កាសភ្ជាប់ Bluetooth ម៉ាកល្បីរបស់ Beat ឈ្មោះ Powerbeats Pro ទើបត្រូវបានបង្ហាញមុខថ្មីៗនេះ ដោយបន្ថែមមុខងារការពារជម្រាបទឹក(Water Resisitance) ព្រមជាមួយសមត្ថភាពថ្មកាន់បាន 9ម៉ោង ងាយស្រួលពាក់លើត្រចៀក ស្តាប់ចម្រៀង ព្រោះតែការរចនារូបរាងថ្មីតូចច្រឡឹងក្ដោបពេញរន្ធត្រចៀកតែម្ដង។
ចំណែកគុណភាពសំឡេងវិញ អ្នកណាក៏ដឹងដែរថា Beats មិនដែលឱ្យអតិថិជនខកចិត្តនោះទេ ព្រោះវាបញ្ញចេញសំឡេងរងំមិនចាញ់ AirPods របស់ Apple នោះទេ។ ហើយអ្វីដែលកាន់តែពិសេសទៅទៀតនោះគឺវាជាប្រភពកាសដែលមានមុខងារសាកភ្លើងឥតខ្សែ។
សម្រាប់តម្លៃម៉ូឌែល Pro នេះចាប់ពី 249ដុល្លារ (លក់នៅលើវិបសាយ Apple.com)។ ប្រសិនបើមានចំណាប់អារម្មណ៍អាចធ្វើការបញ្ជារទិញបានចាប់ពីថ្ងៃទី 22ខែសីហាឆ្នាំ 2019 ខាងមុខនេះ៕
Author: អេបិល
Apple ប្រកាសចេញកាស Bluetooth ពណ៌ថ្មី ថ្មកាន់ ៩ ម៉ោងចូលទឹកក៏មិនមានបញ្ហា
ព្រឹត្តិការណ៍ឧស្សាហកម្មប្រចាំឆ្នាំឈានមុខគេនៅកម្ពុជា CIMIF & CTG
ពិព័រណ៍ឧស្សាហកម្មគ្រឿងយន្តកម្ពុជា (CIMIF) និងពិព័រណ៍ឧស្សាហកម្មសម្លៀកបំពាក់ និងវាយនភណ្ឌកម្ពុជាអន្តរជាតិ (CTG) ឆ្នាំ2019 គ្រោងនឹងដំណើរការនៅថ្ងៃទី22 ដល់ 25 ខែ សីហា នៅមជ្ឈមណ្ឌលសន្និបាត និងពិព័រណ៍កោះពេជ្រ។ ពិព័រណ៍ទាំង 2នេះ នឹងប្រមូលផ្តុំអ្នកតាំងពិព័រណ៍ចំនួន 200នាក់ និង 280ស្ដង់ មកពី 15ប្រទេស និងតំបន់ ដូចជាប្រទេសកម្ពុជា ចិន សាធារណរដ្ឋឆែក ហុងកុង ឥណ្ឌា ជប៉ុន ម៉ាឡេស៊ី សិង្ហបុរី តៃវ៉ាន់ ថៃ និងវៀតណាម ដើម្បីបង្ហាញនូវផលិតផលច្នៃប្រឌិតថ្មីជាច្រើនដែលជាដំណោះស្រាយគ្រប់យ៉ាងអាចប្រើប្រាស់បានក្នុងការធ្វើពាណិជ្ជកម្ម។
ក្រោមការរៀបចំដោយក្រុមហ៊ុន Yorkers Trade & Marketing Service Co.,Ltd ព្រឹត្តិការណ៍ដ៏ធំនេះទទួលបានការគាំទ្រយ៉ាងខ្លាំងពីសំណាក់រាជរដ្ឋាភិបាល និងផ្នែកឧស្សាហកម្មនៅកម្ពុជា ដែលត្រូវបានសហការរៀបចំឡើងដោយក្រសួងឧស្សាហកម្ម និងសិប្បកម្ម សភាពាណិជ្ជកម្មកម្ពុជា (CCC) និងសមាគមរោងចក្រកាត់ដេរនៅកម្ពុជា (GMAC) និងឧបត្ថម្ភជាផ្លូវការដោយអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម (TPD)។
ចូលរួមទស្សនាការតាំងពិព័រណ៍ CIMIF និង CTG លោកអ្នកនឹងអាចរកឃើញនូវម៉ាស៊ីនឧស្សាហកម្មដែលមានគុណភាពជាច្រើន ស្វែងយល់ពីបច្ចេកទេសអភិវឌ្ឍន៍ឧស្សាហកម្មចុងក្រោយបំផុត និងសហការជាមួយដៃគូឧស្សាហកម្មសំខាន់។ កម្មវិធីពិព័រណ៍2 រួមគ្នានេះពិតជាផ្តល់នូវឱកាសដ៏ល្អបំផុតសម្រាប់លោកអ្នកក្នុងការទទួលបានខ្សែចង្វាក់ផលិតកម្ម តម្លៃពិភពលោក និងចាប់យកជាមួយការអភិវឌ្ឍឧស្សាហកម្មដែលពឹងផ្អែកលើបច្ចេកវិទ្យា & ចំណេះដឹង៕
កម្មវិធីសម្ពោធគម្រោងដើមម៉ៃសាក់ក្រោមកិច្ចសហការរបស់ក្រុមហ៊ុន CPL ខេមបូឌា ជាមួយក្រុមវិនិយោគពីប្រទេសអ៊ីស្រាអែល
កាលពីព្រឹកថ្ងៃ ចន្ទ័ ទី19 សីហា ឆ្នាំ 2019 ក្រោមអតិបតីភាព លោក សុខ ភា អភិបាលខេត្តរងខេត្តកំពង់ស្ពឺ និងមានការចូលរួមសហការ ជាមួយរដ្ឋលេខាធិការក្រសួងបរិស្ថាន ក្នុងការប្រតិបត្តិការអនុវត្តគម្រោងដាំដើម ម៉ៃសាក់ នៅលើផ្ទៃដី 350ហិចតា របស់ក្រុមហ៊ុន TEAK FARM CAMBODIA ដោយប្រើដើមទុន 08-09លានដុល្លារ ក្រោមការសម្របសម្រួលរបស់ក្រុមហ៊ុន CPL។
ឯកឧត្តម ស្រ៊ុន ដារិទ្ធិ រដ្ឋលេខាធិការក្រសួង បរិស្ថានបានថ្លែងថា នេះជាគម្រោងល្អមួយ សម្រាប់សហគមន៍តំបន់ការពារធម្មជាតិ ដោយក្រសួងមិនត្រឹមតែមិនបាច់ចំណាយ ធនធានក្នុងការថែទាំតំបន់សហគមន៍នោះ ថែមទាំងអាចផ្តល់ចំណូលដល់ពលរដ្ឋនៅ ក្នុងសហគមន៍នេះទៀត។
លោក ហ្គាយ យូហ្គេវ អ្នកគ្រប់គ្រងគម្រោង ដាំដើមម៉ៃសាក់នៃក្រុមហ៊ុនTeak Farm បានអោយដឹងថា ដោយសារតែកម្ពុជា ជា ប្រទេសដោយអំណោយផលសម្រាប់ដំណាំកសិកឧស្សាហកម្មដូចជាជាម៉ៃសាក់នេះ ។
លោក ផុន ជាប្រធានសហគមន៍តំបន់ការពារធម្មជាតិតាសាលបានសម្តែង នូវក្តីរីករាយចំពោះការវិនិយោគដាំដើម ម៉ៃសាក់នេះ ដោយរំពឹងថានឹងអាចកាត់ បន្ថយការចំណាកស្រុករបស់ពលរដ្ឋក្នុងតំបន់នេះ។
ការដាំដើមឈើម៉ៃសាក់នេះ ក្រុមហ៊ុនTeak Farm មកពីប្រទេសអ៊ីស្រាអែល បានចុះកុងត្រាជាមួយ សហគមន៍តំបន់ការពារធម្មជាតិតាសាលនៃដែនជម្រកសត្វព្រៃភ្នំឱរ៉ាល់ ខេត្តកំពង់ស្ពឺ ដែលក្រសួងបរិស្ថានដាក់ជាតំបន់ការពារធម្មជាតិរយៈពេល15ឆ្នាំ ។ ប្រសិនបើដាក់ឱ្យលូតលាស់តាមធ្មជាតិឈើប្រភេទឈើម៉ៃសាក់នេះអាចប្រមូលផលបានក្នុងរយៈពេល 22ឆ្នាំ តែក្រុម ហ៊ុននេះនឹងប្រើបច្ចេកកវិទ្យាចុងក្រោយដោយមើលទាំយ៉ាងដិតដល់ ហើយអាចប្រមូលផលក្នុងរយៈពេល6ឆ្នាំប៉ុណ្ណោះ៕
យេ៎…យេ៎…!! ឱកាសមហាប្រូម៉ូសិនយក្សដ៏កម្រប្រចាំឆ្នាំពី សាមសុង បានមកដល់ហើយ…!!
មួយឆ្នាំមានម្តង កុំឲ្យរំលងប្រូម៉ូសិនយក្ស!!!
ភ្នំពេញថ្ងៃទី២០ ខែសីហា ឆ្នាំ២០១៩៖ កម្មវិធីដ៏អស្ចារ្យប្រចាំឆ្នាំបានត្រឡប់មកវិញហើយ មកជាមួយនឹងភាពអស្ចារ្យ និងរំភើបសម្រាប់អតិថិជនទាំងអស់! និយាយទៅកម្មវិធីពិសេសនេះគឺ ទិញថែម…ទិញថែម…ថែមៗកប់តែម្តង! ពិតជាអស្ចារ្យខ្លាំងណាស់! ចំណាយក៏កាន់តែតិច…ចំណេញវិញមហាសែនច្រើន…!!
ឥឡូវនេះក្រុមហ៊ុនបច្ចេកវិទ្យាអេឡិចត្រូនិក សាមសុង ធ្វើការផ្តល់ជូនកម្មវិធីប្រូម៉ូសិនដ៏ធំប្រចាំឆ្នាំដូចជា៖ ការបញ្ចុះតម្លៃយ៉ាងពិសេស, ទិញ ១ ថែម ១, ទិញទូទឹកកកថែមម៉ាស៊ីនបោកខោអាវ, ទិញម៉ាស៊ីនបោកខោវអាវ ថែមជូនម៉ាស៊ីនបូមធូលី ឬថែមជូនម៉ាស៊ីនដុតអគ្គិសនី (Microwave), ទិញទូរទស្សន៍ទទួលបានការបញ្ចុះតម្លៃ ចាប់ពី $25 រហូតដល់ $750 ភ្លាមៗ ,ទិញម៉ាស៊ីនត្រជាក់ថែមជូនសេវាតម្លើង និងជើងភ្ជាប់ជញ្ជាំងដោយឥតគិតថ្លៃ…!! ចាប់ពីថ្ងៃនេះរហូតដល់ 30 កញ្ញា 2019
អត់ទាន់អស់នៅឡើយទេ! នៅមានច្រើនទៀត! អ៊ីចឹងខ្ញុំគិតថាគ្មានហេតុផលណាដែលលោកអ្នក ឬក៏អតិថិជនទាំងអស់ត្រូវរង់ចាំទៀតនោះទេ! ព្រោះឱកាសដ៏មហាអស្ចារ្យនេះ ១ ឆ្នាំ មានតែម្តងប៉ុណ្ណោះ! សូមបញ្ជាក់ម្តងទៀតថា “មានតែម្តងប៉ុណ្ណោះក្នុង ១ ឆ្នាំ!”
លោកអ្នកប្រាកដជារង់ចាំយ៉ាងអន្ទះសារហើយក្នុងការមកទទួលយកកម្មវិធីប្រូម៉ូសិនពិសេសដ៏អស្ចារ្យប្រចាំឆ្នាំរបស់ក្រុមហ៊ុន សាមសុង សម្រាប់បរិក្ខារអេឡិចត្រូនិកប្រើប្រាស់ក្នុងគេហដ្ឋានដ៏ទំនើបទាន់សម័យយ៉ាងច្រើនសម្បូរបែប!
យ៉ាងណាមិញ ពី ១ ឆ្នាំ ទៅ ១ ឆ្នាំ ក្រុមហ៊ុន សាមសុង បានធ្វើការផ្តល់ជូនទំាងផលិតផលដែលមានគុណភាពល្អបំផុត និងកម្មវិធីពិសេសដល់អតិថិជនទាំងអស់ដោយក្តីរីករាយ និងជាទីមោទនៈផងដែរ! ជាក់ស្តែងនៅពេលនេះគឺជាឱកាសដ៏កម្រអស្ចារ្យបំផុតសម្រាប់លោកអ្នកដើម្បីអញ្ជើញមករីករាយជាមួយនឹងកម្មវិធីប្រូម៉ូសិនផ្តល់ជូនដ៏ធំដោយមានទាំងការបញ្ចុះតម្លៃដ៏សម្បើម និងការថែមជូនយ៉ាងភ្ញាក់ផ្អើលដែលពុំធ្លាប់មានផងដែរ! តើលោកអ្នកធ្លាប់គិតថាចង់ទិញទូទឹកកក ម៉ាស៊ីនបោកសម្លៀកបំពាក់ ម៉ាស៊ីនបូមធូលី ឬបរិក្ខារផ្សេងៗទៀត ហើយបារម្ភខ្លាចក្រែងថាថវិកាអត់គ្រប់ ឬក៏ត្រូវចំណាយច្រើនមែនអត់? ប្រាកដណាស់! លោកអ្នកប្រាកដជាធ្លាប់គិតដល់ត្រង់ចំណុចនេះ! ប៉ុន្តែនៅពេលនេះលោកអ្នកឈប់គិតបែបនោះ និងឈប់បារម្ភទៀតទៅ!
ទាន់ឱកាសដ៏ល្អ និងកម្រនេះបានមកដល់…អ៊ីចឹងសូមប្រញាប់មកទទួលយកការផ្តល់ជូនដ៏អស្ចារ្យនេះទាំងអស់គ្នាភ្លាមទៅ! សម្រាប់ពត៌មានលម្អិតសូមអញ្ចើញមកទស្សនាដោយផ្ទាល់នៅតាមបណ្តាហាងទំនើប សាមសុង និងដេប៉ូចែកចាយបន្តដែលនៅជិតលោកអ្នកបំផុត ឬទំនាក់ទំនងមកកាន់ទូរស័ព្ទ៖ 1800 203 232 !
អស់ឳកាសទៅវគ្គបន្តមែន តែក្រុមបាល់ទាត់នារីត្រូវយកឈ្នះឥណ្ឌូនេស៊ីឱ្យបាននៅល្ងាចនេះ
នៅល្ងាចថ្ងៃនេះ ក្រុមកីឡាការិនីបាល់ទាត់ជម្រើសជាតិកម្ពុជា នឹងត្រូវប្រកួតជាមួយក្រុមកីឡាការិនីបាល់ទាត់ជម្រើសជាតិ ឥណ្ឌូនេស៊ីក្នុងកីឡដ្ឋាន IPE1 របស់ប្រទេសថៃ វេលាម៉ោង ១៨:00 ដោយការប្រកួតនេះ ជាឱកាសសម្រាប់កម្ពុជាស្វែងរកពិន្ទុខ្លះក្នុងពានមួយនេះ។
គួរបញ្ជាក់ដែរថា កម្ពុជាស្ថិតនៅក្នុងពូល B ក្នុងការប្រកួត AFF Women’s Championship 2019 ជាមួយវៀតណាម ឥណ្ឌូនេស៊ី និងមីយ៉ាន់ម៉ា។ គិតមកទល់ពេលនេះ ក្រុមកម្ពុជាបានធ្លាក់ចេញពីពានរង្វាន់មួយនេះហើយ ដោយឆ្លងកាត់ 2ប្រកួត ចាញ់ទាំង 2ប្រកួត ដោយចាញ់វៀតណាម 10 ទល់នឹង០ កាលពីការប្រកួតមុន និងនៅសល់ 1ប្រកួតនេះទៀតជាមួយនឹងក្រុមឥណ្ឌូនេស៊ី៕
យុវជនអាយុក្រោម 18ឆ្នាំបាល់ទាត់កម្ពុជា ទទួលបាន 3ម៉ឺន 1ពាន់ដុល្លាពីនាយករដ្ឋមន្ដ្រីកម្ពុជា
កាលពីល្ងាចថ្ងៃទី16 ខែសីហា ឆ្នាំ2019 ឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានជួបសំណេះសំណាលជាមួយក្រុមជម្រើសជាតិ U-18 កម្ពុជាភ្លាមៗ ក្រោយក្រុមគោព្រៃជំទង់កម្ពុជាធ្វើដំណើរមកដល់មាតុភូមិ ក្រោយបញ្ចប់ភារកិច្ចក្នុងព្រឹត្តិការណ៍ជើងឯកយុវជនអាស៊ីអាគ្នេយ៍ អាយុក្រោម 18ឆ្នាំ AFF U-18 Championship 2019។
ក្នុងនោះដែរ ក្រុមជម្រើសជាតិកម្ពុជាយុវជនអាយុក្រោម 18ឆ្នាំដែលទើបបានទទួលការឧបត្ថម្ភថវិកាផ្ទាល់ចំនួន 31,០០០ដុល្លារពីសំណាក់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដោយសមាជិក និងក្រុមការងារជម្រើសជាតិដែលបំពេញភារកិច្ចក្នុងយុទ្ធនាការខាងលើនឹងទទួលបានក្នុងម្នាក់ចំនួន 1ពាន់ដុល្លាសហរដ្ខអាមេរិក។
រំឭកផងដែរថា ថ្វីដ្បិតតែកម្ពុជាមិនបានឡើងដល់វគ្គពាក់កណ្តាលផ្តាច់ព្រ័ត្រមែន តែបានយកឈ្នះក្រុមខ្លាំងៗក្នុងតំបន់ដល់ទៅ 2ក្រុម គឺថៃ និងម្ចាស់ផ្ទះវៀតណាមក្នុងពូល B នៃការប្រកួតពានរង្វាន់ AFF U18 Championship 2019 នៅក្នុងប្រទេសវៀតណាម៕
ជម្រើសជាតិកម្ពុជា U15 ស្ថិតក្នុងពូល B ក្នុងពាន Jinshan Cup
ក្រុមបាល់ទាត់ជម្រើសជាតិកម្ពុជាអាយុក្រោម 15ឆ្នាំ ស្ថិតនៅក្នុងពូល B នៃកម្មវិធីបាល់ទាត់មិត្តភាពបែបអន្តរជាតិក្រៅផ្លូវការ ដែលមានឈ្មោះថា «Jinshan Cup» International Youth Football Championship 2019 ធ្វើឡើងនៅទីក្រុងស៊ាងហៃ ប្រទេសចិន។
ចំពោះលទ្ធផលចាប់ពូល ក្រុមជម្រើសជាតិគោព្រៃកម្ពុជាស្ថិតនៅក្នុងពូល B ជាមួយនឹងក្រុមជម្រើសជាតិចិន ថៃ និងអូស្ត្រាលីខាងលិច ដែលការប្រកួតនេះនឹងចាប់ផ្តើមពីថ្ងៃទី21 ដល់ថ្ងៃទី26 ខែសីហា ឆ្នាំ2019 ក្រុម សរុបចំនួន 12ក្រុមចូលរួម ស្មើនឹង 8ប្រទេស រួមមាន Haubei FA U15 (ចិន), Standard de Liege U15 (បែលហ្ស៊ិក ), SK Slavia Praha U15 (ឆែក ), AJ Auxerre U15 (បារាំង ), SH Jinshan U14 (ចិន), ជម្រើសកោះហុងកុងអាយុក្រោម 14ឆ្នាំ, Shonan Bellmare U14 (ជប៉ុន) និងអូស្ត្រាលី អាយុក្រោម 14ឆ្នាំ៕
Huawei កំពុងសម្ងំបង្កើត Maps ផ្ទាល់ខ្លួន ប្រជែងជាមួយ Google Maps
ក្រុមហ៊ុនបច្ចេកវិទ្យា Huawei ដ៏ធំជាងគេរបស់ចិន បាននិងកំពុងសម្ងំអភិវឌ្ឍបង្កើតសេវាកម្មផែនទីផ្ទាល់ខ្លួន ដោយប្រកាសជំហរប្រជែងជាមួយសេវាកម្មដ៏ពេញនិយមបំផុតក្នុងពិភពលោករបស់អាមេរិក គឺ Google Maps។
ចំពោះមុខងារដែលគ្រោងនឹងបំពាក់លើផែនទីថ្មីនោះគឺ ប្រព័ន្ធបង្ហាញផ្លូវស្ទះ ឬក៏មិនស្ទះដ៏ជាក់លាក់ដូចទិដ្ឋភាពជាក់ស្ដែងលើដងផ្លូវ ព្រមជាមួយនឹងការបន្ថែមមុខងារផែនទី AR ដែលជាមុខងារស្រដៀងនឹង AR walking direction របស់ Google ដូច្នោះដែរ។
Map Kit នឹងផ្តល់ជូនអ្នកប្រើប្រាស់នូវមុខងារសំខាន់ៗមិនខុសពី Maps របស់ក្រុមហ៊ុន Google នោះឡើយ ពោលគឺប្រព័ន្ធបង្ហាញទិសលើដងផ្លូវ ក៏ដូចការបង្ហាញនូវស្ថានភាពចរាចរណ៍លើដងវិថី គួបផ្សំការគាំទ្រផែនទី AR ដែលអាចបង្ហាញដល់ទៅ 40ភាសាដែលគ្រោងចេញផ្សាយនៅខែតុលាខាងមុខ។ នេះបើយោងតាមការបង្ហើបប្រាប់ពីនាយកជាន់ខ្ពស់ Huawei ជាមួយសារព័ត៌មាន TheVerge។
យ៉ាងណាមិញ សេវាកម្មនេះទើបនឹងស្ថិតក្នុងដំណាក់កាលអភិវឌ្ឍន៍នៅឡើយ ដោយប្រើប្រាស់ Huawei Mapping technology ដើម្បីបង្កើតឱ្យចេញជារូបរាង។
សូមបញ្ជាក់ថា កាលពីសប្តាហ៍មុន Huawei ក៏ទើបតែប្រកាសនូវប្រព័ន្ធប្រតិបត្តិការ Harmony OS ដែលជា OS ផ្ទាល់ខ្លួន ឈរលើគោលដៅកាត់បន្ថយការពឹងផ្អែកទៅលើសេវាកម្មរបស់ Google ដូចជាការប្រើប្រាស់ Android OS។ ប្រព័ន្ធប្រតិបត្តិការនេះអាចគាំទ្រគ្រប់ឧបករណ៍សំខាន់ៗដូចជារថយន្ត កុំព្យូទ័រ ស្មាតហ្វូន នាឡិកាឆ្លាតវៃ និងឧបករណ៍ឥតខ្សែមួយចំនួនទៀតផង។
ដូចនេះ សូមរង់ចាំមើលទាំងអស់គ្នាថា តើសេវាកម្មថ្មីសន្លាងនេះ អាចប្រកាសផ្លូវការ និងអាចជាគូប្រជែងជាមួយ Google Maps ដែរឬយ៉ាងណា?
រថយន្តរបស់ចិន 2ម៉ាក លក់ដាច់ខ្លាំងនៅប្រទេសអូស្រ្តាលី
ចំនួនលក់រថយន្តសរុបនៅប្រទេសអូស្ត្រាលីប្រចាំខែកក្កដា ឆ្នាំ2019 មានការធ្លាក់ចុះ 2.8% បើធៀបនឹងរយៈពេលដូចគ្នាកាលឆ្នាំមុន។ យ៉ាងណាក្ដី ម៉ាករថយន្តរបស់ចិន Haval និង MG មានការកើនឡើងនូវចំនួនលក់រហូតដល់ជាង 100% ឯណោះ។
Haval ដែលជំនាញខាងផលិតរថយន្ត SUV មានការកើនឡើងនូវចំនួនលក់ 164.2% ធៀបនឹងខែកក្កដា ឆ្នាំ2018 ដែលលក់រថយន្តបាន 140គ្រឿង។ សរុប 7ខែដំបូង Haval លក់រថយន្តបាន 783គ្រឿង កើនឡើង 155% ធៀបនឹងឆ្នាំមុន។
ចំណែករថយន្តម៉ាក MG វិញ បានកើនឡើងចំនួនលក់ដល់ 149.8% ប្រៀបធៀបនឹងឆ្នាំមុន ហើយមានការកើនឡើងដល់ 253% នៅរយៈពេល 7ខែចុងក្រោយដូចគ្នា។ ម៉ូដែលរថយន្តពេញនិយមជាងគេ គឺម៉ូដែល ZS (លក់បាន 284គ្រឿង) និង MG3 លក់បាន 392គ្រឿង។
Great Wall ដែលជាក្រុមហ៊ុនមេរបស់ Haval ក៏កើនឡើងនូវចំនួនលក់ដែរ ដោយនៅក្នុងខែកក្កដា លក់បាន 120គ្រឿង កើនឡើង 118.2%។ ចុងក្រោយគេ គឺក្រុមហ៊ុន LDV ដែលលក់រថយន្តបាន 590គ្រឿង កើនឡើង 15.5%៕
មិនធម្មតាមែន! Huawei ចេញ Nova 5 ភ្លាម លក់បាន 2លានគ្រឿងភ្លែត!
កាលពីខែមិថុនាកន្លងទៅ ក្រុមហ៊ុន Huawei បានប្រកាសបង្ហាញសេរ៊ី nova 5 ចំនួន 3ម៉ូដែល ជាមួយនឹងការបំពាក់បន្ទះឈីបជំនាន់ថ្មី Kirin 810 ដែលរំពឹងបន្តមកជាហូរហែលើស្មាតហ្វូនធុនកណ្តាលក្រោយៗទៀត។
ត្រឹមតែរយៈពេល 5សប្តាហ៍នៃការប្រកាសបង្ហាញខ្លួនប៉ុណ្នោះ ក្រុមហ៊ុនយក្សរបស់ប្រទេសចិន Huawei ក៏បង្ហើបឱ្យដឹងពីតួលេខនាំចេញស្មាតហ្វូន nova 5 ដែលបានកើនឡើងដល់ 2លានគ្រឿងហើយ។ នេះរាប់បញ្ចូលទាំងការលក់ nova 5i, nova 5 និង nova 5 Pro ផងដែរ ខណៈម៉ូដែលបំពាក់កាមេរ៉ាក្រោយ ៤ គ្រាប់ nova 5i Pro ទើបលេចមុខកាលពីថ្ងៃសុក្រសប្តាហ៍មុន។
ជោគជ័យដ៏ធំសម្បើមនេះ បានឆ្លងកាត់ការលក់នៅព្រឹត្តិការណ៍ Flash Sale ចំនួន 4 លើករួចមកហើយ និងជាតួលេខរាប់តែក្នុងទីផ្សារប្រទេសចិនមួយគត់។ ការលក់បន្ទាប់នឹងបូកចូលជាមួយម៉ូដែលទី4 គឺ nova 5i Pro ដែលចាប់ផ្តើមនៅថ្ងៃទី2 សីហា ទាំងការដាក់លក់ធម្មតា និងលក់លើគេហទំព័រយក្ស JD.com និង Vmall.com៕