពរឱ្យកូនស្រីជួបតែសុខសប្បាយ និងជោគជ័យ៕
រោងភាពយន្ដប៉្រាមស៊ីនេផ្លិចបើកឱ្យកុមារក្រីក្រមួយក្រុមចូលទស្សនាភាពយន្ដឥតគិតថ្លៃក្នុងថ្ងៃទិវាកុមារអន្តរជាតិ
ដើម្បីអបអរសាទ ទិវាកុមារអន្តរជាតិ កាលពីថ្ងៃទី ១មិថុនា រោងភាពយន្ត ប៉្រាមស៊ីនេផ្លិច ផ្សារសុវណ្ណា បានអញ្ជើញកុមារប្រមាណជាង១៥០នាក់ មកពីអង្គការ និង កុមារក្រីក្រ អោយចូលទស្សនាភាពយន្តដោយមិនគិតថ្លៃ។
លោក រស់ សំណាង តំណាងរោងកុន ប៉្រាមស៊ីនេផ្លិច ផ្សារសុវណ្ណា បានលើកឡើងថា កម្មវិធីនេះគឺបង្កើតឡើងដោយការរំលឹកនូវទិវារសិទ្ធកុមារអន្តរជាតិនេះ ចំពោះក្មេងៗអោយមានភាពសប្បាយរីករាយ និងចងចាំនូវអ្វីៗដែលល្អ។ ជាពិសេសនេះជាលើកទីមួយដែល ប៉្រាមស៊ីនេផ្លិច ផ្សារសុវណ្ណា បង្កើតឡើងដើម្បីអោយកុមារដែលគ្មានលទ្ធភាព បានស្គាល់រោងកុនទំនើប ព្រោះថា កុមារដែលមានអញ្ជើញអោយមកចូលរួមមើលកុននេះ គឺសុទ្ធតែជាកុមារមកពីគ្រួសារ ក្រីក្រ និងកុមារមកពីព្រះវិហារ ដែលគ្មានលទ្ធភាពមកទស្សនារឿងក្នុងរោងទំនើបបែបនេះ។
ជាមួយនិងការទស្សនាភាពយន្តក្នុងរោងកុនទំនើប ប៉្រាមស៊ីនេផ្លិច ផ្សារសុវណ្ណា កុមារជិត១៥០ នាក់ ក៏ទទួលបានអាហារ ភេសជ្ជៈ និង កាដូវត្ថុអនុស្សាវរីយ ពីខាងរោងកុនផងដែរ។
គួរបញ្ជាក់ថា មកដល់ថ្ងៃនេះរោងភាពយន្តប្រ៉ាមស៊ីនេផ្លិចមាន ២សាខា ហើយ គឺសាខាទី១ នៅផ្សារទំនើបសុវណ្ណានេះ និង សាខាទី២ នៅក្នុងផ្សារទំនើបអេធ្រៀម ក្នុងបុរីវិមានភ្នំពេញ ផ្លូវជាសុផារ៉ា ហើយគ្រោងនឹងបើកសាខាទី៣ នៅក្នុងបុរីធូឡូន ចោមចៅ និងសាខាទី៤ នៅក្នុងផ្សា សាម៉ៃស្វែទួលគោក៕
ទូរទស្សន៍ដ៏វៃឆ្លាត និងទំនើបទាន់សម័យ Samsung QLED 2019 ធ្វើឱ្យការរស់នៅរបស់អ្នកកាន់តែរស់រវើក!
ភ្នំពេញថ្ងៃទី ៣១ ខែឧសភា ឆ្នាំ២០១៩៖ ក្រុមហ៊ុនបច្ចេកវិទ្យាយក្ស និងអេឡិចត្រូនិក សាមសុង នៅតែអស្ចារ្យ និងនៅតែខ្លាំងក្នុងការបន្តផ្តល់នូវផលិតផលអេឡិចត្រូនិកដ៏ទំនើបទាន់សម័យ និងវៃឆ្លាតបំផុតជូនដល់អតិថិជនរបស់ខ្លួនទាំងអស់!
ជាក់ស្តែងបច្ចុប្បន្ននេះទូរទស្សន៍ Samsung QLED 2019 ជាមួយនឹងរចនាបទថ្មី មុខងារថ្មីៗ និងរូបរាងដ៏គួរឱ្យទាក់ទាញបំផុតនោះកំពុងតែទទួលបានការគាំទ្រ និងការចាប់អារម្មណ៍យ៉ាងខ្លាំងពីសំណាក់អតិថិជនយ៉ាងច្រើនជាពិសេសក្នុងព្រះរាជាណាចក្រកម្ពុជាយើងតែម្តង!
ជាមួយនឹងទូរទស្សន៍ Samsung QLED 2019 នេះខ្ញុំជឿជាក់ថាលោកអ្នកប្រាកដជាទទួលបាននូវគុណភាពជីវិតក្នុងការរស់នៅកាន់តែស៊ីវីល័យក៏ដូចជាបទពិសោធន៍ដ៏អស្ចារ្យនៃការទស្សនា និងការកម្សាន្តគ្មានដែនកំណត់ជាច្រើនទៀត ។ អ្វីដែលកាន់តែអស្ចារ្យទៀតនោះទូរទស្សន៍ Samsung QLED 2019 នេះគឺជាទូរទស្សន៍ដែលមានរាងស្តើងស្អាតទំនើបទាន់សម័យបំផុតដោយអាចបង្ហាញកម្រិតរូបភាពបានច្បាស់ម៉ដ្ឋយ៉ាងល្អឥតខ្ចោះពីគ្រប់ជ្រុងទាំងអស់ជាមួយនឹងពណ៌ត្រជាក់ភ្នែកដូចធម្មជាតិពិតៗ។
ជាពិសេសលោកអ្នកក៏អាចទទួលបាននូវសោភ័ណភាពនៃផ្ទាំងគំនូរដ៏ទាក់ទាញ និងស្រស់ស្អាតបំផុតពីមុខងាររបស់ Ambient Mode ផងដែរ។ គួរបញ្ជាក់ផងដែរថាក្រុមហ៊ុន សាមសុង ក៏គ្រោងនឹងដាក់លក់ទូរទស្សន៍ Samsung QLED 8K មួយម៉ូឌែលបន្ថែមទៀតជាផ្លូវការនៅលើទីផ្សាកម្ពុជានៅពេលខាងមុខនេះផងដែរដើម្បីជាជម្រើសដ៏សម្បូរបែបជូនដល់អតិថិជនទាំងអស់។
សម្រាប់ព័ត៌មានបន្ថែមសូមមកសាកសួរ និងទស្សនាដោយផ្ទាល់នៅតាមហាងលក់ផលិតផល សាមសុង ឬតំណាងដេប៉ូចែកចាយរបស់ក្រុមហ៊ុនដែលជិតបំផុតទូទាំងប្រទេសកម្ពុជា ឬក៏ទំនាក់ទំនងមកកាន់លេខ 1800 203 232 ។
ប៉ាគីស្ថាន ប្រកួតមិត្តភាព ចាញ់ U-23 ប៉ារ៉ែន 2ទល់នឹង1
ក្រុមបាល់ទាត់ជម្រើសជាតិប៉ាគីស្ថាន បានធ្វើការប្រកួតកម្ដៅសាច់ដុំជាមួយក្រុមជម្រើសជាតិប៉ារ៉ែន អាយុក្រោម 23ឆ្នាំ កាលពីយប់មិញ ដោយជាលទ្ធផល ប៉ាគីស្ថានបានចាញ់ក្រុមជម្រើសជាតិប៉ារ៉ែនអាយុក្រោម 23ឆ្នាំ នៅកីឡដ្ឋាន Bahrain National Stadium ដោយលទ្ធផល 2ទល់នឹង1។
ការប្រកួតលើកនេះ គឺជាការប្រកួតដកស្រង់បច្ចេកទេសលើកដំបូងបង្អស់របស់ក្រុមជម្រើសជាតិប៉ាគីស្ថាន ចាប់តាំងពីដើមឆ្នាំ2018 មក មុននឹងត្រូវរងពិន័យដោយសហព័ន្ធកីឡាបាល់ទាត់ពិភពលោក (FIFA)។
កម្ពុជានឹងត្រូវជួបប៉ាគីស្ថាន នៅជើងទី1ក្នុងវគ្គជម្រុះ World Cup ដែលគ្រោងធ្វើឡើងនៅថ្ងៃទី6 ខែមិថុនា លើទឹកដីកម្ពុជា ខណៈជើងទី2 ត្រូវធ្វើឡើងនៅក្នុងទឹកដីប៉ាគីស្ថានវិញនៅថ្ងៃទី11 ខែដដែល ដើម្បីសម្រេចជោគវាសនា ជាបន្តថា តើប្រទេសមួយណាមានសិទ្ធិទៅវគ្គបន្ត៕
Drake រក្សាកំណត់ត្រាកំពូលស៊យ ទាញ Arsenal ឱ្យធ្លាក់ពីពាន UEFA Europa League
Maurizio Sarri អ្នកចាត់ការទូទៅរបស់ Chelsea បាននាំក្លិបឈ្នះពាននៅរដូវកាលដំបូងរបស់ខ្លួនក្រោយពីយកឈ្នះ Arsenal នៅវគ្គផ្ដាច់ព្រ័ត្រ UEFA Europa League ដោយលទ្ធផល 4ទល់នឹង1។
ងាកមកមើលតារាចម្រៀងរ៉េបល្បីឈ្មោះរបស់អាមេរិក Drake វិញ បានបន្ថែមកំណត់ត្រាកំពូលស៊យរបស់ខ្លួន ដែលបានគាំទ្រ Arsenal ហើយជាលទ្ធផល គឺក្រុមមួយនេះបរាជ័យ ហើយធ្លាក់ចេញពីពានរង្វាន់ខាងលើពិតមែន។
គួរបញ្ជាក់ផងដែរថា មានក្លិបមួយចំនួនដូចជា Roma និង Machester United បានហាមកីឡាកររបស់ខ្លួនមិនឱ្យថតរូបជាមួយនឹងតារារ៉េបរូបនេះឡើយ ដោយសារតែតារាចម្រៀងម្នាក់នេះថតរូបជាមួយនឹងកីឡាករក្រុមណា ក្រុមមួយនោះនឹងធ្លាក់ ឬមិនទេក៏ចាញ់យ៉ាងស្ពឹកមុខដែរ៕
ខែក្រោយនេះ កែវ រំចង់ គ្រោងជួបម្ចាស់ខ្សែក្រវាត់ ISKA ពិភពលោក
កែវ រំចង់ ត្រូវប៉ះជាមួយជើងខ្លាំងប្រេស៊ីល Diego Beneduzzi នៅសង្វៀន«ឯកភ្នំ»ក្នុងខេត្តបាត់ដំបង នៅថ្ងៃអាទិត្យទី2 ខែមិថុនា ឆ្នាំ2019 ខាងមុខនេះ ដោយ «ឯកភ្នំ» នេះជាសង្វៀនលក់សំបុត្រចូលទស្សនា។
សម្រាប់ការយល់ព្រមវិលត្រឡប់មកកាន់សង្វៀនប្រដាល់នេះវិញ គឺដោយសារតែម្ចាស់កម្មវិធីបានផ្គូផ្គងឱ្យរំចង់ជួបជាមួយនឹងកីឡាករជើងខ្លាំងជនជាតិប្រេស៊ីល Diego Beneduzzi ដែលជាម្ចាស់ខ្សែក្រវាត់ ISKA Welterweight Title ដែលគ្រប់គ្រងខ្សែក្រវាត់នេះចាប់តាំងពីឆ្នាំ2017 មក។
ចំពោះកាលបរិច្ឆេទប្រកួតវិញ គឺនឹងធ្វើឡើងនៅថ្ងៃអាទិត្យ ទី2 ខែមិថុនា ឆ្នាំ2019 ខាងមុខនេះ នៅសង្វៀន«ឯកភ្នំ»នៅខេត្តបាត់ដំបង ដែលសង្វៀននេះ គឺជាសង្វៀនលក់សំបុត្រចូលទស្សនា ដោយកន្លែងអង្គុយធម្មតាសម្រាប់ជនជាតិខ្មែរសំបុត្រមួយតម្លៃ 15,000រៀល បរទេសតម្លៃ 25,000រៀល និង VIP តម្លៃ 25,000រៀលសម្រាប់ជនជាតិខ្មែរ និងបរទេសតម្លៃ 35,000រៀល៕
តារាថៃកញ្ញា ផេនខេក មិនស្រក់ទឹកភ្នែកមិនបាន ខណៈឃើញអ្នកគាំទ្រកម្ពុជាកាន់នំខួបកំណើតចូលមករកនាង
តារាសម្តែងស្រីប្រចាំប្រទេសថៃដ៏មានប្រជាប្រិយភាព គឺ កញ្ញា ផេនខេក ខេម៉ានីត ក្នុងមួយរយៈពេលប៉ុន្មានឆ្នាំចុងក្រោយនេះ គេតែងតែសង្កេតឃើញវត្ថមានរបស់កញ្ញានៅលើទឹកដីប្រទេសកម្ពុជាជាញឹកញាប់ ដូចជាមកដើរលេងកម្សាន្ដ ឬធ្វើការងារផ្ទាល់ខ្លួន និងចូលរួមសកម្មភាពសប្បុរសធម៌ជាដើម។ (more…)
កំសត់ស្រក់ទឹកភ្នែក ”មួយណាក៏ដូចមួយណា” របស់ គូម៉ា សាច់រឿងខ្លីមានន័យចាក់ដោត
គ្រាន់តែបង្ហោះអឹមវីចម្រៀងថ្មី ”មួយណាក៏ដូចមួយណា” របស់ គូម៉ា អ្នកគាំទ្រជាច្រើនបានចូលទៅ Comment នៅក្នុងបណ្ដាញសង្គមយូធូប ទាំងពោលសរសើរមិនដាច់ពីមាត់ថា ពិតជាពីរោះទាំងមានសាច់រឿងទាក់ទាញខ្លាំងថែមទៀត។ (more…)
បង្កើនបទពិសោធន៍ជប់លៀងរាត្រីនៅទីក្រុងភ្នំពេញជាមួយកម្មវិធី HEINEKEN ALWAYS ON
រាជធានីភ្នំពេញ៖ ស្រាបៀរ Heineken ដែលជាស្របៀរគុណភាពលំដាប់ថ្នាក់លេខ១ក្នុងពិភពលោក នឹងរៀបចំកម្មវិធីពិសេសដ៏អស្ចារ្យមួយដែលមានឈ្មោះថា Heineken Always On នៅតាមទីតាំងណាមួយក្នុងចំណោមបណ្តាទីតាំងជាច្រើនកន្លែងនៅចំកណ្តាលបេះដូងនៃទីក្រុងភ្នំពេញ ចាប់ពីថ្ងៃ ៣១ ខែឧសភា ឆ្នាំ ២០១៩ តទៅ ដើម្បីផ្តល់ជូនអតិថិជននូវបទពិសោធន៍នៃកម្មវិធីជប់លៀងរាត្រីប្លែកគេមិនធ្លាប់មានពីមុនមក។
កម្មវិធី Heineken Always On មានគោលបំណងពញ្ញាក់ និងបង្កើនបទពិសោធន៍កម្សាន្តពេលរាត្រីរបស់អតិថិជនពីរាត្រីធម្មតាមកកាន់រាត្រីពិសេសអស្ចារ្យ។ កម្មវិធីនេះនឹងប្រារព្ធធ្វើឡើងនៅបណ្តាទីតាំងណាមួយនៅចុងសប្តាហ៍ក្នុងរាជធានីភ្នំពេញដូចជាបៀរហ្គាដិន ភោជនីយដ្ឋាន ប៊ីបីឃ្យូ ស្កាយបារ និងក្លិប។
ក្រុម Heineken Always On នឹងនៅចាំបម្រើផ្តល់ភាពសប្បាយរីករាយ និងផ្តល់រង្វាន់ជូនអតិថិជនដែលកំពុងរីករាយទទួលស្រាបៀរ Heineken។
កម្មវិធីពិសេសនេះមានការចូលរួមពីក្រុម Heineken Always On រួមទាំងពិធីកររូបសង្ហា វី យ៉ារ៉ូ និងការសម្តែងដ៏ភ្ញាក់ផ្អើលដោយតារាល្បីៗទាំងក្នុងស្រុក និងក្រៅស្រុក។ នឹងមានកម្មវិធីសប្បាយៗ និងល្បែងកម្សាន្តជាច្រើន។ ទិញស្រាបៀរ Heineken ដើម្បីមានសិទ្ធិចូលរួមក្នុងការប្រកួត Heineken Gold Bar Challenge ដើម្បីមានឱកាសឈ្នះស្រាបៀរ Heineken Magnum (ដបយក្សធំចំណុះមួយលីត្រកន្លះ)។ អ្នកត្រៀមបង្ហាញសមត្ថភាពរបស់ខ្លួនដើម្បីទិញយកឱកាសឈ្នះនេះហើយឬនៅ?
ដូច្នេះសូមតាមដាន និងស្វែងរកវត្តមាននៃរថយន្ត Heineken Always On ដើម្បីដឹងថា កម្មវិធីពិសេសនេះនឹងធ្វើឡើងនៅកន្លែងណាបន្ទាប់ទៀត។
ដូច្នេះ អ្នកនៅរង់ចាំអីទៀត? ត្រៀមបង្កើតបទសោធន៍កម្សាន្តពេលរាត្រីរបស់អ្នក។ ធានាថា ពេលរាត្រីរបស់អ្នកនឹងក្លាយជាបទពិសោធន៍មិនអាចបំភ្លេចជាមួយស្រាបៀរ Heineken! #HeinekenAlwaysOn
សូមកុំភ្លេចថាត្រូវទទួលទានស្រាបៀរដោយការទទួលខុសត្រូវជានិច្ច!
ចំពោះព័ត៌មានបន្ថែមអំពីស្រាបៀរ Heineken និង Heineken Always ON សូមចូលទៅកាន់គេហទំព័រផ្លូវការ៖
https://www.facebook.com/heineken
#HeinekenAlwaysOn
សូមពិសាស្រាបៀរ Heineken ដោយទទួលខុសត្រូវ
