ក្រុមអ្នកស្រាវជ្រាវផ្នែកបច្ចេកវិទ្យាបានរកឃើញកំហុសបច្ចេកទេសនៅក្នុងកម្មវិធី WhatsApp ដែលអាចឱ្យជនអនាមិកចូលលួចយកទិន្នន័យរបស់អ្នកប្រើប្រាស់បាន។
ជនអនាមិក នឹងប្រើវិធីហៅទូរស័ព្ទចូលតាមកម្មវិធី WhatsApp របស់អ្នកប្រើប្រាស់ទូទៅ រួចក៏បញ្ចូលកម្មវិធីសម្រាប់លួចយកទិន្នន័យនោះ ដែលគេជឿថា ជាកម្មវិធីមកពីក្រុមហ៊ុន NSO Group។
ដូចនេះ ដើម្បីទប់ស្កាត់ពីការលួចយកទិន្នន័យនេះ លោកអ្នកត្រូវតែធ្វើការ update កម្មវិធី WhatsApp ទៅ version ចុងក្រោយបង្អស់ (v2.19.51 សម្រាប់ iPhone និង v2.19.134 សម្រាប់ Android) ដែលបានដាក់ឱ្យប្រើប្រាស់កាលពីសប្តាហ៍មុននេះ៕
Author: អេបិល
WhatsApp អាចជាផ្លូវសម្រាប់ hackers ចូលលួចយកទិន្នន័យរបស់អ្នក
ជម្រើសជាតិនារីកម្ពុជា រកបានគ្រាប់បាល់ដំបូងក្នុងពានរង្វាន់បាល់ទាត់នារីប្រចាំតំបន់អាស៊ានហើយ
កាលពីថ្ងៃទី19 ខែសីហា ឆ្នាំ2019 ក្រុមបាល់ទាត់ជម្រើសជាតិនារីកម្ពុជា បានប្រកួតចាញ់ក្រុមបាល់ទាត់ជម្រើសជាតិនារីមីយ៉ាន់ម៉ាយ៉ាងធ្ងន់ធ្ងរក្នុងលទ្ធផល 1ទល់នឹង10 នៅក្នុងប្រទេសថៃ។
ក្នុងការប្រកួតនេះផងដែរ កម្ពុជាមិនមានឳកាសទាល់តែសោះ តែកម្ពុជានៅតែអាចរកគ្រាប់បាល់បាន និងរកបានដោយកីឡាការិនី សំរិទ្ធ និយម នៅនាទីទី77 ដោយបាល់ប៉េណាល់ទី។
ក្នុងពានរង្វាន់ AFF Women’s Championship 2019 នេះ កម្ពុជាស្ថិតនៅក្នុងពូល B ជាមួយ វៀតណាម ឥណ្ឌូនេស៊ី និងមីយ៉ាន់ម៉ា ដោយក្នុងនោះកម្ពុជាបានឆ្លងកាត់ 2ប្រកួតហើយ និងចាញ់ទាំង 2ប្រកួត នៅសល់តែការប្រកួតបង្គ្រប់កិច្ចជាមូយនឹងឥណ្ឌូនេស៊ីមួយទៀតប៉ុណ្ណោះ៕
ម៉ឺន សុភា ចាញ់ Diesellek ជាលើកទី2 ក្នុងជំនួបសងសឹក
កីឡាករជើងខ្លាំងគុនខ្មែរ ម៉ឺន សុភា បានសន្លប់ត្រឹមទឹកទី2 នៅក្នុងការប្រកួតជាមួយកីឡាករជើងខ្លាំងថៃ Diesellek កាលពីល្ងាចថ្ងៃអាទិត្យ ទី18 ខែសីហា ឆ្នាំ2019 ម្សិលមិញនេះ នៅលើសង្វៀន Mouy Thai Super Champ ។
ក្នុងជំនួបគូឯករវាងកីឡាករទាំង 2នេះ ក្នុងទឹកទី1 កីឡាករកម្ពុជាហាក់ធ្វើបានយ៉ាងល្អ ដោយបានទាត់ និងវាយចូលយ៉ាង មានប្រៀបលើដៃគូដាច់តែម្ដង។ តែអ្វីៗហាក់ប្រែប្រួល 180ដីក្រេតែម្ដងដោយនៅទឺកទី2 កីឡាករថៃបែរជាវាយចំៗគោលដៅផ្ទួនៗ បំបែកកណ្ដាប់ដៃឃុំរបស់កីឡាករកម្ពុជា រហូតធ្វើឱ្យដួលទៅលើកម្រាលសង្វៀន ហើយអាជ្ញាកណ្តាលក៏បានសម្រេចបញ្ឈប់ការប្រកួតត្រឹមទឹកទី 2នេះតែម្ដង។
កីឡាករ ម៉ឺន សុភា ធ្លាប់ចាញ់ពិន្ទុកីឡាករ Dieselek ម្ដងរួចមកហើយកាលពីឆ្នាំ2017 ដោយទទួលបានមេដាយប្រាក់ក្នុងព្រឹត្តិការណ៍កីឡាស៊ីហ្គេមលើកទី29៕
ចប់ពាន U18 កីឡាករកម្ពុជា 2រូប ត្រូវវះកាត់ជាបន្ទាន់នៅវៀតណាម
ក្នុងពានរង្វាន់ AFF U18 Championship 2019 នៅទីក្រុងហាណូយ ប្រទេសវៀតណាម ក្រុមកម្ពុជាបានធ្លាក់ត្រឹមវគ្គចែកពូល ដោយឈរនៅលេខ4 ក្នុងពូលB ពីលើសិង្ហបុរី និងថៃ ដោយមាន 6ពិន្ទុ ក្រោយឈ្នះ2 និងចាញ់3 ប៉ុន្តែកម្ពុជាហាក់ធ្វើបានយ៉ាងល្អ ដោយបានយកឈ្នះក្រុមខ្លាំងថៃ និងម្ចាស់ផ្ទះវៀតណាមឱ្យធ្លាក់ចេញពីពាននេះដូចគ្នា។
ដោយឡែកក្នុងការប្រកួតជាមួយនឹងក្រុមសិង្ហបុរី ដែលកីឡាករសិង្ហបុរីបានឈូសបើកបាត និងស្លាយដ៍ជាច្រើនលើកច្រើនសាមកលើកីឡករកម្ពុជា ជាលទ្ធផលបានធ្វើឱ្យកីឡាករកម្ពុជា 2រូបរងរបួសធ្ងន់ រួមមានកីឡាករ ប៊ុនធឿន ប៊ុណ្ណារ៉ុង រងរបួសធ្ងន់ធ្ងរដោយដាច់សរសៃជង្គង់ (ACL) និងកីឡាករ វុធ តុលា ដែលបានរងរបួសបែកឆ្អឹងជើង ហើយពួកគេកំពុងតែសម្រាកដើម្បីត្រៀមវះកាត់នៅក្នុងប្រទេសវៀតណាម៕
ក្រុមហ៊ុន LG ឈ្នះពានរង្វាន់កំពូលប្រចាំឆ្នាំពីស្ថាប័ន EISA ទៅលើបច្ចេកវិទ្យាសប្បនិមិ្មតចុងក្រោយបំផុតដែលភ្ជាប់នៅក្នុងទូរទស្សន៍និងឧបករណ៍បំពងសំលេង
ការបន្តកំណត់ត្រាវែងឆ្ងាយនៃភាពជោគជ័យ ត្រូវបានសហការនិងទទួលស្គាល់ជាសាធារណៈពីអ្នកប្រើប្រាស់គ្រឿងអេឡិចត្រូនិចដ៏បំផុតក្នុងពិភពលោក ។
ទីក្រុងសេអ៊ូលថ្ងៃទី ១៥ ខែសីហាឆ្នាំ ២០១៩ - ក្រុមហ៊ុនអេឡិចត្រូនិច (LG) ត្រូវបានទទួលស្គាល់ជាថ្មីម្តងទៀតសម្រាប់ផលិតផលកម្សាន្តក្នុងផ្ទះដ៏ប្រសើរបំផុតដោយសមាគមអ្នកជំនាញរូបភាពនិងសំឡេង ហៅកាត់ថា (EISA) ដែលជាស្ថាប័ននិពន្ធគ្រឿងអេឡិចត្រូនិចធំជាងគេបំផុតរបស់ពិភពលោកដែលតំណាងដោយការបោះពុម្ពផ្សាយចំនួន ៥៥ នៅទូទាំង ២៩ ប្រទេស។ នៅក្នុងពានរង្វាន់ EISA នៅឆ្នាំនេះផលិតផល LG ចំនួនបួនគឺទូរទស្សន៍ LG OLED (ម៉ូដែល OLED65E9) ទូរទស្សន៍ LG NanoCell (ម៉ូដែល 65SM9000), LG Soundbar (ម៉ូដែល SL8YG), LG XBOOM Go (ម៉ូដែល PK7) - ត្រូវបានគេជ្រើសរើសសម្រាប់សមត្ថភាពឆ្នើម ការរចនាប្រកបដោយការច្នៃប្រឌិតខ្ពស់និងគុណតម្លៃសម្រា ប់អ្នកប្រើប្រាស់។
ទូរទស្សន៍ LG OLED TV AI ThinQ ត្រូវបានគេដាក់ឈ្មោះថា EISA BEST PREMIUM OLED TV 2019-2020 ដែលនេះជាឆ្នាំទី ៨ ហើយដែលទូរទស្សន៍ LG OLED ទទួលបានចំណាត់ថ្នាក់កំពូលក្នុងផ្នែកទូរទស្សន៍នេះ។ កាលពីដើមឆ្នាំ2019 នេះ ទូរទស្សន៍ប្រភេទE 65 អ៊ីញ ដែលដំណើរការដោយប្រព័ន្ធឆ្លាតវៃ α (Alpha) 9 ជំនាន់ទី ២ ត្រូវបានឈ្នះពានរង្វាន់មាសផ្នែករចនាពី IF ដែលមាន បន្ទះឈីបកម្រិតខ្ពស់ផ្តល់ជូននូវរូបភាពនិងគុណភាពសំឡេងដែលត្រូវបានធ្វើឱ្យប្រសើរឡើងដោយ AI ដោយការេផ្អែកលើកម្រិតពណ៌ដែលមិនចេះរីងស្ងួតនិងការបញ្ចេញពណ៌ត្រឹមត្រូវ ទើបធ្វើអោយបច្ចេកវិទ្យា OLED របស់ក្រុមហ៊ុន LG ទទួលបានភាពល្បីល្បាញបែបនេះ ។ គណៈគម្មាការវាយតម្លៃ EISA បានកោតសរសើរចំពោះការរចនាមិនចេះរីងស្ងួតរបស់ OLED 65 E9 ដែលរួមបញ្ចូលកញ្ចក់ថ្លាដើម្បីបង្កើតការបំភាន់នៃអេក្រង់អណ្តែតលើអាកាស ដែលធ្វើឱ្យទូរទស្សន៍ក្លាយជាកន្លែងទាក់ទាញបន្ថែមទៀត។
ទូរទស្សន៍ LG NanoCell AI ThinQ ត្រូវបានទទួលស្គាល់សម្រាប់ពានរង្វាន់កំពូលទូរទស្សន៍ឆ្លាតវៃពី EISA សំរាប់ការសម្តែងរូបភាពនិងសំលេងដែលគួរអោយភ្ញាក់ផ្អើលដោយសារបច្ចេកវិទ្យាអេក្រង់ NanoCell របស់ខ្លួន Full Array Local Dimming (FALD) និង processor 7 Gen 2 ។ ការជ្រើសរើសររបស់ EISA ត្រូវបានផ្ដោតទៅលើបទពិសោធន៍អ្នកប្រើប្រាស់និងភាពងាយស្រួលដែលផ្តល់ជូនដោយប្រព័ន្ធបច្ចេកវិទ្យាសប្បនិម្មិតរបស់ក្រុមហ៊ុន LGជាមួយកម្មវិធី ThinQ និងការរួមបញ្ចូលយ៉ាងរលូននៃ Google Assistant និង Amazon Alexa ។
ឧបករណ៍បំពងសម្លេងម៉ាក LG Soundbar និងឧបករណ៍បំពងសម្លេង LG XBOOM Go បានឈ្នះពានរង្វាន់ប្រភេទ EISA SOUNDBAR 2019- 2020 និង EISA MOBILE SPEAKER 2019- 2020 សម្រាប់គុណភាពសំឡេងពិសេសដែលទទួលបានពីកិច្ចសហការរបស់ LG ជាមួយក្រុមហ៊ុន Meridian ដែលជាអ្នកជំនាញផ្នែកសំលេងដ៏ល្បីល្បាញរបស់ចក្រភពអង់គ្លេស។
លោក Brian Kwon ប្រធានក្រុមហ៊ុនទូរគមនាគមន៍ចល័តនិងកំសាន្តតាមគេហដ្ឋានរបស់ក្រុមហ៊ុន LG បានមានប្រសាសន៍ថា“ យើងមានកិត្តិយសណាស់ដែលមានផលិតផលសម្លេងនិងអូឌីយ៉ូប្រកបដោយភាពច្នៃប្រឌិតរបស់យើងដែលត្រូវបានទទួលស្គាល់ដោយស្ថាប័ន ដែលត្រូវបានគោរពនិងជឿទុកចិត្តពី EISA” ។ យើងនឹងបន្តបង្កើននិងពង្រីកការវិនិយោគជាបន្តបន្ទាប់របស់យើងក្នុងការច្នៃប្រឌិត ដើម្បីផ្តល់ជូនអតិថិជននូវដំណោះស្រាយសម្រាប់ការកម្សាន្តតាមផ្ទះប្រកបដោយភាពវៃឆ្លាតដើម្បីធ្វើឱ្យជីវិតកាន់តែប្រសើរឡើង” ។
អ្នកចូលរួមទស្សនាស្តង់ LG នៅក្នុងព្រឹត្តការណ៍ IFA នៅសាលទី 18 នាទីក្រុងប៊ែកឡាំង ពីថ្ងៃទី ៦-១១ ខែកញ្ញានឹងមានឱកាសបានទស្សនាផលិតផលទាំងអស់ដែលត្រូវបានទទួលស្គាល់ដោយស្ថាប័ន EISA ។
ពិតជាគួរអស្ចារ្យ !! គ្រួសារតារាកម្ពុជាដើរបង្ហាញឈុតបុរាណសម័យនគរភ្នំនិងចេនឡា
ឈុតបុរាណសម័យនគរភ្នំនិង ចេនឡា ត្រូវបានរំលេចឡើងយ៉ាងស្រស់ស្អាត ដោយគ្រួសារតារាកម្ពុជា ដែលបានបង្ហាញវត្តមានរបស់ពួកគេក្នុងកម្មវិធីទូរទស្សន៍ ក្នុងស្រុកមួយ កាលពីយប់ថ្ងៃទី១៦ សីហា ២០១៩។ ស្ថាបនិកគ្រួសារតារាកម្ពុជា បាន ឱ្យដឹងថា ឈុតបុរាណដែលជ្រើសរើសយកមកបង្ហាញនោះគឺ ជាឈុតដែលបាន គាស់កកាយដោយ លោក ចាន់ សោភ័ន សាស្រ្តាចារ្យប្រចាំសាកល វិទ្យាល័យភូមិន្ទ វិចិត្រសិល្បៈ ផ្នែកសូន្យរូប ខណៈដែលអ្នកស្រាវជ្រាវ និងច្នៃឈុតបុរាណភាគច្រើន ចាប់អារម្មណ៍តែឈុតក្នុងសម័យអង្គរ និង ក្រោយអង្គរប៉ុណ្ណោះ។
ការជ្រើរើសឈុតបុរាណ ដែលគ្រងដោយតារាសិល្បៈ នៃគ្រួសារតារាកម្ពុជាក្នុង សម័យ មុនអង្គរទាំងពីរនោះ មិនត្រឹមតែបានចូលរួមផ្សព្វផ្សាយពីឈុតបុរាណខ្មែរ ដ៏កម្រ អោយពិភពលោក និងកូនខ្មែរ បានស្គាល់ប៉ុណ្ណោះទេប៉ុន្តែពួកគេក៏បានរំលេចរូប សម្រស់ អោយមើលទៅឃើញលេចធ្លោគួរ អោយសរសើរផងដែរ។ តារាចាស់ថ្មី ដែលបានរួមគ្នាបំផុសឈុតសម័យអាណាចក្រភ្នំ និង អាណាចក្រ ចេនឡា ទាំងនោះរួមមាន៖ ១-លោក រុន ណាកូ ម្ចាស់ពានគ្រងឈុតបុរាណត្រូវ ទម្រង់ លេចធ្លោ ឆ្នាំ២០១៨ និងជាម្ចាស់ពានប្រជាប្រិយភាព ឆ្នាំ២០១៩ ដែលគ្រងឈុតព្រះ មហាក្សត្រ ក្នុងសម័យចេនឡា។ ២-កញ្ញា ភីយ៉ា ម្ចាស់ពានគ្រងឈុតបុរាណលេខ១ ឆ្នាំ២០១៩ ជាទូតសុឆន្ទៈ ដែលគ្រងឈុតព្រះមហេសី ក្នុងសម័យចេនឡា។ ៣-អ្នកនាង លី ម៉ារីណា ជាទូតសុឆន្ទៈផ្នែកសប្បុរសធម៌ប្រចាំគ្រួសារតារាកម្ពុជា ដែលគ្រងឈុតព្រះនាងនាគ ឬជាឈុតព្រះនាងលីវយី ដែលជាស្ដេច ស្រីដំបូង គេដ៏ អស្ចារ្យរបស់កម្ពុជា។ ៤-លោក ឌួង តារាផាឌីន គឺជាម្ចាស់ពានគ្រងឈុតបុរាណ លេខ១ ឆ្នាំ២០១៩ ជាទូតសុឆន្ទៈ ដែលគ្រងឈុតព្រះរាជាក្នុងសម័យនគរភ្នំ។
៥-អ្នកនាង ម៉ៅ ស៊ីណាត ម្ចាស់ពានគ្រងឈុតបុរាណត្រូវទម្រង់ឆ្នាំ២០១៨ ជាទូត សុឆន្ទៈ ដែលគ្រងឈុតមហេសី ក្នុងសម័យនគរភ្នំ។ ៦-លោក បញ្ញា សិទ្ធិ ម្ចាស់ពាន គ្រងឈុតបុរាណលេខ២ ឆ្នាំ២០១៩ ដែលគ្រងឈុតព្រះអង្គម្ចាស់ ក្នុងសម័យចេនឡា។ ៧-អ្នកនាង ចាន់ ផល្លារ ទូតសុឆន្ទៈរបស់គ្រួសារតារាកម្ពុជា ដែលគ្រងឈុព្រះនាង ក្នុងសម័យចេនឡា។ ៨-លោក ស៊ិន សុធារិទ្ធ ម្ចាស់ពានឈុតបុរាណកម្រ ឆ្នាំ២០១៨ ជាទូតសុឆន្ទៈ ដែលគ្រងឈុតលោកមហាមន្ត្រី ក្នុងសម័យនគរភ្នំ។ ៩-កញ្ញា អៃ សុគន្ធពិដោរ តារាកិត្តិយស ជាបេក្ខនារី Miss Global International Cambodia 2019 ដែលគ្រងឈុតលោកជំទាវក្នុងសម័យនគរភ្នំ។ ១០-លោក ម៉ែន អម្រុងរត័្ន ម្ចាស់ពានគ្រងឈុតបុរាណផ្នែកច្នៃប្រឌិត ឆ្នាំ២០១៨ និងជាទូតសុឆន្ទៈ គ្រងឈុតព្រះអង្គម្ចាស់ក្នុងសម័យនគរភ្នំ។ ១១-កញ្ញា ភី សម័យ ម្ចាស់ពានគ្រងឈុតបុរាណច្នៃ កាលពីឆ្នាំ២០១៨ ជាទូតសុឆន្ទៈ ដែលគ្រងឈុត អ្នកម្នាងក្នុងសម័យនគរភ្នំ។ ១២-លោក លឿង វិសាល ម្ចាស់ពានឈុតបុរាណលេខ៣ ឆ្នាំ២០១៩ ជាទូតសុឆន្ទៈ ដែលគ្រងឈុតព្រះមហាមន្ត្រី ក្នុងសម័យចេនឡា។ ១៣-កញ្ញា ព្រីយ៉ា តារាកិត្តិយស និងជាសមាជិករបស់គ្រួសារតារាកម្ពុជាដែលគ្រង ឈុត លោកជំទាវ សម័យចេនឡា៕
ចំណងជើង៤ បើកទំព័រតម្រានៃការជំរុញការអាននិងងាកមកស្រឡាញ់សៀវភៅវិញ
នៅព្រឹកថ្ងៃទី១៨ ខែសីហា ឆ្នាំ២០១៩ គម្រោងថ្មីក្នុងគោលបំណងជំរុញការអាននៅកម្ពុជាមានឈ្មោះថា « តម្រា » បានប្រកាសបើកសម្ពោធស្នាដៃនិពន្ធសៀវភៅ ៤ចំណងជើងដើម្បីឱ្យកាន់តែមានភាពសម្បូរបែបសម្រាប់អ្នកអាន និងផ្ដល់ចំណោះដឹង បទពិសោធន៍ល្អៗពីអ្នកនិពន្ធ។ តម្រា ក៏បានប្រមូលផ្ដុំក្រុមអ្នកនិពន្ធ ដើម្បីផលិតស្នាដៃជានិពន្ធសៀវភៅឱ្យមានគុណភាពទាក់ចិត្តយុវវ័យឱ្យងាកមករកការអានឡើងវិញផងដែរ។ ព្រោះថា ក្រៅពីធ្លាក់ចុះនៃការអានហើយ គេកត់សម្គាល់ឃើញថា ការនិពន្ធសៀវភៅការថមថយទន្ទឹមគ្នាដែរ។
អ្នកនាង ទូច បុប្ផា នាយិកាតម្រា បានអះអាងថា ដោយសារតែអ្នកនាង និងក្រុមយុវជនមួយចំនួនមើលឃើញថាកម្រិតនៃការអានមានការថយចុះ ស្របពេលដែលស្នាដៃតែងនិពន្ធដែលបោះពុម្ពសៀវភៅក៏មិនសូវមាន។ អ្នកនាងថា យុវវ័យសព្វថ្ងៃមិនមែនមិនចង់អានសៀវភៅនោះទេ ប៉ុន្តែបណ្ដាលមកពីស្នាដៃដែលបានផលិតឡើង អាចមិនសូវមានការចាប់អារម្មណ៍ទើបធ្វើឱ្យការអានធ្លាក់ចុះ។ អ៊ីចឹងហើយទើបអ្នកនាង និងក្រុមការងារបានរួបរួមគ្នាគ្នាបង្កើតគម្រោងនេះឡើង ដើម្បីប្រមូលអ្នកនិពន្ធ ហើយចងក្រងស្នាដៃ ដើម្បីផលិតជាស្នាដៃសៀវភៅ ឱ្យមានគុណភាព និងស្អាតទាក់ទាញដើម្បីឱ្យយុវវ័យងាកមកស្រលាញ់សៀវភៅវិញ។ អ្នកនាងសៀវភៅ៤ប្រភេទ ដែលតម្រាបោះពុម្ពផ្សាយរួមមានរឿង”អាគមបរព្រៃ” រឿង”ពេលវេលា” រឿង”បឹងអតីត” និងរឿង”ស្ទូឌីយោលេខ៧” ដែលសុទ្ធតែជាស្នាដៃបង្កប់ដោយអត្ថន័យ និងការអប់រំខ្ពស់។ ស្នាដៃទាំងនេះ មានលក់នៅតាមបណ្ណាគារធំៗនៅរាជធានីភ្នំពេញ នៅបាត់ដំបង កំពង់ចាម កំពង់ស្ពឺ និងមានចែកជូននៅតាមបណ្ណាល័យសំខាន់ៗ។ ស្នាដៃទាំងអស់របស់តម្រា ក៏មានប្រកាសលក់តាមអនឡាញផងដែរ ខណៈដែលអ្នកនាង បញ្ជាក់ថា ក្នុងមួយស្នាដៃៗត្រូវបានគេទិញមិនក្រោម១ពាន់ទៅ១៥០០ក្បាលនោះទេ តាំងពីចាប់ផ្ដើមមុនសម្ពោធ ទើបធ្វើឱ្យអ្នកនាង យល់ថា តម្រូវការនៃការអាននៅតែមានការចាប់អារម្មណ៍ជាពិសេសពីសំណាក់យុវវ័យ។
អ្នកនាង ទូច បុប្ផា បន្តថា តម្រានឹងគៀគរអ្នកមានគំនិតចង់បង្កើតស្នាដៃ ឱ្យមានឱកាសផលិតជាសៀវភៅ ប៉ុន្តែក៏ទាមទារឱ្យស្នាដៃទាំងនោះត្រូវតែមានខ្លឹមសារ និងការអប់រំខ្ពស់ ដែលផ្ដល់ប្រយោជន៏ដល់អ្នកអានផងដែរ ទើបតម្រាទិញសិទ្ធិយកមកផលិត។ ក្នុងមួយខែតម្រាប្រកាសបញ្ចេញស្នាដៃមួយរឿង ដោយការបោះពុម្ពតិចឬ ច្រើន គឺអាស្រ័យលើស្នាដៃនីមួយៗ៕
មុនជួបវៀតណាមល្ងាចនេះ ក្រុមនារីកម្ពុជាចាញ់ថៃ 2ទល់នឹង0 ក្នុងជំនួបកម្តៅសាច់ដុំ
ក្រុមបាល់ទាត់ជម្រើសជាតិនារីឈុតធំកម្ពុជា បានធ្វើការប្រកួតមិត្តភាពជាមួយនឹងក្រុមបាល់ទាត់នារីថៃ ជាលក្ខណៈកម្តៅសាច់ដុំ ដោយលទ្ធផល កម្ពុជាបានចាញ់ថៃក្នុងលទ្ធផល 2ទល់នឹង0។
ហើយនៅល្ងាចថ្ងៃទី16 ខែសីហា ឆ្នាំ2019 នេះដែរ ក្រុមបាល់ទាត់ជម្រើសជាតិនារីកម្ពុជា នឹងត្រូវជួបជាមួយនឹងក្រុមបាល់ទាត់ជម្រើសជាតិនារីវៀតណាមនៅវេលាម៉ោង 6ល្ងាច មុននឹងជួបក្រុមមីយ៉ាន់ម៉ានៅថ្ងៃទី18 ខែសីហាខាងមុខនេះ។
គួរបញ្ជាក់ផងដែរថា កម្ពុជាស្ថិតនៅក្នុងពូល B នៃពានរង្វាន់ខាងលើនេះជាមួយនឹងវៀតណាម មីយ៉ាន់ម៉ា និងឥណ្ឌូនេស៊ី ហើយពួកគេបានទៅធ្វើការហ្វឹកហាត់នៅប្រទេសថៃ អស់រយៈពេលជាង 2សប្តាហ៍មកហើយ៕
Ronaldo នឹងអវត្តមានក្នុងការប្រកួតបើកឆាក Seria A
Christiano Ronaldo ដែលជាកីឡាករខ្សែប្រយុទ្ធរបស់ក្លិបជើងឯកលីកកំពូលរបស់អ៊ីតាលី Juventus ត្រូវបានក្លិបប្រកាសថា មានបញ្ហារបួសត្រគាកខាងឆ្វេង ដែលនឹងធ្វើឱ្យកីឡាកររូបនេះ អាក់ខានក្នុងការចូលលេងក្នុងលីកកំពូលមួយរយៈ។
កីឡាកររូបនេះ ត្រូវបានគេដឹងថា មិនបានបង្ហាញខ្លួនជាមួយនឹងក្រុមក្នុងការប្រកួតជាមួយនឹងក្រុម Juventus B កាលពីសប្តាហ៍មុន ហើយក៏មិនបានមកហ្វឹកហាត់ជាមួយនឹងក្រុមអស់រយៈពេលជិត 2សប្តាហ៍មកហើយដែរ។
គួរបញ្ជាក់ដែរថា កីឡាកររូបនេះជាចំណែកដ៏ធំមួយដែលបានជួយក្រុមខ្លាំងរបស់អ៊ីតាលីមួយនេះ លើកពាន Seria A កាលពីរដូវកាលមុន៕
ជើងទី1 HUN SEN CUP 2019 ក្រុមម្ចាស់ផ្ទះឈ្នះទាំងអស់
ពានរង្វាន់ HUN SEN CUP 2019 ថ្នាក់ជាតិលើកទី13 វគ្គ1/4 ជើងទី1 បានចាប់ផ្តើមហើយ ដោយការប្រកួតបានធ្វើឡើងកាលពីថ្ងៃទី14 ខែសីហា ឆ្នាំ2019 ចំនួន 3គូ។ ជាលទ្ធផល ក្រុមម្ចាស់ផ្ទះសុទ្ធតែឈ្នះទាំងអស់។
លទ្ធផលការប្រកួតមានដូចជា ក្រុមសូលទីឡូអង្គរចាញ់ក្រុមបឹងកេត 0ទល់នឹង2 ក្រុមក្រសួងការពារជាតិឈ្នះក្រុមភ្នំពេញក្រោនក្នុងលទ្ធផល 1ទល់នឹង0 ចំណែកឯក្រុមវិសាខាបានយកឈ្នះក្រុមគិរីវង់សុខសែនជ័យក្នុងលទ្ធផល 4ទល់នឹង2។
គួរបញ្ជាក់ផងដែរថា ការប្រកួតពានរង្វាន់ HUN SEN CUP 2019 ថ្នាក់ជាតិលើកទី13 វគ្គ1/4 មាននៅសល់ការប្រកួត 1គូទៀត ដោយក្រុមអង្គរថាយហ្គើរនឹងត្រូវបើកទ្វារកីឡដ្ឋានខេត្តសៀមរាបដើម្បីទទួលក្រុមព្រះខ័នរាជស្វាយរៀង៕
