Author: អេបិល

​អ្នកចាត់ការ​ក្រុមជម្រើសជាតិ​កម្ពុជា​ ​ត្រូវ​បាន​ក្លិប​បាល់ទាត់​មួយ​ដែល​ទើបតែ​បាន​ឡើង​មកកាន់​លី​ក​កំពូល​អ៊ីតាលី​ ​Brescia​ ​Calcio​ ​ចាប់អារម្មណ៍​ ​ហើយ​អាច​នឹង​ផ្ទេរ​ទៅលេង​ក្នុង​ក្លិប​មួយ​នេះ​នារ​ដូវ​កាល​ក្រោយនេះ​តែម្តង​។​
​
​យោង​តាម​សារព័ត៌មាន​អ៊ីតាលី​មួយ​ ​calciomercato​ ​កាលពី​ពេល​ថ្មី​ៗ​នេះ​បាន​ចុះផ្សាយ​ពាក្យ​ចចាមអារ៉ាម​ថា​ ​ក្លិប​ទើប​ឡើង​មក​លី​ក​កំពូល​អ៊ីតាលី​ ​Brescia​ ​Calcio​ ​បាន​ចាប់អារម្មណ៍​ក្នុង​ការ​នាំ​យក​អតីត​កីឡាករ​ដែល​ធ្លាប់​មាន​បទ​ពិសោធ​នៅ​លី​ក​កំពូល​អ៊ីតាលី​ ​AC​ ​Milan​ ​ទៅ​ចូលរួម​ជាមួយ​ក្រុម​របស់​ខ្លួន​ ​ជាមួយនឹង​ការផ្ទេរ​ដោយ​គ្មាន​តម្លៃ​ខ្លួន​ ​ខណៈ​ដែល​អ្នកចាត់ការ​ទូទៅ​ ​និង​ជា​កីឡាករ​វ័យ​ ​32ឆ្នាំ​រូប​នេះ​កំពុង​ស្ថិត​ក្នុង​ស្ថានភាព​ទំនេរ​គ្មាន​ក្លិប​ប្រកប​អាជីព​ជាមួយ​ក្រោយ​ផុត​កិច្ចសន្យា​ជាមួយ​ក្លិប​ ​Melbourne​ ​Victory​ ​របស់​អូស្ត្រាលី​រួចមក​៕​

​ក្រុមហ៊ុន​ ​Nike​ ​និង​ ​Premier​ ​League​ ​បាន​សហការ​គ្នា​អស់​រយៈពេល​ ​20ឆ្នាំ​មក​ហើយ​ក្នុង​ការផលិត​បាល់​ដើម្បី​ប្រើប្រាស់​គ្រប់ការ​ប្រកួត​ទាំងអស់​ក្នុង​ក្របខ័ណ្ឌ​ ​Premier​ ​League​។​

​ចំពោះ​រដូវ​កាល​ថ្មី​ឆ្នាំ2020​ ​ខាងមុខនេះ​ ​បាល់​ដែល​មានឈ្មោះ​ថា​ ​Nike​ ​Merlin​ ​នេះ​ ​ត្រូវ​បាន​សម្រិតសម្រាំង​ឡើង​ដោយ​ភ្ជាប់​ជាមួយនឹង​បច្ចេកវិទ្យា​ ​Nike’s​ ​All​ ​Conditions​ ​Control​ ​(​ACC​)​ ​ជា​មួយ​នឹង​ព​ណ៍​ភ្លឺ​ ​និង​ស្អាត​ ​ដែល​ធ្វើ​ឱ្យ​លេចធ្លោ​នៅ​គ្រប់​ស្ថានភាព​ ​ទោះបីជា​ក្នុង​អាកាសធាតុ​បែប​ណាក៏ដោយ​ ​ក៏​គេ​អាច​មើលឃើញ​បាល់​មួយ​នេះ​ច្បាស់ជា​ជាង​បាល់​ប្រភេទ​ដទៃ​។​

​គួរ​បញ្ជាក់​ផង​ដែរ​ថា​ ​រដូវ​កាល​ឆ្នាំ2019​ ​ក្រុមបាល់ទាត់​ ​Manchester​ ​City​ ​គឺជា​ម្ចាស់​ជើងឯក​នៅ​លី​ក​អង់គ្លេស​ ​English​ ​Premier​ ​League​ ​ក្រោយ​ឆ្លងកាត់​ ​38ប្រកួត​ ​ឈ្នះ32​ ​ស្មើ2​ ​និង​ចាញ់4​ ​មាន​ ​98ពិន្ទុ​ ​ឈរ​ពីលើ​ ​Liverpool​ ​តែ​ ​1ពិន្ទុ​តែប៉ុណ្ណោះ​៕​

​

​ការប្រកួត​ពានរង្វាន់​ក្លិប​បាល់ទាត់​ក្នុង​សាល​ ​ឬ​ហ្វ៊ុ​ត​សាល​អាស៊ាន​ ​AFF​ ​Futsal​ ​Club​ ​Championship​ ​នឹង​ចាប់ផ្តើម​ហើយ​នៅពេល​ល្ងាច​នេះ​ ​ដោយក្រុម​ ​Downtown​ ​Sport​ ​តំណាង​ឱ្យ​កម្ពុជា​ ​ត្រូវ​ប៉ះ​ជាមួយនឹង​ក្រុម​ ​Melaka​ ​តំណាង​ឱ្យ​ម៉ាឡេស៊ី​ ​ម៉ោង​ ​4ល្ងាច​នេះ​ក្នុង​ជំនួប​បើកឆាក​នៃ​ពានរង្វាន់​នេះ​។​

គួរ​បញ្ជាក់​ផង​ដែរ​ថា​ ​AFF​ ​Futsal​ ​Club​ ​Championship​ ​2019​ ​ត្រូវ​បាន​ធ្វើឡើង​នៅ​ខេ​ត្ត​ណៈ​ខន​រ៉ា​តចៈ​ស៊ី​ម៉ា​ ​នៃ​ប្រទេស​ថៃ​ ​ដោយក្រុម​មក​ពី​កម្ពុជា​ ​(​Downtown​ ​Sport​)​ ​បាន​ស្ថិតនៅ​ក្នុង​ពូល​ ​B​ ​ជាមួយនឹង​ម៉ាឡេស៊ី​ ​(​Melaka​)​ ​និង​មីយ៉ាន់ម៉ា​ ​(​Imperial​ ​University​)​ ​ខណៈ​ដែល​ពូល​ ​A​ ​ក៏​មាន​ក្រុម​ចំនួន3​ ​ដែរ​គឺ​ ​ថៃ​ ​វៀតណាម​ ​និង​ឥណ្ឌូ​នេ​ស៊ី​៕​

​

​នៅ​បាំង​តែ​ ​1ខែ​ទៀត​ប៉ុណ្ណោះ​ ​ស្មា​ត​ហ្វូ​ន​ជំនាន់​ថ្មី​របស់​ក្រុមហ៊ុន​ ​Samsung​ ​នឹង​បង្ហាញខ្លួន​ហើយ​ ​ដែល​វា​នឹង​ធ្វើ​ឱ្យ​អ្នក​តាមដាន​ព័ត៌មាន​បច្ចេកវិទ្យា​ ​និង​អ្នកជំនាញ​ ​review​ ​ទូរស័ព្ទ​ទន្ទឹងរង់ចាំ​។​ ​
​
​យោង​តាម​ប្រភព​ពី​គេហទំព័រ​បច្ចេកវិទ្យា​នានា​ ​បាន​នាំគ្នា​វិភាគ​ពី​ថ្ងៃ​ប្រកាស​ ​ថ្ងៃ​ចេញ​លក់​ ​និង​ជម្រើស​តម្លៃ​ដូច​ខាងក្រោម​នេះ​៖​ ​
​
​ចំពោះ​ថ្ងៃខែ​ប្រកាស​ចេញ​ស៊េរី​ ​Note​ ​ជា​រៀងរាល់​ឆ្នាំ​ ​ក្រុមហ៊ុន​ ​Samsung​ ​តែង​ធ្វើ​នៅក្នុង​អំឡុង​ខែកក្កដា​ ​តាំងពី​ជំនាន់​ ​Note​ ​8​ ​មក​ម្ល៉េះ​។​
​-​Note​ ​8​ ​ប្រកាស​ចេញថ្ងៃ23​ ​ខែកក្កដា​ ​ឯ​ថ្ងៃ​ចេញ​លក់​ផ្លូវការ​ ​គឺ15​ ​សីហា​។​
​-​Note​ ​9​ ​ប្រកាស​ចេញថ្ងៃ9​ ​ខែកក្កដា​ ​ឯ​ថ្ងៃ​ចេញ​លក់​ផ្លូវការ​គឺ​ ​24​ ​កក្កដា​។​
​-​ដូចនេះ​ ​Note​ ​10​ ​អាច​នឹង​ប្រកាស​ថ្ងៃ8​ ​ខែកក្កដា​ ​ឯ​ថ្ងៃ​ចេញ​លក់​ផ្លូវការ​វិញ​ ​ប្រហែលជា​ថ្ងៃ23​ ​ខែកក្កដា​។​
​
​ចំពោះ​តម្លៃ​នៅ​ថ្ងៃ​ចេញ​លក់​ដំបូង​វិញ​ ​ស៊េរី​ ​Note​ ​ជា​រៀងរាល់​ឆ្នាំ​តាំងពី​ជំនាន់​ ​Note​ ​8​ ​មក​ ​មាន​ដូចជា​៖​ ​
​-​Note​ ​8​ ​ចេញ​លក់​ដំបូង​ ​ជម្រើស​មេ​ម៉ូ​រី​ ​64GB​ ​តម្លៃ​ ​929ដុល្លារ​(​មានតែ​មួយ​ជម្រើស​)​
​-​Note​ ​9​ ​ចេញ​លក់​ដំបូង​ ​ជម្រើស​មេ​ម៉ូ​រី​ ​128GB​ ​តម្លៃ​ ​999ដុល្លារ​ ​-​ ​មេ​ម៉ូ​រី​ ​512GB​ ​តម្លៃ​ ​1,249ដុល្លារ​។​ ​
​-​ដូចនេះ​ ​Note​ ​10​ ​អាច​នឹង​ចេញ​លក់​ដំបូង​ ​ជាមួយ​ជម្រើស​មេ​ម៉ូ​រី​ ​128GB​ ​តម្លៃ​ ​1,099​ ​ដុល្លារ​ ​-​ ​មេ​ម៉ូ​រី​ ​512GB​ ​តម្លៃ​ ​1,349ដុល្លារ​ ​-​ ​មេ​ម៉ូ​រី​ ​1TGB​ ​តម្លៃ​ ​1,699ដុល្លារ​។​ ​ឯ​ជម្រើស​ពណ៌​វិញ​ ​លើ​ ​Note​ ​10​ ​អាច​នឹង​មាន​ ​6ពណ៌​ឯណោះ​ ​រួម​ទាំង​សមត្ថភាព​កាមេរ៉ា​ ​ក៏​ខ្លាំង​រៀងគ្នា​ផង​ដែរ​៕​ ​

​Facebook​ ​បាន​ប្រកាស​ចេញ​រូបិយប័ណ្ណ​ឌីជីថល​ថ្មី​ជា​ផ្លូវការ​កាលពី​ថ្ងៃអង្គារ​ ​ខែមិថុនា​នេះ​ ​ដោយ​ឱ្យឈ្មោះ​ថា​ ​Libra​។​ ​នេះ​បើ​តាម​ការ​ចុះផ្សាយ​របស់​ ​The​ ​Verge​។

​បន្ថែម​ពីនេះ​បុគ្គលិក​ ​Facebook​ ​ដែល​សិក្សា​លើ​គម្រោងការណ៍​នេះ​ ​អាច​មាន​ជម្រើស​យក​ប្រាក់ចំណូល​ជា​រូបិយប័ណ្ណ​ឌីជីថល​នេះ​ ​ជំនួស​ឱ្យ​សាច់ប្រាក់​សុទ្ធ​ដែល​ស្រដៀងនឹង​ ​BitCoin​ ​ដែរ​។​ ​របាយការណ៍​កន្លងទៅ​បានឱ្យ​ដឹង​ថា​ ​ការ​ដាក់​ឱ្យ​ប្រើប្រាស់​រូបិយប័ណ្ណ​នេះ​លើស​កល​លោក​ ​នឹង​ចាប់ផ្ដើម​នៅ​ឆ្នាំ2020​ ​ខាងមុខ​។​ ​រូបិយប័ណ្ណ​ឌីជីថល​នេះ​នឹង​ត្រូវ​ប្រើប្រាស់​នៅ​លើ​ផលិតផល​ ​Facebook​ ​ដូចជា​ ​WhatsApp​,​ ​Messenger​ ​និង​ផ្សេង​ៗ​ទៀត​។​

​ជាង​នេះ​ទៅទៀត​ ​បណ្ដា​ហាង​ដែល​ទទួលយក​រូបិយប័ណ្ណ​ឌីជីថល​របស់​ ​Facebook​ ​សម្រាប់​ការ​ទូទាត់​ ​នឹងអាច​ទទួល​បាន​ប្រាក់​រង្វាន់​លើកទឹកចិត្ត​ទៀតផង​។​ ​សកម្មភាព​នេះ​ ​គឺ​ស៊ីគ្នា​នឹង​ការ​សម្រុក​ទៅកាន់​ផ្នែក​លក់ទំនិញ​អន​ឡា​ញរ​បស់​ ​Facebook​។

នៅក្នុង​កម្មវិធី​ ​F8​ ​ក្រុមហ៊ុន​ ​Facebook​ ​បាន​ប្រកាស​ពីមុខ​ងារ​ទិញ​ទំ​និញ​ថ្មី​ៗ​ដែល​នឹង​មក​ដល់​ឆាប់​ៗ​ ​ដូចជា​ ​អនុញ្ញាត​ឱ្យ​អ្នកប្រើ​ ​Instagram​ ​ទិញទំនិញ​ពី​គណនី​លក់ទំនិញ​ណាមួយ​ក៏បាន​។​ ​ឱ្យ​ហាង​ដាក់​បង្ហាញ​ផលិតផល​របស់​ខ្លួន​លក់​លើ​ ​WhatsApp​ ​និង​អនុញ្ញាត​ឱ្យ​អ្នកលក់​លើ​ ​Facebook​ ​Marketplace​ ​ដឹកទំនិញ​តាមរយៈ​កម្មវិធី​ ​Facebook​ ​នៅក្នុង​មួយ​ទ្វីបអាមេរិក​ ​ដើម្បី​ឱ្យ​ការទិញ​លក់​កាន់តែ​ងាយស្រួល​ឡើង​។​

ដើម្បី​សាង​ទំនុកចិត្ត​ពី​អ្នកប្រើ​ប្រាស់​ ​Facebook​ ​បាន​ស្វែងរក​ដៃគូ​បង្កើត​នូវ​ក្រុម​មួយ​ដើម្បី​គ្រប់គ្រង​រូបិយប័ណ្ណ​ថ្មីនេះ​។​ ​The​ ​Information​ ​បាន​សរសេរ​ថា​ ​Facebook​ ​បាន​ល្បួង​ស្ថាប័ន​ហិរញ្ញវត្ថុ​ ​និង​ក្រុមហ៊ុន​បច្ចេកវិទ្យា​ផ្សេងទៀត​ ​ដើម្បី​ចូលរួម​លើ​ក្រុម​ឯករាជ្យ​មួយ​ ​ដែល​នឹង​ជួយ​បណ្ដាក់ទុន​ ​និង​ជួយ​គ្រប់គ្រង​រូបិយប័ណ្ណ​ឌីជីថល​នេះ​។​

​វា​នឹង​មាន​អ្នកប្រើ​ប្រាស់​ធំជាង​រូបិយប័ណ្ណ​ឌីជីថល​មុន​ៗ​ទៀត​ ​ដោយមាន​មនុស្ស​ ​2.3​ ​ពាន់​លាន​នាក់​ប្រើប្រាស់​ ​Facebook​ ​ជុំវិញ​ពិភពលោក​នៅ​ត្រីមាស​ទី1​ ​ឆ្នាំ2019​ ​។​ ​នេះ​មិនទាន់​គិត​បញ្ចូល​ទាំង​ ​WhatsApp​ ​និង​ ​Instagram​ ​ផង​ ​ខណៈ​ដែល​ ​Facebook​ ​ពិតជា​សម្រេចជោគជ័យ​លើ​រូបិយប័ណ្ណ​ឌីជីថល​នេះ​មិនខាន​៕​

​
​

ដ្បិតថាវេទិកាអាស៑ានដែលប្រធានក្រុមBN Media អ្នកស្រីបូរ៉ានិចបានចូលរួមបង្ហាញត្រូវបានបញ្ចប់តាំងថ្ងៃទី១៥មិថុនានៅក្នុងប្រទេសកូរ៉េក៍គេកត់សម្គាល់ថាអ្នកស្រីនៅតែបង្ហាញមោទនភាព។ អ្នកស្រីថាសប្បាយចិត្តយ៉ាងខ្លាំងដែលអ្នកស្រីត្រូវបានអញ្ជើញឱ្យតំណាងកម្ពុជាក្នុងការច្នៃឈុតតំណាងជាតិដើម្បីឱ្យជនជាតិកូរ៉េស្លៀកបង្ហាញលើឆាកព្រឹត្តិការណ៍ដោយជនជាតិកូរ៉េដែលគ្រងឈុតកម្ពុជាម្នាក់នោះក៏ទទួលបានការចាប់អារម្មណ៍លើសលប់។ (more…)

​នៅ​ថ្ងៃទី​ ​17​ ​ខែមិថុនា​ ​ឆ្នាំ​ ​2019​ ​នេះ​ ​រោង​ភាពយន្ដ​ ​Prime​ ​Cineplex​ ​មានក​ត្តិ​យស​បាន​ដាក់​បញ្ចាំង​ភាពយន្ដ​ភាគ​ធំ​ដ៏​ល្បីល្បាញ​ប្រចាំ​ប្រទេស​កូរ៉េ​ ​ដែល​មាន​កំពូល​តារា​សម្ដែង​ឯក​លោក​ ​Rain​ ​គឺ​រឿង​ ​«​ ​កំពូល​អ្នក​ប្រណាំង​កង់​ ​អ៊ុម​ ​ប៊ុ​ក​ដុង​ ​»​ ​ដោយមាន​អ្នកគាំទ្រ​តម្រង់​ជួរ​រង​ចាំង​ទទួលសំបុត្រ​ចូល​ទស្សនា​រហូតដល់​ជិត​ ​៣០០​ ​នាក់​។​ ​អ្វី​ដែល​សំខាន់​ ​រោង​ភាព​យន្ដ​ប៉្រែម​ស៊ី​ណេភ្លិច​ ​មានបំណង​ចង់ឱ្យ​អ្នកគាំទ្រ​ ​បាន​ទស្សនា​រឿង​ប្រវត្តិសាស្ត្រ​ ​លាយ​លំ​ជាមួយ​ការ​តស៊ូ​មួយ​នេះ​ ​មិន​ខកខាន​។​

រៀប​រាប់​ត្រួស​ៗ​អំពី​ផ្ទៃរឿង​«​ ​កំពូល​អ្នក​ប្រណាំង​កង់​ ​អ៊ុម​ ​ប៊ុ​ក​ដុង​ ​»​ ​៖​ ​នៅមុន​សង្រ្គាម​លោក​លើក​ទី​ ​1​ ​ប្រជាជាតិ​កូរ៉េ​បាន​ស្ថិត​ក្រោម​ការត្រួតត្រា​ទាំងស្រុង​របស់​ជប៉ុន​។​ ​ក្បួនច្បាប់​ថ្មី​នៃ​ការរស់នៅ​ត្រូវ​បាន​បង្កើត​ឡើង​ពីសំណាក់​ជនជាតិ​ជប៉ុន​ ​ទុក្ខ​សម្រាប់​ឲ្យ​ប្រជាជន​កូរ៉េ​គោរព​នឹង​ប្រតិបត្តិ​តាម​។​ ​ពួកគេ​បាន​ស្គាល់​ពាក្យ​ថា​ ​បដិវត្តន៍​ ​បន្ទាប់ពី​បុរស​ម្នាក់​បាន​ឈ្នះ​ជ័យលាភី​ជាតិ​ ​តាមរយៈ​ការ​ ​ប្រកួត​ជិះកង់​ដែល​ម្នាក់​នោះ​មានឈ្មោះ​ថា​ ​អ៊ុម​ ​ប៊ុ​ក​ដុង​ ​Uhm​ ​BokDong​ ​។​ ​តើ​ ​ប៊ុ​ក​ដុង​ ​ជា​អ្នកណា​?​

​ប៊ុ​ក​ដុង​ ​បាន​ប្រសូត​ឡើង​ក្នុង​ត្រកូល​ក្រីក្រ​មួយ​នៅ​ ​#​ទីក្រុង​សេអ៊ូល​ ​ក្នុង​ឆ្នាំ1892​ ​។​ ​គាត់​បាន​ធំធាត់​ឡើង​ក្នុង​ជីវិត​ជា​អ្នកតស៊ូ​ជាមួយ​ក្តី​ស្រមៃ​ក្លាយជា​ ​អ្នក​ជិះកង់​ ​ដ៏​ល្បី​ល្បាញ់​ម្នាក់​។​ ​ជីវិត​វ័យ​ជំទង់​របស់​គាត់​គឺ​ ​ធ្វើជា​អ្នក​រត់​ឯកសារ​ ​ឲ្យ​ហាង​លក់​កង់​មួយ​កន្លែង​ដែល​ធ្វើឲ្យ​ ​ប៊ុ​ង​ដុង​ ​មាន​ភាព​ប៉ិនប្រសប់​ជា​ខ្លាំង​ក្នុង​ការ​ជិះកង់​។​ ​កង់​ដែល​គាត់​ជិះ​ជា​ប្រភេទ​កង់​ម៉ាក​ ​Rudge​ ​Whitworth​ ​របស់​ចក្រភព​អង់គ្លេស​ ​ផលិត​ឡើង​ដំបូង​ក្នុង​ឆ្នាំ​ ​1894​ ​នឹង​បាន​នាំចូល​មក​លក់​នៅ​កូរ៉េ​ ​ដោយក្រុម​ហ៊ុន​ដែល​ ​ប៊ុ​ក​ដុង​ ​ធ្វើការ​។​ ​ឆ្លៀតពេល​ទំនេរ​គាត់​ ​បាន​ចុះឈ្មោះ​ចូល​ ​ប្រកួត​កីឡា​ជិះកង់​ ​ក្នុង​ស្រុក​ជាច្រើន​នា​ពេលនោះ​ ​ដែល​ភាគច្រើន​សុទ្ធតែ​ទទួល​បាន​ភាព​ជោគជ័យ​។​ ​ប៊ុ​ក​ដុង​ ​បាន​យកឈ្នះ​កម្មវិធី​ប្រណាំង​កង់​ដ៏​ល្បី​មួយ​នៅ​សួន​ ​Jang​ ​Chung​ ​Dan​ ​ក្នុង​នរ​គ​ ​ជូ​សឹង​ ​Joseon​(​1392​-​1897​)​ ​ដែល​ធ្វើឲ្យ​ឈ្មោះ​គាត់​ល្បី​ល្បាញ់​យ៉ាង​ខ្លាំង​នាសម័យនោះ​។​

ភាព​ល្បី​ល្បាយ​នេះ​បាន​ធ្វើឲ្យ​ ​#​ប៊ុ​ក​ដុង​ ​ជាប់​ឈ្មោះ​ក្នុង​កម្មវិធី​ប្រណាំង​កង់​លក្ខណៈ​ជាតិ​មួយ​មានឈ្មោះ​ថា​ ​Kyung​ ​sung​ ​Civil​ ​Sports​ ​Day​ ​ឆ្នាំ​ ​1920​ ​ក៏​មានការ​ចូលរួម​ពី​បេក្ខភាព​ជប៉ុន​ផង​ដែរ​។​ ​នៅក្នុង​ដំណើរការ​នៃ​ការប្រកួត​នេះ​អាជ្ញា​កណ្តាល​កម្មវិធី​ជនជាតិ​ជប៉ុន​ ​បាន​បង្អាក់​ ​ប៊ុ​ក​ដុង​ ​មិន​ឲ្យ​ទទួល​បាន​ជ័យលាភី​(​បែប​ប្រើ​ល្បិច​ផ្តួល​កង់​នៅមុន​ពេល​ជិតដល់​ទី​)​។​ ​ភ្លាម​នោះ​ដោយមាន​ការ​កើតទុក្ខ​មិនសុខចិត្ត​ ​គាត់​បាន​រត់​ទៅ​បំបាក់​ទង់ជ័យ​លាភី​ ​តំណាង​ឲ្យ​កម្មវិធី​ចោល​ ​ទុក្ខ​ជា​ការ​មិន​ទទួលស្គាល់​កម្មវិធី​នេះ​ដោយហេតុថា​មានការ​លម្អៀង​ពីសំណាក់​អាជ្ញា​កណ្តាល​ជប៉ុន​។

​ព្រឹត​ត្តិ​ការណ៍​នេះ​បាន​បង្ក​ភាព​ជម្រោង​ចម្រាស​យ៉ាង​ខ្លាំង​រវាង​ប្រជាជន​កូរ៉េ​ ​និង​ជប៉ុន​ ​ក្រោយ​ ​#​ប៊ុ​ក​ដុង​ ​ហ៊ាន​ចេញមុខ​ប្រឆាំង​ ​ជាហេតុ​ធ្វើឲ្យ​ប្រជាជាតិ​ខ្លួន​មាន​ថាមពល​ផ្លូវចិត្ត​បំផុសគំនិត​រិះរក​វិធី​ដោះស្រាយ​ដើម្បី​បាន​សេរីភាព​ឡើងវិញ​។​ ​ថ្ងៃ​នៃ​ការ​វិល​ត្រលប់​ ​ឬ​ ​Gwangbokjeol​ ​ជា​ពាក្យ​តំណាង​ឲ្យ​សេរីភាព​ ​ក្រោយពី​កូរ៉េ​ទទួល​បាន​ឯករាជ្យ​នៅ​ឆ្នាំ​ ​1945​ ​ស្រប​ពេល​សង្រ្គាម​លោក​លើក​ទី2​ ​ត្រូវ​បាន​បញ្ចប់​ ​តាមរយៈ​ការ​ ​ចូលរួម​បដិវត្តន៍​ប្រឆាំង​នឹង​ការ​គ្រប់គ្រង់​របស់​ជប៉ុន​ ​ពី​ប្រជាជាតិ​កូរ៉េ​ទាំងមូល​។​

​នៅមុន​ពេល​ទទួល​បាន​ឯករាជ្យ​ ​ប៊ុ​ក​ដុង​ ​បាន​ឈ្នះ​កា​រប្រ​កួន​ដ៏​ធំ​មួយ​ក្នុង​ការ​ជិះកង់​រយៈ​ប្រវែង​ ​10,000m​(​ដប់ពាន់​ម៉ែត្រ​)​ ​សម្រេច​តាម​ក្តី​ស្រមៃ​របស់​ខ្លួន​ក្នុង​វ័យ​ ​40ឆ្នាំ​ ​ក្នុង​ឆ្នាំ1932​។​ សង្រ្គាម​ស៊ីវិល​មួយ​បាន​ផ្ទុះឡើង​រវាង​ ​កូរ៉េខាងជើង​ ​និង​ ​កូរ៉េ​ខាងត្បូង​ ​អំឡុង​ឆ្នាំ1950​ ​ធ្វើឲ្យ​គាត់​នឹង​គ្រួសារ​បែកបាក់​គ្នា​ ​ប្រពន្ធ​និង​កូន​ស្លាប់​ ​ចំណែក​តា​ចាស់​វ័យ​ ​60​ ​ឆ្នាំ​បាន​បង្ខំចិត្ត​ភាស​ខ្លួន​ឡើងលើ​ភ្នំ​ ​ដើម្បី​សុវត្ថិភាព​ ​រហូតដល់​ចុងឆ្នាំ​ ​1951​ ​មានដំណឹង​មួយ​ថា​ ​វីរបុរស​ប្រណាំង​កង់​ ​ខាងលើ​បាន​ស្លាប់​ជាមួយ​បន្ទុះ​គ្រាប់បែក​បង្កៃ​ចោល​លើ​ភ្នំ​បាត់​ទៅ​ហើយ​។​ ​រឿងរ៉ាវ​របស់​គាត់​បាន​ចងក្រង​ឡើង​យក​មក​ផលិត​ជា​ភាពយន្ត​ដោយ​ ​អ្នកដឹង​នាំ​រឿង​ឈ្មោះ​ ​Kim​ ​Yusung​ ​ចូលរួម​សម្តែង​ដោយ​តារា​ឯក​ ​Rain​ ​ជាមួយនឹង​តា​រា​ល្បី​ៗ​ជាច្រើន​ទៀត​ប្រចាំ​ប្រទេស​កូរ៉េ​ ​។​

ចង់​ដឹង​ថា​ ​«​ ​កំពូល​អ្នក​ប្រណាំង​កង់​ ​អ៊ុម​ ​ប៊ុ​ក​ដុង​ ​»​ ​ទស្សនា​ហើយ​រំជួលចិត្ត​ប៉ុនណា​នោះ​ ​សូមកុំ​មក​ទិញ​សំបុត្រ​ទស្សនា​ភាពយន្ដ​ចាប់​បញ្ចាំង​ពី​ថ្ងៃទី​ ​18​ ​ខែមិថុនា​ ​ឆ្នាំ​ ​2019​ ​នេះ​តទៅ​ហើយ​ ​នៅ​រោង​ភាពយន្ដ​ ​ប្រ៉ែម​ស៊ី​ណេភ្លិច​៕​