Author: អេបិល

របាយការណ៍​ចុងក្រោយ​ ​ទើបតែ​បង្ហើប​ឱ្យ​ដឹងពី​កាលបរិច្ឆេទ​ប្រកាស​ប្រព័ន្ធ​ប្រតិបត្តិ​ការ​ ​HongMeng​ ​OS​ ​របស់​ ​Huawei​ ​ដែល​អាច​ធ្វើឡើង​នៅ​ថ្ងៃទី9​ ​ខែសីហា​ខាងមុខ​។​

​HongMeng​ ​OS​ ​មិន​ត្រឹមតែ​ជា​ប្រព័ន្ធ​ដំណើរការ​លើ​ស្មា​ត​ហ្វូ​ន​មួយ​មុខ​នោះ​ទេ​ ​ថែមទាំង​នឹងអាច​គាំទ្រ​ទាំង​នៅ​លើ​ថេប្​លិ​ត​ ​កុំព្យូទ័រ​ ​ទូរទស្សន៍​ឆ្លាតវៃ​ ​រថយន្ត​ ​និង​ឧបករណ៍​បច្ចេកវិទ្យា​ជាច្រើន​ទៀតផង​ដែរ​។​

​ប្រព័ន្ធ​ប្រតិបត្តិ​ការ​ ​OS​ ​ជំនាន់​ក្រោយនេះ​ ​នឹង​បង្ហាញមុខ​មាត់​ពិត​នៅចំពោះមុខ​អ្នកចូលរួម​ដែល​ជា​ ​Developer​ ​ជុំវិញ​សកលលោក​ច្រើនជាង​ ​5,000នាក់​ ​រួមបញ្ចូល​ទាំង​ដៃគូ​សហការ​ប្រមាណ​ ​1,500ស្ថាប័ន​ ​(​Huawei​ ​Global​ ​Developer​ ​Conference​)​ ​ដែល​រាប់បញ្ចូល​ជា​ព្រឹត្តិ​ការណ៍​ធំ​បំផុត​ក្នុង​វិស័យ​ឧស្សាហកម្ម​ស្មា​ត​ហ្វូ​នរ​បស់​ប្រទេស​ចិន​៕

https://youtu.be/n1WuGyasl9U

​ក្រសួងការងារ​ ​និង​បណ្តុះបណ្តាល​វិជ្ជាជីវៈ​ ​និង​អង្គការGIZ​ ​របស់​អាល្លឺម៉ង់​បាន​ចុះហត្ថលេខា​ ​លើ​អនុស្សរណៈ​នៃ​ការយោគយល់​គ្នា​ ​ស្ដីពី​ការអនុវត្ត​កម្មវិធី​ ​«​គម្រោង​ពង្រឹង​និរន្តរភាព​វិស័យ​វាយន​ ​ភណ្ឌ​ ​និង​កាត់ដេរ​នៅ​ទ្វីបអាស៊ី​»​(​GIZ​,​ ​FABRIC​)​ ​នៅ​កម្ពុជា​។​

​អនុស្សរណៈ​នៃ​ការយោគយល់​គ្នា​ ​ស្ដីពី​ការអនុវត្ត​កម្មវិធី​«​គម្រោង​ពង្រឹង​និរន្តរភាព​វិស័យ​វាយនភណ្ឌ​ ​និង​កាត់ដេរ​នៅ​ទ្វីបអាស៊ី​»​ ​(​GIZ​,​ ​FABRIC​)​ ​នៅ​ព្រះរាជាណាចក្រ​កម្ពុជា​មាន​រយៈពេល​ ​ចាប់ពី​ថ្ងៃទី1​ ​ខែមេសា​ ​ឆ្នាំ2019​ ​ដល់​ថ្ងៃទី31​ ​មីនា​ ​ឆ្នាំ2021​ ​ដែល​មាន​ថិ​វកា​ ​គិតជា​ទឹកប្រាក់​សរុប​ចំនួន​ ​6លាន​អឺ​រ៉ូ​ ​សម្រាប់​ប្រទេស​បង់​ក្លា​ដែស​ ​កម្ពុជា​ ​ចិន​ ​មីយ៉ាន់ម៉ា​ ​ប៉ាគីស្ថាន​ ​និង​វៀតណាម​។​

​ឯកឧត្តម​ ​អ៊ិ​ត​ ​សំ​ហេង​ ​រដ្ឋមន្ត្រី​ក្រសួងការងារ​ ​និង​បណ្តុះបណ្តាល​វិជ្ជាជីវៈ​ ​ជា​អធិបតីភាព​ ​ក្នុង​ការ​ចុះហត្ថលេខា​នៅ​ថ្ងៃទី9​ ​ខែកក្កដា​ ​ឆ្នាំ2019​។​ ​ឯកឧត្តម​ ​បាន​ថ្លែងអំណរគុណ​ដល់​អង្គការ​ ​GIZ​ ​ដែល​តែងតែ​ផ្តល់​ការ​គាំទ្រ​ទាំង​ថវិកា​ ​ក៏ដូចជា​អ្នកជំនាញ​បច្ចេកទេស​ជួយ​ដល់​កម្ពុជា​ ​ជាពិសេស​ក្រសួងការងារ​ ​និង​បណ្តុះបណ្តាល​វិជ្ជាជីវៈ​នា​ពេល​កន្លងមក​ ​និង​ពេញចិត្ត​ចំពោះ​ការអនុវត្ត​គម្រោង​ ​GIZ​ ​ក៏ដូចជា​ការ​ជួយ​របស់​រដ្ឋាភិបាល​អាល្លឺម៉ង់​ ​មកដល់​កម្ពុជា​ពិសេស​វិស័យ​ការងារ​ ​និង​បណ្តុះបណ្តាល​វិជ្ជាជីវៈ​។​

​លោក​បណ្ឌិត​ ​Guenter​ ​Riethmacher​ ​នាយក​ ​GIZ​ ​ប្រចាំ​ប្រទេស​កម្ពុជា​បានឱ្យ​ដឹង​ថា​ ​ភាគី​ ​GIZ​ ​ពេញចិត្ត​នឹង​កិច្ច​សហប្រតិបត្តិ​ការ​ ​នូវ​ការ​ផ្តល់​ជំនួយ​ក្នុង​ការអនុវត្ត​គម្រោង​ឱ្យ​ទទួលជោគជ័យ​បន្ថែម​ទៀត​ ​និង​សន្យា​បន្ត​កិច្ចការ​ងារ​នេះ​បន្ថែម​ទៀត​ ​ទៅលើ​គម្រោង​ ​ដើម្បី​ឈាន​សម្រេច​បាន​ភាព​ជោគជ័យ​ ​ស្របតាម​គោលនយោបាយ​របស់​រាជរដ្ឋាភិបាល​កម្ពុជា​ ​ក៏ដូចជា​ផែនការ​យុទ្ធ​សាស្រ្ត​របស់ក្រ​សួង​ការងារ​ ​និង​បណ្តុះបណ្តាល​វិជ្ជាជីវៈ​។​

​គោលបំណង​នៃ​អនុស្សរណៈ​នៃ​ការយោគយល់​គ្នា​នេះ​ ​រួមមាន​ ​ទី1​-​ ​គាំទ្រ​ដល់​បណ្តា​ស្ថាប័នរដ្ឋ​ ​និង​ឯកជន​ ​ដើម្បី​ផ្លាស់​ប្តូរ​ព័ត៌មាន​កិច្ច​សន្ទនា​ ​និង​កិច្ច​សហប្រតិបត្តិ​ការ​ថ្នាក់​តំបន់​ ​ថ្នាក់​ជាតិ​ ​និង​កម្រិត​សហគ្រាស​ ​គ្រឹះស្ថាន​ ​ដើម្បី​ពង្រឹង​អនុលោម​ភាព​តាម​បទដ្ឋាន​សង្គម​ ​និង​ការងារ​ដូច​មាន​ចែង​នៅក្នុង​ច្បាប់​ស្តី​ពី​ ​ការងារ​នៅ​ព្រះរាជាណាចក្រ​កម្ពុជា​ ​និង​អនុសញ្ញា​អន្តរជាតិ​នានា​ ​ដែល​កម្ពុជា​បាន​ផ្តល់​សច្ចាប័ន​ ​និង​ធ្វើ​ឱ្យ​ប្រសើរ​ឡើង​នូវ​សមភាព​យេនឌ័រ​នៅកន្លែង​ធ្វើការ​។​
​ទី2​-​ផ្ដល់​ជំនួយ​គាំទ្រ​ផ្នែក​ហិរញ្ញវត្ថុ​ ​និង​បច្ចេកទេស​ពី​គម្រោង​ ​GIZ​,​ ​FABRIC​ ​ដល់​ ​ក្រសួងការងារ​ ​និង​បណ្តុះបណ្តាល​វិជ្ជាជីវៈ​ ​ដើម្បី​ពង្រឹង​ប្រព័ន្ធ​អធិការកិច្ច​ការងារ​នៅ​កម្ពុជា​ឱ្យ​កាន់តែ​មាន​សមត្ថភាព​ ​តម្លាភាព​ ​ប្រសិទ្ធភាព​ ​និង​ទទួល​បានការ​ជឿជាក់​ពី​គ្រប់​ភាគី​ពាក់ព័ន្ធ​។​

​ ​ទី3​-​ ​ផ្តល់​ជំនួយ​បច្ចេកទេស​ដល់​ ​ក្រសួងការងារ​ ​និង​បណ្តុះបណ្តាល​វិជ្ជាជីវៈ​ ​សម្រាប់​អនុវត្ត​សកម្មភាព​ទាំងឡាយ​ ​ដែល​គាំទ្រ​ដល់​ផែនការ​យុទ្ធសាស្ត្រ​បញ្ជ្រាប​យេនឌ័រ​ ​ក្នុង​វិស័យ​ការងារ​ ​និង​បណ្តុះបណ្តាល​ ​វិជ្ជាជីវៈ​ ​ដើម្បី​លើកកម្ពស់​សមភាព​យេនឌ័រ​ ​និង​ផ្តល់​សិទ្ធិ​អំណាច​ដល់​ស្ត្រី​ដែល​ធ្វើការ​ ​ក្នុង​វិស័យ​វាយនភណ្ឌ​ ​និង​កាត់ដេរ​៕​

​អ្នកប្រយុទ្ធ​ក្បាច់គុន​ចម្រុះ​ដែលគេ​ហៅថា​ ​MMA​ ​(​Mixed​ ​Martial​ ​Art​)​ ​កម្ពុជា​ ​2រូប​នឹង​ធ្វើដំណើរ​ទៅ​ប្រកួត​នៅ​ក្រៅប្រទេស​ជាមួយ​អ្នកប្រយុទ្ធ​ក្បាច់គុន​ចម្រុះ​បរទេស​នា​ខែក្រោយ​នេះ​។​
​
​ក្នុង​នោះ​ដែរ​ ​កីឡាករ​កម្ពុជា​ទាំង​ ​2រូប​ ​រួមមាន​កីឡាករ​ ​ចាន់​ ​សំអាត​ ​នឹង​ត្រូវ​ធ្វើការ​ប្រកួត​នៅ​ថ្ងៃទី2​ ​ខែសីហា​ ​ឆ្នាំ2019​ ​ជាមួយនឹង​កីឡាការិនី​ ​អេត​ ​ព្រី​យ៉ានុ​ត​ភូ​ថង​ ​ដែល​នឹង​ត្រូវ​ឡើង​ប្រកួត​នៅ​ថ្ងៃទី6​ ​ខែសីហា​ ​ឆ្នាំ2019​ ​ខាងមុខនេះ​។​
​
​ចំពោះ​ដៃគូ​បដិបក្ខ​របស់​ពួកគេ​វិញ​ ​គឺ​ចាន់​ ​សំអាត​ ​ត្រូវ​ជួប​ជាមួយ​អ្នកប្រដាល់​មីយ៉ាន់ម៉ា​ឈ្មោះ​ ​Punnya​ ​Say​ ​ឯ​ ​អេត​ ​ព្រី​យ៉ានុ​ត​ភូ​ថង​ ​ត្រូវ​ជួប​ប្រកួត​ជាមួយ​កីឡាការិនី​បារាំង​ ​Souris​ ​Manfredi​៕​

​

​គ្រូបង្វឹក​របស់​ក្រុមបាល់ទាត់​ជម្រើសជាតិ​អាយុ​ក្រោម​អាយុ​ ​18ឆ្នាំ​របស់​ម៉ាឡេស៊ី​បាន​ព្រលយ​ពាក្យ​សម្តី​មុននឹង​ការប្រកួត​ឈាន​មកដល់​ថា​ ​ក្រុម​ដែល​ជាគូ​ប្រកួត​របស់​គេ​ក្នុង​ការ​ប្រជែង​ពាន​ក្នុង​ឆ្នាំនេះ​គឺ​ ​ថៃ​ ​អូស្ត្រាលី​ ​និង​វៀតណាម​ ​ខណៈ​ដែល​ក្រុម​រួម​ពូល​ជាមួយនឹង​គេ​ ​2ប្រទេស​ទៀត​គឺ​ ​កម្ពុជា​ ​និង​សិង្ហបុរី​ ​ត្រូវ​បាន​គ្រូបង្វឹក​រូប​នេះ​មិន​ចាត់ទុកជា​គូប្រកួត​ក្នុង​ក្រសែភ្នែក​របស់​លោក​ឡើយ​។​
​
​ការប្រកួត​ពានរង្វាន់​ ​AFF​ ​Under​ ​18​ ​2019​ ​Championship​ ​ឆ្នាំនេះ​គ្រោង​នឹង​ធ្វើឡើង​នៅ​ប្រទេស​ថៃ​ ​ចាប់ពី​ពាក់កណ្តាល​ខែកក្កដា​នេះ​តទៅ​ ​ហើយ​ម៉ាឡេស៊ី​បាន​ស្ថិតនៅ​ក្នុង​ពូល​ ​B​ ​រួម​ជាមួយនឹង​កម្ពុជា​ ​ថៃ​ ​វៀតណាម​ ​អូស្ត្រាលី​ ​និង​សិង្ហបុរី​៕​

​

​ក្រុមបាល់ទាត់​ ​U15​ ​កម្ពុជា​នឹង​បើកទ្វារ​ពហុ​កីឡដ្ឋាន​ជាតិ​របស់​ខ្លួន​ស្វាគមន៍​ក្រុម​ ​U15​ ​ចិន​ចំនួន​ ​2ប្រកួត​នា​ថ្ងៃទី​ ​11​ ​និង13​ ​ខែកក្កដា​ ​ឆ្នាំ2019​ ​ដើម្បី​ប្រកួត​រឹតចំណង​មិត្តភាព​អន្តរជាតិ​កម្ពុជា​-​ចិន​ ​ដោយ​ការប្រកួត​ទាំង​ ​2លើក​នឹង​ធ្វើឡើង​នៅ​វេលា​ម៉ោង​ ​5ល្ងាច​ ​ទាំង​ ​2ជើង​។​
​
​សូម​បញ្ជាក់​ថា​ ​ក្រៅតែ​ជា​ការប្រកួត​ក្នុង​ន័យ​រឹតចំណង​មិត្តភាព​រវាង​ប្រទេស​ទាំង2​ ​ហើយ​ ​ការប្រកួត​នេះ​ក៏​ជា​ការ​ត្រៀម​សម្រាប់​ក្រុមជម្រើសជាតិ​កម្ពុជា​អាយុ​ក្រោម​ ​15ឆ្នាំ​ ​ដើម្បី​ចូលរួម​ប្រកួត​ពានរង្វាន់​យុវជន​អាយុ​ក្រោម​ ​16ឆ្នាំ​ ​ប្រចាំ​តំបន់​អាស៊ី​អាគ្នេយ៍​ ​(​ ​AFF​ ​U​-​16​ ​Championship​ ​2019​ ​)​ ​ដែល​នឹង​ធ្វើឡើង​ចាប់ពី​ថ្ងៃទី27​ ​ខែកក្កដា​ ​ហើយនឹង​បញ្ចប់​នៅ​ថ្ងៃទី9​ ​ខែសីហា​ ​ឆ្នាំ2019​ ​នៅ​លើទឹក​ដី​របស់​ប្រទេស​ថៃ​ ​ដោយមាន​ប្រទេស​ចំនួន12​ ​ចូលរួម​ ​ដោយ​កម្ពុជា​ត្រូវ​ស្ថិតនៅ​ក្នុង​ពូល​ ​B​ ​ជាមួយ​ថៃ​ ​ម៉ាឡេស៊ី​ ​ឡាវ​ ​ប្រ៊ុយណេ​ ​និង​អូស្ត្រាលី​៕​

​

​Instagram​ ​គ្រោង​នឹង​បញ្ចេញ​មុខងារ​ថ្មី2​ ​ដើម្បី​ប្រឆាំង​ការ​មាក់ងាយ​តាម​ប្រព័ន្ធ​អ៊ី​ន​ធើ​ណិ​ត​ ​(​Online​ ​Bullying​)​ ​ពីសំណាក់​អ្នក​បញ្ចេញមតិ​ទៅលើ​នរណា​ម្នាក់​នៅ​លើ​បណ្ដាញ​សង្គម​របស់​ខ្លួន​។​

​ការវាយប្រហារ​តាម​ប្រព័ន្ធ​អ៊ី​ន​ធើ​ណិ​ត​ដោយ​ប្រើ​បណ្ដាញ​សង្គម​ ​គឺជា​បញ្ហា​ស្មុគស្មាញ​មួយ​ ​អស់​រយៈពេល​ជាច្រើន​ឆ្នាំ​មក​ហើយ​ ​ប៉ុន្តែ​ពេលនេះ​ ​Instagram​ ​បាន​ប្រើ​ប្រាជ្ញា​សិប្បនិម្មិត​ ​(​AI​)​ ​ដើម្បី​កាត់បន្ថយ​ការ​គំរាមកំហែង​ក្នុង​ការ​បញ្ចេញមតិ​ ​ដែល​អាច​បង្ក​គ្រោះថ្នាក់​ដល់​អ្នកប្រើ​ប្រាស់​។​ ​មុខងារ​ថ្មីនេះ​មាន​តួនាទី​សម្រាប់​ជូនដំណឹង​ឱ្យ​អ្នកប្រើ​ប្រាស់​គិត​ឡើងវិញ​ ​មុននឹង​បញ្ចេញមតិ​ដែល​មិន​សមរម្យ​ណាមួយ​ទៅលើ​គណនី​របស់​អ្នកដទៃ​។​

​នេះ​ជា​វិធី​ដើម្បី​កន្ត្រាក់​អារម្មណ៍​ដល់​អ្នកប្រើ​ប្រាស់​ថា​ ​មតិ​របស់​ខ្លួន​ ​គឺ​មិន​សមរម្យ​ទេ​ ​សូម​ពិចារណា​.​.​.​។​ ​មុខងារ​ថ្មី​ទី2​ ​គឺ​អាច​ឱ្យ​អ្នកប្រើ​ដាក់​ការកំណត់​ ​(​Restrict​)​ ​ទៅលើ​គណនី​ណាមួយ​ដែល​អ្នក​ពុំ​ចូលចិត្ត​។​ ​ការ​ដាក់កម្រិត​ទៅលើ​មតិ​ទាំងឡាយ​ណា​ដែល​អ្នកទទួល​បាន​ពី​គណនី​នោះ​ ​នឹង​មិន​ត្រូវ​បាន​មើលឃើញ​ដោយ​អ្នកដទៃ​ឡើយ​ ​លើកលែងតែ​អ្នក​អនុញ្ញាត​៕​

​កាលពីដើម​ឆ្នាំ2019​ ​កន្លងទៅ​ ​របាយការណ៍​ពី​ ​IDC​ ​បាន​បង្ហាញ​នូវ​ទិន្នន័យ​នាំចេញ​ស្មា​ត​ហ្វូ​នប្រ​ចាំ​ត្រីមាស​ទី1​ ​ឆ្នាំ2019​ ​សម្រាប់​ទីផ្សារ​អឺរ៉ុប​ ​មជ្ឈិមបូព៌ា​ ​និង​អាហ្រ្វិក​ ​ដោយ​តួលេខ​សរុប​មាន​ចំនួន​ ​83.7លាន​គ្រឿង​ ​គិតជា​ភាគរយ​ធ្លាក់ចុះ​ ​3.3ភាគរយ​ធៀប​នឹង​ឆ្នាំ​ចាស់2018​។​

​លទ្ធផល​បាន​បង្ហាញថា​ ​តំណែង​កំពូល​ទាំង​ ​5​ ​សម្រាប់​ទី​ផ្សារ​ធំៗ​ខាងលើ​ ​គេ​ឃើញ​មានតែ​ ​Huawei​ ​និង​ ​Xiaomi​ ​ប៉ុណ្ណោះ​ ​ដែល​មាន​ភាគរយ​ឡើង​កូដ​ខ្ពស់​ ​ខណៈ​ ​3​ ​ក្រុមហ៊ុន​ឯទៀត​ផ្តើម​ដាំ​ក្បាល​ចុះ​ ​ជាពិសេស​គឺ​ ​Apple​ ​និង​ ​HMD​។​ ​
​ជា​លទ្ធផល​ ​Samsung​ ​ឈរ​លើ​លំដាប់​លេខ1​ ​នាំចេញ​បាន​ ​15.7លាន​គ្រឿង​ ​ឬ​ ​29.47ភាគរយ​ធ្លាក់ចុះ​ ​6.82ភាគរយ​ធៀប​នឹង​ឆ្នាំ​ចាស់​ ​រីឯ​ ​Huawei​ ​កើន​ពី​ ​8.1លាន​គ្រឿង​មក​ ​13.5លាន​គ្រឿង​ ​ជា​ភាគរយ​កើន​បាន​ដល់ទៅ​ ​66.13ភាគរយ​ឯណោះ​(​ពេល​មានរឿង​រ៉ាវ​ជាមួយ​អាមេរិក​ ​នៅ​ទីផ្សារ​អាមេរិក​ត្រូវ​គេ​ប៉ាន់ប្រមាណ​ថា​ ​ធ្លាក់ចុះ​ ​40​%​-​60​%​ ​ដូចនេះ​តួលេខ​ថ្មី​មិនទាន់​បញ្ចេញ​ឱ្យ​ដឹង​ថា​ ​ប៉ុន្មាន​លាន​គ្រឿង​នៅឡើយ​ទេ​។​

​ក្រុមហ៊ុន​អាមេរិក​ ​Apple​ ​ធ្លាក់ចុះ​អស់​ ​22.73ភាគរយ​ ​នាំចេញ​បាន​ត្រឹម​ ​7.8លាន​គ្រឿង​ ​ធៀប​នឹង​ ​Xiaomi​ ​បាន​ ​2.9លាន​គ្រឿង​ ​ឈរ​លើ​លេខ​ ​4​ ​តែ​ជា​តួលេខ​កើនឡើង​ ​ហើយ​ ​HMD​ ​ដែល​ជា​មេធំ​របស់​ ​Nokia​ ​ធ្លាក់​ពី​ ​3.3លាន​គ្រឿង​មក​ ​2.2លាន​គ្រឿង​៕​

​