Author: អេបិល

​នៅ​លើ​បណ្ដាញ​សង្គម​ហ្វេ​សប៊ុ​ក​នា​ពេល​ថ្មី​ៗ​នេះ​ ​គេ​មើលឃើញ​ថា​ ​តារា​សិល្បៈ​ជាច្រើន​ដួង​បាន​បង្ហាញ​វត្តមាន​ចូលរួម​កម្មវិធី​សង្គម​ចុះ​ចែក​មួយ​សុវត្ថិភាព​ដែល​នឹង​ធ្វើឡើង​នៅ​ល្ងាច​ថ្ងៃទី4​ ​ខែមិថុនា​ ​នេះ​ ​វេលា​ម៉ោង4រសៀល​ដែល​ស្ថិតនៅ​ម្ដុំ​ ​នៅមុខ​វត្ត​និរោធ​ ​ផ្លូវជាតិ​លេខ១​ ​ក៏​រួមមាន​សមាគម​សិល្បៈ​សហការ​ជាមួយនឹង​ខណ្ឌ​ច្បារអំពៅ​ ​នឹង​ចែក​មួក​សុវត្ថិភាព​ដោយ​ឥតគិតថ្លៃ​ ​ជូន​ប្រជាពលរដ្ឋ​នៅ​តាម​ដង​វិថី​ចំនួន៣០០មួក​។​

​នៅក្នុងនោះ​គេ​ឃើញថា​ ​តារា​សម្ដែង​ ​ចែ​រ៉ូហ្សា​ ​ឬ​មានឈ្មោះ​ពិត​ ​គន់​ ​រៀម​រតនៈ​ ​បាន​ចូលរួម​ដោយ​ក្ដី​អរ​សប្បាយរីករាយ​ ​តែ​យ៉ាងណាមិញ​ ​ក៏​មាន​អ្នកលេង​បណ្ដាញ​សង្គម​ចំនួន​ខ្លះ​ប្រើ​មតិ​ថា​ ​អ្នក​សិល្បៈ​បាន​យកមុខ​មាត់​ទៅវិញ​ ​ទើប​ធ្វើ​ឱ្យ​ចែ​រ៉ូហ្សា​ផ្ញើ​សារ​ប្រាប់​មហាជន​ជាទីស្រឡាញ់​ថា​ ​«​ ​ស្អី​យកមុខយកមាត់​ ​គេ​ធ្វើ​ស្អី​ក៏​ថា​ ​គេ​យកមុខយកមាត់​ ​ឬក៏​ទល់ភ្នែក​ចាំតែ​ ​មើល​ចាប់​ ​កំហុស​គេឯង​ ​ទុក​ឱ្យ​អ្នក​ដែរ​កំពុង​ជួប​ទុក​លំបាក​ខ្វះខាត​ត្រូវការ​ការ​ជួយ​ ​ទាំងអស់​នោះ​ដាច់ពោះ​ងាប់​ ​មាន​គ្រោះ​ថ្នា​ក់​ផ្សេង​ៗ​ ​ទើបត្រូវ​ចិត្ត​អស់លោកអ្នក​ ​ហើយ​លែង​ថា​យកមុខយកមាត់​?​?​ ​អា​រឿង​ថត​បង្ហោះ​តាម​បណ្តាញ​សង្គម​ផ្សេង​ៗ​សួរ​ថា​ ​សម័យនេះ​សម័យ​អី​ហើយ​?​?​ ​ឬក៏​ចង់ឱ្យ​វិល​ទៅ​រក​សម័យ​សរសេរ​សំបុត្រ​នោះ​វិញ​បាន​ត្រូវ​ហទ័យ​អ្នក​?​?​ ​បើ​អ្នក​ទើស​អា​រឿង​គេ​ថត​បង្ហោះ​ ​ថា​គេ​អួត​ ​យកមុខយកមាត់​ ​ម៉េច​ក៏​អ្នកឯង​មិនទៅ​បញ្ជា​ឱ្យ​ក្រុមហ៊ុន​ផលិត​ទូរ​សព្ទ័​ទំនើប​ៗ​ទាំងឡាយ​ឈប់​ផលិត​បិត​ទ្វារ​ ​នឹង​ឱ្យ​ក្រុមហ៊ុនFacebook​ ​គេ​បិត​ទ្វារ​ដែរ​ទៅ​អរ​.​.​.​.​!​ ​ប្រ​ហែរ​ជា​ខ្លួន​ឯ​ងនុង​ ​មិន​ដែរ​ថតរូប​សោះ​ ​ហើយក៏​មិន​ដែរ​លេង​បណ្តាញ​សង្គម​ផ្សេង​ៗ​ទាំងអស់​នោះ​ហើយ​មើលទៅ​?​ ​រាត្រី​សួស្តី​ ​»​។​

​សូមជម្រាប​ថា​ ​កម្មវិធី​សង្គម​នេះ​លោក​អភិបាលខណ្ឌ​ច្បារអំពៅ​ ​ដែល​បាន​ឧបត្ថម្ភ​មួក​ចំនួន​ ​២០០មួក​ ​និង​ក្រុមហ៊ុន​សំណង់​ ​ហួត​ ​ជា​ ​ដែល​បាន​ឧបត្ថម្ភ​មួក​ចំនួន​ ​១០០មួក​។​ ​បងប្អូន​ ​និង​មិត្ត​សិល្បករ​ដែល​បាន​ចូលរួម​ ​លោក​ ​ហេង​ ​ឡុង​,​ ​គន់​ ​រៀម​រតនៈ​,​ ​សុះ​ ​ម៉ា​ច​,​ ​លោកពូ​ ​ឃ្លោក​,​ ​លោកពូ​ ​កុយ​,​ ​ហម​ ​ឈ​រ៉ា​,​ ​ខេម​,​ ​ពែក​ ​មី​,​ ​សួន​ ​ពិសិដ្ឋ​,​ ​ជុំ​ ​លី​ណូ​,​ ​ឱក​ ​សុ​ម៉ា​វត្តី​,​ ​ឱក​ ​សុ​ម៉ាលី​តា​,​ ​អ៊ឹម​ ​ជីវ៉ា​,​ ​ខ្ញុង​,​ ​នី​ឡា​ ​និង​សិល្បករ​ ​សិល្ប​ការិនី​ជាច្រើន​នាក់​ទៀត​។​ ​នេះ​បើ​តាម​ការ​បញ្ជាក់​របស់​លោក​ ​ហេង​ ​ឡុង​ ​តំណាង​សមាគមន៍​សិល្បករ​ខ្មែរ​៕​

​
​

ប្រមុខ​រដ្ឋាភិបាល​កម្ពុជា​បាន​ប្រកាស​ថា​ ​នៅ​ឆ្នាំ2020​ ​ខាងមុខនេះ​ ​នៅក្នុង​រាជធានី​ភ្នំពេញ​ ​នឹង​លែង​ខ្វះខាត​ភ្លើងអគ្គិសនី​ប្រើប្រាស់​ដូច​ឆ្នាំនេះ​ទៀតហើយ​ ​ដោយ​រដ្ឋាភិបាល​កម្ពុជា​សម្រេច​បញ្ជាទិញ​អគ្គិសនី​ដើរ​ដោយ​ធ្យូងថ្ម​មក​ពី​ប្រទេស2​ ​ចំនួន​ ​400មេ​ហ្គា​វ៉ាត់​។

​រដ្ឋាភិបាល​បាន​អនុម័ត​រួចហើយ​នូវ​ការ​បញ្ជាទិញ​អគ្គិសនី​ដើរ​ដោយ​ធ្យូងថ្ម​ពី​ប្រទេស​ចំនួន2​ ​គឺ​ប្រទេស​ហ្វាំងឡង់​ចំនួន​ ​200មេ​ហ្គា​វ៉ាត់​ ​និង​អាល្​លឺ​ម៉ង​ ​200មេ​ហ្គា​វ៉ាត់​ ​សរុប​មាន​ចំនួន​ ​400មេ​ហ្គា​វ៉ាត់​ ​ដើម្បី​ផ្គត់ផ្គង់​នៅក្នុង​រាជធានី​ភ្នំពេញ​។​ ​សម្តេច​នាយក​រដ្ឋមន្រ្តី​បាន​មានប្រសាសន៍​ថា​ ​យើង​ត្រូវតែ​រៀប​ផែនការ​ថ្មី​ចំពោះ​វិស័យ​អគ្គិសនី​នៅ​កម្ពុជា​ដើម្បី​ឆ្លើយតបទៅនឹង​ការ​រីកចម្រើន​របស់​កម្ពុជា​ ​និង​ការ​ដោះស្រាយ​ការ​លំបាក​របស់​ប្រជាពលរដ្ឋ​ដែល​កំពុង​ជួប​កង្វះ​ខាង​អគ្គិសនី​ប្រើប្រាស់​។​ ​ ​ ​ ​ ​
សម្តេច​នាយក​រដ្ឋមន្រ្តី​បាន​ថ្លែង​បន្ត​ថា​ ​ការ​ខ្វះ​ភ្លើង​ប្រើប្រាស់​ក្នុង​ឆ្នាំ2019​ ​នេះ​ ​គឺជា​មេរៀន​សម្រាប់​កម្ពុជា​ ​ខណៈ​ប្រទេស​នេះ​ពឹងផ្អែក​ខ្លាំង​លើ​ប្រភព​ថាមពល​វារីអគ្គិសនី​ ​ដែល​ជួប​បញ្ហា​ខ្វះខាត​ទឹក​ក្នុង​ការផលិត​អ​គ្គិ​សនី​នកា​លពី​រដូវប្រាំង​កន្លង​ទៅ​ថ្មី​ៗ​នេះ​។​

សម្តេច​តេជោ​ហ៊ុន​ ​សែន​ ​បាន​លើកឡើង​យ៉ាង​ដូច្នេះ​ថា​៖​ ​«​យើង​នៅ​មាន​បញ្ហា​ទាក់ទិន​នឹង​ការ​ខ្វះ​ទឹក​ទៅលើ​ការប្រើ​ប្រាស់​វារីអគ្គិសនី​ ​ដែល​ធ្វើ​ឱ្យ​វារីអគ្គិសនី​របស់​យើង​ ​គ្មាន​ស្ថិរភាព​នៅក្នុង​ការ​ផ្គត់ផ្គង់​។​ ​ឆ្នាំនេះ​ជា​បទ​ពិសោធ​ផ្តល់​មេរៀន​ឱ្យ​យើង​ច្រើន​ ​ដែល​យើង​ត្រូវ​ខិតខំ​រក​វិធី​ដោះស្រាយ​ ​ដើម្បី​កុំឱ្យ​ជួប​បញ្ហា​ច្រំដែល​នេះ​នៅ​ឆ្នាំខាងមុខ​»​។​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​

សម្តេច​នាយក​រដ្ឋមន្រ្តី​បាន​បន្ត​ទៀត​ថា​៖​ ​«​វារីអគ្គិសនី​របស់​យើង​មាន​កម្លាំង​ប្រមាណ​ជិត​ ​1,400មេ​ហ្គា​វ៉ាត់​ ​ក៏ប៉ុន្តែ​ការផលិត​ ​ថ្ងៃ​ខ្លះ​បាន​ត្រឹមតែ100​ ​ឬ​ ​200មេ​ហ្គា​វ៉ាត់​ទេ​។​ ​ថ្ងៃ​ខ្លះ​បាន​ទៅដល់​ ​600មេ​ហ្គា​វ៉ាត់​ ​ឃើញថា​ ​គ្រាន់បើ​បន្តិច​ ​ប៉ុន្តែ​មិនបាន​គ្រប់​ម៉ោង​នោះ​ទេ​»​។​
​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​
ប្រមុខ​រាជរដ្ឋាភិបាល​បញ្ជាក់​ថា​ ​រាជធានី​ភ្នំពេញ​ត្រូវតែ​ត្រៀម​អគ្គិសនី​ ​400មេ​ហ្គា​វ៉ាត់​ទុក​។​ ​ក្នុង​នោះ​ ​ភ្លើង​ ​(​ថាមពល​អគ្គិសនី​ដើរ​ដោយ​ប្រេង​ខ្មៅ​)​ ​200មេ​ហ្គា​វ៉ាត់​ ​នឹង​ត្រូវ​ទិញ​ពី​ហ្វាំងឡង់​ ​និង​ ​200មេ​ហ្គា​វ៉ាត់​ទៀត​ ​ទិញ​ពី​អាល្លឺម៉ង់​ ​ត្រឹម​ខែតុលា​ខាងមុខនេះ​។​ ​ការ​ត្រៀម​ទុក​នេះ​ ​គឺ​ទុក​ប្រើ​ក្នុង​ពេល​ដែល​វារីអគ្គិសនី​បញ្ចេញ​ថាមពល​មិន​គ្រប់​ ​ខណៈ​ដែល​តម្រូវការ​ភ្លើង​ក្នុង​រាជធានី​ភ្នំពេញ​ ​កើន​ដល់​ជាង​ ​1ពាន់​មេ​ហ្គា​វ៉ាត់​។​ ​«​ឆ្នាំក្រោយ​ ​គឺ​ភ្នំពេញ​គ្មាន​ហេតុផល​និយាយ​ថា​ ​ខ្វះ​អគ្គិសនី​ ​ហើយ​ត្រូវ​កាត់​ទេ​»​។
​
សម្តេច​តេជោ​ហ៊ុន​ ​សែន​ ​ក៏បាន​បញ្ជាក់​ទៀត​ដែរ​ថា​ ​សម្រាប់​ឆ្នាំនេះ​ផង​ដែរ​យើង​ក៏​នឹង​បើក​ដំណើរការ​រោងចក្រអគ្គិសនី​ដើរ​ដោយ​ធ្យូងថ្ម​ចំនួន​ ​3ផ្សេងទៀត​ ​ក្នុង​នោះ​រោងចក្រ​ចំនួន1​ ​មាន​សមត្ថភាព​អាច​ផលិត​បាន​ ​373គីឡូវ៉ាត់​ម៉ោង​ ​និង​មួយទៀត​ចំនួន​ ​370គីឡូវ៉ាត់​ម៉ោង​ ​ហើយនឹង​ដាក់​ដំណើរការ​ថ្ងៃនេះ​ ​មាន​ចំនួន​ ​130គីឡូវ៉ាត់​ម៉ោង​។​

សម្តេច​នាយក​រដ្ឋមន្រ្តី​បាន​បញ្ជាក់​ទៀត​ថា​ ​ក្នុង​ដំណើរ​ទស្សនកិច្ច​នៅក្នុង​ប្រទេស​ជប៉ុន​ ​សម្តេច​ក៏បាន​ជួប​ចរចា​ជាមួយ​នាយក​រដ្ឋមន្ត្រី​ជប៉ុន​ ​ស៊ិន​ហ្សូ​ ​អាបេ​ ​ដើម្បី​ផ្តល់​ជំនួយ​ដល់​ការ​លើកកម្ពស់​វិស័យ​អគ្គិសនី​នៅ​កម្ពុជា​ផង​ដែរ​ ​តាមរយៈ​ការ​បញ្ជាទិញ​ ​និង​ការ​ត​បណ្តាញ​អគ្គិសនី​ពី​ប្រទេស​ឡាវ​មក​ផ្គត់ផ្គង់​នៅ​កម្ពុជា​៕​

​បេសកជន​ចំនួន​ប្រមាណ​ ​2ពាន់​នាក់​បាន​ធ្វើដំណើរ​មកដល់​អាកាសយាន​ដ្ឋាន​អន្តរជាតិ​ ​ខេត្តសៀមរាប​ហើយ​កាលពី​ថ្ងៃទី4​ ​ខែមិថុនា​ ​ឆ្នាំ2019​ ​ម្សិលមិញ​នេះ​ ​ដើម្បី​ចាប់ផ្ដើម​ដំណើរ​ទស្សនកិច្ច​ ​នៅ​កម្ពុជា​ចូលរួម​អបអរសាទរ​ ​«​ឆ្នាំ​វប្បធម៌​ ​និង​ទេសចរណ៍​កម្ពុជា​-​ចិន​ ​2019​»​។​

​រដ្ឋាភិបាល​សាធារណរដ្ឋ​ប្រជាមានិត​ចិន​ ​បាន​ចាត់បញ្ជូន​លោក​ ​ចាង​ ​ស៊ុ​ ​អនុរដ្ឋ​មន្ត្រី​ក្រសួងវប្បធម៌​ ​និង​ទេសចរណ៍​ ​ដឹកនាំ​គណៈប្រតិភូ​ក្រសួងវប្បធម៌​ ​និង​ទេសចរណ៍​របស់​ខ្លួន​រួម​ជាមួយ​បេសកជន​ចិន​ប្រមាណ​ ​2ពាន់​នាក់​ឱ្យធ្វើ​ដំណើរ​មក​ទស្សនកិច្ច​នៅ​កម្ពុជា​ដើម្បី​អបអរសាទរ​ ​«​ឆ្នាំ​នៃ​វប្បធម៌​ ​និង​ទេសចរណ៍​កម្ពុជា​-​ចិន​ ​2019​»​ ​ចាប់ពី​ថ្ងៃទី2​-​8​ ​ខែមិថុនា​ ​ឆ្នាំ2019​។​
​បើ​តាម​ព័ត៌មាន​ពី​មន្រ្តី​ក្រសួងទេសចរណ៍​បានឱ្យ​ដឹង​ថា​ ​គណៈប្រតិភូ​ក្រសួងវប្បធម៌​ ​និង​ទេសចរណ៍​ចិន​ ​ដឹកនាំ​ដោយ​លោក​ ​ចាង​ ​ស៊ុ​ ​អនុរដ្ឋ​មន្ត្រី​ក្រសួងវប្បធម៌​ ​និង​ទេសចរណ៍​ចិន​ ​បាន​មកដល់​អាកាសយាន​ដ្ឋាន​អន្តរជាតិ​ភ្នំពេញ​ ​នា​យប់​ថ្ងៃទី4​ ​ខែមិថុនា​នេះ​ ​ក្រោម​ការ​ត្រៀម​ទទួលស្វាគមន៍​ពី​ថ្នាក់ដឹកនាំ​នៃ​ក្រសួងទេសចរណ៍​កម្ពុជា​។​

​បើ​តាម​ព័ត៌មាន​ពី​មន្រ្តី​ក្រសួងទេសចរណ៍​ដដែល​បានឱ្យ​ដឹង​ថា​ ​នៅ​ល្ងាច​ថ្ងៃទី5​ ​ខែមិថុនា​នេះ​ ​ក្រសួងទេសចរណ៍​ ​និង​ក្រសួងវប្បធម៌​ ​និង​វិចិត្រ​សិល្បៈ​កម្ពុជា​ ​សហការ​ជាមួយ​ភាគី​ចិន​នឹង​រៀបចំ​ការសម្ដែង​សិល្បៈ​រួមគ្នា​កម្ពុជា​-​ចិន​នៅ​សាល​មហោស្រព​កោះ​ពេជ្រ​ ​ក្រោម​អធិបតីភាព​ ​ឯកឧត្តម​ឧបនាយក​រដ្ឋមន្ត្រី​ប៊ិន​ ​ឈិន​ ​រដ្ឋមន្ត្រី​ទទួលបន្ទុក​ទី​ស្តី​ការ​គណៈរដ្ឋ​មន្ត្រី​ ​តំណាង​សម្តេច​តេជោ​ ​ហ៊ុន​ ​សែន​ ​នាយក​រដ្ឋមន្ត្រី​នៃ​ប្រទេស​កម្ពុជា​។​ ​បន្ទាប់មក​ក៏​នឹង​មាន​ពិធី​លៀង​សាយ​ភោជន៍​ស្វាគមន៍​ជូន​បេសកជន​ចិន​ទាំងអស់​នា​ល្ងាច​ថ្ងៃ​ដដែល​នោះ​ផង​ដែរ​។​

​នៅក្នុង​ដំណើរ​ទស្សនកិច្ច​នេះ​ ​ភាគី​កម្ពុជា​-​ចិន​ក៏បាន​នាំមក​នូវ​វេទិកា​ ​«​Business​ ​Matching​ ​Between​ ​Tour​ ​Operators​ ​of​ ​Cambodia​ ​and​ ​China​»​ ​ឬហៅ​ថា​ ​វេទិកា​ផ្គូផ្គង​ដៃគូ​ធុរកិច្ច​ទេសចរណ៍​រវាង​ក្រុមហ៊ុន​ការី​ទេសចរណ៍​ចិន​ ​(​អ្នកទិញ​)​ ​ចំនួន​ ​50ក្រុមហ៊ុន​ ​ជាមួយ​ក្រុមហ៊ុន​ការី​ទេសចរណ៍​ ​កម្ពុជា​ ​(​អ្នកលក់​)​ ​ចំនួន​ ​50ក្រុមហ៊ុន​ផង​ដែរ​។​
​សូមជម្រាប​ថា​ ​កិច្ច​សហប្រតិបត្តិ​ការ​រវាង​ក្រសួងវប្បធម៌​ ​និង​ទេសចរណ៍​ចិន​ ​និង​ក្រសួង​ទេស​ ​ចរណ៍​កម្ពុជា​ ​គឺ​ស្រប​នឹង​ការកំណត់​យក​ឆ្នាំ2019​ ​ជា​ឆ្នាំ​វប្បធម៌​ ​និង​ទេសចរណ៍​កម្ពុជា​-​ចិន​ ​ដើម្បី​ ​ជំរុញ​ការផ្លាស់ប្ដូរ​វប្បធម៌​ ​និង​ទេសចរណ៍​រវាង​ប្រជាជាតិ​ទាំង2​ ​កាន់តែ​ខ្លាំង​ថែម​មួយ​កម្រិត​ទៀត​។​

​សូម​បញ្ជាក់​ថា​ ​«​ឆ្នាំ​នៃ​វប្បធម៌​ ​និង​ទេសចរណ៍​កម្ពុជា​-​ចិន​»​ ​នេះ​ត្រូវ​បាន​ផ្តួចផ្តើម​ឡើង​ដោយ​ ​ក្រសួងវប្បធម៌​ ​និង​ទេសចរណ៍​ចិន​ ​សហការ​ជាមួយ​ក្រសួងទេសចរណ៍​កម្ពុជា​ ​ដើម្បី​ពង្រឹង​ ​និង​ពង្រីក​ ​កិច្ច​សហប្រតិបត្តិ​ការ​រួមគ្នា​លើ​ផ្នែក​ទេសចរណ៍​ ​និង​វប្បធម៌​រវាង​ប្រទេស​ទាំង2​ ​បន្ថែម​ទៀត​ ​មាន​ដូច​ ​ជា​ការជំរុញ​ការ​ផ្សព្វផ្សាយ​ទេសចរណ៍​រួមគ្នា​ ​ការផ្លាស់ប្ដូរ​ទស្សនកិច្ច​សិក្សា​ ​ការ​បណ្ដុះបណ្ដាល​ធន​ ​ធាន​មនុស្ស​ ​និង​ការសម្ដែង​សិល្បៈ​រួមគ្នា​ជាដើម​។​

​គណៈប្រតិភូ​បេសកជន​ចិន​ទាំង​ ​2,000នាក់​ដែល​បាន​មក​ទស្សនា​កម្ពុជា​នៅពេល​នេះ​នឹង​ ​បាន​ឈ្វេងយល់​អំពី​ឱកាស​វិនិយោគ​ក្នុង​វិស័យ​ទេសចរណ៍​ ​ជួយ​ផ្សព្វ​ផ្សា​យស​ក្តានុ​ពល​ទេសចរណ៍​ ​កម្ពុជា​ដល់​ប្រជាជន​ចិន​ ​ក៏ដូចជា​ទាក់ទាញ​អ្នកទេសចរ​ចិន​មក​កម្ពុជា​ឱ្យ​បាន​កាន់តែ​ច្រើន​ថែមទៀត​ដែរ​៕​

​ក្នុង​ព្រឹត្តិ​ការណ៍​ ​WWDC​ ​2019​ ​ក្រុមហ៊ុន​ ​Apple​ ​បាន​ប្រកាស​បញ្ចេញ​ស្មា​ត​ហ្វូ​ន​ជំនាន់​ប្រព័ន្ធ​ប្រតិបត្តិ​ការ​ ​iOS​ ​13​ ​ជា​ផ្លូវការ​ហើយ​។​ ​
​
​ក្នុង​នោះ​គេ​សង្កេតឃើញ​មានមុខ​ងា​រថ្មីៗ​ជាច្រើន​ដូចជា​ ​Dark​ ​Mode​(​ជួយ​សន្សំសំចៃ​ថាមពល​ថ្ម​)​ ​ជាដើម​ ​ព្រមទាំង​ផ្លាស់​ប្តូរ​មុខមាត់​កម្មវិធី​ ​iTune​ ​ផង​ដែរ​។​ ​ដើម្បី​ដំណើរការ​ ​Dark​ ​Mode​ ​អ្នកប្រើ​ប្រាស់​អាច​ធ្វើការ​កំណត់​បាន​ក្នុង​កម្មវិធី​ ​Settings​ ​ស្ថិតនៅ​ខាងក្នុង​នៃ​ផ្នែក​ ​Display​ ​&​ ​Brightness​ ​ដែល​មានកំណត់​ជា​ ​Light​ ​(​ភ្លឺ​ធម្មតា​)​ ​ឬ​ ​Dark​ ​(​ងងឹត​)​ ​និង​ម្យ៉ាងទៀត​ក៏អាច​កំណត់​ថេរវេលា​លើ​ការប្រើ​មុខងារ​នេះ​ដោយ​ស្វ័យប្រវត្តិ​ថែមទៀត​ផង​។​ ​
​ ​
​តែ​អ្វី​ដែលគេ​ចាប់អារម្មណ៍​នោះ​ ​គឺ​នៅត្រង់​ថា​ ​iPhone​ ​ស៊េរី​ចាប់ពី​ ​iPhone​ ​5s​,​ ​iPhone​ ​6​ ​និង​ ​iPhone​ ​6​ ​Plus​ ​មិន​អាច​អាប់​ឌែ​ត​ឡើង​បានទេ​ ​សូម្បីតែ​ ​Facebook​ ​ក៏​លេង​មិនបាន​ដែរ​ ​និយាយរួម​ទៅ​ ​បានតែ​លេង​លើ​ ​Safari​ ​ប៉ុណ្ណោះ​។​ ​ក្រៅពីនោះ​សុទ្ធតែ​អាច​អាប់​ឌែ​ត​ ​iOS​ ​13​ ​បាន​ទាំងអស់​៕​

​ស្ថាប័ន​កីឡាកាស​ពិភពលោក​ ​WWE​ ​ដែល​មាន​មូល​ដ្ខា​ននៅ​សហរដ្ឋអាមេរិក​ ​គី​ជា​កន្លែង​ប្រជុំ​ទៅ​ដោយ​អ្នកកីឡា​កាស​កម្រិត​ពិភព​លោ​ក​ល្បី​ៗ​។​

​តែបើ​ក្រឡេក​ទៅ​មើល​ជ្រុង​មួយទៀត​នៃ​ចំណង់​ចំណូលចិត្ត​របស់​ពួកគេ​វិញ​នោះ​ ​Super​ ​Stars​ ​នៅ​ ​WWE​ ​ទាំងអស់​សុទ្ធតែ​ជា​អ្នកគាំទ្រ​ ​និង​តាមដាន​ក្រុមបាល់ទាត់​នៅ​អង់គ្លេស​។​ ​ក្នុង​នោះ​ដែរ​មាន​ដូចជា​៖​

​-​John​ ​Cena​ ​ជា​អ្នកគាំទ្រ​ក្រុមបាល់ទាត់​ ​Tottenham​ ​Hotspur​ ​
​-​Rey​ ​Mysterio​ ​ជា​អ្នកគាំទ្រ​ក្រុមបាល់ទាត់​ ​Manchester​ ​United​ ​
​-​Triple​ ​H​ ​ជា​អ្នកគាំទ្រ​ក្រុមបាល់ទាត់​ ​West​ ​Ham​ ​United​ ​
​-​Kurt​ ​Angle​ ​ជា​អ្នកគាំទ្រ​ក្រុមបាល់ទាត់​ ​West​ ​Ham​ ​
​ជាដើម​៕​

​

​ក្នុង​ព្រឹត្តិ​ការណ៍​ ​Davis​-​Cup​ ​ឆ្នាំ2019​ ​នេះ​ ​ក្រុម​វាយ​កូន​បាល់​ជម្រើសជាតិ​កម្ពុជា​មាន​ជំនឿ​ចិត្ត​ថា​ ​កម្ពុជា​ ​នឹង​មិន​បន្ត​នៅក្នុង​ក្រុម​កម្រិត​ទី4​ ​ទៀត​ទេ​ ​គឺ​ត្រូវតែ​ឡើង​ទៅ​ក្រុម​កម្រិត​ទី3​ ​ហើយនឹង​ត្រូវ​បន្ត​ឡើង​ទៅលេង​នៅ​ក្រុម​កម្រិត​ទី2​ ​ឱ្យ​ទាល់តែបាន​។​

​លោក​ ​ទេព​ ​រិទ្ធី​វិទ្​ធ​ ​អគ្គលេខាធិការ​នៃ​សហព័ន្ធ​កីឡា​វាយ​កូន​បាល់​កម្ពុជា​ ​បាន​បញ្ជាក់​ប្រាប់​ឱ្យ​ដឹង​ថា​ ​ឆ្នាំ2019​ ​នេះ​ព្រឹត្តិ​ការណ៍​ ​Davis​-​Cup​ ​នឹង​លេង​នៅ​ប្រទេស​អូម៉ង់​ ​ហើយ​នៅក្នុង​ក្រុម​កម្រិត​ទី4​ ​នឹង​មាន​ប្រទេស​ចំនួន15​ ​ចូលរួម​។​

​គួរ​បញ្ជាក់​ផង​ដែរ​ថា​ ​កាលពី​ឆ្នាំមុន​ក្រុម​វាយ​កូន​បាល់​ជម្រើសជាតិ​កម្ពុជា​បាន​លេង​នៅក្នុង​កម្រិត​ទី3​ ​ប៉ុន្តែ​ទទួល​បាន​លទ្ធផល​ត្រឹម​លេខ4​ ​ក្នុង​ពូល​ ​ដូច្នេះ​ត្រូវ​ជម្រុះ​ចេញពី​កម្រិត3​ ​ក្រោយ​ចាញ់​ក្រុម​បាត​តារាង​ក្នុង​ពូល​ផ្សេងទៀត​៕​

​ក្លិប​បាល់ទាត់​យក្ស​បារាំង​ ​Paris​ ​Saint​ ​Germaint​ ​(​PSG​)​ ​បាន​ប្រកាស​អំពី​សាលា​បាល់ទាត់​ថ្មី​មួយ​របស់​ខ្លួន​ដែល​បាន​បង្កើត​ឡើង​រួចរាល់​ហើយ​នៅក្នុង​ប្រទេស​ថៃ​ ​ដើម្បី​ត្រៀម​ទទួលយក​សិស្ស​ឱ្យ​ចូល​មក​ហ្វឹកហាត់​បាល់ទាត់​នៅក្នុង​ប្រទេស​មួយ​នេះ​។

ជាមួយនឹង​ការ​បើក​សម្ពោធ​សាលា​បាល់ទាត់​មួយ​នេះ​ ​ក្លិប​ជើងឯក​បារាំង​ត្រូវ​បាន​រំពឹង​ថា​ ​នឹង​មាន​យុវជន​ថៃ​ប្រមាណ​ជាជាង1ពាន់​នាក់​ទៅចុះ​ឈ្មោះ​ចូលរៀន​វគ្គ​បាល់ទាត់​នៅ​ទីនោះ​ ​ហើយ​គម្រោង​បន្ទាប់​ ​PSG​ ​នឹង​ទៅ​បើក​សាលា​បាល់ទាត់​នៅ​តាម​ខេត្ត​ដែល​និយម​បាល់ទាត់​ជាច្រើន​ទៀត​ក្នុង​ប្រទេស​ថៃ​។​

​គួរតែ​ដឹង​ដែរ​ថា​ ​នេះ​គឺជា​សាលា​បាល់ទាត់​ទី2​ ​ហើយ​ ​ដែល​ក្លិប​កំពូល​របស់​បារាំង​មួយ​នេះ​ ​បង្កើត​ឡើង​នៅក្នុង​តំបន់​អាស៊ី​អាគ្នេយ៍​ ​បន្ទាប់ពី​បាន​បង្កើត​ដំបូង​គេ​នៅ​ប្រទេស​ឥណ្ឌូ​នេ​ស៊ី​៕​

​

​ក្នុង​កម្មវិធី​ ​Apple​ ​បាន​ប្រាប់​ត្រឹមតែ​តម្លៃ​សម្រាប់​កុំព្យូទ័រ​ប្រភេទ​ ​Base​ ​ដោយ​មិន​ប្រាប់​តម្លៃ​សម្រាប់​ប្រភេទ​ផ្សេងទៀត​ឡើយ​។​ ​សម្រាប់​ប្រភេទ​ ​Base​ ​តម្លៃ​ ​5,999ដុល្លារ​ ​គឺ​មាន​បំពាក់​នូវ​ ​Processor​ ​8​-​Core​ ​Intel​ ​Xeon​ ​បំពាក់​ ​RAM​ ​ទំហំ​ ​32GB​ ​និង​អង្គ​ផ្ទុក​ ​SSD​ ​ទំហំ​ ​256GB​។​

​កុំព្យូទ័រ​ ​Mac​ ​Pro​ ​ស៊េរី​ថ្មី​ដែល​ជា​ប្រភេទ​ ​Modular​ ​(​ដោះដូរ​គ្រឿង​ផ្គុំ​ខាងក្នុង​បាន​)​ ​ត្រូវ​បាន​បង្ហាញមុខ​ជា​ផ្លូវការ​ក្នុង​កម្មវិធី​ ​WWDC​ ​ប្រចាំឆ្នាំ​ ​2019​ ​កាលពីយប់មិញ​នេះ​ ​ហើយ​មាន​លក្ខណ​សម្បត្តិ​កប់​ដល់​កំពូល​តែម្ដង​។​

​Apple​ ​ក៏​មាន​ផ្ដល់​ជម្រើស​ខ្ពស់​បំផុត​ផង​ដែរ​ ​ដូចជា​ ​៖​ ​Processor​ ​28​-​Core​ ​Intel​ ​Xeon​ ​តម្លៃ​អាច​ក្បែរ​ ​8,000ដុល្លារ​ ​RAM​ ​ទំហំ​ ​1.5TB​ ​តម្លៃ​ក្បែរ​ ​18,000ដុល្លារ​ ​អង្គ​ផ្ទុក​ ​SSD​ ​ទំហំ​ ​៤TB​ ​តម្លៃ​ប្រមាណ​ ​2,400ដុល្លារ​ ​GPU​ ​AMD​ ​Radeon​ ​Vega​ ​II​ ​ចំនួន2​ ​តម្លៃ​ប្រមាណ​ ​24,000ដុល្លារ​ ​កាត​បន្ថែមល្បឿន​ ​Afterburner​ ​ជំនួយ​ដល់​ការ​កាត់ត​វីដេអូ​ដែល​បង្កើត​ដោយ​ ​Apple​ ​ផ្ទាល់​ ​ដែលគេ​មិនទាន់​ដឹង​តម្លៃ​នៅឡើយ​។​ ​បូករួម​នឹង​អេក្រង់​ស៊េរី​ថ្មី​ ​Pro​ ​Display​ ​XDR​ ​ដែល​ ​Apple​ ​ទើប​ប្រកាស​ចេញ​ប្រើ​ ​មានតម្លៃ​ថ្លៃ​បំផុត​ ​7,000ដុល្លារ​ ​បើ​បន្ថែម​នូវ​ ​Option​ ​ចំនួន2​ ​ទៀត​។​ ​ដូច្នេះ​ ​បើ​តាម​ការ​ប៉ាន់ស្មាន​ទៅ​ ​Mac​ ​Pro​ ​ដែល​មាន​សមត្ថភាព​ខ្លាំង​ផុត​កំពូល​ ​នឹង​មានតម្លៃ​រហូតដល់​ខ្ទង់​ ​60,000ដុល្លារ​ឯណោះ​៕​

​ក្រុម​យុវជន​អាយុ​ក្រោម​ ​18ឆ្នាំ​របស់​កូរ៉េ​ខាងត្បូង​បាន​ឈ្នះ​ពានរង្វាន់​ ​Panda​ ​Cup​ ​2019​ ​ដែល​ធ្វើឡើង​នៅ​ទីក្រុង​ ​Chengdu​ ​ប្រទេស​ចិន​ក្នុង​គោលបំណង​ពង្រឹង​បទ​ពិសោធ​ដល់​ក្រុម​យុវជន​អាយុ​ក្រោម​ ​18ឆ្នាំ​របស់​ខ្លួន​សម្រាប់​ត្រៀម​ចូលរួម​ក្នុង​ពានរង្វាន់​ ​U19​ ​ទ្វីបអាស៊ី​ក្នុង​ពេល​ឆាប់​ៗ​ខាងមុខនេះ​។​ ​ពានរង្វាន់​នេះ​មានការ​ចូលរួម​ពី​ ​ក្រុម​យុវជន​អាយុ​ក្រោម​ ​18ឆ្នាំ​របស់​ប្រទេស​នូវែលហ្សេឡង់​ ​កូរ៉េ​ខាងត្បូង​ ​ថៃ​ ​និង​ក្រុម​របស់​ប្រទេស​ម្ចាស់ផ្ទះ​ចិន​។​

​បន្ទាប់ពី​ឈ្នះ​ពាន​នេះ​បាន​ ​2ថ្ងៃ​ ​ឈុត​យុវជន​របស់​ប្រទេស​កូរ៉េ​ខាងត្បូង​ត្រូវ​បាន​សមាគម​បាល់ទាត់​ទីក្រុង​ ​Chengdu​ ​របស់​ប្រទេស​ចិន​ប្រកាស​ដកហូត​ពាន​ ​Panda​ ​Cup​ ​មកវិញ​ ​ក្រោយពី​មាន​លេចចេញ​រូបភាព​ដែល​បង្ហាញ​ពី​ឥរិយាបថ​មិន​សមរម្យ​នៅពេល​អបអរ​ការ​ឈ្នះ​ពាន​របស់​ក្រុមកីឡា​ករ​កូរ៉េ​ខាងត្បូង​។​ ​ទោះបីជា​មានការ​សូមទោស​ជា​សាធារណៈ​ក្តី​ ​ក៏​ចិន​នៅតែ​សម្រេច​មិន​ប្រគល់​ពាន​នេះ​ឱ្យទៅ​ក្រុម​កូរ៉េ​ខាងត្បូង​វិញ​ដែរ​៕​

​