រាជធានីភ្នំពេញ៖ នៅថ្ងៃអាទិត្យទី ៣០ ខែមិថុនា ឆ្នាំ២០១៩ ខាងមុខនេះ ស្រាបៀរ Tiger នឹងរៀបចំការចាប់រង្វាន់លើកទីពីរសម្រាប់កម្មវិធីអាពាហ៍ពិពាហ៍រដូវកាលឆ្នាំ ២០១៨-២០១៩។
កម្មវិធីពិសេសនេះនឹងមានការផ្សាយផ្ទាល់លើកញ្ចក់ទូរទស្សន៍ MyTV ចាប់ពីម៉ោង
៨៖០០យប់ ដល់ ៨៖៣០យប់ ដោយមានការចូលរួមសម្តែងដ៏អស្ចារ្យពីកំពូលតារាចម្រៀងល្បីប្រចាំព្រះរាជាចក្រកម្ពុជាគឺ អ្នកនាង ឱក សុគន្ធកញ្ញា ដើម្បីផ្តល់ការកម្សាន្តសប្បាយជូនទស្សនិកជន។
កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរTiger សម្រាប់កម្មវិធី
អាពាហ៍ពិពាហ៍របស់ខ្លួន។ សម្រាប់ការចាប់រង្វាន់លើកទីពីរនេះ ស្រាបៀរ Tiger នឹងប្រគល់រង្វាន់ដំណើរកម្សាន្តនៅទីក្រុងស៊ីដនីប្រទេសអូស្រ្តាលី ជាមួយនឹងទឹកប្រាក់ ១៥០០ ដុល្លារ ចំនួន ៥ រង្វាន់។
តើគូស្វាមីភរិយារូបណាខ្លះជាម្ចាស់រង្វាន់ផ្តាច់ព្រ័ត្រដ៏អស្ចារ្យទាំងនេះ?
សូមកុំភ្លេចចូលរួមទស្សនា និងតាមដានទាំងអស់គ្នា!!!
ពិសាដោយការទទួលខុសត្រូវ៕ 
Author: អេបិល
ស្រាបៀរ Tiger នឹងចាប់រង្វាន់លើកទី ២ នៅថ្ងៃអាទិត្យទី ៣០ ចុងសប្តាហ៍នេះ
ឱក សុគន្ធកញ្ញា សួរអ្នកគាំទ្រថា ៖ « ប្អូនស្គាល់ទូទឹកកកទេ ? » (មើលវីដេអូ)
តារាស្រី ឱក សុគន្ធកញ្ញា មួយរយៈចុងក្រោយនេះ ទើបតែបានបង្ហាញមុខវិញនៅក្នុងកម្មវិធីផ្សេងៗ បន្ទាប់អ្នកនាងបានបញ្ចប់ដំណើរក្រេបទឹកឃ្មុំជាមួយជាមួយស្វាមីនៅបរទេស។ មិនត្រឹមជោគជ័យទាំងស្នេហា និងការងារនោះទេ តែនៅជីវិតក្រៅឆាកខ្លះ នាងធ្លាប់ខកចិត្តនិងឈរយំយែកលែងខ្មាសFan ក៏មាន ដែលទាំងអស់នេះគឺជាការបង្ហាញពីទំនាក់ទំនងស្អិតរមួតជាមួយអ្នកគាំទ្ររបស់ ឱក សុគន្ធកញ្ញា។
វីដេអូកំប្លែងខ្លីរបស់តារាស្រី ឱក សុគន្ធកញ្ញា ដែលបានបង្ហោះនៅពេលមុននេះបន្ដិច លើបណ្ដាញសង្គមហ្វេសប៊ុក បានធ្វើឱ្យមហាជនជាច្រើនចាប់អារម្មណ៍ចំពោះពាក្យ « ទូទឹកកក » ។ ស្រាប់តែក្នុងវីដេអូខ្លីមានរយៈពេលមិនដល់ 2 នាទីផងនោះ អ្នកនាង ឱក សុគន្ធកញ្ញា បានដើរបង្ហាញទូទឹកកក ហើយសួរទៅកាន់អ្នកគាំទ្រថា ៖ « ប្អូនស្គាល់ទូទឹកកកទេ ? បើមិនស្គាល់បងបើកឱ្យមើល » ។ ពាក្យសំដីចាក់ដោតនេះ ធ្វើឱ្យអ្នកលេងបណ្ដាញសង្គមនាំគ្នាស៊ែរវីដេអូបន្ដបន្ទាប់ ដោយភ្ជាប់ជាមួយពាក្យថា « ទូទឹកកកលូវហើយ »។
សូមទស្សនាវីដេអូខាងក្រោមនេះ ៖ 
អ្នកកាសែតស្រីដំបូងរបស់ប្រទេសជប៉ុន មិនបោះបង់អាជីពប្រមាញ់រូបភាពក្នុងវ័យ 101 ឆ្នាំ
តាមរយៈសារព័ត៌មានបរទេសបានចេញផ្សាយនៅពេលថ្មីៗនេះ បានឱ្យដឹងថា នៅវ័យជរា 101 ឆ្នាំ អ្នកកាសែតស្រីល្បីម្នាក់ជាជនជាតិជប៉ុន មានឈ្មោះ Tsuneko Sasamoto ត្រូវបានគេចាត់ទុកថា ជាស្ត្រីដំបូងរបស់ប្រទេសជប៉ុនដែលមិនព្រមបោះបង់អាជីពជាអ្នកប្រមាញ់រូបភាពលើទំព័រសារព័ត៌មាន ដែលសមត្ថភាពរបស់លោកយាយត្រូវបានពោលសរសើរពីសំណាក់មហាជនទូទាំងពិភពលោក។
លោកយាយ Sasamoto បានចាប់អាជីពអ្នកសារព័ត៌មាន និងប្រម៉ាញ់រូបភាពគ្រប់ហេតុការណ៍នៅប្រទេស ចាប់តាំងពីអាយុ 25 ឆ្នាំ ហើយបានចងក្រងឯកសារប្រវត្តិសាស្ត្រជាង 70 ឆ្នាំ ដែលរួមបញ្ចូលទាំងប្រវត្តិមុន និងក្រោយសង្គ្រាមរបស់ប្រទេសជប៉ុន។ រូបភាពជាច្រើនរបស់លោកយាយ ត្រូវគូសបញ្ជាក់ពីការផ្លាស់ប្តូរយ៉ាងខ្លាំងក្លារបស់ប្រទេសជប៉ុនពីរបបផ្តាច់ការទៅជាមហាអំណាចសេដ្ឋកិច្ច និងផលប៉ះពាល់សង្គមដែលកើតចេញពីរបបនោះ។
យ៉ាងណាមិញ លោកយាយ Sasamoto បានជួបការលំបាកខ្លាំងដែលធ្វើឱ្យប៉ះពាល់ដល់ការបន្ដអាជីពប្រម៉ាញ់រូបភាពនេះនៅអំឡុងឆ្នាំ 2011 ក្នុងវ័យ 97 ឆ្នាំ ជាហេតុធ្វើឱ្យលោកដកខ្លួនមួយរយៈ។ លោកយាយបានសម្រេចចិត្តបោះពុម្ភផ្សាយពីរូបភាពរបស់លោកយាយ ជាសៀវភៅមានចំណងជើង Hyakusai no Finder និងសៀវភៅ Centenarian’s Finder ដែលជាសៀវភៅចំគម្រប់អាយុ 100 ឆ្នាំរបស់លោកយាយ។ លោកយាយបានសម្រិតសម្រាំងរូបភាពបង្ហាញពីស្នាដៃ និងទេពកោសល្យខ្លួន ហើយដាក់តាំងបង្ហាញឱ្យសាធារណៈជនបានចូលទស្សនាក្នុងកម្មវិធីតាំងពិព័រណ៍។
សូមជម្រាបផងដែរថា ជីវប្រវត្តិ និងការតស៊ូខិតខំប្រឹងប្រែងប្រលូកក្នុងអាជីពជាអ្នកប្រមាញ់រូបភាពនៅលើទំព័រសារព័ត៌មានរបស់លោកយាយ Tsuneko Sasamoto ត្រូវបានក្រុមហ៊ុនផលិតភាពយន្ដធំមួយ កំពុងតែរៀបចំផលិតជាភាពយន្ដខ្នាតធំ ហើយគ្រោងដាក់បញ្ចាំងនៅលើផ្ទាំងសំពត់សក្នុងរោងកុនផងដែរ។ លោកយាយ Sasamoto បានប្រាប់ថា បើមិនចង់បោះបង់ ឬរុញរាជាមួយអាជីពនេះទេ ត្រូវចងចាំពាក្យមួយឃ្លានេះ « អ្នកមិនគួរប្រែក្លាយជាមនុស្សខ្ចិល ហើយចាំបាច់បំផុតនិងត្រូវប្រយ័ត្នខ្លាំងក្នុងការថែរក្សាជីវិតរបស់អ្នក គឺមិនព្រមចុះចាញ់»៕
ពិភពលោកកំពុងភ្ញាក់ផ្អើលហេតុការណ៍បាក់អគាររលំនៅខេត្តព្រះសីហនុ
មកទល់ត្រឹមយប់រំលងអធ្រាត្រឈានចូលថ្ងៃទី24 មិថុនា ឆ្នាំ2019នេះ ចំនួនអ្នកស្លាប់ និងរងរបួស ត្រូវបានគេរកឃើញថាបានកើនបន្ថែមទៀតហើយ ដោយបានរកឃើញសាកសព2នាក់បន្ថែមទៀត នៅក្នុងគំនរអគាររលំនៅខេត្តព្រះសីហនុ។ ហេតុការណ៍សោកនាដកម្មនេះក៏កំពុងរញ្ជួយផ្អើលពិភពលោកក្នុងប៉ុន្មានថ្ងៃនេះផងដែរ។
បើតាមក្រុមប្រតិបត្តិការសង្គ្រោះបានឱ្យដឹងថា គិតត្រឹមម៉ោង8៖38នាទី ព្រឹកថ្ងៃទី24 ខែមិថុនា ឆ្នាំ2019នេះ ចំនួនអ្នកស្លាប់កើនដល់25នាក់ និងអ្នករបួស24នាក់ ក្រោយក្រុមសង្គ្រោះបានរកឃើញសាកសពបុរសម្នាក់ទៀត នៅក្នុងគំនរបាក់បែកនៃអគារ។ តុល្យការចុងក្រោយនៃឧបទ្ទវហេតុរលំអគារនេះ បានបណ្តាលឱ្យមនុស្សស្លាប់ និងរងរបួសចំនួន49នាក់ ក្នុងនោះស្លាប់ចំនួន25នាក់ (ស្រី4នាក់) ហើយអ្នករងរបួសចំនួន24រូប (ស្រី2នាក់)។ ក្រុមសង្គ្រោះនៅតែបន្តបេសកកម្មស្វែងរកមនុស្ស ដែលសង្ស័យថា អាចមាននៅក្នុងគំនរអគារដួលរលំនេះបន្តទៀត។
សូមជម្រាបថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បន្ទាប់ពីត្រឡប់មកពីចូលរួមក្នុងកិច្ចប្រជុំកំពូលអាស៊ាន នៅទីក្រុងបាងកក ប្រទេសថៃ ដល់មាតុភូមិកម្ពុជាវិញ មិនបានប៉ុន្មានម៉ោងផង ក៏ធ្វើដំណើរទាំងយប់ឆ្ពោះទៅកាន់ក្រុងព្រះសីហនុ ដើម្បីពិនិត្យមើលស្ថានភាព នៃការជួយសង្គ្រោះមនុស្សចេញពីគំនរអគារដែលបាក់រលំអគារ ដែលកើតឡើងកាលពីថ្ងៃទី22 ខែមិថុនា ឆ្នាំ2019 នៅក្នុងក្រុងព្រះសីហនុ៕
សណ្ឋាគារ Himawari Hotel Apartments ប្រារព្ធពិធី “ថ្លៃងអំណរគុណភ្ញៀវ និងគម្រប់ខួប 18ឆ្នាំ”
ភ្នំពេញ៖ ថ្ងៃសុក្រ ទី21 ខែមិថុនា ឆ្នាំ2019 សណ្ឋាគារ Himawari Hotel Apartments បានរៀបកម្មវិធីថ្លៃងអំណរគុណភ្ញៀវ ដែលពិធីនោះបានប្រារព្ធឡើងក្នុងឪកាសគម្រប់ខួប18ឆ្នាំ របស់សណ្ឋាគារតែម្តង កម្មវិធីទាំងមូលត្រូវបានរៀបចំធ្វើឡើងនៅក្នុងសាលប្រជុំ Sun Flower Ballroom ដែលមានការអញ្ជើញចូលរួមពីសំណាក់ភ្ញៀវកិត្តិយសប្រមាណជាង 350នាក់ ជាពិសេសកម្មវិធីប្រារព្ធឡើងក្នុងគោលបំណងថ្លៃងអំណរគុណដល់អតិថិជន ដែលតែងតែបន្តការគ្រាំទ្រសេវាកម្មរបស់សណ្ឋាគារ Himawari Hotel Apartments អស់រយៈពេល18ឆ្នាំមកហើយ និងការប្តេជ្ញាបន្តភាពជាដៃគូរដ៏យូរអង្វែងជាមួយអតិថិជន។
កម្មវិធីមានរួមបញ្ចូលទាំងការជូនវត្ថុអនុស្សារីយ៍ទៅកាន់ភ្ញៀវកិត្តិយស ការតាំងពិពណ៌គំនូរ Foo Art ការបង្ហាញម៉ូតសំលៀកបំពាក់ខ្មែរពី Sentosa Silk និង ម៉ាក Sui Joh និងការទស្សនៈកិច្ចបន្ទប់ថ្មីៗ ដែលទើបតែឌីស្សាញហើយថ្មីៗ កម្មវិធីមានការចាប់រង្វាន់ជាច្រើនជូនដល់ភ្ញៀវកិត្តិយស និងមានបម្រើអាហារ ជាមួយភេសជ្ជៈ តាមបែបប្រទេសសិង្ហបុរី ព្រមទាំងមានស្រាក្រហម និងស្រាបៀរស្រស់ និងថ្មីៗ ពីសណ្ឋាគារ Himawari Hotel Apartments។
នាល្ងាចនោះផងដែរ សិល្បះករគំនូរដ៏ល្បីល្បាយមួយរូបគឺលោក Foo Kwee Horng ដែលជាជនជាតិសិង្ហបុរី លោកបានគូរគំនូរជាច្រើនពីទីតាំងតំបន់ទេសចរណ៍របស់ប្រទេសកម្ពុជា ដែលគាត់ទៅកៅសាន្តនៅទីនោះមានដូចជា៖ ទីក្រុងភ្នំពេញ ក្រុងកែប ខេត្តកំពត និងខេត្តសៀមរាបជាដើម។ ដោយគាត់បានលក់រូបគំនូរទាំងអស់នោះដើម្បីយកថវិកាឧបត្ថមទៅអង្គការ St John ភ្នំពេញ ដែលជាអង្គការក្រៅរដ្ឋាភិបាលមួយដែលបានប្តេជ្ញាជួយជំរុញផ្នែកសុខភាព និងសុខមាភាពរបស់ប្រជាជនកម្ពុជា តាមរយៈការបង្រៀនពីរបៀបការសង្គ្រោះបឋម និងការផ្តល់ការការសង្គ្រោះបឋមជាសាធារណៈនៅក្នុងព្រឹត្តិការមួយចំនួនដែលកើតមានឡើងក្នុងទីក្រុងភ្នំពេញ ហើយអង្គការ St John ក៏ជាអង្គការដែលបានផ្តល់ជំនួយសប្បុរសធម៌មកកាន់ប្រទេសកម្ពុជា។ ដោយមានការគ្រាំទ្រពីអគ្គនាយកសណ្ឋាគារ Himawari Hotel Apartments គឺលោក Andrew Tay រូបគំនូរបស់លោក Foo Kwee Horng ត្រូវបានលក់ទៅអោយក្រុមហ៊ុនសិង្ហបុរីក្នុងប្រទេសកម្ពុជាមួយចំនួនដែលមានដូចជាធានាគារ Phillip Bank ជាដើម ដែលគាត់បានទិញគំនូរមួយចំនួន ហើយចំណូលដែលពីការលក់ផ្ទាំងគំនូរមួយរយភាគរយនៃនឹងត្រូវបានផ្តល់ជូនទៅអង្គការ St. Jonh ភ្នំពេញ។
ការិយាល័យសន្និបាត និងពិព័រណ៍ថៃ (TCEB) បង្កើតកម្មវិធី ដែលមានឈ្មោះថា “TIME 2019” ដើម្បីបង្កើនឱកាសអាជីវកម្មសម្រាប់ប្រទេស អាស៊ាន + 6
ការិយាល័យសន្និបាតនិងពិព័រណ៍ថៃ (Thailand Convention and Exhibition Bureau, TCEB) គឺជាអង្គការសាធារណៈមួយដែលត្រូវបានបង្កើតឡើងដោយព្រះរាជក្រឹត្យ ដែលបានចុះផ្សាយនៅថ្ងៃទី 28 ខែកញ្ញាឆ្នាំ 2002 ដើម្បីលើកកម្ពស់ប្រទេសថៃជាទិសដៅសម្រាប់កិច្ចប្រជុំ ការលើកទឹកចិត្ត ការធ្វើសន្និសីទ និងការរៀបចំតាំងពិព័រណ៍ ដែលត្រូវបានស្គាល់ដោយអក្សរកាត់ ”MICE” និងដើម្បីអភិវឌ្ឍឧស្សាហកម្មប្រមូលផ្តុំនេះយ៉ាងខ្លាំងក្លា ដើម្បីធ្វើឱ្យប្រទេសថៃក្លាយជាមជ្ឈមណ្ឌលប្រចាំតំបន់សម្រាប់ព្រឹត្តិការណ៍ MICE។
TCEB ដើរតួជាអ្នកផ្សព្វផ្សាយ និងជាប្រភពនៃសេវាកម្មផ្តល់ការប្រឹក្សាដ៏ជំនាញទៅលើ កិច្ចប្រជុំ និងកម្មវិធីលើកទឹកចិត្ដ ដែលជាប្រភពព័ត៌មានមួយដំបូន្មាន និងអនុសាសន៍មួយស្តីពីការលើកកម្ពស់កិច្ចប្រជុំថ្នាក់អន្តរជាតិ និងការធ្វើដំណើរទៅកាន់ប្រទេសថៃ ជួយសមាគមអន្ដរជាតិក្នុងការរៀបចំអនុសញ្ញានៅក្នុងប្រទេសថៃ និងសេវាតាំងពិព័រណ៍ ដោយជួយក្នុងការរៀបចំការតាំងពិពណ៌ខ្នាតកណ្តាល និងខ្នាតធំ លំដាប់អន្តរជាតិ។
ការិយាល័យសន្និបាត និងពិព័រណ៍ថៃ (TCEB) សមាគមលើកទឹកចិត្ត និងសន្និបាតថៃ (Thailand Incentive and Convention Association, TICA) និង SITE Thailand Chapter បានបង្ហាញពីឧស្សាហកម្មដ៏ល្អបំផុតសម្រាប់ MICE ដែលនឹងពង្រីកឱកាសអាជីវកម្មសម្រាប់ប្រតិភូ ដែលចូលរួមក្នុងការលើកទឹកចិត្ត និងការផ្លាស់ប្តូរកិច្ចប្រជុំថៃ (Thailand Incentive & Meeting Exchange, TIME) 2019, ព្រឹត្តិការណ៍ប្រចាំឆ្នាំរបស់ TCEB នេះ ចាប់ពីថ្ងៃទី10 ដល់ថ្ងៃទី15 ខែមិថុនា ឆ្នាំ2019 នៅក្នុងទីក្រុងបាងកក និងនៅខេត្តភូកេត ដែលជាខេត្តពេញដោយសក្តានុពលខាងវិស័យទេសចរណ៍ និងធួរកិច្ច និងជាខេត្តធំទី2នៅក្នុងប្រទេសថៃ។
នៅក្នុងព្រឹត្តការ ដែលមានឈ្មោះថា “TIME 2019” TCEB បានរៀបចំកិច្ចប្រជុំចំនួន40 អ្នករៀបចំកម្មវិធីលើកទឹកចិត្ត (MI) និងអ្នករៀបចំគម្រាង មកពីបណ្តាប្រទេសអាស៊ាន +6 ដែលជាកិច្ចប្រជុំដ៏សំខាន់ និងជាទីផ្សារដ៏ធំរបស់ប្រទេសថៃ។ TCEB បានបង្កើតយុទ្ធសាស្រ្តដែលមានភាពស៊ីសង្វាក់គ្នាក្នុងការដាក់ទីតាំង TCEB ជាមេដឹកនាំគំនិតសហបង្កើត អ្នកសហការ និងភាពជាដៃគូ ដើម្បីភាពជោគជ័យរបស់ MICE ទាំងអស់។
TIME 2019 ត្រូវបានរៀបចំឡើងតាមរយៈការសហការជាមួយ ក្រុមហ៊ុនអាកាសចរណ៍ Bangkok Airways, ក្រុមហ៊ុនអាកាសចរណ៍ Thai Airways International (THAI) និង BMW (ប្រទេសថៃ) ក្រោមកិច្ចព្រមព្រៀងរួមគ្នាមួយ។ វាគឺជាយុទ្ធសាស្រ្តជំនួញរួមមួយដែលផ្តោតលើវប្បធម៌អាស៊ី ដើម្បីលើកកម្ពស់ភាពជាដៃគូ និងការកម្សាន្ដជាមូលដ្ឋានសម្រាប់ទំនាក់ទំនងអាជីវកម្មដ៏រឹងមាំមួយ។គំនិតរួមគ្នា (Togetherness) នៅក្នុងកម្មវិធី TIME 2019 មាន 3ចំណុចសំខាន់ៗគឺ ការធ្វើសិក្ខាសាលាស្តីពី ”ការផ្លាស់ប្តូរចំណេះដឹង” និង ”ការដោះដូរពាណិជ្ជកម្ម” រវាង 40 សហគ្រិនថៃ MICE និងអ្នករៀបចំព្រឹត្តិការណ៍ 40 MI ត្រូវបានប្រារព្ធធ្វើឡើងនៅថ្ងៃទី11 ខែមិថុនា នៅទីក្រុងបាងកក បន្ទាប់មកគឺមានដំណើរទស្សនកិច្ច ’ផ្លាស់ប្តូរបទពិសោធន៍’ ដើម្បីផ្លាស់ប្តូរបទពិសោធន៍វប្បធម៌គ្នាទៅវិញទៅមកនៅក្នុងខេត្តភូកេត នៅស្រុក Phang Nga ពីថ្ងៃទី12 ដល់ថ្ងៃទី15 ខែមិថុនា ដែលមានប្រទេសចំនួន12ប្រទេសចូលរួម ដែលមានដូចជា ប្រទេសម៉ាឡេស៊ី សិង្ហបុរី ចិន ឥណ្ឌូណេស៊ី ហ្វីលីពីន ថៃ កម្ពុជា ឡាវ មីយ៉ាន់ម៉ា វៀតណាម ឥណ្ឌា និងប្រទេសអូស្ត្រាលី។
ព្រឹត្តិការណ៍នេះនឹងក្លាយទៅជាព្រឹត្តិការណ៌ជាតិដែលជំរុញឱ្យមានការរីកចម្រើននៃកិច្ចប្រជុំ ការលើកទឹកចិត្ត និងការពង្រីកអាជីវកម្មនៅក្នុងប្រទេសថៃ ដែលព្រឹត្តិការណ៍នេះគឺជាឆ្នាំទី4 របស់ TCEB ជាមួយនឹងគំនិតរួមគ្នា - ការរួមបញ្ចូលសមត្ថភាពនៃគ្រប់វិស័យទាំងអស់នៅក្នុងប្រទេសថៃ ដើម្បីពង្រីកកិច្ចសហប្រតិបត្តិការថ្នាក់តំបន់ និងភាពខុសគ្នា ដើម្បីជ្រៀតចូលទៅក្នុងទីផ្សារអាស៊ាន +6៕
គួរឱ្យសរសើរ!! សិល្បករខ្មែរស្លៀកពាក់បែបទសវត្សរ៍ទី៦០ បំផុសគំនិតជិះស៊ីក្លូ ដើម្បីទេសចរណ៍
នាព្រឹកថ្ងៃទី២២ ខែមិថុនា ឆ្នាំ២០១៩នេះ អ្នកនាង យុគ ចិន្តា និង អ្នកនាង ចន ច័ន្ទលក្ខិណា បានបំផុសតុបតែងកាយយ៉ាងស្រស់ប្រណិតក្នុងឈុតទសវត្សរ៍ទី៦០ ដើម្បីចូលរួមអភិរក្សកម្មវិធី«ជិះស៊ីក្លូដើម្បីទេសចរណ៍» រៀបចំធ្វើឡើងនាត្រើយម្ខាងរាជធានីភ្នំពេញ។
ថ្លែងក្នុងឱកាសនោះ អ្នកនាង យុគ ចិន្តា បានឱ្យដឹងថាអ្នកនាងពេញចិត្តចូលរួមការលើកកម្ពស់វិស័យស៊ីក្លូខ្មែរឱ្យកាន់តែល្អតាមការរៀបចំពីទីភ្នាក់ងារទេសចរណ៍។ យើងដឹងហើយថា ស៊ីក្លូខ្មែរយើងបានជួយសម្រួលការដឹកជញ្ជូនគ្រប់យ៉ាងនាសម័យមុន។
យ៉ាងណាមិញ អ្នកនាងយុគ ចិន្តាបានប្តេជ្ញាយ៉ាងមុតមាំថា និងចូលរួមបំផុសចលនាស៊ីក្លូខ្មែរឱ្យគង់វង្សដើម្បីថែទាំនិងការពារពិសេសលើកមុខផ្នែកទេសចរណ៍។ នាឱកាសនោះឃើញមានវត្តមានតារាជាច្រើនចូលរួមកម្មវិធីខាងលើដូចជា ចន ច័ន្ទលក្ខិណា ហង្ស សុជាតា កញ្ញាហ្វីយ៉ា អ្នកនាងលីវ ម៉ូនីកា វ៉ាន់ លីលី លោក ស៊ីម សុវណ្ណដូឡា លោកឆាលី ព្រមទាំងតារាមួចំនួនទៀតផងដែរ៕
50 ឆ្នាំហើយ មរតកភាពយន្ដខ្មែរនៅអតីតកាលបានដាក់បញ្ចាំងនៅក្នុងប្រទេសថៃ
តាមរយៈប្រភពក្រុមអ្នកអភិរក្សភាពយន្ដអតីកាលក្នុងប្រទេសថៃ បានអះអាងថា នៅពេលនិយាយដល់ភាពយន្ដខ្មែរ ដែលជនជាតិថៃស្គាល់ច្បាស់ជាងគេបំផុតនោះគឺ រឿង « ពស់កេងកង » ដែលបានផលិតនៅ ព.ស 2513 ត្រូវនឹងឆ្នាំ 1970 ជាភាពយន្ដល្បីរន្ទឺមួយ រវាងការផលិតពីសំណាក់ផលិតករ ខ្មែរ-ថៃ ហើយបានចូលមកដាក់បញ្ចាំងនៅក្នុងប្រទេសថៃជាច្រើនរឿងទៀតដូចជា រឿង ខ្យងស័ង្ខ , រឿង ពស់កេងកង ភាគ 2 , រឿង នាងផ្តិលមាស, រឿង នាងសក់ក្រអូប , រឿង ធីតាឃ្លោកទិព្វ …ជាដើម ។ ទាំងនេះគឺជាភាពយន្ដសហផលិតកម្មកម្ពុជានិងថៃ ដែលបានផលិតនៅឆ្នាំ1970។ នៅមានភាពយន្ដមួយចំនួនទៀតរវាងប្រទេសទាំងពីរ ដែលមានគុណភាពល្អកំពុងរក្សាទុកនៅក្នុងប្រទេសថៃ។
នៅក្នុងនោះដែរ ក៏មានភាពយន្ដល្បីរន្ធឺ «ស្នេហ៍ឆ្លងវេហា» ជាភាពយន្តដែលបាត់ទៅជិត50ឆ្នាំមុន ដែលស្ទើរតែមិនជឿថា នៅតែរក្សាបាននៅគុណភាពល្អទាំងស្រុងនៅក្នុងប្រទេសថៃ ។ ស្នេហ៍ឆ្លងវេហា ឬ รักข้ามขอบฟ้า ជាភាពយន្តដែលផលិតឡើងពីសហផលិតកម្មកម្ពុជានិងថៃ ដែលបាននាំសម្តែងដោយ លោក ជា យុទ្ធថន និងលោកស្រី ឌី សាវ៉េត ( តារាខ្មែរ ) លោក សម្បត្តិ មេថានី និងលោកស្រី អរញ្ញយ៉ា ណាមវង្ស ( តារាថៃ ) សម្តែងរួមគ្នាដោយអមជាមួយបទចម្រៀង ស្នេហ៍ឆ្លងវេហា ដែលច្រៀងដោយ លោកតា ស៊ិនស៊ីសាមុត និង លោកស្រី ឌី សាវ៉េត ខណៈពេលចាក់បញ្ចាំងក្នុងប្រទេសកម្ពុជា ចំណែកប្រទេសថៃអមដោយបទ รักข้ามขอบฟ้า ដែលបកស្រាយដោយលោក សម្បត្តិ និងលោកស្រី អរញ្ញយ៉ា ។
យ៉ាងណាមិញ តាមការបញ្ជាក់របស់សារព័ត៌មានថៃ ឱ្យដឹងផងដែរថា ភាពយន្ដវ័យចំណាស់របស់កម្ពុជាទាំងនេះ មានខ្លះបានបាត់បង់នៅក្នុងភ្លើងសង្គ្រាម ហើយខ្លះទៀតក៏កំពុងស្រាវជ្រាវឯកសារដើម្បីយកមករក្សា និងអភិរក្សទុកឡើងវិញ។ ភាពល្បីល្បាញនៃវប្បធម៌ភាពយន្តខ្មែរនៅលើទឹកដីប្រទេសថៃ នៅខណះដែលកម្ពុជាបានបោះជំហានយ៉ាងវែងទៅមុខលើវិស័យភាពយន្តមុនប្រទេសថៃ។ នេះអាចនិយាយបានថា ប្រទេសថៃ យកភាពយន្តខ្មែរជាគ្រូ សម្រាប់អភិវឌ្ឈភាពយន្តរបស់គេ៕
កម្រងរូបភាពកម្រឃើញនៃការតុបតែងកាយតួរបាំក្នុងឆ្នាំ1949
នៅក្នុងទម្រង់របាំបុរាណខ្មែរ សម្លៀកបំពាក់ពិតជាមានសារៈសំខាន់ទាក់ទងនឹងសោភ័ណ្ឌភាព។ មុនពេលចេញសម្ដែងម្ដងៗ ក្រុមរបាំតែងតែពិនិត្យពិចៃចំពោះសម្លៀកបំពាក់តែងកាយឱ្យតឹងណែននឹងខ្លួនប្រាណ ហើយការស័ក្ដិសមនោះក៏ចាំបាច់អាចធ្វើឱ្យពួកគេធ្វើកាយវិការយ៉ាងងាយស្រួលផងដែរ។
ក្រឡែកទៅមើលអតីតកាលវិញ ការតុបតែងកាយរបស់នាដកានាម័យមុន ពិតជាមានសោភ័ណ្ឌប្រណីតដែលកម្រកនឹងបានឃើញខ្លាំងណាស់ ។ ឯកសារចាស់ៗបានបន្សល់ទុកតិចតួច ឱ្យកូនខ្មែរចងចាំពីសិល្បៈដូនតារបស់យើង។ ចង់ដឹងថា ការតុបតែងកាយតួរបាំ ពីសម័យបុរាណពិតជាល្អស្អាតបែបណានោះ សូមទស្សនារូបភាពខាងក្រោមនេះ ៖
រូបភាពពី៖ Gonzalo Cancino
ម៉ម ពេជ្ជរិទ្ធ ប្រកាសឈប់ធ្វើបទចម្រៀង រហូតណាអ្នករកស៊ីយូធូបនៅតែបន្ដលួចស្នាដៃយកទៅបង្ហោះ
មុននេះបន្ដិចស្រាប់តែនៅលើបណ្ដាញសង្គមហ្វេសប៊ុកគេមើលឃើញថា ម្ចាស់បទ« ឆ្ងាយ » បានបង្ហោះសារទៅកាន់មហាជនថា ខ្លួនត្រូវបានបរាជ័យកិច្ចការពារស្នារដៃខ្លួន ដោយការលួចស្នាដៃចម្រៀងរបស់ខ្លួនដែលបានខិតខំប្រឹងប្រែងធ្វើអស់រយៈពេលរាប់ខែ ទៅបង្ហោះយ៉ាងរប៉ាត់រប៉ាយ និងកេងចំណេញ គ្មានសណ្ដាប់ធ្នាប់ និង គ្មានការអនុញ្ញាត គ្មានភាពច្បាស់លាស់នៅលើយូធូប ហើយថែមទាំងព្រួតកម្ទេច Youtube Channel របស់សាមី ដោយចោទប្រកាន់ថា មិនមែនជាម្ចាស់ស្នាដៃទៅវិញ។
តារាចម្រៀងវ័យក្មេង ម៉ម ពេជ្ជរិទ្ធ បានអះអាងថា « ចម្រៀងមួយបទដែលខ្ញុំបានយកបេះដូងមកធ្វើ ត្រូវបានចែកចាយលើបណ្ដាញសង្គមដោយរប៉ាត់រប៉ាយ និងកេងចំណេញ គ្មានសណ្ដាប់ធ្នាប់ និង គ្មានការអនុញ្ញាត គ្មានភាពច្បាស់លាស់ ខ្ញុំប្រហែលជាត្រូវលាឈប់ពីអ្វីដែលខ្ញុំកំពុងធ្វើនៅថ្ងៃណាមួយឆាប់ឆាប់នេះ ដោយសារ រឿងដ៏តូចតាចមួយនេះ ។ ខ្ញុំសូមអរគុណបងប្អូនចាស់ក្មេងដែលស្រលាញ់ និងលើកទឹកចិត្តលើអ្វីដែលខ្ញុំប្រឹងប្រែង គ្មាននរណាម្នាក់មានកំហុសទេ ។ ខ្ញុំធ្លាប់ត្រូវបានគេព្រួតកម្ទេច Youtube Channel ដែលខ្ញុំបង្ហោះចម្រៀងរបស់ខ្ញុំម្តងរួចហើយដោយសារខ្ញុំព្យាយាមហាមឃាត់គេ ហើយខ្ញុំបានបរាជ័យកិច្ចការពារស្នារដៃខ្លួន រីឯ ការបង្ហោះចម្រៀងរបស់ខ្ញុំត្រូវបានផ្អាកដំណើរការ៦ខែរ ទៅ ៩ខែ ហើយត្រូវបាន(YouTube)គំរាមលុបចោលនៅអ្វីទាំងអស់ ព្រោះការកាត់ក្តីបែបអេឡិចត្រូនិក ចោតថាខ្ញុំមិនមែនជាម្ចាស់ស្នាដៃ ។ ” You have stolen my Art for your own business benefit »។
គួរបញ្ជាក់ផងដែរថា មហាជនជាច្រើនតែងតែទទូចចង់ឱ្យមានវិធានការទប់ស្កាត់ការលួចចម្លងបែបនេះ ប្រសិនបើគេមើលឃើញមានការរឹតបន្តឹងនិងបង្ក្រាបដែលបានធ្វើឱ្យថមថយការចេញរបស់ក្លែងក្លាយ ឬរបស់ចម្លងនោះទៅបាន គឺបានន័យថា វិធានការមួយនោះប្រសិទ្ធភាពរក្សាសិទ្ធបញ្ញា ទាំងប្រភេទផលិតផលសិល្បៈចម្រៀង និងភាពយន្ត។ តែជាអកុសល ច្បាប់កម្មសិទ្ធបញ្ញានៅប្រទេសកម្ពុជា ត្រូវបានគេមើលឃើញថា នៅមិនទាន់បានតឹងរ៉ឹងនៅឡើយទេ៕
