អេបិល - La Reine Media

នៅសុខៗ ស្រាប់តែ Floyd ចេញមុខមកឌឺដង Pacquiao

ក្រោយពីអ្នកប្រដាល់សញ្ជាតិហ្វីលីពីន Manny Pacquiao បានយកឈ្នះលើកីឡាករអាមេរិក Keith Thurman មិនទាន់បានប៉ុន្មានផង ស្រាប់តែអ្នកប្រដាល់មិនដែលចាញ់សញ្ជាតិអាមេរិកាំង Floyd Mayweather បានចេញមុខមកពោលពាក្យស៊កសៀតចាក់ដោតដល់កីឡាករសញ្ជាតិហ្វីលីពីនភ្លាមៗតែម្ដង។

កីឡាករដែលមានកំណត់ត្រាមិនដែលចាញ់របស់អាមេរិករូបនេះ បានអះអាងថា ខ្លួនគេបានយកឈ្នះ Pacquiao គ្រប់យ៉ាងរួចបាត់ទៅហើយ។ ទាំងការប្រកួតលើកមុន ដែលគេអាចយកឈ្នះបានយ៉ាងស្រួល រួមទាំងការទទួលបានប្រាក់តម្លៃខ្លួនខ្ពស់ជាងទៀតផង។ ជាក់ស្ដែង រូបគេប្រើពេលមិនដល់ទាំង 3ទឹកផង ក៏អាចរកប្រាក់បាន 9លានដុល្លារដែរ ខណៈដែល Pacquiao វិញ ត្រូវការពេលដល់ 12ទឹកឯណោះ ទើបរកបាន 10លានដុល្លារ។ មិនត្រឹមតែប៉ុណ្ណឹង Floyd បានប្រាប់ឱ្យ Pacquiao ត្រូវចាំក្នុងចិត្តផងថា រូបគេនឹងវាយ នៅពេលគេចង់វាយ មិនមែនដូច Pacquiao ឡើយ៕

July 30, 2019

ឱកាលឈ្នះរង្វាន់ដ៏មហាសាល ជាមួយនឹងការលក់ក្នុងតម្លៃទាបបំផុតប្រចាំឆ្នាំពីក្រុមហ៊ុន Sharp

Sharp គឺជាក្រុមហ៊ុនអេឡិចត្រូនិចប្រើប្រាស់ក្នុងគេហដ្ឋានដែលមានអ្នកគាំទ្រយ៉ាងច្រើនពីសំណាក់អ្នកប្រើប្រាស់ក្នុងប្រទេសកម្ពុជា។ Sharp សូមថ្លែងអំណអរគុណយ៉ាងជ្រាលជ្រៅដល់ការជឿទុកចិត្តនូវផលិតផលរបស់យើងខ្ញុំរហូតមក។

ថ្ងៃនេះក្រុមការងារយើងខ្ញុំសូមប្រាប់ពីដំណឹងល្អមួយ! ពេលនេះយើងមានការលក់ទូរទស្សន៍ក្នុងតម្លៃពិសេសដែលមិនធ្លាប់មាន លើសពីការលក់ក្នុងតម្លៃពិសេសនេះ យើងក៏មាននូវឆ្នោតកោសដែលឈ្នះរង្វាន់ ១០០% ដែលរង្វាន់ធំរហូតដល់ ១លានរៀល។ លោកអ្នកអាចជ្រើសរើសទូរទស្សន៍ Sharp គ្រប់ម៉ូឌែលចាប់ពីទំហំ ២៤អ៊ីង ទៅដល់ទំហំ ៦០អ៊ីង មានទាំង កម្រិតច្បាស់ HD កម្រិតច្បាស់ 4K ប្រភេទSmart TV ប្រភេទAndroid TV និងម៉ូឌែលផ្សេងៗទៀតដែលបំពេញតម្រូវការរបស់លោកអ្នក។

ទូរទស្សន៍ Sharp គឺមានគុណភាពខ្ពស់ស្ដង់ដារប្រទេសជប៉ុនដែលឈានមុខគេក្នុងផ្នែកបច្ចេកវិទ្យា។
• ទូរទស្សន៍ Sharp គឺផលិតឡើងជាមួយនឹងបច្ចេកវិទ្យាប្រទេសជប៉ុន ដែលផ្ដល់ជូនលោកអ្នកនូវគុណភាពរូបភាពច្បាស់ល្អនៅពេលលោកអ្នកទស្សនាទូរទស្សន៍របស់ Sharp។
• ប្រព័ន្ធការពារទាំង ៧របស់ទូរទស្សន៍ Sharp ដែលមានដូចជា៖ ប្រព័ន្ធការពារញ័រ ប្រព័ន្ធការពារធ្លាក់ ប្រព័ន្ធការពារចរន្ដភ្លើងឡើងចុះ ប្រព័ន្ធការពាររន្ទះ ប្រព័ន្ធការពារទម្ងន់ ប្រព័ន្ធការពារការឡើងកម្ដៅខ្លាំង និងប្រព័ន្ធការពារលំនឹង។
• Super ECO Mode គឺជាប៊ូតុងមួយដែលអាចសន្សំសំចៃអគ្គិសនីរហូតដល់ទៅ ៥០%។
• Sound Reflect Design គឺត្រូវបានរចនាឡើងជាមួយនឹងកម្រិតសម្លេងច្បាស់ល្អ និងមានភាពឆ្នៃប្រឌិតខ្ពស់។
• USB Media Player គឺរចនាឡើងងាយស្រួលក្នុងការចាក់បញ្ចាំងរូបភាព ចាក់បទចំរៀង និងវីដេអូផ្សេងៗ។

បន្ថែមលើសពីនេះទៅទៀត Sharp មិនមែនមានត្រឹមតែទូរទស្សន៍នោះទេ តែថែមទាំងមាន ម៉ាស៊ីនត្រជាក់ ទូទឹកកក ម៉ាស៊ីនបោកសម្លៀកបំពាក់ ម៉ាស៊ីនបន្សុទ្ធខ្យល់ និងគ្រឿងប្រើប្រាស់ក្នុងផ្ទះ ដែលមានការលក់បញ្ចុះតម្លៃផងដែល ហើយវាក៏ជាឱកាសដ៏ល្អបំផុតសម្រាប់ការជាវផលិតផល Sharp សម្រាប់ផ្ទះរបស់លោកអ្នកផងដែរ។

ឈប់គិតយូរពេកទៅ ឥឡូវនេះគឺជាពេលដ៏ល្អបំផុតសម្រាប់ការទិញទូរទស្សន៍ Sharp ពីហាង Sunsimixco ទូទាំងប្រទេសចាប់តាំងពីថ្ងៃទី ២៥ ខែកក្កដា រហូតដល់ ថ្ងៃទី៣១ ខែសីហា ឆ្នាំ២០១៩។ ចំនួនមានកំណត់ កុំឱ្យឱកាសដ៏ពិសេសកន្លងផុតទៅ។

ចង់ប្រាប់លោកអ្នកម្ដងទៀតថា ជាមួយនឹងនឹងការលក់តម្លៃពិសេសរបស់ទូរទស្សន៍ Sharp នេះគឺមានកំណត់ ហើយរាល់ពេលដែលលោកអ្នកជាវទូរទស្សន៍គ្រប់ម៉ូឌែល លោកអ្នកនឹងទទួលបានឆ្នោតកោសដែលមានឱកាសឈ្នះដល់ ១លានរៀល! តោះមកទិញនៅហាង ស៊ុនស៊ីមិចកូ មុនពេលអស់ស្ដុង។ ដឹងតែឈ្នះហ្មង!!!

July 29, 2019

មិនធម្មតា !! វីដេអូបេក្ខភាពប្រលងXFactor កូនស្រីអ្នកនាងអ៊ីត ល្បីដល់ជាង ដល់ជាង1លានView

ពិតជាអស្ចារ្យ និងនឹកស្មានមិនដល់ថា វីដេអូប្រលងចម្រៀងរបស់កូនស្រីតារាកំប្លែងស្រីអ៊ីត ទទួលបានការចាប់អារម្មណ៍កាន់តែខ្លាំង ដោយមានអ្នក View ដល់ជាង1M។ អ្នកធ្លាប់ឃើញតែកូនស្រីនាងកំប្លែង និងច្រៀងភ្លេងការ កាន់តែមានការភ្ញាក់ផ្អើល នៅពេលនាងបង្ហាញសមត្ថភាពបែបយុវវ័យ និងស្ទីលច្រៀងបទសម័យ។

បេក្ខនារី ង៉ា ស្រីណាន គឺជាកូនស្រីតែម្នាក់របស់អ្នកនាង អ៊ីត ហើយក៏កំពុងក្លាយជាបេក្ខនារី ដែលកន្ត្រាក់នូវការចាប់អារម្មណ៍របស់អ្នកគាំទ្រ ក្នុងកម្មវិធីប្រលងចម្រៀងលំដាប់ថ្នាក់ពិភពលោកមួយនេះមិនតិចដែរ ដោយសារតែនាងគឺជាឈាមជ័ររបស់តារាកំប្លែងល្បី តែក៍មានសមត្ថភាពខ្លាំង ក្នុងការយកពិន្ទុពីគណកម្មការ៤រូប អោយផ្ដល់ Yes ដោយមិនមែនសម្អាងថា នាងគឺជាកូនស្រីតារាកំប្លែង។ មួយបទក្រោមចំណងជើងថា Saxophone បាត់ស្នេហ៍ បានធ្វើអោយម្នាក់ៗនៅតែសរសើរចំពោះស្ទីលច្រៀងរបស់នាង បើទោះជាស្ទីលច្រៀងរបស់នាង ត្រូវបានគណកម្មការកែតម្រូវថា បង្អូសមិនទាន់ចង្វាក់។

យ៉ាងណាមិញនាង គឺជាបេក្ខនារីវ័យក្មេង ដែលមានសំលេងខ្លះ ខណៈដែលសំលេងរបស់នាង មិនទាន់ពេញរូបពេញរាងមែនទែនផង តែសំលេងគ្រលួចខ្លាំង។ អ្នកនាងអ៊ីត បង្ហាញអោយឃើញពីមោទនភាពយ៉ាងខ្លាំង ដោយអ្នកនាងបានបង្ហោះជារឿយៗសរសើរកូនស្រី បន្ទាប់ពីកូនស្រីក្លាយជាបេក្ខនារីល្បីមួយរូប ទាំងការប្រកួត X factor មិនទាន់ចប់។

ចង់ដឹងថា សមត្ថភាពខ្លាំងកម្រិតណា សូមអញ្ជើញទស្សនា៖

July 29, 2019

ក្រោយបាត់មុខច្រើនឆ្នាំ.. ពេលនេះ ឡេង មុន្នីរចនា សម្ញំផលិតបទចម្រៀងនិពន្ធថ្មីឱ្យផលិតកម្មក្នុងស្រុក

តារាចម្រៀង ស្រីដែលធ្លាប់មានឈ្មោះល្បីល្បាញ កាលពីកំឡុងទសវត្ស ២០០០ អ្នកនាង ឡេង មុន្នីរចនា បានវិលត្រឡប់ចូលក្នុងវិថីសិល្បៈជាថ្មី តាមរយៈលោក យ៉ែម សំអូន ក្រោយពេលនាងបានបាត់មុខ ពីសិល្បៈជាច្រើនឆ្នាំមកហើយ។ តារាចម្រៀងយ៉េៗរូបនេះ ត្រូវបាន លោក យ៉ែម សំអូន ដែលជាប្រធានក្រុម នៃក្រុម Daraentertainment បានជ្រើសរើសយកនាង ចូលជាសមាជិកក្នុងក្រុមរបស់លោក ដោយសំឡឹងមើលឃើញពីសមត្ថភាពរបស់នាង។

ជួបសម្ភាសន៍ជាមួយអ្នកសារព័ត៌មានឡារ៉ែនថ្ងៃ28 ខែកក្កដា ឆ្នាំ 2019 នេះ អ្នកនាង ឡេង មុន្នីរចនា បានបង្ហើបថា មួយរយនេះ អ្នកនាងបានសម្ងំខ្លួនធ្វើបទចម្រៀងថ្មីដើម្បីបំផុសទីផ្សារចម្រៀងសាជាថ្មី នៅក្នុងនោះមានបទចម្រៀងនិពន្ធជាច្រើនដែលបានផលិតឡើងក្នុងផលិតកម្មក្នុងស្រុកមួយ ដែលអ្នកនាងសុំមិនទានបញ្ចេញឈ្មោះផលិតកម្មនោះទេ។ យ៉ាងណាមិញ អ្នកនាងថា បទចាស់ៗដែលបានល្បីនៅអំឡុងឆ្នាំ 2000 ក៏អ្នកនាងឡើកយកមកផលិតជាភ្លេងថ្មីផងដែរ ដើម្បីឱ្យមហាជនកាន់តែចំណាំសំឡេង និងឈ្មោះរបស់អ្នកនាងបាន។ អ្នកនាងបញ្ជាក់ទៀតថា ក្រៅពីការផលិតបទចម្រៀងត្រៀមចេញក្នុងពេលខាងមុខនេះហើយ អ្នកនាងក៏បង្ហើបពីបំណងចង់ប្រឡូកក្នុងវិស័យដីធ្លីពុះឡូតិ៍ផងដែរ ព្រោះអ្នកនាងយល់ឃើញថា សិល្បករជាច្រើននាក់មកហើយ បានលូកដៃរកស៊ីនៅក្នុងវិស័យមួយនេះ ហើយស្របពេលដែលទីផ្សារដីធ្លីកំពុងតែពុះកញ្ជ្រោលទៀតនេះ អ្នកនាង ខ្លួននឹងត្រៀមឆក់យកឱ្យកាសធ្វើជាអ្នកតំណាងលក់ដីដូចសិល្បករផ្សេងទៀតឱ្យបាន ដើម្បីជាបទពិសោធមន៍ក្នុងការស៊ីមួយ និងដើម្បីពង្រីកមុខមាត់បន្ថែមផងដែរ។

សូមរំឭកដែរថា កាលពីទសវត្សឆ្នាំ ២០០០ ឡេង មុន្នីរចនា គឺជាម្ចាស់បទ «សង្ស័យថាមានថ្មី»,«រាងអូនស្អាតទេ» នឹងបទចម្រៀងជាច្រើនទៀត ក្នុងផលិតកម្ម ស្ទឹងសង្កែ បទចម្រៀងទាំងនេះ បានធ្វើឲ្យផ្ទុះការគាំទ្រ យ៉ាងខ្លាំងពីស្រទាប់យុវវ័យ ក្នុងសម័យកាលនោះ។ មិនតែប៉ុណ្ណោះ នាងមិនត្រឹមតែជាតារាចម្រៀងនោះទេ នាងក៏ធ្លាប់ធ្វើជាពិធីការិនីក្នុងកម្មវិធី «នាទីចុងក្រោយ» នៅប៉ុស្តិ៍ជាតិកម្ពុជា (ទទក) ធ្លាប់ជាតារាបង្ហាញម៉ូដក្នងក្រុម Cambodia និងធ្លាប់បានចូលរួមសម្តែងភាពយន្ត ដែលមានដូចជា រឿង «នាងលាជនាងលក្ខិ» រឿង «សាយ័ន្តស្នេហ៍» រឿង «អាខ្វាក់អាខ្វិន» និងរឿង «អាត់បី» ជាដើម និងធ្លាប់ថត Sport ឲ្យក្រុមហ៊ុនទូរស័ព្ទ ០១១ ម្សៅ ដូដូ ថៃ អ្វីដែលជោគជ័យជាងគេនោះ គឺ Sport ស្រាបៀអង្គរ ដែលដឹកនាំដោយលោក ហ្វៃ សំអាង។ រហូតមកដល់ពេលនេះ ឡេង មុន្នីរចនា នៅតែរក្សាបាននូវរូបសម្រស់ និងប្រជាប្រិយភាពដដែល សព្វថ្ងៃនេះ ក្រៅពីការងារសិល្បៈ ឡេង មុន្នីរចនា ក៏ជាអ្នកលក់គ្រឿងក្រអូប និងផលិតផលម៉ាកល្បីៗជាច្រើនទៀតផង៕

July 29, 2019

ក្រោយទទួលតំណែងទូតសុឆន្ទៈ រុន ណាកូ និងកញ្ញា ភី សម័យ ត្រូវបានម្ចាស់គម្រោងដីធ្លីមួយកន្លែងពិចារណាឱ្យធ្វើជាអ្នកតំណាងផ្សព្វផ្សាយ

នាថ្ងៃទី 28 ខែកក្កដា ឆ្នាំ 2019 នេះ គេបានឃើញវត្តមាន ទូតសុឆន្ទះ២រូបរបស់គ្រួសារតារាកម្ពុជាមាន លោក រុន ណាកូ និងកញ្ញា ភី សម័យ បានបង្ហាញខ្លួនជាសិល្បករកិត្តិយស ក៏ដូចជាតារាល្បីជាច្រើនទៀត ដូចជា អ្នកនាង គង់ សុជាតិ លោក ជា វិបុល តារាចម្រៀងសក់សំពងលោក វី ជីវ័ន្ត ក្រុមសម្ដែងរបស់លោក រតនៈ វិបុល និង តារាសម្ដែងភេទទី៣ លោក គុន រៀមរតនៈ អ្នកនាង ឡេង មុន្នីរចនា បានចូលរួមក្នុងពិធីបើកសម្ពោធបើកគម្រោងដីឡូតិ៍ទី២របស់ក្រុមហ៊ុនមានពេជ្រ លើបណ្ដោយផ្លូវជាតិលេខ៤១ ម្ដុំស្ពានគុណគ្រូ ។

ក្រៅពីមើលឃើញតារាសិល្បៈចូលរួមច្រើននាក់ចូលរួមពិធីនេះហើយ គេកត់សម្គាល់ឃើញថា តារាសម្ដែង២រូបដែលទើបលើកពានប្រកួតឈុតបុរាណ និងជាទូតសុឆន្ទះរបស់គ្រួសារតារាកម្ពុជា លោក រុន ណាកូ និង កញ្ញា ភី សម័យ បានបង្ហាញពីការចាប់អារម្មណ៍យលើវិស័យដីធ្លីមួយនេះ ក្រោយអ្នកទាំងពីរមានឱកាសបង្ហាញខ្លួនសម្ពោធគម្រោងដីឡូតិ៍ដ៍ធំរបស់ក្រុមហ៊ុនមួយនេះ។ អ្នកទាំងពីរក៏ក្លាយជាតារារះថ្មី ដែលទាក់ទាញឱ្យម្ចាស់ ជំនួញមួយលើវិស័យមួយនេះ ចាប់អារម្មណ៍ផងដែរ។

លោក រុន ណាកូ ម្ចាស់ពានគ្រងឈុតបុរាណត្រូវទម្រង់លេចធ្លោប្រចាំឆ្នាំ២០១៨ និងជាម្ចាស់ពានប្រជាប្រិយភាពប្រចាំឆ្នាំ២០១៩ ដែលជាឋទូតសុឆន្ទៈមួយរូប បានប្រាប់អ្នកសារព័ត៌មានឡារ៉ែនថា ជំនួញដីឡូតិ៍គឺជាអ្វីដែលលោកចាប់អារម្មណ៍ ទើបលោកសម្រេចចិត្តចូលរួមជាតារាកិត្តិយស តបតាមការអញ្ជើញរបស់ម្ចាស់ភាគហ៊ុន។ លោកថាសប្បាយចិត្តបើមានក្រុមហ៊ុនដីឡូតិ៍ណាមួយជ្រើសជាតំណាងក្នុងការផ្សព្វផ្សាយ ខណៈដែលលោកយល់ថា បើក្រុមហ៊ុននោះគឺជាក្រុមហ៊ុនមានពេជ្រ គឺរឹតតែធ្វើអោយលោកពេញចិត្ត ដោយសារតែលោកពេញចិត្តគម្រោងនេះមានទីតាំងស្ថិតក្នុងប្រជុំជន និងជាប់គម្រោងផ្លូវ៦០ម៉ែត្រលើផ្លូវជាតិ៤១ផងដែរ។ ងាកមក កញ្ញា ភី សម័យ វិញ នាងក៏ជាម្ចាស់ពានគ្រងឈុតបុរាណកែច្នៃ កាលពីឆ្នាំ២០១៨ ដែលបាមចូលរួមជាតារាកិត្តិយស បានបញ្ជាក់ដែរថា កញ្ញាពេញចិត្តធ្វើជាតំណាងផ្សព្វផ្សាយ បន្ទាប់ពីកត់សម្គាល់ថាមុខជំនួញនេះ តារាសិល្បៈ ជាពិសេសតារាល្បី ឱ្យតែចូលប្រឡូក គឺកាក់កប។ កញ្ញា ថាខ្លួនគឺជាអតិថិជនរបស់ក្រុមហ៊ុន ហើយកញ្ញាកាន់តែពេញចិត្ត ក្លាយជាអ្នកតំណាងផ្សព្វផ្សាយមួយរូប ប្រសិនបើម្ចាស់ភាគហ៊ុនពេញចិត្តពេញថ្លើមជ្រើសរើសនាងឱ្យធ្វើការជាមួយ។

លោក ខេម ម៉េងលាង ម្ចាស់ភាគហ៊ុនក្រុហ៊ុនដីឡូតិ៍មានពេជ្រ និងជានាយកសហប្រតិបត្តិក្រុមហ៊ុន Li Real Estate បានថ្លែងថា គម្រោងដីឡូតិ៍របស់ក្រុមហ៊ុនមានពេជ្រ មិនត្រឹមតែទទួលបានការចាប់អារម្មណ៍ពីសំណាក់អតិថិជនជាសាមញ្ញជនប៉ុណ្ណោះទេ សូម្បីតែតារាសិល្បៈក៏ជាវជាច្រើនឡូតិ៍ និងច្រើនរូបផងដែរ ទើបគម្រោងដីឡូតិ៍ក្នុងគម្រោងទី១ និងទី២ របស់លោក មានតារាមិនតិចនាក់ជាអតិថិជន ខណៈដែលក្នុងពិធីសម្ពោធលក់គម្រោងទី២ នៅក្នុងទីតាំងជាប់គ្នា ក៏មានតារាចូលរួមច្រើននាក់។ លោកថាក្រុមហ៊ុននឹងពិចារណាយកតារាសិល្បៈ ជាតំណាងផ្សព្វផ្សាយ ដោយតារា២រូប គឺ Brand Ambassador របស់គ្រួសារតារាកម្ពុជា ដែលលោកបានអញ្ជើញជាភ្ញៀវកិត្តិយសក្នុងថ្ងៃសម្ពោធគម្រោងថ្មីក៏ជាមុខសញ្ញា។ លោកថាតារាសិល្បៈ មិនថាល្បីខ្លាំង ឬ ទើបតែឡើងកូដ សុទ្ធតែមានឥទ្ធិពលជួយអោយគម្រោងដីឡូតិ៍ទាំងកាន់តែមានទំនុកចិត្តពីអតិថិជន ជាពិសេសតារាដែលជា Brand Ambassador ក្នុងកម្មវិធីប្រកួតឈុតបុរាណ រឹតតែជាអ្វីដែលមហាជនចាប់អារម្មណ៍៕

July 29, 2019

គួរឱ្យសរសើរ !! សិល្បករមួយក្រុមនេះ នាំគ្នាបង្អួតឈុតបុរាណខ្មែរ

តារាចម្រៀង តារាសម្តែងជាច្រើនដួងបានសហការគ្នាពាំនាំនូវឈុតសម្លៀកបំពាក់បុរាណខ្មែរ ដើម្បីបង្ហាញនូវវប្បធម៌ និងលើកតម្កើងតម្លៃសម្លៀកបំពាក់បុរាណ។ ការដើរបង្ហាញម៉ូដឈុតទាំងនោះមើលទៅកាន់តែលេចធ្លោ ហើយអាចឱ្យអ្នកទស្សនាបានយល់បន្តទៀតផង។

ចាប់តាំងពីត្រូវបានប្រកាសជាទូតសុឆន្ទៈរបស់គ្រួសារតារាកម្ពុជា ដើម្បីកិច្ចការសង្គម គេចាត់ទុកថា គឺទើបតែជាលើកទី១ប៉ុណ្ណោះ ដែលម្ចាស់ពានគ្រងឈុតបុរាណក្នុងឆ្នាំ២០១៨ និង២០១៩ បានបង្ហាញខ្លួនក្នុងនាមជាទូតសុឆន្ទៈរួមគ្នា។ អ្វីដែលកត់សម្គាល់ គឺម្ចាស់ពានទាំង២ជំនាន់នៅក្នុងថ្ងៃនោះ សុទ្ធតែបង្ហាញឈុតបុរាណស្រស់ស្អាតរបស់ខ្លួនគ្មាន២ ធ្វើឱ្យកម្មវិធីទូរទស្សន៍ «រាត្រីកម្សាន្ត» កក្រើកមិនធម្មតា។

លោក ឌួង តារាផាឌីន គឺជាតារាចម្រៀងសំលេង២ និងជាម្ចាស់ពានគ្រងឈុតបុរាណចំណាត់ថ្នាក់លេខ១ ប្រចាំឆ្នាំ២០១៩។ លោកគ្រងឈុតព្រះគ្រូព្រាហ្មណ៍ ដែលជាគ្រូនៃអង្គព្រះមហាក្សត្រ នៅក្នុងសម័យអង្គរ។

កញ្ញា ភីយ៉ា គឺជាតារាសម្ដែង និងជាម្ចាស់គ្រងឈុងបុរាណចំណាត់ថ្នាក់លេខ១ ប្រចាំឆ្នាំ២០១៩។ កញ្ញាគ្រងឈុត អប្សរាបាយ័ន ដែលបានចម្លងចេញពីចម្លាក់នៃប្រាសាទបាយ័ន។

លោក រុន ណាកូ គឺជាម្ចាស់ពាន២ជំនាន់ ដែលជាម្ចាស់ពានគ្រងឈុតបុរាណត្រូវទម្រង់លេចធ្លោ និងស័ក្ដសម កាលពីឆ្នាំ២០១៨ និងពានប្រជាប្រិយភាពប្រចាំឆ្នាំ២០១៩ ក្នុងចំណោមម្ចាស់ពានឆ្នាំចាស់។ លោកគ្រងឈុត ម្កុដកំពូល៣ របស់ព្រះបាទជ័យវរ្ម័នទី៧ ដែលព្រះអង្គបានគ្រងនៅក្នុងពិធីឡើងគ្រងរាជ និងពិធីសំខាន់មួយចំនួនក្នុងការគ្រប់គ្រងប្រទេស។

ចំណែក អ្នកនាង ម៉ៅ ស៊ីណាត គឺជាតារាចម្រៀង និងជាម្ចាស់ពានគ្រងឈុតបុរាណ ផ្នែកគ្រងឈុតត្រូវទម្រង់ និងលេចធ្លោប្រចាំឆ្នាំ២០១៨។ អ្នកនាងគ្រងនៅក្នុងថ្ងៃនេះ គឺឈុតទេពស្រី ជាឈុតព្រះនាង ឬជាអ្នកមានឋានៈខ្ពស់ខ្ពស់មួយរូបនៅក្នុងសម័យអង្គរ។

ឈុត បុរាណ ក៏ត្រូវបានបង្ហាញដោយសិល្បះរជាច្រើនរូបទៀតផងដែរ៕

July 29, 2019

គួរឱ្យសរសើរ!! តារា ឧសភា ជោគជ័យទាំងសិល្បៈ ជោគជ័យទាំងការសិក្សានិងទទួលបរិញ្ញាប័ត្រដល់ទៅ២

ជៀសវាងពាក្យគេថាអ្នកសិល្បៈ សុទ្ធតែរៀនមិនបានជ្រៅជ្រះ ប្រើប្រាស់ភាសាអង់គ្លេសមិនបានល្អដូចតារាសាសន៍ដទៃ តារា ឧសភា ព្យាយាមរាល់ថ្ងៃរហូតទទួលជោគជ័យគួរឱ្យមិនសរសើរមិនបាន។ ក្នុងនាមជាតារាសម្ដែង ព្រមទាំងជាពិធីករផងនោះ លោក តារា ឧសភា កំពុងតែទទួលបានការគាំទ្រជាខ្លាំងមហាជន ដោយសារតែលោកគឺជាតារាប្រុសដែលមានទម្រង់មុខស្រស់ស្អាតទាក់ទាញដូចតារាកូរ៉េ ជាពិសេសគឺមានទេពកោសល្យសមត្ថភាពសម្តែងច្រៀងបានគ្រប់ទម្រង់ផងដែរ។

តារាប្រុសដែលមានស្បែកសស្អាត ស្នាមញញឹមឆក់ទាញចិត្តនារីៗរូបនេះ ត្បិតតែជាតារាដែលទើបតែប្រឡូកវិស័យសិស្បៈប៉ុន្មានឆ្នាំ តែលោកហាក់មានការគាំទ្រ និងមមាញឹកជាខ្លាំងក្នុងការងារសម្តែង ក្នុងវិស័យភាពយន្ត ថតស្ពតពាណិជ្ជកម្មផ្សេងៗ និងការថតរូបសម្អាងការជាដើម។

ជាក់ស្តែងបើទោះបីជាលោកមមាញឹកខ្លាំងក្នុងការសិល្បៈក្តី តែមិននឹកស្មានសោះថា តារាប្រុសរូបស្រស់កម្ពស់បានមួយរូបនេះ ថែមទាំងមានចំណេះដឹងជ្រៅជ្រះ រៀនចប់ទទួលបានសញ្ញាបត្រក្នុងជំនាញដ៏ពិសេសមួយសោះ។ដោយនៅក្នុងនោះ លោក តារា ឧសភា បានបង្ហោះរូបភាពនៃការទទួលសញ្ញាប័ត្រ ព្រមទាំងរៀបរាប់លើគណនីហ្វេសប៊ុកផ្ទាល់ខ្លួនផងដែរថា៖ «ជៀសវាងពាក្យគេថាអ្នកសិល្បៈ សុទ្ធតែរៀនមិនបានជ្រៅជ្រះ ប្រើប្រាស់ភាសាអង់គ្លេសមិនបានល្អដូចតារាសាសន៍ដទៃ នេះគឺជាការទទួលបរិញ្ញាប័ត្រលើកទីពីររបស់ខ្ញុំ លើមុខវិជ្ជា គ្រប់គ្រងពាណិជ្ជកម្ម នៅសាកលវិទ្យាល័យបញ្ញាសាស្រ្ត បន្ទាប់ពីខ្ញុំបានបញ្ចប់បរិញ្ញាប័ត្រអក្សរសាស្រ្តអង់គ្លេស ពី IFL នៅឆ្នាំ 2015។ ហើយពួកគាត់ទាំង 3 ជាកំលាំងចិត្តដ៏ធំក្នុងការជំរុញ និងជ្រោមជ្រែង ឱ្យខ្ញុំបញ្ចប់ការសិក្សាទាំងពីរសាកលវិទ្យាល័យនេះ បានដោយជោគជ័យ ព្រោះកាលជំនាន់ហ្នឹងអត់ទាន់ចេះរកលុយ មានតែគាត់ហ្នឹងហើយជួយបង់ថ្លៃសាលាឱ្យ ហិហិ Without dad & mum i wouldn’t be here »។

July 26, 2019

ទម្រង់មុខទាក់ទាញ...តារាសម្ដែងវ័យក្មេង ម៉ក់ ឈុនលី ក្ដោបទីផ្សារថតស្ពតពាណិជ្ជកម្មឱ្យក្រុមធំៗច្រើននៅក្នុងស្រុក

ត្បិតទើបប្រឡូកសិល្បៈមួយរយៈពេលខ្លីក៏ពិតមែន ប៉ុន្តែតារាសម្តែងវ័យ១៦ឆ្នាំ ម៉ក់ ឈុនលី ក្រសោបបានស្ពតពាណិជ្ជកម្មធំៗក្នុងស្រុកជាច្រើន ដោយសារ រូបរាង សមត្ថភាព និងទេពកោសល្យរបស់ខ្លួន។

តារាប្រុសមុខស្រស់រូបនេះ បានបញ្ជាក់ថា ខណៈខ្លួនបានរួមការសម្ដែងរឿងភាគ និងស្ពតពាណិជ្ជកម្មក្រុមហ៊ុនធំៗក្នុងស្រុកជាច្រើនបានបញ្ចេញលើទីផ្សារភាគច្រើន ហើយគេតែងសង្កេតឃើញវត្តមានតារាសម្តែងវ័យក្មេងនេះសម្ដែងជាមួយតារាល្បីៗតែម្ដង។ ចំពោះតម្លៃខ្លួនយ៉ាងណានោះ ឈុនលី សុំមិនបញ្ជាក់នោះឡើយ ខណៈទីផ្សារនៃការថតស្ពតពាណិជ្ជកម្មមានសន្ទុះខ្លាំងគួរឱ្យកត់សម្គាល់ ប៉ុន្តែសព្វថ្ងៃនេះ កំលោះសង្ហាររូបនេះ មិនទាន់ទទួលធ្វើជាអ្នកតំណាងផ្តាច់មុខឱ្យផលិតផល ឬក្រុមហ៊ុនណាមួយទេ ទោះបីមានក្រុមហ៊ុនជាច្រើនបានធ្វើការទំនាក់ទំនងរូបគេក៏ដោយ។

ក្រៅពីការសម្តែងការថតស្ពតពាណិជ្ជកម្ម ឈុនលី បញ្ជាក់ថា គេមានសមត្ថភាពធ្វើជាពិធីករតាមកម្មវិធីបានផងដែរ ថែមទាំងចូលចិត្តផលិតវីដេអូខ្លីៗថែមទៀតផង។ តួយ៉ាង កាលពីប៉ុន្មានខែកន្លងទៅ វីដេអូកំប្លែងស្ងួតរបស់តារា instagram ដ៏ល្បីបាន ក៏មានវត្តមាន ម៉ក់ ឈុនលី ចូលរួមសម្តែងផងដែរ។ មិនត្រឹមមានសមត្ថភាពក្នុងវិស័យសិល្បៈនោះទេ សព្វថ្ងៃ ឈុនលី ក៏មានអាជីវកម្មផ្ទាល់ខ្លួនដែរ គឺការលក់ផលិតផលថែរក្សាសម្រស់តាមអនឡាញ។

July 26, 2019

បាន មុន្នីល័ក្ខ តំណាងពីកម្ពុជាចេញទៅច្រៀងតន្ត្រីមិត្តភាពអាស៊ានឆ្នាំ២០១៩ នៅប្រទេសថៃ

តារាចម្រៀងសំនៀងក្រអួនស្រីស្រស់សោភា កញ្ញាបាន មុន្នីល័ក្ខ ត្រូវបានជ្រើសរើសជាតារាចម្រៀងតំណាងពីកម្ពុជាដើម្បីចូលរួមក្នុងព្រឹត្តិការណ៍ប្រគំតន្ត្រីទ្រង់ទ្រាយធំមួយនៅដើមខែសីហាខាងមុខនេះ។ នាងត្រូវបានគេរំពឹងថានឹងលើកមុខមាត់ជាតិក្នុងព្រឹត្តិការណ៍ប្រគំតន្ត្រីនៅប្រទេសថៃដែលមានបណ្តាប្រទេសអាស៊ានទាំងអស់ចូលរួមរួមទាំងប្រទេសចិនផងដែរ។

កម្មវិធីប្រគំតន្ត្រីនេះមានឈ្មោះថា “ការប្រគំតន្ត្រីមិត្តភាពអាស៊ានឆ្នាំ២០១៩” ដែលត្រូវបានរៀបចំដោយវិទ្យុថៃ នៅក្រោមនាយកដ្ឋានទំនាក់ទំនងសាធារណៈរបស់រដ្ឋាភិបាល។ កម្មវិធីនេះនឹងធ្វើឡើងនៅថ្ងៃទី០៣ខែសីហា ឆ្នាំ២០១៩នៅមហោស្រព Aksara King Power Building នាទីក្រុងបាងកកប្រទេសថៃ ក្រោមការចូលរួមពីអ្នកចម្រៀងទាំង១០ប្រទេសនៃតំបន់អាស៊ាន និងតារាចម្រៀងមកពីប្រទេសចិន ។ កម្មវិធីនេះក៏នឹងធ្វើការផ្សាយផ្ទាល់ និងចាក់ផ្សាយនៅលើបណ្តាញសង្គម វិទ្យុ និងទូរទស្សន៍NBT របស់ថៃផងដែរ។

តារាចម្រៀង បាន មុនីល័ក្ខ បានបញ្ជាក់ថា នាងពិតជារំភើបនិងមោទនភាពសម្រាប់ឱកាស ទទួលបានការអញ្ជើញដ៏មានកិត្តិយសមួយនេះ ហើយក៏ស្ថិតក្នុងនាមជាតារាចម្រៀងតំណាងពីកម្ពុជា។ នាងថា នេះគឺជាលើកទីមួយដែលទទួលបានឱកាសមួយនេះ ហើយនាងបានត្រៀមរួចជាស្រេចក្នុងការបង្ហាញសមត្ថភាពច្រៀងនៅលើឆាកតន្ត្រីទ្រង់ទ្រាយធំមួយនេះដោយនាងមានទាំងបទនិពន្ធថ្មីផ្ទាល់ខ្លួន ដែលមានខ្លឹមសារលើកទឹកចិត្តស្ត្រី បទចម្រៀងរួមគ្នាជាមួយតារាចម្រៀងមកពីប្រទេសនានាជាដើម។ នាងបញ្ជាក់ដែរថា បច្ចុប្បន្នកំពុងតែមមាញឹកហ្វឹកហាត់បទចម្រៀងទាំងនេះដើម្បីប្រាកដថាឲ្យសាកសមទៅនឹងកិត្តិយសដែលទទួលបាន។ នាងថាតាមការគ្រោងទុកនាងនឹងចាកចេញពីកម្ពុជានៅថ្ងៃទី៣១ខែកក្កដា ឆ្នាំ២០១៩នេះ និងត្រូវធ្វើការហាត់សមរួមគ្នាជាមួយតារាចម្រៀងមកពីបណ្តាប្រទេសនានា មុនពេលព្រឹត្តិការណ៍ប្រគំតន្ត្រីផ្ទាល់បានមកដល់។ នាងនឹងព្យាយាមឲ្យអស់ពីលទ្ធភាពក្នុងការហ្វឹកហាត់ច្រៀងបទចម្រៀងផ្ទាល់ខ្លួន និងបទចម្រៀងរួមជាមួយតារាចម្រៀងក្នុងតំបន់ ហើយនាងរំពឹងថានឹងទទួលបានលទ្ធផលល្អក្នុងព្រឹត្តិការណ៍ដ៏សម្បើមមួយនេះ៕

July 26, 2019

សហព័ន្ធកីឡាបាល់ទាត់ជាតិ ប្រកាសរៀបចំពានយុវជនថ្នាលកម្ពុជា សម្រាប់ឆ្នាំ2023 ចំនួន 4កម្មវិធី

នៅថ្ងៃទី25 ខែកក្កដា ឆ្នាំ2019 វេលាម៉ោង 8.30ព្រឹក សហព័ន្ធកីឡាបាល់ទាត់កម្ពុជាបានរៀបចំសិក្ខាសាលាស្ដីពីការប្រកួតពានរង្វាន់ជម្រើសជើងឯកយុវជនអាយុក្រោម 16/18ឆ្នាំ ជើងឯកបាល់ទាត់នារី និងជម្រើសជើងឯកបាល់ទាត់នារីអាយុក្រោម 18ឆ្នាំ នៅសាលប្រជុំមជ្ឈមណ្ឌលជាតិហ្វឹកហ្វឺនកីឡានៅពហុកីឡដ្ឋានជាតិ។

ចំពោះការប្រកួតវិញ ព្រឹត្តិការណ៍ទាំង 4ខាងលើសម្រាប់ឆ្នាំ2019នេះ នឹងចាប់ផ្ដើមជាផ្លូវការរួមគ្នានៅថ្ងៃអាទិត្យ ទី28 ខែកក្កដា ឆ្នាំ2019 ចុងសប្ដាហ៍នេះនៅខេត្តកំពង់ធំ។

សម្រាប់ការប្រកួតផ្នែកបុរស យុវជនអាយុក្រោម 16ឆ្នាំ មានចំនួន 4ពូល ពានយុវជនអាយុក្រោម 18ឆ្នាំ មានចំនួន 6ពូល។ បាល់ទាត់នារីអាយុក្រោម 18ឆ្នាំ មានចំនួន 2ពូល ចំពោះក្រុមធំនារី មាន 10ក្រុម ប្រកួតជាលក្ខណៈលីក មានក្រុមចូលរួមដូចជា កណ្ដាល ក្រចេះ កំពង់ធំ កំពង់ស្ពឺ សៀមរាប ភ្នំពេញក្រោន រតនគិរី បន្ទាយមានជ័យ ស្វាយរៀង និងកំពង់ឆ្នាំង៕

July 26, 2019

Author: អេបិល