អេបិល - La Reine Media

មកទល់នឹងពេលនេះ Messi ឈានចូលវ័យ 32ឆ្នាំហើយ

ថ្ងៃនេះជាថ្ងៃខួបកំណើតរបស់កីឡាករបាល់ទាត់ដ៏ល្បីល្បាញ នៅលើពិភពលោក Lionel Messi ដែលគិតមកទល់នឹងពេលនេះ រូបគេមានវ័យ 34ឆ្នាំហើយ។

Lionel Messi ជាកីឡាករខ្សែប្រយុទ្ធរបស់ក្រុមជម្រើសជាតិ អាហ្សង់ទីន និងកំពុងលេងឱ្យក្លិប FC Bacelona បានកើតនៅប្រទេសអាហ្សង់ទីន ក្នុងទីក្រុង រ៉ូហ្សារីយូ ក្នុងឆ្នាំ1987៕

ចូលលេងឱ្យឈុតធំជិត 700ប្រកួត Messi ជួយ Barca ឈ្នះពាន La Liga 10ដង, Copa del Rey 6ដង, Champions League 4ដង និងពានផ្សេងៗជាច្រើនទៀត តែសម្រាប់ក្រុមជម្រើសជាតិរបស់ប្រទេសខ្លួនវិញ ហាក់មិនទាន់បានអ្វីជាដុំកំភួនឡើយ៕

June 26, 2019

កីឡាករវ័យក្មេងកម្ពុជា ចំនួន 24រូប នឹងទៅហ្វឹកហាត់នៅប្រទេសថៃ ជាង1សប្តាហ៍

កីឡាករវ័យក្មេងកម្ពុជាត្រូវបានគ្រូបង្វឹករបស់ក្លិប Totternham Hotspur ធ្វើការជ្រើសរើសយកទៅនៅក្នុងជំរំហ្វឹកហាត់បាល់ទាត់នៅប្រទេសថៃ រយៈពេលជាង 1សប្តាហ៍។

តាមរយៈក្រុមការងាររបស់ក្លិបដែលបានមកធ្វើការចែករំលែកបទពិសោធក៏ដូចជាកម្មវិធី Football Clinic ជាច្រើនលើកមកហើយនោះ គ្រូបង្វឹករបស់ក្លិបល្បីនៅអង់គ្លេសមួយនេះបានសម្រេចជ្រើសរើសកីឡាករវ័យក្មេងកម្ពុជា ចំនួន 24រូប ដើម្បីយកទៅធ្វើការហ្វឹកហាត់នៅជំរំហ្វឹកហាត់បាល់ទាត់នោះ។

កម្មវិធីហ្វឹកហាត់នេះគ្រោងនឹងចាប់ផ្តើមនៅថ្ងៃទី27 ខែកក្កដានេះ រហូតដល់ថ្ងៃទី04 ខែកក្កដា ឆ្នាំ2019ខាងមុខនេះ នៅរមណីយដ្ឋានសុខភាព និងពហុកីឡដ្ឋាន Thanyapura ប្រទេសថៃ៕

June 26, 2019

ផ្ទុះការលើកឡើង!! អ្នកលេងបណ្ដាញសង្គមទទូចឱ្យតារាស្រី ដួង ម៉ានិច និងប្អូនប្រុស ថៃ អតិជាតិបុត្រ បញ្ឈប់សម្ញែងភាពផ្អែមល្ហែមនៅលើហ្វេសប៊ុក

មួយរយៈចុងក្រោយនេះ តារាចម្រៀងវ័យក្មេង ថៃ អតិជាតិបុត្រ បានបង្ហោះវីដេអូ និងសារខ្លះៗផ្អែមល្ហែមទៅកាន់តារាសម្ដែងស្រី ដួង ម៉ានិច ដែលគេមើលឃើញថា អ្នកទាំងពីរចាប់ផ្ដើមទាញការចាប់អារម្មណ៍នៅលើបណ្ដាញសង្គមហ្វេសប៊ុកតាមរយៈការអូសក្រឡារបៀបខុសជំនាន។ តែយ៉ាងណាមិញ មានអ្នកលេងបណ្ដាញសង្គមជាច្រើននាក់សម្ដែងការមិនពេញចិត្ត និងពោលថា ហាក់បីដូចត្រលាន់ជាមួយភាពផ្អែមល្ហែមរបស់តារាទាំងពីរដួងនេះ។

ជាក់ស្ដែងនៅពេលព្រឹកថ្ងៃទី ២៦ ខែមិថុនា ឆ្នាំ ២០១៩ នេះ គេឃើញថាគ្រាន់តែតារាស្រី ដួង ម៉ានិច បង្ហោះសារ Take Care ពីថៃ អតិជាតិបុត្រ មកកាន់នាងភ្លាម ស្រាប់តែអ្នកលេងបណ្ដាញសង្គមជាច្រើនចូលទៅ Comment ឌឺដងភ្លាមៗថា « ខ្ញុំហត់អ្នកទាំងពីរណាស់ post sweet sweet រាល់ថ្ងៃឱ្យខ្ញុំមើលហើយ តាំងមកអង្គុយប្រកាច់ប្រកិនម្នាក់ឯង »។ ខ្លះទៀតនិយាយថា « សម្រាកសិនទៅមីង សម្ដែងរឺមែនទែនក៏គួរសម្រាកខ្លះ ខ្មាសអ្នកជិតខាង»។ មានខ្លះទៀតបានប្រើភាសាចាក់ដោតថា « ឃើញរាល់ថ្ងៃពេកទៅ ដូចអត់មានអីប្លែកសោះ រឿងផ្ទាល់ខ្លួនដល់ពេលបើករាល់ថ្ងៃចឹង គេជ្រេញម៉េចទេចែ បើទោះបីខ្ញុំហ្វេនគាត់នៅជ្រេញ ចុះទម្រាំគេផ្សេង? ខំទប់យូរហើយ ថាមិនចង់ខំមិនទេ តែដូចអត់ចប់សោះហ្មងចែ។ ល្បីមួយថ្ងៃពីរថ្ងៃបានហើយ តមកយូពេកទៅ ដូចគ្មានអីប្លែកទៀតទេ។ សុំចិត្ត ឈប់បានឈប់ទៅ គេមិនទើសចែមានស្នេហាជាមួយក្មេង ឬ ចាស់ទេ តែបេីចឹងៗរាល់ថ្ងៃអី បាត់ប្រជាប្រិយអស់ហេីយ។ សុំទោសបើនិយាយត្រង់ តែចង់ឱ្យចែល្អទេ ព្រោះខ្ញុំចូលចិត្តមើលរឿង ភ្លើង »។

ពាក់ព័ន្ធនឹងសកម្មភាពស្និតស្នាលដូចគូស្នេហ៍ខុសជំនាន់ ធ្វើឲ្យមហាជនមានមន្ទិលគ្រប់គ្នានោះ លោក ថៃ អតិជាតិបុត្រ បានប្រាប់អ្នកសារព័ត៌មានថា តាមពិតទៅសកម្មភាព ដែលគ្រប់គ្នាចាប់អារម្មណ៍មកលើខ្លួន ជាមួយ កញ្ញា ដួង មានិច នោះ មិនមែនជាការសម្តែង MV ឡើយ ពោលអ្នកទាំងពីរបានជួបគ្នាដោយចៃដន្យនៅកន្លែងកំសាន្តមួយ។ អ្វីដែលពិសេសរាល់សកម្មភាពដែល បង្ហោះក្នុងបណ្តាញសង្គម គឺគ្រាន់តែធ្វើលក្ខណៈលេងសើច កំសាន្តអារម្មណ៍ប៉ុណ្ណោះ ដោយមិនដឹងស្មានថា មានមហាជនចាប់អារម្មណ៍ខ្លាំងនោះឡើយ។ ខណៈគ្រប់គ្នាកំពុងគិតថា អ្នកទាំងពីរជាគូស្នេហ៍ខុសជំនាន់នោះ តារាវ័យក្មេងរូបនេះបានបកស្រាយទាំងមិន ដាច់ស្រឡះថា មានទំនាក់ទំនងស្គាល់គ្នា តែអាចយល់ចិត្តគ្នាជាងមិត្តភ័ក្ត អាចនិយាយបានថា ដល់ចំណុចមួយ លួចស្រឡាញ់ដួង ម៉ានិច តិចៗក៏ថាបាន….។ ទោះដឹងថាខ្លួនមានវ័យក្មេង មិនហ៊ានទៅស្រឡាញ់នារីវ័យ ច្រើនជាងខ្លួនក៏ពិតមែន តែលោកបុត្រ បានឲ្យដឹងថា ខ្លួននៅតែលេងស្និតស្នាលជាមួយ ដួង ម៉ានិច្ច ធម្មតា ព្រោះមានអារម្មណ៍ល្អជាមួយគ្នា។

មិនទាន់អស់នោះទេ លោក បុត្រ ថែមទាំងបង្ហើបថា ដួង ម៉ានិច មានអារម្មណ៍អៀនចំពោះខ្លួនទៀតផង ព្រោះសង្កេតឃើញថា ពេលនិយាយ ឬក្បែរគ្នា នាងមិនហ៊ានមើលមុខចំ ប្រហែលដោយសារ មិនធ្លាប់មានក្មេងណាទៅលេងស្និតជាមួយនាងក៏ថាបាន។ តែយ៉ាងណា នេះគ្រាន់តែជាការលើកឡើងរបស់ លោកបុត្រប៉ុណ្ណោះ៕

June 26, 2019

លោក វិបុល និងអ្នកនាង គង់ សុជាតិ ទទួលតំណែងវឯកអគ្គរដ្ឋទូតសុឆន្ទៈរថយន្តប្រណីត Ssangyong

នៅថ្ងៃទី25 ខែមិថុនាឆ្នាំ2019នេះ គេឃើញវត្តមានពិធីករលំដាប់ជាតិ និងអន្ដរជាតិពីររូបគឺ លោក វិបុល និងអ្នកនាង គង់ សុជាតិ បានចូលរួមការបើកដំណើរការជាសាធារណៈត្រូវបានប្រារព្ធធ្វើឡើងនៅក្នុងសាលតាំងលក់រថយន្ត Ssangyong Motors សាខាទី2 ស្ថិតនៅមហាវិថីសហព័ន្ធរុស្សី ក្នុងរាជធានីភ្នំពេញ។

អ្វីដែលគួរឱ្យភ្ញាក់ផ្អើលបំផុតនៅក្នុងព្រឹត្តិការណ៍នេះគឺ នៅពេលដែលក្រុមហ៊ុន SSANYONG បានប្រកាស និងណែនាំជាសាធារណៈនូវឯកអគ្គរដ្ឋទូតជាផ្លូវការរបស់រថយន្ត Musso Grand គឺលោកជា វិបុល និងភរិយាដ៏ស្រស្អាតរបស់លោក គឺលោកស្រី គង់ សុជាតិ។ គូស្វាមីភរិយាមួយគូនេះត្រូវបានគេចាត់ទុកថា ជាអ្នកដែលមានកេរ្ដិ៍ឈ្មោះល្បីល្បាញនៅក្នុងប្រទេសកម្ពុជា។ គូស្នេហ៍ទាំងពីរនេះបានធ្វើជាម្ចាស់លើរថយន្ត SSANYONG ហើយបានក្លាយជាផ្នែកមួយនៃជីវិតប្រចាំថ្ងៃរបស់ពួកគេ។

លោក វិបុល និងភរិយា អ្នកនាង គង់ សុជាតិ បានថ្លែងថា ៖ “រថយន្ត Ssangyong ដើរតួយ៉ាងសំខាន់នៅក្នុងជីវភាពរស់នៅប្រចាំថ្ងៃរបស់យើងដែលធ្វើឱ្យយើងមានសុវត្ថិភាព ទោះបីជាយើងស្ថិតក្នុងស្ថានភាពរវល់ និងលំបាកប៉ុណ្ណានោះទេ រួមទាំងគ្រួសារទាំងមូលរបស់យើងទៀតផង។ រថយន្តសាំងយុង គឺពិតជាផ្នែកមួយនៃគ្រួសាររបស់យើងពិតមែននាពេលនេះ។ អ្វីដែលយើងចូលចិត្តជាងគេបំផុតជាមួយនឹងរថយន្តសាំងយ៉ុង គឺភាពងាយស្រួល ដែលយើងមាន ហើយយើងមិនមានការព្រួយបារម្ភក្នុងការធ្វើដំណើរតាមដងផ្លូវនោះទេ”៕

June 26, 2019

ប្រាសាក់ស្វាគមន៍ការវិលវិញរបស់អតីតបុគ្គលិករបស់ខ្លួន

ប្រាសាក់ ជាគ្រឹះស្ថានហិរញ្ញវត្ថុធំជាងគេនៅកម្ពុជា និងជានិយោជកនៃជម្រើសដែលមានបុគ្គលិកជាង៨០០០នាក់កំពុងបម្រើការ បានប្រកាសថា ខ្លួនស្វាគមន៍គ្រប់អតីតបុគ្គលិកប្រាសាក់ទាំងអស់ ដែលមានបំណងចូលបម្រើការងារនៅប្រាសាក់វិញ ដោយគ្រឹះស្ថានរីករាយក្នុងការទទួលយកអតីតបុគ្គលិកទាំងអស់ មកចូលរួមបម្រើការជាមួយនឹងមហាគ្រួសារប្រាសាក់។

លោក ហឿន ហុន្នី នាយកនាយកដ្ឋានបុគ្គលិករបស់ប្រាសាក់បានលើកឡើងថា «ប្រសិនបើ លោក លោកស្រី នាងកញ្ញា ដែលធ្លាប់បម្រើការងារនៅប្រាសាក់ ហើយមានបំណងចង់ចូលបម្រើការងារជាមួយប្រាសាក់វិញ អាចវិលត្រលប់មកបម្រើការងារនៅប្រាសាក់បានជាធម្មតា។ ថ្នាក់គ្រប់គ្រង និងបុគ្គលិកប្រាសាក់ទាំងអស់សូមស្វាគមន៍យ៉ាងកក់ក្ដៅ និងរង់ចាំទទួលលោក លោកស្រីដែលជា អតីតបុគ្គលិកដែលចង់ចូលបម្រើការងារវិញដើម្បីរីកចម្រើនជាមួយគ្នា»។

លោកបន្តទៀតថា «ដូចដែលលោក លោកស្រីបានជ្រាបរួចស្រេច ប្រាសាក់ ជាគ្រឹះស្ថានដែលធំជាងគេក្នុងវិស័យហិរញ្ញវត្ថុ មានបទដ្ឋានការងារច្បាស់លាស់ បរិយាកាសការងារល្អ ផ្ដល់ផលប្រយោជន៍ច្រើន ឱកាសការងារនៅជិតផ្ទះ មានឱកាសអភិវឌ្ឍនិងបង្កើនសមត្ថភាពខ្លួន ព្រមទាំងមានលក្ខខណ្ឌការងារគោរពតាមច្បាប់ការងារនៃព្រះរាជាណាចក្រកម្ពុជា ហេតុនេះ ប្រាសាក់ នៅតែជាជម្រើសការងារដ៏ល្អបំផុតសម្រាប់ភាពរីកចម្រើនរបស់បុគ្គលិក»។

លោក ហឿន ហុន្នី បញ្ជាក់ថា អតីតបុគ្គលិកនឹងទទួលបានអត្ថប្រយោជន៍ជាច្រើន ទាំងផ្នែកហិរញ្ញវត្ថុ និងមិនមែនហិរញ្ញវត្ថុដ៏គួរឱ្យទាក់ទាញ រួមមាន៖
• ប្រាក់បៀវត្សតាមការចរចា
• ប្រាក់ឧបត្ថម្ភតួនាទី
• ប្រាក់រង្វាន់លើកទឹកចិត្តប្រចាំឆ្នាំរហូតដល់ 4 ខែ
• ប្រាក់ឧបត្ថម្ភបុណ្យចូលឆ្នាំខ្មែរចំនួន 1 ខែ បុណ្យភ្ជុំបិណ្ឌចំនួន 1 ខែ
• ថ្លៃប្រេងឥន្ធនៈនិងថ្លៃឈ្នួលម៉ូតូ 60 ដុល្លារអាមេរិក ក្នុង 1 ខែ (សម្រាប់តួនាទីមន្រ្តីឥណទាន)
• ទទួលបានកម្ចីទិញម៉ូតូ និងកម្ចីបុគ្គលិកក្នុងអត្រាការប្រាក់ទាប (សម្រាប់តួនាទីមន្រ្តីឥណទាន)
• ទទួលបានប្រាក់បំណាច់អតីតភាពការងារស្មើនឹងប្រាក់ឈ្នួលនិងប្រាក់បន្ទាប់បន្សំជាមធ្យមចំនួន 15 ថ្ងៃក្នុង 1 ឆ្នាំ
• ទទួលបានឯកសណ្ឋាន ទូរស័ព្ទ និងកាតទូរស័ព្ទ
• ធានារ៉ាប់រងសុខភាព
• ធានារ៉ាប់រងលើការសម្រាកនៅមន្ទីរពេទ្យ
• ធានារ៉ាប់រងគ្រោះថ្នាក់ផ្ទាល់ខ្លួន
• កន្លែងស្នាក់នៅ
• ឈប់សម្រាកប្រចាំឆ្នាំរហូតដល់ 21 ថ្ងៃ
• ឈប់សម្រាករៀបអាពាហ៍ពិពាហ៍ចំនួន 5 ថ្ងៃ
• ឈប់សម្រាកសម្រាលកូនចំនួន 90 ថ្ងៃ
• ឈប់សម្រាកពេលភរិយាសម្រាលកូនចំនួន 3 ថ្ងៃ
• ឈប់សម្រាកពេលមានធុរៈក្នុងគ្រួសារ
• ឈប់សម្រាកព្យាបាលជំងឺ
• មិនធ្វើការនៅថ្ងៃឈប់សម្រាក និងថ្ងៃសៅរ៍-អាទិត្យ

លោក ហឿន ហុន្នី បានបន្ថែមថាក្រៅពីអត្ថប្រយោជន៍ជាច្រើនដែលបានលើកឡើងខាងលើ ប្រាសាក់ជានិយោជកនៃជម្រើស អាស្រ័យហេតុនេះ គ្រប់អតីតបុគ្គលិកប្រាសាក់ទាំងអស់ អាចទាក់ទងយើងខ្ញុំតាមទូរស័ព្ទ 086 999 911 ឬ ផ្ញើ Email មក formerstaff@prasac.com.kh ។

 ប្រាសាក់ ផ្ដល់ឱកាសការងារដែលផ្ដល់នូវភាពរីកចម្រើន។

June 26, 2019

សុវត្ថិឌី ធារីកា ស្រក់ទឹកភ្នែកច្រៀងរំលែកទុក្ខអ្នកបានបាត់បង់ជីវិតក្នុងឧបទ្ទវហេតុបាក់អាគារនៅខេត្តព្រះសីហនុ

ដើម្បីជាការចូលរួមសម្ដែងនូវក្ដីសោកសៅ និងចូលរួមរំលែកទុក្ខដ៏ក្រុមគ្រួសារនៃសព តារាចម្រៀងស្រីដ៏មានប្រជាប្រិយភាព កញ្ញា សុវត្ថិឌី ធារីកា បានធ្វើការបកស្រាយនូវបទចម្រៀងមួយបទ មានចំណងជើងថា «ខ្ញុំចូលរួមរំលែកទុក្ខ» ក្នុងកម្មវិធី «ចម្រៀងគ្រួសារខ្មែរ» ដែលមានអត្ថន័យយ៉ាងកម្សត់ រៀបរាប់ទាំងឈឺផ្សា ធ្វើឲ្យមហាជនស្ទើរតែស្រក់ទឹកភ្នែក ក្រោយពេលដែលបានសណ្ដាប់នូវបទចម្រៀងមួយបទនេះហើយ។

គេសង្កេតឃើញថា តាមរយៈការបកស្រាយចម្រៀង និងអត្ថន័យទាំងមូលនៃបទចម្រៀងពិតជាកម្សត់ និងស្ទើរតែធ្វើឱ្យអ្នកស្តាប់បទមួយនេះ ស្រក់ទឹកភ្នែកតាម ខណៈដែលបទចម្រៀង ដែល សុវត្ថិឌី ធារីកា បានធ្វើការបកស្រាយ គឺពិតជាធ្វើឲ្យទស្សនិកជន នឹកឃើញដល់ហេតុការណ៍ដ៏រន្ធត់ នៃការបាក់រលំអគារ ធ្វើឲ្យបាត់បង់ជីវិតកម្មករ កម្មការិនីជាច្រើនអ្នក ដោយហេតុការណ៍មួយនេះ នៅតែដក់ជាប់ក្នុងកែវភ្នែកជានិច្ច។

ចង់ដឹងថា ចម្រៀងដែលជាការបកស្រាយរបស់ស្រីស្អាត សុវត្ថិឌី ធារីកា ចំណងជើងថា «ខ្ញុំចូលរួមរំលែកទុក្ខ» មានអត្ថន័យកម្សត់យ៉ាងណានោះ សូមរីករាយទស្សនា និងសណ្ដាប់ទាំងអស់គ្នា៖

June 25, 2019

ទិវា សេន ចន (St. Jonh) ប្រារព្ធឡើងនៅឯនៅក្រុមជុំនុំ អង់គ្លីខិន ព្រះអងម្ចាស់យេស៊ូគ្រីស្តជាសន្តិភាពនៃយើង

ភ្នំពេញ៖ ថ្ងៃអាទិត្យ ទី23 ខែមិថុនា ឆ្នាំ2019 អង្គការ St. Jonh ភ្នំពេញ ដែលជាអង្គការក្រៅរដ្ឋាភិបាល មួយដែលបានផ្តោតសំខាន់ទៅលើការសង្រ្គោះបឋម ជំនួយការសង្គ្រោះបន្ទាន់ និងការផ្សព្វផ្សាយជាសាធារណៈជាមួយគម្រោងមនុស្សធម៌ផ្សេងៗ បានប្រារព្ធពិធីទិវា St. Jonh នៅក្រុមជុំនុំ អង់គ្លីខិន ព្រះអង្គរម្ចាស់ព្រះយេស៊ូគ្រីស្តជាសន្តិភាពនៃយើង (Church of Lord Jesus Christ Our Place)។ ទិវា St. Jonh ត្រូវបានប្រារព្ធជារៀងរាល់ឆ្នាំនៃថ្ងៃទី24 ខែមិថុនាគឺ 6ខែមុនថ្ងៃព្រះយេស៊ូគ្រីស្ត ដែលជាថ្ងៃកំនើតរបស់ លោក យ៉ូហាន បាទីស្ទ ក្នុងប្រទិទិនគ្រីស្ទសាសនា។

ក្នុងថ្ងៃប្រារព្ធទិវា St. Jonh សមាជិកនៃអង្គការ St. Jonh បានធ្វើការប្តេជ្ញាចិត្តរបស់ពួកគេដោយធ្វើការអានពាក្យស្លោក “សម្រាប់សេចក្ដីជំនឿ” និង “ការបម្រើមនុស្សជាតិ”។

St. Jonh ភ្នំពេញបានប្រារព្ធទិវានេះឡើងគឺមិនគ្រាន់តែជាការចង់ចាំអំពីលោក យ៉ូហាន បាទីស្ទ នោះទេ តែក៏ត្រូវបានអនុវត្តជាមូលដ្ឋានគ្រឹះនៃជំនឿគ្រីស្ទាន ដែលត្រូវបានបង្កើតឡើងក្នុងគោលការណ៍“សម្រាប់ សេចក្ដីជំនឿ”។ ពួកយើងក៏បានទទួលស្គាល់ផងដែរនូវការបម្រើ និងការខិតខំប្រឹងប្រែង របស់មន្រ្តី និងសមាជិករបស់ St. Jonh មិនថាពួកគេមានជំនឿទៅលើសាសនាអ្វីនោះទេ ក៏ពួកគេបានបំពេញការងារដោយមិនខ្លាចភាពហត់នឿយដល់សហគមន៍មូលដ្ឋានរបស់ពួកគេតាមរយៈការផ្តល់ការបង្ហាត់បង្រៀនផ្នែកសង្រ្គោះបឋម និងអំពីជំនួយការសង្គ្រោះបន្ទាន់ក្នុងការផ្សព្វផ្សាយជាសាធារ
ណៈ និងគម្រោងមនុស្សធម៌ផ្សេងៗ ទៀតដែលត្រូវបានបង្កើតឡើងក្នុងគោលការណ៍ ”សម្រាប់ការបម្រើមនុស្សជាតិ”។

ដោយយោងលើគោលការណ៍ ”សម្រាប់ការបម្រើមនុស្សជាតិ” ក្នុងឆ្នាំនេះអង្គការ St. Jonh ភ្នំពេញ នឹងទទួលយកគម្រោងផ្តល់ជួនក្នុងការសាងសង់មជ្ឈមណ្ឌលសុខភាពមួយនៅឯខេត្ត តាកែវ ផងដែរ។ សព្វថ្ងៃនេះដោយមានការទទួលស្គាល់នូវ “ការបម្រើរមនុស្សជាតិ” របស់សមាជិករបស់ St. Jonh ភ្នំពេញ របស់យើងបុគ្គលមួយចំនួនត្រូវបានតំឡើងឋានៈជា Officer ហើយអ្នកផ្សេងទៀតក៏ទទួលបានឋានៈ តាមមុខវិជ្ជាវិជ្ជាជីវៈរបស់ពួគគេផង។

ក្នុងនោះផងដែរសមាជិក 2នាក់ របស់យើងដែលបានទើបតែបានទទួលមេដាយកិត្តិយសពីការចូលរួម ក្នុងកិច្ចប្រជុំយុវជនក្រុមប្រឹក្សាជាន់ខ្ពស់នៅប្រទេសសិង្ហបុរីដែលនៅក្នុងកិច្ចប្រជុំនោះក៏មានការអញ្ជើញចូលរួមពីថ្នាក់ដឹកនាំ និងប្រធានក្រុមប្រឹក្សាភិបាលពីបណ្តាលប្រទេសផ្សេងៗ ដែលមានការចាប់អារម្មណ៍យ៉ាងខ្លាំងពីសំណាក់សមាជិក St. Jonh ភ្នំពេញ របស់យើង។

អ្វីដែលកាន់តែពិសេសជាងនេះទៅទៀតសមាជិក និងគ្រូៗ នៅ St. Jonh ភ្នំពេញ បានធ្វើឲ្យយើងពួកមានមោទនភាពយ៉ាងខ្លាំងក្នុងឆ្នាំនេះ គឺកិត្តិយសក្នុងការទទួលបានពានរង្វាន់ក្រោមការប្រលង ក្រោមវិញ្ញាសារ ជំនួយផ្នែកសង្គ្រោះបឋម និងការថែទាំតាមផ្ទះនៅប្រទេសសិង្ហបុរី ។ លើសពីនេះទៅទៀត ឆ្នាំនេះ St. Jonh ក៏បានទទួលអបអរសាមាជិកថ្មីចូលក្នុងគ្រួសារ St. Jonh ភ្នំពេញផងដែរ។

June 25, 2019

លោក ឃុំ ប៉ុណ្ណាដែត នាំថវិកាសប្បុរសជនជួយការព្យាបាលលោក សែម សង្វាត

អតីតតារាចម្រៀង សែម សង្វាត ត្រូវបានគេដឹងថា លោកកំពុងធ្លាក់ខ្លួនមានជំងឺប្រចាំកាយដូច ក្រពះ ពោះវៀន រាំរ៉ៃ និងថ្លើមប្រភេទ B ក៏ដូចជា លំពែងធ្លាក់មួយចំហៀង។ សព្វថ្ងៃនេះ លោក សែម សង្វាត តែងប្រើថ្នាំពេទ្យជាប្រចាំ និងជាពោះម៉ាយទទួលភារកិច្ចចិញ្ចឹម កូនប្រុសទាំងអស់បីនាក់ ម្តាយចាស់ជរាម្នាក់ និងបងស្រីរបស់លោកម្នាក់ទៀត។

ក្រោយពីទទួលដំណឹងនេះលោក ឃុំ ប៉ុណ្ណាដែត បាននាំយកជំនួយដែលទទួលបានមកពីសប្បុរសជនយកមកជូនលោក សែម សង្វាត ដោយលោក ឃុំ ប៉ុណ្ណាដែត បានរៀបរាប់ថា៖ “ខ្ញុំបាទ និង ភរិយា សូមគោរពអរគុណចំពោះសប្បុរសជនទាំងអស់ដែលបានផ្តល់ជាថវិការតាមរយៈខ្ញុំបាទដើម្បីជួយដល់លោក សែម សង្វាត ក្នុងការព្យាបាលជំងឺ ដូចមានរាយនាមដូចខាងក្រោម៖ លោក លី ឡាយ $200, លោក គង់ ប៊ុនធឿន $300, លោក គង់ វិសាល $100, លោក ករុណា ពេជ្រ $100, លោក សុគន្ធ ថេរ៉ាយុ $100, បងស្រី ម៉ុង ម៉ូនីកា $50 និង លោកស្រី ង៉ែត ធាវី $50។

សូមជូនពរដល់សប្បុរសជនទាំងអស់ដែលបានជួយផ្តល់ជាថវិកាជូនដល់បងប្រុស សែម សង្វាត សូមអោយបងប្អូនទាំងអស់ជួបតែសេចក្តីសុខ ជួបប្រទះនឹងពុទ្ធពរទាំងបួនប្រការ គឺ អាយុ វណ្ណ: សុខ: ពល: កុំបីឃ្លាងឃ្លាតឡេីយ សូមអរគុណ”។ ដូច្នេះហើយប្រសិនបើសប្បុរសជនចង់ផ្តល់ជាជំនួយសូមទាក់ទងមកលេខទូរស័ព្ទរបស់លោក ០១១ ៦៦៣ ០០៨។

សូមរំឭកដែរថា លោក សែម សង្វាតជាអតីតសមាជិកក្រុម EV BAND ជាមួយនឹងលោក ឃុំ ប៉ុណ្ណាដែត, យក់ ឋិតរដ្ឋា,ឱក សុគន្ធកញ្ញា និងបូរ វិចិត្រ៕

June 25, 2019

តារាល្បីៗបង្ហោះសារចូលរួមរំលែកទុក្ខក្រៀមក្រំចំពោះក្រុមគ្រួសារសពក្នុងករណីរលំបាក់នៅខេត្តព្រះសីហនុ

ដូចប្រិយមិត្តជាច្រើនប្រាកដជាបានដឹងហើយថា នៅខេត្តព្រះសីហនុ មានករណីបាក់រលំអគារ បណ្តាលឲ្យមនុស្សជាច្រើន បានស្លាប់ និងរងរបួស ជាហេតុធ្វើឱ្យមហាជនមានអារម្មណ៍ក្តុកក្តួល និងសោកស្តាយជាទីបំផុត។ នៅក្នុងករណីដ៏រន្ធត់នេះ បានធ្វើឲ្យមនុស្សចំនួន28បានស្លាប់ និង24នាក់បានរងរបួស ខណៈពេលនេះ កម្លាំងជំនាញ កំពុងតែធ្វើប្រតិបត្តិការសង្រ្គោះ ដល់បងប្អូនជាប់នៅក្នុងអគារបន្តទៀត។

ជាមួយគ្នានោះដែរ គេសង្កេតឃើញថា មានតារាជាច្រើនរូប ក៏ដូចជាជនរួមជាតិខ្មែរ បានបង្ហោះសាររំលែកទុក្ខយ៉ាងក្រៀមក្រំ នៅលើបណ្តាញសង្គហ្វេសប៊ុក ដល់ក្រុមគ្រួសារនៃសព ។ យ៉ាងណាមិញ សូមចូលរួមរំលែកទុក្ខដល់គ្រួសារនៃសព ដែលកំពុងមានទុក្ខដ៏សោកសៅមួយនេះ៕

June 25, 2019

កំពូលទូរទស្សន៍ SAMSUNG QLED 8K ដ៏វៃឆ្លាត និងអស្ចារ្យបំផុត បានដាក់សម្ភោធលក់ជាផ្លូវការក្នុងប្រទេសកម្ពុជាហើយ!

ភ្នំពេញថ្ងៃទី២៥ ខែមិថុនា ឆ្នាំ ២០១៩៖ កំពូលទូរទស្សន៍ SAMSUNG QLED 8K ដ៏វៃឆ្លាតបំផុតជំនាន់ចុងក្រោយដែលកំពុងតែធ្វើឱ្យពិភពលោកមានការភ្ញាក់ផ្អើល និងកោតសរសើរក៏ដូចជាធ្វើឱ្យអតិថិជនទាំងអស់ក្នុងព្រះរាជាណាចក្រកម្ពុជា ទន្ទឹងរង់ចាំយ៉ាងអន្ទះសារបានមកដល់ហើយ!

ទូរទស្សន៍ Samsung QLED 8K ស៊េរី (Q900R) ជំនាន់ចុងក្រោយនេះត្រូវបានរចនាឡើងយ៉ាងស្រស់ស្អាត និងមានលក្ខណៈអស្ចារ្យបំផុត ដែលឆ្លុះបញ្ចំាងពី “វឌ្ឍនភាពដ៏មហស្ចារ្យនៃពិភពល្អឥតខ្ចោះ”។ហើយអ្វីដែលធ្វើឱ្យទូរទស្សន៍ Samsung QLED 8K នេះមានការចាប់អារម្មណ៍យ៉ាងច្រើន និងជាប់ឈ្មោះជាទូរទស្សន៍ដែលមានភាពល្អឥតខ្ចោះទាំងផ្នែកគុណភាព ការច្នៃប្រឌិតទំនើប និងភាពលេចធ្លោគួរឱ្យទាក់ទាញបំផុតនោះគឺដោយសារតែចំណុចពិសេសៗទាំងអស់នេះ៖

1. Real 8K Resolution
ផ្តល់នូវបទពិសោធន៍ដ៏ល្អឥតខ្ចោះនៃរូបភាពធំច្បាស់ល្អក្នុងកម្រិត 8K ដែលអាចធ្វើឱ្យអ្នកមានអារម្មណ៍ដូចក្នុងធម្មជាតិ ឬស្ថានពិតៗតែម្តងជាមួយនឹងកម្រិតបង្ហាញរូបភាពរហូតដល់ 33 លាន ភិចស៊ែលឯណោះ!

2. 8K AI Upscaling
ជាបច្ចេកវិទ្យាជំនាន់ចុងក្រោយដែលបំពាក់នូវបច្ចេកវិទ្យា(AI) ដែលជួយបំលែងកម្រិតរូបភាព កាន់តែច្បាស់ រហូតដល់ 8K។

3. Quantum Processor 8K 
ជាប្រព័ន្ធប្រតិបត្តិការរបស់ក្រុមហ៊ុន សាមសុង ជួយផ្គត់ផ្គង់កម្រិតពណ៌ និងបង្ហាញរូបភាពឲ្យកាន់តែច្បាស់។

4. Quantum HDR 4000 
ជាមួយទូរទស្សន៏សេរីថ្មីនេះដែរ វាផ្តល់់នូវ HDR រហូតដល់ 4000 ដែលអាចធ្វើឲ្យរូបភាពដែលបញ្ចេញមកកាន់តែច្បាស់ កាន់តែលំអិតទោះជានូវក្នុងស្ថានភាពពន្លឺបែបណាក៏ដោយ។

5. Q Style
ជាមួយនឹងទូរទស្សន៏ QLED យើងមានបច្ចេកវិទ្យា No Gap Wall-Mount ដែលអាចធ្វើឲ្យទូរទស្សន៏អាចភ្ជាប់ជាមួយជញ្ជាំងស្ទើតែគ្មាចន្លោះ។មិនត្រឹមតែប៉ុណ្ណោះ ទូរទស្សន៏នេះផងដែរក៏បានភ្ជាប់មកជាមួយដុំ One Connect និង invisible ដែងាយស្រួលភ្ជាប់ជាមួយឧបករណ៏ផ្សេងៗ និងមិនធ្វើឲ្យរញ៉េរញ៉ៃ។

6. Ambient Mode (Magic Screen)
ទូរទស្សន៏ Samsung QLED 8K មិនត្រឹមតែសម្រាប់មើលតែប៉ុណ្ណោះទេ តែក៏ជាឧបករណ៏សម្រាប់តាំងលំអរគេហដ្ឋានផងដែរ ហើយអ្នកក៏អាចដាក់បង្ហាញរូបភាពបែបឌីជីផល,ម៉ោង និងរូបភាពផ្សេងៗទៀតជាច្រើនតាមតំរូវការរបស់លោកអ្នក។

7. Air Play Connection
ជាមួយទូរទស្សន៏សេរីថ្មីនេះរបស់សាមសុង អ្នកក៏អាចប្រើប្រាស់បានជាមួយកម្មវិធី Airplayរបស់ IOS ដើម្បីធ្វើការចែករំលែក តន្ត្រី វីដេអូពីទូរស័ព្ទទៅកាន់ទូរទស្សន៏ផងដែរ។

ហើយអ្វីដែលកាន់តែអស្ចារ្យទៀតនោះ គឺប្រព័ន្ធផ្សព្វផ្សាយព័ត៌មានដ៏ល្បីលើពិភពលោកជាច្រើន ខាងផ្នែកបច្ចេកវិទ្យាដូចជា៖ Trusted Review, Pocket-Lint, HD Guru , Digital Trends, ទស្សនាវដ្តី Forbes និងវេទិកា AVS ដែលជាវេទិកាធំជាងគេខាងត្រួតពិនិត្យសម្លេង និងវីដេអូបានធ្វើការកោតសរសើរដល់ទូរទស្សន៍ស៊េរីចុងក្រោយ Samsung QLED 8K ដែលបានបំពាក់ជាមួយនឹងបច្ចេកវិទ្យា Q900R ថែមទាំងឲ្យពិន្ទុ 5 លើ 5 ទាំងអស់គ្នាតែម្តងក្នុងការផ្តល់គុណភាពនៃការបង្ហាញរូបភាពបានច្បាស់ត្រជាក់ភ្នែកយ៉ាងល្អឥតខ្ចោះ ជាមួយរូបរាងស្អាតដ៏ទាក់ទាញ និងបច្ចេកវិទ្យា 8K AI Upscaling ដំបូងគេបំផុតតែមួយគត់គ្មានគូប្រៀបក្នុងពិភពលោក ។

អតិថិជនទាំងអស់អាចរកជាវទូរទស្សន៍ Samsung QLED 8K ដ៏ល្អឥតខ្ចោះនេះបាន នៅតាមហាងចែកចាយផលិតផល សាមសុង ដូចជា៖ ស៊ុនស៊ីម៉ិចកូ, KLD 3, ផ្សារទំនើប AEON, K4 និងហាងលក់គ្រឿងអេឡិចត្រូនិកសាមសុងនានា ។ សម្រាប់ព័ត៌មានបន្ថែមសូមសាកសួរដេប៉ូចែកចាយរបស់ សាមសុង ដែលនៅជិតលោកអ្នកបំផុត ឬទំនាក់ទំនងតាមរយៈលេខ៖ 1800-203232 ។

June 25, 2019

Author: អេបិល