កាលពីពេលថ្មីៗនេះ គណៈកម្មការរៀបចំការប្រកួតបាល់ទាត់ជាតិកម្ពុជា បានធ្វើការចាប់ឆ្នោត ពានរង្វាន់ HUN SEN CUP 2019 ដែលមានការចូលរួមពីសំណាក់ក្លិបទាំង4 ដោយក្នុងនោះលទ្ធផល ចាប់ពូលគឺ បឹងកេត ត្រូវប៉ះ វិសាខា ចំណែកឯព្រះខ័នរាជស្វាយរៀង ប៉ះជាមួយនឹង ភ្នំពេញក្រោន ក្នុងវគ្គពាក់កណ្តាលផ្តាច់ព្រ័ត្រ។
ដោយការប្រកួតក្នុង វគ្គពាក់កណ្តាលផ្តាច់ព្រ័ត្រនេះ ការប្រកួតប្រព្រឹត្តទៅនៅពហុកីឡដ្ឋានជាតិ និងមានតែ 1ជើងប៉ុណ្ណោះ រួមមាន ថ្ងៃ18 ខែកញ្ញា ឆ្នាំ2019 ក្លិបវិសាខា ប្រកួតជាមួយ ក្លិបបឹងកេត វេលាម៉ោង 18:00នាទី ល្ងាច និង មួយគូទៀត ថ្ងៃ19 ខែកញ្ញា ឆ្នាំ2019 ក្លិបព្រះខ័នរាជស្វាយរៀង (ប្រកួតជាមួយ) ក្លិបភ្នំពេញក្រោន វេលាម៉ោង 18:00នាទី ល្ងាច។
មុនឡើងវគ្គពាក់កណ្ដាលផ្ដាច់ព្រ័ត្រ ព្រះខ័នរាជស្វាយរៀង បានយកឈ្នះអង្គរថាយហ្គឺរ ដោយលទ្ធផល 6ទល់0 (2ជើង)។ ភ្នំពេញក្រោន បានវាយបកឈ្នះក្រុមក្រសួងការពារជាតិ ដោយបាល់ប៉េណាល់ទី 5ទល់4 ក្រោយប្រកួត 2ជើងស្មើគ្នា 2ទល់2 ។ វិសាខា បានយកឈ្នះ គិរីវង់ ដោយលទ្ធផល 5ទល់2 (2ជើង) និងបឹងកេត បានយកឈ្នះសូលទីឡូអង្គរ ដោយលទ្ធផល 2ទល់1 (2ជើង)៕
Author: អេបិល
បឹងកេត ប៉ះ វិសាខា ព្រះខ័នរាជស្វាយរៀង ប៉ះភ្នំពេញក្រោន វគ្គពាក់កណ្តាលផ្តាច់ព្រ័ត្រក្នុងការដណ្តើមពាន HUN SEN CUP
Felix ថាលោកជ្រើសរើសកីឡាករជម្រើសជាតិ មិនមែនរើសលំៗឱ្យតែបាននោះទេ
ចំពោះបញ្ជីឈ្មោះកីឡាករជម្រើសជាតិកម្ពុជា ដែលសហព័ន្ធកីឡាបាល់ទាត់កម្ពុជា បានបញ្ចេញកាលពីថ្ងៃទី២៩ ខែកញ្ញា សប្តាហ៍មុននេះ ត្រូវបានអ្នកគាំទ្រមួយចំនួនបញ្ចេញមតិថា បានបាត់បង់កីឡាករល្អៗមួយចំនួន ដែលពួកគេគិតថាជាកីឡាករសំខាន់ក្នុងក្រុមជម្រើសជាតិ។
ដោយឡែកក្នុងកម្មវិធីនិយាយពីកីឡា ដែលរៀបចំឡើងដោយសហព័ន្ធកីឡាបាល់ទាត់ជាតិកម្ពុជា ជំនួយការ លោក Honda ដែលជាគ្រូបង្វឹកជម្រើសជាតិកម្ពុជា Felix បាននិយាយជុំវិញកីឡាករដែលមិនជាប់ជម្រើសជាតិជារួមថា លោកតាមដានកីឡាករយ៉ាងច្បាស់ ទាំងក្រៅទីលាន និងក្នុងទីលាន។ មិនថាអង្គុយកៅអីបម្រុង ឬចូលលេងនោះទេ គឺលោកមើលយ៉ាងយកចិត្តទុកដាក់បំផុត។
គួរបញ្ជាក់ដែរថា កម្ពុជា ត្រូវស្វាគមន៍ ក្រុមជម្រើសជាតិហុងកុង នៅថ្ងៃទី០៥ ខែកញ្ញា ឆ្នាំ២០១៩ និង បន្តទទួល ក្រុមជម្រើសជាតិអ៊ឺរ៉ាក់ នៅថ្ងៃទី១០ ខែកញ្ញា ឆ្នាំ២០១៩ ខាងមុខនេះ នៅពហុកីឡដ្ឋានជាតិ៕
Honda មកដល់កម្ពុជា ហើយត្រៀមដឹកនាំការហ្វឹកហាត់នៅល្ងាចនេះ
លោក Keusike Honda អ្នកចាត់ការក្រុមបាល់ទាត់ជម្រើសជាតិកម្ពុជា នឹងមកដល់កម្ពុជា នៅព្រឹក ថ្ងៃទី02 ខែកញ្ញា ឆ្នាំ2019 នេះ ដើម្បីមកដឹកនាំក្រុមគោព្រៃជម្រើសជាតិកម្ពុជាដោយផ្ទាល់ក្នុងយុទ្ធនាការប្រកួត វគ្គជម្រុះ FIFA WORLD CUP ប្រចាំពូល C នៅលើទឹកដីកម្ពុជា។ ដោយមិនបណ្តោយឱ្យពេលវេលាកន្លងហួស នៅល្ងាចថ្ងៃនេះ លោកនឹងត្រូវដឹកនាំក្រុមហ្វឹកហាត់ដោយផ្ទាល់ សម្រាប់ត្រៀមការប្រកួតមួយនេះ។
គួរបញ្ជាក់ផងដែរថា កម្ពុជា ស្ថិតនៅក្នុងពូល C នៃវគ្គជម្រុះ ជុំទី2 FIFA WORLD CUP រួមជាមួយនឹង អ៊ឺរ៉ាក់ អ៊ឺរ៉ង់ ប៉ារ៉ែន និង ហុងកុង ដោយការប្រកួតដំបូង កម្ពុជា ត្រូវជួប ហុងកុង នៅថ្ងៃទី05 និង បន្តជួប បារ៉ែន នៅថ្ងៃទី10 ខែកញ្ញា ឆ្នាំ2019៕
លោក ហ៊ុយ យ៉ាឡេង និងតារាសម្ដែងក្នុងភាពយន្ដ ”ដើម្បីកូន” បានបញ្ចប់ការថតដោយជោគជ័យ
ធ្មេចបើកៗ..ភាពយន្ដខ្នាតធំរបស់លោក ហ៊ុយ យ៉ាឡេង ដែលមានចំណងជើងថា ”ដើម្បីកូន” បានប្រកាសបិទបញ្ចប់ការថតទាំងស្រុងនៅព្រឹកថ្ងៃទី 2 ខែកញ្ញា ឆ្នាំ2019នេះ ក្នុងបរិវេណអារ៉ាមវត្តឧណ្ណាលោម។
ម្ចាស់ផលិតកម្ម កថាជ័យ រូបនេះបានដឹកនាំតារាសម្ដែងក្នុងរឿងជាច្រើនមកប្រគេនទេយ្យទានថ្វាយដល់ព្រះសង្ឃ ដើម្បីធ្វើបុណ្យឱ្យជ្រះថ្លាក្នុងព្រះពុទ្ធសាសនាមុនឱកាសភ្ជុំបិណ្ឌផងដែរ។ លោក យ៉ាឡេង ថា ភាពយន្ដនេះចំណាយពេលថតយ៉ាងយូរ ទម្រាំសម្រិតសម្រាំងប្លង់បានគុណភាព។ ភាពយន្តរឿង”ដើម្បីកូន”នេះ ត្រូវបានបញ្ចប់ការថតហើយ ដោយត្រូវបន្តរឿងកាត់ត និងតម្លើងសំលេងបន្តទៀត។ ក្នុងនោះភាពយន្តទាំងមូល ក៏គ្រោងបញ្ចាំងឱ្យទាន់ក្នុងអំឡុងពេលចុងឆ្នាំនេះ ដោយលោករំពឹងថានឹងផ្ទុះមិនអន់ជាងភាពយន្តបែបខ្មោច ភ័យរន្ធត់ និង កំប្លែង កន្លងមកផង។
សូមជម្រាបផងដែរថា រឿង”ដើម្បីកូន” ត្រូវចាត់ទុកថាគឺជាភាពយន្តជីវិត ដែលបង្ហាញពីរឿងពិតរបស់អ្នកធាក់ស៊ីក្លូម្នាក់ ដែលត្រូវភរិយាក្បត់ចិត្ត។ ក្នុងនោះម្ចាស់ផលិតកម្មផ្ទាល់ក៏បានសម្ដែងជាតួអ្នកធាក់ស៊ីក្លូ ដែលហ៑ានតស៊ូដើម្បីកូន បើទោះជាកូន និងភរិយា មិនមើលឃើញពីការប្រឹងប្រែង និងលះបង់។ លោក ហ៊ុយ យ៉ាឡេង បានប្រកាសថា បងប្អូនដែលកំពុងតែទន្ទឹងចាំការទស្សនាភាពយន្ដមួយនេះ និងគាំទ្រស្នាដៃរបស់លោកកន្លងមក កុំភ្លេចមកជួយគាំទ្រឱ្យកាន់តែច្រើននាក់ នៅថ្ងៃដាក់បញ្ចាំងតែម្ដង ព្រោះថា ការគាំទ្ររបស់បងប្អូនខ្មែរ គឺជាកម្លាំងចិត្តដ៏កាត់ថ្លៃមិនបានសម្រាប់សិល្បករ និងក្រុមអ្នកផលិតទាំងអស់ និងកុំភ្លេចប្រាប់តៗគ្នាអំពីភាពយន្ដនេះ៕
កម្មការិនីរោងចក្រម្នាក់នៅខេត្តកំពង់ឆ្នាំង មានសំណាងបានឈ្នះរង្វាន់១០០លានរៀល ពីតែបៃតង អ៊ីឈីតាន់
កម្មការរិនីរោងចក្រម្នាក់មានឈ្មោះ សុខ គា អាយុ ៣៥ឆ្នាំ រស់នៅភូមិឧកញ៉ាប៉ាង ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង បច្ចុប្បន្ន បម្រើការងារជាកម្មការិនីរោងចក្រកាត់ដេរ មានសំណាងបានឈ្នះរង្វាន់១០០លានរៀ ពីតែបៃតង អ៊ីឈីតាន់ បន្ទាប់ពីប្រើកូនប្រុសរបស់ខ្លួនដែលមានអាយុ៨ឆ្នាំទៅទិញយកមកទទួលទាន។
អ្នកស្រី សុខ គា បានរៀបរាប់ប្រាប់ក្រុមការងារដែលបានចុះប្រគល់រង្វាន់ធំដល់លំនៅដ្ឋានស្ថិតនៅភូមិសាស្ត្រខាងលើនេះថា ៖ បច្ចុប្បន្ននេះ កម្រិតជីវភាពគ្រួសាររបស់អ្នកស្រីគឺមិនសូវជាធូរធានោះទេ ព្រោះមានការងារត្រឹមតែជាកម្មកររោងចក្រទាំងពីរនាក់ប្ដីប្រពន្ធ និងធ្វើស្រែបន្តិចបន្តួចសម្រាប់ទ្រង់ទ្រង់ជីវភាពគ្រួសារប្រចាំថ្ងៃតែប៉ុណ្ណោះ។
អ្នកស្រីបានបន្តទៀតថា សម្រាប់ការឈ្នះរង្វាន់ ១០០លានរៀលពីតែបៃតងអ៊ីឈីតាន់នាពេលនេះ អ្នកស្រីស្ទើរតែមិនជឿលើភ្នែកខ្លួនឯងនោះទេ ព្រោះរាល់ថ្ងៃជាទម្លាប់នៅពេលទៅធ្វើការនៅរោងចក្រ អ្នកស្រីតែងទិញតែបៃតងអ៊ីឈីតាន់មកទទួលទានជាប្រចាំ ព្រោះអាចជួយបំបាត់ស្រេកទឹក និងជួយឱ្យមានកម្លាំង ប៉ុន្តែបានត្រូវរង្វាន់ត្រឹមមួយដបៗប៉ុណ្ណោះ។ ដោយឡែក កាលពីចុងសប្ដាហ៍កន្លងទៅនេះ បន្ទាប់ពីត្រឡប់មកពីធ្វើការវិញ អ្នកស្រីបានប្រើកូនប្រុសអាយុត្រឹម៨ឆ្នាំ ឱ្យទៅទិញតែបៃតងអ៊ីឈីតាន់ រសជាតិផ្លែទទឹម មកទទួលទាន ស្រាប់តែពេលយកមកមួលគម្របដប ក៏ឃើញមានរង្វាន់១០០លានរៀលតែម្ដង។ ភ្លាមនោះ អ្នកស្រីហាក់មិនទាន់ជឿភ្នែកខ្លួនឯងនោះទេ ហើយក៏ហៅអ្នកនៅជិតខាង និងប្ដីឱ្យជួយពិនិត្យ ទើបដឹងថាឈ្នះរង្វាន់១០០លានរៀលពិតប្រាកដមែន ហើយក៏ទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងគម្របដបតែម្ដង។ អ្នកស្រីបានបញ្ជាក់ថា ចំពោះទឹកប្រាក់រង្វាន់១០០លាន់រៀលនេះគឺមានសារសំខាន់ខ្លាំងណាស់សម្រា់គ្រួសារ ហើយក្រោយពីទទួលបានលុយរង្វាន់ ១០០ លានរៀលនេះ អ្នកស្រីនឹងយកមួយចំនួនសងបំណុលគេ ហើយទុកមួយចំនួនទៀតសម្រាប់ផ្គត់ផ្គង់ការសិក្សារបស់កូន និងបង្កើតមុខរបរសម្រាប់ដោះស្រាយជីវភាពគ្រួសារទៅថ្ងៃអនាគត។
អ្នកស្រី សុខ គា បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុនតែបៃតង អ៊ីឈីតាន់ ដែលបានបង្កើតកម្មវិធីផ្តល់សំណាងដ៏សន្ធឹកសន្ធាប់ជូនដល់អតិថិជន ជាពិសេសបានជួយផ្លាស់ប្ដូរជីវភាពគ្រួសាររបស់អ្នកស្រីឱ្យមានភាពល្អប្រសើរ។ អ្នកស្រីសូមជូនពរឱ្យក្រុមហ៊ុនតែបៃតង អ៊ីឈីតាន់ មានដំណើរការទៅមុខ និងមានអតិថិជនគាំទ្រកាន់តែច្រើន ៕
តួឯកស្រីស្រស់ប្រុសសង្ហានៅក្នុងរឿង « Hello, Love, Goodbye » បង្ហាញវត្តមានយ៉ាងកក្រើកពេញរោងកុន
សម្រែកហូរកញ្ច្រៀវពេលរោងភាពយន្ដ Major នៅផ្សារទំនើបអ៊ីអន១ នៅរសៀលថ្ងៃទី១ ខែកញ្ញា ឆ្នាំ២០១៩ ខណៈដែលតារាវ័យក្មេងស្រស់ស្អាតហ្វីលីពីន២រូបជាតួឯករឿង«សួស្ដី ស្នេហា លាសិនហើយ ឬ Hello, Love, Goodbye » ដែលជាភាពស្នេហាល្បីល្បាញនៅប្រទេសហ្វីលីពីន។
តួឯកប្រុសស្រីទាំងពីរ ត្រូវអ្នកគាំទ្រចោមរោមមកលើកទឹកចិត្តដល់រោងកុនយ៉ាងណែនតាន់តាប់ ជាពិសេសគឺជនជាតិហ្វីលីពីន ដែលរស់នៅ និងបម្រើការនៅកម្ពុជា។ តួឯកស្រីប្រុសក្នុងរឿងបានអះអាងថា ជាលើកដំបូង ដែលបានមកដល់កម្ពុជា ហើយមានអារម្មណ៍រំភើប និងពេញចិត្តជាខ្លាំងដែលមានការទទួលយ៉ាងកក់ក្ដៅបែបនេះ។ ប្រសិនមានការសម្ដែងជាមួយតារាខ្មែរ លើទឹកដីខ្មែរ និងមានផលិតករផលិតភាពយន្តឱ្យអ្នកទាំងពីរបានរួមការងារសម្ដែង អ្នកទាំងរីករាយនឹងទទួលជានិច្ច។ អ្នកទាំងពីរក៏បង្ហាញអារម្មណ៍រំភើបចង់ស្រក់ទឹកភ្នែកផងដែរ នៅពេលសម្ពោធភាពយន្តរឿង”សួស្ដី ស្នេហា លាសិនហើយ” សម្រេចដាក់បញ្ចាំងលើកដំបូងនៅកម្ពុជា ហើយមានអ្នកគាំទ្រមកគាំទ្រពួកខ្លួនកកកុញពេញមុខវេទិកាបែបនេះ។
សូមជម្រាបផងដែរថា រឿង «សួស្ដី ស្នេហា លាសិនហើយ ឬ Hello, Love, Goodbye » តួឯកស្រីគឺ កញ្ញា Kathryn Bernardo សម្ដែងជា Joy និងកំឡោះសង្ហាតឯកប្រុស Alden Richards សម្ដែងជា Ethan ។សាច់រឿងប្លែកហើយប្រទាក់ក្រឡាធ្វើឱ្យអ្នកទស្សនា សើច ញញឹម ស្រក់ទឹកភ្នែក រំភើប ក្នុងការរម្មណ៍ដោយលន្លង់លន្លោចតាមរឿងទាំងមូល។ ភាពយន្ដរយៈពេលជិត 2 ម៉ោងនេះ និយាយអំពី នាង Joy បានចាកចេញពីហ្វីលីពីនទៅធ្វើការតាមផ្ទះនៅហុងកុង ដើម្បីផ្គត់ផ្គង់គ្រួសាររបស់នាងនៅហ្វីលីពីន និងមានបំណងចង់ធ្វើចំណាកស្រុកទៅប្រទេសកាណាដា។ កំឡោះសង្ហា Ethan គឺជាអ្នកក្រឡុកស្រាខណៈដែលគាត់រង់លរដ្ឋពេញសិទ្ធនៅហុងកុង។ Joy នាងព្យាយាមគេចវេសឆ្ងាយពីទំនាក់ទំនងស្នេហារបស់ Ethan ប៉ុន្តែមិនអាចរួចផុតពីស្នេហានេះបានឡើយ។ នៅពេលនាងធ្លាក់ក្នុងអន្លង់ស្នេហ៍ហើយ ពួកគេទាំងពីរនាក់ព្រមព្រៀងគ្នាថា ទំនាក់ទំនងនឹងមានលក្ខណៈបណ្តោះអាសន្នតែប៉ុណ្ណោះ។ ប៉ុន្តែនៅពេលចំណងរបស់ពួកគេកាន់តែស៊ីជម្រៅតើពួកគេនឹងអាចរក្សាកិច្ចព្រមព្រៀងរបស់ពួកគេបានទេ?ចង់ដឹងថាសាច់រឿងស៊ីជម្រៅ គឺមានតែក្នុងរោងកុនទំនើបប៉ុណ្ណោះដែលមានដាក់បញ្ចាំងពីថ្ងៃនេះតទៅហើយ។ កុំភ្លេចកក់សំបុត្រទុកមុនណា ព្រោះកន្លែងអង្គុយមានកំណត់៕
អ្នកស្រីពាន់ ភួងបុប្ផា បង្ហាញស្នាដៃរឿងភាគថ្មី«រៃមាស» នៅលើទូរទស្សន៍ថោន គុណភាពមិនធម្មតាមែន
ទើបញ្ចេញTrailer លើបណ្តាញហ្វេសប៊ុក និងយូធូប រឿងភាគទូរទស្សន៍ថោនមានចំណងជើងថា ”រៃមាស” គេឃើញថា បានប្រមូលផ្ដុំតារាល្បីៗថ្មីចាស់មកសម្ដែង និងក៏កំពុងទាក់ទាញអ្នកនិយមទស្សនាភាពយន្តភាគខ្មែរបានច្រើនព្រោះតែជាស្នាដៃ ដែលដឹកនាំដោយផលិតករល្បីឈ្មោះអ្នកស្រី ពាន់ ភួងបុប្ផា។
រឿងភាគមួយនេះ គេឃើញមានវត្តមានចូលរួមសម្តែងដោយតារាសម្តែងប្រុសស្រីល្បីឈ្មោះជាច្រើនមានដូចជា លោក យ៉ែម សំអូន អ្នកនាង នៅ សូនីតា លោក អ៊ុន សុធា កញ្ញា ឌុច លីដា និងតារាប្រុសស្រីល្បីឈ្មោះជាច្រើនរូបទៀត ដែលធ្វើឱ្យកក្រើកហើយប្លែកអារម្មណ៍អ្នកទស្សនា។ អ្នកស្រី ពាន់ ភួងបុប្ផា អះអាងថា រឿងភាគថ្មីនេះ ឆ្លងកាត់ការផលិតយ៉ាងសម្រិតសម្រាំងអស់រយៈពេលជាច្រើនខែកន្លងមកហើយ។ ទាំងទីតាំងថត និងប្លង់នីមួយៗ សុទ្ធតែសម្រិតសម្រាំងទាំងអស់ ធ្វើយ៉ាងឱ្យរឿងមួយទទួលបានគុណភាពល្អ។ អ្នកទស្សនាហើយ ទទួលបានអារម្មណ៍ប្លែក និងសារអប់រំជីវិត។ ឈុតឆាកខ្លីៗនៅក្នុងវីដេអូ Trailer ក៏បានបង្ហាញពីរឿងរ៉ាវគ្រួសារ និងស្នេហាដ៏ស្មុកស្មាញ និងបានឆ្លុះបញ្ចាំងពីបញ្ហាដែលគ្រួសារមួយចំនួន ក្នុងសង្គមបច្ចុប្បន្នកំពុងជួបប្រទះ។
យ៉ាងណាមិញ តារាសម្តែងស្រីកូនមួយ អ្នកនាង នៅ សូនីតា និងតារាប្រុសយ៉ែម សំអូន បានលេចមុខក្នុងភាពយន្តភាគបែបមនោសញ្ចេតនាស៊ីជម្រៅមួយគឺរឿង”រៃមាស” ដែលជាភាពយន្ត ឆ្លុះបញ្ចាំងពីជិវិតពិតនេះត្រូវបានគេរំពឹងទុកថាអាចនឹងទាក់ចិត្តអ្នកទស្សនាបានច្រើនស្របពេលដែលភាពយន្តថ្មីនេះត្រៀមចាក់បញ្ចាំងលើកញ្ចក់ទូរទស្សន៍Town ក្នុងពេលឆាប់ៗនេះ។ តារាសម្តែង នៅ សូនីតា វិញបានលើកឡើងថា នាងសម្តែងជាតួអង្គនាងរៃមាស ដែលសម្តែងវ័យជាយុវវ័យផង វ័យកណ្តាលផង និងវ័យចំណាស់ផង។ រឿងនេះក៏បានឆ្លុះបញ្ចាំងពី ជីវិតស្នេហាយុវវ័យ ដែលរត់ចុះចោលផ្ទះទៅតាមសង្សារ ហើយត្រូវបានសង្សារបោះបង់ចោល រហូតជីវិតជួបស្នេហាថ្មី និងក្លាយជាតារាចម្រៀងល្បីឈ្មោះ។ អ្នកនាងថា ឈុតដែលសម្តែងគឺត្រូវមានការបត់បែនច្រើនទៅតាមវ័យព្រោះជារឿងដែលប្រើប្រាស់សំឡេងផ្ទាល់ ។ តារាស្រីរូបនេះស្នើឱ្យមានការចូលរួមគាំទ្រលើស្នាដៃ ភាពយន្តភាគខ្មែរថ្មីមួយនេះគ្រាដែលត្រៀមចាក់បញ្ចាំងនៅលើកញ្ចក់ទូរទស្សន៍Town Full HD ក្នុងពេលដ៏ខ្លីខាងមុខ៕
ស្អាតខ្លាំងម្ល៉េះ!! តារាបង្ហាញម៉ូដ ទេព មុន្នីរក្សា ពេលថតឈុតសម្អាងជាមួយតួប្រុសសង្ហា
អ្នកគាំទ្រភាគច្រើនសុទ្ធតែលាន់មាត់ តារាវ័យក្មេងមុខឃ្យូត កញ្ញា ទេព មុន្នីរក្សា ស្រស់ស្អាតប្លែកជាងមុន និងមើលទៅផូរផង់ដូចទើបតែសម្ងំកែសម្ផស្ស ជាមួយនឹងឈុតសម្អាងការ”មរកតមង្គល” នៅកណ្ដាលក្រុងតាខ្មៅ ដែលនាងទើបតែបង្ហោះក្នុងនាមជាតារាម៉ូដែលសម្រាប់សម្អាងការខ្លួនឯងផង និងជាថៅកែស្រីទាំងវ័យក្មេងផង។
តារាស្រីសប្បុរស្រអែមស្រស់រូបនេះថា ប៉ុន្មានឈុតដែលនាងបានគ្រងជាមួយម្ចាស់ពានឈុតបុរាណរូបសង្ហា លោក រុន ណាកូ ដែលបានបង្ហាញ មិនមែនចង់បង្អួតសម្រស់តែម្យ៉ាងនោះទេ ប៉ុន្តែក៏ដើម្បីសម្ញ៉ែងឈុតសម្អាងស្អាតៗ ដែលអ្នកឯកទេសរបស់នាងបានច្នៃសម្រាប់ត្រៀមរដូវកាលមង្គលការថ្មី។ នាងថាខ្លួនបានចំណាយច្រើនគួរសមក្រោយទទួលគ្រប់គ្រងសម្អាងការ”មរកតមង្គល”បន្តពីឳពុក ប៉ុន្តែឳពុករបស់នាង ក៏នៅតែឈរពីក្រោយផងដែរ ដើម្បីបង្រៀនឱ្យនាងចេះស្ទាត់ការងារ។ អ៊ីចឹងហើយទើបនាង ប្រកាសថានឹងពង្រឹងអាជីវកម្មឱ្យកាន់តែខ្លាំងក្នុងពេលដ៏ខ្លី។
តារាស្រីវ័យ ២០ ជាងផ្លាយនេះ បញ្ជាក់ថា កញ្ញាមិនសូវទទួលការងារសប្បុរសធម៌នាពេលចុងក្រោយ មិនមែនដោយសារតែហេតុផលឡើងកូដហើយផ្អាកការងារមិនទទួលកម្រៃនោះទេ ប៉ុន្តែបណ្ដាលមកពីកញ្ញាត្រូវបានលោកឳពុកប្រគល់សម្អាងការ”មរកតមង្គល” ឱ្យគ្រប់គ្រង ទើបនាងមមាញឹកខ្លាំងពិបាកដកឃ្លា។ កញ្ញាថារាល់ថ្លៃខ្លួនមិនត្រឹមតែទទួលភារៈគ្រប់គ្រងសម្អាងការមួយមុខនោះទេ ប៉ុន្តែក៏ត្រូវហាត់រៀនតែង និងហាត់រាំរបាំ ការពារនៅពេលមានតម្រូវការឲ្យកញ្ញារាំក្នុងកម្មវិធីផ្សេងៗ ហើយធ្វើមិនបានល្អផងដែរ។ យ៉ាងណាមិញកញ្ញា ក៏បានប្រកាសថានៅតែឆ្លៀតសម្ដែង និងថតស្ពត ខណៈដែលការងារសប្បុរសធម៌ កញ្ញាក៏នឹងមិនចោលផងដែរ ឱ្យតែអាចលៃពេល។ កញ្ញាទទួលស្គាល់ថា ទីផ្សារឈានឡើង តម្លៃខ្លួន ក៏ខ្ពស់ដាច់ឆ្ងាយពីមុនផងដែរ ទើបនាងត្រូវបង្ខំចិត្តលៃពេលទទួលការងារសិល្បៈផងកុំឱ្យរបូតចំណូល និងគ្រប់គ្រងសម្អាងការផង៕
តារាស្រីសំឡេងស្រទន់ វុទ្ធ សុគន្ធា ទៅសម្ដែងនៅអូស្ដ្រាលីម្ដងនេះមានសន្ទុះការគាំទ្រខ្លាំង
មានការលើកឡើងថា វុទ្ធ សុគន្ធា លេចធ្លោក្នុងគម្រោងទៅសម្ដែងនៅអូស្ត្រាលីនេះ គឺដោយសារតែតាំងពីនាងបង្ហាញខ្លួននៅលើទឹកដីសំបូរដោយកុងហ្គូរ៉ូ គឺនាងរមែងបង្ហោះរូបភាពច្រៀងរាំនៅតាមផ្ទះរបស់បងប្អូនខ្មែរ ដែលរៀបចំពិធីទទួលនាង ដោយនាងមានមុខមិនអន់ជាងតារារួមក្រុមនោះទេ ខណៈដែលក្នុងឱកាសខ្លះនាងទទួលបានការអញ្ជើញពីសំណាក់អ្នកគាំទ្រច្រើនជាងមិត្តរួមក្រុមផង។ នាងក៏ត្រូវគេអះអាងថាត្រូវបានប្អូនខ្មែរ និងអ្នកធានាទទូចឲ្យបន្តការច្រៀងនោះផង ប៉ុន្តែនាងមិនអាចបន្តបានដោយសារតែការងារក្នុងស្រុក។
កញ្ញា វុទ្ធ សុគន្ធា ទទួលស្គាល់ថា ការបង្ហាញខ្លួនមកច្រៀងលើកនេះ ទទួលបានការគាំទ្រខ្លាំងជាងមុនច្រើន បើធៀបនឹងពេលដែលនាងចេញច្រៀងក្នុងប្រទេសអូស្ត្រាលីកន្លងមក។ ក្នុងនោះសម្រាប់ឱកាសដើរកម្សាន្ត ក៍ត្រូវបានបងធម៌ៗដែលស្រលាញ់រាប់អាននាងរស់នៅទីនោះ ជូននាងដើរបានច្រើនជាងមុនផងដែរ ដោយនាងយល់ថាដំណើរលើកនេះ គឺការរាក់ទាក់ពីបងប្អូនខ្មែរ គឺកក់ក្ដៅ។
យ៉ាងណាមិញនាងមិនទាន់ប្រកាន់ថាបានទៅច្រៀងនៅប្រទេសញូហ្សេឡិន តបតាមការអញ្ជើញរបស់ស្ពុនស័រនៅឡើយទេ ដោយសារតែបញ្ហាទិដ្ឋាការនៅញូហ្សេឡិនមិនទាន់ធ្លាក់។ នាងអាចត្រលប់មកស្រុកសិន ទើបឡើងទៅវិញ ឬ អាចបន្តទៅញូហ្សេឡិនតែម្ដង បើគ្មានបញ្ហា ដោយរង់ចាំមើលភាពជាក់ស្ដែង។ ក្នុងនោះកញ្ញា ក៏មិនអាចបន្តពេលវេលាច្រៀងលើសពូថ្ងៃទី៥ កញ្ញា ខាងមុខបានដែរ ដោយសារតែការងារក្នុងស្រុកក៏ជាប់កុងត្រា មិនអាចលើកបាន។ នាងថាខ្លួនត្រូវសម្ដែង១ខែនៅអូស្រ្តាលី និង កន្លះខែនៅញូហ្សេឡិន ដោយនាងនឹងបំពេញបានតែក្នុងរយៈពេលដែលបានព្រមព្រៀងជាមួយស្ពុនស័រមុនឡើងមកប៉ុណ្ណោះ ដោយមិនអាចបង្អូសពេលបានទេ។
សូមជម្រាបថា ការបង្ហាញខ្លួនច្រៀងរាំនៅក្នុងប្រទេសអូស្ត្រាលីលើកនេះ គេកត់សម្គាល់ថាតារាចម្រៀងកញ្ញា វុទ្ធ សុគន្ធា ទទួលបានការគាំទ្រខ្លាំងមិនចាញ់តារារួមក្រុមរួមមាន លោក អេឡិច ចាន់ត្រា លោក សៅ ឧត្តម និងកញ្ញា ព្រះកាយច័ន្ទ នោះទេ។ ផ្ទុយទៅវិញ ធៀបនឹងការបង្ហាញខ្លួនចេញច្រៀងនៅក្រៅប្រទេសមុនៗ គឺនាងទទួលបានការគាំទ្រជាងមុន៕
បេប៊ី ចេញបទដំបូងនៅថោន “Be Me” ផ្ទុះហួសពីការរំពឹងទុក
ក្រោយពីបាត់មុខ មិនបានចេញបទចម្រៀងអស់មួយរយៈធំ ស្រាប់តែម្សិលមិញនេះ តារាចម្រៀង ក៏ដូចជាពិធីការិនីកញ្ញា បេប៊ី បានបង្ហាញមុខ ជាផ្លូវការធ្វើជាតារាចម្រៀងប្រចាំផលិតកម្មថោន។ ក្នុងនោះដែរ សម្រាប់ការស្វាមគន៍នៅក្នុងផលិតកម្មថោននេះ ផលិតកម្មបានបញ្ចេញបទចម្រៀងសម្រាប់តារាស្រីរូបនេះចំនួនមួយបទមានចំណងជើងថា “Be Me” ដែលជាបទចម្រៀងចង្វាក់ញាក់ កន្ត្រាក់អារម្មណ៍ ស្តាប់ទៅពិតជាពីរោះនិងទាក់ទាញខ្លាំងមែនទែន។
ទោះជាយ៉ាងណាក្តីសម្រាប់ការបង្ហាញមុខ ជាតារាផ្លូវការប្រចាំផលិតកម្មថោននេះដែរ កញ្ញា បេប៊ី បានធ្វើឲ្យមហាជន ក៏ដូចជាអ្នកគាំទ្រភ្ញាក់ផ្អើលមែនទែន ព្រោះថាកន្លងមករូបនាងគឺជាតារាឯករាជ្យ គ្មានជ្រកក្រោយផលិតកម្មណាមួយនោះទេ។ អ្នកគាំទ្រភាគច្រើនស្រម៉ៃភ្លាមៗថា នាងនឹងបញ្ចេញក្បាច់រាំបានរស់រវើក ក្នុងពេលដែលនាងក៍ជាតារាស្រីដែលលេចធ្លោទាំងរូបសម្រស់ ទឹកដមសំលេង និងក្បាច់រាំគួរឲ្យទាក់ទាញរួចទៅហើយ នាពេលកន្លងមក។ ចម្រៀងទាក់ទាញក្ដៅមួយបទនេះ គ្រោងបញ្ចេញជា MV ក្នុងពេលឆាប់ៗ ដោយប្រភពពីខាងផលិតកម្មបង្ហើបថា កញ្ញា បេប៊ី បានត្រៀមបញ្ចេញក្បាច់រាំ មិនណយនោះទេ ដើម្បីឱ្យបទចម្រៀងដំបូងរបស់នាងកាន់តែលេចធ្លោ។ ប្រភពផ្លូវការក៏បានព្រលយថា ផលិតកម្មថោន នឹងបញ្ចេញបទចម្រៀងខ្លាំងៗបន្តបន្ទាប់ដើម្បីជួយឱ្យនាងក្លាយជាគ្រាប់ពេជ្ររះថ្មីរបស់ផលិតកម្មថោន។
អ្នកគាំទ្រជាច្រើនលើកឡើងថា ត្រឹមតែមួយបទ”Be Me” តារាចម្រៀង កញ្ញា កញ្ញា បេប៊ី កន្រ្តាក់បានការចាប់អារម្មណ៍បានខ្ពស់បែបនេះទៅហើយ។ ដូច្នេះហើយទើបវត្តមានរបស់នាងនៅក្នុងផលិតកម្មថោន ពិតជាមិនលំបាកនោះទេ ដើម្បីក្រសោបប្រជាប្រិយឈានឡើង។ប្រសិនបើថោនប្រើយុទ្ធសាស្ត្រលើកស្ទួយតារាស្រីរូបនេះ ឱ្យមានបទល្អៗដូចជាបទ”Be Me” តែមួយប្រាវទៀត ពិតណាស់ថា កញ្ញា បេប៊ី នឹងក្លាយជាតារាជួរមុខម្នាក់ដោយមិនបាច់រុញច្រើន។
ចង់ដឹងថា បទបើកឆាក”Be Me”ដែលកំពុងទទួលបានការចាប់អារម្មណ៍នេះ ពិរោះ និងប្លែកត្រចៀកប៉ុណ្ណា សូមរីករាយស្ដាប់កម្សាន្ត៖
