Author: អេបិល

​ក្រុម​ ​Down​ ​Town​ ​Sport​ ​(​កម្ពុជា​)​ ​បាន​ទទួល​កៅអី​ឡើង​ទៅ​វគ្គ​ផ្តាច់ព្រ័ត្រ​រួចស្រេច​ទៅ​ហើយ​ក្នុង​ពានរង្វាន់​ក្លិប​ហ្វ៊ុ​ត​សាល​ដ៏​ធំជាង​គេ​របស់​តំបន់​អាស៊ាន​ ​AFF​ ​Futsal​ ​Club​ ​Championship​ ​2019​ ​ក្រោយពី​យកឈ្នះ​ក្រុម​ ​Melaka​ ​(​ម៉ាឡេស៊ី​)​ ​ដោយ​លទ្ធផល​ ​5ទល់នឹង4​។​

​ទោះបីជា​ទើបតែ​ប្រកួត​បាន​ ​1លើក​ ​និង​ឈ្នះ​ ​1លើក​ហ្នឹង​ក្ដី​ ​ប៉ុន្តែ​ ​3ពិន្ទុ​ដែល​ ​Down​ ​Town​ ​Sport​ ​ទទួល​បាន​នេះ​ ​វា​ល្មម​គ្រប់គ្រាន់​អាច​ឱ្យ​ក្រុម​កម្ពុជា​មួយ​នេះ​ឡើង​ទៅ​វគ្គ​បន្ត​បាន​បាត់​ទៅ​ហើយ​ ​ដោយសារតែ​ក្នុង​ ​1ពូល​មាន​ ​3ប្រទេស​ ​ហើយ​ក្រុម​មក​ពី​ម៉ាឡេស៊ី​ខាងលើ​ទើបតែ​ចាញ់​ក្រុម​ ​Myanmar​ ​Imperial​ ​(​មីយ៉ាន់ម៉ា​)​ ​កាលពី​ម្សិលម្ង៉ៃ​ ​ដោយ​លទ្ធផល​ ​7ទល់1​។​

​បន្ទាប់ពី​ចប់​ការប្រកួត​នេះ​ ​Down​ ​Town​ ​Sport​ ​(​កម្ពុជា​)​ ​នឹង​ត្រូវ​ជួប​ក្រុម​ ​Myanmar​ ​Imperial​ ​University​ ​របស់​មីយ៉ាន់ម៉ា​វិញ​ម្ដង​នៅ​ថ្ងៃទី20​ ​ខែមិថុនា​(​ថ្ងៃនេះ​)​ ​ដើម្បី​កាត់សេចក្ដី​រក​ក្រុម​ឈរ​កំពូល​តារាង​ ​និង​ឡើង​ទៅ​វគ្គ​ពាក់កណ្ដាល​ផ្ដាច់ព្រ័ត្រ​ជា​បន្ត​៕​

​

​កាលពី​ពេល​ថ្មី​ៗ​នេះ​ ​ក្លិប​បាល់ទាត់​កំពូល​នៃ​តារាង​លី​ក​កំពូល​ថៃ​ ​Buriram​ ​United​ ​FC​ ​ទើបតែ​បាន​ផ្តាច់​កុងត្រា​កីឡាករ​កម្ពុជា​ ​ច្រឹង​ ​ពលរដ្ឋ​ ​ដែល​ជា​កីឡាករ​កូតា​អាស៊ាន​របស់​ក្លិប​មួយ​នេះ​ ​ក្រោយពី​ ​ពលរដ្ឋ​ ​មានរបួស​រយៈពេល​យូរ​ ​មិន​អាច​ជួយ​ក្រុម​បាន​។​
​
​មិនទាន់​បាន​ប៉ុន្មាន​ផង​ ​ពេលនេះ​ក្លិប​ថៃ​ដ៏​ល្បី​មួយ​នេះ​បាន​ចុះ​កុងត្រា​យក​កីឡាករ​កូតា​អាស៊ាន​ម្នាក់​មក​បំពេញ​ក្រុម​របស់​ខ្លួន​សម្រាប់​ជើង​ទី2​ ​នា​ពេល​ខាងមុខនេះ​ជា​កីឡាករ​ខ្សែការពារ​សញ្ជាតិ​ហ្វ៊ីលី​ពីន​ ​ដែល​មានឈ្មោះ​ថា​ ​Kevin​ ​Ingreso​។​
​
​គូរ​បញ្ជាក់​ផង​ដែរ​ថា​ ​កីឡាករ​កូតា​អាស៊ាន​ ​3រូប​ចាស់​របស់​ក្លិប​នេះ​ ​រួមមាន​ ​Stéphane​ ​Palla​ ​(​ហ្វ៊ីលី​ពីន​)​ ​Javier​ ​Patino​ ​(​ហ្វ៊ីលី​ពីន​)​ ​ឬ​ ​Luong​ ​Xuan​ ​Truong​ ​(​វៀតណាម​)​ ​នឹង​ត្រូវ​មាន​ម្នាក់​ចាកចេញ​ ​ក្រោយ​ចប់​ជុំ​ទី1​ ​នេះ​ ​ព្រោះ​ច្បាប់​របស់​លី​ក​កំពូល​ថៃ​ ​តម្រូវ​ឱ្យ​មាន​កីឡាករ​អាស៊ាន​យ៉ាងច្រើន​បំផុត​តែ​ ​3រូប​ប៉ុណ្ណោះ​ក្នុង​ក្រុម​នី​មួយ​ៗ​៕​
​

​ធារី​ ​ចន្ថា​ប៊ី​ន​ ​ដែល​កំពុង​ប្រកប​អាជីព​បាល់ទាត់​នៅ​ឯ​លី​ក​កំពូល​របស់​ម៉ាឡេស៊ី​ ​បាន​ទាត់បាល់​ស៊ុត​បញ្ចូល​ទី​បាន​ ​1គ្រាប់​ហើយ​សម្រាប់​រដូវ​កាល2019​ ​ដែល​នេះ​ក៏​ជាគ្រាប់​ទី2​ ​ដែរ​ក្នុង​ការ​ប្រកប​អាជីព​របស់​គេ​នៅ​ឯ​លី​ក​កំពូល​ម៉ាឡេស៊ី​។

កាលពី​រដូវ​កាលមុន​(​ឆ្នាំ2018​)​ ​ធារី​ ​ចន្ថា​ប៊ី​ន​ ​ក៏​រក​គ្រាប់​បាល់​បាន​ ​1គ្រាប់​ផង​ដែរ​។​ ​ដូចនេះ​បើ​គិត​មកទល់​ពេលនេះ​ ​កីឡាករ​ខ្សែការពារ​ម្នាក់​នេះ​ ​រក​គ្រាប់​បាល់​បាន​សរុប​ ​2គ្រាប់​ហើយ​ ​ដោយ​បាន​ឈរ​ជា​កីឡាករ​កម្ពុជា​ដែល​រក​គ្រាប់​បាល់​បាន​ច្រើនជាង​គេ​នៅក្នុង​លី​ក​កំពូល​របស់​ម៉ាឡេស៊ី​ ​បន្ទាប់ពី​ចាន់​ ​វឌ្ឍនា​កា​ ​(​ខ្សែបម្រើ​-​ប្រយុទ្ធ​)​ ​ដែល​រកបាន​សរុប​ ​3គ្រាប់​។

​សរុប​មក​មាន​កីឡាករ​កម្ពុជា​ចំនួន​ ​4រូប​ហើយដែល​ទៅ​ប្រកប​អាជីព​នៅ​ម៉ាឡេស៊ី​ ​និង​មាន​កីឡាករ​ ​3រូប​ដែល​អាច​រក​គ្រាប់​បាល់​បាន​ដែល​រួមមាន​ ​ចាន់​ ​វឌ្ឍនា​កា​ ​(​3គ្រាប់​)​ ​ធារី​ ​ចន្ថា​ប៊ី​ន​ ​(​2គ្រាប់​)​ ​និង​កែវ​ ​សុខ​ផេង​ ​(​1គ្រាប់​)​៕​

​វីដេអូ​ប្រភេ​ទក្មេងៗ​ ​ឬហៅ​ថា​ ​Children’s​ ​content​ ​នៅ​លើ​កម្មវិធី​ ​Kids​ ​App​ ​អាច​នឹង​ត្រូវ​ ​YouTube​ ​ដកចេញ​វីដេអូ​រាប់ពាន់​រឿង​លែងឱ្យ​មានត​ទៅទៀត​។

តាម​ប្រភព​ពី​សារព័ត៌មាន​ ​The​ ​Wall​ ​Street​ ​Journal​ ​បានឱ្យ​ដឹង​ថា​ ​ប្រភេទ​វីដេអូ​ទាំងនោះ​បាន​ជះឥទ្ធិពល​អវិជ្ជមាន​ដល់​ការ​គិត​របស់​ក្មេង​ៗ​ ​ប្រសិនបើ​ដកចេញ​ ​វា​អាច​នឹង​ការ​ពារ​ក្មេង​ៗ​បាន​ពី​ការប៉ុនប៉ង​ណាមួយ​ពី​ជន​ឆ្លៀតឱកាស​ ​ព្រោះ​ក្មេង​ៗ​ចេះតែ​ចុច​លើ​តំណ​ភ្ជាប់​(​Link​)​ ​ផ្តេស​ផ្ដាស​ ​និង​ធ្វើ​យ៉ាងណា​ឱ្យ​តែ​ឃើញ​។​ ​តែ​យ៉ាងណាក្ដី​ ​គណៈ​គ្រប់គ្រង​ ​Google​ ​នៅ​មិនទាន់​សម្រេច​ថា​យ៉ាងណា​នោះ​ទេ​ ​ត្រូវ​រង់ចាំ​តាមដាន​ ​និង​សិក្សា​លម្អិត​បន្ថែម​ទៀត​៕​

​

​កាលពី​ពេល​ថ្មី​ៗ​នេះ​ ​ឧបករណ៍​សម្រាប់​អាន​ ​ឬ​សៀវភៅ​អេឡិចត្រូនិក​ ​ត្រូវ​បាន​បញ្ចេញ​លក់​ប្រភេទ​ ​Kindle​ ​ជា​ប្រភេទ​មួយ​ដែល​មានមុខ​ងារ​ ​Night​ ​Mode​ ​ឬ​ ​Blue​ ​light​ ​សម្រាប់​ជំនួយ​ពន្លឺ​ភ្នែក​ពេល​អាន​អត្ថបទ​ ​ឬ​រឿង​អ្វីមួយ​។

​Kindle​ ​Oasis​ ​នេះ​មាន​ទំហំ​អេក្រង់​ប៉ុន​សៀវភៅសរសេរ​(​A5​)​ ​មានកម្រិត​ភាព​ច្បាស់​ ​1,680​ ​x​ ​1,264​ ​មាន​មេ​ម៉ូ​រី​ ​8GB​ ​និង​ ​32GB​។​ ​បំពាក់​បច្ចេកវិទ្យា​មិន​ជ្រាប​ទឹក​ ​IPX8​ ​មាន​ជម្រើស​ ​4G​ ​LTE​ ​ប្រើ​រន្ធ​ ​Micro​ ​USB​ ​ជំនួស​ឱ្យ​ ​USB​-​C​។​ ​ចំពោះ​ជម្រើស​មាន​ភ្ជាប់​ ​Wi​-​Fi​ ​និង​ ​4GLTE​ ​ត្រូវ​បាន​ចាប់ផ្ដើម​ដាក់​ឱ្យ​កុម្ម៉ង់​ទិញ​ក្នុង​តម្លៃ​ខ្ទង់​ ​249ដុល្លារ​។​ ​ខណៈ​ដែល​ម៉ូដែល​មានតែ​ ​4GLTE​ ​មាន​មេ​ម៉ូ​រី​ ​32GB​ ​តម្លៃ​ចាប់ផ្ដើម​គឺ​ ​369ដុល្លារ​។​ ​ឧបករណ៍​នេះ​នឹង​បើក​ឱ្យ​ទិញ​ជា​សាធារណៈ​នៅ​ថ្ងៃទី​ ​24​ ​ខែកក្កដា​ ​ឆ្នាំ2019​៕​

ដើម្បី​បង្ក​លក្ខណៈ​ងាយស្រួល​ក្នុង​កា​រដឹក​ញ្ជូន​អ្នកដំណើរ​តាមរយៈ​រថយន្តក្រុង​សាធារណៈ​ ​រដ្ឋបាល​រាជធានី​ភ្នំពេញ​បាន​ត្រៀម​ដាក់​ឱ្យ​ដំណើរការ​ផ្លូវ​អាទិភាព​មួយចំនួន​ក្នុង​រាជធានី​ភ្នំពេញ​ ​សម្រាប់​ការ​ដឹកជញ្ជូន​ខ្សែរថ​យន្ត​ក្រុង​ស្វយ័ត​របស់​រដ្ឋ​ប្រកបដោយ​ភាព​រហ័ស​ទាន់ចិត្ត​ ​និង​កាត់បន្ថយ​គ្រោះថ្នាក់​ចរាចរណ៍​។​

ឯកឧត្តម​ ​ឃួង​ ​ស្រេង​ ​អភិបាល​រាជធានី​ភ្នំពេញ​បាន​អៈអាង​ថា​ ​ការកំណត់​ផ្លូវ​អាទិភាព​សម្រាប់​រថយន្តក្រុង​សាធារណៈ​នេះ​ ​គឺ​ដើម្បី​កែ​លម្អ​ប្រព័ន្ធ​ដឹកជញ្ជូន​តាមរយៈ​មធ្យោបាយ​សាធារណៈ​រួម​មួយ​នេះ​ឱ្យ​កាន់តែ​ទទួល​បាន​ប្រជាប្រិយ​ភាព​ ​ពោល​គឺ​ទាក់ទាញ​អ្នក​ជិះ​ឱ្យ​បាន​កាន់​ច្រើន​ ​ដែល​ជួយ​កាត់បន្ថយ​ការប្រើ​ប្រាស់​មធ្យោបាយ​ផ្ទាល់ខ្លួន​ ​សំដៅ​រំដោះ​ការ​កកស្ទះ​ចរាចរណ៍​យ៉ាង​មានប្រសិទ្ធភាព​។​ ​ ​អភិបាល​រាជធានី​ភ្នំពេញ​ ​បាន​បញ្ជាក់​ឱ្យ​ដឹង​ថា​ ​រដ្ឋបាល​រាជធានី​ភ្នំពេញ​ ​និង​ចាត់​ក្រុម​អ្នកជំនាញ​ចុះ​សិក្សា​ជាមួយ​ភាគី​ជប៉ុន​ដើម្បី​កំណត់​បណ្តាញ​ផ្លូវ​មួយចំនួន​ជា​ផ្លូវ​ឯកទិស​ ​និង​ផ្លូវ​អាទិភាព​សម្រាប់​រថយន្តក្រុង​សាធារណៈ​ ​បាន​បើកបរ​ដោយ​គ្មាន​ការ​រំខាន​ ​និង​ឧបសគ្គ​អ្វីមួយ​កើតឡើង​។
​
​ ​ឯកឧត្តម​អភិបាល​បាន​អៈអាង​ថា​ ​រដ្ឋបាល​រាជធានី​ភ្នំពេញ​នឹង​ពន្លឿន​ការ​ធ្វើ​កិច្ចការ​នេះ​ឱ្យ​បាន​ឆាប់​ជាទីបំផុត​ ​ដើម្បី​ដោះស្រាយ​បញ្ហា​កកស្ទះ​ចរាចរណ៍​ដែល​កំពុង​កើតឡើង​ជា​ញឹកញាប់​នៅក្នុង​រាជធានី​ភ្នំពេញ​ ​និង​កាត់បន្ថយ​ការ​រំខាន​ដល់​ការ​ធ្វើដំណើរ​របស់​ប្រជាពលរដ្ឋ​ប្រកបដោយ​ភាព​ងាយស្រួល​ ​និង​ធានា​សុវត្ថិភាព​។​

​ ​ថ្លែង​ក្នុង​ពិធីសម្ពោធ​ដាក់​ឱ្យ​ប្រើប្រាស់​ស្ថានីយ​ចំណតរថយន្ត​ក្រុង​ ​និង​ទទួល​រថយន្តក្រុង​ពី​រដ្ឋាភិបាល​ជប៉ុន​នៅ​ព្រឹក​ថ្ងៃទី19​ ​ខែមិថុនា​នេះ​ ​ឯកឧត្តម​ ​ឃួង​ ​ស្រេង​ ​បាន​បញ្ជាក់​បន្ថែម​ថា​ ​គម្រោង​កែ​លម្អ​ផ្លូវ​អាទិភាព​សម្រាប់​រថយន្តក្រុង​សាធារណៈ​នៅ​រាជធានី​ភ្នំពេញ​នេះ​ ​គឺ​ដោយសារតែ​បណ្តា​ផ្លូវ​ខ្សែ​រត់​រថយន្តក្រុង​មួយចំនួន​ ​មានការ​ចត​យានយន្ត​គ្មាន​សណ្តាប់​ធ្នាប់​ ​ហើយ​មានការ​រំលោភ​លើ​ចំណី​ផ្លូវ​សាធារណៈ​ដែល​បង្ក​ការ​រំខាន​ដល់​ការ​ធ្វើដំណើរ​របស់​រថយន្តក្រុង​ពុំ​បាន​លឿន​រហ័ស​ទាន់ចិត្ត​។
​
​ ​ឯកឧត្តម​ ​ហូរី​ណូ​អ៊ូ​ជិ​ ​ហ៊ី​ដេ​ហ៊ី​សា​ ​ឯកអគ្គ​រាជទូត​ជប៉ុន​ប្រចាំ​កម្ពុជា​ ​បាន​មានប្រសាសន៍​ថា​ ​មធ្យោបាយ​ដឹកជញ្ជូន​តាមរយៈ​រថយន្តក្រុង​ ​គឺ​មានផល​ប្រយោជន៍​ច្រើន​សម្រាប់​ទីក្រុង​ ​និង​មាន​សុវត្ថិភាព​សម្រាប់​អ្នកដំណើរ​ ​ដូច្នេះ​ការ​គាំទ្រ​របស់​ប្រជាពលរដ្ឋ​នឹង​ជួយ​ជំរុញ​ឱ្យ​រាជធានី​ភ្នំពេញ​ដោះស្រាយ​បាន​បញ្ហា​កកស្ទះ​ចរាចរណ៍​។​

សូម​បញ្ជាក់​ថា​ ​មកដល់ពេលនេះ​ ​រដ្ឋបាល​រាជធានី​ភ្នំពេញ​បាន​ដាក់​ឱ្យ​ដំណើរការ​សេវា​រថយន្តក្រុង​សាធារណៈ​បាន​ចំនួន​ ​13ខ្សែ​នៅ​តាម​បណ្តា​ផ្លូវ​សំ​ខាន់​ៗ​ក្នុង​រាជធានី​ភ្នំពេញ​ ​ហើយ​ជាមធ្យម​ក្នុង​ ​1ថ្ងៃ​ៗ​មាន​ប្រជាពលរដ្ឋ​ធ្វើដំណើរ​តាមរយៈ​សេវាកម្ម​មួយ​នេះ​ចន្លោះ​ពី​ ​2ម៉ឺន6ពាន់​នាក់​ ​ទៅ3ម៉ឺន​នាក់​៕​

​
​