នៅពេលថ្មីៗនេះ គេមើលឃើញថា ប្រធានបទទឹកភ្លើង បច្ចុប្បន្ននេះកំពុងតែក្លាយជាប្រធានបទទី ១ ដែលមានការចាប់អារម្មណ៍នៅលើបណ្ដាញសង្គមហ្វេសប៊ុក ជាពិសេស អ្នកលេងបណ្ដាញសង្គមជាច្រើន បានបង្ហោះគ្រប់រូបភាពពីបញ្ហាដាច់ទឹកដាច់ភ្លើង។ ក្នុងនោះដែរ លោក គួច ខេវិន ដែលជាមនុស្សម្នាក់លេចធ្លោក្នុងចង្កោមសិល្បៈ ក៏បានលើកឡើងពីបញ្ហានេះ ខណៈដែលមិត្តភ័ក្ដិជនជាតិ សឹង្ហបុរីរបស់លោកមកលេងផ្ទះ។
ផ្អែកតាមគណនីហ្វេសប៊ុករបស់អ្នកដឹកនាំកម្មវិធី គួច ខេវិន បានសរសេរនៅហ្វេសប៊ុករបស់ខ្លួនថា ៖ មានមិត្តភក្តិម្នាក់មកពីសឹង្ហបុរីបានខ្ញុំសួរថា : កម្ពុជា ជាប្រទេសដែលពោរពេញទៅដោយធនធានធម្មជាតិ មានទន្លេទឹកសាបខ្វែងខ្វាត់ដូចជាទន្លេមេគង្គ ទន្លេសាប ទន្លេបាសាក់ មាន បឹងបួរ ព្រែក ស្ទឹងរាប់មិនអស់ មានប្រភពទឹកក្រោមដីស្ទើរគ្រប់ទីកន្លែង មានទឹកប្រភពទឹកជ្រោះធំៗ បង្កើតវារីអគ្គីសនីបាន តែហេតុអីបានជាប្រទេសតូចមួយនេះបែរជាខ្វះថាមពលអគ្គីសនី និងខ្វះទឹកស្អាតប្រើប្រាស់ដូច្នេះទៅវិញ ? កម្ពុជាកំពុងតែអភិវឌ្ឍន៍ នៅក្នុងតំបន់អាស៊ី តើក្រសួងផែនការ ក្រសួងរ៉ែនិងថាមពល ក្រសួងធនធានទឹក បានរៀបចំផែនការអភិវឌ្ឍន៍ជាមុន ទៅតាមកំណើន សេដ្ឋកិច្ច កំណើនប្រជាជននៅក្នុងប្រទេសរបស់ខ្លួនដែរឬអត់ ឬមួយក៏ពួករដ្ឋមន្ត្រីទាំងនោះ ដើរមួយជំហ៊ាន គិតមួយចំអាម ?ឬមួយពួកគេជាមន្ត្រីរង់ចាំបញ្ជារ ?
បើដូច្នេះមែនមន្ត្រីទាំងអម្បាលម៉ាននោះហាក់ដូចជាគ្មានសមត្ថភាពទទួលខុសត្រូវអ្វីសូម្បីតែបន្តិចសោះ??? ប្រជាជនជាអ្នកប្រើប្រាស់ អគ្គីសនី ប្រើប្រាស់ទឹក មានលុយសម្រាប់ទិញសោះ ម៉េចក៏ពិបាកជាងសុំគេប្រើ free free យ៉ាងអញ្ចឹង??? ក្នុងនាមខ្ញុំជាជនជាតិខ្មែរ ម្ចាស់ប្រទេសអច្ចរិយៈមានការខ្មាស់អៀនមិត្តភក្តិបរទេស ដែលបានមកលេងខ្ញុំដល់ផ្ទះ តែត្រូវមកអង្គុយបក់ផ្លិត និងជួយយោងទឹកសម្រាប់ចាក់បង្គន់ទៅវិញ...ហើយខ្មាសអៀនបំផុតត្រង់ពាក្យសម្តីគេថា”មានលុយហើយពិបាកទិញ” តើមានមិត្តៗ ឬក៏រដ្ឋមន្ត្រីក្រសួងណា អាចផ្តល់ចម្លេីយ បានហ្អត់ ណ៎??? សូមជួយShareមួយផង🙏ឬក៏ដូចតែសម្តីមន្ត្រី តែតែ!ស្ករស្ករ! និយាយថា ៣ឆ្នាំ ៨ខែ ២០ថ្ងៃ ក្នុងរបបអាពត អត់ទឹកស្អាត អត់ភ្លើងអគ្គីសនី ម៉េចក៏អាចរស់បាន? ហ្អើយ!!!បើអ៊ីចឹងមែននោះ ?????🙊
