វីវរហើយ! ផលិតកម្មថោន កោះហៅលោក ខេម ទៅដោះស្រាយគ្នា ទាក់ទងការចេញទៅច្រៀងនៅផលិតកម្មផ្សេង

ជារឿងដ៏គួរឱ្យភ្ញាក់ផ្អើលមួយ ​ព្រោះផលិតកម្ម ថោន ដែលជាអតីតទ្រនំសុខសាន្តរបស់តារាចម្រៀង ខេម ស្រាប់តែចេញសេចក្ដីជូនដំណឹងឱ្យលោក ខេម ចូលខ្លួនទៅដោះស្រាយជាមួយផលិតកម្ម ព្រោះតែតារារូបនេះ ចេញទៅច្រៀងនៅផលិតកម្មផ្សេងទាំងមិនទាន់ចប់កុងត្រា។ ​

តាមការប្រកាសជូនដំណឹងបានឱ្យដឹងថា កុងត្រាការងាររបស់តារាចម្រៀងរូបនេះជាមួយផលិតកម្ម​ថោន គឺត្រូវផុតនៅចុងខែធ្នូឆ្នាំ 2020 ឯណោះ។ ការណាត់ជួបនឹងធ្វើឡើងនៅថ្ងៃ25 ខែសីហា ឆ្នាំ2020 វេលាម៉ោង15 រសៀលជាកំហិត។ រហូតមកទល់ពេលនេះ យើងនៅមិនទាន់ទទួលបានការបំភ្លឺពីលោក ខេម ថាលោកនឹងចូលខ្លួនដោះស្រាយទៅតាមការស្នើពីផលិតកម្មឬយ៉ាងណានោះទេ៕