Author: អេបិល

​កម្ពុជា​បាន​បញ្ជូន​អត្តពលិក​ចំនួន​ ​96រូប​ ​ដើម្បី​ចូលរួម​ប្រកួត​ក្នុង​កីឡា​ចំនួន​ ​12ប្រភេទ​ ​រួមមាន​ ​តេ​ក្វាន់​ដូ​ ​ការ៉ាតេដូ​ ​យូដូ​ ​ជឺ​ជី​តស៊ូ​ ​ចំបាប់​ ​វាយ​សី​ ​វាយ​កូនឃ្លី​លើ​តុ​ ​ហែលទឹក​ ​ទ្រី​យ៉ា​ត្លុង​ ​អត្តពលកម្ម​ ​បាល់​ឱប​ ​និង​ប្រណាំង​ទូ​ក​កានូ​ ​ក្នុង​ការប្រកួត​កីឡា​នគរបាល​ពិភពលោក​លើក​ទី18​ ​(​The​ ​18th​ ​World​ ​Police​ ​and​ ​Fire​ ​Games​)​ ​នៅ​សាធារណរដ្ឋ​ប្រជាមានិត​ចិន​។​

​ជា​លទ្ធផល​មកទល់​នឹង​ពេលនេះ​ ​កម្ពុជា​បាន​ទទួល​មេដាយ​សរុប​ចំនួន​ ​18គ្រឿង​ ​ក្នុង​នោះ​មាន​មាស5​ ​ប្រាក់8​ ​និង​សំរឹទ្ធ5​ ​ដោយ​មេដាយមាស​បាន​ពី​វិញ្ញាសា​ប្រណាំងទូក​នាគ​ ​ហែលទឹក​ ​ចំបាប់​ ​(​1គ្រឿង​)​ ​និង​ការ៉ាតេដូ​ចំនួន​ ​2គ្រឿង​។​ ​ចំពោះ​មេដាយ​ប្រាក់​វិញ​ ​កម្ពុជា​បាន​ពី​វិញ្ញាសា​ហែលទឹក​ ​ចំបាប់​ ​និង​ការ៉ាតេដូ​៕​

​

​កាលពី​ថ្ងៃទី11​ ​ខែសីហា​ ​ឆ្នាំ2019​ ​ក្រុមជម្រើសជាតិ​ ​U18​ ​កម្ពុជា​បាន​ប្រកួត​ជាមួយ​ ​U18​ ​ម៉ាឡេស៊ី​ក្នុង​ពូល​ ​B​ ​ពានរង្វាន់​ ​AFF​ ​U18​ ​Championship​ ​នៅ​ទីក្រុង​ហូជីមិញ​ ​នៃ​ប្រទេស​វៀតណាម​ ​ដែល​ជា​លទ្ធផល​ ​ក្រុម​កម្ពុជា​បាន​ចាញ់​ក្រុម​ម៉ាឡេស៊ី​ ​3ទល់នឹង0​។​

​នៅ​ការប្រកួត​បន្ទាប់​ ​កម្ពុជា​នឹង​ត្រូវ​ជួប​ជាមួយ​ក្រុម​ខ្សោយ​សិង្ហបុរី​ ​មុននឹង​បន្ត​ជួប​វៀតណាម​ក្នុង​ជំនួប​បិទ​ពូល​។​ ​គិត​មកទល់​នឹង​ពេលនេះ​ ​កម្ពុជា​ឆ្លងកាត់​ ​3ប្រកួត​រួចមក​ហើយ​ក្នុង​លទ្ធផល​ឈ្នះ1​ ​ចាញ់2​ ​ឈរ​នៅ​លើ​លេខ4​ ​ក្នុងចំណោម​ ​6ប្រទេស​ពីលើ​ថៃ​ ​និង​សិង្ហបុរី​ ​៕​
​

បន្ទាប់ពី​បាន​សិក្សា​ឈ្វេងយល់​ពីចិត្ត​គ្នា​ច្បាស់លាស់​ហើយ​ ​ពេលនេះ​តារា​កំប្លែង​ភេទ​ទី៣​ ​កញ្ញា​ ​ផេន​ខេ​ក​ ​បានសម្រេច​ចិត្ត​ប្រកាស​រៀបការ​ជាមួយ​គូស្នេហ៍​របស់​នាង​ហើយ​ ​ជា​បុរស​សង្ហា​ឈ្មោះ​ ​ឆ័យ​ ​ដែល​នាង​ក៏​ធ្លាប់​បាន​ទម្លាយ​រូបភាព​ចំណង​ស្នេហ៍​របស់​ខ្លួន​ជាមួយ​បុរស​រូប​នេះ​ឱ្យ​មហាជន​បានដឹង​រួចមក​ហើយ​ដែរ​នា​ពេល​កន្លងទៅ​។​
​
​ព្រម​ជាមួយគ្នា​នេះ​ ​ផេន​ខេ​ក​ ​ក៏បាន​បង្ហាញ​រូបភាព​នាង​ ​ជាមួយ​គូស្នេហ៍​ក្នុង​សម្លៀកបំពាក់​ជាច្រើន​ឈុត​នៅ​លើ​គណនី​ហ្វេ​សប៊ុ​ក​ដែរ​ ជាហេតុ​ធ្វើ​ឱ្យ​មហាជន​មានការ​ភ្ញាក់ផ្អើល​ខ្លាំង​បំផុត​ ​អំពី​ការប្រកាស​ជា​សាធារណៈ​ពី​ចំណងស្នេហា​ដ៏​ផ្អែមល្ហែម​របស់​នាង​នៅពេល​នេះ​។​ ​មិន​ត្រឹមតែ​ប៉ុណ្ណោះ​ ​តារា​កំប្លែង​សាច់ទ្រលុក​ទ្រលន់​រូប​នេះ​បាន​សរសេរ​ពាក្យ​ខ្លី​ៗ​ ​តែ​មានន័យ​មួយ​ឃ្លា​ថា​ ​«​អូន​ដេញ​បង​មិនទៅ​ ​អូន​មិន​នៅ​បង​តាម​រក​.​.​.​ ​ទីបំផុត​ពួក​យើង​ក៏​មាន​ថ្ងៃនេះ​»​ ​ក្រោយពី​បានឃើញ​ទាំង​រូបភាព​ ​និង​ពាក្យពេចន៍​នេះ​បង្ហោះ​ជា​សា​ធា​រៈ​ភ្លាម​ ​មិត្តភក្ដិ​ ​ហ្វេ​នៗ​ ​និង​មហាជន​នៅ​លើ​បណ្ដាញ​សង្គម​បាន​ចូលរួម​អបអរសាទរ​ ​ដល់​ពួកគេ​ទាំងពីរ​នាក់​ថែមទៀត​ផង​។​
​
​តារា​សម្ដែង​ស្រី​ទើបតែ​បាន​កែ​ភេទ​ហើយ​ថ្មី​ៗ​នេះ​ ​បាន​ប្រកាស​ប្រាប់អ្នកសារព័ត៌មានថា​ ​ខ្លូន​បាន​ក្លាយជា​ស្រី​ពេញ​រូបរាង​ហើយ​ ​និង​គ្រោង​រៀបការ​ជាមួយ​គូស្នេហ៍​ក្រោយ​ពិធីបុណ្យ​ភ្ជុំបិណ្ឌ​រួច​ ​ជា​ការ​ពេញ​ពី​មេបា​ទាំងសងខាង​។​ ​សូមជម្រាប​ផង​ដែរ​ថា​ ​បុរស​សង្ហា​ឈ្មោះ​ ​ឆ័យ​ ​ជាគូ​ស្នេហ៍​របស់​តារា​ស្រី​រូប​នេះ​ ​សព្វ​មាន​ជំនួញ​នៅក្នុង​ដៃ​មិន​អន់​ប៉ុន្មាន​ទេ​ ​ហើយ​បានសម្រេច​ចិត្ត​រៀបការ​ជាមួយ​ ​ផេន​ខេ​ក​ ​ដោយ​ក្ដី​ស្រឡាញ់​ចេញពី​ចិត្ត​តែម្ដង​៕​
​
​

​ប្រព័ន្ធ​ ​HarmonyOS​ ​ដែល​បាន​ប្រកាស​កាលពី​ប៉ុន្មាន​ថ្ងៃមុន​ ​នឹង​ត្រូវ​បំពាក់​ទៅលើ​ទូរទស្សន៍​ឆ្លាតវៃ​ ​2ម៉ូដែល​មាន​ ​Honor​ ​Vision​ ​និង​ ​Honor​ ​Vision​ ​Pro​ ​ដែល​ផលិតផល​ទាំង​ ​2នេះ​ ​គឺជា​ឧបករណ៍​ដំបូងបង្អស់​របស់​ ​Huawei​ ​ដែល​នឹង​សម្ពោធ​ប្រើប្រាស់​ ​OS​ ​ថ្មី​។​ ​ក្នុង​នោះ​ដែរ​ ​Huawei​ ​ក៏បាន​ដាក់​លក់​ឧបករណ៍​ប្រើ​ ​HarmonyOS​ ​មុនគេ​បង្អស់​នៅ​តម្លៃ​ ​540ដុល្លារ​។​ ​

​តាម​សារព័ត៌មាន​ ​Gadgets360​ ​បានឱ្យ​ដឹង​ថា​ ​ក្រុមហ៊ុន​យក្ស​ប្រទេស​ចិន​ ​នឹង​ចាប់ផ្ដើម​ដាក់​លក់​ទូរទស្សន៍​ឆ្លាតវៃ​ទាំង2​ ​នៅក្នុង​ទីផ្សារ​ប្រទេស​ចិន​ ​ចាប់ពី​ថ្ងៃទី15​ ​សីហា​ ​តទៅ​ ​ដោយ​ទូរទស្សន៍​ ​Honor​ ​Vision​ ​ថ្លៃ​ ​540ដុល្លារ​ ​និង​ ​Honor​ ​Vision​ ​Pro​ ​ថ្លៃ​ ​680ដុល្លារ​។​ ​ជា​ទូរទស្សន៍​មាន​បំពាក់​អេក្រង់​ធំ​ទំហំ​ ​55អ៊ីញ​ ​ផ្តល់​ជូន​កម្រិត​បង្ហាញ​ដល់ទៅ​ ​4K​ ​ប្រើ​អង្គ​គណនា​ ​Honghu​ ​818​ ​8​-​core​ ​ជាមួយនឹង​ ​GPU​ ​ប្រភេទ​ ​Mali​-​G51​។​

​OS​ ​ថ្មីនេះ​ត្រូវ​បាន​ក្រុមហ៊ុន​អភិវឌ្ឍ​តាំងពី​ឆ្នាំ2017​ ​មក​ម្ល៉េះ​ ​សព្វថ្ងៃ​មិនទាន់​ប្រកាស​ជា​ផ្លូវការ​លើ​ការ​បំពាក់​ក្នុង​ស្មា​ត​ហ្វូ​ន​ជំនាន់​ណាមួយ​នៅឡើយ​ ​ពោល​គឺ​រង់ចាំ​អ៊ុត​មើល​ស្ថានការណ៍​រវាង​ក្រុមហ៊ុន​ ​Google​ ​របស់​អាមេរិក​បន្តិច​សិន​៕​

​ក្រុមហ៊ុន​ទូរគមនាគមន៍​វៀតណាម​ ​Viettel​ ​បានសម្រេច​ការ​តភ្ជាប់​នូវ​ហេដ្ឋារចនាសម្ព័ន្ធ​នៃ​ប្រព័ន្ធ​ទំនាក់ទំនង​អង់តែន​ ​5G​ ​ចំនួន​ ​10ទីតាំង​ ​និង​ចាប់ផ្ដើម​ការសាកល្បង​ប្រើប្រាស់​ដំបូង​នៅ​ទីក្រុង​ហូជីមិញ​ ​កាលពី​ថ្ងៃទី9​ ​ខែសីហា​កន្លងទៅ​នេះ​។​ ​ល្បឿន​នៃ​ការសាកល្បង​ប្រើប្រាស់​ ​5G​ ​លើកដំបូង​នេះ​មាន​ចន្លោះ​ពី​ ​1000Mbps​ ​ទៅ​ ​1300Mbps​។​ ​ក្រុមហ៊ុន​ខាងលើ​និយាយ​ថា​ ​ខ្លួន​នឹង​បន្ត​កែសម្រួល​បន្ថែម​ទៀត​ ​ដើម្បី​ទទួល​បាន​ល្បឿន​ដ៏​ល្អ​បំផុត​មួយ​។​

​គួរ​ដឹង​ថា​ ​ការសាកល្បង​នេះ​ ​គឺជា​លើកដំបូង​ហើយ​នៅ​ទីក្រុង​ហូជីមិញ​ ​ប៉ុន្តែ​កាលពី​ខែឧសភា​ ​ឆ្នាំ2019​ ​ក្រុមហ៊ុន​ ​Viettel​ ​បាន​ដំឡើង​ ​និង​សាកល្បង​ប្រើ​សេវា​ ​5G​ ​ជាលើកដំបូង​នៅ​វៀតណាម​តាមរយៈ​ការ​ហៅ​ចេញ​ទូរស័ព្ទ​។​ ​ការសាកល្បង​នេះ​ ​ធ្វើ​ឱ្យ​វៀតណាម​ស្ថិត​ក្នុងចំណោម​ប្រទេស​ធំៗ​ដែល​បានសម្រេច​ជោគជ័យ​លើ​ការសាកល្បង​ ​5G​ ​ដូចជា​អាមេរិក​ ​និង​កូរ៉េ​ខាងត្បូង​ជាដើម​។​

​ចំណែក​នៅ​កូរ៉េ​ខាងត្បូង​កញ្ចប់​អ៊ីនធឺណិត​ ​5G​ ​ថោក​បំផុត​របស់​ក្រុមហ៊ុន​ ​SK​ ​Telecom​ ​គឺ​មានតម្លៃ​ ​49ដុល្លារ​/​1ខែ​ ​ដោយ​អាច​ប្រើប្រាស់​បាន​ទំហំ​ ​8GB​ ​ហើយ​តម្លៃ​ថ្លៃ​បំផុត​គឺ​ ​110ដុល្លារ​/​1ខែ​ ​សម្រាប់​ទំហំ​ ​300GB​៕​

​ក្រោយពី​ផ្ទុះ​នូវ​ព័ត៌មាន​រឿងរ៉ាវ​របស់​បេក្ខនារី​ក្នុង​កម្មវិធី​ ​X​ ​Factor​ ​Cambodia​ ​រដូវ​កាល​ទី១​ ​កញ្ញា​ ​លៀង​ ​ចាន់​ឡា​ ​ត្រូវ​បាន​កម្មវិធី​ ​និង​បេក្ខភាព​ដទៃ​រើសអើង​ពណ៌​សម្បុរ​ ​និង​នាង​ថា​ជា​អ្នកក្រ​ក្រី​ទៀត​នោះ​ ​ភ្លាម​ៗ​ស្រាប់តែ​គេ​មើលឃើញ​ថា​ ​មាន​មហាជន​ជាច្រើន​បាន​នាំគ្នា​ជួយ​នេះ​ជួយ​នោះ​មិនឈប់​មិន​ឈរ​ ​ដោយ​អ្នកខ្លះ​ឆ្លៀត​ឪ​កាស​ដើម្បី​តែ​ផល​ប្រយោជន៏​ផ្ទាល់ខ្លួន​ចង់ល្បី​តែប៉ុណ្ណោះ​។​ ​

​យ៉ាងណាមិញ​នេះ​បើ​យោង​តាម​ប្រភព​តារាចម្រៀង​សម្លេង​ផ្អែម​ ​ណុប​ ​បា​យ៉ា​រិទ្ធ​ ​បាន​ចេញមុខ​និយាយ​ឆ្លើយតប​ ​បោះសម្តី​ឱ្យ​អ្នកមួយ​ចំនួន​នោះ​ថា​ ​“​គ្នា​និយាយ​តាំងពី​វគ្គ​ដំបូង​ ​Judge​ ​Audition​ ​ថា​គ្នា​ក្រ​ ​តែ​គ្នា​អត់​លំបាក​ទេ​ ​គ្នា​តស៊ូ​ ​បើ​ចង់​ជួយ​គាត់​មែន​ ​គួរតែ​ជួយ​តាំងពី​ពេល​ហ្នឹង​ ​ឬ​គិតថា​គាត់​មិនទាន់​ល្បី​ដោយសារ​គ្មាន​អ្នក​បំផុសបំផុល​ ​ដល់តែ​មាន​អ្នក​បំផុសបំផុល​ ​បាន​ដណ្តើម​គ្នា​ជួយ​។​ ​អ្នកខ្លះ​ជួយ​ពីចិត្ត​ពី​បេះដូង​មែន​ ​តែ​ខ្លះ​ដើម្បី​ផលប្រយោជន៍​ខ្លួនឯង​ទេ​ ​ផេ​ក​ហ្វេ​សប៊ុ​ក​មួយ​ចំ​នួន​ក៏​ចឹង​”​។​ ​

​ជា​ការពិត​ណាស់​ ​បើ​មើល​តាំងពី​វគ្គ​ដំបូង​នៃ​កម្មវិធី​ ​X​ ​Factor​ ​Cambodia​ ​រដូវ​កាល​ទី១​ ​បេក្ខនារី​ ​លៀង​ ​ចាន់​ឡា​ ​ពិតជា​មាន​ស្ថានភាព​លំបាក​ក្នុង​គ្រួសារ​ប្រាកដ​មែន​ ​តែ​នាង​បាន​អះអាង​ថា​ ​នាង​មានការ​តស៊ូ​ប្រឹងប្រែង​ដើម្បី​ចិញ្ចឹម​ម្ដាយ​ ​បើ​ទោះបីជា​នឿយហត់​យ៉ាងណាក៏ដោយ​ ​ក៏ប៉ុន្ដែ​ ​ភាព​ក្រក្រី​របស់​បេក្ខនារី​រូប​នេះ​ ​មិន​បាន​ត្អួ​ញ​ត្អែ​ឱ្យ​គេ​អាណិត​ឡើយ​ ​ពោល​គឺ​នាង​បាន​តាំង​ជំហរ​ខ្លួន​ថា​ ​នាង​នឹង​តស៊ូ​ក្នុង​ជីវិត​។ ខណៈនេះគេបានដឹងថា ​កញ្ញា​ ​លៀង​ ​ចាន់​ឡា បានថតសម្អាងការជាច្រើនកន្លែង និងទទួលបានការងារសិល្បៈមួយចំនួនទៀត បើទោះបីជានាងបានបរាជ័យក្នុងកម្មវិធីហើយក្ដី៕
​
​ប្រិយមិត្ត​ចង់​ជ្រាប​កាន់តែ​ច្បាស់​សូម​ទស្សនា​រូបភាព​ខាងក្រោម​៖​

​កាលពី​ថ្ងៃទី៩​ ​សីហា​ ​កន្លងទៅ​ ​ក្រុម​សប្បុរសធម៌​ ​FTV​ ​និង​សិល្បករ​ជាច្រើន​ ​បាន​ចុះ​ចែក​អំណោយ​ ​និង​សំណេះសំណាល​ជា​មួ​យកុ​មារ​ៗ​ ​និង​លោកគ្រូ​អ្នកគ្រូ​ ​នៅ​មណ្ឌលកុមារ​កំព្រា​ព្រៃ​ជុំ​ ​ដែល​ស្ថិតនៅ​ភូមិ​ព្រៃ​ជុំ​ ​ឃុំ​យុទ្ធសាមគ្គី​ ​ស្រុក​ឧ​ត្តុ​ង​ ​ខេត្ត​កំពង់ស្ពឺ​។​ ​នៅក្នុង​សកម្មភាព​សប្បុរសធម៌​នោះ​ ​ក៏​មានការ​ចែករំលែក​បទពិសោធន៍​ជីវិត​ ​និង​ផ្ដល់​កម្លាំងចិត្ត​ពីសំណាក់​សិល្បករ​មួយចំនួន​បន្ថែម​ពីលើ​ការ​ច្រៀងរាំ​ ​និង​ប្រគល់​អំណោយ​ជូន​ផង​ដែរ​។​

​លោក​ ​ឃិន​ ​ចិន្តា​ ​ហៅ​រ៉េ​ម​ ​ប្រធាន​ក្រុម​សប្បុរសធម៌​ ​បាន​អះអាង​ជំនួយ​សប្បុរសធម៌​ដែល​បាន​ប្រគល់​ជូន​ ​រួមមាន​ ​អង្ករ​ ​ថវិកា​ ​និង​ ​សម្ភារៈ​សិក្សា​មួយចំនួន​ ​គឺជា​ទឹកចិត្ត​របស់​អគ្គនាយក​ ​FTV​ ​Entertainment​ ​និង​ ​ក្រុមការងារ​ ​ដែល​ជា​សិស្ស​ទទួលការ​បណ្ដុះបណ្ដាល​ជំ​នា​ញ​សិល្បះ​ពី​តារា​ជើងចាស់​ ​អ្នកនាង​ ​ស្វែង​ ​សុជាតា​។​ ​លោក​ថា​ ​មណ្ឌលកុមារ​កំព្រា​ព្រៃ​ជុំ​ ​មាន​កុមារ​កំព្រា​សរុប​ចំនួន៤៥នាក់​ ​និង​មាន​ ​លោកគ្រូ​ ​អ្នកគ្រូ​ចំនួន៩នាក់​ ​កំពុង​ត្រូវការ​ ​ការចូលរួម​ឧបត្ថម្ភ​ ​គាំពារ​។​ ​លោក​ក៏បាន​ប្រកាស​ជំហរ​ថា​ ​នឹង​បន្ត​ជួយ​ ​និង​គៀ​គរ​ក្រុម​សប្បុរសធម៌​ជួយ​ដល់​មណ្ឌល​មួយ​នេះ​នៅ​ជំ​ហា​នក្រោយៗ​ទៀត​ ​ដើម្បី​ចែករំលែក​ក្ដី​ស្រលាញ់​។​ ​ជាមួយគ្នា​នោះ​លោក​ក៏​ប្រកាស​ឱ្យ​ដឹង​ថា​ ​ដើម្បី​រួមចំណែក​ជួយ​ដល់​សង្គម​ ​ក្រុមការងារ​សប្បុរសធម៌​របស់​លោក​ ​ក៏​នឹង​បន្ត​ពង្រីក​សកម្មភាព​សប្បុរសធម៌​របស់​ខ្លួន​អោយ​កាន់តែ​ទូលំទូលាយ​ ​ដើម្បី​បាន​ជួយ​ដល់​កុមារ​កំព្រា​ ​និង​ទីតាំង​ខ្វះ​ខា​ត​ផ្សេង​ៗ​ទៀត​ ​ជា​ប្រយោជន៍​ដល់​សង្គម​ផង​ដែរ​។​ ​នៅក្នុង​ពិធី​នោះ​ ​ក្រុម​សប្បុរសធម៌​របស់​ ​FTV​ ​Entertainment​ ​ក៏​បាន​គៀ​គរ​សមាជិក​សមាជិកា​របស់​គ្រួសារ​តារា​កម្ពុជា​ ​ឱ្យ​ចូលរួម​បរិច្ចាគ​ជំនួយ​ជា​កាតាប​ ​អង្ករ​ ​សៀវភៅ​ ​ប៊ិច​ ​នំចំណី​ ​ទឹកដោះគោ​ ​ភេសជ្ជៈ​ ​និង​ ​ថវិកា​ជូន​ដល់​លោកគ្រូ​អ្នកគ្រូ​ ​និង​កុមារ​ៗ​ ​បន្ថែម​ពីលើ​ជំនួយ​របស់​ក្រុម​ ​FTV​ ​Enterteainment​ ​ផង​ដែរ​។​

​សូម​បញ្ជាក់​ថា​ ​FTV​ ​Entertainment​ ​ត្រូវ​បាន​បង្កើត​ឡើង​ដោយមាន​ជំនួយ​ពី​សមាគម​អប់រំ​នៅ​បរទេស​។​ ​FTV​ ​Entertainment​ ​បាន​បម្រើ​អារម្មណ៍​ប្រជាជន​កម្ពុជា​លើ​ផ្នែក​សិល្បៈ​កម្សាន្ត​ ​និង​ ​ការអប់រំ​ដ៏​សម្បូរ​បែប​ដោយ​បាន​ធ្វើការ​រៀបចំ​ផលិត​វីដេអូ​កម្សាន្ត​ល្អ​ៗ​ជាច្រើន​។​
​
​សូម​ទស្សនា​ទិដ្ឋភាព​នៃ​សកម្មភាព​សប្បុរស​ធ​ម៍​ខាងក្រោម​៖​