Author: អេបិល

  • សាលា​អន្តរជាតិ​ ​អាយ​ ​ស៊ី​ ​អេស​ ​មានការ​ផ្តល់​ជូន​ពិសេស​ ​(​Early​ ​Bird​ ​Promotion​)​

    សាលា​អន្តរជាតិ​ ​អាយ​ ​ស៊ី​ ​អេស​ ​មានការ​ផ្តល់​ជូន​ពិសេស​ ​(​Early​ ​Bird​ ​Promotion​)​

    ​សម្រាប់​ឆ្នាំ​សិក្សា​ថ្មី​ដែល​នឹង​ចាប់ផ្តើម​នៅ​ ​ថ្ងៃទី19​ ​ខែសីហា​ ​ឆ្នាំ2019​ ​សាលា​អន្តរជាតិ​ ​អាយ​ ​ស៊ី​ ​អេស​ ​នឹង​មានការ​ផ្តល់​ជូន​ ​ការ​បញ្ចុះតម្លៃ​ពិសេស​លើ​ ​តម្លៃ​សិក្សា​ ​(​Tuition​ ​Fee​)​ ​និង​តម្លៃ​ចុះឈ្មោះ​ ​(​Enrolment​ ​Fee​)​ ​។​
    ​
    ​លើស​ពីនេះ​ ​ចាប់ពី​ពេល​ផ្សព្វផ្សាយ​ដំណឹង​នេះ​ ​រហូតដល់​ថ្ងៃទី13​ ​ខែកក្កដា​ ​ឆ្នាំ2019​ ​សិស្សានុសិស្ស​មក​ពីសា​លា​ផ្សេង​ ​ដែល​មាន​ចំណាត់ថ្នាក់​នៃ​ការសិក្សា​ប្រចាំឆ្នាំ​ចាប់ពី​លេខ1​ ​ដល់​លេខ10​ ​ហើយ​មានបំណង​ចូលរៀន​នៅ​ ​សាលា​អន្តរជាតិ​ ​អាយ​ ​ស៊ី​ ​អេស​ ​(​សាខា​ចតុមុខ​ ​ឬ​សាខា​កាល់​ម៉ែ​ត​)​ ​នឹង​ទទួល​បានការ​បញ្ចុះតម្លៃ​ ​លើ​តម្លៃ​សិក្សា​ ​ចាប់ពី​ ​7​%​ ​និង​តម្លៃ​ចុះឈ្មោះ​ ​ចាប់ពី​ ​50​%​ ​។​

    ​សាលា​អន្តរជាតិ​ ​អាយ​ ​ស៊ី​ ​អេស​ ​ផ្តល់​កម្មវិធី​សិក្សា​ជាតិ​ ​និង​កម្មវិធី​សិក្សា​ខេម​ប្រ៊ី​ជ​ ​(​CAMBRIDGE​)​ ​អន្តរជាតិ​ចាប់ពី​ថ្នាក់​បណ្តុះ​កុមារ​តូច​ ​(​Nursery​)​ ​ដល់​ថ្នាក់​ទី12​ ​(​Year​ ​12​)​ ​។​ ​សាលា​អន្តរជាតិ​ ​អាយ​ ​ស៊ី​ ​អេស​ ​ត្រូវ​បាន​ទទួលស្គាល់​ជា​សាលា​ដែល​មាន​លក្ខណៈ​សម្បត្តិ​ពេញលេញ​ជា​ ​មជ្ឈ​មណ្ឌល​ខេម​ប្រ៊ី​ជ​អន្តរជាតិ​ ​(​CIC​ ​KH008​)​ ​ដោយ​នាយកដ្ឋាន​ប្រឡង​អន្តរជាតិ​នៃ​សាកល​វិទ្យាល័យ​ខេម​ប្រ៊ី​ជ​ ​(​CIE​)​ ​នៃ​ចក្រភព​អង់គ្លេស​។​ ​ក្នុងនាម​ជា​ ​មជ្ឈ​មណ្ឌល​ខេម​ប្រ៊ី​ជ​អន្តរជាតិ​ ​សាលា​អន្តរជាតិ​ ​អាយ​ ​ស៊ី​ ​អេស​ ​មានដៃ​គូ​អប់រំ​ជាង10,000​ ​ក្នុង195ប្រទេស​ ​ក្នុង​នោះ​ភាគច្រើន​ជា​សាលា​ ​និង​សាកល​វិទ្យាល័យ​អន្តរ​ជា​តិ​ល្បី​ៗ​ ​ប្រចាំ​ប្រទេស​នី​មួយ​ៗ​ ​។

    ​សាលា​អន្តរជាតិ​ ​អាយ​ ​ស៊ី​ ​អេស​ ​មានកម្ម​វិធី​សិក្សា​ដូច​ខាងក្រោម​ ​:​
    ​​ ​មត្តេយ្យ​សិក្សា​អន្តរជាតិ​ ​(​International​ ​Kindergarten​ ​Programme​)​ ​:​ ​ពាក់កណ្តាល​ថ្ងៃ​ ​និង​ពេញមួយថ្ងៃ​
    ​​ ​បឋមសិក្សា​អន្តរជាតិ​ ​(​International​ ​Primary​ ​School​ ​Programme​)​ ​:​ ​ពាក់កណ្តាល​ថ្ងៃ​ ​និង​ពេញមួយថ្ងៃ​
    ​​ ​បឋមសិក្សា​ពីរ​ភាសា​ ​(​Bilingual​ ​Primary​ ​School​ ​Programme​)​ ​:​ ​ពេញមួយថ្ងៃ​
    ​​ ​មធ្យមសិក្សា​អន្តរជាតិ​ ​(​International​ ​Secondary​ ​School​ ​Programme​)​ ​:​ ​ពេញមួយថ្ងៃ​
    ​​ ​មធ្យមសិក្សា​ពីរ​ភាសា​ ​(​Bilingual​ ​Secondary​ ​School​ ​Programme​)​ ​:​ ​ពេញមួយថ្ងៃ​
    ​
    ​ក្នុង​កម្មវិធី​សិក្សា​ ​មធ្យមសិក្សា​អន្តរជាតិ​ ​និង​មធ្យមសិក្សា​ពីរ​ភាសា​ ​សិស្សានុសិស្ស​ ​នៃ​សាលា​អន្តរជាតិ​ ​អាយ​ ​ស៊ី​ ​អេស​ ​នឹង​សិក្សា​កម្មវិធី​ ​Cambridge​ ​“​A​ ​Level​”​ ​គឺជា​កម្មវិធី​កម្រិតខ្ពស់​បំផុត​ដែល​មាន​អ្នក​សិក្សា​ជាង​ ​175,000​ ​នាក់​ ​ជា​រៀងរាល់​ឆ្នាំ​នៅ​ប្រមាណ​ ​130​ ​ប្រទេស​ទូទាំង​សកលលោក​ ​។​ ​សិស្ស​ ​និង​និស្សិត​ ​ដែល​មានគុណ​វុឌ្ឍិ​កម្រិត​នេះ​ ​ត្រូវ​បាន​ទទួលស្គាល់​ ​និង​ឱ្យ​ចូលរៀន​នៅ​សាកល​វិទ្យាល័យ​ឈានមុខ​គេ​ ​ទូទាំង​បណ្តា​ប្រទេស​ជុំវិញ​សកលលោក​មាន​ជា​អាទិ​៖​

    ​-​ ​សហរដ្ឋអាមេរិក​ ​:​ ​សាកល​វិទ្យាល័យ​ ​Harvard​,​ ​MIT​,​ ​Stanford​,​ ​Yale​ ​…​
    ​-​ ​ចក្រភព​អង់គ្លេស​ ​:​ ​សាកល​វិទ្យាល័យ​ ​Cambridge​,​ ​Oxford​,​ ​Edinburgh​,​ ​Imperial​ ​London​ ​…​
    ​-​ ​អូស្ត្រាលី​ ​:​ ​សាកល​វិទ្យាល័យ​ ​Melbourne​,​ ​Sydney​,​ ​Monash​,​ ​Queensland​ ​…​
    ​-​ ​កាណាដា​ ​:​ ​សាកល​វិទ្យាល័យ​ ​Toronto​,​ ​McGill​,​ ​British​ ​Columbia​,​ ​York​ ​…​
    ​-​ ​នូវែ​ល​សេ​ឡង់​ ​:​ ​ ​សាកល​វិទ្យាល័យ​ ​Auckland​,​ ​Victoria​,​ ​Otago​,​ ​Canterbury​ ​…​
    ​-​ ​សិង្ហបុរី​ ​:​ ​សាកល​វិទ្យាល័យ​ ​NUS​,​ ​Nanyang​ ​…​
    ​សាលា​អន្តរជាតិ​ ​អាយ​ ​ស៊ី​ ​អេស​ ​មានបទពិសោធន៍​ក្នុង​វិស័យ​អប់រំ​ជាង26ឆ្នាំ​ ​និង​ទទួល​បាន​ជ័យលាភី​ ​និង​សមិទ្ធិ​ផល​យ៉ាងច្រើន​សន្ធឹក​សន្ធាប់​ ​។​ ​សាលា​អន្តរជាតិ​ ​អាយ​ ​ស៊ី​ ​អេស​ ​លើកទឹកចិត្ត​សិស្សានុសិស្ស​ ​ឲ្យ​ចាប់​យកចំណេះ​វិជ្ជា​ជា​មូលដ្ឋាន​គ្រឹះ​ ​និង​ទម្លាប់​ល្អ​ក្នុង​ការសិក្សា​ ​។​ ​សាលា​អន្តរជាតិ​ ​អាយ​ ​ស៊ី​ ​អេស​ ​មានការ​សង្កត់ធ្ងន់​លើ​មុខវិជ្ជា​ ​ភាសាអង់គ្លេស​ ​ភាសាខ្មែរ​ ​គណិតវិទ្យា​ ​វិទ្យាសាស្រ្ត​ ​និង​បច្ចេកវិទ្យា​ព័ត៌មាន​កុំព្យូទ័រ​ ​។​ ​
    ​
    ​សម្រាប់​ព័ត៌មាន​លំអិត​ ​សូម​ទាក់ទង​ ​
    ​សាលា​អន្តរជាតិ​ ​អាយ​ ​ស៊ី​ ​អេស​ ​(​សាខា​ចតុមុខ​)​ ​:​
    ​អគារ​លេខ​ ​14​ ​ផ្លូវ​លេខ​ ​214​ ​សង្កាត់​បឹងរាំង​ ​ខណ្ឌដូនពេញ​ ​ភ្នំពេញ​ ​
    ​ទូរស័ព្ទ​:​ ​099​ ​509​ ​998​ ​/​ ​016​ ​929​ ​985​
    ​ឬ​

    ​សាលា​អន្តរជាតិ​ ​អាយ​ ​ស៊ី​ ​អេស​ ​(​សាខា​កាល់​ម៉ែ​ត​)​ ​:​
    ​អគារ​លេខ​ ​25​ ​ផ្លូវ​លេខ​ ​75​ ​កែង​ផ្លូវ​លេខ​ ​80​ ​សង្កាត់​ស្រះចក​ ​ខណ្ឌដូនពេញ​ ​ភ្នំពេញ​ ​
    ​ទូរស័ព្ទ​:​ ​099​ ​509​ ​997​ ​/​ ​016​ ​929​ ​975​
    ​គេហទំព័រ​:​ ​www.ics.edu.kh​ ​ ​អ៊ី​ម៉េ​លៈ​ ​info​@​ics.edu.kh​ ​
    ​គេហទំព័រFACEBOOK​:​ ​ICS​ ​International​ ​School​
    ​https​:​/​/​www.facebook.com​/​icsinternationalschool​/​
    ​Download​ ​our​ ​latest​ ​school​ ​magazine​,​ ​please​ ​click​ ​the​ ​link​
    ​http​:​/​/​ics.edu.kh​/​icsis​/​newsletter​/​2018​.​pdf​ ​


    ​

  • ណា​ក់​ ​ស្រី​ណា​ ​ទទួល​បានការ​សរសើរ​ពេញ​បណ្ដាញ​សង្គម​ហ្វេ​សប៊ុ​ក​ ​ព្រោះ​បង្អួត​សម្រស់​លើកស្ទួយ​ដល់​តម្លៃ​សិល្បៈ​វប្បធម៌​ ​

    ណា​ក់​ ​ស្រី​ណា​ ​ទទួល​បានការ​សរសើរ​ពេញ​បណ្ដាញ​សង្គម​ហ្វេ​សប៊ុ​ក​ ​ព្រោះ​បង្អួត​សម្រស់​លើកស្ទួយ​ដល់​តម្លៃ​សិល្បៈ​វប្បធម៌​ ​

    ​តារា​សម្ដែង​ស្រី​ ​និង​ជាពិធី​ការិនី​ ​ណា​ក់​ ​ស្រី​ណា​ ​ពិតជា​បាន​ធ្វើ​ឱ្យ​រំជួលចិត្ត​ជា​ខ្លាំង​ដល់​អ្នកគាំទ្រ​លើ​រូប​នាង​ ​ព្រមទាំង​បងប្អូន​មហាជន​ខ្មែរ​ជាច្រើន​នាក់​ទៀត​ ​ដែល​តែងតែបាន​ឃើញ​ជា​រឿយ​ៗ​នូវ​សកម្មភាព​នានា​របស់​នាង​ ​ទាក់ទង​នឹង​ការចូលរួម​ចំណែក​ថែរក្សា​ ​អភិរក្ស​ ​និង​លើកស្ទួយ​ដល់​តម្លៃ​សិល្បៈ​វប្បធម៌​ ​ទំនៀមទម្លាប់​ ​ប្រពៃណី​ ​និង​កេរ្តិ៍ដំណែល​ខ្មែរយើង​។​
    ​
    ​នេះ​ពុំមែន​ជាលើកដំបូង​ ​តែ​ជាច្រើនលើក​ច្រើនសា​មក​ហើយ​ ​ហើយក៏​មិនមែន​ជា​លើក​ចុងក្រោយ​ដែរ​ ​សម្រាប់​តារា​សម្ដែង​ ​ណា​ក់​ ​ស្រី​ណា​ ​ក្នុង​ការ​បង្ហាញ​ភាព​ស្និទ្ធស្នាល​ ​នែបនិត្យ​កៀកកើយ​ជាមួយនឹង​វប្បធម៌​ប្រពៃណី​ដូនតា​ខ្មែរយើង​។​ ​នាង​តែង​ត្រូវ​បាន​បង្ហាញ​ឡើង​តាមរយៈ​បណ្ដាញ​សង្គម​របស់​ខ្លួន​ជាហូរហែ​តែម្ដង​ ​ដែលគេ​អាច​ដឹង​បាន​ដោយសារតែ​នាង​ឧស្សាហ៍​បង្ហោះ​រូប​ភាព​ថ្មី​ៗ​រហូត​ ​នៅក្នុង​ទម្រង់​សម្លៀកបំពាក់​ប្រពៃណី​ ​ឬ​ជា​ការ​លាតត្រដាង​ពី​វប្បធម៌​ខ្មែរ​ជាដើម​។​ ​ការ​ដក់ជាប់​ងប់ងុល​ខ្លាំង​ជាមួយនឹង​អ្វី​ទាំងអស់​ហ្នឹង​ ​មានហេតុ​ផល​តែ​ម្យ៉ាង​គត់​ ​គឺ​ព្រោះតែ​តារា​សម្ដែង​កូន​អ្នក​កំពង់ចាម​រូប​នេះ​ ​មាន​ទឹកចិត្ត​ស្រលាញ់​ស្មោះស្ម័គ្រ​បំផុត​ជាមួយនឹង​គ្រប់យ៉ាង​ដែល​ជា​របស់​ខ្មែរ​ ​គ្រប់យ៉ាង​ដែល​ជា​ស្នាដៃ​របស់​បុព្វបុរស​ខ្មែរយើង​បន្សល់ទុក​ឱ្យ​កូនចៅ​ជំនាន់​ក្រោយ​ ​ក្នុងនាម​នាង​ជា​កូនខ្មែរ​មួយ​រូប​ ​តែងតែមាន​ភក្ដីភាព​យ៉ាង​ស្មោះសរ​ ​ចូលរួម​ផ្សព្វផ្សាយ​នៅ​លើ​បណ្ដាញ​សង្គម​ ​និង​ក្នុង​សកម្ម​ភាព​ផ្សេង​ៗ​ទៀត​តាម​លទ្ធភាព​ដែល​ខ្លួន​អាច​ធ្វើ​ទៅ​បាន​។​
    ​
    ​ខាងក្រោម​នេះ​ ​ជា​បណ្ដុំ​រូប​ភាព​ថ្មី​ៗ​របស់​ ​ស្រី​ណា​ ​ថត​នៅ​ប្រាង្គ​ប្រាសាទខ្មែរ​ ​ក្នុង​ទម្រង់​សម្លៀកបំពាក់​ប្រពៃណី​ ​ស្រស់​ស្អាត​ ​ទន់ភ្លន់​ ​មាន​មន្ត​ស្នេហ៍​ពិ​តៗ​តែម្ដង​ ​ហើយ​ក្នុង​នោះ​ក៏​មានការ​ចូលរួម​ពី​ប្អូនស្រី​របស់​នាង​ផង​ដែរ​៖​

  • ក្រុម​ខ្លាំង​វៀតណាម​ ​បបួល​នីហ្សេរីយ៉ា​ ​ប្រកួត​មិត្តភាព​ ​មុន​ការប្រកួត​វគ្គ​ជម្រុះ​តាម​ពូល​ ​World​ ​Cup​ ​មកដល់​

    ក្រុម​ខ្លាំង​វៀតណាម​ ​បបួល​នីហ្សេរីយ៉ា​ ​ប្រកួត​មិត្តភាព​ ​មុន​ការប្រកួត​វគ្គ​ជម្រុះ​តាម​ពូល​ ​World​ ​Cup​ ​មកដល់​

    ​សហព័ន្ធ​កីឡាបាល់ទាត់​វៀតណាម​ ​បាន​អញ្ជើញ​ក្រុមជម្រើសជាតិ​នៃ​ប្រទេស​នីហ្សេរីយ៉ា​ ​មក​ប្រកួត​មិត្តភាព​ជាមួយនឹង​ក្រុមជម្រើសជាតិ​របស់​ខ្លួន​សម្រាប់​ត្រៀម​ចូលរួម​ក្នុង​វគ្គ​ជម្រុះ​តាម​ពូល​ ​World​ ​Cup​ ​2022​។​

    ​ក្រុមជម្រើសជាតិ​វៀតណាម​ ​ពេលនេះ​ស្ថិតនៅ​ចំណាត់ថ្នាក់​លេខរៀង​ទី96​ ​ខណៈ​ជម្រើសជាតិ​នីហ្សេរីយ៉ា​ ​ស្ថិតនៅ​ចំណាត់ថ្នាក់​លេខរៀង​ទី42​ ​ហើយ​ជា​ក្រុម​ដែល​ធ្លាប់​បង្ហាញខ្លួន​ក្នុង​ព្រឹត្តិ​ការណ៍​ ​FIFA​ ​World​ ​Cup​ ​6សម័យកាល​ ​ព្រមទាំង​មាន​កីឡាករ​លេង​នៅ​ទ្វីបអឺរ៉ុប​ជាច្រើន​រូប​ទៀតផង​។​

    ​ទោះ​យ៉ាងណា​!​ ​ការប្រកួត​មិត្តភាព​រវាង​ក្រុម​ទាំង2​ ​អាច​នឹង​រៀបចំឡើង​ឱ្យ​បាន​មុន​ការប្រកួត​ជម្រុះ​ជុំ​ទី2​ ​នៃ​ព្រឹត្តិ​ការណ៍​ឆ្ពោះទៅ​កាន់​ ​FIFA​ ​World​ ​Cup​ ​2022​ ​ប្រទេស​កា​តា​ ​ដែល​នឹង​រៀបចំឡើង​ក្នុង​អំឡុង​ខែកញ្ញា​ ​ឆ្នាំនេះ​៕​

  • កម្ពុជា​ ​ហក់​ឡើង​ ​4ចំណាត់ថ្នាក់​ ​ក្រោយ​ចប់​វគ្គ​ជម្រុះ​ ​World​ ​Cup​ ​ជុំ​ដំបូង​ ​ ​

    កម្ពុជា​ ​ហក់​ឡើង​ ​4ចំណាត់ថ្នាក់​ ​ក្រោយ​ចប់​វគ្គ​ជម្រុះ​ ​World​ ​Cup​ ​ជុំ​ដំបូង​ ​ ​

    ​កាលពី​ពេល​ថ្មី​ៗ​នេះ​ ​សហព័ន្ធ​កីឡាបាល់ទាត់​ពិភពលោក​ ​FIFA​ ​បាន​ធ្វើ​បច្ចុប្បន្នភាព​នៃ​តារាង​ចំណាត់ថ្នាក់​ក្រុមជម្រើសជាតិ​បាល់ទាត់​ទូទាំង​ពិភពលោក​ ​ដោយ​ក្នុង​នោះ​ដែរ​កម្ពុជា​បាន​កើន​ចំនួន​ ​4ចំណាត់ថ្នាក់​ ​ពោល​គឺ​ពី​ចំណាត់ថ្នាក់​ ​173​ ​ឡើង​មក169​ ​ក្នុងចំណោម211​ ​ប្រទេស​ទូទាំង​ពិភពលោក​។​
    ​
    ​បើ​ប្រៀបធៀប​ជាមួយ​ក្រុម​ផ្សេងទៀត​នៅ​អាស៊ាន​ ​កម្ពុជា​ឈរ​លើ​ប្រទេស​ចំនួន3​ ​គឺ​ ​ឡាវ​ ​(​188​)​ ​ប្រ៊ុយណេ​ ​(​193​)​ ​ទីម័រខាងកើត​ ​(​200​)​។​ ​ចំំ​ណែ​ក​ក្រុម​អាស៊ាន​ដែល​ឈរ​លើ​កម្ពុជា​ ​រួមមាន​ ​វៀតណាម​ ​(​96​)​ ​ថៃ​ ​(​116​)​ ​ហ្វីលីពីន​ ​(​126​)​ ​មីយ៉ាន់ម៉ា​ ​(​138​)​ ​ម៉ាឡេស៊ី​ ​(​159​)​ ​សិង្ហបុរី​ ​(​162​)​៕

  • ក្តៅ​ៗ​!​ ​ច្រឹង​ ​ពលរដ្ឋ​ ​ប្រកាស​ចែកផ្លូវ​គ្នា​ជាមួយ​ ​Buriram​

    ក្តៅ​ៗ​!​ ​ច្រឹង​ ​ពលរដ្ឋ​ ​ប្រកាស​ចែកផ្លូវ​គ្នា​ជាមួយ​ ​Buriram​

    ​អតីត​កីឡាករ​ខ្សែបម្រើ​វ័យក្មេង​ ​ជម្រើសជាតិ​កម្ពុជា​ ​ច្រឹង​ ​ពលរដ្ឋ​ ​ត្រូវ​បាន​ក្លិប​បាល់ទាត់​នៃ​លី​ក​កំពូល​ថៃ​ ​Burriram​ ​ដែល​មាន​មូលដ្ឋាន​នៅ​អតីត​ទឺក​ដី​កម្ពុជា​ ​(​ខេត្ត​ប៊ុ​រី​រ៉ាំ​)​ ​បាន​ផ្តាច់​កុងត្រា​ជា​ផ្លូវការ​ហើយ​។

    ​ចំពោះ​មូលហេតុ​នៃ​ការ​ផ្តាច់​កុងត្រា​នេះ​ ​គឺ​ដោយសារតែ​កីឡាករ​កម្ពុជា​រូប​នេះ​មាន​បញ្ហា​របួស​យូរអង្វែង​ពេក​ ​ដែល​ធ្វើ​ឱ្យ​ខកខាន​ក្នុង​ការ​ជួយ​ក្រុម​ថៃ​មួយ​នេះ​ពេញ​កន្លះ​រដូវ​កាល​ ​ហើយ​ម្យ៉ាងវិញទៀត​ក្លិប​ថៃ​ខាងលើ​ក៏បាន​ចុះ​កុងត្រា​យក​កីឡាករ​វៀតណាម​ម្នាក់​ ​មក​ជំនួស​កៅអី​កូតា​កីឡាករ​អាស៊ាន​ ​របស់​ច្រឹង​ពលរដ្ឋ​បាត់​ទៅ​ហើយ​ទៀតផង​។​

    ពលរដ្ឋ​ ​បាន​និយាយ​ដូច្នេះ​ថា​៖​ ​“​ខ្ញុំបាទ​ ​និង​ក្លិប​បាល់ទាត់​ ​BURIRAM​ ​UNITED​ ​បាន​ឈាន​ទៅដល់​ការចែក​ផ្លូវ​គ្នា​ហើយ​ ​ដោយសារតែ​បញ្ហា​ពេលនោះ​របួស​ខ្ញុំ​នៅ​មិនទាន់​ជាសះស្បើយ​ ​ស្រប​ពេល​ដែល​ក្លិប​ ​Buriram​ ​គេ​ចាប់ផ្ដើម​ប្រមូល​ផ្តុំ​ ​និង​ចាប់ផ្តើម​លី​ក​ប្រទេស​ថៃ​។​ ​ក្នុង​ពេល​បច្ចុប្បន្ន​ក៏​មាន​ក្លិប​មួយចំនួន​នៅ​ក្រៅប្រទេស​បាន​ទាក់ទង​ក្នុង​ការ​យក​ខ្ញុំ​ទៅ​ចូលរួម​ ​ប៉ុន្តែ​ខ្ញុំ​នឹង​ជម្រាប​ជូន​នៅពេល​ព័ត៌មាន​ច្បាស់​ការណ៍​”​៕​

  • ស្បែក​ ​EMUI​ ​10​ ​របស់​ ​Huawei​ ​ច្នៃ​ចេញពី​ ​Android​ ​Q​ ​នឹង​មាន​លើ​ ​P30​ ​Pro​ ​

    ស្បែក​ ​EMUI​ ​10​ ​របស់​ ​Huawei​ ​ច្នៃ​ចេញពី​ ​Android​ ​Q​ ​នឹង​មាន​លើ​ ​P30​ ​Pro​ ​

    យោង​តាម​ប្រភព​ព័ត៌មាន​នានា​បាន​បង្ហើប​ឱ្យ​ដឹង​ថា​ ​វត្តមាន​ ​Huawei​ ​ក្នុង​បញ្ជីខ្មៅ​របស់​អាមេរិក​ ​អាច​ឱ្យ​គេ​សង្ស័យ​ថា​ ​EMUI​ ​10​ ​ដែល​ផ្អែកលើ​ ​Android​ ​Q​ ​នឹង​មិន​លេចមុខ​នោះ​ឡើយ​។​ ​Huawei​ ​ទំនងជា​នៅតែ​ធ្វើការ​អភិវឌ្ឍ​ ​Skin​ ​ជំនាន់​ថ្មី​ ​ដោយ​ ​EMUI​ ​10​ ​សម្រាប់​ ​P30​ ​Pro​ ​បាន​ធ្លាយ​ចេញ​មក​។​
    |
    ​ក្រុមការងារ​អភិវឌ្ឍន៍​ ​Software​ ​លើ​ទូរស័ព្ទ​ ​XDA​ ​Developer​ ​បាន​សាកល្បង​ប្រើប្រាស់​នូវ​ ​EMUI​ ​10​ ​មុនគេ​ ​និង​បាន​ដំឡើង​វា​លើ​ ​P30​ ​Pro​។​ ​ក្រុម​មួយ​នេះ​ជឿជាក់​ថា​ ​Software​ ​ដែលគេ​ប្រើ​ ​នឹង​មានឈ្មោះ​ថា​ ​EMUI​ ​10​ ​ដែល​រត់​លើ​ប្រព័ន្ធ​ប្រតិបត្តិ​ការ​ ​Android​ ​Q​។​ ​បើ​ប្រៀបធៀប​ទៅ​ឃើញថា​ ​EMUI​ ​10​ ​និង​ ​EMUI​ ​9​ ​មិនសូវ​ខុសគ្នា​ប៉ុន្មាន​ទេ​ ​ឃើញ​ខុសគ្នា​បន្តិចបន្តួច​គឺ​នៅ​លើ​ ​UI​ ​នៃ​កម្មវិធី​កាមេរ៉ា​។​

    ​ក្រោយ​កើតមាន​រឿង​ចម្រូងចម្រាស​ជាមួយ​រដ្ឋាភិបាល​អាមេរិក​ ​Huawei​ ​បាន​ប្រកាស​ថា​ស្មា​ត​ហ្វូ​នកំ​ពូល​របស់​ខ្លួន​រួមមាន​ ​Mate​ ​20​ ​Series​,​ ​P30​ ​Series​ ​និង​ស្មា​ត​ហ្វូ​នបំ​ពាក់​ម៉ាក​ ​Honor​ ​មួយចំនួន​ ​អាច​នឹង​ទទួល​បានការ​អាប់​ឌែ​ត​ ​Andoid​ ​Q​ ​ដែល​ជា​ប្រព័ន្ធ​ប្រតិបត្តិ​ការ​ជំនាន់​ចុងក្រោយ​មួយ​៕​

  • ស្ងាត់​ៗ​!​ ​តារា​សម្ដែង​ ​ណា​តា​យ៉ា​ ​បោះទុន​ជាង​ ​5ម៉ឺន​ដុល្លារ​នាំចូល​ផ្ដាច់មុខ​ផលិតផល​សុខភាព​ ​និង​ថែរក្សា​សម្រស់​ល្បីល្បាញ​មក​ពីជ​ប៉ុន​ ​

    ស្ងាត់​ៗ​!​ ​តារា​សម្ដែង​ ​ណា​តា​យ៉ា​ ​បោះទុន​ជាង​ ​5ម៉ឺន​ដុល្លារ​នាំចូល​ផ្ដាច់មុខ​ផលិតផល​សុខភាព​ ​និង​ថែរក្សា​សម្រស់​ល្បីល្បាញ​មក​ពីជ​ប៉ុន​ ​

    ​តារា​សម្ដែង​ ​កញ្ញា​ ​ណា​តា​យ៉ា​ ​បាន​ធ្វើ​ឱ្យ​តារា​សិល្បៈ​ ​និង​អ្នកគាំទ្រ​ភ្ញាក់ផ្អើល​មិន​តិច​នោះ​ទេ​ ​ក្នុង​ពេល​ដែល​នាង​មិនធ្លាប់​បង្ហើប​ឱ្យ​ឃើញ​ពី​ភាព​ហ៊ឺហា​រឡូ​យ​ឆាយ​ ​ដូច​តារា​មួយចំនួន​ទាល់តែសោះ​ ​ស្រាប់តែ​ប្រកាស​កាត់ខ្សែបូ​បើក​ក្រុមហ៊ុន​នាំចូល​ផ្ដាច់មុខ​ផលិតផល​សុខភាព​ ​និង​ថែរក្សា​សម្រស់​ល្បីល្បាញ​មក​ពីជ​ប៉ុន​ ​ដោយ​ប្រើ​ដើមទុន​ច្រើន​ម៉ឺន​ដុល្លារ​តែម្ដង​។​ ​គ្រាន់តែ​ក្នុង​ពិធី​របស់​នាង​ត្រូវ​បាន​គេ​អះអាង​ថា​ ​ចំណាយ​មិន​តិច​នោះ​ទេ​ ​ក្នុង​ការ​ទទួល​តារា​ល្បី​ ​អ្នកជំនួញ​ក្នុង​ស្រុក​ ​និង​ម្ចាស់​ផលិតផល​ធំ​ដែល​នាង​ផ្ដាច់មុខ​មក​ពីជ​ប៉ុន​ឱ្យ​ចូលរួម​នោះ​។​

    អម​ដោយ​ការប្រកាស​ខ្លួន​ជា​អគ្គ​នាយិកា​ ​តារា​សម្ដែង​ ​កញ្ញា​ ​ណា​តា​យ៉ា​ ​បាន​អះអាង​ថា​ ​នាងស​ម្រេច​ចិត្ត​ចំណាយ​ទុន​រាប់​ម៉ឺន​ដុល្លារ​នាំចូល​ផ្ដាច់មុខ​ ​ដើម្បី​ដាក់​លក់​ ​និង​ចែកចាយ​ផលិតផល​ ​Inner​ ​Mois​ ​Collagen​ ​plus​ ​មក​ពីជ​ប៉ុន​ ​គឺ​ដោយសារតែ​ផលិតផល​នេះ​ ​មានគុណ​សម្បត្តិ​ច្រើនយ៉ាង​ ​ហើយ​តាមរយៈ​ការសិក្សា​ច្បាស់លាស់​ ​ក៏​មានការ​បញ្ជាក់​ថា​ ​គឺជា​ផលិតផល​ដែល​មិន​មាន​ប៉ះពាល់​សុខភាព​ ​ហើយ​មានតែ​ជួយ​ដល់​សុខភាព​ខាងក្នុង​ទៅវិញ​ ​ទាំង​ស្បែក​ ​ក្រពះ​ ​និង​ ​សម្រួល​បញ្ហា​ទល់លាមក​។​

    ​នាងស​ម្រេច​បោះទុន​ប្រមាណ​ជា5ម៉ឺន​ដុល្លារ​សម្រាប់​គម្រោង​បើកឆាក​ ​និង​គ្រោង​បន្ថែម​ជាច្រើន​ម៉ឺន​ទៀត​ ​ក្នុង​ពេល​បន្តបន្ទាប់​។​ ​ផលិតផល​នេះ​នាង​បាន​ប្រកាស​ថា​ ​បាន​លក់​នៅ​តាម​អន​ឡាញ​មួយ​រយៈ​មក​ហើយ​ ​ហើយដោយ​សារ​តែ​មានការ​គាំទ្រ​លើសលប់​ ​ទើប​ឈាន​ដល់​ការនាំចូល​ផ្ដាច់មុខ​។​ ​នាង​បាន​បញ្ជាក់​ថា​ ​ផលិតផល​នេះ​ ​ទទួលស្គាល់​ទាំង​ក្រសួងសុខាភិបាល​នៅ​ជប៉ុន​ ​និង​កម្ពុជា​ ​ហើយ​ប្រសិទ្ធភាព​ល្អ​លើ​ការ​ពន្យារ​ ​និង​ ​ទប់ស្កាត់​ភាព​ចាស់​ ​កាត់បន្ថយ​ការ​កើតមុន​ ​ជាំ​ ​អាច​ន៍​រុយ​ ​ជួយ​ឱ្យ​ស្បែ​កស​ ​ភ្លឺ​ពី​ខាងក្នុង​ ​សម្រាប់​ស្ត្រី​ជួយ​ឱ្យ​រដូវ​មក​ទៀង​ ​និង​ធ្វើ​ឱ្យ​គេងលក់​ស្រួល​ ​ព្រមទាំង​ជួយ​ក្រពះ​ពោះវៀន​ ​និង​ជួយ​សម្រួល​ដល់​អាការ​ទល់លាមក​ ​ជួយ​ឱ្យ​គេងលក់​ស្រួល​ ​គ្រាន់តែ​ទទួលទាន​ផលិតផល​នេះ​មុន​ពេល​ចូលគេង​រៀងរាល់​យប់​ជាការស្រេច​។​

    ​កញ្ញា​ ​ណា​តា​យ៉ា​ ​បាន​បន្ត​ថា​ ​ក្រោយ​ក្លាយជា​ថៅកែ​នាំចូល​ផ្ដាច់មុខ​ ​នាង​មិនឈប់​ពី​សិល្បៈ​នោះ​ទេ​ ​គឺ​នៅតែ​ទទួល​ថ​ត​ស្ព​ត​ ​និង​ឡើង​កម្មវិធី​នៅ​តាម​ប៉ុស្តិ៍​ទូរទស្សន៍​ជាប្រចាំ​ ​លើកលែងតែ​ថតកុន​ភាគ​ ​និង​រឿងភាពយន្ត​ខ្នាត​ធំ​តែប៉ុណ្ណោះ​ ​ដែល​ត្រូវ​ប្រើ​ពេលវេលា​ច្រើនថ្ងៃ​ ​ដែល​នាង​មិនទាន់​ចង់​ទទួល​នោះ​ទេ​។​ ​ក្នុង​ពិធីសម្ពោធ​ផលិតផល​របស់​នាង​នា​ថ្ងៃ15​ ​ខែមិថុនា​ ​ឆ្នាំ2019នោះ​ដែរ​ ​គេ​សង្កេតឃើញ​ថា​ ​មាន​តារា​សិល្បៈ​ ​និង​ភ្ញៀវ​កិត្តិយស​យ៉ាងច្រើន​កុះករ​ចូលរួម​ ​អបអរ​តំណែង​ថ្មី​របស់​នាង​នា​ថ្ងៃ​នោះ​ ​ដែល​ញ៉ាំង​ឱ្យ​កម្មវិធី​សម្ពោធ​ផ​លិ​រ​ផល​ថ្មី​របស់​នាង​កាន់តែ​អធិកអធម​ឡើង​ថែមទៀត​៕​

  • ចាន់​ ​វឌ្ឍនា​កា​ ​ត្រឡប់មកវិញ​ភ្លាម​ ​ធ្វើ​ម៉ូដែល​បង្ហាញ​ឈុត​ថ្មី​ឱ្យ​បឹង​កេត​ភ្លែត​តែម្ដង​

    ចាន់​ ​វឌ្ឍនា​កា​ ​ត្រឡប់មកវិញ​ភ្លាម​ ​ធ្វើ​ម៉ូដែល​បង្ហាញ​ឈុត​ថ្មី​ឱ្យ​បឹង​កេត​ភ្លែត​តែម្ដង​

    ​កាលពី​ពេល​ថ្មី​ៗ​នេះ​ ​កីឡាករ​ខ្សែបម្រើ​-​ប្រយុទ្ធ​របស់​ក្លិប​បឹង​កេត​អេ​ហ្វ​ស៊ី​ ​ដែល​ទើបតែ​វិលត្រឡប់​មកកាន់​ទ្រនំ​ចាស់​វិញ​ ​ក្រោយពី​បាន​បញ្ចប់​កុងត្រា​ជាមួយនឹង​ក្លិប​ ​PKNS​ ​FC​ ​ត្រឹម​ជើង​ទី1​ (more…)

  • កូនប្រុស​តារា​សម្តែង​ហូលី​វូដ​ខ្មែរ​នៅ​បារាំង​ ​ជាប់​ជម្រើស​តំបន់​ចូលរួម​ក្នុង​ពានរង្វាន់​ប្រចាំ​ប្រទេស​បារាំង​

    កូនប្រុស​តារា​សម្តែង​ហូលី​វូដ​ខ្មែរ​នៅ​បារាំង​ ​ជាប់​ជម្រើស​តំបន់​ចូលរួម​ក្នុង​ពានរង្វាន់​ប្រចាំ​ប្រទេស​បារាំង​

    ​កុមារា​ ​Loic​ ​Chan​ ​ដែល​ជា​កូនប្រុស​តារា​សម្តែង​ក្បាច់គុន​ខ្មែរ​មួយ​រូប​នៅ​ហូលី​វូដ​ ​ដែល​មាន​វ័យ​ ​13ឆ្នាំ​ ​ត្រូវ​បាន​គ្រូបង្វឹក​ប្រចាំ​តំបន់​ជ្រើសរើស​ឱ្យ​ចូលរួម​ប្រកួត​ពានរង្វាន់​ប្រចាំ​ប្រទេស​បារាំង​។​

    ​Loic​ ​Chan​ ​និង​ចូលរួម​ប្រកួត​ពានរង្វាន់​ ​Interligues​ ​Espoirs​ ​du​ ​Foot​ ​U14​ ​តំណាង​ឱ្យ​តំបន់​ ​Occitanie​ ​U14​ ​តែ​អ្វី​ដែល​គួរ​ឱ្យ​កត់សម្គាល់​នោះ​ ​គឺ​កុមារាLoic​ ​Chan​ ​ជា​យុវជន​តែម្នាក់​គត់​របស់​ក្លឹប​ ​Balma​ ​Sport​ ​Club​ ​ដែល​ត្រូវ​បាន​ជ្រើសរើស​ឱ្យ​ចូលរួម​។​

    ​គួរ​បញ្ជាក់​ផង​ដែរ​ថា​ ​កីឡាករ​រូប​នេះ​បាន​បង្ហើប​អំពី​ចំណាប់​អា​រម្ម​ណ៍​របស់​ខ្លួន​ជុំវិញ​បាល់ទាត់​នៅ​កម្ពុជា​ថា​ ​គេ​មាន​ក្តី​ស្រមៃ​មួយ​ ​គឺ​ចង់​លេង​តំណាង​ឱ្យ​ប្រទេសជាតិ​ក្នុង​ក្រុមជម្រើសជាតិ​កម្ពុជា​៕​

  • មាន​ពាក្យ​អ្វី​ជូនពរ​ ​Honda​ ​ទេ​?​ ​ថ្ងៃនេះ​ជា​ថ្ងៃខួបកំណើត​ ​ឈាន​ចូល​ ​33ឆ្នាំ​របស់​អ្នកចាត់ការ​ក្រុមជម្រើសជាតិ​កម្ពុជា​

    មាន​ពាក្យ​អ្វី​ជូនពរ​ ​Honda​ ​ទេ​?​ ​ថ្ងៃនេះ​ជា​ថ្ងៃខួបកំណើត​ ​ឈាន​ចូល​ ​33ឆ្នាំ​របស់​អ្នកចាត់ការ​ក្រុមជម្រើសជាតិ​កម្ពុជា​

    ​កាលពី​ពេល​ថ្មី​ៗ​នេះ​ ​អ្នកចាត់ការ​ក្រុមជម្រើសជាតិ​កម្ពុជា​ ​Keisuke​ ​Honda​ ​ទើបតែ​នាំ​ភាព​ជោគជ័យ​មក​ជូន​កម្ពុជា​ ​ក្រោយពី​បាន​ដឹកនាំ​ក្រុមជម្រើសជាតិ​កម្ពុជា​ឱ្យ​ឆ្លងផុត​វគ្គ​ជម្រុះ​ ​World​ ​Cup​ ​ជុំ​ដំបូង​។​ ​នៅ​ថ្ងៃទី13​ ​ខែមិថុនា​ ​ឆ្នាំ2019នេះ​ ​គឺជា​ថ្ងៃកំណើត​ទី33​ ​របស់​អតីត​កីឡាករ​ខ្សែប្រយុទ្ធ​លេខ1​ ​របស់​ជប៉ុន​។​

    ​Keisuke​ ​Honda​ ​គឺជា​ជនជាតិ​ជប៉ុន​មួយ​រូប​ដែល​ដក់​ចិត្តស្រឡាញ់​កម្ពុជា​ ​ក្រោយពេល​ដែល​មក​កម្ពុជា​ ​លើកដំបូង​ក្នុងនាម​ជា​កីឡាករ​ជម្រើសជាតិ​ជប៉ុន​ក្នុង​វគ្គ​ជម្រុះ​ក្នុង​ពូល​ជាមួយនឹង​កម្ពុជា​។​ ​ដោយសារ​មើលឃើញ​ពី​សម្ទុះ​នៃ​អ្នកគាំទ្រ​ ​និង​ទឹកចិត្ត​ខំប្រឹង​ប្រែង​លេង​របស់​កីឡាករ​កម្ពុជា​ ​កីឡាករ​រូប​នេះ​បាន​ចំណាយ​ទុន​ជាច្រើន​ក្នុង​ការដឹកនាំ​ក្លិប​បាល់ទាត់​ខេត្តសៀមរាប​ ​រហូត​ក្រុម​មួយ​នេះ​បាន​ឡើង​មកលេង​នៅ​លី​ក​កំពូល​កម្ពុជា​។​

    ​ដោយសារ​ស្រឡាញ់​បាល់ទាត់​កម្ពុជា​ខ្លាំងពេក​ ​ក្នុង​ឆ្នាំ2018​ ​រូបគេ​ក៏បាន​ស្ម័គ្រចិត្ត​ដឹកនាំ​ក្រុមជម្រើសជាតិ​កម្ពុជា​ ​ដោយ​មិន​យក​កម្រៃ​អ្វី​ទាំងអស់​រយៈពេល​ ​2ឆ្នាំ​ ​ដូច​ពាក្យ​ដែល​កីឡាករ​រូប​នេះ​ ​បាន​និយាយ​កាលពី​ ​4ឆ្នាំមុន​ ​បន្ទាប់ពី​ជួយ​ឱ្យ​ជប៉ុន​យកឈ្នះ​កម្ពុជា​ ​2ទល់នឹង0​ ​ថា​ ​”​រូបគេ​នឹង​ត្រឡប់​មក​ជួយ​បាល់ទាត់​កម្ពុជា​ ​ដោយសារតែ​ចូលចិត្ត​បាល់ទាត់​កម្ពុជា​”​៕​


    ​