កីឡាករ Neymar JR បានបាត់មុខមិនបង្ហាញខ្លួនការហ្វឹកហាត់ជាច្រើនថ្ងៃមកហើយ ដោយមិនបានផ្តល់ដំណឹងអ្វីបន្តិចទាល់តែសោះទៅកាន់ក្លិបរបស់ខ្លួន។
ពាក់ព័ន្ធនឹងបញ្ហានេះត្រូវបានអ្នកគ្រប់គ្នាដឹងថា គឺជាចេតនារបស់ Neymar JR ដែលចង់ចាកចេញពីក្លិបបារាំង Paris Saints Germaint។
គួរបញ្ជាក់ផងដែរថា កីឡាករជម្រើសជាតិប្រេស៊ីលដែលមានតម្លៃខ្លួនថ្លៃជាងគេបំផុតរូបនេះ បានបង្ហាញចេតនាចង់ចាកចេញពីក្លិបជាយូរណាស់មកហើយ តែដោយសារតែមិនមានក្លិបផ្សេងណាហ៊ានមកចរចាជាមួយក្លិបរបស់គេឡើយ ព្រោះកីឡាកររូបនេះមានតម្លៃខ្លួនថ្លៃកប់ពពកពេក៕
ការប្រកួតដកស្រង់បច្ចេកទេសរវាងក្រុមជម្រើសជាតិកម្ពុជាអាយុក្រោម 15ឆ្នាំ ជាមួយនឹងក្រុមជម្រើសជាតិចិនអាយុក្រោម 15ឆ្នាំនឹងត្រូវធ្វើឡើង 2ជើង នាថ្ងៃទី11 និង13 ខែកក្កដា ឆ្នាំ2019 វេលាម៉ោង 5ល្ងាច នៅកីឡដ្ឋាន Smart RSN ទាំង 2ជើង ដោយនឹងបើកឱ្យអ្នកគាំទ្រ និងទស្សនិកជនចូលទស្សនាដោយឥតគិតថ្លៃ ខណៈដែលការប្រកួតនេះមិនមានការផ្សាយបន្តផ្ទាល់តាមកញ្ចក់ទូរទស្សន៍ឡើយ។
មិនតែប៉ុណ្ណោះ គ្រូបង្វឹកបានបង្ហាញបញ្ជីឈ្មោះកីឡាករ 28នាក់ចុងក្រោយដែលត្រៀមក្នុងការប្រកួតមិត្តភាពដកស្រង់បច្ចេកទេសនេះ ហើយបន្ទាប់ពីបញ្ចប់ការប្រកួតនេះ គ្រូបង្វឹកនឹងកាត់កីឡាករចំនួន 5នាក់ចុងក្រោយចេញ មុននឹងហោះទៅចូលរួមប្រកួតពាន AFF U16 Championship នៅឯប្រទេសវៀតណាមនាដើមខែក្រោយនេះ៕
(ភ្នំពេញ ថ្ងៃទី១១ ខែកក្កដា)៖ (ភ្នំពេញ ថ្ងៃទី១០ ខែកក្កដា)៖ តើលោកអ្នកកំពុងតែគិតពីថ្ងៃសម្រាកវិស្សមកាលរបស់លោកអ្នកនៅពេលបន្ទាប់មែនទេ? ប្រសិនបើអ្នកកំពុងតែស្វែងរកថ្ងៃសម្រាកដ៏រំភើបមួយ និងចំណាយតិច អ្នកគួរតែធ្វើដំណើរទៅទស្សនកិច្ចនៅវៀតណាម!
ការធ្វើដំណើរទៅកាន់ប្រទេសវៀតណាម ដោយចេញដំណើរពីខេត្តសៀមរាប កាន់តែឆាប់រហ័ស និងងាយស្រួលជាងមុន ខណៈដែលក្រុមហ៊ុនអាកាសចរណ៍ Vietjet នឹងផ្តល់ជូនសំបុត្រហោះហើរមានតម្លៃថោកទៅលើការហោះហោះហើរទៅ-មកជាប្រចាំថ្ងៃរបស់ខ្លួន ទៅកាន់ទីក្រុងហាណូយ និងគោលដៅដ៏គួរឲ្យចាប់អារម្មណ៍បំផុតទូទាំងប្រទេសនេះ។
នៅចន្លោះថ្ងៃទី១០ ដល់ទី១២ ខែកក្កដា លោកអ្នកអាចទទួលតម្លៃសំបុត្រក្នុងប្រមូសិនក្នុងកម្រិតដ៏ទាបរហូតដល់ ០ (សូន្យ) ដុល្លារអាមេរិក (លក្ខខណ្ឌផ្សេងៗត្រូវបានអនុវត្តន៍) ប្រសិនបើលោកអ្នកកក់ការធ្វើដំណើរ អំឡុងម៉ោងមាស ពោលគឺចន្លោះម៉ោង១២ថ្ងៃត្រង់ និងម៉ោង២រសៀល តាមរយៈគេហទំព័រ https://vietjetair.com/។
មិនថា លោកអ្នកចូលចិត្តស្វែងរកកន្លែងលក់-ដូរដ៏មានតម្លៃសមរម្យបំផុត នៅផ្សារតាមដងវិថី ឬអ្នកចូលចិត្តដើរផ្សារទំនើប និងទិញទំនិញប្រកបដោយគុណភាពខ្ពស់ ក៏ដោយ វៀតណាម គឺជាកន្លែងដែលត្រូវទៅសម្រាប់ដំណើរកម្សាន្តទិញទំនិញនាពេលបន្ទាប់របស់អ្នក។
ការដើរទិញទំនិញនៅប្រទេសវៀតណាម ពិតជាជម្រើសដ៏ពេញនិយមសម្រាប់គ្រប់គ្នា។ ខាងក្រោមនេះ គឺជាគន្លឹះសំខាន់ៗទៅលើវិធីសាស្ត្រក្នុងការចំណាយពេលដ៏មានអត្ថប្រយោជន៍បំផុតលើការដើរទិញទំនិញក្នុងប្រទេសវៀតណាម។
ផ្សារតាមដងផ្លូវ និងផ្សារទំនើបធំៗនៅទីក្រុងហាណូយ
ផ្សារតាមដងផ្លូវចម្រុះគ្នាជាច្រើន សុទ្ធសឹងមានទីតាំងនៅទីក្រុងហាណូយ ខណៈដែលវិថី Hang Gai ដែលពេលខ្លះគេហៅថា វិថីលក់ក្រណាត់សូត្រ ពោរពេញដោយហាងតូចៗ និងហាងលក់សម្លៀកបំពាក់ចម្រុះពណ៌ ដែលលក់ក្រណាត់ធ្វើពីសរសៃសូត្រមានគុណភាពខ្ពស់ និងទំនិញជាច្រើនផ្សេងទៀត ស្របពេលដែលវិថី Hang Bac,ឬ Silver Street ប្រជុំទៅដោយហាងលក់គ្រឿងអលង្កា។
ផ្សាររាត្រីក្នុងទីក្រុងហាណូយ នៅតំបន់ Old Town តូបលក់ទំនិញជិត៤០០០តូប ដែលលក់ទំនិញជាច្រើន ដូចជា សម្លៀកបំពាក់ ស្បែកជើង គ្រឿងអលង្កា ទំនិញទាន់សម័យផ្សេងៗ ក៏ដូចជាវត្ថុអនុស្សាវរីយ៍ជាច្រើន។ ការតថ្លៃគឺជារឿងដែលមិនអាចជៀសបាន ប៉ុន្តែ អ្នកលក់ភាគច្រើន ពិតជារីករាយក្នុងការចរចាទៅលើតម្លៃផ្សេងៗ។
រូបចម្លាក់ប្រពៃណីតូៗធ្វើដោយដៃនៅតំបន់ Old Quarter ក្នុងទីក្រុង ហាណូយ
នៅរដូវក្តៅនេះ ការដើរទិញទំនិញនៅតាមផ្សារនានា នៅពេលព្រឹកព្រលឹម គឺជាជម្រើសដ៏ល្អបំផុត ឬបន្ទាប់ពីថ្ងៃលិចក៏បាន។ សម្រាប់ការដើរទិញទំនិញនៅពេលថ្ងៃ ផ្សារដ៏គួរឲ្យចាប់អារម្មណ៍បំផុតក្នុងទីក្រុងហាណូយ គឺផ្សារទំនើបដែលលក់ទំនិញម៉ាកយីហោអន្តរជាតិ ក្នុងម៉ាស៊ីនត្រជាក់។ Savico Mall ដែលជាផ្សារទំនើបមួយក្នុងចំណោមផ្សារទំនើបដ៏ធំបំផុតក្នុងប្រទេសវៀតណាម ពោរពេញដោយទំនិញមានស្លាកយីហោអន្តរជាតិ និងក្នុងស្រុក ក៏ដូចជា កន្លែងញាំអាហារពេលល្ងាច និងកន្លែងកម្សាន្តផ្សេងៗ។ ផ្សារទំនើប Trang Tien Plaza, Vincom Mega Mall និង Lotte Shopping Center ដែលមានទេសភាពដ៏អស្ចារ្យពីស្ពាន SkyWalk របស់ខ្លួន ក៏ជាទីកន្លែងដែលត្រូវទៅដើរកម្សាន្តផងដែរ។
ទីក្រុងហូជីមិញ-កន្លែងលក់គ្រឿងអលង្កា នៅភាគខាងត្បូង
ជាមួយនឹងការមានជើងហោះហើររបស់ Vietjet ចំនួន១១ជើង ក្នុង១ថ្ងៃ ពីទីក្រុងហាណូយ ទៅកាន់ទីក្រុងហូជីមិញ លោកអ្នកនឹងកាន់តែមានភាពភាពងាយស្រួលក្នុងរៀបចំការធ្វើដំណើររបស់លោកអ្នកស្របទៅតាមផែនការដើរទិញទំនិញរបស់លោកអ្នក និងរីករាយការដើរកម្សាន្តក្នុងទីក្រុងដ៏អស្ចារ្យបំផុតទាំង២។ កន្លែងមួយក្នុងចំណោមកន្លែងដ៏ល្អបំផុតក្នុងការដើរទិញទំនិញនៅទីក្រុងហូជីមិញ គឺផ្សារទំនើប Ben Thanh ដែលស្ថិតនៅអគារមានវ័យចំណាស់បំផុតមួយក្នុងទីក្រុងនេះ ប៉ុន្តែ ជាកន្លែងប្រជុំដោយភ្ញៀវទេសចរណ៍ក្នុងស្រុក និងអន្តរជាតិ ដែលដើរទិញទំនិញសិប្បកម្មផ្សេងៗ វាយនភណ្ឌ និងវត្ថុអនុស្សាវរីយ៍។ ប្រសិនបើលោកអ្នកចង់ទិញក្រណាត់សូត្រ និងសម្លៀកបំពាក់ ផ្សារ An Dong គឺជាកន្លែងដែលត្រូវទៅ ខណៈដែលទីនោះមានលក់ដុំ និងលក់រាយក្រណាត់ និងសម្លៀកបំពាក់ជាច្រើន។ ទីក្រុងហូជីមិញ មានអាកាសធាតុក្តៅ និងសើមពេញ១ឆ្នាំ ហេតុនេះ ផ្សារទំនើបដូចជា Saigon Square នឹងផ្តល់នូវផាសុខភាព ក្នុងពេលដើរផ្សារពេលថ្ងៃ។
ការដើរទិញវត្ថុអនុស្សាវរីយ៍ទូទាំងប្រទេសនេះ
ទីក្រុងហាណូយ និងហូជីមិញ មិនមែនជាកន្លែងដែលត្រូវទៅទិញវត្ថុអនុស្សាវរ៍ផ្សេងៗពីប្រទេសវៀតណាម ដើម្បីធ្វើជាកាដូសម្រាប់មិត្តភក្តិពេលវិលទៅផ្ទះវិញឡើយ ប៉ុន្តែ លោកអ្នកអាចស្វែងរកទិញនៅផ្សារធំៗជាច្រើនផ្សេងទៀតទូទាំងប្រទេសនេះ។
ប្រសិនបើលោកអ្នកចង់សម្រាកវិស្សមកាលនៅឆ្នេខ្សាច់ និងដើរទិញទំនិញ Nha Trang គឺជាកន្លែងដែឡត្រូវទៅ ខណៈដែលទីនោះ មានផ្សារទំនើបជាច្រើនដែលលក់ទំនិញសម្រាប់ភ្ញៀវទេសចរណ៍មកពីទូទាំងពិភពលោក។
Hoi An ដែលស្ថិតក្បែររមណីយដ្ឋានឆ្នេរខ្សាច់ Danang គឺជាគោលដៅទេសចរណ៍ដ៏ល្អឥតខ្ចោះសម្រាប់ការដើរមើលទេសភាព និងដើរមើលហាងលក់ផ្កាជាច្រើនប្រភេទ ហើយលោកអ្នកក៏អាចទៅកាត់សម្លៀកបំពាក់តាមសេចក្តីត្រូវការរបស់លោកអ្នកនៅតាមហាងកាត់ដេរសម្លៀកបំពាក់ដ៏ល្បីល្បាញបំផុតក្នុងពិភពលោក នៅទីនោះផងដែរ។ សម្លៀកបំពាក់ធ្វើពីសរសៃសូត្រ និងសម្លៀកបំពាក់ជាច្រើនប្រភេទ ក៏មានលក់ក្នុងតំបន់ផ្សេងៗគ្នាជាច្រើនផងដែរ ហើយក្រុមជនជាតិភាគតិចផ្សេងគ្នាជាច្រើនរបស់វៀតណាម មានភាពល្បីល្បាញទៅលើការផលិតវត្ថុមានលក្ខខណ្ឌដ៏ពិសេសជាច្រើន ខណៈដែលលោកអ្នកអាចរកជាវទំនិញទាំងនោះបាននៅផ្សារដមដងវិថីផ្សេងៗ ក្នុងទីក្រុងជាច្រើន ដូចជា Sapa ដែលស្ថិតនៅភាគខាងជើងនៃប្រទេសវៀតណាម។
ការធ្វើដំណើរទៅកម្សាន្តនៅផ្សារបណ្តែតទឹកនៅ Cai Rang ក្បែរទីក្រុង Can Tho ក្នុងតំបន់ Mekong Delta ក៏ជាជម្រើសដ៏មានប្រជាប្រិយភាពសម្រាប់ភ្ញៀវទេសចរណ៍ផងដែរ និងជាផ្នែកមួយនៃដំណើរកម្សាន្តទៅកាន់កន្លែងដ៏ស្រស់ស្អាត និងគួរឲ្យចាប់អារម្មណ៍នៅវៀតណាម។
រាល់ការដើរកម្សាន្តក្នុងតំបន់ទាំងនេះ និងនៅតំបន់ជាច្រើនទៀត កំពុងតែរង់ចាំឲ្យលោកអ្នក។ សម្រាប់ព័ត៌មានបន្ថែមអំពីការប្រើប្រាស់ Vietjet ដើម្បីជួយឲ្យលោកអ្នកទៅកម្សាន្តនៅវៀតណាម ក្នុងនោះរាប់បញ្ចូលទាំងគន្លឹះសំខាន់ៗក្នុងការដើរទិញទំនិញ និងការស្វែងយល់បន្ថែមពីរបៀបរស់នៅរបស់ប្រជាជនវៀតណាម សូមចូលទៅកាន់គេហទំព័រ www.vietjetair.com៕
Ballon d’Or នារី លើកដំបូងបានទៅលើកីឡាការិនីឆ្នើមរបស់ប្រទេសន័រវែស Ada Hegerberg របស់ក្លិប Lyon ដែលនេះជាឆ្នាំដំបូងហើយដែលគេបង្កើតពានប្រភទនេះសម្រាប់ក្រុមបាល់ទាត់នារី។
កីឡាការិនីវ័យ 23ឆ្នាំចូលរួមជាមួយក្លិប Lyon ក្នុងឆ្នាំ2014 និងបានជួយក្លិបមួយនេះឱ្យឈ្នះពានលីកកំពូល និងពាន Champions League ផ្នែកនារី 3រដូវកាលជាប់ៗគ្នា ដោយលេងក្នុងតួនាទីជាខ្សែប្រយុទ្ធ។ Hegerberg រកបាន 157គ្រាប់ក្នុងការបង្ហាញខ្លួន 125ប្រកួតឱ្យ Lyon និង 38គ្រាប់ផ្សេងទៀតឱ្យក្រុមជម្រើសជាតិនារីន័រវែស។
ឯចំណាត់ថ្នាក់លេខ2 បានទៅលើកីឡាការិនី Pernille Harder មកពីប្រទេសដាណឺម៉ាក និងលេខ3 បានទៅលើនាង Dzsenifer Marozsán មកពីក្រុមបាល់ទាត់ជម្រើសជាតិអាល្លឺម៉ង់។ កាលពីឆ្នាំ2016 តារាឆ្នើមមកពីទីក្រុង Molde នៃក្រុមបាល់ទាត់ជម្រើសជាតិន័រវែសរូបនេះ ធ្លាប់ត្រូវបានបោះឆ្នោតឱ្យឈ្នះពានកីឡាការិនីឆ្នើមប្រចាំទ្វីបអឺរ៉ុបម្ដងរួចមកហើយ៕
អតីតកីឡាកររបស់ក្រុមបាល់ទាត់ភ្នំពេញក្រោន Thomas Sam Sochenn និងម្នាក់ទៀតឈ្មោះ Owen Pich បានទៅចួលរួមជាមួយនឹងក្លិបបាល់ទាត់ខេត្តកំពង់ចាមជាផ្លូវការហើយ នេះបើតាមការបង្ហោះក្នុងទំព័រហ្វេសប៊ុករបស់ក្លិបដែលមានមូលដ្ឋាននៅខេត្តកំពង់ចាមមួយនេះ។
Thomas Sam Sochenn មានវ័យ 25ឆ្នាំ លេងក្នុងតំណែងខ្សែបម្រើកណ្តាល បានចាប់ផ្តើមលេងបាល់ទាត់នៅប្រទេសបារាំងជាមួយក្រុម Olympique Marseille រយៈពេល 3ឆ្នាំ (2010-2014) ហើយបានបន្តលេងនៅក្លិប Marignane Gignac F.C. លីកទី3 ប្រទេសបារាំងរយៈពេល 2ឆ្នាំ (2016-2018)។
ចំណែកឯ Pich Owen ដែលមានវ័យទើបតែ 20ឆ្នាំ ក៏ធ្លាប់លេងនៅក្នុងតំបន់កណ្តាលទីលានដូចគ្នា រូបគេបានចាប់ផ្តើមលេងបាល់ទាត់នៅក្នុងក្រុមថ្នាលរបស់ក្រុម AS Muret នៅឆ្នាំ2009-2015 ហើយបានបន្តទៅលេងនៅក្លិប AS Tournefeuille ពីឆ្នាំ2015-2017 ហើយនៅឆ្នាំ2018 រូបគេបានទៅចូលរួមលេងជាមួយក្លិប AS Lavernose៕
កាលពីពេលថ្មីៗនេះ មានព័ត៌មានលេចឮឡើងថា ខ្សែប្រយុទ្ធជម្រើសជាតិវៀតណាម Nguyen Cong Phuong ត្រូវបានក្លិប HAGL ដាក់ឱ្យក្លិបមួយនៅក្នុងលីកកំពូលរបស់ប្រទេសបែលហ្សិកខ្ចីជើងជាមួយកិច្ចសន្យារយៈពេល 1រដូវកាល។
ក្លិប Sint-Truidense VV ដែលជាសមាជិកនៃលីកកំពូលបែលហ្សិក បានប្រកាសឱ្យដឹងអំពីប្រាក់ខែរបស់កីឡាកររូបនេះនៅក្នុងថ្ងៃធ្វើសន្និសីទកាសែតនៃការចុះកុងត្រានេះថា កីឡាកររូបនេះនឹងទទួលបានប្រាក់ខែ 3ម៉ឺនដុល្លារក្នុង 1ខែរហូតដល់ចប់កិច្ចសន្យាមួយនេះ។
បើតាមការបញ្ជាក់ពីប្រធានក្លិបចាស់ Hoang Anh Gia Lai របស់កីឡាករវ័យ 24ឆ្នាំខាងលើ បានទម្លាយឱ្យដឹងថា ប្រាក់ឈ្នួលបឋមរបស់ខ្សែប្រយុទ្ធរូបនេះកាលស្នាក់នៅជាមួយលោក គឺទទួលបានជាមធ្យម 1,000ដុល្លារ ខណៈកាលពីការខ្ចីជើងទៅកាន់លីកកំពូលកូរ៉េខាងត្បូង គ្រានោះទទួលបានប្រហាក់ប្រហែលជា 10,000ដុល្លារ៕
អ្នកសិល្បៈមួយចំនួន បានចំអន់ថា មុខមាត់ស្លេកស្លាំង និងមើលទៅដូចគ្មានកម្លាំងម្លឹងហើយ នៅប្រឹងចេញមុខចេញមាត់ ក្នុងកម្មវិធីប្រកួតឈុតបុរាណរបស់គ្រួសារតារាកម្ពុជា កាលពីថ្ងៃទី៨ កក្កដា នៅប្រាសាទព្រះសំបូរព្រៃគុកទៀត។ ប៉ុន្តែនៅពេលអ្នកដឹងពីសភាពពិតរបស់នាង គឺពិតជារន្ធត់ចិត្ត។
តារាសម្ដែងភេទទី៣ កញ្ញា ចូចូ បានឆ្លើយបញ្ជាក់ថា ដោយសារតែនាងកាន់តែអស់សង្ឃឹមនឹងសភាពជម្ងឺចុងក្រោយ ទើបនាងចេះតែខំជួបជុំ ក្នុងពេលមានសកម្មភាពសិល្បៈ ដើម្បីបន្លំសភាពធ្វើទុក្ខម្ដងៗ។ នាងថាខ្លួនអត់មានលទ្ធភាពទៅពេទ្យ និងទៅព្យាបាលជម្ងឺទេ ដោយនាងក៏មិនដឹងថាសភាពធ្វើទុក្ខរបស់នាង នឹងធ្វើឱ្យនាងលែងទ្រាំប្រឹងដកដង្ហើមពេលណានោះទេ។ នាងនិយាយថា ជំងឺរបស់នាង បើបណ្ដោយឱ្យនាងពិបាកចិត្តថែមទៀត គឺពិតជាធ្វើអោយបាក់ទឹកចិត្ត ទើបនាងចេះតែតសូ៑ទៅចូលរួមក្នុងសកម្មភាពលើកស្ទួយសិល្បៈទាំងឡាយ ដើម្បីបន្លប់ភាពអស់សង្ឃឹម។ នាងកាន់តែធ្វើឱ្យម្នាក់ៗខ្លោចចិត្តទៅទៀត នៅពេលនាងបង្ហោះសារបង្ហាញពីការអស់សង្ឃឹមធ្ងន់ធ្ងរ។
កញ្ញា ចូចូ សរសេរបង្ហោះថា “តើវាជាការពិតទេដែរយើង កើតជម្ងឺបេះដូងហើយវាអាចរាលដាលដល់ក្បាល ឬវាអាចធ្វើឱ្យយើងឈឺពីក្បាលដល់ជើង បងប្អូនណាដឹងជួយប្រាប់ខ្ញុំផង ថាជម្ងឺបេះដូងវាអាចធ្វើទុកចឹងមែនទេ:cold_sweat::pensive:🤦♂:pray:🏼”។ នាងសរសេរមួយឃ្លារអានហើយរន្ធត់ចិត្តទៀតថា “ទេវត្ដាអើយបើពិបាក់ម្លឹងៗយកជីវិតខ្ញុំទៅតែម្ដងទៅ ខ្ញុំហត់ហើយ🤦♂គ្រូពេទ្យដែរធ្លាប់មើលជំងឺខ្ញុំ គាត់លែងទទួលមើលជម្ងឺខ្ញុំហើយ:pensive:គាត់អោយខ្ញុំទៅមើលនៅពេទ្យរុស្សី☹គាត់ថាជម្ងឺខ្ញុំវាកាន់តែវិវត្តន៍ទៅមុខខ្លាំងហើយ:broken_heart:ជំងឺបេះដូង:broken_heart:គាត់អោយទៅដេកនៅពេទ្យរុស្សីទៅ ព្រោះបេះដូងខ្ញុំធ្វើទុកខ្លាំងហើយ☹ពាក្យពេទ្យធ្វើឱ្យខ្ញុំបាក់ទឹកចិត្តហើយពូ☹តើខ្ញុំរកលុយណាទៅដេកពេទ្យទៅ?”។
គួរបញ្ជាក់ថា តារាភេទទី៣ ចូចូ មានជំងឺបេះដូង ដែលតម្រូវឱ្យធ្វើការវះកាត់ជាយូរមកហើយ ប៉ុន្តែដោយសារតែនាងមិនមានលទ្ធភាព ទើបបណ្ដោយឱ្យជំងឺរីករាលដាល ឈានដល់សភាពធ្វើទុក្ខផ្សេងៗ។ ចូចូ ធ្លាប់បានបង្ហាញថា ជំងឺរបស់នាងម្ដងពេទ្យថា ដុះដុំសាច់ក្នុងខួរក្បាល និងខ្លះថា បណ្ដាលមកពីបេះដូងរបស់នាងមានបញ្ហាទុកយូរខ្លាំងពេក ទើបបណ្ដាលឱ្យមានអាការៈឈឺក្បាលដូចប្រកាំង និង មានសភាពដង្ហក់ខ្លាំងៗ។ នៅក្នុងពិធីប្រកួតឈុតបុរាណ ចូចូ ត្រូវគេឃើញប្រើថ្នាំជំនួយផ្លូវដង្ហើមញឹកញាប់ ក្នុងពេលដែលនាងក៏មានសភាពស្គមស្គាំង និង ស្លេកស្លាំងគួរអោយបារម្ភ។ ចូចូ ប្រាប់ថា ចង់បានឱកាសទៅព្យាបាលនៅក្នុងពេទ្យថៃ ប៉ុន្តែនាងមិនមានលទ្ធភាពនោះទេ ដោយសារដែលនាងបង្ហោះ គឺសូម្បីតែសភាពត្រូវបញ្ជូនទៅព្យាបាលនៅពេទ្យរុស្ស៊ីទៅហើយ ក៍មិនមានលទ្ធភាពផង កុំថា ដល់ឱកាសចេញក្រៅប្រទេស។ បើមានជំនួយសប្បុរសធម៌ នាងចាកចេញទៅព្យាបាលភ្លាម ដោយមិនទុកជំងឺឱ្យកាន់តែធ្ងន់ចឹងទេ៕
ភ្នំពេញ ៖ ស្ត្រីវ័យក្មេងម្នាក់ដែលមានមុខរបរជាអ្នកដើររើសអេតចាយលក់ដើម្បីចិញ្ចឹមជីវិត និងគ្រួសារ មានវាសនាខ្ពស់ឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវទឹកប្រាក់ចំនួន១០០លានរៀល។ ស្ត្រីដែលមានមហាសំណាងរូបនេះមានឈ្មោះ អេង ណា អាយុ ៣៣ ឆ្នាំ បច្ចុប្បន្នរស់នៅ ភូមិត្នោតជ្រុំ ក្រុមទី១៤ សង្កាត់បឹងទំពន់ ខណ្ឌមានជ័យ រាជធានីភ្នំពេញ។
ថ្លែងប្រាប់ក្រុមការងារដែលចុះប្រគល់រង្វាន់នូវចំនួនទឹកប្រាក់ ១០០លានរៀលដល់លំនៅដ្ឋាន ស្ថិតនៅទីតាំងខាងលើនេះ អ្នកស្រី អេង ណា បានប្រាប់ឱ្យដឹងថា ដោយសារតែមានជីវភាពលំបាកខ្លាំងពេក បានចាកចេញពីស្រុកកំណើតនៅឯខេត្តស្វាយរៀង មករស់នៅភ្នំពេញ និងប្រកបមុខរបរជាអ្នកដើររើសអេតចាយ ដែលសូម្បីតែផ្ទះស្នាក់ក៏ថៅកែទិញអេតចាយជួលឱ្យនៅដែរ។ ស្ត្រីរូបនេះបានបន្តឱ្យដឹងថែមទៀតថា ស្ទើរតែរាល់ថ្ងៃអ្នកស្រីតែងខ្ចីអង្ករអ្នកជិតខាងដាំបាយហូបជាញឹកញាប់ លុះកាលពីចុងសប្ដាហ៍មុននេះ មុនពេលចេញទៅដើររើសអេតចាយ អ្នកស្រីបានដើរទៅសុំជំពាក់អង្ករគេទុកគ្រាន់ដាំបាយហូប ហើយទិញភេសជ្ជៈប៉ូវកម្លាំង ខារ៉ាបាវ មួយកំប៉ុងពីអ្នកលក់ដែលស្ថិតនៅទល់មុខកន្លែងស្នាក់នៅទុកគ្រាន់ទទួលទានពេលអស់កម្លាំង។ លុះថ្ងៃបន្តិច នៅពេលដែលមានអារម្មណ៍ថាអស់កម្លាំង ក៏យក ខារ៉ាបាវ មកទទួលទាន ស្រាប់តែពេលគាស់ក៏ឃើញមានរង្វាន់ ១០០លានរៀលនៅនឹងក្រវិលកំប៉ុងតែម្ដង។ ភ្លាមនោះអ្នកស្រីពិតជាមានអារម្មណ៍រំភើប រីករាយជាខ្លាំង ស្ទើរតែមិនជឿភ្នែកខ្លួនឯង ហើយក៏ស្រែកប្រាប់មនុស្សដែលស្ថិតជិតគ្នាឱ្យជួយពិនិត្យ និងទូរស័ព្ទជូនដំណឹងដល់ក្រុមហ៊ុនតែម្ដង។
អ្នកស្រីបានបញ្ជាក់ថា ៖ ទឹកប្រាក់១០០លានរៀលនេះគឺពិតជាមានសារសំខាន់ចំពោះក្រុមគ្រួសារអ្នកស្រីខ្លាំងណាស់។ ក្រោយពីទទួលបានទឹកប្រាក់រង្វាន់ ១០០លានរៀលពីភេសជ្ជៈខារ៉ាបាវ អ្នកស្រីនឹងយកមួយចំនួនទៅទិញដី សង់ផ្ទះនៅស្រុកកំណើត ហើយមួយចំណែកទៀតយកទៅសងគេ និងទុកបង្កើតមុខរបរសម្រាប់ទ្រទ្រង់ជីវភាពទៅថ្ងៃអនាគត។
សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធ ១០០លានរៀល កើនឡើងដល់ ១០០ រង្វាន់ , បន្ថែមទឹកប្រាក់ចំនួន ១០ លានរៀល ចំនួន១០០ រង្វាន់, ម៉ូតូ HONDA Dream កើនឡើងដល់ ១០០ រង្វាន់ , ទូរស័ព្ទដៃ iPhone កើនឡើងដល់ ១០០ រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
រាជធានីភ្នំពេញ៖ កាលពីថ្ងៃទី ២៧ ខែមិថុនា ឆ្នាំ២០១៩ ស្រាបៀរអាន់ឆ័របានរៀបចំកម្មវិធីប្រគល់រង្វាន់ជូនអ្នកឈ្នះរង្វាន់ទឹកប្រាក់១ម៉ឺនដុល្លារចំនួនប្រាំរូប និងអ្នកឈ្នះរង្វាន់ទឹកប្រាក់១ពាន់ដុល្លារចំនួន ៤៤ រូបពីកម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ អ្នកឈ្នះរង្វាន់ ភ្ញៀវកិត្តិយស និងអ្នកសារព័ត៌មានជាច្រើន។
កម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជន ដែលតែងតែគាំទ្រ និងនិយមជាវស្រាបៀរអាន់ឆ័រសម្រាប់គ្រប់កម្មវិធី គ្រប់ឱកាស។
អ្នកឈ្នះរង្វាន់ទឹកប្រាក់១ម៉ឺនដុល្លារចំនួនប្រាំរូបគឺ៖ ១.លោក ស៊ីម ចិន្ដា មកពីខេត្តព្រៃវែង ២. លោក អួង សុគុណធឿន មកពីខេត្តកណ្តាល ៣.លោក ប៉ែន វាសនា មកពីខេត្តកំពង់ស្ពឺ ៤. លោក ឈន់ សុខឈឿន មកពីខេត្តកំពង់ស្ពឺ និង ៥.អ្នកស្រី ដាម សុធី មកពីខេត្តឧត្តរមានជ័យ។
លោក ប៉ែន វាសនា ដែលជាអ្នកឈ្នះមួយរូបក្នុងចំណោមអ្នកឈ្នះប្រាំរូបនៃរង្វាន់ទឹកប្រាក់១ម៉ឺនដុល្លារពីស្រាបៀអាន់ឆ័របានមានប្រសាសន៍ថា៖ “ខ្ញុំពិសាស្រាបៀរអាន់ឆ័របីទៅបួនដងក្នុងមួយសប្តាហ៍។ ខ្ញុំបានទិញមួយកេសទៅជប់លៀងជួបជុំបងប្អូន និងគ្រួសារ ហើយក៏គាស់ក្រវិលក៏បានមួយម៉ឺនដុល្លារ។ ខ្ញុំផឹកជាមួយគ្រួសារ និងបងប្អួននៅផ្ទះ។ ខ្ញុំអារម្មណ៍សប្បាយខ្លាំងណាស់។ មិននឹកស្មានមានវាសនាបានរង្វាន់។ ពីមុនមកអត់ដែលត្រូវអីសោះ។ ទើបត្រូវរង្វាន់ធំពីស្រាបៀរអាន់ឆ័រ។ ខ្ញុំមិនដែលត្រូវមានរង្វាន់ពីមុនទេ។ រង្វាន់ដែលខ្ញុំបានឈ្នះមួយម៉ឺនដុល្លារខ្ញុំយកទៅពង្រីកមុខរបរបន្ថែម និងផ្គត់ផ្គង់គ្រួសារ។ ចំពោះកម្មវិធីប្រូម៉ូសិនស្រាបៀរអាន់ឆ័រពិតជាចែករង្វាន់ពិតប្រាកដមែន។ ជាកិច្ចចុងក្រោយខ្ញុំសូមផ្តាំផ្ញើទៅដល់អតិថិជនស្រាបៀរអាន់ឆ័រ រង្វាន់គឺចែកពិតៗ។ ហើយសូមថ្លែងអំណរគុណដល់ស្រាបៀរអាន់ឆ័រសូមឲ្យក្រុមហ៊ុនទទួលជោគជ័យគ្រប់ភារកិច្ច និងរីកចម្រើនជារៀងរហូត។”
អ្នកឈ្នះរង្វាន់ទឹកប្រាក់១ម៉ឺនដុល្លារចំនួនប្រាំរូប និងអ្នកឈ្នះរង្វាន់ទឹកប្រាក់១ពាន់ដុល្លារចំនួន ៤៤ រូបបានទទួលរង្វាន់ពីក្រុមការងារស្រាបៀរអាន់ឆ័រ។
កម្មវិធីឈ្នះរង្វាន់ស្រាបៀរ និងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រចាប់ផ្តើមពីថ្ងៃនេះរហូតដល់ដំណាច់ឆ្នាំ ២០១៩។ រាល់ការជាវស្រាបៀរអាន់ឆ័រ លោកអ្នកនឹងមានឱកាសឈ្នះរង្វាន់ស្រាបៀរអាន់ឆ័រ១កំប៉ុង ១២កំប៉ុង ២៤ កំប៉ុង ព្រមទាំងរង្វាន់ទឹកប្រាក់ ១០០ (មួយរយ) ដុល្លារ ១០០០ (មួយពាន់ដុល្លារ និង១០០០០ (មួយម៉ឺន)ដុល្លារពីស្រាបៀរអាន់ឆ័រ។ ក្រុមហ៊ុននឹងរៀបចំពេលវេលាជូនអ្នកឈ្នះរង្វាន់ទឹកប្រាក់១ម៉ឺនដុល្លារ និងអ្នកឈ្នះរង្វាន់ទឹកប្រាក់១ពាន់ដុល្លារដើម្បីបើករង្វាន់ដ៏អស្ចារ្យនេះ នៅការិយាល័យរោងចក្រស្រាបៀរអាន់ឆ័រ។ ចំពោះរង្វាន់ផ្សេងទៀតលោកអ្នកអាចបើកភ្លាមនៅតាមដេប៉ូចែកចាយស្រាបៀរអាន់ឆ័រ។ បញ្ជាក់៖ ដើម្បីបើករង្វាន់ លោកអ្នកត្រូវបង្ហាញសម្បកកំប៉ុង និងក្រវិលកំប៉ុងដែលឈ្នះរង្វាន់។
សូមប្រញាប់ឡើង! ជាវស្រាបៀរអាន់ឆ័រដើម្បីមានឱកាសឈ្នះរង្វាន់១ ម៉ឺនដុល្លារ រាល់ខែ! អ្នកឈ្នះបន្ទាប់អាចជារូបអ្នក!!!
ចំពោះព័ត៌មានបន្ថែម សូមទាក់ទងមកយើងខ្ញុំតាមរយៈលេខ៖ 092 333 900 / 010 833 000។
រីករាយស្រស់ថ្លា
ពិសាដោយការទទួលខុសត្រូវ៕
Lamborghini បានប្រកាសអំពីចំនួនលក់នៅក្នុងរយៈពេល 6ខែដំបូងនៃឆ្នាំ2019 នេះ ដែលគិតចាប់ពីថ្ងៃទី1 មករា ដល់ 30 មិថុនា លក់រថយន្តបានសរុប 4,553គ្រឿង។
ធៀបនឹងឆ្នាំ2018 ចំនួនលក់ឆ្នាំនេះបានកើនឡើងប្រមាណ 96% ដែលឆ្នាំមុនលក់បានត្រឹមតែ 2,327គ្រឿងប៉ុណ្ណោះ តែដើមឆ្នាំ2019 នេះ រថយន្ត Urus កាន់កាប់ចំណែកបានច្រើនបំផុត ដោយលក់បាន 2,693គ្រឿងក្នុងចំណោម 4,553គ្រឿងដែលលក់បាន ឬស្មើនឹងជាង 59%។
ទីផ្សារធំជាងគេបំផុតរបស់ Lamborghini គឺសហរដ្ឋអាមេរិក (លក់បាន 1,543គ្រឿង) តាមពីក្រោយដោយប្រទេសចិន, ចក្រភពអង់គ្លេស, ជប៉ុន និងអាល្លឺម៉ង់។
Lamborghini Urus កម្លាំង 641សេះ (តម្លៃ 200,000ដុល្លារ) ម៉ូដែល Urus នេះធ្លាប់ឈរលើតំណែងកំពូលខាងផ្នែកល្បឿន ជាមួយកំណត់ត្រា 304.9គ.ម/ម៉ មុននឹងត្រូវ Bentley Bentayga Speed ដណ្ដើមតំណែងបាន។ រថយន្តគោជល់នេះបំពាក់ម៉ាស៊ីន Twin-Turbo ចំណុះ 4.0លីត្រ ចំនួន 8ស៊ីឡាំង ផលិតកម្លាំងបាន 641សេះ៕
